Jagdish Mulik | नगर रस्त्यावर खराडी, विश्रांतवाडी येथे उड्डाणपुल उभारणार

Categories
Breaking News PMC Political पुणे

नगर रस्त्यावर खराडी, विश्रांतवाडी येथे उड्डाणपुल उभारणार

| भाजप शहराध्यक्ष जगदीश मुळीक यांनी घेतली महापालिका आयुक्तांची भेट

वडगावशेरी मतदार संघातील नगर रस्त्यावर खराडी आणि विश्रांतवाडी येथे मंजूर करण्यात आलेल्या उड्डाण पूल उभारण्याचे काम निधीची तरतूद करून लवकरात लवकर सुरू करावे अशी मागणी भाजपचे शहराध्यक्ष जगदीश मुळीक यांनी महापालिका आयुक्त विक्रम कुमार यांची भेट घेऊन केली.

या वेळी स्थायी समितीचे माजी अध्यक्ष योगेश मुळीक, माजी उपमहापौर डॉ. सिद्धार्थ धेंडे, माजी सभागृह नेते गणेश बिडकर उपस्थित होते.

मुळीक म्हणाले, ‘केंद्र सरकारच्या रस्ता सुरक्षा अभियान अंतर्गत सन 2018 मध्ये शहरातील 200 किलोमीटर रस्त्यांचे रोड सेफ्टी ऑडिट करण्यात आले होते. त्यात पुणे-नगर रस्ता हा वाहतुकीसाठी सर्वात धोकादायक असल्याची बाब समोर आली होती. त्याचा विचार करून पुणे नगर रस्ता हे एक एकक मानून तत्कालीन स्थायी समितीचे अध्यक्ष योगेश मुळीक यांनी नगर रस्ता एकात्मिक वाहतूक आराखडा तयार केला होता, त्यामध्ये मेट्रो मार्गांचे नियोजन, बीआरटी मार्गांचे सक्षमीकरण, पुरेशा बसव्यवस्था, आणि गोल्फ चौक, खराडी कल्याण नगर, येरवडा, विश्रांतवाडी येथे आवश्यकतेप्रमाणे उड्डाणपूल किंवा ग्रेड कामे अंदाजपत्रकात सुचविली होती. त्यापैकी गोल्फ चौकातील उड्डाणपुलाचे काम नुकतेच पूर्ण करण्यात आले. खराडी येथे उड्डाणपुलासाठी राज्य सरकार निधी उपलब्ध करून देणार आहे. त्या संदर्भात उपमुख्यमंत्री देवेंद्र फडणवीस यांनी नुकतेच सूतोवाच केले. राज्य सरकार आणि महापालिकेच्या माध्यमातून लवकरच काम सुरू करण्याचे आश्वासन आयुक्तांनी यावेळी दिले.’

Dr Siddharth Dhende | अग्रसेन शाळा ते ई कोमरझोन रस्त्याच्या अंतिम टप्प्यातील कामाला गती – 60 लाख रुपयांच्या उर्वरीत रस्त्याच्या कामाची सुरूवात

Categories
Breaking News PMC Political पुणे

अग्रसेन शाळा ते ई कोमरझोन रस्त्याच्या अंतिम टप्प्यातील कामाला गती

– 60 लाख रुपयांच्या उर्वरीत रस्त्याच्या कामाची सुरूवात

– माजी उपमहापौर डॉ. सिद्धार्थ धेंडे यांच्या पाठपुराव्याला यश

अनेक अडथळ्यांची शर्यत पार करत पुणे महापालिकेच्या प्रभाग क्रमांक 2 मधील अग्रसेन शाळा ते ई कोमरझोन रस्त्याच्या अंतिम टप्प्यातील कामाला अखेर गती मिळाली आहे. पहिल्या टप्प्यात अर्ध्या रस्त्याचे काम पुर्ण करण्यात आले होते. महापालिकेच्या पथ विभागातर्फे सध्या उर्वरीत रस्त्याच्या 60 लाख रुपयांच्या कामाची सुरूवात झाली आहे. माजी उपमहापौर डॉ. सिद्धार्थ धेंडे यांनी केलेल्या पाठपुराव्याला यश मिळाले आहे.

या कामाचे उद्धाटन भाजपाचे पुणे शहराध्यक्ष माजी आमदार जगदिश मुळीक, माजी उपमहापौर डॉ. सिद्धार्थ धेंडे, आरपीआय आठवले गटाचे पुणे शहराध्यक्ष शैलेश चव्हाण, अल्पसंख्यांक आघाडीचे राज्य अध्यक्ष आयुब शेख, माजी नगरसेवक अशोक कांबळे, माजी नगरसेवक ऍड. भगवान जाधव, सचिन धीवार, भाजपा प्रवक्ता मंगेश गोळे, माजी नगरसेविका फरजाना शेख प्रभाग दोन मधील विविध धार्मिक, सामाजिक, आर्थिक, सांस्कृतिक क्षेत्रातील मान्यवर, आरपीआय आठवले गट, भाजपा पक्षाचे पदाधिकारी, कार्यकर्ते, सार्वजनिक, सामाजिक मंडळांचे पदाधीकारी व कार्यकर्ते मोठ्या संख्येने या वेळी उपस्थित होते.

या वेळी डॉ. सिद्धार्थ धेंडे म्हणाले की, अग्रेसन शाळा ते ई-कॉमरझोनचा रस्ता पुर्ण झाल्यास वाहनधारकांची होणारी मोठी गैरसोय टळणार आहे. वाहनधारकांना मारावा लागणारा मोठा वळसा कमी होणार असून अंतर आणि वेळ वाचणार आहे. मधल्या काळात कोविडच्या महामारीमुळे झालेले लॉकडाऊन, महापालिकेतील सत्ताधाऱ्यांची संपलेली मुदत यासह अनेक अडचणींचा सामना करावा लागला. हा रस्ता पुर्ण करून नागरिक, नोकरदार, कामगार, वाहनधारकांची गैरसोय दुर करण्यासाठी सातत्याने प्रयत्नशील होतो. अधिकाऱ्यांकडे पाठपुरावा करत होतो. त्यामुळे या कामाला गती प्राप्त झाली. लवकरच हे काम पुर्ण करण्यात येईल, असे डॉ. धेंडे म्हणाले.

