Tag: Ganesh Immersion

Ganesh Immersion Procession | गणेश विसर्जन मिरवणुक | महापालिका प्रशासनाने जबाबदारी निभावली

Categories
Breaking News cultural PMC social पुणे

गणेश विसर्जन मिरवणुक | महापालिका प्रशासनाने जबाबदारी निभावली

पुणे – गणेश विसर्जन मिरवणुकीत टिळक चौकात पुणे महापालिकेतर्फे मंडळाचे स्वागत केले जाते. महापालिकेत ज्या पक्षाची सत्ता त्या पक्षाचे येथील मांडवात वर्चस्व दिसते. पण महापालिकेची मुदत संपल्याने टिळक चौकातील मांडवातून राजकीय प्रतिनिधी गायब झाले. या ठिकाणी प्रशासक होते. मात्र, मंडळांच्या स्वागतास आणि सत्कारास कोणतीही कसर सोडली नाही.

विसर्जन मिरवणुकीची सुरवात होताना महात्मा फुले मंडईत महापौरांच्या उपस्थित मिरवणुकीला सुरवात होते. मात्र, यंदा हा मान प्रशासक तथा आयुक्त विक्रम कुमार यांना मिळाला. त्यानंतर मानाच्या गणपतींची मिरवणूक टिळक चौकात आल्यानंतर तेथेही महापौरांच्या हस्ते मानाच्या गणपतीच्या अध्यक्षांना श्रीफळ देऊन स्वागत केले जाते. यावेळी महापालिकेचे सभागृहनेते, स्थायी समिती अध्यक्ष, विविध समित्यांचे अध्यक्ष व सत्ताधारी पक्षाचे नगरसेवक उपस्थित असतात. त्यानिमित्ताने शक्तीप्रदर्शन करण्याचा प्रयत्न पदाधिकाऱ्यांकडून करण्यात येतो.

यंदाच्या विसर्जन मिरवणुकीत मात्र चित्र वेगळे होते. आयुक्त विक्रम कुमार, अतिरिक्त आयुक्त डॉ. कुणाल खेमनार हे टिळक चौकातील मांडवात आले नाहीत. पण अतिरिक्त आयुक्त रवींद्र बिनवडे, विलास कानडे यांनी मानाच्या गणपतीचे स्वागत केले. तसेच येथील खुर्चांवर महापालिकेच्या विभागांचे प्रमुख, अभियंते व इतर कर्मचारी मिरवणूक सुरू झाल्यापासून ते संपेपर्यंत उपस्थित होते.

Immersion | Sound pollution | Lakshmi Road | विसर्जनाच्या दोन्ही दिवशी लक्ष्मी रस्त्यावरील वातावरण असह्य!  | स्थानिक रहिवाश्यांचे जगणे झाले मुश्किल   | विसर्जनात सरासरी 105.2 डेसिबल आवाज

Categories
Breaking News cultural social पुणे महाराष्ट्र

विसर्जनाच्या दोन्ही दिवशी लक्ष्मी रस्त्यावरील वातावरण असह्य!

| स्थानिक रहिवाश्यांचे जगणे झाले मुश्किल

 | विसर्जनात सरासरी 105.2 डेसिबल आवाज

 पुणे.  गणेश विसर्जनाच्या निमित्ताने शहरात मोठी धामधूम सुरू आहे.  मात्र हा आवाज करत असताना निसर्गाची काळजी गणेश मंडळ आणि त्यांच्या कार्यकर्त्यांकडून घेतली जात नाही.  याचा लोकांना फक्त त्रास होतो.  विसर्जनाच्या निमित्ताने गेल्या 21 वर्षांपासून पुण्यातील रहिवासी ध्वनिप्रदूषणाने हैराण झाले आहेत.  गेल्या वर्षीच्या विसर्जनात ध्वनी प्रदूषणाची पातळी थोडी कमी झाल्याचे दिसून होती. कारण कोरोनामुळे १९ वर्षांतील सर्वात कमी ध्वनी प्रदूषण आढळून आले होते. गेल्या वर्षातील सरासरी आवाज 59.8 डेसिबल होता.  यंदा मात्र हा आवाज दुपटीने वाढून 105.2 डेसिबल झाला आहे. लक्ष्मी रस्त्यावरील नागरिकांचे गेल्या दोन दिवसापासून जगणे मुश्किल झाले आहे. डीजे आणि ढोल ताशाच्या आवाजाने नागरिक मेटाकुटीला आले. सीईओपी महाविद्यालयातील शिक्षक व विद्यार्थ्यांनी हे मूल्यांकन केले आहे.

