अतिरिक्त आयुक्त (विशेष) विकास ढाकणे (Additional Commissioner Vikas Dhakane) यांनी राजीव गांधी रुग्णालयात  3 ऑक्टोबर  रोजी पाहणी व भेट देऊन भवन विभागाशी संबंधित सर्व प्रलंबित कामे तात्काळ पूर्ण करून दिल्याबद्दल रुग्णालयाच्या वतीने त्यांचे आभार व्यक्त करून शुभेच्छा देण्यात आल्या. (PMC Pune)

 भारतरत्न स्व. राजीव गांधी रुग्णालय येथे दुरुस्तीविषयक कामे पूर्ण करण्यात आली आहेत. यामध्ये ऑक्सिजन प्लॉट करिता रॅम्प बांधणे चे काम पूर्ण करण्यात आले आहे. ऑक्सिजन प्लॉट सुरु
करणेबाबतची पुढील कार्यवाही आरोग्य विभागामार्फत केली जाणार आहे.  हॉस्पिटलचे मुख्य शटरची दुरुस्ती करणेचे काम पूर्ण करण्यात आले आहे. हॉस्पिटलचे मुख्य इन गेट व आऊट गेटची दुरुस्तीचे काम पूर्ण करण्यात आले आहे. हॉस्पिटलच्या टेरेस वरील मुख्य जल नलिकेवरील पट्टी कॉक नवीन बसविण्यात आला आहे व तेथील लिकेज पूर्णपणे बंद करण्यात आले आहे.