विश्रांतवाडी चौक सुशोभीकरणासाठी आराखडा तयार करण्यासाठी डॉ. सिद्धार्थ धेंडे यांनी पाठपुरावा केला होता. त्यासाठी पुणे महापालिकेकडे सातत्याने पत्रव्यवहार केला आहे. या कामासाठी महापालिकेकडे निधी मंजूर करून घेण्यासाठी पाठपुरावा करावा, अशी मागणी डॉ. धेंडे यांनी भाजपा शहराध्यक्ष तथा माजी आमदार जगदीश मुळीक यांच्याकडे या वेळी केली.

कॉमरझोन चौकातील वाहतूक कोंडी सुटणार –

प्रभाग दोन मधील कॉमरेझोन चौकात नियमित होणाऱ्या वाहतूक कोंडीने वाहनधारक, नागरिक त्रस्त होते. ही वाहतूक कोंडी सोडविण्यासाठी माजी उपमहापौर डॉ. सिद्धार्थ धेंडे यांनी पाठपुरावा केल्याने विद्युत पथदिवे (सिग्नल) बसविन्यात आले आहेत. तसेच डॉ. धेंडे यांच्या पुढाकाराने चौक सुशोभीकरणाचा आराखडा (डिझाईन) तयार करण्यात आला आहे. त्यानुसार चौकाचे सुशोभीकरण करण्यात येणार आहे. त्यामुळे चौक आकर्षित होऊन वाहतूक कोंडीपासून देखील सुटका होणार आहे.

Buddhism | अशोक स्तंभाच्या प्रतिकृतीतून बौद्ध धम्म जगभर पोचेल | डॉ. सिद्धार्थ धेंडे

Categories
Breaking News cultural Political social पुणे

अशोक स्तंभाच्या प्रतिकृतीतून बौद्ध धम्म जगभर पोचेल | डॉ. सिद्धार्थ धेंडे

| येरवडा पोस्ट येथील सम्राट अशोक चौकात अशोकस्तंभाचे अनावरण

– सुशोभीकरणासाठी डॉ. धेंडे यांचा पुढाकार

14 जानेवारी हा ऐतिहासिक दिवस आहे. या दिवशी डॉ. बाबासाहेब आंबेडकर मराठवाडा विद्यापीठाचा नामविस्तार करण्यात आला. या दिनाचे औचित्य साधत येरवडा पोस्ट येथील सम्राट अशोक चौकात अशोकस्तंभाचे अनावरण करण्यात येत आहे. पुण्यात जी-20 परिषदेला देखील आजपासूनच सुरूवात होणार आहे. त्यामुळे सम्राट अशोक स्तंभाच्या प्रतिकृतीतून जगभरातील प्रतिनिधींना बौद्ध धम्माचा विचार समजेल, असे प्रतिपादन पुणे महापालिकेचे माजी उपमहापौर डॉ. सिद्धार्थ धेंडे यांनी केले.

येरवडा पोस्ट येथील सम्राट अशोक चौकात अशोकस्तंभाचे अनावरण बौद्ध भंते नागघोष आणि सर्व भंतेगण संघाच्या हस्ते करण्यात आले. या वेळी आयोजित कार्यक्रमात डॉ. सिद्धार्थ धेंडे बोलत होते.

या वेळी भाजपाचे पुणे शहराध्यक्ष तथा माजी आमदार जगदीश मुळीक, आरपीआयचे राज्य कार्याध्यक्ष परशुराम वाडेकर, सरचिटणीस बाळासाहेब जानराव, उपाध्यक्ष अतित गांगुर्डे, अल्पसंख्यांक अध्यक्ष आयुब शेख, राज्य सचिव अशोक कांबळे, पुणे शहराध्यक्ष शैलेंद्र चव्हाण, राज्य संघटन सचिव ऍड. मंदार जोशी, भदत्न आनंद मंडळाचे अध्यक्ष प्रशांत वावरे, वैभव कडलक, जेल ट्रेनिंगचे प्राचार्य ईंदुलकर, दिनेश गंगावणे, बापु सरवदे, विजय कांबळे यांच्यासह पुरोगामी चळवळीतील मान्यवर आणि पुणे महापालिका प्रभाग 2 मधील नागरिक मोठ्या संख्येने उपस्थित होते.

कार्यक्रमाच्या सुरुवातीला संविधान प्रास्ताविक प्रतीचे वाचन करण्यात आले. त्यानंतर राष्ट्रगीताने कार्यक्रमाची सुरुवात झाली.

डॉ. धेंडे म्हणाले की, आरपीआयचे ज्येष्ठ नेते व पुणे महापालिकेचे तत्कालीन विरोधी पक्षनेते उद्धव वावरे यांनी येरवडा पोस्ट येथील चौकाला सम्राट अशोक चौक असे नामकरण करण्यासाठी ठराव केला. तो मंजूर करून घेतला. त्याला साजेशी प्रतिकृती तयार करण्यासाठी मी पुढाकार घेतला. त्यानुसार अशोकस्तंभाचे अनावरण करण्यात आले. सम्राट अशोक चौक परिसराला देखील ऐतिहासिक वारसा आहे. या चौकाच्या पाठीमागे असणाऱ्या येरवडा जेलमध्ये डॉ. बाबासाहेब आंबेडकर, महात्मा गांधी यांच्यामध्ये झालेला पुणे करार या गाजलेला आहे. सध्या पुण्यात जी 20 परिषदेसाठी जगभरातील विद्वान दाखल होणार आहेत. बौद्ध धम्माचा वारसा या जगभरातील विचारवंतांना समजावा, फुले-शाहु-आंबेडकर विचारांची चळवळ जगभर पोचावी, यासाठी या अशोकस्तंभाचे अनावरण करण्यात आले असल्याचे धेंडे म्हणाले.

