Tag: Health Dept

Swine Flu | PMC | शहरात स्वाईन फ्लू वेगाने पसरतोय  | ऑगस्ट च्या पहिल्याच आठवड्यात १५९ positive रुग्ण 

Categories
Breaking News PMC आरोग्य पुणे

शहरात स्वाईन फ्लू वेगाने पसरतोय

| ऑगस्ट च्या पहिल्याच आठवड्यात १५९ positive रुग्ण

पुणे | शहरात कोरोना आटोक्यात आलेलें असताना काही दिवसापूर्वी डेंगू ने डोके वर काढले होते. मात्र आता स्वाईन फ्लू ने शहराला विळखा घातलेला दिसतो आहे. कारण मागील काही दिवसापासून शहरात स्वाईन फ्लू वेगाने पसरतो आहे. त्यामुळे नागरिकांनी काळजी घेणे गरजेचे आहे.

महापालिकेच्या आरोग्य विभागाच्या माहितीनुसार जुलै महिन्यापासून शहरात स्वाईन फ्लू वेगाने पसरताना दिसतो आहे. कारण जानेवारी ते मार्च पर्यंत शहरात स्वाईन चा एकही सक्रीय रुग्ण नव्हता. एप्रिल आणि मी महिन्यात एक एक रुग्ण सापडला. तर जून महिन्यात २ रुग्ण मिळाले. मात्र जुलै महिन्यात ११० रुग्ण मिळाले. तर याच महिन्यात ७ रुग्णांचा मृत्यू स्वाईन फ्लू ने झाला आहे. ऑगस्ट महिन्याच्या पहिल्याच ८ दिवसात १५९ सक्रीय रुग्ण मिळाले आहेत. तर आतापर्यंत ३ रुग्णाचा मृत्यू झाला आहे. त्यामुळे चिंताजनक वातावरण निर्माण झाले आहे.

दरम्यान महापालिकेच्या आरोग्य विभागाकडून टेस्ट करून sample घेण्याचे काम सुरु आहे. जुलै महिन्यात ४३९ sample घेतले. तर ऑगस्ट महिन्यात आतापर्यंत २२९ sample घेण्यात आले आहेत.

PMC Employees Union | ब्रोकर नेमण्याची टेंडर प्रक्रिया रद्द करण्यासाठी प्रयत्न व्हावेत | पीएमसी एम्प्लॉईज युनियन ची पुणे मनपा कामगार युनियन (मान्यताप्राप्त) संघटनेकडे मागणी 

Categories
Breaking News PMC आरोग्य पुणे

ब्रोकर नेमण्याची टेंडर प्रक्रिया रद्द करण्यासाठी प्रयत्न व्हावेत

| पीएमसी एम्प्लॉईज युनियन ची पुणे मनपा कामगार युनियन (मान्यताप्राप्त) संघटनेकडे मागणी

पुणे | अंशदायी वैद्यकीय सहाय्य योजना बंद करून खाजगी विमा कंपनीस वैद्यकीय योजना चालविणेस देणेबाबत आरोग्य विभागाकडून  टेंडर प्रक्रिया राबवण्यात आली आहे. या माध्यमातून ब्रोकर नेमण्यात येणार आहे. मात्र यात महापालिका कर्मचाऱ्यांचे नुकसान आहे. त्यामुळे कर्मचारी संघटना आक्रमक झाल्या आहेत. दरम्यान पीएमसी एम्प्लॉईज युनियन ने पुणे महानगरपालिका कामगार युनियन (मान्यताप्राप्त) या संघटनेकडे ब्रोकर नेमण्याची टेंडर प्रक्रिया रद्द करण्यासाठी प्रयत्न व्हावेत, अशी मागणी केली आहे. याबाबत पीएमसी एम्प्लॉईज युनियन चे अध्यक्ष प्रदीप महाडिक आणि सरचिटणीस आशिष चव्हाण यांनी कामगार युनियन च्या सरचिटणिसांना पत्र देखील दिले आहे.

| पीएमसी एम्प्लॉईज युनियन ने काय म्हटले आहे?

