Tag: PMC Ward no 2

PMC Ward no 2 | प्रभाग २ मधील विकासकामांना आयुक्तांचा हिरवा कंदील | भरघोस निधीची तरतूद ; माजी उपमहापौर डॉ. सिद्धार्थ धेंडे यांचे यशस्वी प्रयत्न

Categories
Breaking News PMC Political social पुणे

PMC Ward no 2 | प्रभाग २ मधील विकासकामांना आयुक्तांचा हिरवा कंदील

| भरघोस निधीची तरतूद ; माजी उपमहापौर डॉ. सिद्धार्थ धेंडे यांचे यशस्वी प्रयत्न

The Karbhari News Service | पुणे महापालिकेच्या प्रभाग २ मधील रस्ते विकसित करणे, नवीन ड्रेनेज लाईन टाकणे, सीसीटीव्ही बसविणे आदींसह विविध कामांसाठी आयुक्त विक्रम कुमार यांनी भरघोस निधींची तरतूद केली आहे. माजी उपमहापौर डॉ. सिद्धार्थ धेंडे यांनी यासाठी यशस्वी प्रयत्न केले आहेत. त्यामुळे प्रभागातील विकासकामांना गती मिळणार आहे. या कामांसाठी निधीची तरतूद करण्यासाठी केलेल्या पाठपुराव्याबद्दल उच्च व तंत्रशिक्षण मंत्री चंद्रकांत पाटील यांनी तर निधीसाठी आयुक्तांनी सकारात्मक भूमिका घेतल्याची माहिती डॉ. धेंडे यांनी दिली.

राज्यातील स्थानिक स्वराज्य संस्थांमध्ये गेल्या दोन वर्षांपासून प्रशासक राजवट आहे. त्यामुळे लोकप्रतिनिधी या नात्याने नागरिक समस्या घेऊन येत आहेत. काही ठिकाणी विकासकामे रखडली आहेत. प्रभाग क्रमांक दोन मध्ये अनेक कामांना गती देणे गरजेचे होते. यासाठी डॉ. धेंडे यांनी आयुक्त विक्रम कुमार यांच्याकडे सातत्याने निवेदन देऊन पाठपुरावा केला आहे. त्या बाबत आयुक्तांनी देखील सकारात्मक प्रतिसाद देत डॉ. धेंडे यांनी सुचविलेल्या कामांना निधींची तरतूद करून दिली आहे.

या कामांमध्ये विविध गोष्टींचा समावेश आहे. या मध्ये बीएसयुपी अंतर्गत येणाऱ्या चंद्रमानगर, येरवडा येथील नागरिकांच्या घरांचा प्रश्न आठ वर्षांपासून रखडला होता. त्यासाठी निधींची तरतूद करण्यात आली आहे. येरवडा पोस्ट कार्यालय ते मेंटल कॉर्नर दरम्यान असणाऱ्या येरवडा जेलसमोरील रस्ता विकसित करणे. तसेच कॉमरझोन चौक ते महिला बाल विकास कार्यालय रस्ता विकसित करण्यासाठी निधी मंजूर झाला आहे. प्रभागातील सर्व झोपडपट्टयांमधील रस्ते विकसित करणे तसेच ड्रेनेजलाईन टाकण्यासाठी निधीची तरतूद केली आहे. शांतीरक्षक चौक ते सह्याद्री हॉस्पिटल दरम्यान ६०० मिमी मलवाहिनी टाकन्यात येणार आहे. महाराष्ट्र हौसिंग बोर्ड एलटाईप, महाराष्ट्र हौसिंग बोर्ड एमटाईप, बैठी चाळ, नागपूर चाळ, तक्षशिला विहारासमोर, पंचशील नगर मधील गणपती मंदिर समोर ड्रेनेजलाईन टाकणे व कॉक्रिट करन्यात येणार आहे. जाधवनगर देवी मंदिरासमोरील ड्रेनेज लाईन टाकणे व कॉक्रिट करणे. श्रमिक वसाहत येथील ड्रेनेज लाईन टाकणे व कॉक्रिट करणे. शांतीनगर देवी मंदिर समोरील ड्रेनेज लाईन टाकणे व कॉक्रिट करणे. विविध उद्यानांमधील विकासाची कामे करणे. विविध ठिकाणचे सीसीटीव्ही देखभाल व दुरूस्ती करणे. विविध समाजमंदिराची देखभाल व दुरूस्ती करणे आदी कामांसाठी निधींची तरतूद करण्यात आली आहे. शहरात मागासवर्गीय कल्याण निधीसाठी भरीव निधी देण्यात आला आहे. येरवडा येथील अण्णा भाऊ साठे सभागृहासाठी एक कोटीची तरतूद करण्यात आली आहे.

