Tag: Dr. Siddharth Dhende

PMC Ward No 2 | प्रभाग दोन मधील समस्यांच्या निराकरणासाठी निधी उपलब्ध करा | माजी उपमहापौर डॉ. सिद्धार्थ धेंडे यांची केंद्रीय राज्यमंत्री मुरलीधर मोहोळ यांच्याकडे मागणी

Categories
Breaking News Political social पुणे

PMC Ward No 2 | प्रभाग दोन मधील समस्यांच्या निराकरणासाठी निधी उपलब्ध करा

| माजी उपमहापौर डॉ. सिद्धार्थ धेंडे यांची केंद्रीय राज्यमंत्री मुरलीधर मोहोळ यांच्याकडे मागणी

 

PMC Ward no 2 – (The Karbhari News Service) – पुणे महापालिकेच्या प्रभाग क्रमांक दोन मधील नागरिकांच्या विविध समस्यांचे निराकरण करणे आवश्यक आहे. जिल्हाधिकाऱ्यांच्या मार्फत या समस्या सोडविण्यासाठी निधी उपलब्ध करून द्यावा, अशी मागणी पुणे महापालिकेचे माजी उपमहापौर डॉ. सिद्धार्थ धेंडे यांनी केंद्रीय सहकार राज्यमंत्री मुरलीधर मोहोळ यांच्याकडे केली.

प्रभाग दोन मधील विविध समस्यांबाबत डॉ. धेंडे यांनी केंद्रीय राज्यमंत्री मोहोळ यांची पुण्यात भेट घेतली. या वेळी विविध मागण्यांचे निवेदन देण्यात आले.

या वेळी बाळासाहेब जानराव, नानदेवराव घाडगे, शेखर शेंडे, क्रांती शितोळे, मेजर रणपिसे, विजय कांबळे, गजानन जागडे, अनिल कांबळे, गणेश पारखे, ज्ञानेश्वर बाबर, अनिल राउत, मेश्राम, निरंजन मराठे आदीसह प्रभागातील नागरिक उपस्थित होते.

या वेळी डॉ. धेंडे यांनी दिलेल्या निवेदनात नमूद केले की, प्रभाग क्रमांक दोन मधील सरकारी वसाहतीमध्ये विविध नागरी समस्या आहेत. विशेषत: जेल वसाहत, पाटबंधारे वसाहत, मनोरुग्णालय वसाहत, पोलीस लाईन, भिक्षेकरी केंद्र या वसाहतींमध्ये या समस्या भेडसावत आहेत. विविध नागरी समस्यांकरिता केंद्र व राज्य शासनाचा फक्त निधी वापरला जातो. पुणे जिल्हाधिकारी यांच्या मार्फत या सर्व वसाहतीमधील नागरी समस्यांचे निवारण होणे आवश्यक आहे. त्या साठी आपण प्रयत्न करावा, अशी मागणी करण्यात आली.

या बरोबरच प्रभागातील पावसाळी नाले या आळंदी रोड मधील आंबेडकर चौक येथून रक्षा मंत्रालयाच्या बीईजी यांच्या भूभागामधून नैसर्गिक नाला जात होता. त्याकरिता पुणे महापालिकेच्या वतीने त्यांच्या बरोबर पत्र व्यवहार करून नैसर्गिक पाण्याचा प्रवाह पूर्ववत होण्याकरिता पाठपुरावा चालू आहे. त्यावर संबंधित अधिकाऱ्यांबरोबर चर्चा करून या कामास गती द्यावी. नागरी हवाई मंत्री यांच्या अधिकाऱ्यांबरोबर पुणे विमानतळ हे कार्यान्वित केले आहे. ते स्वागतार्ह आहे. परंतु या विमानतळाला ये-जा करणारी वाहने ही प्रभाग क्रमांक दोन आणि तीन मधील ५०९ चौक ते नागपूर चाळ या रस्त्यावरून जात आहेत. गेल्या दहा वर्षापासून संबंधित रस्ता हा १०० फुटी विकास आराखड्‌यात करावा यासाठी प्रयत्न सुरू आहेत. वायू सेनेकडून सदरील रस्त्याकरिता जागा ताब्यात घेण्याकरिता पाठपुरावा चालू आहे. वायू सेनेचे अधिकारी व महापालिका आयुक्त यांच्या बरोबर बैठक देऊन हा विषय मार्गी लावावा, अशी मागणी करण्यात आली.

या बरोबरच नागपूर चाळ, फुलेनगर या प्रभागामध्ये केंद्र शासनाशी संबंधित विषयकरिता अधिकाऱ्यांसमवेत जागा पाहणी करून बैठकीचे आयोजन करावे. ते विषय पुढील प्रमाणे आहेत. त्या मध्ये अग्रेसन शाळेपासून ई कॉमरझोन चौकापर्यंत विकास आराखड्यामधील रस्ता हा सर्वे ऑफ इंडिया या केंद्रीय शासनाच्या अधिपत्याखालील संस्थेच्या ताब्यात आहेत. तेथे भू-संपादनाकरिता त्यांनी तत्वता मान्यता दिलेली आहे. त्या बाबत दिल्लीमध्ये अधिकाऱ्यांसमवेत बैठक आयोजित करून संबंधित खात्याकडून जागा ताब्यात मिळविण्यासाठी निर्णय घ्यावा. महाराष्ट्र हौसिंग बोर्ड (समता नगर) येथील म्हाडाच्या जुन्या इमारती मोडकळीस आलेल्या आहेत. राज्य शासनाने या इमारतींच्या पुनर्विकासाकरिता अध्यादेश जारी केलेला आहे. परंतु या इमारतींच्या उत्तरेला भारतीय वायुसेना यांची हद्द असल्याने तेथे बांधकाम करण्यास नाहरकत मिळणे गरजेचे आहे. त्यावर अधिकाऱ्यांकडे पाठपुरावा करून मार्ग काढावा. महाराष्ट्र हौसिंग बोर्ड (समता नगर) येथील योगा केंद्राच्या उर्वरित कामाकरिता खासदारकिचा विशेष निधी देऊन काम लवकरात लवकर करावे, अशी मागणी करण्यात आली

या बाबत सकारात्मक विचार करून कार्यवाही करण्याचे आश्वासन केंद्रीय राज्यमंत्री मोहोळ यांनी दिले, अशी माहिती डॉ. सिद्धार्थ धेंडे यांनी दिली.

