Tag: Baburaoji gholap college

Baburaoji Gholap College | दिल्लीत होणार्‍या पथसंचलनासाठी राष्ट्रीय छात्र सेनेची छात्र कु. अनुष्का सचिन साठे हिची निवड

Categories
Breaking News Education social पुणे

Baburaoji Gholap College | दिल्लीत होणार्‍या पथसंचलनासाठी राष्ट्रीय छात्र सेनेची छात्र कु. अनुष्का सचिन साठे हिची निवड

 

Baburaoji Gholap College | पुणे जिल्हा शिक्षण मंडळाच्या (PDEA) बाबुरावजी घोलप महाविद्यालयातील (Baburaoji Gholap College) राष्ट्रीय छात्र सेनेची छात्र कु. अनुष्का सचिन साठे हिची प्रजासत्ताक दिनाला कर्तव्यपथ (राजपथ) दिल्ली येथे होणाऱ्या संचलनासाठी निवड झाली आहे.
महाराष्ट्रातून १२२ कॅडेटची या संचलनासाठी निवड झाली आहे. त्यात पुणे ग्रुप मधून २९ कॅडेटची निवड झाली असून त्यामध्ये २ महाराष्ट्र बटालियनचे १५ कॅडेटची निवड झाली आहे.

यामध्ये अमरावती, औरंगाबाद, कोल्हापूर, नागपुर, मुंबई अ, मुंबई ब आणि पुणे यांचा समावेश असतो. यात कु. अनुष्का सचिन साठे ही बाबुरावजी घोलप महाविद्यालयाची व २ महाराष्ट्र बटालियन एनसीसी ची छात्र आहे. तिने तीन महिन्यांच्या मेहनतीत दहा दिवसांचे एक शिबीर असे दहा शिबिरे पूर्ण केले आहे. सदर कॅम्पमध्ये मेहनत, परिश्रम व नियमित सराव करून दिल्लीला पोहचली असून पुणे एनसीसी ग्रुप, २ महाराष्ट्र बटालियन एनसीसी पुणे, बाबुरावजी घोलप महाविद्याय तसेच पुणे-पिंपरी चिंचवड शहराचे नाव उंचविले आहे.

राष्ट्रीय पथसंचलनासाठी निवड होणे महाविद्यालयाच्या दृष्टीने अभिमानाची बाब असल्याचे मत प्राचार्य डॉ. बाळकृष्ण झावरे यांनी व्यक्त केले. कर्तव्य पथ (राजपथ) दिल्ली येथे होणाऱ्या संचलनासाठी मला संधी मिळणे हे माझ्यासह कुटुंबीयांसाठी गौरवाची बाब आहे, खूप सरावानंतर ही संधी मला मिळाली आहे, त्यामुळे माझे व माझ्या घरच्यांचे स्वप्न पूर्ण झाले असल्याचे छात्र कु. अनुष्का सचिन साठे हिने सांगितले.

एनसीसी युनिट महाविद्यालयामध्ये शैक्षणिक वर्ष २०१६ मध्ये सुरू झाले असून अनेक छात्रांची सैन्यदल, पोलीसदल व अग्निशामक दलात निवड झाली आहे. तसेच आतापर्यंत पाच छात्रांची कर्तव्य पथ (राजपथ) दिल्ली येथे होत असलेल्या पथसंचलनासाठी निवड झालेली असून आमच्यासाठी कौतुकास्पद व अभिमानाची बाब आहे, अशी माहिती एनसीसी युनिटचे प्रमुख लेफ्टनंट डॉ.विठ्ठल नाईकवाडी यांनी दिली.
महाविद्यालयाचे प्राचार्य डॉ. बाळकृष्ण झावरे, २ महाराष्ट्र बटालियनचे कमाडिंग ऑफिसर कर्नल मंदीप सिंग, अँडमीन ऑफिसर कर्नल सुमेन्तो सेन, एसएम जसपाल सिंग, डीआय इंस्ट्रक्टर विजय सिंग व एनसीसी युनिटचे प्रमुख लेफ्टनंट डॉ.विठ्ठल नाईकवाडी यांच्याकडून छात्र कु. अनुष्का सचिन साठे हिला प्रोत्साहन व मार्गदर्शन मिळाले.

