Pune Balsnehi Chowk |प्रभाग २ मधील बालस्नेही चौकाचे लोकार्पण | माजी उपमहापौर डॉ. सिद्धार्थ धेंडे यांचा यशस्वी पाठपुरावा

Categories
Breaking News Political social पुणे

Pune Balsnehi Chowk |प्रभाग २ मधील बालस्नेही चौकाचे लोकार्पण | माजी उपमहापौर डॉ. सिद्धार्थ धेंडे यांचा यशस्वी पाठपुरावा

| ज्येष्ठ नागरिक, विद्यार्थी आणि लहान मुलांच्या सुरक्षेची घेतली जबाबदारी

| माजी आमदार जगदीश मुळीक, वाहतूक शाखेचे पोलिस उपायुक्त शशिकांत पाटील यांची उपस्थिती

 

Pune Balsnehi Chowk | पुणे महापालिकेच्या प्रभाग दोन मधील समतानगर येथील लुंबिनी उद्यानासमोरील बालस्नेही चौकाचे लोकार्पण करण्यात आले. शिवजयंतीच्या मुहूर्तावर माजी आमदार जगदीश मुळीक, वाहतूक शाखेचे पोलिस उपायुक्त शशिकांत पाटील यांच्या हस्ते हा कार्यक्रम पार पडला. ज्येष्ठ नागरिक, विद्यार्थी, महिला, लहान मुले यांच्या सुरक्षेच्या दृष्टिकोनातून माजी उपमहापौर डॉ. सिद्धार्थ धेंडे यांनी यासाठी यशस्वी पाठपुरावा केला आहे. (Dr Siddharth Dhende Pune)

या वेळी येरवडा पोलीस ठाण्याचे पोलीस निरीक्षक संतोष पाटील, नाना नलावडे, मंगेश गोळे, नामदेवराव घाडगे, यशवंत शिर्के,पांडाभाउ मोहीते , विजय कांबळे, गजानन जागडे, शेखर शेंडे, दिलिप मस्के ,शिवाजीराव ठोंबरे आदीसह प्रभाग दोन मधील रिक्षा संघटनांचे सर्व पदाधिकारी यावेळी उपस्थित होते.

The karbhari - Dr Siddharth Dhende

प्रभाग दोन येथील समतानगर मधील लुंबिनी चौकात भाजी मंडई, शाळा, पीएमपीएल बस थांबा असल्याने लोकांची मोठी वर्दळ असते. अनेक वेळेला या चौकातून वाहनधारक वेगाने वाहने चालवीत जातात. त्यामुळे ज्येष्ठ नागरिक, महिला, विद्यार्थी, लहान मुलांच्या सुरक्षेचा प्रश्न ऐरणीवर आला होता. एखादा अपघात घडण्याची भीती नागरिकांमध्ये होती. त्यावर अंकुश बसावा, तसेच खबरदारी म्हणून प्रभागातील नागरिकांनी उपाययोजना राबविण्याबाबत माजी उपमहापौर डॉ. सिद्धार्थ धेंडे यांच्याकडे गाऱ्हाणे मांडले होते. चौक सुरक्षित होण्यासाठी तसेच त्याच्या सुशोभीकरणासाठी डॉ. धेंडे यांनी पुणे महापालिकेकडे तसेच अर्बन ९५ अंतर्गत काम करण्यासाठी पाठपुरावा केला होता. अखेर त्याला यश आले. महापालिकेने येथील बालस्नेही चौकाचे डिझाईन करून हा चौक सुरक्षित करण्याबरोबरच सुशोभित देखील केला आहे. त्याचे सोमवारी (दि. १९) माजी आमदार जगदीश मुळीक, पुणे वाहतूक शाखेचे डीसीपी शशिकांत बोराटे यांच्या हस्ते हे लोकार्पण पार पडले.

The karbhari - Jagdish Mulik

बालस्नेही चौक (मुलांसाठी सुरक्षित चौक) हा शहरातील १०० चौकापैकी एक महत्त्वाचा पहिला आगळावेळा उपक्रम ठरला असल्याचे यावेळी वाहतूक शाखेचे डीसीपी शशिकांत बोराटे आणि माजी आमदार जगदीश मुळीक म्हणाले.
—————-
बालस्नेही चौकात मिळणार या सुविधा –

या चौकामध्ये विविध उपाय योजनांचा समावेश केला आहे. त्यामध्ये चौकात सीसीटीव्ही यंत्रणा कार्यान्वित केली आहे. गतिरोधक बसवण्यात आले आहेत. लहान मुलांना रस्ता ओलांडता यावा यासाठी रस्ता क्रॉसिंगची व्यवस्था केली आहे. या ठिकाणी असणाऱ्या रिक्षा स्टॅन्डचे डिजिटलायझेशन केले आहे. त्यामध्ये एलईडी बसवून प्रभागाची तसेच शासनाच्या विविध योजनांची माहिती दिसणार आहे. याचा लाभ प्रभागातील नागरिकांना होणार आहे. बस, शाळेचे वेळापत्रक त्या फलकावर दिसणार आहे. आपत्कालीन सेवा बजावणारे सर्व संपर्क क्रमांक देखील दिसणार आहेत. पुणे शहरातील हे पहिले डिजिटल रिक्षा स्टॅन्ड ठरले आहे.
———-

प्रभाग क्रमांक दोन मधील समतानगर येथील लुंबिनी उद्यानाजवळील हा मुख्य चौक असल्यामुळे नागरिकांची सतत मोठी वर्दळ असते. काही वाहन चालक वेगाने वाहने चालवीत असल्याने अपघात होण्याची शक्यता असल्याचे नागरिकांनी सांगितले होते. त्यानुसार पुणे महापालिका आणि अर्बन ९५ अंतर्गत मी बालस्नेही चौकाचे सुशोभीकरण करत सुरक्षेच्या दृष्टीने काळजी घेतली. महापालिकेचे अधिकारी, प्रभागातील नागरिकांनी देखील याला सकारात्मक प्रतिसाद दिला. पुणे शहरातील अत्यंत स्तुत्य असा हा उपक्रम असल्याचे मी मानतो.

