Tag: PMC Pune Bharti 2013

PMC Pune Bharti 2023 | 9 पदांच्या उमेदवारांच्या कागदपत्रांची छाननी करण्यासाठीचे वेळापत्रक महापालिकेकडून जाहीर

Categories
Breaking News Education PMC social पुणे

PMC Pune Bharti 2023 |   9 पदांच्या उमेदवारांच्या कागदपत्रांची छाननी करण्यासाठीचे वेळापत्रक महापालिकेकडून जाहीर

PMC Pune Bharti 2023 |  पुणे महापालिकेकडून (Pune Municipal Corporation) 320 पदांसाठी भरती प्रक्रिया सुरु आहे. परीक्षेचे निकाल घोषित केल्यानंतर महापालिकेकडून पात्र उमेदवारांच्या कागदपत्रांची पडताळणी करण्यात येत आहे. नुकतीच फायरमन पदाची कागदपत्र पडताळणीची छाननी पूर्ण झाले.  उर्वरित सर्व पदांच्या कागदपत्र पडताळणीसाठी प्रशासनाकडून वेळापत्रक जाहीर करण्यात आले आहे. 27 जुलै, 28 जुलै आणि 1 ऑगस्ट या दिवशी पडताळणी केली जाणार आहे. अशी माहिती उपायुक्त सचिन इथापे (Deputy Commissioner Sachin Ithape) यांनी दिली. तसेच संबंधित दिवशी छाननी पूर्ण न झाल्यास दुसऱ्या दिवशी छाननी केली जाणार आहे. त्यासाठी उमेदवारांनी स्वखर्चाने मुक्कामाच्या तयारीने यावे, असे आवाहन महापालिका प्रशासनकडून करण्यात आले आहे. (PMC Pune Bharti 2023)
पुणे महानगरपालिकेच्या (PMC Pune) आस्थापनेवरील श्रेणी – १ ते श्रेणी- ३ या संवर्गातील रिक्त पदे सरळसेवेने भरणेकरीता ०६/०३/२०२३ रोजी जाहिरात देऊन ऑनलाईन अर्ज मागविण्यात आले आहेत. जाहिरातीनुसार प्राप्त अर्जातील महाराष्ट्रातील एकूण ५ शहरांमध्ये वेगवेगळ्या परिक्षा केंद्रावर ऑनलाईन परीक्षा IBPS संस्थे मार्फत घेण्यात आली आहे. IBPS संस्थेकडून पात्र उमेदवारांची यादी प्रसिद्ध करण्यात आली आहे. ऑनलाईन परीक्षेमध्ये उमेदवारांनी प्राप्त केलेल्या गुणांच्या आधारे गुणवत्तेनुसार अंतिम निवड यादी प्रसिद्ध करणे कामी संबंधित उमेदवारांची शैक्षणिक व इतर अर्हता / पात्रतेबाबतची मूळ प्रमाणपत्रे / कागदपत्रांची तपासणी करणेकामी छाननी पथक नियुक्त करण्यात आले आहे. (PMC Pune Recruitment 2023)
क्ष-किरण तज्ञ (रेडिओलॉजिस्ट/सोनोलॉजिस्ट), वैदयकीय अधिकारी/ निवासी वैदयकीय अधिकारी, वरिष्ठ आरोग्य निरीक्षक / सिनिअर सॅनिटरी इन्स्पेक्टर / विभागीय आरोग्य निरीक्षक, वाहन निरीक्षक / व्हेईकल इन्स्पेक्टर, औषध निर्माता या पदाच्या उमेदवाराच्या कागदपत्रांची छाननी 27 जुलै ला होणार आहे. जुना जीबी हॉल, डॉ आंबेडकर सभागृह येथे छाननी होईल. आरोग्य निरीक्षक / सॅनिटरी इन्स्पेक्टर पदासाठी 1 ऑगस्ट ला जुना जीबी हॉल मध्ये छाननी होईल. तर उप संचालक (प्राणी संग्रहालय), पशु वैदयकीय अधिकारी, पशुधन पर्यवेक्षक (लाईव्ह स्टॉक सुपरवायझर) या पदांसाठी 28 जुलै ला स्थायी समिती सभागृहात छाननी होईल. (Pune Mahanagarpalika Bharti 2023) 

—-
एका पदास तीन याप्रमाणेच उमेदवारांना बोलवण्यात आलेले असल्यामुळे संकेतस्थळावर प्रसिद्ध केलेल्या नवीन यादीत असलेल्या उमेदवारांनीच उपस्थित राहायचे  आहे.
 – सचिन इथापे, उपायुक्त, पुणे महापालिका 
—-
News Title | PMC Pune Bharti 2023 | The schedule for scrutinizing the documents of candidates for 9 posts has been announced by the Municipal Corporation

Pune Mahanagarpalika Bharti 2023 : 10 जून नंतर परीक्षा घेतली जाणार?

Categories
Breaking News PMC social पुणे

Pune Mahanagarpalika Bharti 2023 : 10 जून नंतर  परीक्षा घेतली जाणार?