Mukhyamantri Ladki Bahin Yoajana | लाडकी बहिण योजनेतून महिलांना आर्थिक गंडा | माजी उपमहापौर डॉ. सिद्धार्थ धेंडे यांची पुणे पोलिस आयुक्तांकडे तक्रार

Categories
Breaking News Political social पुणे महाराष्ट्र

Mukhyamantri Ladki Bahin Yoajana | लाडकी बहिण योजनेतून महिलांना आर्थिक गंडा | माजी उपमहापौर डॉ. सिद्धार्थ धेंडे यांची पुणे पोलिस आयुक्तांकडे तक्रार

| मुख्यमंत्री, उपमुख्यमंत्री यांनी लक्ष देण्याची केली मागणी

 

Dr Siddharth Dhende – (The Karbhari News Service) – लाडकी बहिण योजनेचे पैसे जमा करायचे आहे असे सांगून अंगणवाडी सेविकेच्या नावाने फोन केला जातो. त्यानंतर महिलांच्या बँकेची माहिती घेऊन ओटीपी घेतला जातो. त्यामधून आर्थिक गंडा घातला जात आहे. पुणे महापालिकेच्या प्रभाग दोन मध्ये हे प्रकार घडले आहेत. त्याबाबत पुणे महापालिकेचे माजी उपमहापौर डॉ. सिद्धार्थ धेंडे यांनी पुणे पोलिस आयुक्त अमितेश कुमार यांच्याकडे तक्रार केली आहे. चोरट्यांवर त्वरित गुण्हा दाखल करून अटक करण्याची मागणी केली. तसेच मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री तथा पालकमंत्री अजित पवार यांनी यामध्ये लक्ष घालून अशा फसवणुकीपासून लांब राहण्याचे आवाहन करण्याची मागणी डॉ. धेंडे यांनी केली.

डॉ. धेंडे यांनी दिलेल्या प्रसिद्धीपत्रकात नमूद केले आहे की, राज्य सरकारने मुख्यमंत्री लाडकी बहिण योजना सुरू केली आहे. त्यासाठी ऑनलाईन पद्धतीने तसेच ऑफलाइन पद्धतीने अर्ज भरण्याची सुविधा दिली आहे. ऑफलाइन पद्धतीचे अर्ज अंगणवाडी सेविका यांच्यामार्फत जमा करून घेतले जात आहे. या सगळ्या प्रक्रियेसाठी कोणत्याही प्रकारचे आर्थिक शुल्क आकारले जात नाही. असे असताना या योजनेच्या नावाखाली सर्वसामान्य कुटुंबातील महिलांची फसवणूक होत असल्याचे निदर्शनास येत आहे.

अंगणवाडी सेविका बोलते असे सांगून महिलांना फोन केला जात आहे. मुख्यमंत्री लाडकी बहन योजनेचे पाच हजार रुपये तुमच्या बँकेत जमा करायचे असल्याचे सांगण्यात येते. त्यासाठी आधी तुमच्या बँकेत किमान पाच हजार रुपये ठेवण्याची सूचना दिली जात आहे. त्यानंतर बँकेची सर्व माहिती घेऊन ओटीपी पाठवला जात आहे. हा ओटीपी नंबर विचारून बँकेमधील सर्व रक्कम काढून घेतली जात आहे. पुणे महापालिकेच्या प्रभाग क्रमांक दोन मध्ये अनेक महिलांची आर्थिक फसवणूक झाली आहे. याबाबत योग्य खबरदारी घेऊन त्वरित गुन्हे दाखल करावे, असे पत्र डॉ. धेंडे यांनी पोलीस आयुक्तांना दिले आहे. तसेच मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री तथा पालकमंत्री अजित पवार यांनी त्वरित प्रसिद्धी पत्र जाहीर करावे. त्यामध्ये कोणत्याही भूलथापांना बळी न पडता आर्थिक व्यवहार करू नयेत, अशी जनजागृती करण्याची मागणी डॉ. धेंडे यांनी केली आहे.

 

 डॉ. धेंडे यांची तत्परता…

पुणे महापालिका प्रभाग क्रमांक दोन मधील महिलांची आर्थिक फसवणूक झाल्याचे समजताच डॉ. धेंडे यांनी फसवणूक झालेल्या महिलांची भेट घेतली. संपूर्ण प्रकरणाची माहिती घेतली. या घटनेची माहिती पोलीस आयुक्तांना देऊन तक्रार दाखल केली. तसेच महिलांनी अशा फसवणुकीला बळी पडू नये, असे आवाहन करत डॉ. धेंडे यांनी जनजागृती केली.

अंगणवाडी सेविकांच्या नावाने फोन येतो. महिलांची बँकेची माहिती घेऊन ओटीपी मागवला जातो. त्यामधून बँकेमधील सर्व पैसे काढून घेतले जातात. याबाबत पोलिस आयुक्तांच्या हे निदर्शनास आणून दिले आहे. तसेच मुख्यमंत्री एकनाथ शिंदे, उपमुख्यमंत्री देवेंद्र फडणवीस व पालकमंत्री अजित पवार यांनी त्वरित बाबत जनजागृती करण्याची मागणी केली आहे.

– डॉ. सिद्धार्थ धेंडे, माजी उपमहापौर, पुणे महापालिका.

Mukhyamantri Majhi Ladki Bahin | चुकीच्या आमिषाला बळी न पडता लाडकी बहन योजनेचा लाभ घ्या : डॉ. सिद्धार्थ धेंडे

Categories
Breaking News Political social पुणे महाराष्ट्र

Mukhyamantri Majhi Ladki Bahin | चुकीच्या आमिषाला बळी न पडता लाडकी बहन योजनेचा लाभ घ्या : डॉ. सिद्धार्थ धेंडे

| प्रभाग दोन मध्ये योजनेविषयी जनजागृती ; डॉक्टर धेंडे यांचा पुढाकार

| महापालिका समूह संघटिका, अंगणवाडी सेविका, महा ई सुविधा केंद्र संचालक यांनी केले मार्गदर्शन

 

Dr Siddharth Dhende – (The Karbhari News Service) – कोणालाही जास्तीचे पैसे न देता तसेच काही राजकीय लोकांच्या चुकीच्या आमिषाला बळी न पडता लाडकी बहन योजनेचा लाभ घ्या, असे आवाहन पुणे महापालिकेचे माजी उपमहापौर डॉक्टर सिद्धार्थ धेंडे यांनी केले. योजनेची प्रक्रिया सोपी असून त्याबाबत कोणीही संभ्रमात राहू नये. प्रभागातील नागरिकांपर्यंत योजना पोचवण्यासाठी प्रयत्नशील राहू, असे प्रतिपादन डॉ. धेंडे यांनी केले.

