अग्निशमन दल नियंत्रण कक्षात राञी ०७•४६ वाजता आंबीलोढा कॉलनी, साने गुरूजी नगर येथे असलेल्या मंडळाजवळ सजावट केलेले एक मोठे मंदिर याला आग लागल्याची वर्दि मिळाली असता दलाकडून जनता वसाहत, एरंडवणा अग्निशमन केंद्र येथून व अग्निशमन मुख्यालयातून अशी एकूण चार अग्निशमन वाहने रवाना करण्यात आली होती. (Pune Ganeshotsav)

घटनास्थळी पोहोचताच जवानांनी पाहिले की, सजावट केलेल्या एका मोठ्या मंदिराच्या कळसापासून आगीची सुरवात झाली असून आग वाढत आहे. जवानांनी घटनेचे गांभीर्य लक्षात घेत व शहरात गणपती उत्सवानिमित्त मोठ्या प्रमाणात भाविक असल्याने तातडीने मंडपाच्या मागील बाजूने शिडी लावत वर चढून चार ही बाजूने होज पाईपच्या साह्याने पाण्याचा मारा केला. सुमारे वीस मिनिटात आगीवर नियंञण मिळवत पुढील धोका दूर केला. सुदैवाने कोणी जखमी नाही. अधिक माहिती घेतली असता आग फटाक्यांमुळे लागल्याचे समजले.