डॉ. सिद्धार्थ धेंडे, माजी उपमहापौर, पुणे महापालिका
—————————————-

Dr Siddharth Dhende | रोजगार प्रशिक्षण केंद्रातून महिला आर्थिक स्वावलंबी होतील : डॉ. सिद्धार्थ धेंडे

Categories
cultural Political social पुणे

Dr Siddharth Dhende | रोजगार प्रशिक्षण केंद्रातून महिला आर्थिक स्वावलंबी होतील : डॉ. सिद्धार्थ धेंडे

– प्रभाग क्रमांक २ मध्ये महिलांसाठी घरगुती उद्योग प्रशिक्षण केंद्राचे उद्घाटन | माजी उपमहापौर डॉ. धेंडे यांचा पुढाकार

 

Dr Siddharth Dhende | राज्यासह देशभरात महिला उद्योजकांची मोठी संख्या वाढत आहे. महिलांना प्रोत्साहन दिल्यास आणखीन उद्योजक वाढतील. त्यासाठी महिलांना योग्य मार्गदर्शन करणे गरजेचे आहे. उद्योग प्रशिक्षण केंद्रामधून महिलांना उद्योग सुरु करता येईल. त्यामधून आर्थिक स्वावलंबी जीवन जगता येईल, असे प्रतिपादन पुणे महापालिकेचे माजी उपमहापौर डॉ. सिद्धार्थ धेंडे यांनी केले.

पुणे महापालिकेच्या प्रभाग क्रमांक २ मधील पंचशील विहार, धम्म ज्योती संघटना क्रियाशील आदर्श सेवा मंडळ, चर्च शेजारी, नागपूर चाळ या ठिकाणी महिलांकरिता घरगुती उद्योग प्रशिक्षण केंद्राचे उद्घाटन आज पार पडले. धम्म ज्योती संघटना व सुजाता महिला मंडळ यांच्या विद्यमाने या कार्यक्रमाचे आयोजन करण्यात आले होते. लिज्जत पापड उद्योग समूह महाराष्ट्र राज्याचे कार्यकारी संचालक सुरेश कोते यांच्या हस्ते कार्यक्रमाचे उदघाटन करण्यात आले. या वेळी मार्गदर्शन करताना डॉ. धेंडे बोलत होते. महिलांनी देखील या यामध्ये सहभाग घ्यावा असे आवाहन डॉ. सिद्धार्थ धेंडे यांनी केले.

The karbhari - PMC Ward no 2

या कार्यक्रमाला सामाजिक कार्यकर्ते नामदेवराव घाडगे, विजय कांबळे, विशाल सोनवणे, अरविंद रणपिसे,अनिल कांबळे, अजय कांबळे, कमल वाघमारे, मंगल गमरे, कमल कांबळे, आरती माने , रेखा जाधव , सुजाता महिला मंडळ, धम्म ज्योती संघटना यांचे सर्व पदाधिकारी, सभासद तसेच प्रथम सामाजिक संघटना, आदीसह प्रभागातील नागरिक, महिला मोठ्या संख्येने उपस्थित होत्या.

या कार्यक्रमात लिज्जत पापड उद्योग समूह महाराष्ट्र राज्याचे कार्यकारी संचालक सुरेश कोते यांनी घरगुती उद्योगांची माहिती दिली. त्यामधील संधी, आर्थिक प्रगतीचा आढावा मांडला. त्याचा प्रभागातील महिलांना मोठा लाभ झाला.

The karbhari - PMC Ward no 2

या कार्यक्रमाबरोबरच प्रथम, आयबीएम, स्किल्स बिल्ड नोकरी / रोजगार कौशल्य मोहीम अंतर्गत मोफत कोर्स / रोजगार मेळावा देखील आयोजित केला. तरुणांना रोजगाराच्या संधी उपलब्ध व्हाव्यात. रोजगाराची माहिती मिळावी या उद्देशाने १८ ते ३५ वर्षे वयोगटातील नागरिकांसाठी याचे आयोजन करण्यात आले होते. सुजाता महिला मंडळ आणि धम्म ज्योती संघटना यांच्या पुढाकाराने हे उपक्रम पार पडले.
—————————————————–

Manoj Jarange Patil | RPI Pune | मनोज जरांगे पाटील यांच्या आंदोलनाला रिपब्लिकन पक्षाचा पाठिंबा 

Categories
Breaking News Political social पुणे

Manoj Jarange Patil | RPI Pune | मनोज जरांगे पाटील यांच्या आंदोलनाला रिपब्लिकन पक्षाचा पाठिंबा