लाडकी बहन योजने संदर्भात अनेकांमध्ये संभ्रम आहे. अर्ज कसा भरायचा याची नागरिकांना माहिती नाही. याबाबत जनजागृती होण्यासाठी तसेच योजनेची योग्य माहिती देण्यासाठी प्रभाग दोन मध्ये जनजागृती शिबिराचे आयोजन करण्यात आले. डॉ. सिद्धार्थ धेंडे यांच्या पुढाकाराने हे शिबिर आयोजित केले होते. यावेळी मार्गदर्शन करताना डॉ. धेंडे बोलत होते.

या वेळी महापालिका समूह संघटिका शीला गायकवाड, अंगणवाडी सेविका नीलिमा चांदेरे, जना गायकवाड, कोमल भगत, जोत्स्ना वाघ, माधुरी गायकवाड, पुष्पा तायडे आदींसह प्रभागातील महिला मोठ्या प्रमाणात उपस्थित होत्या. या शिबिरात पुणे महापालिकेच्या समूह संघटिका, आरोग्य सेविका, या भागातील महा-ई-सेवा केंद्राचे संचालक यांनी उपस्थित नागरिकांना मार्गदर्शन केले.

या वेळी डॉ. सिद्धार्थ धेंडे म्हणाले की, मुख्यमंत्री लाडकी बहन योजनेसाठी प्रभाग दोन मधील सर्व अंगणवाडीच्या सेविका, मदतनीस दोन नागरी सुविधा केंद्र चालक हे मदत करतील. काही जण या योजनेची माहिती नसताना, योजनेचे स्वरूप पूर्ण माहीत नसताना नागरिकांची दिशाभूल करत आहेत. नागरिकांनी अधिकचे पैसे कोणालाही न देता या योजनेचा लाभ घ्यावा. काही अडचण असल्यास कार्यालयाशी संपर्क करण्याचे आवाहन डॉ. धेंडे यांनी केले.

अंगणवाडी सेविका नीलिमा चांदेरे म्हणाल्या की, आपण या चांगल्या योजनेचे लाभार्थी होणार आहोत. त्यामुळे सर्वांनी याचा लाभ घ्यावा. अर्ज भरण्याची प्रक्रिया सोपी आहे. ऑनलाईन आणि ऑफलाईन दोन्ही पद्धतीने अर्ज भरता येतात.

समूह संघटिका शीला गायकवाड म्हणाल्या की, पुणे महापालिकेच्या समाज कल्याण विभागाच्या वतीने १० वी आणि १२ वी विद्यार्थ्यांना खासगी क्लाससाठी आर्थिक मदत मिळते. यासह मागासवर्गीय विद्यार्थ्यांना सायकलसाठी अनुदान. परदेशात शिक्षण घेणाऱ्या विद्यार्थ्यांना दोन लाखांचे अनुदान आहे. यासह अपंग बांधव, महिला यांच्यासह अनेक योजना दिल्या जातात. त्याचाही लाभ घ्यावा.

 असा अर्ज भरा –

अंगणवाडी सेविका नीलिमा चांदेरे यांनी अर्ज भरण्याची प्रक्रिया उपस्थित महिलांना समजावली. यामध्ये नारी शक्ती ॲप डाऊनलोड करणे. ऑनलाईन लिंक ओपन करून योजनेचा अर्ज मोबाईलवर डाऊनलोड करणे. त्यावर प्रोफाईल क्रिएट करने. आपण कोण आहोत, उदा. एक सामान्य महिला, गृहिणी, बचत गटाच्या अध्यक्ष, अंगणवाडी सेविका या पैकी एक पर्याय निवडून क्लिक करायचा आणि प्रोफाइल अपडेट करायची. प्रोफाईल अपडेट झाल्यानंतर अर्ज आपोआप ओपन होतो. तो अर्ज भरायचा आहे. सुरुवातीला आपली माहिती, त्यानंतर बँकेची माहिती भरणे. त्यानंतर कागदपत्र अपलोड करणे. लाईव्ह फोटो अपलोड करणे. सर्वर व्यवस्थित चालू असल्यास पाच ते दहा मिनिटात अर्ज पूर्ण होतो. त्यानंतर हमिपत्राची प्रिंट काढून ओरिजनल हमीपत्र फोटो काढून साईट वर अपलोड केल्यानंतर सगळी प्रक्रिया पूर्ण होते. एका घरात दोनच व्यक्ती अर्ज भरू शकतात. त्या मध्ये एक विवाहित एक अविवाहित यांचा समावेश आहे. ३१ ऑगस्ट पर्यंत हे अर्ज भरण्याची मुदत आहे.

 : ही कागदपत्र आवश्यक –

आधार कार्ड, रहिवास किंवा आदिवास प्रमाणपत्र, मतदान ओळखपत्र, जन्म दाखला. बँक पासबुक (आधार आणि मोबाईल नंबर लिंक असलेला). जिल्हाधिकाऱ्यांचा उत्पन्नाचा दाखला, पिवळे, केशरी शिधापत्रिका, हमीपत्र.

RPI on Pune Rain | पावसाळ्यात नुकसान झालेल्या नागरिकांना प्रशासनाचा आर्थिक मदतीचा हात | प्राथमिक टप्यात तात्काळ अडीच हजार रुपयांची मदत मिळणार

Categories
Breaking News PMC Political social पुणे

RPI on Pune Rain | पावसाळ्यात नुकसान झालेल्या नागरिकांना प्रशासनाचा आर्थिक मदतीचा हात | प्राथमिक टप्यात तात्काळ अडीच हजार रुपयांची मदत मिळणार

| आरपीआयच्या शिष्टमंडळाच्या निवेदनानंतर जिल्ह्याधिकारी, महापालिकेची कार्यवाही

 

RPI on Pune Rain – (The Karbhari News Service) – वादळी वाऱ्यासह आलेल्या पावसाळ्यात ज्या नागरिकांचे नुकसान झाले आहे. त्यांना तात्काळ आर्थिक मदतीसाठी जिल्हा प्रशासनाने सकारात्मकता दाखवली आहे. सुरुवातीच्या टप्यात तातडीची मदत म्हणून अडीच हजार रुपये प्रत्येक कुटुंबाला मिळणार आहे. त्यानंतर आणखीन मदतीसाठी सकारात्मक प्रयत्न केले जाणार आहे. रिपब्लिकन पार्टी ऑफ इंडियाच्या (आठवले गट) शिष्ठमंडळाने जिल्हाधिकारी सुहास दिवसे, पुणे महापालिका आयुक्त राजेंद्र भोसले यांना निवेदन दिले. या वेळी प्रशासनाकडून तातडीने सकारात्मक पाऊले उचलत ही घोषणा केली. (Pune Municipal Corporation (PMC)

या वेळी आरपीआयचे शहराध्यक्ष संजय सोनवणे, माजी उपमहापौर डॉ. सिद्धार्थ धेंडे, परशुराम वाडेकर, बाळासाहेब जानराव, अशोक कांबळे, अशोक शिरोळे, वसंत बनसोडे, शाम सदाफुले आदींसह आरपीआयचे पदाधिकारी, कार्यकर्ते उपस्थित होते.

