Pune PMC Voting Awareness | पुणे शहरात मतदानाचा टक्का वाढविण्याबाबत पुणे महापालिकेत आढावा बैठक
Pune PMC Voting Awareness – (The Karbhari News Service) – महापालिका आयुक्त डॉ. राजेंद्र भोसले (Dr Rajendra Bhosale IAS) यांच्या अध्यक्षतेखाली लोकसभा सार्वत्रिक निवडणूक २०२४ (Loksabha Election 2024) पुणे शहरात मतदानाचा टक्का वाढविण्याबाबत करण्यात येणाऱ्या उपाय योजना करण्यासाठी आढावा बैठक संपन्न झाली. या बैठकीसाठी विविध विभागाचे अधिकारी उपस्थित होते. (Pune Municipal Corporation (PMC)
पुणे शहरात मतदानाची टक्केवारी वाढावी यासाठी पुणे महानगपालिके मार्फत विविध उपक्रम राबविण्यात येत असून त्याची माहिती घेण्यात आली. सहायक महापालिका आयुक्त कार्यालय मार्फत मोठ्या प्रमाणावर मतदार जागृती अभियान राबविण्याच्या सूचना महापालिका आयुक्त यांनी दिल्या. (Pune PMC News)
याप्रसंगी महापालिका आयुक्त यांनी सांगितले की, पुणे महानगरपालिका हद्दीत ३२६५ मतदान केंद्रे असून ३४ लाख मतदार आहेत. या सर्व केंद्रांवर आणि मतदारांकरीता सर्व प्रकारच्या उपाय योजना करण्यात याव्यात असे आदेश त्यांनी उपस्थित मा. खातेप्रमुख व मा. अधिकारी व कर्मचारी यांना दिले. याप्रसंगी अतिरिक्त महापालिका आयुक्त. (ज) रवींद्र बिनवडे, महेश पाटील, उप आयुक्त निवडणूक, राजू नंदकर , उप आयुक्त माध्यमिक व तांत्रिक विभाग, राहुल जगताप माहिती व तंत्रज्ञान प्रमुख, नितीन उदास उप आयुक्त समाज विकास विभाग, सुनील मते मा. महापालिका सहा. आयुक्त कर आकारणी व कर संकलन प्रमुख, इत्यादि अधिकारी व कर्मचारी उपस्थित होते.