Tag: Kothrud

Dr Shyamaprasad Mukherjee Diagnostic Center : कोथरूडमध्येही आता ज्येष्ठ नागरीक मोफत वैद्यकीय तपासणी योजना!

Categories
Breaking News PMC Political पुणे

कोथरूडमध्येही आता ज्येष्ठ नागरीक मोफत वैद्यकीय तपासणी योजना

: महापालिकेच्या डॉ. श्यामाप्रसाद मुखर्जी डायग्नोस्टिक सेंटरचे लोकार्पण

: महापौर मुरलीधर मोहोळ यांच्या प्रयत्नातून साकारले सेंटर

 

पुणे : केवळ प्राथमिक आरोग्याची जबाबदारी असताना कोरोना संसर्गकाळात पुणे महापालिकेने कोणत्याही मुद्द्यावर अडून न बसता नागरिकांना आरोग्य सुविधा मिळाव्यात, यासाठी महापालिकेची रुग्णालये अद्ययावत तर केलीच शिवाय ऑक्सिजन निर्मिती प्रकल्पामध्ये मुंबईलाही मागे टाकत बाजी मारली. म्हणूनच आरोग्य यंत्रणांच्या सज्जतेत पुणे महानगरपालिकेने केलेली कामगिरी कौतुकास्पद आहे’, असे उद्गार भाजप प्रदेशाध्यक्ष चंद्रकांत पाटील यांनी काढले.

पुणे महापालिकेची डॉ. श्यामाप्रसाद मुखर्जी ज्येष्ठ नागरीक मोफत वैद्यकीय तपासणी योजना आता कोथरूड येथील सुतार हॅास्पिटलमध्येही डायग्नोस्टिक सेंटरच्या माध्यमातून सुरु झाली असून डॉ. श्यामाप्रसाद मुखर्जी डायग्नोस्टिक सेंटरचे लोकार्पण पाटील यांच्या हस्ते करण्यात आले. त्यावेळी ते बोलत होते. महागड्या चाचण्यांअभावी आजाराचे निदानच करु न शकणाऱ्या ज्येष्ठ नागरिकांना हे केंद्र मोठा आधार ठरणार आहे.

व्यासपीठावर माढ्याचे खासदार रणजीतसिंह निंबाळकर, उपमहापौर सुनिता वाडेकर, स्थायी समिती अध्यक्ष हेमंत रासणे, आयुक्त विक्रम कुमार, नगरसेविका वासंती जाधव, हर्षाली माथवड, जयंत भावे, राजाभाऊ बराटे, धनराज घोगरे, दिलीप वेडे-पाटील, मंजुश्री खर्डेकर, अल्पना वर्पे, डॉ. श्रद्धा प्रभुणे, कृष्णा डायग्नोस्टिकच्या पल्लवी जैन आदींसह परिसरातील नागरिकांची उपस्थिती होती.

पाटील पुढे म्हणाले, ‘आजारपणामुळे कर्जबाजारी झाल्याचे अनेक प्रकार घडत असतात. अशा परिस्थितीत महापालिकेचे हे केंद्र उपयोगी असेल. त्यामुळे महापालिकेचे मनापासून अभिनंदन करतो. समाजातील शेवटचा माणूस सुखी झाल्याशिवाय समाज सुखी होणार नाही, या विचारानेचे काम सुरु असून डायलिसिसची सुविधा उपलब्ध करुन द्यावी’.

महापौर मोहोळ म्हणाले, ‘पुणे शहराची आरोग्य यंत्रणा सक्षम करण्याचा शब्द भारतीय जनता पक्षाने पाळला असून भारतरत्न स्व. अटलबिहारी वाजपेयी वैद्यकीय महाविद्यालयास लवकरच अंतिम मान्यता मिळणार आहे. यामुळे स्वतंत्र वैद्यकीय महाविद्यालय असणारी पुणे महापालिका राज्यातील पहिली महापालिका ठरेल. प्राथमिक सुविधेच्या पलीकडे जाऊन आरोग्य यंत्रणेला सक्षम करण्यासाठी सदैव प्रयत्नशील राहून आरोग्य यंत्रणा सक्षम व्हावी, म्हणून महापालिकेचे अविरत कार्य सुरूच राहील’

‘पुणेकरांच्या आरोग्याला प्राधान्य देऊन सुरक्षित आरोग्य यंत्रणा निर्माण केली गेली. ३५ ते ४० हजार महिलांची मोफत कॅन्सर तपासणी आजवर करण्यात आली आहे. सार्वजनिक आरोग्याची जबाबदारी राज्य सरकारची असूनही यात राजकारण न आणता नागरिकांच्या आरोग्यासाठी शक्य ते सर्व प्रयत्न करून कोरोना काळात सर्वोत्तम आरोग्य सेवा प्रदान केली. पुणे महानगरपालिका आज आरोग्याच्या बाबतीत स्वयंपूर्ण आहे हे सांगताना अभिमान वाटतो’, असेही महापौर मोहोळ म्हणाले. कार्यक्रमाचे सूत्रसंचालन नवनाथ जाधव यांनी केले.

Kothrud : Ward No 10,11 : कोथरूडच्या विकासकामांवर आहे लक्ष! 

Categories
PMC Political पुणे

कोथरूडच्या विकासकामांवर आहे लक्ष!