पुणे महानगरपालिकेच्या अधिकारी व कर्मचाऱ्यांसाठी अंशदायी वैद्यकीय सहाय्य योजना सन १९६७ पासून अविरतपणे आजतागायत सुरु आहे. सदर योजनेच्या अंमलबजावणीसाठी समिती गठीत असून या समितीमध्ये आपण सदस्य म्हणून कार्यरत आहात. ०१ जून २०२२ रोजी  वर्तमानपत्रामध्ये जाहिरात देऊन पुणे मनपा प्रशासनाने अंशदायी वैद्यकीय सहाय्य

योजना बंद करून खाजगी विमा कंपनीस वैद्यकीय योजना चालविणेस देणेबाबत प्रक्रिया सुरू केलेली आहे. याबाबत पुणे महानगरपालिका कामगार युनियन(मान्यताप्राप्त) व सहयोगी संघटनांना मनपा प्रशासनाने कुठल्याही प्रकारे विश्वासात घेतलेले नाही. सदर योजना खाजगी विमा
कंपनीमार्फत चालविण्यास देणेबाबत महानगरपालिकेतील सर्व अधिकारी व कर्मचारी यांचा प्रखर विरोध असून या बाबत युनियनने तातडीने पावले उचलावीत अशी जोरदार मागणी कर्मचाऱ्यांकडून होत आहे.
तरी अंशदायी वैद्यकीय सहाय्य योजना कायमस्वरूपी बंद होऊन विमा कंपनीमार्फत नवीन वैद्यकीय योजना राबविल्यास सर्वच कर्मचाऱ्यांचे अतोनात नुकसान होणार असून, सन १९६७ पासून सुरू असलेली कामगारांचे आरोग्याशी निगडीत अंशदायी वैद्यकीय सहाय्य योजना अशीच यापुढे देखील चालू राहावी यासाठी कायदेशीर मार्गाचा अवलंब करून सदर टेंडर प्रक्रिया रद्द करणेसाठी संघटनेमार्फत प्रयत्न व्हावेत अशा भावना सर्व कामगार बंधू व भगिनी व्यक्त करीत आहेत.
दम्यान पुणे महानगरपालिका कामगार युनियन देखील याबाबत आक्रमक आहे. संघटनेच्या अध्यक्षांनी सर्व कामगारांना आवाहन केले आहे कि कुठल्याही परिस्थितीत आपली योजना बंद होणार नाही. याबाबत कायदेशीर लढाई लढली जाईल. त्यामुळे कर्मचाऱ्यानी काळजी करू नये.

Palkhi Marg | पालखी मार्गावर वारक-यांसाठी महापालिका २१ ठिकाणी मोफत औषध वाटप केंद्र उभारणार

Categories
Breaking News cultural PMC social आरोग्य पुणे महाराष्ट्र

पालखी मार्गावर वारक-यांसाठी महापालिका २१ ठिकाणी मोफत औषध वाटप केंद्र उभारणार

पुणे | पालखी मार्गावर विविध ठिकाणी व पालखी मुक्कामाच्या ठिकाणी वारक-यांसाठी पुणे महानगरपालिकेच्या आरोग्य विभागा मार्फत मोफत औषध वाटप व उपचार केंद्र व विविध आरोग्य विषयक सेवा सुविधा मोफत पुरविण्यात येणार आहे. दोन्ही पालख्यांच्या आगमना पासून ते पुणे शहरामधून होणा-या प्रस्थाना पर्यंतच्या दिवशी पुणे महानगरपालिकेच्या सर्व दवाखाने व रूग्णालयांमध्ये येणा-या सर्व वारक-यांना मोफत औषध उपचार करण्यात येणार आहे. तसेच पालखी मार्गावर वारक-यांकरीता एकुण २१ ठिकाणी मोफत औषध वाटप केंद्र उभारण्यात येणार आहेत.

पुणे शहरा मध्ये बुधवार  रोजी संत श्रेठ श्री. ज्ञानेश्वर महाराज व जगद्गुरू श्री तुकाराम महाराज यांच्या पालखीचे आगमन होत आहे. सदर दोन्ही पालख्यांच्या आगमना पासून ते पुणे शहरामधून होणा-या प्रस्थाना पर्यंत पालखी मार्गावर विविध ठिकाणी व पालखी मुक्कामाच्या ठिकाणी वारक-यांसाठी पुणे महानगरपालिकेच्या आरोग्य विभागा मार्फत मोफत औषध वाटप व उपचार केंद्र व विविध आरोग्य विषयक सेवा सुविधा मोफत पुरविण्यात येणार आहे. तसेच पालखी मुक्कामाच्या ठिकाणी नजीकच्या रफी मुहम्मद किडवाई शाळा व पुणे मनपाचा मामासाहेब बडदे दवाखाना येथे शासकिय नियमानुसार मोफत कोविड-१९ लसीकरण सुविधा पुरविण्यात येणार आहे. तसेच दोन्ही पालख्यांच्या आगमना पासून ते पुणे शहरामधून होणा-या प्रस्थाना पर्यंतच्या दिवशी पुणे महानगरपालिकेच्या सर्व दवाखाने व रूग्णालयांमध्ये येणा-या सर्व वारक-यांना मोफत औषध उपचार करण्यात येणार आहे. तसेच पालखी मार्गावर वारक-यांकरीता एकुण २१ ठिकाणी मोफत औषध वाटप केंद्र उभारण्यात येणार आहेत.