डॉ. सिद्धार्थ धेंडे यांनी वरील कामांबाबत आयुक्तांकडे पत्रव्यहार करून निधीच्या तरतुदीबाबत सुचविले होते. त्यांनी केलेल्या प्रयत्नांमुळे प्रभागातील विकासकामांना गती मिळणार आहे.

——
पुणे महापालिकेच्या प्रभाग २ मधील विविध विकासकामांना आयुक्तांनी सकरात्मक प्रतिसाद देत महापालिका अर्थसंकल्पात भरघोस निधी दिला आहे. या पूर्वी मी त्यांच्याकडे निवेदनाद्वारे कामे सुचवून निधीची मागणी केली होती. तसेच उच्च व तंत्रशिक्षण मंत्री चंद्रकांत पाटील यांनी तर निधीसाठी पाठपुरावा केला. प्रभागाच्या जनहिताच्या आणि विकासाच्या कामासाठी दोघांनीही घेतलेल्या भूमिकेबद्दल त्यांचे आभार.

– डॉ. सिद्धार्थ धेंडे, माजी उपमहापौर, पुणे महापालिका
———————

Pune Balsnehi Chowk |प्रभाग २ मधील बालस्नेही चौकाचे लोकार्पण | माजी उपमहापौर डॉ. सिद्धार्थ धेंडे यांचा यशस्वी पाठपुरावा

Categories
Breaking News Political social पुणे

Pune Balsnehi Chowk |प्रभाग २ मधील बालस्नेही चौकाचे लोकार्पण | माजी उपमहापौर डॉ. सिद्धार्थ धेंडे यांचा यशस्वी पाठपुरावा

| ज्येष्ठ नागरिक, विद्यार्थी आणि लहान मुलांच्या सुरक्षेची घेतली जबाबदारी

| माजी आमदार जगदीश मुळीक, वाहतूक शाखेचे पोलिस उपायुक्त शशिकांत पाटील यांची उपस्थिती

 

Pune Balsnehi Chowk | पुणे महापालिकेच्या प्रभाग दोन मधील समतानगर येथील लुंबिनी उद्यानासमोरील बालस्नेही चौकाचे लोकार्पण करण्यात आले. शिवजयंतीच्या मुहूर्तावर माजी आमदार जगदीश मुळीक, वाहतूक शाखेचे पोलिस उपायुक्त शशिकांत पाटील यांच्या हस्ते हा कार्यक्रम पार पडला. ज्येष्ठ नागरिक, विद्यार्थी, महिला, लहान मुले यांच्या सुरक्षेच्या दृष्टिकोनातून माजी उपमहापौर डॉ. सिद्धार्थ धेंडे यांनी यासाठी यशस्वी पाठपुरावा केला आहे. (Dr Siddharth Dhende Pune)

या वेळी येरवडा पोलीस ठाण्याचे पोलीस निरीक्षक संतोष पाटील, नाना नलावडे, मंगेश गोळे, नामदेवराव घाडगे, यशवंत शिर्के,पांडाभाउ मोहीते , विजय कांबळे, गजानन जागडे, शेखर शेंडे, दिलिप मस्के ,शिवाजीराव ठोंबरे आदीसह प्रभाग दोन मधील रिक्षा संघटनांचे सर्व पदाधिकारी यावेळी उपस्थित होते.