भंते नागघोष म्हणाले की, सम्राट अशोक यांनी बुद्धांनी मैत्रीच्या भावनेतून जग जिंकले आहे. त्यांनी समता, बंधुता व न्याय ही मुल्य अंगीकारले.

भाजपा शहराध्यक्ष जगदिश मुळीक म्हणाले की, सम्राट अशोक हे चक्रवर्ती होते. कलिंगच्या युद्धानंतर त्यांनी युद्ध नको बुद्ध स्विकारला. जगभर त्याचा प्रचार प्रसार केला.

Sanitation in Vijayastambh area | भीमा कोरेगावच्या विजयस्तंभ परिसरात स्वच्छतेचा उपक्रम |डॉ. सिद्धार्थ धेंडे यांच्यासह सामाजिक संस्थांचा सहभाग

Categories
Breaking News cultural social पुणे महाराष्ट्र

भीमा कोरेगावच्या विजयस्तंभ परिसरात स्वच्छतेचा उपक्रम

|डॉ. सिद्धार्थ धेंडे यांच्यासह सामाजिक संस्थांचा सहभाग

1 जानेवारी रोजी शौर्य दिनानिमित्त राज्यासह देशभरातून सुमारे 15 लाख भीम अनुयायी भीमा कोरेगाव येथील विजयस्तंभास अभिवादन करण्यासाठी आले होते. त्याच्या दुसऱ्या दिवशी 2 जानेवारी रोजी विजयस्तंभ परिसरामधे स्वच्छता रहावी व स्थानिक रहिवाशांना कोणताही त्रास होऊ नये, यासाठी या परिसरात स्वच्छता मोहीम राबविण्यात आली. पुणे महापालिकेचे माजी उपमहापौर डॉ. सिद्धार्थ धेंडे यांच्यासह विविध सामाजिक संस्थांनी त्यामध्ये सहभाग घेतला. या वेळी परिसरातील कचरा, पाण्याच्या बॉटल, कागद आदी उचलून परिसर स्वच्छ करण्यात आला.

या स्वच्छता उपक्रमात सुनिल माने, जितेंद्र गायकवाड व त्यांचे सर्व सहकारी, निर्भय प्रतीष्ठानचे निखिल गायकवाड, आयुष आंबेडकरी युवा मंचचे सुनिल धतराज व सहकारी, स्वच्छ संस्थाचे चेतन हरनामे व कर्मचारी, आधार पुनावालाचे मल्हार करवंदे, नागेश पवार व सहकारी, पथारी संघटनेचे विजय कांबळे, संदीप चाबुकस्वार तसेच पेरणे ग्रामपंचायतचे सरपंच रुपेश ठोंबरे आदींसह विविध जणांनी सहभाग घेतला.

या वेळी डॉ. सिद्धार्थ धेंडे म्हणाले की, भीमा कोरेगावला ऐतिहासिक वारसा आहे. त्यांच्या आठवणींचे जतन भीम अनुयायी करत असतात. ही ऐतिहासिक आठवण स्मरणात रहावी, यासाठी विजयस्तंभ उभारण्यात आला आहे. त्याला लाखो अनुयायी अभिवादन करण्यासाठी येतात. एवढ्या प्रचंड संख्येनंतर या परिसरातील स्वच्छतेची जबाबदारी देखील आपलीच आहे, या सामाजिक भावनेतून परिसरात स्वच्छता मोहिम राबवली जात आहे. गेल्या सहा वर्षांपासून स्वच्छतेच्या उपक्रमासाठी पुढाकार घेत असल्याचे डॉ. धेंडे यांनी सांगितले. त्याला यश फाउंडेशन, क्रिस्टल संस्था, आयुष आंबेडकरी युवा संघ, स्वच्छ संस्था, आधार पुनावाला संस्था, पेरणे ग्रामपंचायतचे स्वच्छता कर्मचारी या सामाजिक संघटनांची देखील मोलाची साथ मिळत असल्याचे डॉ. धेंडे यांनी सांगितले.

Safe transport | Dr. Siddharth Dhende | सुरक्षित वाहतूक अंतर्गत पुणे प्रभाग दोन बनला स्मार्ट |अर्बन ९५ संस्था, पुणे मनपातर्फे डॉ. सिद्धार्थ धेंडे यांचा पुढाकार

Categories
Breaking News PMC Political social पुणे

सुरक्षित वाहतूक अंतर्गत पुणे प्रभाग दोन बनला स्मार्ट

|अर्बन ९५ संस्था, पुणे मनपातर्फे डॉ. सिद्धार्थ धेंडे यांचा पुढाकार

– पदपथ, रंगीत दिशादर्शक फलकांनी समतानगर, लुम्बिनी चौकाचे सुशोभीकरण

वाहतुकी बाबत जनजागृती करण्यासाठी सुरक्षित वाहतूक झोन अंतर्गत अर्बन ९५ संस्था, पुणे महापालिकेमार्फत प्रभाग दोन स्मार्ट करण्यात आला आहे. या प्रभागातील समतानगर लुंबिनी, जेष्ठ नागरिक चौकाचे आकर्षक सुशोभीकरण करून त्याचे उद्घाटन माजी उपमहापौर डॉ. सिद्धार्थ धेंडे, पुणे वाहतुक अतिरिक्त पोलिस आयुक्त मुल्ला सय्यद, पथ विभाग प्रमुख व्ही. जी. कुलकर्णी, संस्थेचे सर्व पदाधिकारी यांच्या हस्ते करण्यात आले. (Pune Municipal corporation)

या कार्यक्रमाला अर्बन ९५ संस्थेचे प्रकाश पॉल, संदीप दीक्षित, आमिर पटेल, बाळासाहेब कांबळे आदींसह त्यांचे सहकारी उपस्थित होते. तसेच प्रभाग दोन परिसरातील बालवाडी ( नर्सरी) चे विद्यार्थी, शाळेचे विद्यार्थी, सर्व शिक्षक, प्रेरणा जेष्ठ नागरिक संघ व चैतन्य हास्य योगचे नागरिक तसेच परिसरा मधील नागरिक बहुसंख्येने उपस्थित होते. (Urban 95 organization)