––

Medical schemes | वैद्यकीय योजनांसाठी 9 कोटींची औषध खरेदी | स्थायी समितीने दिली मान्यता

Categories
Breaking News PMC आरोग्य पुणे

वैद्यकीय योजनांसाठी 9 कोटींची औषध खरेदी

: स्थायी समितीने दिली मान्यता

पुणे : महापालिका प्रशासनाच्या वतीने शहरी गरीब वैद्यकीय योजना आणि अंशदायी वैद्यकीय सहायता योजना चालवल्या जातात. या योजनेच्या माध्यमातून औषध खरेदी केली जाते. त्यानुसार महापालिका प्रशासनाने दोन्ही योजनांसाठी 9 कोटी रुपयांची औषध करण्यासाठीचा प्रस्ताव स्थायी समिती समोर ठेवला होता. त्याला नुकतीच समितीने मान्यता दिली आहे.
महापालिकेच्या आरोग्य विभागाच्या वतीने शहरातील पिवळे रेशन कार्ड असलेल्या लोकांसाठी शहरी गरीब वैद्यकीय योजना चालवली जाते. या योजनेच्या माध्यमातून लोकांना उपचार आणि औषधे दिली जातात. त्याच पद्धतीने महापालिका कर्मचारी आणि आजी माजी नगरसेवकासाठी अंशदायी वैद्यकीय सहायता योजना चालवली जाते. शहरी गरीब योजनेसाठी 4 कोटी रुपयांची औषध खरेदी करण्याचा तर अंशदायी योजनेसाठी 5 कोटी रुपयांची औषध खरेदी करण्याचा असा 9 कोटी रुपयांचा प्रस्ताव प्रशासनाने स्थायी समिती समोर ठेवला होता. समितीने त्याला नुकतीच मान्यता दिली आहे.

Health Officer : PMC : आरोग्य प्रमुख डॉ भारती यांना मुदतवाढ 

Categories
Breaking News PMC Political पुणे

आरोग्य प्रमुख डॉ भारती यांना मुदतवाढ

:राज्य सरकारकडून 4 ऑक्टोबर पर्यंत मुदतवाढीचा आदेश

पुणे : महापालिकेचे आरोग्य प्रमुख डॉ आशिष भारती यांचा महापालिकेतील प्रति नियुक्ती वरील कालावधी 4 ऑक्टोबर 2021 लाच संपला होता. त्यावर डॉ भारती यांनी सरकारकडे कालावधी वाढवून मागितला होता. त्यावर बरेच दिवस निर्णय झाला नव्हता. अखेर सरकारने डॉ भारती यांना 4 ऑक्टोबर पर्यंत मुदतवाढ दिली आहे. त्याबाबतचे आदेश नुकतेच जारी करण्यात आले आहेत. दरम्यान डॉ भारती यांच्या मुदतवाढी ला जोरदार विरोध होत होता. सरकारचे आदेश डावलत आपल्याच विभागात आपल्या पत्नीला नोकरी दिल्याचा त्यांच्यावर आरोप केला जात होता. शिवाय त्यांच्या कालावधीत आरोग्य विभागात भ्रष्टाचार झाल्याचा आरोप देखील आप पार्टीने केला आहे.

