शहरात दुकाने ११ तर हॉटेल १२ वाजेपर्यंत सुरु राहणार
: महापलिका आयुक्तांचे आदेश जारी
पुणे : शहरातील कोरोनाचा कहर कमी होताना दिसतो आहे. शहराप्रमाणे राज्यातही हे प्रमाण कमी झाल्याचे आढळून आले आहे. त्यामुळे मुख्यमंत्री उद्धव ठाकरे यांनी निर्बंध शिथिल करण्याचा निर्णय घेतला होता. त्याचाच एक भाग म्हणून आता व्यापारी दुकाने आणि हॉटेल, फूड कोर्ट यांची वेळ वाढवण्यात आली आहे. पुणे शहरात आता दुकाने ११ वाजेपर्यंत तर हॉटेल १२ वाजेपर्यंत उघडी राहतील. महापालिका आयुक्त विक्रम कुमार यांनी नुकतेच याबाबतचे आदेश जारी केले आहेत.
: निर्बंध शिथिल
शहरात कोरोनाचा कहर सुरु असल्याने महापलिका प्रशासनाने बऱ्याच गोष्टीवर निर्बंध लादले होते. त्याचा सर्वात जास्त फटका व्यापारी दुकाने आणि हॉटेलला बसला होता. व्यापाऱ्या कडून हे निर्बंध शिथिल करण्याची मागणी वारंवार करण्यात येत होती. मात्र हे निर्बंध हटवण्यात आले नव्हते. मात्र आता मुख्यमंत्री उद्धव ठाकरे यांनी हे निर्बंध हटवण्याचे आदेश दिले होते. त्यानुसार आता महापालिका आयुक्तांनी देखील याबाबतचे आदेश जारी केले आहेत. त्यानुसार आता दुकाने ११ वाजेपर्यंत तर हॉटेल १२ वाजेपर्यंत उघडी राहतील. त्याचप्रमाणे अमुझमेंट पार्क, इंडस्ट्रीज देखील २२ पासून सुरु करण्यात येतील. यामुळे सर्वाना दिलासा मिळाला आहे.
