Store Department | संतोष वारुळे यांच्याकडील मध्यवर्ती भांडार विभागाची जबाबदारी चेतना केरुरे यांच्याकडे!

Categories
Breaking News PMC पुणे

संतोष वारुळे यांच्याकडील मध्यवर्ती भांडार विभागाची जबाबदारी चेतना केरुरे यांच्याकडे!

पुणे | महापालिका प्रशासनाने उपायुक्त संतोष वारुळे यांच्याकडील मध्यवर्ती भांडार आणि सांस्कृतिक व क्रीडा विभागाची जबाबदारी काढून घेत ती प्रतिनियुक्तीने नुकत्याच आलेल्या चेतना केरुरे यांच्याकडे देण्यात आली आहे. वारुळे यांच्याकडील मध्यवर्ती भांडार चा कार्यभार चार महिन्यापूर्वीच देण्यात आला होता. थोड्याच अवधीत त्यांनी खात्यात शिस्त आणली होती. पारदर्शीपणे कारभार करण्याचा प्रयत्न केला होता. शिवाय सांस्कृतिक आणि क्रीडा खात्याचे काम करताना देखील महापालिकेला चांगले उत्पन्न मिळवून दिले होते. असे असताना त्यांच्याकडील ही दोन्ही खाती काढून घेण्यात आली आहेत. मात्र यामुळे प्रामाणिक काम करणाऱ्या अधिकाऱ्यावर अन्याय होत असल्याची भावना महापालिका वर्तुळातून व्यक्त केली जात आहे. (PMC Pune)
उपायुक्त संतोष वारुळे यांच्याकडे आता परिमंडळ क्रमांक 2, बीओटी सेल, जनरल रेकॉर्ड आणि मुद्रणालय विभागाची जबाबदारी देण्यात आली आहे. तर उपायुक्त चेतना केरुरे यांच्याकडे मध्यवर्ती भांडार, सांस्कृतिक व क्रीडा विभाग आणि निवडणूक विभागाची जबाबदारी देण्यात आली आहे. तसेच उपायुक्त नितीन उदास यांच्याकडेही नवीन जबाबदारी देण्यात आली आहे. उदास यांच्याकडे समाज कल्याण व समाज विकास विभाग तसेच तक्रार निवारण अधिकारी(दिव्यांग) पदाची जबाबदारी देण्यात आली आहे. याबाबतचे आदेश नुकतेच अतिरिक्त आयुक्तांनी जारी केले आहेत. (Pune Municipal Corporation)

Deputy Commissioners : PMC : महापालिकेत दोन उपायुक्तांची प्रतिनियुक्तीने नियुक्ती 

Categories
Breaking News PMC पुणे

महापालिकेत दोन उपायुक्तांची प्रतिनियुक्तीने नियुक्ती

: महापालिका आयुक्तांचे आदेश

पुणे : पुणे महापालिका दोन नवीन उपायुक्तांची नियुक्ती प्रतिनियुक्तीने करण्यात आली आहे. याबाबतचे आदेश महापालिका आयुक्त यांनी जारी केले आहेत.

महाराष्ट्र राज्य वखार महामंडळ येथे उपजिल्हाधिकारी म्हणून काम करणारे सचिन इथापे यांची महापालिकेत उपायुक्त या पदावर नियुक्ती करण्यात आली आहे. त्यांच्याकडे सामान्य प्रशासन विभाग आणि आपत्ती व्यवस्थापन विभाग या विभागाची जबाबदारी देण्यात आली आहे. सुनील इंदलकर यांची बदली झाल्यापासून सामान्य प्रशासन विभागाचे कामकाज उपायुक्त राजेंद्र मुठे यांच्याकडे देण्यात आले होते.

तसेच राज्य सरकारकडे उपजिल्हाधिकारी म्हणून काम पाहणारे यशवंत माने यांची देखील उपायुक्त या पदावर नियुक्ती करण्यात आली आहे. त्यांच्याकडे निवडणूक विभाग, पर्यावरण विभाग, आकाशचिन्ह व परवाना विभाग या विभागांची जबाबदारी देण्यात आली आहे. निवडणूक विभागाची जबाबदारी उपायुक्त अजित देशमुख यांच्याकडे होती.