  – आवाजाचे मापन मुख्य 10 चौकांमध्ये केले जाते

 दरवर्षी गणेश विसर्जनाच्या निमित्ताने शहरातील प्रमुख 10 चौकांचे ध्वनिप्रदूषण मोजण्यासाठी सीईओपी महाविद्यालयातील शिक्षक व विद्यार्थ्यांकडून सरावा केला जातो.  यामध्ये बेलबाग चौक, गणपती चौक, लिंबराज महाराज चौक, कुंटे चौक, उंबर्या गणपती चौक, भाऊसाहेब गोखले चौक, शेडगे विठोबा चौक, होळकर चौक, लोकमान्य टिळक चौक, खंडूजीबाबा चौक अशा चौकांचा समावेश आहे.  या संदर्भात महाविद्यालयाच्या उपयोजित विज्ञान विभागाच्या पर्यावरण विज्ञान संशोधन केंद्राचे डॉ.महेश शिंदीकर म्हणाले की, महाविद्यालयाकडून गेल्या 22 वर्षांपासून हे काम केले जात आहे.  चालू वर्षातही कॉलेजचे कौतुक झाले.  त्यानुसार अनेक प्रकरणे समोर येत आहेत.  लक्ष्मी रोडवर यंदा आवाजाच्या तीव्रतेने कहर केला आहे.  लक्ष्मी रस्त्यावर सर्वत्र दिवस रात्रीच्या नियमातील सरासरीपेक्षा हा आवाज दुपटीने ओलांडला गेला. दोन दिवस येथील वातावरण अतिशय असह्य होते, असे मत स्थानिक रहिवाश्यानी नोंदवले.

 – आवाज वाढीस प्रशासनाचे नरमाईचे धोरण कारणीभूत

 डॉ.शिंदीकर यांच्या मते ध्वनिप्रदूषणाबाबत जनजागृती करण्यात यश येत असल्याचे दिसून येत आहे.  यासोबतच मंडळाचे कार्यकर्ते आणि पोलिसांनीही यात मोलाचे सहकार्य केले.  मात्र असे असले तरी प्रशासनाच्या नरमाईच्या धोरणामुळे हा आवाज वाढला आहे. असे मत शिंदीकर यांनी व्यक्त केले. निरीक्षणानुसार विसर्जनात आवाजाची सर्वात कमी पातळी 9 सप्टेंबर ला सायंकाळी 4 वाजता म्हणजे 64 डेसिबल नोंदवली गेली. तर सर्वाधिक आवाज 10 सप्टेंबर ला सकाळी आठ नंतर खंडूजी बाबा चौकात 128.5 (अति धोकादायक) नोंदवला गेला.
या उपक्रमात यावर्षी विद्यार्थी स्वयंसेवक सुयोग लोखंडे, जयवंत नांदोडे, तन्मय पाठक, सर्वेश कोळेकर, शिवकुमार वारकड, योगेश क्षीरसागर यांनी प्रत्यक्ष मोजणीत सहभाग घेतला तर आकडेवारीचा निष्कर्ष काढण्यासाठी अंकिता महाजन, गौरी जाधव, अनुष्का पाटील, स्नेहल गुडल, श्रेया इंगळे, शिल्पा मांदळे, जयश्री मिसाळ यांनी सहकार्य केले. तर माजी विद्यार्थी विनीत, आदित्य लंके, युवराज चव्हाण, मनोज राऊत यांचे मार्गदर्शन लाभले.

 – आवाज पातळी अशी आहे?

