PMC : Purchase of 80 lit buckets : नगरसेवकांच्या मागणीनुसार विविध प्रभागांसाठी 80 लिटरच्या बकेटची खरेदी  : 80 लाखाचा येणार खर्च ; स्थायी समितीची मान्यता 

Categories
PMC पुणे
PMC : Purchase of 80 lit buckets : नगरसेवकांच्या मागणीनुसार विविध प्रभागांसाठी 80 लिटरच्या बकेटची खरेदी  : 80 लाखाचा येणार खर्च ; स्थायी समितीची मान्यता 
Spread the love

नगरसेवकांच्या मागणीनुसार विविध प्रभागांसाठी 80 लिटरच्या बकेटची खरेदी

: 80 लाखाचा येणार खर्च ; स्थायी समितीची मान्यता

पुणे : शहरातील विविध प्रभागासाठी नगरसेवकांच्या मागणीनुसार 80 लिटरच्या बकेटची खरेदी करण्यात येणार आहे. निविदेच्या 12.50% अधिक दराने ही खरेदी होईल. यासाठी 80 लाखांचा खर्च अपेक्षित आहे. याबाबतच्या प्रस्तावास नुकतीच स्थायी समितीच्या बैठकीत मान्यता देण्यात आली आहे.

: 2019-20 खरेदी नाही झाली

 पुणे महानगरपालिकेच्या विविध प्रभागांसाटी 80 लिटरच्या  प्लास्टिक बकेट झाकणासह खरेदी करणे, याकामी विविध  सभासदाची मागणी प्राप्त आलेनुसार मध्यवर्ती भांडार कार्यालयमार्फत निविदा प्रक्रिया राबविण्यात आलेली होती. कोरोना विषाणूचे प्रादुर्भावाने निर्माण झालेल्या परिस्थितीमुळे मध्यवर्ती भांडार कार्यालयाकडून सन 2020-21 मध्ये 80 – लिटर क्षमतेच्या प्लास्टिक बकेटची खरेदी झालेली नाही. सन 2019-20 मध्ये खरेदी केलेल्या 80 लिटर क्षमतेच्या प्लास्टिक बकेट करिता 590.40 असा दर प्राप्त झालेला असून विषयांकित निविटेकामी सदर दर ग्राह्य धरून पूर्वगणक पत्रक तयार करण्यात आलेले आहे. पुणे महानगरपालिकेच्या विविध प्रभागांसाठी 80 – लिटर क्षमतेच्या प्लास्टिक बकेट झाकणासह खरेदी करणे या कामासाठी दिनांक 5 ऑक्टोबर  रोजी जाहीर निविदा प्रसिध्द करण्यात आली. त्यामध्ये एकही निविदाधारकाने सहभाग न घेतल्याने सदर निविदेस उप आयुक्त, मध्यवर्ती भांडार यांचे मान्यतेने फेर निविदा प्रक्रिया राबविण्यात आलेली आहे. सदर कामी फेर निविटा राबविल्यानंतरही एकाही निविदाधारकाने सहभाग न घेतल्याने सदर फेर निविदेस मा. उप आयुक्त, मध्यवर्ती भाडार यांचे मान्यतेने मुदतवाढ दिली असता एकूण 03 निविदा प्राप्त झालेल्या होत्या.

: पायल इंडस्ट्रीज ला काम

निविदेमध्ये प्राप्त झालेले दर हे निविदेच्या पूर्वगणन पत्रक 71. लक्ष पेक्षा 15.00% ने जास्त असल्याचे निदर्शनास आल्याने मध्यवर्ती भांडार कार्यालयाने सदर निविदेमधील जास्त आलेले दर कमी करण्यासाठी मे. पायल इंडस्ट्रीज यांना  16/11/2021 रोजी पत्र दिले. त्यानुसार मे. पायल इंडस्ट्रीज यांनी सदर निविदेकरिता प्रसिध्द करण्यात आलेले दर – र.रु. 590.40 प्रती नग हा दर 2 वर्षापूर्वीचा असल्यामुळे व सद्यस्थितीत प्लास्टिकच्या कच्च्या मालाचे भाव वाढले असल्याने दरवाढ झालेली आहे. तरी सुद्धा आमच्या संस्थेने 15% जास्त 2.50% कमी करून 12.50% जास्त दराने निविदेकामी काम करण्यास तयार असल्याचे  कळविले आहे.
विषयांकित निविदा पुणे मनपाच्या  सभासदांच्या मागणीनुसार राबविण्यात आलेली असून संबंधित मा.सभासद हे 80 – लिटर क्षमतेच्या प्लास्टिक बकेटचा पुरवठा करणेसाठी आग्रही आहेत. 80 – लिटर क्षमतेच्या प्लास्टिक बकेटची खरेदी केल्यास विविध प्रभागातील ओला व सुका कचरा वर्गीकरणासाठी मदत होणार आहे. मे. पायल इंडस्ट्रीज यांनी सदर निविदेकरिता 12.50% जास्त दराने निविदेकामी काम करण्यास तयार असल्याचे कळविलेनुसार मध्यवर्ती भांडार कार्यालयाने दराबाबत शहानिशा करणेकामी GeM पोर्टल या शासनमान्य संकेतस्थळावरील सद्यस्थितील 80 – लिटर क्षमतेच्या प्लास्टिक बकेटचे दर तपासले असता त्याचे र.रु 733/- प्रती नग असल्याचे आढळून आले. बाजारामधील 80 – लिटर क्षमतेच्या प्लास्टिक बकेटच्या दराचा विचार करता विषयांकित निविदेमधील प्राप्त दर बाजारभावाशी सुसंगत आहेत. सदर खरेदी कामी रक्कम रु. – 79,87,500/- ( सर्वकरांसह ) इतका खर्च येणार आहे. यासाठी सन 2021 – 22 च्या विविध मा. सभासदांची वॉर्डस्तरीय व ‘स’ यादीमधील अर्थशीर्षकावर पुरेशी तरतूद उपलब्ध आहे. त्यानुसार याला स्थायी समितीने मान्यता दिली आहे.

Leave a Reply

Categories