Pune Water Cut | खडकवासला धरण (Khadakwasla Dam) जवळपास भरल्याने धरणातून मुठा उजवा कालवा मध्ये तसेच नदीतून ही १००० क्युसेक्स ने पाणी सोडायला सुरुवात (Water Discharge) झाली आहे. त्यामुळे या गुरुवारपासून आठवड्यातून एक दिवस सुरु असलेली पाणीकपात (Water cut) रद्द करण्यात यावी. अशी मागणी सजग नागरिक मंचाकडून (Sajag Nagrik Manch) महापालिका आयुक्त (PMC Commissioner) यांच्याकडे करण्यात आली आहे. (Pune Water Cut)

याबाबत सजग नागरिक मंचाचे अध्यक्ष विवेक वेलणकर (Vivek Velankar) यांनी सांगितले कि, यंदा पाऊस कमी पडेल व उशीरा पडेल असे गृहीत धरून धरणात पुरेसा पाणीसाठा असतानाही पुण्यामध्ये दोन महिन्यांपासून आठवड्यातून एक दिवस ( गुरुवारी) पाणीकपात सुरु आहे. गेल्या काही दिवसांपासून धरणक्षेत्रात चांगला पाऊस पडत असून परिणामस्वरूपी खडकवासला धरण जवळपास भरल्याने आज सकाळपासून या धरणातून मुठा उजव्या कालव्यातून तसेच नदीतून ही  जलसंपदा विभागाने  (Department of Water Resources) १००० क्युसेक्स ने पाणी सोडायला सुरुवात केली आहे. याचाच अर्थ धरणात पाणी साठवायला जागा नसल्याने धरणातून पाणी सोडावे लागत आहे . ही वस्तुस्थिती लक्षात घेता पुण्यातील पाणीकपात तातडीने म्हणजे या गुरुवारपासून रद्द होणे आवश्यक आहे अशी आमची आग्रहाची मागणी आहे. असे वेलणकर म्हणाले. (Pune Municipal Corporation)

——

News Title | Pune Water Cut | Cancel the water cut in the city from next Thursday Demand of Sajjan Citizen Forum to Municipal Commissioner