पुणे जिल्हा शिक्षण मंडळाचे अध्यक्ष मा.अजितदादा पवार साहेब, उपाध्यक्ष मा.राजेंद्र घाडगे, मानद सचिव मा. अँड संदीप कदम, खजिनदार मा.मोहनराव देशमुख, उपसचिव मा. एल.एम.पवार, सहसचिव मा.ए.एम.जाधव, प्राचार्य डॉ. बाळकृष्ण झावरे, उपप्राचार्या डॉ. संगीता जगताप, एनसीसी युनिटचे प्रमुख लेफ्टनंट डॉ.विठ्ठल नाईकवाडी यांनी निवड झालेल्या कॅडेटचे कौतुक करून दिल्लीच्या संचलनास सुभेच्छा दिल्या.

Baburaoji Gholap College | “शांतता, पुणेकर वाचत आहेत” या उपक्रमास बाबुरावजी घोलप महाविद्यालयात उत्स्फूर्त प्रतिसाद 

Categories
Breaking News Education social पुणे

Baburaoji Gholap College | “शांतता, पुणेकर वाचत आहेत” या उपक्रमास बाबुरावजी घोलप महाविद्यालयात उत्स्फूर्त प्रतिसाद

 

Baburaoji Gholap College | बाबुरावजी घोलप महाविद्यालयात (Baburaoji Gholap College) ग्रंथालय विभागाच्या वतीने सदर उपक्रमाचे आयोजन करण्यात आले होते.शासनाच्या या अभिनव उपक्रमामध्ये वाचन संस्कृती वृद्धिगत होण्यासाठी तसेच उत्तम आणि जागृत नागरिक बनण्यासाठी मिसाईल मॅन एपीजे अब्दुल कलाम, राजमाता जिजाऊ, छत्रपती शिवाजी महाराज, महात्मा फुले, डॉ. बाबासाहेब आंबेडकर,असंख्य महापुरुषांच्या आत्मचरित्राचे तसेच युवकांना उद्योग जगतातील नाविन्यपूर्ण क्षेत्रांमध्ये असलेल्या संधी या संदर्भात नव वाचनाचे व्यासपीठ या उपक्रमांतर्गत उपलब्ध करून देण्यात आले. या उपक्रमात प्राध्यापक व विद्यार्थी वर्ग सहभागी झाला होता. त्यांनी आपल्या आवडीचे पुस्तके ग्रंथालयातून घेऊन वाचन केले. ग्रंथालयातील कर्मचारी वर्गाने त्यांच्या आवडीचे पुस्तके पुरविली व वाचन करण्यास प्रोत्साहित केले. (Pune Book Festival)

महाविद्यालयाचे प्राचार्य डॉ. बाळकृष्ण झावरे यांनी विद्यार्थी व प्राध्यापक वर्गास मार्गदर्शन करताना वाचन संस्कृती जपणे किती महत्त्वाचे आहे ? तसेच या थोर महापुरुषांच्या व्यक्तिमत्त्वातून विद्यार्थी अवस्थेत आपल्याला योग्य मार्ग मिळण्यास मदत होते. त्यातून आपले उर्वरित आयुष्य जडणघडणीमध्ये मदत होते. यासंदर्भात मार्गदर्शन करून स्वतः वाचनात सहभागी झाले. लेफ्टनंट तथा ग्रंथपाल डॉ. विठ्ठल नाईकवाडी यांनी ग्रंथालयामध्ये विद्यार्थ्यांनी आपली वाचनाची आवड जोपासण्यासाठी स्वतः सहभागी व्हावे असे प्रेरित विद्यार्थ्यांना केले. सदर उपक्रमाचे प्रस्ताविक प्रा. संतोष सास्तुरकर यांनी केले व आभार प्रा. भास्कर घोडके यांनी मानले. या उपक्रमामध्ये प्राचार्य डॉ. बाळकृष्ण झावरे, आयक्युएस्सी समन्वयक डॉ. संगीता जगताप, डॉ. विठ्ठल नाईकवाडी, डॉ. जितेंद्र वडशिंगकर, प्रा. संतोष सास्तुरकर, प्रा. भास्कर घोडके, श्री सुनील भोसले श्री .प्रणित पावले, श्रीमती मनीषा कुंभार, श्री किरण कळमकर, श्री योगेश मदने, श्री बाबाजी गायकवाड उपस्थित होते. या अभिनव उपक्रमाला युवा वाचक विद्यार्थ्यांचा मोठ्या प्रमाणावर प्रतिसाद होता

