पुणे | कसबा विधानसभा पोट निवडणुकीसाठी पालकमंत्री चंद्रकांतदादा पाटील यांनी भाजपच्या सर्व प्रमुख नेत्यांची बैठक सकाळी 11 वाजता बोलावली आहे. त्यामुळे यात भाजपचा उमेदवार ठरवला जाईल, असे मानले जात आहे.

सकाळी ११ वाजता पालकमंत्री चंद्रकांतदादा पाटील यांच्या कोथरूड येथील निवासस्थानी  बैठक होणार आहे.  सर्व प्रमुख नेते बैठकीस उपस्थित राहणार आहेत. या बैठकीत भाजपचा उमेदवार ठरला जाईल. असे मानले जात आहे.

ही निवडणूक बिनविरोध होण्याची शक्यता मावळली आहे, असं वक्तव्य नुकतंच अजित पवार यांनी केलं होतं. तसेच सर्व पक्षांच्या इच्छुकांची देखील जोरदार तयारी दिसून येत होती. त्यामुळे हा विषय भाजपच्या बाबतीत गंभीर झाला आहे. आता भाजप कोण उमेदवार निवडणार यावर सगळे गणित अवलंबून आहे. मुक्ता टिळक यांच्या परिवारातील कुणी उमेदवार दिला तरच ही निवडणूक बिनविरोध होईल. अन्यथा यात अटीतटीची लढाई दिसून येणार आहे.