: काय आहे शासन आदेश :-

डॉ. आशिष हिरालाल भारती, सहायक संचालक, आरोग्य सेवा (कु.क.) पुणे यांच्या सेवा संदर्भाधी दि.३०.०९.२०२० च्या शासन आदेशान्वये पुणे महानगरपालिकेच्या अधिपत्याखालील आरोग्य वैद्यकीय अधिकारी पदावर प्रतिनियुक्तीने एक वर्षाच्या कालावधीसाठी उपलब्ध करून देण्यात आल्या आहेत. डॉ.आशिष भारती यांचा प्रतिनियुक्तीचा कालावधी दि.०४.१०.२०२१ रोजी संपुष्टात आला आहे.
२. आता, या शासन आदेशान्वये डॉ. आशिष भारती यांना पुणे महानगरपालिकेच्या अधिपत्याखालील आरोग्य वैद्यकीय अधिकारी या पदावरील प्रतिनियुक्तीस दि.०५.१०.२०२१ पासून पुढे एक वर्ष म्हणजेच दि.०४.१०.२०- पर्यंत मुदतवाढ देण्यात येत आहे.
: आरोग्य विभागातील भरती प्रक्रियेत होणारी वशिलेबाजी, विलंब याची चौकशी व्हावी :  आम आदमी पक्ष
डॉ अभिजीत मोरे, आप प्रवक्ते याच्या म्हणण्यानुसार आरोग्य विभाग प्रमुख डॉ आशिष भारती यांच्या पत्नी डॉ योगिता रामचंद्र गोसावी या मानसोपचार तज्ञ आहेत. त्यांच्या संवर्गाची प्रारुप यादी दिनांक १७/१२/२०२० रोजी जावक क्रमांक अतिमआ/साप्रवि/आस्था/६४८३ अन्वये प्रसिद्ध करण्यात आली. या संवर्गाची अंतिम यादी दिनांक २०/०४/२०२१ रोजी जावक क्रमांक अतिमआ/ आस्था/साप्रवि/४८८ अन्वये प्रसिद्ध करण्यात आली आणि नेमणूक पत्र देण्यात आले. आरोग्य प्रमुखांच्या पत्नी असलेल्या संवर्गाच्या नेमणुका करण्यासाठी आरोग्य प्रमुखांनी दाखवलेली तत्परता इतर संवर्गासाठी का दाखवली गेली नाही?

कोविड संकटकाळात असून देखील आणि योग्य पात्रता असलेले डॉक्टर पुणे मनपात सेवा देण्यासाठी तयार असताना, छाननीमध्ये ते पात्र होऊन प्रारुप यादी प्रसिद्ध होऊन वर्ष ते दीड वर्षे होऊन देखील अंतिम यादी का जाहीर केली जात नाही? भ्रष्टाचार, आर्थिक देवाणघेवाण करण्यासाठी आणि राजकीय लागेबांधे असणाऱ्या उमेदवारांना घेण्यासाठीच ही प्रक्रिया मुद्दाम रखडवली गेली आहे. पुणे शहरातील सार्वजनिक रुग्णालये, दवाखाने यांच्या दुर्दशेसाठी महानगरपालिकेतील सत्ताधारी भाजपा कारणीभूत आहे. त्यांचा अधिकाऱ्यांवर वचक नाही. त्यांचे सर्व लक्ष ठेकेदारी, कमिशनबाजी, भ्रष्टाचार याकडेच लागले असून त्यामुळे सामान्य जनतेचे मात्र मरण आहे.

आम आदमी पक्ष मागणी करत आहे की- आरोग्य विभागातील भरती प्रक्रियेत होणारी वशिलेबाजी, विलंब याची चौकशी व्हावी आणि पात्र डॉक्टरांना विनाविलंब नेमणूक पत्र देण्यात यावे.

Dr. Siddharth Dhende : आरोग्य खात्यात काम करणाऱ्या  इतर खात्यातील कर्मचाऱ्यांना त्यांच्या मूळ जागी पाठवा 

Categories
Breaking News PMC Political आरोग्य पुणे

आरोग्य खात्यात काम करणाऱ्या  इतर खात्यातील कर्मचाऱ्यांना त्यांच्या मूळ जागी पाठवा

: नगरसेवक डॉ. सिद्धार्थ धेंडे यांची महापालिका आयुक्तांना मागणी

पुणे : शहरात कोरोनाचा प्रादुर्भाव सुरु झाल्यापासून महापालिका आरोग्य खात्यात काम करण्यासाठी इतर खात्यातील कर्मचाऱ्यांना नियुक्त करण्यात आले आहे. आता कोरोनाची लाट संपत आली आहे. त्यामुळे कर्मचाऱ्यांना त्यांच्या मूळ जागी पाठवा. अशी मागणी नगरसेवक आणि माजी उपमहापौर सिद्धार्थ धेंडे यांनी महापालिका आयुक्तांना केली आहे.