Librarian Day | Baburaoji Gholap College | बाबुरावजी घोलप महाविद्यालयात ग्रंथपाल दिवस उत्साहात साजरा

Categories
Breaking News Education पुणे

Librarian Day | Baburaoji Gholap College | बाबुरावजी घोलप महाविद्यालयात ग्रंथपाल दिवस उत्साहात साजरा

| ग्रंथालयाचा सॉफ्टटेक सोल्युशन आणि सर्व्हिसेस या कंपनीशी सामंजस्य करार

Librarian Day | Baburaoji Gholap College |बाबुरावजी घोलप महाविद्यालयातील (B R Gholap College) ग्रंथालयाचा सॉफ्टटेक सोल्युशन आणि सर्व्हिसेस या कंपनीशी सामंजस्य करार करून ग्रंथपाल दिवस (Librarian Day) उत्साहात साजरा करण्यात आला. (Librarian Day | Baburaoji Gholap College)

१२ ऑगस्ट हा दिवस भारतातील ग्रंथालय शास्त्राचे जनक पद्मश्री डॉ. एस.आर.रंगनाथन यांचा जन्मदिवस. त्यांच्या स्मरणार्थ हा दिवस ‘ग्रंथपाल दिवस’ म्हणून साजरा केला जातो. त्यांनी विकसित केलेली ग्रंथालय शास्त्राची पाच सूत्रे अत्यंत महत्वाची आहेत.१. ग्रंथ उपयोगासाठी आहेत. २. प्रत्येक वाचकाला त्याचा ग्रंथ मिळाला पाहिजे. ३. प्रत्येक ग्रंथाला त्याचा वाचक मिळाला पाहिजे. ४. वाचकाचा वेळ वाचला पाहिजे. ५. ग्रंथालय ही वर्धिष्णू संस्था आहे. त्यांनी ग्रंथालय आणि माहितीशास्त्रामध्ये अनेक प्रकारचे सिध्दांत विकसित केले आहे. विविध विषयांचे वर्गीकरण, तालिकाकरण व वाचकांच्या दृष्टीने उपयुक्त असे शास्त्रीय पद्धतीचे पुस्तकांची मांडणी यावर अनेक प्रकारचे पुस्तके लिहिले आहेत. त्याचा उपयोग भारतात सर्व ग्रंथालयामध्ये होतो आहे.

मा. प्राचार्य डॉ. बाळकृष्ण झावरे व ‘सॉफ्टटेक सोल्युशन आणि सर्व्हिसेस’ चे संचालक श्री चेतन टाकसाळे यांच्या हस्ते प्रतिमा पूजन केले. प्राचार्य यांनी विद्यार्थी व प्राध्यापक यांना मार्गदर्शन केले. डॉ. विठ्ठल नाईकवाडी यांनी डॉ. एस.आर.रंगनाथन यांच्या कार्याबद्दल माहिती दिली. पद्मश्री डॉ. एस. आर. रंगनाथन यांच्या जयंतीचे अवचित्य साधत बाबुरावजी घोलप महाविद्यालयातील ग्रंथालयाचा ‘सॉफ्टटेक सोल्युशन आणि सर्व्हिसेस’ या कंपनीशी सामंजस्य करार करण्यात आला. आधुनिक युगात माहिती आणि तंत्रज्ञान या क्षेत्रात या कंपनीचे चांगले काम असून त्यांनी अनेक ग्रंथालयांमध्ये कोहा, ई-ग्रंथालय, डी-स्पेस इत्यादी सॉफ्टवेअरच्या माध्यमातून डिजिटल ग्रंथालय, इन्स्टिट्यूटशनल रिपोझिटरी, युजर ट्रेकिंग सारख्या सिस्टिम विकसित केल्या आहेत.