वाढते शहरीकरण व वाहतुक समस्यामुळे चौकात लहान मुले, महिला, जेष्ठ नागरिक तसेच दिव्यांग व आजारी रुग्ण यांना जीव मुठीत घेउन रस्ता व चौक पार करावा लागतो. हे टाळण्यासाठी केंद्र शासनाने पुढाकार घेऊन लहान बालकांना ‘सुरक्षित वाहतुक झोन ही योजना राबविली आहे. पुणे मनपा, अर्बन ९५’ या संस्थेच्या वतीने प्रभाग २ स्मार्ट करण्यात आला आहे. प्रभाग दोन मधील समतानगर, लुम्बिनी या चौकात ५०० मिटर परिसरामधे चार उद्यान, तीन विद्यालय, मनपाचा शिवराय दवाखाना, आधार कार्ड सेंटर, जेष्ठ नागरिकांचे विरंगुळा केंद्र, बस स्टॉप, भाजी मंडई, बँक तसेच ६ बालवाडी आहेत. या सर्व ठिकाणी मोठ्या प्रमाणात लहान मुले, महिला, दिव्यांग नागरिक व जेष्ठ नागरिकांची या चौकात मोठी वर्दळ असते. वाहने देखील वेगाने ये जा करतात. परिणामी अपघाताच्या शक्यता टाळण्यासाठी नागरिकांच्या सुरक्षेसाठी या ठिकाणी योग्य खबरदारी घेत विविध उपाययोजना करण्यात आल्या आहेत. त्यामुळे वर्दळीच्या या चौकात नागरिक, लहान बालके, महिला, वयोवृद्ध यांचे चालणे सुरक्षित झाले असल्याचे, डॉ. धेंडे यांनी सांगितले. (PMC Pune)

पुणे वाहतुक अतिरिक्त पोलिस आयुक्त मुल्ला सय्यद म्हणाले की, नागरिकांना वाहतूक शिस्त लागणे आवश्यक आहे. त्यासाठी जनजागृती करायला पाहिजे. बालवाडीपासूनच मुलांना वाहतूक शिस्त, नियम या बाबत माहिती देणे गरजेचे आहे. जेणेकरून ते या बाबत सतर्क होतील आणि वाहतूक शिस्त पाळणारे जबाबदार नागरिक देखील तयार होतील असे सय्यद म्हणाले.

चौकात या सुविधा असणार –

हा चौक बालस्नेही चौक म्हणुन विकसित करावा, यासाठी माजी उपमहापौर डॉ. सिद्धार्थ धेंडे यांनी पुणे महापालिका आयुक्त विक्रमकुमार यांच्याकडे पाठपुरावा केला. प्रभागामधील सर्व नागरिकांच्या सहभागाने हा चौक विकसित करण्यात आला. यामध्ये पदपथ, रंगीत वाहतुक दिशादर्शक फलक, वाहतुकीचे माहिती फलक, लहान मुलांना बसण्याची व्यवस्था, नागरिकांना चालण्यासाठी पर्यायी मार्ग, रिक्षा व बस स्टैंडला राखीव जागा असे अनेक उपाय करण्यात आले आहेत.

Dr. Siddharth Dhende | नागपूर चाळ, फुलेनगरमधील झोपडपट्टीधारकांचे पुनर्वसन करा | माजी उपमहापौर डॉ. सिद्धार्थ धेंडे यांची मागणी

Categories
Breaking News PMC Political social पुणे

नागपूर चाळ, फुलेनगरमधील झोपडपट्टीधारकांचे पुनर्वसन करा

| माजी उपमहापौर डॉ. सिद्धार्थ धेंडे यांची मागणी

पुणे महापालिका (Pune municipal corporation) प्रभाग क्रमांक 2 मधील नागपूर चाळ, फुलेनगर येथील 70 झोपडपट्टीधारकांचे (slum dwellers) आहे त्या जागी किंवा इतर ठिकाणी पुनर्वसन करावे. पुनर्वसनाचा प्रश्‍न सुटेपर्यंत त्यांच्यावर कोणतीही कारवाई करू नये, अशी मागणी पुणे महापालिकेचे माजी उपमहापौर डॉ. सिद्धार्थ धेंडे (Former Deputy Mayor) यांनी केली आहे. पुणे जिल्हाधिकारी डॉ. राजेश देशमुख, (Pune collector Dr Rajesh Deshmukh) पुणे महापालिका अतिरिक्‍त आयुक्‍त रविंद्र बिनवडे ( PMC additional commissioner Ravindra Binwade) यांना दिलेल्या निवेदनात ही मागणी केली आहे.

या वेळी गणेश अंकुशी, आप्पा चाबुकस्वार, सोमेश उपाध्यक्ष, प्रताप काळे, धनलाल कांबळे, मंदाकिनी कांबळे, सीमा उपाध्ये, पूजा भोसले, चंद्रभागा सकट आदीसह नागरिक उपस्थित होते.