Manoj Jarange Patil | आज पुण्यात मराठा आरक्षण संघर्ष यात्रेचे (Maratha Aarakshan Sangharsh Yatra) प्रमुख मनोज जरांगे (Manoj Jarange) यांचे रिपब्लिकन पार्टी ऑफ इंडिया (आठवले गट ) (RPI Pune) यांच्या वतीने पुणे शहराचे माजी उपमहापौर डॉ.सिद्धार्थ धेंडे (Dr Siddharth Dhende) यांनी भारतरत्न डॉ.बाबासाहेब आंबेडकर यांची प्रतिमा व भगवान गौतम बुद्ध यांची मूर्ती भेट देऊन स्वागत केले आणि या आंदोलनास पाठिंबा दिला. (Manoj Jarange Patil)
यावेळी छत्रपती शिवाजी महाराज आणि डॉ .बाबासाहेब आंबेडकर यांच्या घोषणा देत आंदोलनातील कार्यकर्त्यांना शुभेच्छा देण्यात आल्या. तसेच पाणी आणि अल्पउपहार वाटप करण्यात आला .
           यावेळी डॉ सिद्धार्थ धेंडे माजी उपमहापौर पुणे, बाळासाहेब जानराव प्रदेश सचिव आर.पी.आय, संजय सोनवणे, अध्यक्ष पुणे आरपीआय
निलेश आल्हाट, शाम सदाफुले, रज्जाक शेख, मुश्ताक शेख,सुशील सर्वगोड, विजय कांबळे, गजानन जगडे,चंद्रकांत चव्हाण, संजय वायकर, विनोद मोरे, प्रताप धुमाळ, अन्वर देसाई, मंगला गमरे, मीना पांडे, संगिता फ्रान्सिस यासह पुणे शहरातील रिपब्लिकन पक्षाचे कायकर्ते, अविनाश सात्रस, विनायक महाडीक, आण्णा मोहिते, संजय सात्रस, अनिल कांबळे, गणेश पारखे, प्रेरणा जेष्ठ नागरिक संघाचे पदाधिकारी व सभासद तसेच नागपूरचाळ – महाराष्ट्र हौसिंग बोर्ड मधील सर्व मंडळांचे पदाधिकारी व सभासद व पथारी व्यावसायिक उपस्थित होते.

MHADA | Stamp Duty Amenity Scheme | म्हाडाच्या इमारत पुनर्विकासातील अडथळे हटणार | माजी उपमहापौर डॉ. सिद्धार्थ धेंडे यांचा पुढाकार

Categories
Breaking News social पुणे महाराष्ट्र

MHADA | Stamp Duty Amenity Scheme | म्हाडाच्या इमारत पुनर्विकासातील अडथळे हटणार | माजी उपमहापौर डॉ. सिद्धार्थ धेंडे यांचा पुढाकार

– प्रभाग दोन मध्ये राबविलेल्या ‘महाराष्ट्र मुद्रांक शुल्क अभय योजनेला नागरिकांचा प्रतिसाद

 

MHADA | Stamp Duty Amenity Scheme | महाराष्ट्र शासनाने सुरु केलेल्या ‘महाराष्ट्र मुद्रांक शुल्क अभय योजना २०२३’चे (Stamp Duty Amenity Scheme) पुणे महापालिकेच्या प्रभाग दोन (PMC Ward no 2) मध्ये यशस्वी आयोजन करण्यात आले. माजी उपमहापौर डॉ. सिद्धार्थ धेंडे (Dr Siddharth Dhende) यांच्या पुढाकाराने याचे आयोजन करण्यात आले होते. या उपक्रमाच्या पहिल्याच दिवशी ४०० थकीत मुद्रांक शुल्क म्हाडा ची प्रकरणे मार्गी लावली. त्यामुळे अभिहस्तांतरणाचा मार्ग मोकळा होऊन प्रभाग दोन मधील म्हाडाच्या इमारत पुर्नविकासातील अडथळे हटणार आहेत. (MHADA | Stamp Duty Amenity Scheme)

महाराष्ट्र शासनाने ‘महाराष्ट्र मुद्रांक शुल्क अभय योजना २०२३’ राबविण्याचा निर्णय घेतलेला आहे. या अभियानाचे पुणे महापालिकेच्या प्रभाग दोन मधील हिंदू संस्कृती संवर्धन मंच येथे डॉ. धेंडे यांच्या पुढाकाराने आयोजन केले होते.

या वेळी म्हाडाचे प्रवीण वाघमारे, गोडे साहेब, ॲड. सराफ, ॲड. प्रदीप पाटील, मुद्रांक शुल्क विभागाचे प्रशासकीय अधिकारी मंगेश खामकर, संतोष हिंगणे आदींसह ३२ जणांची समिती या उपक्रमासाठी सहभागी झाले होते. या बरोबरच प्रभागातील महाराष्ट्र हाऊसिंग बोर्ड पुनर्विकास कृती समिती चे अजय बल्लाळ , संयुक्त संघ चे डि के जाधव , नामदेव वेताळ, समतानगर गाळेधारक महासंघाचे सचिव शिवाजीराव ठोंबरे , हिंदु संस्कृती चे दिलिप महस्के , प्रेरणा जेष्ठ नागरिक संघ चे सांडभोर , दिघे , मेजर रणपिसे , त्रिरत्न संघ चे रत्नदिप हिरवे , पथारी संघटने चे विजय कांबळे , गजानन जागडे व ईतर पदाधिकारी उपस्थित होते.