 वर्ष.            आवाज पातळी (डेसिबल)
 2008       101.4
 2010      100.9
 2012.     104.2
 2013.     109.3
 2016.      92.6
 2018.     90.4
 2019.      86.2
 2020.      59.8
2022.       102.5

Ganesh Immersion Procession | विसर्जन मिरवणुकीनंतर शहर स्वच्छ करण्यासाठी पुणे मनपा सज्ज

Categories
Breaking News PMC social पुणे

विसर्जन मिरवणुकीनंतर शहर स्वच्छ करण्यासाठी पुणे मनपा सज्ज 

पुणे – गणेशोत्सव उत्साहात साजरा केला जात असताना आता गणपतीला निरोप देण्याचे वेध लागले आहे. मंडळांकडून विसर्जन मिरवणूक रथ तयारीला वेग आला आहे. पण याच वेळी शहर स्वच्छ राहिले पाहिजे, कचरा लगेच उचलला जावा यासाठी महापालिकेच्या घनकचरा विभागाने क्षेत्रीय कार्यालयांशी समन्वय साधून विसर्जन मिरवणूक संपताच पुढच्या तीन-चार तासात शहर चकाचक करण्यासाठी यंत्रणा उभी केली आहे.

त्याचप्रमाणे विसर्जनाच्या काळात कोणतीही दुर्घटना घडू नये यासाठी नदीकाठी अग्निशामक दलाची यंत्रणा तैनात करण्यात आली आहे. कोरोनामुळे दोन वर्षे अतिशय साधेपणाने व मिरवणुकांशिवाय गणेशोत्सव साजरा करण्यात आला. पण यंदा निर्बंधमुक्त गणेशोत्सव साजरा केला जात आहे. गणपतीचे दर्शन व देखावे पाहण्यासाठी भाविक मोठ्या प्रमाणात गर्दी करत आहेत. शहरात खाद्यपदार्थ विक्री, खेळण्यांसह इतर साहित्य विक्रीचे स्टॉल लागलेले आहे. विसर्जन मिरवणुकीच्या वेळेत तर याची संख्या खूप मोठ्या प्रमाणात असते. त्यामुळे पेठांमधील सर्वच रस्त्यांवर कचरा पडलेला असोत. विसर्जन मिरवणुकीला लक्ष्मी रस्त्यावरील बेलबाग चौकापासून ते टिळक चौकापर्यंत दुतर्फा भाविकांची प्रचंड गर्दी झालेली असते. त्यात ढकला ढकली होते. या गोंधळात अनेकांच्या चपला, बूट तुटतात, त्याचाही कचरा दरवर्षी निघत असतो. तसेच मिरवणुकीत उधळलेला गुलाल, फुले, रांगोळी असा कचरा निर्माण होतो. त्यामुळे महापालिकेला सर्व रस्ते झाडून घ्यावे लागतात.
महापालिकेचे मध्यवर्ती भागासाठी १३०० कर्मचारीआदर पूनावाला फाउंडेशन, जनवाणी यांसह इतर संस्थाचा सहभागयाच भागात २१० फिरती स्वच्छतागृहे ठेवली आहेतशहराच्या इतर भागात क्षेत्रीय कार्यालयाच्या स्तरावर नियोजनत्यामध्ये ७ हजार ७०० कर्मचारी असणारज्या भागातील गणेश विसर्जन मिरवणूक जसजशी पुढे जाईल, तसे लगेच स्वच्छतेचे काम सुरू होणारगणेश विसर्जनासाठी महापालिकेची तयारी पूर्ण झाली आहे. मध्यवर्ती भागात १३०० कर्मचारी स्वच्छता करणार आहेत. आदर पूनावाला फाउंडेशनतर्फे कचरा उचलण्यासाठी मशिन उपलब्ध करून दिल्या जाणार आहेत, त्यामुळे स्वच्छतेचे काम गतीने होईल. भाविकांच्या सोईसाठी शहरात २१० फिरती स्वच्छतागृहे असणार आहेत. तसेच प्रत्येक क्षेत्रीय कार्यालयाच्या हद्दीत मनुष्यबळ उपलब्ध आहे.