शहरातील प्लास्टिक कचऱ्याच्या संकलनास चालना मिळावी व नागरीकांना प्लास्टिक कचरा संकलनाची सवय लागावी, यासाठी पुणे महापालिकेचे आयुक्त विक्रम कुमार यांनी एक फेब्रुवारी रोजी ‘प्लास्टिक कचरा संकलन स्पर्धे’ची घोषणा केली होती. कमिन्स इंडिया या संस्थेच्या सहकार्याने होणाऱ्या या स्पर्धेतील विजेत्यांना स्मार्टफोन, स्मार्टवॉच, इलेक्‍ट्रिक बाइक अशा स्वरूपाची बक्षिसेही अतिरिक्त आयुक्त कुणाल खेमनार यांनी जाहीर केले होते. ही स्पर्धा २८ फेब्रुवारीपर्यंत होती, मात्र नागरिकांकडून चांगला प्रतिसाद मिळत असल्याने महापालिका प्रशासनाने १५ मार्चपर्यंत या स्पर्धेची मुदत वाढविली होती.

दरम्यान महापालिका  अधिकृत केलेल्या रिसायक्‍लर्स किंवा प्रोसेसर्सकडे संकलित झालेल्या प्लास्टिकच्या बाटल्यांमधून आकर्षक म्युरल्स, पेव्हर ब्लॉक्‍स, इंटरलॉकिंग ब्लॉक्‍स इ. साहित्य बनवून त्याचा वापर शहर सौंदर्यीकरण किंवा उद्याने, रस्ते, फुटपाथच्या सुशोभीकरणासाठी करणार येणार आहे.

आशा राऊत यांच्या माहितीनुसार व्यक्तिगत स्तरावर 1153 लोकांनी सहभाग घेतला. शैक्षणिक स्तरावर 91, सोसायटी स्तरावर 147 अशा एकूण 1391 जणांनी सहभाग घेतला. व्यक्तिगत स्तरावर 4 हजार 489 किलो, शैक्षणिक स्तरावर 1 हजार 808 किलो तर सोसायटी स्तरावर 1 हजार 379 किलो बॉटल अशा एकूण 7 टन 68 किलो बॉटल जमा झाल्या. म्हणजेच प्रति व्यक्ती 5.02 किलो बॉटल संकलन करण्यात आले. राऊत यांनी सांगितले कि, धनकवडी सहकारनगर क्षेत्रीय कार्यालयात 792 किलो, हडपसर ला 759 किलो तर कोथरूड बावधन ला 565 किलो बॉटल जमा झाल्या.

—