पुणे महापालिकेच्या प्रभाग दोन मधील म्हाडाच्या इमारत पुनर्विकासासाठी सातत्याने प्रयत्न सुरु आहेत. त्याला आणखीन गती मिळण्यासाठी शासनाची महाराष्ट्र मुद्रांक शुल्क अभय योजना २०२३’ प्रभागात राबविण्यात आली. इमारतीचे अभिहस्तांतरण करणे हे म्हाडाच्या इमारत पुनर्विकासातील महत्वाचा घटक आहे. त्यासाठी प्रत्येक गाळेधारकांनी थकीत मुद्रांक शुल्क भरणे गरजेचे आहे. त्याचाच एक भाग म्हणून महाराष्ट्र शासनाने ‘महाराष्ट्र मुद्रांक शुल्क अभय योजना २०२३’ राबविण्याचा निर्णय घेतलेला आहे. १ जानेवारी १९८० ते ३१ डिसेंबर २०२० या कालावधीतील निष्पादित केलेले आणि नोंदणीस दाखल केलेले किंवा न केलेल्या दस्तावरील मुद्रांक शुल्क आणि त्यावरील दंडामध्ये या अभय योजनेत सवलत देण्यात आलेली आहे. ही योजना १ डिसेंबर २०२३ ते ३१ जानेवारी २०२४ आणि १ फेब्रुवारी २०२४ ते ३१ मार्च २०२४ या दोन टप्प्यात राबविण्यात येणार आहे. सदर योजनेसाठी संबंधित मुद्रांक जिल्हाधिकारी किंवा दुय्यम निबंधक यांच्या कार्यालयात अर्ज करता येतील. अर्जाचा नमुना या विभागाच्या संकेतस्थळावर (igrmaharashtra.gov.in) तसेच सर्व मुद्रांक जिल्हाधिकारी व दुय्यम निबंधक कार्यालयात उपलब्ध आहे. सदर योजनेची सविस्तर माहिती विभागच्या संकेतस्थळावर उपलब्ध असल्याची माहिती या वेळी माजी उपमहापौर डॉ. धेंडे यांनी दिली.

——–

शासन आपल्या दारी हा सक्षम उपक्रम राज्य सरकार राबवित आहे. याचा प्रभागातील नागरिकांनी लाभ घेतला पाहिजे, असे आवाहन मी या कार्यक्रमावेळी केले. मुद्रांक शुल्क थकीत असेल तर अभिहस्तांतरण करण्यात अडथळे येतात. त्यामुळे इमारतीचा पुनर्विकास होणार नाही. त्यामुळे आणखीन नागरिकांनी या मध्ये सहभाग नोंदविणे आवश्यक आहे. नागरिकांमध्ये जनजागृती करण्यासाठी या उपक्रमाचे आयोजन केले होते. त्याला चांगला प्रतिसाद मिळाला.

डॉ. सिद्धार्थ धेंडे, माजी उपमहापौर, पुणे महापालिका

Bhima Koregoan | भीमा कोरेगावच्या विजयस्तंभ परिसरात स्वच्छतेचा उपक्रम | माजी उपमहापौर डॉ. सिद्धार्थ धेंडे यांच्यासह सामाजिक संस्थांचा सहभाग

Categories
Breaking News cultural Political social पुणे

Bhima Koregoan | भीमा कोरेगावच्या विजयस्तंभ परिसरात स्वच्छतेचा उपक्रम

| माजी उपमहापौर डॉ. सिद्धार्थ धेंडे यांच्यासह सामाजिक संस्थांचा सहभाग

Bhima Koregoan | Vijaystambh | 1 जानेवारी रोजी शौर्य दिनानिमित्त (Shourya divas)  राज्यासह देशभरातून सुमारे 15 लाख पेक्षा अधिक भीम अनुयायी भीमा कोरेगाव (Bhima Koregoan) येथील विजयस्तंभास अभिवादन करण्यासाठी आले होते. त्याच्या दुसऱ्या दिवशी 2 जानेवारी रोजी विजयस्तंभ परिसरामधे स्वच्छता रहावी व स्थानिक रहिवाशांना कोणताही त्रास होऊ नये, यासाठी या परिसरात स्वच्छता मोहीम राबविण्यात आली. पुणे महापालिकेचे माजी उपमहापौर डॉ. सिद्धार्थ धेंडे (Dr Siddharth Dhende) यांच्यासह विविध सामाजिक संस्थांनी त्यामध्ये सहभाग घेतला. या वेळी परिसरातील कचरा, पाण्याच्या बॉटल, कागद आदी उचलून परिसर स्वच्छ करण्यात आला.

या स्वच्छता उपक्रमात क्टेलिस्ट फाउंडेशनचे सुनिल माने व सहकारी, बीबीसीचे सहकारी, भीम युवा संघ, महिला संघटना, विजय कांबळे, संदिप चाबुकस्वार, भंते नागघोष सर्व भीम सहकारी यांनी पुणे मनपा आरोग्य विभाग, स्वच्छ संस्था, आधार पुनावाला समुह, जिल्हा परिषद आरोग्य विभाग, पेरणे ग्राम पंचायत आदींच्या सोबत परिसर स्वच्छ करून घेतला.

