Tag: पालखी

पालखी मार्गावर वारक-यांसाठी महापालिका २१ ठिकाणी मोफत औषध वाटप केंद्र उभारणार

पुणे शहरा मध्ये बुधवार  रोजी संत श्रेठ श्री. ज्ञानेश्वर महाराज व जगद्गुरू श्री तुकाराम महाराज यांच्या पालखीचे आगमन होत आहे. सदर दोन्ही पालख्यांच्या आगमना पासून ते पुणे शहरामधून होणा-या प्रस्थाना पर्यंत पालखी मार्गावर विविध ठिकाणी व पालखी मुक्कामाच्या ठिकाणी वारक-यांसाठी पुणे महानगरपालिकेच्या आरोग्य विभागा मार्फत मोफत औषध वाटप व उपचार केंद्र व विविध आरोग्य विषयक सेवा सुविधा मोफत पुरविण्यात येणार आहे. तसेच पालखी मुक्कामाच्या ठिकाणी नजीकच्या रफी मुहम्मद किडवाई शाळा व पुणे मनपाचा मामासाहेब बडदे दवाखाना येथे शासकिय नियमानुसार मोफत कोविड-१९ लसीकरण सुविधा पुरविण्यात येणार आहे. तसेच दोन्ही पालख्यांच्या आगमना पासून ते पुणे शहरामधून होणा-या प्रस्थाना पर्यंतच्या दिवशी पुणे महानगरपालिकेच्या सर्व दवाखाने व रूग्णालयांमध्ये येणा-या सर्व वारक-यांना मोफत औषध उपचार करण्यात येणार आहे. तसेच पालखी मार्गावर वारक-यांकरीता एकुण २१ ठिकाणी मोफत औषध वाटप केंद्र उभारण्यात येणार आहेत.

––