डॉ. सिद्धार्थ धेंडे यांनी दिलेल्या निवेदनात नमूद केले आहे की, प्रभाग क्रमांक 2 मधील नागपूर चाळ, फुलेनगर या प्रभागातील राज्य शासनाच्या मनोरूग्णालयांच्या जागेवर माता रमाई झोपडपट्टीमधील 70 घरे गेल्या 40 वर्षापासून वास्तव्यास आहे. या झोपडपट्टीमधील झोपडपट्टीधारकांकडे 40 वर्षांपासून पुरावे आहेत. तसेच राज्य शासनाच्या झोपडपट्टी पुनर्वसन योजनेच्या परिपत्रकामधील पात्र झोपडपट्टीधारक हा 1 जानेवारी 2010 पूर्वीचा असावा असा स्पष्ट उल्लेख केलेला आहे. त्यानुसार येथील 70 घरे पात्र ठरत आहेत. या झोपडपट्टीधारकांकडे राज्य शासनाच्या नियमानूसार मतदान ओळखपत्र, मतदान यादीतील नाव, आधारकार्ड, रेशनकार्ड व इतर पुरावे देखील उपलब्ध आहेत. (Pune Municipal corporation)

त्यामुळे मानवी हक्क आयोगामधील एका याचिकेबाबत उच्च न्यायालयात जी सुनावणी चालू आहे. त्यामध्ये पुणे महापालिकेच्या घनकचरा विभागाने मनोरूग्णालयाच्या जागेवरील झोपडपट्टीधारकांना बेकायदेशीर ठरविण्यात आल्याचे येत आहे. परंतू येरवडा क्षेत्रीय कार्यालयाने या ठिकाणी पिण्याच्या पाण्याची सोय, शौचालय, पथ दिवे, कचरा निर्मुलन तसेच महावितरणने घरोघरी विजेचे मीटर दिलेले आहेत. त्यामुळे हे सर्व झोपडपट्टीधारक झोपडपट्टी पुनर्वसन योजनेच्या नियमाप्रमाणे त्यांचे पुनर्वसन राज्य शासनाने केल्याशिवाय त्यांना बेघर करू नये. संबंधित क्षेत्रीय कार्यालय, महा सहाय्यक आयुक्त, विभागीय आयुक्त यांच्यामार्फत माता रमाई झोपडपट्टी फुलेनगर येथील वास्तूनिष्ठ अहवाल मागवून घ्यावा. त्यानंतर योग्य तो निर्णय घ्यावा. कायद्याप्रमाणे पात्र असणाऱ्यांचे पुनर्वसन करावे अशी मागणी डॉ. धेंडे यांनी केली.

तसेच चंद्रमानगर येथील 2008 मध्ये केंद्र व राज्य सरकार, पुणे मनपा यांच्या संयुक्त प्रकल्पांतर्गत 178 घरांचा सर्व्हे मंजूर केला आहे. या सर्व्हे प्रमाणे पुणे महानगरपालिकेने 178 घरांच्या कामाला मंजूरी दिलेली आहे. या पैकी 97 घरांचे काम चालू केले असून 77 घरांचे काम पूर्ण झाले आहे. उर्वरीत घरे अर्धवट असून त्यांचा देखील विचार व्हावा, हे निर्दशनास आणून दिले. (slum dwellers)

या वेळी संबंधीत झोपडपट्टीधारकांना शासनाच्या नियमानूसार योग्य न्याय दिला जाईल. तसेच नियमानूसार पुनर्वसन करण्याची कार्यवाही करू, असे सकारात्मक आश्‍वासन अतिरिक्‍त आयुक्‍त रविंद्र बिनवडे यांनी दिले असल्याचे डॉ. धेंडे यांनी सांगितले.

Contract workers | कंत्राटी कामगारांच्या वेतनाची रक्कम थकवणाऱ्या ठेकेदारांवर फसवणुकीचे गुन्हे दाखल करा 

Categories
Breaking News PMC पुणे

कंत्राटी कामगारांच्या वेतनाची रक्कम थकवणाऱ्या ठेकेदारांवर फसवणुकीचे गुन्हे दाखल करा

| माजी उपमहापौर डॉ सिद्धार्थ धेंडे यांची मागणी

पुणे | महानगरपालिकेतील कंत्राटी कामगारांचे किमान वेतनाप्रमाणे ठेकेदाराने वेतन देणे अपेक्षित आहे. या ठेकेदारांना महापालिकेच्या विविध विभागाकडून रक्कम देण्यात आली आहे. असे असतानाही ठेकेदाराने कर्मचाऱ्यांचे 20 कोटी थकवलेले आहेत. त्यामुळे अशा ठेकेदारांवर फसवणुकीचे गुन्हे दाखल करा, अशी मागणी माजी उपमहापौर डॉ सिद्धार्थ धेंडे यांनी महापालिका आयुक्त यांच्याकडे केली आहे.

डॉ धेंडे यांच्या पत्रानुसार पुणे महानगरपालिकेमधील विविध विभाग व खात्यांकडील पुणे महानगरपालिकेची कामे ठेकेदार पध्दतीने कंत्राटी कामगारांकडून केली जातात. यामध्ये विविध क्षेत्रीय कार्यालयामधील झाडण कर्मचारी, आरोग्य विभागातील कर्मचारी, साफसफाई कर्मचारी, आस्थापनेवरील कर्मचारी सुरक्षा विभागातील कर्मचारी, मोटार वाहन विभाग, माहिती तंत्रज्ञान विभागाकडील कर्मचारी, पथ विभाग अशा अनेक विभागांमधील सन २०२२ मधील एप्रिल ते ऑक्टोंबर या कालावधीमधील ६५०० कामगारांचे वेतनापोटी, भविष्य निर्वाह निधी (E.P.F.) तसेच कर्मचारी विमा योजना (ESIC) पोटी जवळजवळ रक्कम २० कोटी या कर्मचाऱ्यांना अदा करणे बाकी आहे.

पत्रात पुढे म्हटले आहे कि,  विविध विभागातर्फे संबंधित ठेकेदारांना वेतनापोटीची रक्कम अदा केली नसेल तर त्यांना आदेश देवून सदरील रक्कम त्वरीत अदा करावी. जर विभागांकडून सदरील वेतनापोटीची रक्कम अदा करूनही ठेकेदारांनी रक्कम कर्मचाऱ्यांना अदा केली नाही तर आपण आपल्या खातेप्रमुखांना तात्काळ आदेश देवून दोषी ठेकेदारांवर फसवणूकीचे गुन्हे दाखल करावेत.