या वेळी डॉ. सिद्धार्थ धेंडे म्हणाले की, भीमा कोरेगावला ऐतिहासिक वारसा आहे. त्यांच्या आठवणींचे जतन भीम अनुयायी करत असतात. ही ऐतिहासिक आठवण स्मरणात रहावी, यासाठी विजयस्तंभ उभारण्यात आला आहे. त्याला लाखो अनुयायी अभिवादन करण्यासाठी येतात. एवढ्या प्रचंड संख्येनंतर या परिसरातील स्वच्छतेची जबाबदारी देखील आपलीच आहे, या सामाजिक भावनेतून परिसरात स्वच्छता मोहिम राबवली जात आहे. गेल्या 10 वर्षांपासून स्वच्छतेच्या उपक्रमासाठी पुढाकार घेत असल्याचे डॉ. धेंडे यांनी सांगितले. त्याला यश फाउंडेशन, क्रिस्टल संस्था, आयुष आंबेडकरी युवा संघ, स्वच्छ संस्था, आधार पुनावाला संस्था, पेरणे ग्रामपंचायतचे स्वच्छता कर्मचारी या सामाजिक संघटनांची देखील मोलाची साथ मिळत असल्याचे डॉ. धेंडे यांनी सांगितले.
—————————-

Dr Siddharth Dhende Pune | संवाद सभेत नागरिकांचा एल्गार | अवैध धंदे, नियमबाह्य कामांना आळा घालण्याची पोलिस, महापालिका अधिकाऱ्यांकडे मागणी

Categories
Breaking News PMC Political social पुणे

Dr Siddharth Dhende Pune  | संवाद सभेत नागरिकांचा एल्गार | अवैध धंदे, नियमबाह्य कामांना आळा घालण्याची पोलिस, महापालिका अधिकाऱ्यांकडे मागणी

| डॉ. सिद्धार्थ धेंडे यांचा प्रभाग दोन मध्ये संवाद सभेचा अनोखा उपक्रम

शाळांच्या परिसरात असणाऱ्या हुल्लडबाजांवर जरब बसवा. अवैध धंदे करणाऱ्यांच्या मुसक्या आवळा. नियमबाह्य डीजे वाजविनाऱ्यांवर कडक कारवाई करा. या मागण्यांसह अनेक समस्यांवर बोट ठेवत, प्रभागातील चुकीच्या कामाविरोधात संवाद सभेतून नागरिकांनी एल्गार पुकारला.

पुणे महापालिकेच्या प्रभाग दोन मध्ये ‘नागरिकांचे संरक्षण’ या विषयावर गुरुवारी (दि. 28) संवाद सभेचे आयोजन करण्यात आले होते. माजी उपमहापौर डॉ. सिद्धार्थ धेंडे यांच्या पुढाकाराने हा अनोखा उपक्रम राबविण्यात आला होता. पोलिस आणि महापालिका अधिकारी यांच्या उपस्थितीत आयोजित या सभेत नागरिकांनी आपल्या समस्यांचा पाढा वाचला.

या वेळी येरवडा पोलिस स्टेशनचे वरिष्ठ पोलीस निरीक्षक बाळकृष्ण कदम, येरवडा क्षेत्रीय कार्यालयाचे सहायक आयुक्त विजय नायकल, येरवडा पोलीस स्टेशनचे पोलिस उपनिरीक्षक डोंबाळे, कल्याणीनगर विभाग महावितरणचे सहायक अभियंता संतोष तळपे आदीसह प्रभागातील नागरिक, ज्येष्ठ नागरिक, विद्यार्थी, महिला मोठ्या संख्येने उपस्थित होते.

येरवडा पोलिस स्टेशनचे अधिकारी, तसेच महापालिका अधिकारी यांनी नागरिकांच्या मागण्या नमूद करून घेतल्या. त्यावर कार्यवाही केली जाणार आहे.

या वेळी येरवडा पोलिस स्टेशनचे वरिष्ठ पोलीस निरीक्षक बाळकृष्ण कदम म्हणाले की, प्रभागातील नागरिकांनी मांडलेल्या अडचणींचे निराकरण करू. तक्रारींची दखल घेऊन शाळेच्या आवारात हुल्लडबाजी करणाऱ्यांवर कारवाई करू. लेखी तक्रार देणाऱ्या नागरिकांचे नाव गुप्त ठेवले जाईल. मात्र चुकीचे काम करणाऱ्या लोकांवर जरब बसवू, असे आश्वासन पोलिस निरीक्षक कदम यांनी दिले.
—————————

: नागरिकांनी मांडल्या या समस्या

या मध्ये प्रभागातील शाळांच्या परिसरात हुल्लडबाज थांबलेले असतात. त्याचा विद्यार्थी आणि विद्यार्थ्यांनी यांना त्रास होतो. त्यांच्यावर आळा घाला. प्रभागातील पदपथ मोकळे करा. अतिक्रमणवर कारवाई करा. शाळांनी मुलांच्या मोबाईल वापरावर निर्बंध घालावे. शाळांच्या बाहेर सीसीटीव्ही बसवावे. प्रभागातील दारू विक्री, गुटखा विक्री, अवैध धंदे बंद करावेत. क्राईम स्पॉट, चौक मोकळे करणे, मोकळ्या जागेत होणारे चुकीचे काम थांबवा. रात्री दहा नंतर वाजणारे डीजे बंद करावेत. त्याचा वयोवृद्ध लोकांना त्रास होतो. नियमबाह्य डीजे वाजविणाऱ्या लोकांवर कारवाई करावी. कालच विमाननगर येथे गॅस सिलेंडरचे स्फ़ोट झाले आहेत. खबरदारी म्हणून प्रभाग दोन मधील बेकायदेशीर गॅस विक्री करणाऱ्यांवर कारवाई करावी. प्रभागातील भिंतींवर चुकीचे केलेलं पेंटिंग काढून भिंत सुशोभित करा. आदींसह विविध मुद्दे नागरिकांनी मांडले.
——————————