आरपीआयच्या शिष्टमंडळाने दिलेल्या निवेदनात नमूद केले आहे की, देशासह राज्यात मान्सून दाखल झाला आहे. उकाड्याने हैरान झालेल्या नागरिकांना त्यामुळे एक प्रकारे दिलासा मिळाला आहे. बळीराजा देखील सुखावला आहे. ही एक बाजू असताना दुसऱ्या बाजूला गेली दोन आठवडे वादळी वाऱ्यासह पावसाने हजेरी लावली आहे. पावसाची संततधार कायम राहत असल्यामुळे पुणे शहरातील रस्त्यांवर पाणी साचण्याच्या मोठ्या घटना घडल्या. नागरीवस्तीत पाण्याचा शिरकाव झाल्यामुळे अनेकांच्या घरात पाणी गेले. त्यामुळे नागरिकांचा गोंधळ उडाला आणि नुकसानीला सामोरे जावे लागले. अनेकांच्या घरांची दुरवस्था झाली. यासह वाहनधारकांचे देखील मोठे नुकसान झाले. अनेकांची वाहने वाहून गेली तर काहींची वाहने बंद पडली.

The Karbhari - Pune Rain RPI

वादळी वाऱ्यासह पाऊस आल्यामुळे शहरात ठिकठिकाणी झाडे पडली. अनेकांच्या वाहनांवर देखील झाडे पडण्याच्या घटना घडल्या. या सर्व बाबी लक्षात घेतल्या तर नागरिकांचे मोठ्या प्रमाणात आर्थिक नुकसान झाले आहे. आधीच महागाईने त्रस्त असलेल्या नागरिकांना आणखीन खर्चाचा बुर्दंड बसला आहे. या पार्श्वभूमीवर नागरिकांना आपत्ती व्यवस्थापन अंतर्गत झालेल्या नुकसानीची पाहणी करून आर्थिक मदत मिळावी. त्यामुळे नागरिकांना दिलासा मिळेल. याबाबत त्वरित शासकीय पातळीवर अंमलबजावणी करणे गरजेचे असल्याची मागणी करण्यात आली.

यावर दोन्ही प्रशासनाने सुरुवातीच्या टप्यात तातडीची मदत म्हणून अडीच हजार रुपये प्रत्येक कुटुंबाला देण्याचे जाहीर केले. त्यानंतर शासन स्तरावर पाठपुरावा करून आणखीन मदतीसाठी प्रयत्न करण्यात येईल असे प्रशासनाकडून सांगण्यात आले.

ओढ्यावरील अतिक्रमण हटवा –

तसेच शहरातील ओढ्यांच्या बाजूला केंद्रीय संरक्षण विभागाने सीमा भिंती घातलेल्या आहेत. वडगाव शेरी सह पुण्यातील विविध परिसरात ही परिस्थिती आहे. त्यामुळे या सीमाभिंती काढून ओढ्यांचे पात्र मोठे करण्याबाबत कार्यवाही करावी. पावसामध्ये जीवितहानीची शक्यता लक्षात घेता एनडीआरएफचे पथक पुण्यात कायमस्वरूपी तैनात ठेवणे आवश्यक आहे. त्यामुळे ऐनवेळी होणाऱ्या धावपळीपासून मुक्तता होईल. याबरोबरच शहरातील नाल्यांवर अतिक्रमण झालेले आहे. हे अतिक्रमण काढून विकसित आराखड्याप्रमाणे नाल्यांचे रुंदीकरण करावे. तसे आदेश पुणे महापालिकेला द्यावे. विशेषता धानोरी रस्ता ते साठे बिस्कीटकडे जाणारा तसेच धानोरी ते नगररोड मार्गे नदीला मिळणाऱ्या नाल्यांवर अतिक्रमण झाले असून त्याच्या रुंदीकरणाची आवश्यकता असल्याची मागणी करण्यात आली.

 पुणेकरांसाठी आरपीआयची धाव –

यंदाच्या वर्षी झालेल्या पावसात शहरात ठिकठिकाणी दुर्घटना घडल्या. साचलेल्या पावसामुळे नागरिकांची त्रेधातिरपीट उडाली होती. नुकसानीला सामोरे जाताना नागरिकांच्या नाकी नऊ येत आहे. या दरम्यान शासनाकडे मदतीसाठी कोणी पाठपुरावा करत नसल्याचे चित्र आहे. मात्र यंदाच्या पावसाळ्यात नागरिकांना झालेल्या नुकसानीची भरपाई मिळावी म्हणून आरपीआयचे शिष्टमंडळ धावून आले. नागरिकांना मदत मिळावी म्हणून मागणी केली. त्या मागणीला यश आले आहे.
——————————————-

Dr Siddharth Dhende | मतदानाच्या मूलभूत अधिकारापासून वंचित झालेल्या नागरिकांना न्याय देण्याची डॉ सिद्धार्थ धेंडे यांची जिल्हाधिकारी यांच्याकडे मागणी 

Categories
Breaking News Political social पुणे

Dr Siddharth Dhende | मतदानाच्या मूलभूत अधिकारापासून वंचित झालेल्या नागरिकांना न्याय देण्याची डॉ सिद्धार्थ धेंडे यांची जिल्हाधिकारी यांच्याकडे मागणी

 

Dr Siddharth Dhende – (The Karbhari News Service) – मतदानाच्या मूलभूत अधिकारापासून वंचित झालेल्या नागरिकांना न्याय द्यावा, अशी मागणी माजी उपमहापौर डॉ सिद्धार्थ धेंडे जिल्हाधिकारी डॉ  सुहास दिवसे यांच्याकडे केली आहे.  (Pune Lok Sabha Election Voting)

डॉ धेंडे यांच्या पत्रानुसार नुकतीच भारत देशाची लोकसभेची निवडणूक पार पडलेली आहे. या निवडणुकीमध्ये अनेक भारतीय नागरिक मतदानापासून वंचित राहिलेले आहेत. त्याकरिता प्रशासनामधील अनेक त्रुटी या कारणीभूत आहेत.