नवीन शैक्षणिक धोरणात कौशल्य आधारीत व ऑनलाइन शिक्षणाला ज्यास्त महत्व देण्यात आले आहे. या धोरणात ‘चॉईस बेस्ड क्रेडिट सिस्टीम’ मध्ये विद्यार्थ्यांना त्यांच्या निवडीचे विषय घेऊन कुठल्याही महाविद्यालयातून किंवा युजीसीने विकसित केलेल्या स्वयंम या प्लॅटफॉर्मच्या माध्यमातून क्रेडिट पूर्ण करता येतील. बदलत्या शैक्षणिक वातावरणात वाचकांच्या बदलत्या गरजांनुसार ग्रंथालय सेवांमध्ये बदल करावा लागेल. अश्या परिस्थितीत निश्चितपणे या सामंजस्य कराराचा मोठा फायदा या महाविद्यालयाला होईल अशी माहिती ग्रंथपाल डॉ. विठ्ठल नाईकवाडी यांनी व्यक्त केले.

बाबुरावजी घोलप महाविद्यालय हे शहराच्या मध्यवर्ती भागात असल्याने ग्रंथालय व ग्रंथपाल यांना उपयुक्त असणारे विविध उपक्रम या कराराच्या माध्यमातून राबवता येतील असा मानस ‘सॉफ्टटेक सोल्युशन आणि सर्विसेस’ या कंपनीचे प्रमुख श्री चेतन टाकसाळे यांनी व्यक्त केला.

नवीन शैक्षणिक धोरणात विद्यार्थी उपयुक्त अनेक प्रकारच्या नाविन्यपूर्ण ग्रंथालय सेवा देण्यास या सामंजस्य कराराचा नक्कीच फायदा होईल असे प्रतिपादन प्राचार्य डॉ. बाळकृष्ण झावरे यांनी केले. प्राचार्य यांनी कराराचे स्वागत करून पुढील नाविन्यपूर्ण उपक्रमास शुभेच्छा दिल्या.
सदर प्रसंगी प्राचार्य डॉ. बाळकृष्ण झावरे, उपप्राचार्य डॉ. लतेश निकम, आयक्यूएस्सी समन्वयक डॉ.संगीता जगताप, ग्रंथपाल डॉ. विठ्ठल नाईकवाडी, डॉ.राणी भगत, डॉ. विजय घाडगे, प्रा. ज्ञानेश्वर जांभुळकर, श्री सचिन शितोळे, ग्रंथालयातील कर्मचारी श्रीमती मनीषा कुंभार, श्री योगेश मदने, श्री किरण कळमकर, श्री बाबाजी गायकवाड आदी उपस्थित होते.

Gholap College| बाबुरावजी घोलप महाविद्यालयामध्ये मराठी भाषा गौरव दिन उत्साहात साजरा

Categories
Breaking News cultural Education social पुणे

बाबुरावजी घोलप महाविद्यालयामध्ये मराठी भाषा गौरव दिन उत्साहात साजरा

| छत्रपती शिवरायांचे भाषाविषयक धोरण आजही मार्गदर्शक – प्राचार्य डॉ. बाळकृष्ण झावरे

सांगवी येथील पुणे जिल्हा शिक्षण मंडळाचे बाबुरावजी घोलप महाविद्यालयामध्ये कवी वि. वा. शिरवाडकर तथा कुसुमाग्रज यांच्या जन्मदिनाचे औचित्य साधून विविध उपक्रमांचे आयोजन करत जागतिक मराठी भाषा गौरव दिन मोठ्या उत्साहात साजरा करण्यात आला.