माझ्या प्रभागातील विविध समस्यांवर नागरिकांकडून सातत्याने तक्रारी येत होत्या. काही जण लेखी तर काही जण वॉट्सप वर मेसेज करून सांगत होते. नागरिकांच्या या तक्रारी प्रत्यक्ष पोलिस आणि महापालिका अधिकाऱ्यांसमोर मांडल्या जाव्यात या उद्देशाने संवाद सभा आयोजित केली. त्यामध्ये नागरिकांनी देखील समस्या मांडल्या. त्या सोडविण्याबाबत पोलिस आणि महापालिका अधिकारी यांनी सकारात्मकता दर्शवली

डॉ. सिद्धार्थ धेंडे, माजी उपहापौर, पुणे महापालिका
———————————–

 

Dr Siddharth Dhende | प्रभाग क्रमांक दोन मधील लुंबिनी बाल स्नेही उद्यानाची निर्मिती | माजी उपहापौर डॉ. सिद्धार्थ धेंडे यांचा यशस्वी पुढाकार

Categories
Breaking News cultural Education PMC Political social पुणे

Dr Siddharth Dhende | प्रभाग क्रमांक दोन मधील लुंबिनी बाल स्नेही उद्यानाची निर्मिती

| माजी उपहापौर डॉ. सिद्धार्थ धेंडे यांचा यशस्वी पुढाकार

|मुलांच्या जडनघडणीतून सक्षम राष्ट्र घडेल : डॉ. सिद्धार्थ धेंडे

 

Dr Siddharth Dhende | विविध खेळ, चित्र आदींच्या माध्यमातून मुलांच्या शारीरिक आणि बौद्धिक वाढीला चालना मिळते. त्यासाठी सदैव प्रयत्नशील राहणे आवश्यक आहे. वेगवेगळे उपक्रम देखील राबविणे गरजेचे आहे. मुले घडली तेच सक्षम राष्ट्र घडेल, असे प्रतिपादन पुणे महापालिकेचे (Pune Municipal Corporation) माजी उपमहापौर डॉ. सिद्धार्थ धेंडे (Former Deputy Mayor Dr Siddharth Dhende) यांनी केले.

अर्बन 95 पुणे (Urban 95 Pune) व पुणे महानगरपालिका (PMC Pune) यांच्या संयुक्त विद्यमाने पुणे महापालिकेच्या प्रभाग दोन (PMC Pune Ward no 2) मध्ये लुंबिनी बाल स्नेही उद्यान ” तसेच छत्रपती शिवराय दवाखाना येथील ” बाल संस्कार आरोग्य केंद्राचे उद्घाटन पार पडले. शून्य ते 10 वर्ष वयोगटातील मुलांचा बौद्धिक, शारीरिक विकास व्हावा, या उद्देशाने या उद्यानाची डॉ. सिद्धार्थ धेंडे यांच्या पाठपुराव्यामुळे निर्मिती करण्यात आली. या वेळी आयोजित कार्यक्रमात डॉ. धेंडे बोलत होते.

पुणे महापालिका विभागीय आयुक्त कु. किशोरी शिंदे, मुख्य उद्यान अधीक्षक श्री. अशोक घोरपडे, उपअभियंता श्री अमोल रुद्रके, या वेळी अर्बन 95 च्या कार्यक्रम अधिकारी कु. रुश्दा मजीद, भारत प्रतिनिधी कु. इपशिता सिन्हा, कार्यक्रम अधिकारी श्री. निमिष आगे, प्रशासक श्री. सोहेल सय्यद, इजीस इंडियाचे महाव्यवस्थापक श्री अरविंद पसुला, अर्बन ९५ पुणेचे टीम लीडर श्री मन्सूर अली आदींसह परिसरातील नागरिक, मुले या वेळी उपस्थित होते.

 हा आहे उपक्रम

बाल स्नेही उद्यानात मुलांच्या बौद्धिक आणि शारीरिक विकासाला चालना मिळेल असे खेळ ठेवण्यात आले आहेत. या मध्ये सौरमंडल, प्राण्यांची माहिती, बाराखडी, चित्रकलेच्या माध्यमातून खेळाची ओळख निर्माण करणे आदींचा या मध्ये समावेश असणार आहे.

———-

बाल स्नेही उद्यानाच्या निर्मितीसाठी सातत्याने पाठपुरावा करत होतो. आज माझ्या प्रभागातील लुंबिनी उद्यानात ते साकारत आहे. याचा प्रभागातील शून्य ते १० वर्ष वयोगटातील मुलांना फायदा होणार आहे.

डॉ. सिद्धार्थ धेंडे, माजी उपमहापौर, पुणे महापालिका.