Pune Mahanagarpalika Bharti 2023 :  (Author: Ganesh Mule) : पुणे महापालिकेत (Pune Municipal Corporation) एकूण 320 पदांसाठी भरती करण्यात (PMC recruitment 2023) येणार आहे. महानगरपालिकेच्या (PMC Pune) आस्थापनेवरील वर्ग 1, वर्ग २  आणि वर्ग ३ मधील रिक्त असणारी पदे सरळसेवा प्रवेशाने भरण्यासाठी जाहिरात प्रसिद्ध करण्यात आली होती. जाहिरातीमधील पदे ही आरोग्य, उद्यान, अभियांत्रिकी, तांत्रिक व अग्निशमन सेवेमधील आहेत.  इच्छुक उमेदवाराना अर्ज करण्यासाठी 30 एप्रिल पर्यंतची मुदत देण्यात आली होती. ही मुदत संपली आहे. या कालावधीत महापालिकेकडे 10 हजार 171 अर्ज प्राप्त झाले आहेत. त्यानुसार आता  परीक्षा घेतली जाणार आहे. ही परीक्षा 10 जून नंतर होईल. त्यासाठीचे परीक्षा केंद्राची तयारी iBPS संस्थेकडून सुरु आहे. अशी माहिती सामान्य प्रशासन विभागाचे उपायुक्त सचिन इथापे (Deputy Commissioner Sachin Ithape) यांनी दिली.  (Pune Mahanagarpalika Bharati 2023)

किती आणि कोणत्या पदासाठी भरती प्रक्रिया राबवण्यात येत आहे?

पुणे महानगरपालिकेच्या (Pune Municipal Corporation Recruitment) आस्थापनेवरील वर्ग-१ ते वर्ग-३ मधील रिक्त असणारी पदे सरळसेवा प्रवेशाने भरण्यासाठी जाहिरात  प्रसिद्ध करण्यात आली होती.  पदे ही आरोग्य, उद्यान, अभियांत्रिकी, तांत्रिक व अग्निशमन सेवेमधील आहेत. त्यामुळे तुलनात्मक स्पर्धा होण्यासाठी पुरेसे उमेदवार असणे आवश्यक आहे. तसेच प्रस्तुत भरतीसाठी पुरेसा प्रतिसाद प्राप्त होण्याकरिता जाहिरात देण्यात आली आहे. वर्ग-१ मधील ८ पदे, वर्ग-२ मधील २३ पदे व वर्ग-३ मधील २८९ पदे अशा एकूण ३२० पदाकरिता अर्ज करण्याचा कालावधी  वाढवण्यात आला होता. 30 एप्रिल पर्यंत कालावधी देण्यात आला होता. (PMC Pune Bharti 2023) 

 

भरती प्रक्रियेत किती अर्ज प्राप्त झाले? 

 एवढ्या कालावधीत महापालिकेकडे 10744 अर्ज आले होते. त्यातील 10171 अर्ज पात्र झाले आहेत. महापालिकेला जेवढा प्रतिसाद अपेक्षित होता तेवढा तो मिळताना दिसला नाही. या भरती प्रक्रियेत फायरमन च्या सर्वात जास्त जागा आहेत. फायरमन च्या 200 जागांसाठी एकूण 3738 अर्ज आले, त्यातील 3555 पात्र झाले आहेत. त्या खालोखाल औषध निर्माता पदासाठी 3148 अर्ज आले. त्यातील 3032 पात्र झाले आहेत. कनिष्ठ अभियंता (विद्युत) साठी 1853 अर्ज आले. त्यापैकी 1677 पात्र झाले आहेत. आरोग्य निरीक्षक साठी 771 अर्ज आले त्यातील 738 पात्र झाले. वैद्यकीय अधिकारी पदासाठी 465 अर्ज आले. त्यातील 450 पात्र झाले. (Pmc Pune recruitment 2023) 

 

कधी होणार उमेदवारांची परीक्षा?

उपायुक्त सचिन इथापे यांनी दिलेल्या माहितीनुसार आता 10 जून नंतर उमेदवारांची परीक्षा घेण्यात येईल. परीक्षा केंद्राची माहिती IBPS या परीक्षा घेणाऱ्या संस्थेकडून घेण्यात येईल. त्यानुसार 11 पेपर असतील. यामध्ये फायरमन साठी physical exam देखील होणार आहे. परीक्षेचे केंद्र, वेळापत्रक आणि त्या अनुषंगाने याबाबतची माहिती लवकरच उमेदवारांना कळवण्यात येईल. (Pune municipal corporation Recruitment)

– पदे आणि अर्जाची संख्या 

१) क्ष-किरण तज्ञ (रेडिओलॉजिस्ट/सोनोलॉजिस्ट) – 12
२) वैदयकीय अधिकारी/ निवासी वैदयकीय अधिकारी – 450
३) उप संचालक (प्राणी संग्रहालय) – 9
४) पशु वैदयकीय अधिकारी – 47
५) वरिष्ठ आरोग्य निरीक्षक / सिनिअर सॅनिटरी इन्स्पेक्टर / विभागीय आरोग्य निरीक्षक – 209
६) कनिष्ठ अभियंता (विद्युत) – 1677 
७) आरोग्य निरीक्षक / सॅनिटरी इन्स्पेक्टर – 738 
८) वाहन निरीक्षक / व्हेईकल इन्स्पेक्टर – 216 
९) औषध निर्माता – 3032
१०) पशुधन पर्यवेक्षक (लाईव्ह स्टॉक सुपरवायझर) – 226 
११) अग्निशामक विमोचक / फायरमन – 3555

—-

News title | Pune Mahanagarpalika Bharti 2023 : Exam to be held after June 10?