The karbhari - Dr Siddharth Dhende

प्रभाग दोन येथील समतानगर मधील लुंबिनी चौकात भाजी मंडई, शाळा, पीएमपीएल बस थांबा असल्याने लोकांची मोठी वर्दळ असते. अनेक वेळेला या चौकातून वाहनधारक वेगाने वाहने चालवीत जातात. त्यामुळे ज्येष्ठ नागरिक, महिला, विद्यार्थी, लहान मुलांच्या सुरक्षेचा प्रश्न ऐरणीवर आला होता. एखादा अपघात घडण्याची भीती नागरिकांमध्ये होती. त्यावर अंकुश बसावा, तसेच खबरदारी म्हणून प्रभागातील नागरिकांनी उपाययोजना राबविण्याबाबत माजी उपमहापौर डॉ. सिद्धार्थ धेंडे यांच्याकडे गाऱ्हाणे मांडले होते. चौक सुरक्षित होण्यासाठी तसेच त्याच्या सुशोभीकरणासाठी डॉ. धेंडे यांनी पुणे महापालिकेकडे तसेच अर्बन ९५ अंतर्गत काम करण्यासाठी पाठपुरावा केला होता. अखेर त्याला यश आले. महापालिकेने येथील बालस्नेही चौकाचे डिझाईन करून हा चौक सुरक्षित करण्याबरोबरच सुशोभित देखील केला आहे. त्याचे सोमवारी (दि. १९) माजी आमदार जगदीश मुळीक, पुणे वाहतूक शाखेचे डीसीपी शशिकांत बोराटे यांच्या हस्ते हे लोकार्पण पार पडले.

The karbhari - Jagdish Mulik

बालस्नेही चौक (मुलांसाठी सुरक्षित चौक) हा शहरातील १०० चौकापैकी एक महत्त्वाचा पहिला आगळावेळा उपक्रम ठरला असल्याचे यावेळी वाहतूक शाखेचे डीसीपी शशिकांत बोराटे आणि माजी आमदार जगदीश मुळीक म्हणाले.
—————-
बालस्नेही चौकात मिळणार या सुविधा –

या चौकामध्ये विविध उपाय योजनांचा समावेश केला आहे. त्यामध्ये चौकात सीसीटीव्ही यंत्रणा कार्यान्वित केली आहे. गतिरोधक बसवण्यात आले आहेत. लहान मुलांना रस्ता ओलांडता यावा यासाठी रस्ता क्रॉसिंगची व्यवस्था केली आहे. या ठिकाणी असणाऱ्या रिक्षा स्टॅन्डचे डिजिटलायझेशन केले आहे. त्यामध्ये एलईडी बसवून प्रभागाची तसेच शासनाच्या विविध योजनांची माहिती दिसणार आहे. याचा लाभ प्रभागातील नागरिकांना होणार आहे. बस, शाळेचे वेळापत्रक त्या फलकावर दिसणार आहे. आपत्कालीन सेवा बजावणारे सर्व संपर्क क्रमांक देखील दिसणार आहेत. पुणे शहरातील हे पहिले डिजिटल रिक्षा स्टॅन्ड ठरले आहे.
———-

प्रभाग क्रमांक दोन मधील समतानगर येथील लुंबिनी उद्यानाजवळील हा मुख्य चौक असल्यामुळे नागरिकांची सतत मोठी वर्दळ असते. काही वाहन चालक वेगाने वाहने चालवीत असल्याने अपघात होण्याची शक्यता असल्याचे नागरिकांनी सांगितले होते. त्यानुसार पुणे महापालिका आणि अर्बन ९५ अंतर्गत मी बालस्नेही चौकाचे सुशोभीकरण करत सुरक्षेच्या दृष्टीने काळजी घेतली. महापालिकेचे अधिकारी, प्रभागातील नागरिकांनी देखील याला सकारात्मक प्रतिसाद दिला. पुणे शहरातील अत्यंत स्तुत्य असा हा उपक्रम असल्याचे मी मानतो.