: आयुक्तांना दिले पत्र

डॉ धेंडे यांच्या पत्रानुसार सन २०१९ पासुन पुणे शहरामध्ये कोरोनाचा पहिला रुग्ण व पहिली लाट सुरु झाली.  त्यावेळेस आरोग्य खात्याचे कर्मचारी कमी असल्या कारणाने इतर खात्यामधील कर्मचारी व अधिकारी यांना आरोग्य खात्याकडे हजर करुन घेतलेले आहे. आता सन २०२२ चालु आहे. गेल्या २ वर्षामध्ये कोरोनाच्या तीन लाटांचा प्रादुर्भाव होऊन गेलेला आहे. इतकेच नव्हे तर पुणे शहरामध्ये जवळजवळ ९०% लसीकरण नागरिकांचे झालेले आहे. तिसरी लाट देखिल आता संपत चालेली आहे. पुणे महानगरपालिका मध्ये अटलबिहारी वाजपेयी वैद्यकिय महाविद्यालय चालू होण्याकरिता आपण अनेक डॉक्टर तसेच इतर कर्मचाऱ्यांची देखिल भरती केलेली आहे. हे डॉक्टर वैद्यकिय महाविद्यालयाला प्रशासकिय मान्यता मिळत नाही, तोपर्यंत ते नुसतेच बसून पगार घेत आहेत. माझी आपणास विनंती आहे. या डॉक्टरांना पुणे महानगरपालिकाच्या आरोग्य खात्याच्या सेवेमध्ये कार्यरत करावे.  तसेच जे कर्मचारी आरोग्य खाते सोडुन इतर खात्यामध्ये काम करित आहेत; त्यांना त्यांच्या मुळ खात्यामध्ये काम करता येईल असे आदेश आपण तत्परतेने दयावे. असे डॉ धेंडे यांनी पत्रात म्हटले आहे.

Contributed Medical Assistance Scheme : PMC : अंशदायी वैद्यकीय सहाय योजना :  वैद्यकीय बिले सादर करताना आता ही कागदपत्रे द्यावी लागणार 

Categories
Breaking News PMC पुणे

अंशदायी वैद्यकीय सहाय योजना :  वैद्यकीय बिले सादर करताना आता ही कागदपत्रे द्यावी लागणार

: गोंधळ टाळण्यासाठी महापालिका प्रशासनाचा निर्णय

पुणे : अंशदायी वैद्यकीय सहाय योजनेअंतर्गत पुणे मनपामार्फत पुणे मनपाचे दरपत्रकानुसार वैद्यकीय बिले अदा करणेत येतात. वैयक्तीक वैद्यकीय बिले सादर करताना अनेकवेळा अंर्तरुग्ण विभागाची (I.P.D.) बिले व औषधांची बिले एकत्र सादर करणेत येतात. हा गोंधळ टाळण्यासाठी आता आजी माजी नगरसेवक आणि कर्मचाऱ्यांना वेगवेगळी कागदपत्रे सादर करावी लागणार आहेत. महापालिका अतिरिक्त आयुक्त रवींद्र बिनवडे यांनी याबाबतचे आदेश नुकतेच जारी केले आहेत.