(१) मतदार यादीमध्ये नाव नसणे.
३) मतदार यादीमध्ये चुकीचा पत्ता असणे.
२) मतदार यादीमध्ये चुकीचे नाव असणे.
४) मतदार यादीमध्ये चुकीचे फोटो व वय असणे.
(५) मतदार यादी मधील फोटो व मतदान कार्ड वरील फोटो यामध्ये तफावत असणे.

डॉ धेंडे यांनी पुढे म्हटले आहे कि, याचबरोबर वरील सर्व मतदार यादीची छानणी व नवीन मतदार नोंदणी करण्याची जबाबदारी प्रत्येक प्रभागामध्ये निवडणूक कर्मचारी (बी.एल.ओ) व त्यांच्यावर देखरेख करणारे अधिकारी यांच्या तर्फे होत असते. नवीन मतदान कार्ड व मतदान कार्ड वरील दुरुस्ती हे नागरिक ऑनलाईन भरत असतात व त्यांना ते पोस्ट ऑफिस मार्फत किंवा क्षेत्रिय कार्यालयामार्फत आपण नेमणूक करून दिलेल्या कर्मचान्यामार्फत वितरित केले जातात. वितरित झालेत कि नाही याची शहानिशा व देखरेख आपल्या कर्मचाऱ्या मार्फत होणे अपेक्षित आहे. परंतु आपले कर्मचारी कामचुकारपणा करतात व हे नवीन मतदान कार्ड हे कुठल्यातरी राजकीय पक्षाला हाताशी धरून त्याच्या कार्यालयावर ठेवून देतात.

या निवडणुकीमध्ये असा अनुभव आलेला आहे हि मतदान कार्ड स्वतःच्या कार्यालयात ठेवून ते नागरिकांना वितरित केले गेले नाही व मतदान झाल्यावर ते वितरित करायला सोशल मीडियावर नावा सहित पोस्ट
टाकली गेली. हि बाब अत्यंत गंभीर आहे. याची सखोल चौकशी करून संबंधित अधिकारी, कर्मचारी व आपल्या प्रशासकीय यंत्रणे मधील जो कोणी दोषी असेल त्यावर आपण कार्यवाही करावी. कारण भारतीय घटनेमधील
मूलभूत अधिकारापासून हे वंचित राहिले आहेत. असे धेंडे यांनी म्हटले आहे.

Buddha Purnima | शिक्षण आणि नैतिकतेचा वापर समाजासाठी हवा : कुलसचिव डॉ. विजय खरे | डॉ. सिद्धार्थ धेंडे यांचा पुढाकार

Categories
Breaking News cultural Political social पुणे

Buddha Purnima | शिक्षण आणि नैतिकतेचा वापर समाजासाठी हवा : कुलसचिव डॉ. विजय खरे | डॉ. सिद्धार्थ धेंडे यांचा पुढाकार

| 134 विद्यार्थ्यांना शैक्षणिक साहित्यासाठी धनादेशाचे वाटप

– प्रभाग दोन मध्ये बुद्ध पौर्णिमेनिमित्त कार्यक्रमाचे आयोजन

Buddha Purnima 2024 – (The Karbhari News Service) – समाजात वावरताना एक विचार घेऊन पुढे गेले पाहिजे. चळवळ चालवली पाहिजे. आपण सर्व डॉ. बाबासाहेब आंबेडकरांच्या विचारांचे पाईक आहोत. बाबासाहेबांच्या विचारानुसार ज्यांच्याकडे शिक्षण, नैतिकता आहे. त्याचा वापर जो समाजासाठी करेल तोच खरा शहाणा माणूस असतो, असे प्रतिपादन सावित्रीबाई फुले पुणे विद्यापीठाचे कुलसचिव डॉक्टर विजय खरे यांनी केले. (Dr Siddharth Dhende)

पुणे महापालिकेचे माजी उपमहापौर डॉ. सिद्धार्थ धेंडे यांनी १३४ विद्यार्थ्यांच्या शैक्षणिक पालकत्वाची जबाबदारी स्वीकारली आहे. या विद्यार्थ्यांना शैक्षणिक साहित्य खरेदीसाठी धनादेशाचे वाटप करण्यात आले. बुद्ध जयंतीनिमित्त गौतम बुद्ध जन्मसोहळा कार्यक्रमाच्या निमित्ताने आयोजित कार्यक्रमात सावित्रीबाई फुले पुणे विद्यापीठाचे कुलसचिव डॉ. विजय खरे यांच्या हस्ते विद्यार्थ्यांना धनादेशाचे वाटप करण्यात आले. यश फाऊंडेशन व डॉ. सिद्धार्थ धेंडे मित्र परिवाराच्या वतीने प्रभाग क्रमांक दोन मधील लुंबिनी उद्यानात या कार्यक्रमाचे आयोजन करण्यात आले.

या वेळी पुणे महापालिकेचे माजी उपमहापौर डॉ. सिद्धार्थ धेंडे, आरपीआयचे संजय सोनवणे, भाजपा प्रवक्ते मंगेश गोळे, नामदेवराव घाडगे, त्रिरत्न संघ, भदन्त आनंद मंडळ, तक्षशिला विहार, धम्म ज्योती संघटना, पंचशील विहार, डॉ. बाबासाहेब आंबेडकर जयंती उत्सव कृती समिती व प्रभाग क्रमांक दोन मधील नागरिक मोठ्या संख्येने या वेळी उपस्थित होते.

डॉ. सिद्धार्थ धेंडे म्हणाले की, डॉ. बाबासाहेब आंबेडकर यांच्या विचारांनुसार चालताना आपणही समाजाचे काही तरी देणे लागतो ही मनात भावना आहे. त्यामधूनच जयंतीनिमित्त अनावश्यक खर्च न करता विद्यार्थ्यांना मदत करण्याचा निर्णय घेतला. डॉ. बाबासाहेब आंबेडकर यांची यंदा १३४ वी जयंती सर्वांनी उत्साहात साजरी केली. त्यामुळे शैक्षणिकदृष्ट्या १३४ विद्यार्थी दत्तक घेतले. त्यांच्या शैक्षणिक खर्चासाठी हातभार लावण्याच्या उद्देशाने धनादेशाचे वाटप केले.

मंगेश गोळे म्हणाले की, विद्यार्थ्यांना मदत करून बाबासाहेब आणि बुद्धांना वंदन करण्याचा खरा कार्यक्रम ठरला. डॉ. धेंडे हे संवेदनशील नेतृत्व प्रभागाला मिळाले. आपल्या पदाचा उपयोग समाजातल्या तळागाळातील लोकांपर्यंत पोचविण्याचे काम डॉ. धेंडे यांनी केले. समाजाचे देणे लागतो या वृत्तीने काम करणे गरजेचे आहे.

