पुण्याच्या पाण्यासाठी  प्रसंगी रस्त्यावर उतरू

: सभागृह नेते गणेश बिडकर यांचा इशारा

पुणे : पाटबंधारे विभागाने पुणे महापालिका वापरत असलेले पाणी कमी करण्याचा विडा उचलला आहे. त्यानुसार विभागाने पुण्याचे कमी विभागाने महापालिकेला इशारा दिला होता कि हे पाणी पोलीस बंदोबस्तात कमी करू. मात्र याबाबत आता सत्ताधारी भाजप मात्र चांगलीच आक्रमक झाली आहे. महापौरांनी याबाबत विभागाचा निषेध केला होता, त्यानंतर आता सभागृह नेते गणेश बिडकर यांनी इशारा दिला आहे कि पुण्याच्या पाण्यासाठी प्रसंगी रस्त्यावर उतरू.

: विभागाचा निर्णय चुकीचा : बिडकर

शेतीला उन्हाळ्यात सिंचनासाठी पाणीपुरवठा करण्यात येणार असल्याने धरणात मर्यादित पाणीसाठा उन्हाळा अखेरीस पिण्यासाठी उपलब्ध राहणार आहे व त्यामुळे पुणे शहरास जून जुलै २०२१ मध्ये पाणीटंचाई भासण्याची शक्यता असल्याचेही पुणे मनपास अवगत करण्याते आले होते तरीही मनपाने अद्यापही दैनंदिन पाणीवापर नियंत्रित/ कमी केलेला नाही. ही वस्तुस्थिती आहे. त्यामुळे २०२१-२०२२ च्या उन्हाळा हंगामामध्ये शेतीसाठी पाणीटंचाई होऊ शकले असे आपणास या विभागामार्फत वारंवार कळविलेले आहे. त्यामुळे, आपण अद्यापपर्यंत पुणे महानगरपालिकेचा दैनिक पाणीवापर नियंत्रणात न आणल्यामुळे जलसंपदा विभागामार्फत शुक्रवार दि. ०३/१२/२०२१ पासून पाणीवापर नियंत्रणात आणण्यात येणार आहे. असे पाटबंधारे विभागाने म्हटले होते. मात्र याबाबत आता सत्ताधारी भाजप मात्र चांगलीच आक्रमक झाली आहे. महापौरांनी याबाबत विभागाचा निषेध केला होता, त्यानंतर आता सभागृह नेते गणेश बिडकर यांनी इशारा दिला आहे कि पुण्याच्या पाण्यासाठी प्रसंगी रस्त्यावर उतरू. बिडकर म्हणाले, पुणेकर नागरिक पाण्याची बचत करत असून नागरिकांना पुरेसे पाणी मिळावे आणि पाण्याची गळती थांबावी यासाठी पालिका प्रयत्नशील आहे. यासाठी २४ बाय ७ पाणीपुरवठा योजनेचे काम देखील युद्ध पातळीवर सुरू असताना पोलिस बंदोबस्तामध्ये पाणी कमी करण्याचा जलसंपदा विभागाचा निर्णय चुकीचा आहे. त्यांचा हा मनमानी कारभार पुणेकर सहन करणार नाही. पुणेकरांच्या पिण्याच्या पाण्याला प्राधान्य असले पाहिजे. पुणेकरांच्या हितासाठी प्रसंगी रस्त्यावर उतरण्यास मागे पुढे पाहणार नाही.