: आजी माजी नगरसेवक आणि कर्मचाऱ्यांना दिला जातो लाभ

पुणे महानगरपालिका, शिक्षण मंडळ विभाग, पी.एम.पी.एम.एल. या विभागाकडील सेवक, सेवानिवृत्त सेवक, विद्यमान सभासद व माजी सभासद, पुणे महानगरपालिका यांचे वैद्यकीय सेवा सुविधेसाठी पुणे महानगरपालिकेचे आरोग्य कार्यालयामार्फत अंशदायी वैद्यकीय सहाय्य योजना राबविण्यात येत आहे. पुणे महानगरपालिकेच्या सेवक, सेवानिवृत्त सेवक, विद्यमान सभासद व माजी सभासद, पुणे महानगरपालिका यांनी पुणे मनपाचे पॅनेलवरील रुग्णालयात वैद्यकीय उपचार घेणेसाठी रुग्णालयाचे इस्टिमेट (हॉस्पीटलचे चालू खर्चाचे अंदाजपत्रक) व आवश्यक कागदपत्रे (अंशदायी वैद्यकीय सहाय्य योजनेच्या कार्डची छायांकीत प्रत, सेवकाची चालू महिन्याची पगारपावती, ओळखपत्राची छायांकीत प्रत इ.) आरोग्य कार्यालयाकडे
सादर करुन आरोग्य कार्यालयातून रुग्णाचे नावे हमीपत्र घेवून पुणे मनपाचे पॅनेलवरील खाजगी रुग्णालयात दाखल होणे आवश्यक आहे. सेवक, सेवानिवृत्त सेवक यांना पुणे महानगरपालिकेचे आरोग्य विभागामार्फत देण्यात येणाऱ्या हमीपत्रानुसार पुणे मनपाचे दरपत्रकाप्रमाणे अंतिम बिलाचे ९०% रक्कम पुणे मनपामार्फत अदा केली जाते. उर्वरीत अंतिम वैद्यकीय बीलांपैकी उर्वरीत १०% रक्कम व फरकाची रक्कम संबंधित सेवकामार्फत हॉस्पिटल प्रशासनास अदा केली जाते.
पुणे महानगरपालिकेच्या सेवक, सेवानिवृत्त सेवक, विद्यमान सभासद व मा. माजी सभासद, पुणे महानगरपालिका हे अनेकवेळा हमीपत्र न घेता खाजगी रुग्णालयात वैद्यकीय उपचारांसाठी दाखल होतात. वैद्यकीय उपचार घेतलेनंतर स्वतः वैद्यकीय उपचारांचे संपूर्ण बिल अदा करतात. तद्नंतर सदरचे वैद्यकीय बिल प्रतिपूर्तीसाठी आरोग्य कार्यालयाकडे सादर करणेत येतात. अंशदायी वैद्यकीय सहाय योजनेअंतर्गत पुणे मनपामार्फत पुणे मनपाचे दरपत्रकानुसार वैद्यकीय बिले अदा करणेत येतात. वैयक्तीक वैद्यकीय बिले सादर करताना अनेकवेळा अंर्तरुग्ण विभागाची (I.P.D.) बिले व औषधांची बिले एकत्र सादर करणेत येतात. त्या अनुषंगाने अंशदायी वैद्यकीय सहाय योजनेअंतर्गत सर्व सभासदांना सुचित करणेत येत आहे की अंशदायी वैद्यकीय सहाय योजनेअंतर्गत वैयक्तीक प्रतिपूर्तीची वैद्यकीय बिले सादर करताना खालील नमूद केले प्रमाणे पुर्तता करुन सादर करणेत यावीत. असे आदेशात म्हटले आहे.

– वैयक्तीक प्रतिपूर्तीचे वैद्यकीय बिलांसोबत सादर करावयाची कागदपत्रे

अंर्तरुग्ण विभाग (I.P.D.)
१) आरोग्य प्रमुख यांचे नावे अर्ज
२) अंशदायी वैद्यकीय सहाय योजनेचे कार्ड – छायांकीत प्रत
३) सेवकाचे ओळखपत्र, आधारकार्ड – छायांकीत प्रत
४) रेशनकार्ड – छायांकीत प्रत
५) बँकेचे पासबुक – छायांकीत प्रत
६) हॉस्पीटल प्रशासनाकडील मूळ बिले आणि पावत्या (Detailed Original
Bill) सही व शिक्क्यांसहित
७) डिस्चार्ज कार्ड (Original) सही व शिक्क्यांसहित
८) औषध देय चिठ्ठया (Issue Memo)
बाह्यरुग्ण विभाग (O.P.D.)
१) आरोग्य प्रमुख यांचे नावे अर्ज
२) अंशदायी वैद्यकीय सहाय योजनेचे कार्ड – छायांकीत प्रत
३) रेशनकार्ड – छायांकीत प्रत
४) बँकेचे पासबुक – छायांकीत प्रत
५) सेवकाचे / सभासदाचे ओळखपत्र, आधारकार्ड – छायांकीत प्रत
६) डॉक्टरांच्या औषधांच्या चिठ्या (Original Prescription)
७) लॅब रिपोर्ट व बिले (Original)
८) औषधांची मूळ बिले
९) डॉक्टरांच्या Prescription नुसार देय कालावधीतील औषध बिले

Pune : Sex Ratio : पुढारलेल्या पुण्यात मुलींच्या जन्माच्या प्रमाणात चांगलीच घसरण!   

Categories
Breaking News PMC आरोग्य पुणे

पुढारलेल्या पुण्यात मुलींच्या जन्माच्या प्रमाणात चांगलीच घसरण!   