संजय सोनवणे म्हणाले की, विद्यार्थ्यांना मदत करून एक आगळा वेगळा उपक्रम प्रभागात राबविला. विद्यार्थ्यांना प्रोत्साहन देणे गरजेचे आहे. सामाजिक चळवळीत काम करताना जयंतीनिमित्त चांगला उपक्रम ठेवण्याचे भान डॉ. सिद्धार्थ धेंडे यांनी जोपासले.

या वेळी त्रिरत्न कलाकार संघातील कलाकारांनी महामानवाची यशोगाथा हा संगीतमय कार्यक्रम सादर केला. भन्ते नागघोष व सहकारी भन्ते यांच्या उपस्थितीत सर्व धर्मातील 25 जोडप्यांच्या (पती-पत्नी) हस्ते तथागत गौतम बुद्ध जन्म सोहळा पार पडला.
———————————

PMC Ward no 2 | प्रभाग दोन साठी आयुक्तांचे मान्सून ‘गिफ्ट’ | ई कॉमरझोन ते मेंटल कॉर्नर दरम्यान पावसाळी लाईनसाठी दीड कोटींची मंजुरी

Categories
Breaking News PMC Political social पुणे

PMC Ward no 2 | प्रभाग दोन साठी आयुक्तांचे मान्सून ‘गिफ्ट’ | ई कॉमरझोन ते मेंटल कॉर्नर दरम्यान पावसाळी लाईनसाठी दीड कोटींची मंजूरी

| डॉ. सिद्धार्थ धेंडे यांच्या पाठपुराव्याला यश

Dr Siddharth Dhende – (The Karbhari News Service) – ई कॉमरझोन ते मेंटल कॉर्नर दरम्यान पावसाळी लाईनसाठी पुणे महापालिकेने दीड कोटींची मंजुरी दिली. पुणे महापालिकेचे माजी उपमहापौर डॉ. सिद्धार्थ धेंडे यांनी सातत्याने त्यासाठी पाठपुरावा केला होता. अखेर त्याला यश आले. पावसाळी लाईन टाकल्यानंतर पावसाळ्यात ई कॉमरझोन चौकात होणाऱ्या वाहतूक कोंडीपासून वाहनधारकांची सुटका होणार आहे. आयुक्तांनी प्रभाग दोनसाठी दिलेल्या या मान्सून गिफ्ट मुळे नागरिकांमधून समाधान व्यक्त केले जात आहे.

प्रभाग क्र. २ नागपूर चाळ, फुलेनगर मधील ई कॉमर झोन समोरील रस्ता अग्रसेन ते शाहू चौक रस्ता आपणामुळे रहदारीसाठी शक्य झाला आहे. परंतू शहनशाह दर्गा चौक येथील पावसाळी लाईनमुळे एक ते दोन तास जरी पाउस पडला तरी पाणी प्रचंड प्रमाणात साचून राहते. त्यामुळे वाहतूकीचा खोळंबा देखील होत आहे. सदरील ठिकाणी पावसाळी लाईन टाकणेसाठी चे पत्र देखील दिले आहे. त्या अनुषंगाने आपल्या खात्यामार्फत याचा सर्व्हे झालेला आहे. त्या सर्व्हेमध्ये पावसाळी लाईन टाकून देण्याचे प्रस्तावित केले आहे.

पुणे महापालिकेच्या प्रभाग क्र २ मधील ई कॉमरझोन चौकात दर पावसाळ्यात पाणी साचत आहे. त्यामुळे वाहनधारकांना ये जा करताना अडचणींचा सामना करावा लागत आहे. पाण्यामुळे खड्डे पडत आहेत. वाहने खड्ड्यात आढळल्याने त्याचा त्रास वाहनधारकांना सहन करावा लागत होता. तसेच याठिकाणी वाहतूक कोंडीची मोठी समस्या निर्माण होत आहे. कार्यालयीन कामकाजाच्या वेळी वाहनांची संख्या अधिक असल्याने नागरिकांचा तासन तास वाहतूक कोंडी जात आहे. नाहक मनस्ताप सहन करावा लागत होता. त्यावर उपाय म्हणून पावसाळी लाईन बसविणे गरजेचे आहे. त्यासाठी डॉ. धेंडे यांनी दोन वर्ष सातत्याने पाठपुरावा केला.

ई कॉमरझोन ते मेंटल कॉर्नर याठिकाणी पावसाळी लाईन टाकणेसाठी दीड कोटी निधी उपलब्ध करून द्यावा, अशी मागणी डॉ. धेंडे यांनी महापालिका आयुक्तांकडे केली होती. हे काम तातडीने करून पुढच्या पावसाळ्यामध्ये नागरीकांना त्रास होणार नाही, याबाबत खबरदारी घेण्याची मागणी करण्यात आली. आपल्या खात्याकडे रक्कम उपलब्ध असल्याने दीड कोटी निधीस वर्गीकरणाची मान्यता द्यावी, अशी मागणी डॉ. धेंडे यांनी आयुक्तांकडे केली होती. त्याला सकारात्मक प्रतिसाद देत आयुक्तांनी फेब्रुवारी मध्ये मंजुरी दिली आहे. आचारसंहितेमध्ये हे काम थांबले होते. त्यानंतर संबंधित अधिकाऱ्यांच्या उपस्थितीत सर्वे करण्यात आला. मागील आठवड्यात रोड कटिंग आणि वाहतूक विभागाचे ना हरकत पत्र मिळाले आहे. त्यामुळे आता प्रत्यक्ष कामाला सुरुवात होणार असल्याने नागरीकांची वाहतूक कोंडीतून मुक्तता होणार आहे.

—–

गेली दोन वर्ष सातत्याने पाठपुरावा केला होता. अखेर त्याला यश आले. ई कॉमरझोन ते मेंटल कॉर्नर याठिकाणी पावसाळी लाईन टाकण्याच्या कामाला सुरुवात झाली आहे. या ठिकाणी काम सुरु असताना वाहतूक कोंडी होणार नाही याची दक्षता नागरिकांनी देखील घ्यावी. भविष्यात होणाऱ्या वाहतूक कोंडीपासून आता वाहनधारक मुक्त होतील.