पुणे महानगरपालिकेच्या टेंडर पध्दतीमध्ये मनुष्यबळ पुरविणारे विविध ठेकेदार संस्था यांनी पुणे महानगरपालिकेला अंधारात ठेवून या कर्मचाऱ्यांना त्यांच्या मुलभूत अधिकारांपासून वंचित ठेवले आहे. त्यांच्या मेहनतीचा मेहनत नामा ठेकेदारांनी स्वतःची आर्थिक तिजोरी भरणेकरीता केला आहे. ही एक प्रकारे पुणे महानगरपालिकेची आर्थिक फसवणूक केल्यासारखे आहे. या ठेकेदारांना काळ्या यादीत टाकून भविष्यामध्ये त्यांना पुणे महानगरपालिकेने मनपाचे कोणतेही काम देवू नये. व त्यांच्याकडून दंडासहित कामगारांच्या थकलेल्या पैशांची वसूली करून त्या कर्मचाऱ्यांना अदा करणेत यावे. असा आदेश लवकरात लवकर पारित करावा. अशी मागणी धेंडे यांनी महापालिका आयुक्त यांच्याकडे केली आहे.

PMC Employees Union | वैद्यकीय योजना मोडीत काढणारा स्थायी समितीचा ठराव रद्द करा  | कामगार मेळाव्यात कामगार संघटना आणि राजकीय पक्ष आक्रमक भूमिकेत 

Categories
Breaking News PMC social आरोग्य पुणे

वैद्यकीय योजना मोडीत काढणारा स्थायी समितीचा ठराव रद्द करा

| कामगार मेळाव्यात कामगार संघटना आणि राजकीय पक्ष आक्रमक भूमिकेत

| संघटनांसोबत राजकीय पक्ष रस्त्यांवर उतरणार

पुणे | महापालिकेच्या आरोग्य विभाग द्वारे अंशदायी वैद्यकिय सहाय्य योजना चालवली जाते. मात्र या योजनेवरील खर्च वाढत चालल्याचे कारण देत महापालिका प्रशासनाकडून खाजगी मेडिक्लेम कंपनीला योजना देण्याबाबतची प्रक्रिया सुरु केली आहे. मात्र याला कर्मचाऱ्यांचा विरोध आहे. याबाबत आता महापालिकेच्या कर्मचारी संघटनाकडून आता याविरोधात लढा उभारला जाणार आहे. याचाच भाग म्हणून  बुधवार  १६ नोव्हेंबर ला दुपारी ४.०० वाजता कामगार, कर्मचारी, अधिकारी व सेवानिवृत्त सेवकांचा मेळावा आयोजित करण्यात आला होता. यामध्ये वैद्यकीय योजना मोडीत काढणारा स्थायी समितीचा ठराव रद्द करा, अशी प्रमुख मागणी करण्यात आली. मेळाव्यात कामगार संघटना आणि राजकीय पक्ष आक्रमक भूमिकेत दिसून आले. गरज पडल्यास रस्त्यावर उतरण्याची तयारी देखील संघटना आणि राजकीय पक्षांनी केली आहे.
हा मेळावा पुणे महानगरपालिका कामगार युनियन (मान्यताप्राप्त) व त्यांच्या सहयोगी संघटनांनी आयोजित केला होता. यामध्ये संघटनेच्या मुक्ता मनोहर, उदय भट, प्रदीप महाडिक, आशिष चव्हाण, अशा पदाधिकाऱ्यांबरोबर काँग्रेस प्रभारी शहर अध्यक्ष अरविंद शिंदे, राष्ट्रवादी शहर अध्यक्ष प्रशांत जगताप, अंकुश काकडे, आरपीआय चे डॉ सिद्धार्थ धेंडे, एमआयएम च्या अश्विनी लांडगे, माजी नगरसेवक दीपक मानकर, अविनाश बागवे, सुधीर जानज्योत, अजित दरेकर, अजय खेडेकर, आरती कोंढरे, आदी नेते उपस्थित होते.
  सध्याची प्रचलित अंशदायी वैद्यकिय सहाय्य योजना (CHS), मोडीत काढून ही योजना खाजगी मेडिक्लेम कंपनीच्या दावणीला बांधण्याचा प्रशासनाने चंगच बांधला आहे. सध्याची अंशदायी वैद्यकिय सहाय्य योजना तशीच अबाधित ठेवावी व खाजगी मेडिक्लेम कंपनीला योजना देण्याबाबतची प्रक्रिया रद्द करावी असे संघटनेने भेटून व वारंवार पत्रे देऊन प्रशासनाला यापूर्वीच कळवले आहे. त्याचबरोबर १२ मे २०२२ रोजी व त्यानंतर ६ ऑक्टोबर २०२२ रोजी म.न.पा. भवनासमोर मोठी निदर्शने, आंदोलने करून मेडिक्लेम प्रक्रिया थांबवावी असे पुन्हा एकदा मांडले. तरीही ट वैद्यकीय सहाय्य योजना राबविण्याकरीता, १) रंगनाल इन्शूरन्स ब्रोकिंग अँड रिस्क मॅनेजमेंट प्रायव्हेट लिमिटेड व २) जे. के. इन्शुरन्स ब्रोकर लिमिटेड, या दोन कंपन्यांना दिनांक २१-१०-२०२२ च्या स्थायी समितीच्या ठरावात मान्यता देण्यात आली आहे.

पुणे मनपामध्ये एकूण कर्मचाऱ्यांपैकी चतुर्थ श्रेणी कर्मचारी ७१% टक्के आहेत व उर्वरीत अधिकारी व इतर कर्मचारी आहेत. हे सगळे मिळून पुणे शहरातील नागरीकांच्या आरोग्याचे रक्षण करणे व इतर नागरी सेवा पुरवणे अशी विविध कामे करतात. यातील अनेक कामे ही आरोग्याला घातक अशी आहेत. कोरोना सारख्या महामारीचा मुकाबला करताना ८८ कायम कर्मचाऱ्यांनी व १३ कंत्राटी कामगारांनी आपल्या प्राणाचे बलिदान दिले व पुणे शहरातील नागरीकांच्या आरोग्याचे रक्षण केले, यामुळे या कर्मचान्यांच्या आरोग्याकडे लक्ष देणे विशेष गरजेचे आहे. याकडे पूर्ण दुर्लक्ष करुन खाजगी मेडिक्लेम कंपनीच्या हिताचाच विचार करणे हे आम्ही सहन करणार नाही. असे म्हणत संघटनेने लढा उभारला आहे.