याप्रसंगी महाविद्यालयातील मराठी विभाग व ग्रंथालय विभाग यांच्या संयुक्त विद्यमाने प्रा. संजय टाक यांच्या ‘छत्रपती शिवरायांचे भाषाविषयक धोरण व आजची मराठी‘ या विषयावर विशेष व्याख्यानाचे आयोजन करण्यात आले. महाविद्यालयाचे प्राचार्य डॉ. बाळकृष्ण झावरे यांच्या हस्ते या व्याख्यानाचे उद्घाटन करण्यात आले. यावेळी उपप्राचार्य डॉ. लतेश निकम, महाविद्यालय विकास समिती सदस्य डॉ. संगीता जगताप, प्रा. विजय घारे, डॉ. वंदना पिंपळे, मराठी विभाग प्रमुख डॉ. सुवर्णा खोडदे, समन्वयक डॉ. विजय बालघरे, ग्रंथालय विभाग प्रमुख डॉ. विठ्ठल नाईकवाडी यांची प्रमुख उपस्थिती होती.
या व्याख्यानाचे प्रास्ताविक करत असताना डॉ. विजय बालघरे यांनी मराठी भाषा गौरव दिनाची संकल्पना स्पष्ट करत विद्यार्थ्यांच्या सुप्त गुणांना वाव दिल्यास ते उत्तम कार्य करू शकतात असे नमूद केले.

आपल्या मनोगतामध्ये प्राचार्य डॉ. बाळकृष्ण झावरे यांनी जागतिक मराठी भाषा गौरव दिन साजरा करण्याचे प्रयोजन स्पष्ट करत भाषा ही प्रभावी असून ती सातत्याने बदलत असल्याने भाषिक बदल समजून घेणे आवश्यक असल्याचे मत व्यक्त केले.तसेच विविध वृत्तपत्रात लेख लिहिलेल्या विद्यार्थ्यांचे अभिनंदन करत यातूनच उद्याचे प्रतिभावंत लेखक निर्माण होतील अशी आशा व्यक्त केली.
‘छत्रपती शिवरायांचे भाषाविषयक धोरण व आजची मराठी‘ या विषयावर आपली भूमिका स्पष्ट करत असताना प्रा. संजय टाक यांनी छत्रपती शिवाजी महाराजांचे भाषा विषयक धोरण सविस्तर स्पष्ट करत छत्रपती शिवाजी महाराजांनी अरबी, पारसी इंग्रजी, संस्कृत या भाषेबरोबरच मराठी भाषेचा आग्रही धरला असल्याचा दाखला देत असताना राज्यव्यवहार कोष ग्रंथाचे उदाहरण दिले. तसेच छत्रपती संभाजी महाराजांना अनेक भाषा अवगत असल्याचे नमूद करत छत्रपती शिवरायांचे भाषाविषयक विचार हे दूरदृष्टीचे असल्याचे मत व्यक्त केले.

कार्यक्रमाच्या सुरुवातीला शुभम साठे या विद्यार्थ्याने मराठी भाषागीताचे स्वतःच्या स्वरात गायन केले.जागतिक मराठी भाषा गौरव दिनाचे औचित्य साधत विविध मराठी वृत्तपत्रात लेख प्रकाशित झालेल्या साहील कांबळे,रवींद्र चंडालिया,सरगम वानखेडे या विद्यार्थ्यांचा महाविद्यालयाचे प्राचार्य डॉ.बाळकृष्ण झावरे यांच्या हस्ते सन्मान करण्यात आला.या लेखांचे स्पंदन भित्तिपत्रकासाठी प्रकाशन उपस्थित मान्यवरांच्या हस्ते करण्यात आले. तर ‘आई‘ या विषयावर कविता सादर करणाऱ्या साक्षी नागसेन या विद्यार्थिनीच्या कवितेने उपस्थित विद्यार्थ्यांच्या डोळ्याच्या कडा ओलावल्या.
महाविद्यालयाच्या सभागृहात आयोजित या व्याख्यानाचे सुत्रसंचालन डॉ. सुवर्णा खोडदे तर आभार प्रदर्शन डॉ. विठ्ठल नाईकवाडी यांनी केले. या व्याख्यानासाठी सुमारे १२० पेक्षा जास्त विद्यार्थी उपस्थित होते.