– डॉ. सिद्धार्थ धेंडे, माजी उपमहापौर, पुणे महापालिका

Voter List Mistakes |मतदार यादीमधील चुका दुरुस्त करा | माजी उपमहापौर डॉ. सिद्धार्थ धेंडे यांचे जिल्हाधिकाऱ्यांना निवेदन

Categories
Breaking News Political social पुणे

Voter List Mistakes |मतदार यादीमधील चुका दुरुस्त करा | माजी उपमहापौर डॉ. सिद्धार्थ धेंडे यांचे जिल्हाधिकाऱ्यांना निवेदन

 

Voter List Mistakes – (The Karbhari News Service) – १३ मे २०२४ रोजी पुणे लोकसभा मतदारसंघाची निवडणूक (Pune Loksabha Election) प्रक्रिया पार पडली. या मतदानामध्ये बहुसंख्य नागरिकांना विविध अडचणींचा सामना करावा लागला. मतदान यादीमध्ये अनेक चुका झाल्याचे आढळले. अनेक जण मतदानाच्या मूलभूत अधिकारापासून वंचित राहिले. आगामी निवडणुकांपूर्वी या मतदार यादीतील चुका (Voter List Mistakes) दुरुस्त करा, अशी मागणी पुणे महापालिकेचे माजी उपमहापौर डॉ. सिद्धार्थ  धेंडे (Dr Siddharth Dhende Pune) यांनी केली. जिल्हाधिकारी सुहास दिवसे (Pune Collector Dr Suhas Diwase) यांना दिलेल्या निवेदनात ही मागणी केली.

डॉ. सिद्धार्थ धेंडे यांनी दिलेल्या निवेदनात नमूद केले आहे की, यंदाच्या निवडणुकांमध्ये मतदारांना अनेक अडचणी निर्माण झाल्या आहेत. मतदानामध्ये नाव नसणे. मतदान यादी मध्ये नाव नोंदणी करून देखील यादीत नाव न येणे व पुरवणी यादीत पण नाव नसणे. मतदान यादीतील मतदाराच्या नावापुढे चुकीची नावे असणे. मतदान यादीतील मतदाराच्या नावापुढे चुकीचे पत्ते असणे. मतदार यादीत नावांमधील पत्ता व मतदार केंद्र हे दुसरीकडे दाखवले जाणे. जिवंत व्यक्तीच्या पुढे मृत दाखवले जाणे. मतदार यादीमध्ये स्रीच्या नावापुढे पुरुषाचा फोटो आणि पुरुषांच्या नावापुढे स्त्रीचा फोटो आला होता.

या व अशा असंख्य तांत्रिक बाबींमुळे अनेक नागरिकांना संविधानाने दिलेल्या मूलभूत मतदाराच्या अधिकारापासून वंचित रहावे लागले आहे. आगामी महापालिका व विधानसभा निवडणुकीपूर्वी वरील सर्व बाबींचा विचार करून मोहीम राबवावी. प्रत्येक बूथ वाईस (मतदान केंद्रांप्रमाणे) त्या व्यक्तीने मतदार यादीतील चुका दुरुस्त कराव्यात, अशी मागणी डॉ. धेंडे यांनी केली.

Dr Siddharth Dhende | इफ्तार पार्टीतून सामाजिक एकोप्‍याचा संदेश |  प्रभाग क्रमांक दोन मध्ये आयोजन ; माजी उपमहापौर डाॅ. सिद्धार्थ धेंडे यांचा पुढाकार

Categories
Breaking News cultural Political social पुणे

Dr Siddharth Dhende | इफ्तार पार्टीतून सामाजिक एकोप्‍याचा संदेश

|  प्रभाग क्रमांक दोन मध्ये आयोजन ; माजी उपमहापौर डाॅ. सिद्धार्थ धेंडे यांचा पुढाकार

 

Dr Siddharth Dhende – (The Karbhari News Service) – मुस्लिम समाज बांधवांचा पवित्र रमजान महिना सुरू आहे. त्यानिमित्त पुणे महापालिकेच्‍या प्रभाग क्रमांक दोन मध्ये रोजा इफ्तार पार्टी मोठ्या उत्साहात पार पडली. सामाजिक एकोपा व सलोखा जपण्यासाठी दरवर्षी माजी उपमहापौर डाॅ. सिद्धार्थ धेंडे यांच्‍या पुढाकाराने हा उपक्रम आयोजित केला जता आहे. सर्व धर्मांमध्ये समानतेची जाणीव निर्माण करून आपापसांतील बंधुभाव वाढवण्याच्‍या उद्देशाने या कार्यक्रमाचे आयोजन करण्यात आले, असल्‍याचे प्रतिपादन माजी उपमहापौर डाॅ. सिद्धार्थ धेंडे यांनी या वेळी केले.

प्रभाग दोन मधील महाराष्ट्र हाऊसिंग बोर्ड मधील यश फाऊंडेशन, नटराज गंगावणे समाज विकास भवन येथे या इफ्तार पार्टीचे आयोजन करण्यात आले. या वेळी आरपीआयच्या अल्पसंख्यांक आघाडीचे प्रदेश अध्यक्ष ऍड. आयुब शेख, माजी नगरसेविका फरजाना शेख, आरपीआयचे राज्य सचिव बाळासाहेब जानराव, माजी नगरसेवक अशोक कांबळे, भाजपचे सुरेंद्र पठारे, प्रवक्ता मंगेश गोळे ,नामदेव घाडगे, काँग्रेसचे शिवाजी ठोंबरे, डॅनियल मगर, महेश वाघ, हिंदू संस्‍कृती मंचचे अध्यक्ष दिलीप म्हस्के, प्रेरणा ज्‍येष्ठ नागरिक संघाचे नामदेवराव वेताळ आदीसह हिंदु, मुस्लिम, बौद्ध, इसाई यांच्‍यासह विविध जाती-धर्मातील समाजबांधव उपस्थित होते. या वेळी शिरखुर्मा व सुका मेवाचे वाटप करण्यात आले.

पुणे महापालिकेच्‍या प्रभाग क्रमांक दोन मध्ये सामाजिक एक्‍याची परंपरा जपली जात आहे. गेल्‍या १७ वर्षांपासून रमजान ईद निमित्‍त इफ्तार पार्टीचे आयोजन करण्यात येत आहे. या कार्यक्रमात सर्व जाती-धर्माचे नागरिक सहभागी होत आहेत. या कार्यक्रमात माजी उपमहापौर डाॅ. सिद्धार्थ धेंडे यांच्‍या पुढाकाराने शिरखुर्मा आणि सुका मेवाचे वाटप करण्यात येते. यंदाच्‍या वर्षीही ही परंपरा कायम ठेवण्यात आली आहे. या वर्षी एकूण २७० कुटुंबाला सुका मेवाचे वाटप करण्यात आले आहे.
——-

सर्व जाती-धर्मातील लोकांमध्ये भाईचारा कायम टिकावा, यासाठी आम्‍ही सुरूवातीपासून उपक्रम घेत आहोत. संविधानाने ज्‍या मानवी मुल्‍यांची रुजवणूक केली आहे. त्‍याच्‍या अंमलबजावणीचा प्रयत्‍न प्रभाग दोन मधील सर्वच नागरिकांकडून केला जात आहे. सर्वधर्म समभाव ही भावना प्रभाग क्रमांक दोन मध्ये जपली जात असल्‍याचे दिसते.