या मेळाव्यात मुक्ता मनोहर म्हणाल्या, आम्ही काम करत असताना जनतेला कधीही वेठीस धरले नाही. कोरोना सारख्या महामारीत देखील आमच्या कर्मचाऱ्यांनी जीवाचे बलिदान देत शहरासाठी काम केले आहे. असे असताना आमचे हक्क हिरावून घेणे दुर्दैवी आहे. काँग्रेस चे अरविंद शिंदे म्हणाले, कुठलाही धोरणात्मक निर्णय घेण्याचा अधिकार हा मुख्य सभेला असतो. मात्र प्रशासक त्यांना हवे तसे निर्णय घेत आहेत. प्रशासकाने घेतलेले निर्णय रद्द करण्याचा अधिकार मुख्य सभेला आहे. आम्ही तो अधिकार वापरू. शिंदे पुढे म्हणले, प्रशासकांना अजून  कामगारांची ताकद माहित नाही. याबाबत त्यांनी एक दाखला देत कामगारांच्या शक्तीपुढे प्रशासकांना माघार घ्यावी लागेल असे नमूद केले. कामगारांना काम बंद करण्याची वेळ येऊ देऊ नका, असे ही ते म्हणाले. राष्ट्रवादीचे प्रशांत जगताप म्हणाले, योजना मोडीत काढण्यामागे कुठली अदृश्य शक्ती असेल तर तिला शोधून काढावे लागेल. अशी मनमानी आम्ही चालू देणार नाही. डॉ सिद्धार्थ धेंडे म्हणाले चतुर्थ श्रेणी कामगारांना आरोग्याच्या सुविधा पुरविणे हे महापालिकेचे कर्तव्य आहे. कर्मचाऱ्यांच्या आरोग्यावर जास्त पैसे खर्च होतात, असे म्हणण्याचा प्रशासनाला अधिकार नाही. प्रशासकांनी अशी मनमानी करू नये. अशाच पद्धतीने सर्वच राजकीय नेत्यांनी योजना मोडीत काढण्याबाबत प्रशासनाला दोष देत ठराव रद्द करण्याची मागणी केली. 
| अखेर  कामगार संघटना न्यायालयात 
दरम्यान स्थायी समितीचा ठराव आणि योजनेच्या खाजगीकरण यावरून महापालिका कर्मचारी संघटनानी कामगार न्यायालयाचा दरवाजा ठोठावला आहे. याबाबतची पहिली सुनावणी देखील झाली आहे. न्यायालयाने महापालिकेला आपली बाजू मांडण्याची संधी दिली आहे. याबाबत महापालिका आयुक्तांना नोटीस देखील पाठवण्यात आली आहे. संघटनेच्या पदाधिकाऱ्यांनी ही माहिती दिली. 

Dr. Siddharth Dhende | पोतराजचे काम करणाऱ्या विक्रमच्या आयुष्यात लागणार ‘शिक्षणाचा दिवा’ | माजी उपमहापौर डॉ. सिद्धार्थ धेंडे यांनी उचलली शिक्षणाची जबाबदारी

Categories
Breaking News Political social पुणे

पोतराजचे काम करणाऱ्या विक्रमच्या आयुष्यात लागणार ‘शिक्षणाचा दिवा’

| माजी उपमहापौर डॉ. सिद्धार्थ धेंडे यांनी उचलली शिक्षणाची जबाबदारी

|स्वातंत्र्याच्या अमृतमहोत्सवानिमित्त डॉ. धेंडे यांनी जपली सामाजिक बांधिलकी

पुणे |कोवळ्या हातात चाबूक, कपाळ हळदी कुंकूने भरलेले, पाठीवर चाबकाचे फटके ओढत पोतराजचे काम करणाऱ्या विक्रमच्या आयुष्यात आता शिक्षणाचा दिवा लागणार आहे. पुणे महापालिकेचे माजी उपमहापौर डॉ. सिद्धार्थ धेंडे यांनी सामाजिक बांधिलकी जपत त्यासाठी पाऊल उचलले आहे. विक्रम निंबाळकर याच्या शिक्षणाची सर्व जबाबदारी डॉ. धेंडे यांनी घेतली आहे. तसेच कोवळ्या वयात वाटेला आलेले पोतराजचे काम सोडून देण्याचे आवाहन कुटुंबियांना देखील केले आहे. स्वातंत्र्याच्या अमृत महोत्सव दिनानिमित्त डॉ. धेंडे यांनी घेतलेल्या या जबाबदारीचे सर्वत्र कौतुक होत आहे.

सामाजिक व्यवस्थेमध्ये अनेकांना पिढ्यानपिढ्या पोतराजचे काम करावे लागत आहे. हातात चाबूक, हळदी कुंकवाने भरलेले मळवट, कंबरेला अनेक कपडे जोडून तयार केलेला घागरा घालून पोतराज घरोघरी फिरत असतात. चाबकाचे फटके पाठीवर मारून पैसे आणि धान्य गोळा करण्याचे काम करतात. आजही काही प्रमाणात पोतराज दिसत आहेत.

