Plogathon Drive | G20 Pune |  G-20 च्या अनुषंगाने शनिवारी 15  क्षेत्रिय कार्यालयांतर्गत (PMC Ward Offices) विविध ठिकाणी प्लॉगेथॉन ड्राईव्हचे (Plogathon Drive) आयोजन करण्यात आले होते. १५ क्षेत्रिय कार्यालयांतर्गत एकूण ३७ ठिकाणी प्लॉगेथॉन ड्राईव्ह घेण्यात आले असून यामध्ये एकूण २८६७ किलो ओला कचरा व ८९६७ किलो सुका कचरा संकलित करण्यात आला आहे. तसेच एकूण ५३६२ नागरिकांनी या स्वच्छता मोहिमेमध्ये आपला सहभाग नोंदविला. अशी माहिती घनकचरा विभागाच्या (PMC Solid Waste Management Department) उपायुक्त आशा राऊत (Deputy Commissioner Aasha Raut) यांनी दिली. (Plogathon Drive | G20 Pune)

१९ ते २२ जून २०२३ या कालावधीमध्ये पुणे शहरात शिक्षण विषयावर G-20 परिषद होणार आहे. या कालावधीमध्ये जी २० सदस्य देशांचे प्रतिनिधी पुणे शहरात मुक्कामी असणार आहेत. (G20 Summit in Pune)

G-20 परिषदेच्या अनुषंगाने दिनांक १७/०६/२०२३ रोजी स.७.०० ते ९.०० या वेळेत सर्व क्षेत्रिय कार्यालयांतर्गत शहरातील सर्व मुख्य रस्ते, उद्याने, शाळा व नदी किनारी प्लॉगेथॉन ड्राईव्हचे आयोजन करण्यात आले होते. या प्लॉगेथॉन ड्राईव्हमध्ये सर्व मनपा अधिकारी/कर्मचारी,ब्रॅंड अम्बॅसेडर, स्थानिक नागरिक, स्वयं सेवी संस्थांचे प्रतिनिधी, गणेश मंडळे, मोहल्ला कमिटी सदस्य, बचत गट, प्रतिष्ठीत व्यक्ती, लेखक, नाटककार, अभिनेते, अभिनेत्री, खेळाडू व सर्व माजी नगरसेवक इत्यादिंनी मोठ्या संख्येने सहभाग घेतला. (Pune Municipal Corporation)

पांचाळेश्वर मंदिर परिसर, भिडे पूल नदीपात्र परिसर या ठिकाणी उप आयुक्त आशा राऊत घनकचरा व्यवस्थापन, अंजली ढमाळ राज्यकर उप आयुक्त वस्तू व सेवा कर विभाग, महाराष्ट्र शासन पुणे, सहा.आरोग्य अधिकारी डॉ. केतकी घाटगे घनकचरा व्यवस्थापन, व वुई पुणेकर, आम्रपाली चव्हाण, स्वच्छ पुणे स्वच्छ भारत श्री. पुनीत शर्मा या संस्थेचे स्वयंसेवक, पुणे
महानगरपालिकेचे ब्रॅंड अम्बॅसेडर   सत्या नटराजन हे उपस्थित होते. या शिवाय एस एम जोशी पूल वारजे व मगरपट्टा चौक ते गाडीतळ चौक हडपसर, शास्त्री नगर,आगाखान पॅलेस ते रामवाडी पोलीस चौकी, आगाखान पलेस मधील आतील परिसर, गोल्फ क्लब चौक ते आंबेडकर चौक ते ठाकरे चौक ते शादल बाबा चौक, माता रमाई आंबेडकर पुतळा ते आर.टी.ओ चौक, सुतारवाडी आरोग्य कोठी अंतर्गत पाषाण सुसरोड शिवशक्ती चौक ते राज जिजामाता चौक सुसखिंड, कर्वे पुतळा ते वनदेवी चौक उजवी बाजू, तीन हत्ती चौक ते दत्तनगर भुयारी मार्ग, चुना भट्टी ( पु. ल. देशपांडे उद्यान मागील बाजू) ते सिंहगड रोड क्षेत्रीय कार्यालयापर्यंत कॅनॉल रोड, एस. एम. जोशी पूल ते रजपूत वीटभट्टी नदी पात्र, संविधान चौक ते महात्मा फुले सांस्कृतिक भवन, खडी मशीन चौक ते सोमाजी चौक, लोकमान्य नगर जॉगिंग पार्क, डुल्या मारुती चौक ते बेलबाग चौक, पुष्पमंगल कार्यालय ते महेश सोसायटी. या विविध ठिकाणी पुणे महानगरपालिकेमार्फत आयोजित या प्लॉगेथॉन ड्राईव्हमध्ये बुई पुणेकर, स्वच्छ पुणे सेवा सहकारी संस्था, जनवाणी, कमिन्स इंडिया, नेहरू युवा केंद्र, आदर पुनवाला क्लीन सिटी इनिशिएटिव्ह, सिटी बैंक, EFI (Environment Foundation of India), NFF चे विद्यार्थी, एलटीज स्कूल फौंडेशन, हर्षदीप फौंडेशन, रोटरी क्लब, सेवा संवर्धन फौंडेशन, बिईंग वॉलेंटियर अशा विविध स्वयं सेवी संस्थांनी देखील सहभाग घेतला. (PMC Pune)

—-

News Title | Plogathon Drive |  G20 Pune |  11 thousand 800 kg garbage collected in Plogathon drive |  More than 5 thousand Punekars participated