पुणे महानगरपालिकेने, बर्नार्ड व्हॅनलीर फाऊंडेशन आणि इजीस इंडिया यांच्या सहकार्याने  २६ फेब्रुवारी ते ५ मार्च २०२३ या कालावधीत पुण्यातील पहिला बालोत्सव सप्ताह आयोजित करण्यात येत आहे. मुखत्वे ०-६वयोगटातील मुले व त्यांचे सांभाळकर्ते यांच्यासाठी पहिला बालोत्सव (किड्स फेस्टिव्हल) पुण्यात सुरु होत
आहे! २६ फेब्रुवारी २०२३पासूनबालोत्सव (किड्स फेस्टिव्हल) सप्ताह सुरू होत आहे आणि मुख्य कार्यक्रम रविवार ५ मार्च २०२३ रोजी सारसबाग, सदाशिव पेठ येथे होणार आहे.

पुणे महानगरपालिकेने अलीकडील 2 ते 3 वर्षात अर्बन 95 कार्यक्रमांतर्गत विविध बाल स्नेही प्रकल्प राबवलेआहेत. त्यामुळे बालस्नेही शहर अशी पुण्याची ओळख निर्माण होते आहे. अर्बन ९५ कार्यक्रमांतर्गत विकसित करण्यात आलेल्या लहान मुलांच्या विकासाबाबत कार्यक्रमवत्यास अनुसरून बालस्नेही प्रकल्पाबद्दल अधिक जागरूकता निर्माण करण्यासाठी पुणे महानगरपालिकेने या किड्स फेस्टिव्हलचे आयोजन केले आहे. बालोत्सव सप्ताहाची तयारी अंतिम टप्प्यात आहे.

 या दरम्यान चित्रकला, लहान मुलांच्या गोष्टी जबाबदार पालकत्वाचे तंत्रआणिओरिगामीचे कार्यक्रम यासारखे अनेक उपक्रम आयोजित केले जातील. मुख्य कार्यक्रमाच्या अगोदर बालोत्सव सप्ताहात ४ दिवस दररोज २ तासांच्या कार्यक्रमाचे आयोजन केले जाईल. कोंढवा येथील साळुंखे विहार सोसायटीजवळील अनसूया सदा बालोणकर गार्डन येथे दि.२६ फेब्रुवारी २०२३ रोजी रविवारपासून सकाळी १०:०० ते दुपारी १२:०० वाजेपर्यंत दि.२८ फेब्रुवारी २०२३ रोजी लुंबिनी गार्डन, महाराष्ट्र सहकारी गृहनिर्माण संस्था, येरवडा येथे दुसरा कार्यक्रम दुपारी ०४ : ०० ते ०६:०० वाजता आयोजित केला जाईल. तिसरा कार्यक्रम दि. १ मार्च २०२३ रोजी राजीव गांधी प्राणी उद्यान, कात्रज येथे सकाळी १०:०० ते दुपारी १२:०० या वेळेत आयोजित केला जाईल. चौथा कार्यक्रम चिल्ड्रन ट्रॅफिक पार्क, ब्रेमेन चौक, औंध येथे दि. ३ मार्च २०२३ रोजी सकाळी १०:०० ते दुपारी १२:०० या वेळेत होणार आहे. किड्स फेस्टिव्हलचा मुख्य कार्यक्रम सारसबाग, सदाशिव पेठ येथे ५ मार्च २०२३, रविवारी सकाळी १०:०० ते संध्याकाळी ६:०० वेळेत आयोजित करण्यात आला आहे.

 किड्स फेस्टिव्हल सप्ताहामध्ये नियोजित सर्व उपक्रमांसाठी ०-६ वयोगटातील मुले व त्यांच्या सांभाळकर्त्यांसाठी विनामूल्य प्रवेश असेल. दरम्यान, बालोत्सवाची माहिती पुणे मनपाच्या वेबसाइटवर आणि लोकांसाठी सोशल मीडिया हँडलवर ऑनलाइन अपलोड केली जाईल.

 विक्रमकुमार, पुणे महानगरपालिकेचे आयुक्त म्हणाले, “मला खात्री आहे की किड्स फेस्टिव्हल हा पुणे शहरातील वार्षिक सांस्कृतिक उत्सवांपैकी एक म्हणून साजरा केला जाईल. आम्हाला अभिमान आहे की बर्नार्ड व्हॅनलीर फाऊंडेशन सोबतची आमची भागीदारी पुण्याला बालक आणि त्याच्या कुटुंबास अनुकूल असे शहर बनवण्यात यशस्वी होत आहे.”

रुश्दामजी द बर्नार्ड व्हॅनलीर फाऊंडेशनच्या मुख्य उपक्रम अधिकारी म्हणाल्या, संपूर्ण पुणे शहरात बालआणिकौटुंबिक विकासाचा हा विस्तृत झालेला उपक्रम पाहून मला आनंद झाला. शहर विकास आणि व्यवस्थापनाच्या केंद्रस्थानी बालक आणि त्याच्या कुटुंबाच्या विकासाला प्राधान्य देऊन पुणे देशातील इतर शहरांसाठी एक आदर्श शहर म्हणून ओळख निर्माण करत आहे. शहरीकरणामध्ये लहान मुले आणि त्याच्या कुटुंबाच्या गरजा पुरविण्याच्या दिशेने अर्बन 95 पुणे बालोत्सव (किड्स फेस्टिव्हल) हे एक महत्वाचे पाऊल आहे.

अर्बन 95 बद्दल: अर्बन 95 हा बर्नार्ड व्हॅनलीर फाऊंडेशनने 2016 मध्ये लहान मुलांच्या जीवनाला आकार देणारी लँडस्केप आणि संधी बदलण्यात मदत करण्यासाठी तयार केलेला एक उपक्रम आहे. या उपक्रमाच्या मध्यभागी प्रश्न आहे “जर तुम्ही 95cm पासून शहराचा अनुभव घेऊ शकता, तर तुम्ही काय बदलाल?” शहराचे नेते, नियोजक, वास्तु विशारद आणि नवोन्मेषकांसह काम करून, Urban95 जगभरातील शहरांमधील डिझाइन निर्णयांच्या केंद्रस्थानी हा दृष्टीकोन आणण्यात मदत करत आहे.