येरवडा भागात राहणाऱ्या विक्रम रामा निंबाळकर या मुलाच्या हातात कोवळ्या वयात पुस्तके, शिक्षणाऐवजी पोतराजचा चाबूक आला. घरची परिस्थितीही बेतातीच असल्याने शाळेत जाणे कठीण झाले. स्वातंत्र्याच्या अमृत महोत्सव दिनानिमित्त प्रभाग क्रमांक दोन येथे पोतराज काम करणारा विक्रम व त्याच्या आईच्या हस्ते अनोखे ध्वजवंदन कार्यक्रमाचे आयोजन करण्यात आले होते. सावित्रीबाई फुले पथारी संघटनेच्या वतीने याचे आयोजन करण्यात आले होते. या वेळी पुणे महापालिकेचे माजी उपमहापौर डॉ. सिद्धार्थ धेंडे प्रमुख उपस्थित होते. या वेळी विक्रमच्या घरची चौकशी डॉ. धेंडे यांनी केली. सर्व माहिती घेतल्या नंतर विक्रमच्या आईचे मतपरिवर्तन करून विक्रमला शाळेत पाठविण्याचे आवाहन डॉ. धेंडे यांनी केले. त्यासाठी येणारा खर्च उचलण्याची जबाबदारी देखील घेतली. मात्र कोवळ्या वयात शिक्षणाची कास धरू द्या, असे आवाहन केले. त्यानुसार डॉ. धेंडे हे विक्रमच्या शिक्षणाची जबाबदारी घेणार आहेत.

सर्वसामान्य लोकांच्या घरात शिक्षणाची शिदोरी पोचली पाहिजे. डॉ. बाबासाहेब आंबेडकर यांनी शिक्षणाचे महत्त्व सांगत आपलं सर्व आयुष्य ती चळवळ उभी करण्यात घालवली आहे. विक्रम सारखी अनेक मुले शिक्षणापासून दूर जात आहेत. ही परिस्थिती सुखावह नाही. त्यामुळे स्वातंत्र्याच्या अमृत महोत्सव दिनानिमित्त आयोजित कार्यक्रमात विक्रमची भेट झाली. या वेळी पोतराजचे काम सोडून देण्यास सांगून शिक्षणाची जबाबदारी घेतली आहे.

– डॉ. सिद्धार्थ धेंडे, माजी उपमहापौर, पुणे महापालिका
———————-

Dr Siddharth Dhende | संगमवाडी ते टिंगरेनगर रस्त्याचे काम अंतिम टप्प्यात | माजी उपमहापौर डॉ. सिद्धार्थ धेंडे यांच्या पाठपुराव्याला यश

Categories
Breaking News PMC पुणे

संगमवाडी ते टिंगरेनगर रस्त्याचे काम अंतिम टप्प्यात

| माजी उपमहापौर डॉ. सिद्धार्थ धेंडे यांच्या पाठपुराव्याला यश

पूर्वीचा प्रभाग क्रमांक २ व सध्याच्या प्रभाग क्रमांक ८ मधील पुणे शहर विकास आराखड्यातील संगमवाडी ते टिंगरेनगर या रस्त्याचे काम अंतिम टप्प्यात आले आहे. पुणे महापालिकेचे माजी उपमहापौर डॉ. सिद्धार्थ धेंडे यांनी त्यासाठी पाठपुरावा केला. आयुक्त विक्रम कुमार यांच्या हस्ते नुकतेच रस्त्याच्या कामाचे पूजन करण्यात.

या वेळी महापालिकेच्या पथ विभागाचे अधिकारी व्ही. जी. कुलकर्णी, अमर मतीकुंड, पाडाळे, भुमी जिंदगीचे राजेंद्र मुठे, येरवडा, कळस, धानोरी क्षेत्रीय कार्यालयाचे सहायक आयुक्त वैभव कडलक, शाळेचे ट्रस्टी विकास गुप्ता, भाजप प्रवक्ते मंगेश गोळे, माजी नगरसेवक भगवान जाधव व सुभाष चव्हाण या वेळी उपस्थित होते.

संबंधित रस्त्याचे काम करताना अग्रेसन शाळा येथिल जागा ताब्यात येणे बाकी होते. ते ही काम पुर्ण झाले असल्याची माहिती माजी उपमहापौर डॉ. धेंडे यांनी दिली. अग्रसेन शाळेने जागा ताब्यात देणे करिता रस्त्यात येणाऱ्या वर्ग खोल्या काढुन सुरक्षा भिंत बांधुन घेतली आहे. त्याची देखील पाहणी उपस्थितांनी केली.

या प्रसंगी आयुक्त विक्रम कुमार यांनी भुमीपुजन करुन या विकास आराखड्यामधील रस्ता पुढीलल पंधरा दिवसात नागरीकांना रहदारीकरीता खुला होईल असे सांगितले. रस्त्या करीता निधी कमी पडणार नाही याची ग्वाही दिली. आळंदी रस्ता तसेच गोल्फ क्लब मधील उड्डाणपुलच्या कामामुळे होणारी वाहतुक कोंडी कमी होईल, हे या प्रसंगी सांगितले.

सध्या 9 मीटर रस्ता खुला झालेला आहे. उर्वरीत रस्ता खासदार गिरिष बापट व केंद्रीय मंत्री रामदास आठवले यांना सांगुन दिल्ली मधे बैठक घ्यायला सांगु. तिथे सर्वे आॅफ ईंडिया कडुन जागा हस्तांतरीत करुन घेऊ, असे माजी उपमहापौर डाॅ. धेंडे व मंगेश गोळे यांनी आश्वासित केले.

– रस्त्याच्या शेवटच्या टप्प्यातील कामाचे आयुक्त विक्रम कुमार, डॉ. सिद्धार्थ धेंडे यांच्या हस्ते भूमीपूजन

अग्रेसन दरम्यान असणारा संमवाडी ते टिंगरेनगर रस्ता सुरू झाल्यास नागरिकांची मोठ्या प्रमाणात होणारी गैरसोय टळणार आहे. हा रस्ता सुरू व्हावा यासाठी डाॅ. धेंडे यांनी निधीसाठी सातत्याने पाठपुरावा केला. जागा ताब्यात घेण्याबाबत शासकीय स्तरावर प्रयत्न केले. त्यामुळे त्यांच्या प्रयत्नांना यश आले असून लवकरच हा रस्ता नागरिकांसाठी खुला होईल, असे अधिकाऱ्यांनी सांगितले.