: शहरात 1 हजार मुलांमागे फक्त 900 मुली 

 

पुणे : एक हजार मुलांच्या जन्मामागे मुलींचे प्रमाण राज्यात सुधारले असले, तरी पुणे शहर मुलींच्या जन्माचे स्वागत करण्यात मागेच असल्याची धक्कादायक माहिती पुढे आली आहे. पुढारलेल्या पुण्यात ही स्थिती व्हावी, याबाबत आश्चर्य व्यक्त केले जात आहे. महापालिका आरोग्य विभागाच्या माहितीनुसार पुणे शहरात मुलींचे जन्माचे प्रमाण हे 900 आहे. मागील वर्षी हे प्रमाण 946 होते. मागील काही वर्षात महापालिकेने चांगले काम करत हे प्रमाण 879 वरून 946 पर्यंत आणले होते. मात्र आता पुणे शहरातील मुलींच्या जन्माच्या प्रमाणात चांगलीच घसरण झाली आहे.

 

: जनजागृतीत महापालिका कमी पडली 

 
एक हजार मुलांच्या जन्मामागेच मुलींच्या जन्माचे प्रमाण काढण्यात येते. पुणे महापालिकेकडून अथवा कोणत्याही शहर, जिल्ह्यातून मुलींच्या जन्माची आकडेवारी उपलब्ध झाल्यास त्यावरून लिंग गुणोत्तर निश्चित केले जाते. जन्म विभागाकडे दैनंदिन मुला मुलींच्या जन्माची नोंदणी केली जाते. त्यातून संकलित माहितीच्या आधारे हे प्रमाण काढले जाते. लिंग गुणोत्तराच्या बाबतीत पुणे शहर आणि महापालिका राज्यात वरच्या स्थानावर होती. याबाबत महापालिकेचे राज्य सरकार कडून कौतुक देखील केले जायचे. महापालिकेकडून वेगवेगळ्या उपाय योजना राबवून आणि जनजागृती करून हे प्रमाण वाढवले गेले होते. मात्र 2021 सालात हे प्रमाण चांगलेच घसरले आहे. मुलींचे स्वागत करण्यात पुढारलेले पुणे उणे का असा प्रश्न आता विचारला जाऊ लागला आहे. दरम्यान यावर्षी संपूर्ण लक्ष कोविड कडेच असल्याने महापालिका जनजागृती करण्यात कमी पडली, असे मानले जात आहे.
 

: 2020 ला सेक्स रेशो 946 

दरम्यान, ‘ 2010 साली पुणे शहरातील मुलींच्या जन्माचे प्रमाण 879 होते. 2011 मध्ये मुलींच्या जन्माचे प्रमाण 884 एवढे होते. 2012 व 2013 मध्ये अनुक्रमे 934 व 933 एवढे प्रमाण होते. 2014 मध्ये त्यात थोडीशी वाढ होऊन ते 937 पर्यंत गेले, तर 2015 मध्ये  हे प्रमाण घसरून 925 पर्यंत खाली आले होते. त्यानंतर 2019 ला 922 तर 2020 ला हे प्रमाण 946 पर्यंत आले होते. मात्र 2021 मध्ये यात खूपच घसरण झाली आहे. 1000 मुलांच्या मागे मुलींचे प्रमाण फक्त 900 आहे. असे पुणे महापालिकेच्या आरोग्य विभागाच्या अधिकाऱ्यांनी सांगितले.

: लिंग गुणोत्तर (sex Ratio) प्रमाण 

 
वर्ष             मुले          मुली       रेशो 
 
2010         26560      23357    879
2011        27589       24396   884
2012        29126       27212   934
2013        28772      26831    933
2014        27851       26098  937
2019        27407     25262.  922
2020.      25967.    24577.   946
2021.      20273.    18259.   900
(ऑक्टोबर पर्यंत)

PMC : Non covid work : आता नॉन कोविड कामांना प्राधान्य द्या  : राज्याचे उपसंचालक डॉ रामचंद्र हंकारे यांचे पुणे मनपाला निर्देश 

Categories
Breaking News PMC आरोग्य पुणे महाराष्ट्र

आता नॉन कोविड कामांना प्राधान्य द्या

: राज्याचे उपसंचालक डॉ रामचंद्र हंकारे यांचे पुणे मनपाला निर्देश

पुणे : आरोग्य विषयक कामकाजात पुणे महापालिका ही नेहमीच अग्रेसर राहिली आहे. याबाबत राज्य सरकारकडून नेहमीच कौतुक देखील होत असते. मात्र कोविड आल्यापासून महापालिकेची नॉन कोविड कामात घसरण झालेली दिसून येत आहे. त्या धर्तीवर आता नॉन कोविड कामांना प्राधान्य देण्याचे आदेश राज्य आरोग्य विभागाचे उपसंचालक डॉ रामचंद्र हंकारे यांनी दिले आहेत. शिवाय मनुष्यबळाचे सुसूत्रीकरण करण्याचे आदेश देखील डॉ हंकारे यांनी महापालिकेच्या आरोग्य विभागाला दिले आहेत.

