PMC Pune Property Tax Bill | मिळकत करातून १२० कोटी जमा
| मिळकत कराची ४ लाख छापील बिले दिली
| 5-10% सवलतीचा कालावधी 31 जुलै पर्यंत
PMC Pune Property Tax Bill | पुणे महानगरपालिकेकडून (PMC pune) निवासी मिळकतींना (Residential Property) स्वःवापराकरिता देण्यात येणारी ४०% सवलत कायम राहणार आहे. ०१.०४.२०१९ पूर्वीच्या निवासी व बिगरनिवासी मिळकतींना (Non residential property) देखभाल दुरुस्ती करिता देण्यात येणारी १५% वजावट रद्द करून १०% वजावट देण्यात येणार असून त्यांची अंमलबजावणी ०१.०४.२०२३ पासून करण्यात आली आहे . अशा मिळकतींची सन २०२३-२४ करिताची देयके (property Tax Bill) देण्यास सुरुवात करण्यात आली आहे. नागरिकांना १० लाख ऑनलाईन बिले (Online Property tax bills) देण्यात आली आहेत. तर पोस्टाच्या माध्यमातून (Post office) आतापर्यंत ४ लाख छापील बिले (Printed property tax bills) पाठवण्यात आली आहेत. आगामी दोन दिवसात उर्वरित बिले पाठवण्यात येतील. तर आतापर्यंत मिळकत करातून १२० कोटी पालिकेच्या तिजोरीत जमा झाले आहेत. अशी माहिती कर संकलन विभागाचे उपायुक्त अजित देशमुख (Deputy Commissioner Ajit Deshmukh) यांनी दिली. (PMC pune property Tax bill)
ज्या नव्याने बांधकाम झालेल्या निवासी मिळकतींची आकारणी ४०% सवलत न देता ०१.०४.२०१९ पासून पुढे झालेली आहे त्या सर्व मिळकतींना व ज्या मिळकतींची ४०% सवलत जी.आय.एस. सर्व्हे अंतर्गत ०१.०४.२०१८ पासून रद्द करण्यात आली आहे व अशा मिळकतींना ह्यापूर्वी फरकाची देयके पाठवण्यात आली होती अशा सर्व मिळकतींना ४०% सवलतीचा लाभ ०१.०४.२०२३ पासून पुढील कालावधीकरिता देण्यात येणार आहे. मिळकतींचे सन २०२३-२४ ह्या आर्थिक वर्षाची देयके ३१.०५.२०२३ पर्यंत बनवण्यात येणार आहेत. वरील सर्व मिळकतींना ४०% सवलतीचा लाभ आकारणी दिनांक/दुरुस्ती दिनांकापासून (म्हणजेच ज्या निवासी मिळकतींना ०१.०४.२०१८ पासून ३१.०३.२०२३ पर्यंत सवलत देय आहे परंतु दिली गेलेली नाही) ती सवलत घेणेकरिता व देण्यात आलेली सवलत दि. ०१.०४.२०२३ पासून पुढील कालावधीकरिता सुरु राहणेकरिता मिळकतधारकाने PT-३ अर्ज संपूर्ण पुराव्यांसह दि. १५ नोव्हेंबर २०२३ पूर्वी कर आकारणी व कर संकलन खात्याकडे सादर करणे आवश्यक राहील. संबंधित मिळकतधारकांनी संपूर्ण मिळकतकर भरला असल्यास जादा जमा होणारी रक्कम PT-३ अर्ज भरून दिलेनंतर पुढील ४ वर्षांचे समान हप्त्यात आर्थिक वर्षाच्या देयकातून समायोजित करण्यात येईल. विहित मुदतीत अर्ज सादर न केल्यास मिळकतीचा वापर मिळकतधारक स्वःवापराकरिता करीत नसल्याचे गृहीत धरून अशा मिळकतीची सन २०२३-२४ करिता दिली गेलेली सवलत रद्द करण्यात येईल. (PT 3 Application Form)
विहित मुदतीत संपूर्ण मिळकतकर भरणाऱ्या मिळकतधारकास सर्वसाधारण करात ५% किंवा १०% सवलत देण्यात येते. त्या सवलतीचा कालावधी ३१.०७.२०२३ अखेरपर्यंत देण्यात आला आहे. १५.०८.२०२३ पासून प्रथम सहामाहीस दरमहा २% शास्ती आकारण्यात येईल. असे महापालिका प्रशासनाकडून सांगण्यात आले. (Pmc Pune news)
दरम्यान महापालिकेने १५ मे पासून ऑनलाईन बिले देण्यास सुरुवात केली होती. १० लाखाहून अधिक ऑनलाईन बिले नागरिकांना पाठवण्यात आली आहेत. तर ४ लाख छापील बिले पोस्टाच्या माध्यमातून नागरिकांना देण्यात आली आहेत. उर्वरित बिले आगामी दोन दिवसात दिली जातील. नागरिकांकडून मिळकत करापोटी आतापर्यंत १२० कोटी वसूल करण्यात आले आहेत. अशी माहिती देशमुख यांनी दिली. (Pune Municipal corporation Property tax department)
—-
News Title | PMC Pune Property Tax Bill | 120 crore collected from income tax| 4 lakh printed income tax bills issued