Nagar Road BRT | नगररोड येथील बीआरटी मार्ग काढल्याने कोट्यवधी रुपये पाण्यात! | डॉ सिद्धार्थ धेंडे यांचा आरोप

Categories
Breaking News PMC Political social पुणे

Nagar Road BRT | नगररोड येथील बीआरटी मार्ग काढल्याने कोट्यवधी रुपये पाण्यात!

| डॉ सिद्धार्थ धेंडे यांचा आरोप

Nagar Road BRT | सर्वसामान्य लोकांची जीवनदायनी बीआरटी काढणाऱ्या राज्य शासन, महापालिका,  पीएमपीएल प्रशासनाला डॉ. सिद्धार्थ धेंडे, माजी उपमहापौर (Dr Siddharth Dhende) यांनी खुले पत्र लिहिले आहे. धेंडे यांनी म्हटले आहे कि, सर्वसामान्य लोकांच्या रोजच्या प्रवासाची जीवनदायी असलेला नगररोड येथील बीआरटी मार्ग काढून नागरिकांच्या खिशातून खर्च झालेले कोट्यवधी रुपये पाण्यात गेले आहेत. (Nagar Road BRT)
धेंडे यांनी म्हटले आहे कि, बीआरटी हा प्रकल्प केवळ पुणे महापालिकेचा (Pune Municipal Corporation) नाही. आघाडी सरकारच्या काळात काँग्रेस आणि राष्ट्रवादी काँग्रेसने हा प्रकल्प आणला आहे. केंद्र आणि राज्य सरकारने निधीची तरतूद केली आहे. महापालिकेने राज्य सरकारसोबत करार केलेला होता. त्यामध्ये अटी शर्ती होत्या. शहरीकरनात वाढ होत असताना सार्वजनिक वाहतूक व्यवस्था बळकट करणे काळाची गरज असल्याचे जगाने मान्य केले आहे. त्याचाच एक भाग म्हणून मेट्रो आणि बीआरटी मार्गासारखे प्रकल्प राबविले जातात. पुणे महापालिकेची भौगोलिक परिस्थिती आणि रस्त्याचे जाळे पाहता केवळ मेट्रो प्रकल्प राबवून वाहतूक कोंडीचा प्रश्न सुटणार नाही. तर पीएमपीएल सक्षम करणे गरजेचे होते. त्यामुळे बीआरटी प्रकल्प राबवले गेले. पुणे आणि पिंपरी चिंचवड मधील काही भागात अतिशय सक्षमपणे बीआरटी मार्ग चालू आहे. पीएमपीएलचा वापर विद्यार्थी, वयोवृद्ध, दिव्यांग बांधव, कष्टकरी कामगार आदीसह सर्वसामान्य नागरिक करत असतात. नगररोड दरम्यान बीआरटी मार्गातून दर तासा ४ हजार ५०० प्रवासी प्रवास करत असल्याची नोंद आहे. एका दिशेला २ हजार ५०० प्रवासी दर तासाला प्रवास करतात. तर ४० बस दर तासा या मार्गाने धावत आहेत. दिवसाकाठी एक लाख प्रवासी संख्या होत असल्याची नोंद पीएमपीएमएल प्रशासनाकडे नोंद आहे. गेल्या चार वर्षात ही संख्या आणखीनच दुप्पट झाली आहे. प्रवाशी वाढल्याने पीएमपीएमएल प्रशासनाच्या तिजोरीतच भर पडत होती.
डॉ धेंडे पुढे म्हणाले, सार्वजनिक वाहतुकीसाठी शहरात स्वतंत्र व्यवस्था असावी, असे सर्वोच्च न्यायालयाने देखील नमूद केले आहे. त्यामुळे शहरातील बीआरटी हटवण्याचा आग्रह लोकप्रतिनिधी, शासनाने का केला ?  सर्वसामान्य लोकांच्या हिताचा विचार कोणालाच नाही का ?  येरवडा नगररोड दरम्यान काही भागात बीआरटी प्रकल्प राबवताना मेट्रोच्या पिलरला अडथळा येत असल्यामुळे तेवढेच बीआरटी मार्ग काढले जातील, असे महापालिका प्रशासन सांगत होते. दरम्यानच्या बीआरटीचे उद्घाटन पालकमंत्री अजित पवार यांच्या हस्ते झाले आहे. त्यामुळे त्यांच्या विकासात्मक दृष्टिकोणाला छेद देण्याचे काम पुन्हा झाले आहे. मध्यंतरी पीएमपीएल प्रशासनाने 300 इलेक्ट्रिक बस खरेदी केल्या आहेत. चार्जिंग स्टेशन अभावी त्या सध्या बंद आहेत. आणखीन 600  नवीन इलेक्ट्रिक बस प्रशासनाकडे दाखल होणार आहेत. जर बीआरटी  मार्गच काढायचे होते तर येवढ्या बसेसची खरेदी कशाला केली जात आहे ?
नागरिकांनी महापालिकेकडे कर भरले. त्यांच्या खिशातून बीआरटी मार्ग उभारले. त्यावर नागरिकांचा हक्क आहे. महापालिका प्रशासनाने सुयोग्य नियोजन करून हे मार्ग उभारणे गरजेचे होते. भविष्यातील अडचणींचा आधीच विचार करायला हवा होता. बीआरटीचे चुकीचे नियोजन हे महापालिकेचे काम आहे.
महापालिकेने दुर्लक्ष केल्यामुळे अनेक वेळा या मार्गात अपघात झालेत. त्यासाठी बीआरटी मार्ग जबाबदार कसा ? ती सर्वस्वी महापालिकेची जबाबदारी आहे. अपघाताचे कारण देत बीआरटी मार्ग काढले जात असतील तर इतर ठिकाणी अपघात होतच नाहीत का ? बीआरटी बंद करून नागरिकांनी स्वतः वाहने घ्यावित का ? तसे झाले तर शहरात आणखीन वाहनांची भर पडून वाहतुकीच्या मोठ्या समस्यांना सामोरे जावे लागणार आहे. याचा विचार कोण करणार ? बीआरटी मार्ग काढायचा होताच तर कोट्यवधी रुपये खर्च का केले ?  या पैशांची भरपाई कोण देणार ? या पैशांचा हिशोब बीआरटी मधून प्रवास करणारा सर्वसामान्य पुणेकर मागतोय. बीआरटी काढणाऱ्यांनी याचा जवाब द्यावा. भाजपाचे राज्य असलेल्या गुजरात मधील अहमदाबाद येथे बीआरटी मार्ग सक्षमपणे चालविला जातो. पालकमंत्री अजित पवार यांच्या शहरातील काही भागात हा प्रकल्प चालविला जातो. मात्र पुण्यातील नगररोड येथील बीआरटी मार्ग का हटवला जात आहे ? या मुळे रोज प्रवास करणाऱ्या विद्यार्थ्यांचे होणारे शैक्षणिक नुकसान, कामगारांची, महिला वर्गाची गैरसोय याला जबाबदार कोण ? याचे उत्तर मुख्यमंत्री, दोन उपमुख्यमंत्री यांनी द्यावे. असे ही धेंडे म्हणाले.
—–

