PMC Pension Cases |  महापालिका सेवानिवृत्त सेवकांच्या (PMC Pune Retired Employees) पेन्शन प्रकरणावरून (Pension Cases) महापालिका अतिरिक्त आयुक्त रविंद्र बिनवडे (IAS Ravindra Binwade) यांनी खाते प्रमुखांच्या उदासीनतेबाबत तीव्र शब्दांत नाराजी व्यक्त केली आहे. तसेच पेन्शन प्रकरणे प्रलंबित ठेवणाऱ्या खाते प्रमुखांवर कारवाई करण्याचा इशारा अतिरिक्त आयुक्तांनी दिला आहे. शिवाय 8 सप्टेंबरला व्यक्तीश: अतिरिक्त आयुक्तांच्या कार्यालयात (PMC additional commissioner office) उपस्थित राहण्याचे आदेश खाते प्रमुखांना देण्यात आले आहेत. (PMC Pension Cases)

सेवानिवृत्त सेवकांच्या (PMC Retired Employees) प्रलंबित पेन्शन प्रकरणाबाबत (Pension pending cases) अतिरिक्त  महापालिका आयुक्त रविंद्र बिनवडे (IAS Ravindra Binwade) हे 31 ऑगस्ट ला आढावा घेणार होते. विविध खात्यातील 564 पेन्शन प्रकरणे प्रलंबित  आहेत. या अगोदर देखील अतिरिक्त आयुक्तांनी बैठक घेतली होती. या बैठकीमध्ये संबंधित खातेप्रमुख, वरिष्ठ प्रशासकीय अधिकारी व पगारपत्रक लेखनिक गांभिर्याने सेवानिवृत्ती वेतन प्रकरणे हाताळत नसल्याचे दिसून आले. त्यामुळे महापालिका सेवेतून प्रदिर्घ सेवा होवूनही सेवानिवृत्त सेवकांना / मयत सेवकांच्या वारसांना १-२ वर्षांपासून सेवानिवृत्ती वेतन मिळत नसल्याचे निदर्शनास आले होते. या बाबीच्या अनुषंगाने अतिरिक्त  आयुक्त (ज.) यांनी तीव्र नापसंती व्यक्त केली होती. तसेच पगारपत्रक लेखनिकाची (Bill Clerk) एक वेतनवाढ कायमस्वरूपी रद्द करण्याचा निर्णय या बैठकीत घेण्यात आला होता. मात्र कुणावर कारवाई झाली नव्हती. (PMC Pension Cases)

गुरुवारी VC द्वारे ही आढावा बैठक बोलावण्यात आली होती. यासाठी खाते प्रमुखानी उपस्थित राहणे आवश्यक होते. मात्र यासाठी एक ही खातेप्रमुख उपस्थित नव्हता. यामुळे अतिरिक्त आयुक्तांनी बैठकच घेतली नाही. मात्र यावेळी तीव्र शब्दांत नाराजी व्यक्त केली. तसेच आगामी आठवडाभरात प्रकरणे निकाली लागली नाही तर खाते प्रमुखावरच कारवाई करण्याचा इशारा अतिरिक्त आयुक्तांनी दिला आहे. दरम्यान विविध खात्याकडे 564 पेन्शन प्रकरणे प्रलंबित आहेत. यामध्ये यामध्ये सर्वात जास्त प्रकरणे ही प्राथमिक शिक्षण विभागाची (PMC Primary Education Department) आहेत. विभागाकडे सुमारे 115 प्रकरणे प्रलंबित आहेत. त्याखालोखाल पाणीपुरवठा विभागाकडे (PMC Water Supply Department) 41 प्रकरणे प्रलंबित आहेत. आरोग्य विभागाकडे (PMC Health Department) 37 प्रकरणे प्रलंबित आहेत. कसबा विश्रामबागवाडा क्षेत्रीय कार्यालय (Kasba Vishrambagwada Ward office) 32, ढोले पाटील रोड क्षेत्रीय कार्यालयाकडे (Dhole Patil Road Ward Office) 18 प्रकरणे प्रलंबित आहेत. शिवाजीनगर घोले रोड क्षेत्रीय कार्यालयाकडे (Shivajinagar Ghole Road Ward office) 19, येरवडा, कळस, धानोरी क्षेत्रीय कार्यालयाकडे (Yerwada kalas dhanori ward office) 23 प्रकरणे प्रलंबित आहेत. अशी सर्वच विभागात काही ना काही प्रकरणे प्रलंबित आहेत. यामध्ये सेवानिवृत्त कर्मचारी भरडले जात आहेत.