: वस्ती भागाच्या सर्वांगीण विकासासाठी निधी कमी पडू देणार नाही

: आ. चंद्रकांतदादा पाटील यांची ग्वाही

: प्रभाग १० आणि ११ मधील‌ विविध विकासकामांचे भूमिपूजन

पुणे : कोथरूडचा विकासासाठी नेहमीच कटिबद्ध आहे.‌ तसेच वस्ती भागाच्या सर्वांगीण विकासासाठी निधी कमी पडू देणार नाही, अशी ग्वाही भाजपा प्रदेशाध्यक्ष मा. आ. चंद्रकांतदादा पाटील यांनी दिली.

कोथरुड मतदारसंघातील प्रभाग क्रमांक १० नवकेतन कॉलनी, धनकुळे चाळ, हमराज चौक, पीएमसी कॉलनी येथे ड्रेनेज लाईन टाकणे आणि प्रभाग क्रमांक ११ मधील सुतारदरा दत्त मंदिर येथे रस्त्याच्या कॉंक्रेटिकरणासाठी चंद्रकांतदादा पाटील यांच्या स्थानिक आमदार विकासनिधीतून निधी उपलब्ध करून दिला असून, या दोन्ही कामांचे भूमिपूजन आज आ. पाटील यांच्या उपस्थितीत स्थानिक नागरिकांच्या हस्ते झाले. यावेळी ते बोलत होते.

या कार्यक्रमाला भाजपा कोथरुड मंडल अध्यक्ष पुनित जोशी, नगरसेवक किरण दगडे-पाटील, नगरसेविका अल्पना वर्पे, डॉ. श्रद्धा प्रभुणे-पाठक, छाया मारणे, अजय मारणे, युवा मोर्चा सरचिटणीस अभिजीत राऊत, विलास मोहोळ, अभिजीत गाडे यांच्या सह इतर पदाधिकारी उपस्थित होते.

आ. पाटील म्हणाले की, कोथरुडच्या विकासासाठी नेहमीच कटिबद्ध आहे. त्यामुळे मतदारसंघातील कोणतीही समस्या विकासासाठी कधीही निधी कमी पडू दिला नाही. त्याउलट ज्या कामांना आमदार निधीतून मदत मिळणे शक्य नाही, तेथील प्रश्न सोडविण्यासाठी लोकसहभागातून निधी उपलब्ध करून देऊन, नागरिकांना त्या समस्येतून बाहेर काढण्याचा प्रयत्न असतो. त्यामुळे वस्ती भागाच्या सर्वांगीण विकासासाठी निधी कमी पडू देणार नाही.

ते पुढे म्हणाले की, आमदार निधीतून मंजूर कामे वेळेत पूर्ण करुन देणं ही जशी कंत्राटदाराची जबाबदारी आहे. त्याचप्रमाणे नागरिकांनी ही विकासकामे पूर्ण होण्यासाठी सहकार्य करावे, असेही ते यावेळी म्हणाले.

Monorail : Mayor : कोथरुडच्या थोरात उद्यानात साकारणार मोनोरेल – महापौर मुरलीधर मोहोळ यांची संकल्पना

Categories
cultural PMC Political पुणे

कोथरुडच्या थोरात उद्यानात साकारणार मोनोरेल

– महापौर मुरलीधर मोहोळ यांची संकल्पना

पुणे : लहान मुलांसाठी विशेष आकर्षण ठरणारा बॅटरी ऑपरेटर मोनोरेल प्रकल्प कोथरुडच्या तात्यासाहेब थोरात उद्यानात सुरु करणार असून प्रकल्पासाठी आवश्यक निधी उपलब्ध करुन दिला असल्याची माहिती महापौर मुरलीधर मोहोळ यांनी दिली. महापौर मोहोळ यांच्या संकल्पनेतून ही मोनोरेल साकारत असून उद्यानात असणारी ही पुण्यातील पहिलीच मोनोरेल ठरणार आहे.

या मोनोरेल प्रकल्पाबाबत माहिती देताना कोणत्याही महापौर मोहोळ म्हणाले, ‘थोरात उद्यानात साकारत असलेल्या या मोनोरेल प्रकल्पात ७२ व्होल्ट डीसी बॅटरी ऑपरेटर मोनोरेल असणार आहे. दोन बोग्या आणि चालकाच्या दोन केबिन असणार आहेत. त्यासाठी ४१० आरएमटी ट्रॅक तयार करण्यात येणार असून, सुरक्षा रेलींग, प्लॅटफॉर्म, तिकिट घर याची निर्मिती करण्यात येणार आहे’.

‘मोनोरेल प्रकल्पाच्या निर्मितीसह पाच वर्षांच्या देखभालीसाठी कोलकात्यातील ब्रेथवेट कंपनीबरोबर प्रशासनाने करार करण्यासाठी आवश्यक असणाऱ्या सुमारे ५ कोटी ४७ लाख रुपयांच्या तरतुदीला स्थायी समितीने मान्यता दिली आहे, असेही महापौर मोहोळ यांनी सांगितले.

‘पुणे शहराचा विकास करताना जगभरात नव्याने समोर आलेल्या संकल्पनाही आपल्या शहरात याव्यात, यासाठी आम्ही सदैव प्रयत्नशील आहोत. मोनोरेल प्रकल्पाने कोथरूडच्या वैभवात भर पडणार तर आहेच, शिवाय पुणे शहरासाठीही हा अभिनव प्रकल्प ठरणार आहे, असेही महापौर मोहोळ म्हणाले.