Stamp Duty | म्हाडा वसाहतींच्या पुनर्विकासासाठी अभय योजना सदनिका घेतली त्यावर्षीच्या रेडीरेकनर नुसार स्टॅम्प ड्युटी आकारणार

Categories
Breaking News PMC Political पुणे

Stamp Duty | म्हाडा वसाहतींच्या पुनर्विकासासाठी अभय योजना सदनिका घेतली त्यावर्षीच्या रेडीरेकनर नुसार स्टॅम्प ड्युटी आकारणार

| भाजपचे माजी शहर अध्यक्ष जगदीश मुळीक आणि माजी उपमहापौर डॉ. सिद्धार्थ धेंडे यांच्या पाठपुराव्याला यश

Stamp Duty | महाराष्ट्र गृहनिर्माण आणि क्षेत्र विकास प्राधिकरण (MHADA) वसाहतींच्या पुनर्वसनासाठी ज्या वर्षी सदनिका घेतली त्यावर्षीच्या रेडी रेकनर (Ready Reckoner) नुसार स्टॅम्प ड्युटी (Stamp Duty) आकरावी आणि आतापर्यंतचा दंड माफ करावा या मागणीला आज राज्य मंत्रिमंडळामध्ये मान्यता देण्यात आली.
अशा प्रकारची अभय योजना जाहीर करावी अशी मागणी भाजपचे माजी शहराध्यक्ष जगदीश मुळीक (Jagdish Mulik) आणि माझी उपमहापौर डॉ. सिद्धार्थ धेंडे (Dr Siddharth Dhende) यांनी केली होती. त्यांच्या सातत्यपूर्ण पाठपुराव्याला यश आले असून सरकारने ही मागणी आज मान्य केली. त्यासाठी उभयतांनी जुलै महिन्यात राज्याचे महसूल मंत्री राधाकृष्ण विखे पाटील (Radhakrishna Vikhe Patil)  यांची भेट घेतली होती.
या निर्णयाचा पुणे महापालिका (Pune Municipal Corporation) क्षेत्रातील विविध वसाहतीत म्हाडाच्या ४० हजारांहून अधिक जुन्या सदनिकाधारकांना फायदा होणार आहे. या सदनिका जीर्ण झाल्या असून मोडकळीस आल्या आहेत. राज्य सरकारने या वसाहतींचा पुनर्विकास करण्यासाठी तीन एफएसआय जाहीर केला आहे. पुनर्विकास करताना अधिहस्तांतरण करणे आवश्यक आहे. महसूल विभागाकडून पूर्वी स्टॅम्प ड्युटी आकारली जात नव्हती. त्यावेळी काही रहिवाशांनी सदनिका हस्तांतरित केल्या. आता जुन्या स्टॅम्प ड्युटीसह दंडाची वसूल आकारली जात होती. या वसाहतीतील नागरिकांची आर्थिक परिस्थिती हालाखीची असल्याने त्यांना वाढीव स्टॅम्प ड्युटी आणि दंडाची रक्कम भरता येणे शक्य नव्हते. अधी हस्तांतरण झाले नसल्याने वसाहतीचा पुनर्विकास रखडला होता. विशेषता सर्वे क्रमांक 191 येरवडा येथे 22 हेक्टर जागेवर म्हाडाच्या मोठ्या वसाहतीतील सदनिका धारकांना या निर्णयाचा फायदा होईल, आम्ही सरकारचे अभिनंदन करतो, असे मुळीक आणि धेंडे यांनी प्रसिद्धीस दिलेल्या पत्रकात म्हटले आहे.