– डाॅ. सिद्धार्थ धेंडे, माजी उपमहापौर, पुणे महापालिका.

PMC Ward no 2 | प्रभाग २ मधील विकासकामांना आयुक्तांचा हिरवा कंदील | भरघोस निधीची तरतूद ; माजी उपमहापौर डॉ. सिद्धार्थ धेंडे यांचे यशस्वी प्रयत्न

Categories
Breaking News PMC Political social पुणे

PMC Ward no 2 | प्रभाग २ मधील विकासकामांना आयुक्तांचा हिरवा कंदील

| भरघोस निधीची तरतूद ; माजी उपमहापौर डॉ. सिद्धार्थ धेंडे यांचे यशस्वी प्रयत्न

The Karbhari News Service | पुणे महापालिकेच्या प्रभाग २ मधील रस्ते विकसित करणे, नवीन ड्रेनेज लाईन टाकणे, सीसीटीव्ही बसविणे आदींसह विविध कामांसाठी आयुक्त विक्रम कुमार यांनी भरघोस निधींची तरतूद केली आहे. माजी उपमहापौर डॉ. सिद्धार्थ धेंडे यांनी यासाठी यशस्वी प्रयत्न केले आहेत. त्यामुळे प्रभागातील विकासकामांना गती मिळणार आहे. या कामांसाठी निधीची तरतूद करण्यासाठी केलेल्या पाठपुराव्याबद्दल उच्च व तंत्रशिक्षण मंत्री चंद्रकांत पाटील यांनी तर निधीसाठी आयुक्तांनी सकारात्मक भूमिका घेतल्याची माहिती डॉ. धेंडे यांनी दिली.

राज्यातील स्थानिक स्वराज्य संस्थांमध्ये गेल्या दोन वर्षांपासून प्रशासक राजवट आहे. त्यामुळे लोकप्रतिनिधी या नात्याने नागरिक समस्या घेऊन येत आहेत. काही ठिकाणी विकासकामे रखडली आहेत. प्रभाग क्रमांक दोन मध्ये अनेक कामांना गती देणे गरजेचे होते. यासाठी डॉ. धेंडे यांनी आयुक्त विक्रम कुमार यांच्याकडे सातत्याने निवेदन देऊन पाठपुरावा केला आहे. त्या बाबत आयुक्तांनी देखील सकारात्मक प्रतिसाद देत डॉ. धेंडे यांनी सुचविलेल्या कामांना निधींची तरतूद करून दिली आहे.

या कामांमध्ये विविध गोष्टींचा समावेश आहे. या मध्ये बीएसयुपी अंतर्गत येणाऱ्या चंद्रमानगर, येरवडा येथील नागरिकांच्या घरांचा प्रश्न आठ वर्षांपासून रखडला होता. त्यासाठी निधींची तरतूद करण्यात आली आहे. येरवडा पोस्ट कार्यालय ते मेंटल कॉर्नर दरम्यान असणाऱ्या येरवडा जेलसमोरील रस्ता विकसित करणे. तसेच कॉमरझोन चौक ते महिला बाल विकास कार्यालय रस्ता विकसित करण्यासाठी निधी मंजूर झाला आहे. प्रभागातील सर्व झोपडपट्टयांमधील रस्ते विकसित करणे तसेच ड्रेनेजलाईन टाकण्यासाठी निधीची तरतूद केली आहे. शांतीरक्षक चौक ते सह्याद्री हॉस्पिटल दरम्यान ६०० मिमी मलवाहिनी टाकन्यात येणार आहे. महाराष्ट्र हौसिंग बोर्ड एलटाईप, महाराष्ट्र हौसिंग बोर्ड एमटाईप, बैठी चाळ, नागपूर चाळ, तक्षशिला विहारासमोर, पंचशील नगर मधील गणपती मंदिर समोर ड्रेनेजलाईन टाकणे व कॉक्रिट करन्यात येणार आहे. जाधवनगर देवी मंदिरासमोरील ड्रेनेज लाईन टाकणे व कॉक्रिट करणे. श्रमिक वसाहत येथील ड्रेनेज लाईन टाकणे व कॉक्रिट करणे. शांतीनगर देवी मंदिर समोरील ड्रेनेज लाईन टाकणे व कॉक्रिट करणे. विविध उद्यानांमधील विकासाची कामे करणे. विविध ठिकाणचे सीसीटीव्ही देखभाल व दुरूस्ती करणे. विविध समाजमंदिराची देखभाल व दुरूस्ती करणे आदी कामांसाठी निधींची तरतूद करण्यात आली आहे. शहरात मागासवर्गीय कल्याण निधीसाठी भरीव निधी देण्यात आला आहे. येरवडा येथील अण्णा भाऊ साठे सभागृहासाठी एक कोटीची तरतूद करण्यात आली आहे.

डॉ. सिद्धार्थ धेंडे यांनी वरील कामांबाबत आयुक्तांकडे पत्रव्यहार करून निधीच्या तरतुदीबाबत सुचविले होते. त्यांनी केलेल्या प्रयत्नांमुळे प्रभागातील विकासकामांना गती मिळणार आहे.

——
पुणे महापालिकेच्या प्रभाग २ मधील विविध विकासकामांना आयुक्तांनी सकरात्मक प्रतिसाद देत महापालिका अर्थसंकल्पात भरघोस निधी दिला आहे. या पूर्वी मी त्यांच्याकडे निवेदनाद्वारे कामे सुचवून निधीची मागणी केली होती. तसेच उच्च व तंत्रशिक्षण मंत्री चंद्रकांत पाटील यांनी तर निधीसाठी पाठपुरावा केला. प्रभागाच्या जनहिताच्या आणि विकासाच्या कामासाठी दोघांनीही घेतलेल्या भूमिकेबद्दल त्यांचे आभार.

– डॉ. सिद्धार्थ धेंडे, माजी उपमहापौर, पुणे महापालिका
———————