PMC Sewerage Maintenance and Repair Department | नाला बेसिन आणि पावसाळी लाईनच्या कामासाठी जायका प्रकल्पाचा (JICA) निधी
| 35 कोटी रुपयांच्या वर्गीकरणाचा प्रस्ताव
Pune : (The Karbhari Online) – पुणे शहरात पावसाळी पाण्याच्या व्यवस्थापनासाठी (Pune Monsoon Water Management) नाला सुधारणा कामे करणे (Nala Basin), कल्व्हर्टस बांधणे, पावसाळी लाईन (Monsoon Line) टाकणे अशी कामे सुरु करण्यात आली आहेत. मात्र या कामांसाठी 35 कोटींचा निधी अपुरा पडत आहे. हा निधी जायका प्रकल्पाच्या (PMC JICA Project) कामातून वर्गीकृत करून घेतला जाणार आहे. याबाबतचा प्रस्ताव प्रशासनाकडून स्थायी समिती समोर (PMC Standing Committee) ठेवण्यात आला आहे. (PMC Sewerage Maintenance and Repair Department)
पुणे शहरातील कोथरुड बेसीन, औंध बेसिन, बावधन पाषाण बेसिन, मंगळवार पेठ बेसिन, शनिवार पेठ बेसिन, दत्तनगर बेसिन, हिंगणे बेसिन, वडगाव बु. बेसिन, कोंढवा बेसिन याठिकाणी पावसाळी पाण्याच्या व्यवस्थापनासाठी नाला सुधारणा कामे करणे, कल्व्हर्टस बांधणे, पावसाळी लाईन टाकणे व तदनुषंगिक कामे जागेवर सुरु झाले आहेत. यासाठी 54 कोटीची टेंडर प्रक्रिया लागू केली होती. मात्र मलनिःसारण देखभाल व दुरुस्ती विभागास ३१ मार्च २०२४ पूर्वी ही काम पूर्ण करणेसाठी वाढीव 35 कोटी रक्कमेचा निधी लागणार आहे. त्यानुसार वर्गीकरणाचा प्रस्ताव सादर करण्यात आलेला आहे.
पुणे महानगरपालिकेकडील मलनि:सारण देखभाल व दुरुस्ती विभागाकडील बजेटकोड ZE16D103/MP4-11 राष्ट्रीय नदी सुधारणा अंतर्गत मुळा-मुठा सुधारणा कामे करणेसाठी मैलापाणी व्यवस्थापन विषयक योजना राबविणे (JICA) या कामासाठी 200 कोटी इतकी तरतुद उपलब्ध आहे. त्यातून 35 कोटींचे वर्गीकरण केले जाणार आहे.