: आरोग्य विषयक कामाचा घेतला आढावा

राज्यातील आरोग्य सेवेशी संबंधित RMNCH+A, क्षयरोग / कुष्ठरोग, कोविड लसीकरण आणि किटकजन्य आजार या महत्वाच्या कार्यक्रमांचा व इतर सर्व विषयांचा आढावा घेण्याच्या दृष्टीने सन २०२१-२२ मध्ये सर्व निर्देशांकाची उद्दिष्टे पुर्ण होण्याच्या दृष्टीने पुणे महानगरपालिका कार्यक्षेत्राकरीता राज्यस्तरीय नोडल अधिकारी म्हणून डॉ हंकारे यांची राज्य स्तरावरुन नेमणूक करण्यात आली आहे. त्या अनुषंगाने महानगरपालिका क्षेत्रा अंतर्गत झालेल्या कार्यक्रमांच्या आढाव्यासंबंधात महानगरपालिकेतील आरोग्य सेवेशी संबधित सहाय्यक आरोग्य अधिकारी, शहर क्षयरोग अधिकारी, जिल्हा हिवताप अधिकारी, आरसीएच ऑफीसर, वैदयकीय अधिक्षक रुग्णालय, सर्व नोडल ऑफीसर, परिमंडळ वैदयकीय अधिकारी, प्रभाग वैदयकीय अधिकारी, निवासी वैदयकीय अधिकारी प्रसुतीगृह, वैदयकीय अधिकारी हेल्थ पोस्ट, शहर कार्यक्रम व्यवस्थापक, शहर लेखा व्यवस्थापक व महानगरपालिका स्तरावरील सर्व कार्यक्रम अधिकारी यांची बैठक डॉ हंकारे यांनी घेतली. घोले रोड आर्ट गॅलरी सभागृहात आरोग्य अधिकारी  डॉ.वैशाली जाधव, वैद्यकीय प्रशासक डॉ.पाटील, डॉ.देवकर,  डॉ.चकोर आणि NUHM कर्मचारी यांनी सादरीकरण केले. त्यावेळी त्यांनी महापालिकेला नॉन कोविड कामावर लक्ष केंद्रित करण्यास सांगितले आहे.

: मनुष्यबळाचे सुसूत्रीकरण करण्याचे आदेश

याबाबत डॉ हंकारे यांनी ‘द कारभारी’ शी बोलताना  सांगितले कि आरोग्य विषयक कामकाजात पुणे महापालिका ही नेहमीच वरच्या स्थानावर राहिली आहे. मात्र कोविड आल्यापासून महापालिकेचे सर्व लक्ष कोविड च्याच कामाकडे लागले आहे. मात्र आता कोविड चा कहर कमी झाला आहे. त्यामुळे आता नॉन कोविड कामाकडे लक्ष देणे गरजेचे आहे. कारण सरकारच्या सर्व योजनाची नागरिकांना गरज असते. त्यामुळे आता वेगवेगळे सर्वे करून लोकांना या योजनाचा लाभ देणे गरजेचे झाले आहे. त्यामुळे महापालिकेने हे काम करणे गरजेचे आहे, असे आम्ही आरोग्य विभागाला सांगितले. डॉ हंकारे पुढे म्हणाले, या सोबतच आरोग्य विभागाच्या  मनुष्यबळाचे सुसूत्रीकरण करणे देखील आवश्यक झाले आहे. ते करण्याचे आदेश मनपाला देण्यात आले आहेत. कारण त्यातून महापालिका योग्य नियोजन करून योजना राबवता येतील. समाविष्ट गावाह्या बाबतीत एक सविस्तर प्रस्ताव केंद्र आणि राज्य सरकारला देण्यास देखील सांगण्यात आले आहे. शिवाय महापालिकेच्या सर्वच पदांचा एक बृहत आराखडा करण्याचे आदेश देखील महापालिकेला देण्यात आले. आगामी काळात लवकरच आढावा घेण्यात येईल आणि महापालिकेच्या कामाची गती बघितली जाईल. असे देखील डॉ हंकारे म्हणाले.