– डॉ. सिद्धार्थ धेंडे, माजी उपमहापौर, पुणे महापालिका
—————————————-

Dr Siddharth Dhende | रोजगार प्रशिक्षण केंद्रातून महिला आर्थिक स्वावलंबी होतील : डॉ. सिद्धार्थ धेंडे

Categories
cultural Political social पुणे

Dr Siddharth Dhende | रोजगार प्रशिक्षण केंद्रातून महिला आर्थिक स्वावलंबी होतील : डॉ. सिद्धार्थ धेंडे

– प्रभाग क्रमांक २ मध्ये महिलांसाठी घरगुती उद्योग प्रशिक्षण केंद्राचे उद्घाटन | माजी उपमहापौर डॉ. धेंडे यांचा पुढाकार

 

Dr Siddharth Dhende | राज्यासह देशभरात महिला उद्योजकांची मोठी संख्या वाढत आहे. महिलांना प्रोत्साहन दिल्यास आणखीन उद्योजक वाढतील. त्यासाठी महिलांना योग्य मार्गदर्शन करणे गरजेचे आहे. उद्योग प्रशिक्षण केंद्रामधून महिलांना उद्योग सुरु करता येईल. त्यामधून आर्थिक स्वावलंबी जीवन जगता येईल, असे प्रतिपादन पुणे महापालिकेचे माजी उपमहापौर डॉ. सिद्धार्थ धेंडे यांनी केले.

पुणे महापालिकेच्या प्रभाग क्रमांक २ मधील पंचशील विहार, धम्म ज्योती संघटना क्रियाशील आदर्श सेवा मंडळ, चर्च शेजारी, नागपूर चाळ या ठिकाणी महिलांकरिता घरगुती उद्योग प्रशिक्षण केंद्राचे उद्घाटन आज पार पडले. धम्म ज्योती संघटना व सुजाता महिला मंडळ यांच्या विद्यमाने या कार्यक्रमाचे आयोजन करण्यात आले होते. लिज्जत पापड उद्योग समूह महाराष्ट्र राज्याचे कार्यकारी संचालक सुरेश कोते यांच्या हस्ते कार्यक्रमाचे उदघाटन करण्यात आले. या वेळी मार्गदर्शन करताना डॉ. धेंडे बोलत होते. महिलांनी देखील या यामध्ये सहभाग घ्यावा असे आवाहन डॉ. सिद्धार्थ धेंडे यांनी केले.

The karbhari - PMC Ward no 2

या कार्यक्रमाला सामाजिक कार्यकर्ते नामदेवराव घाडगे, विजय कांबळे, विशाल सोनवणे, अरविंद रणपिसे,अनिल कांबळे, अजय कांबळे, कमल वाघमारे, मंगल गमरे, कमल कांबळे, आरती माने , रेखा जाधव , सुजाता महिला मंडळ, धम्म ज्योती संघटना यांचे सर्व पदाधिकारी, सभासद तसेच प्रथम सामाजिक संघटना, आदीसह प्रभागातील नागरिक, महिला मोठ्या संख्येने उपस्थित होत्या.

या कार्यक्रमात लिज्जत पापड उद्योग समूह महाराष्ट्र राज्याचे कार्यकारी संचालक सुरेश कोते यांनी घरगुती उद्योगांची माहिती दिली. त्यामधील संधी, आर्थिक प्रगतीचा आढावा मांडला. त्याचा प्रभागातील महिलांना मोठा लाभ झाला.

The karbhari - PMC Ward no 2

या कार्यक्रमाबरोबरच प्रथम, आयबीएम, स्किल्स बिल्ड नोकरी / रोजगार कौशल्य मोहीम अंतर्गत मोफत कोर्स / रोजगार मेळावा देखील आयोजित केला. तरुणांना रोजगाराच्या संधी उपलब्ध व्हाव्यात. रोजगाराची माहिती मिळावी या उद्देशाने १८ ते ३५ वर्षे वयोगटातील नागरिकांसाठी याचे आयोजन करण्यात आले होते. सुजाता महिला मंडळ आणि धम्म ज्योती संघटना यांच्या पुढाकाराने हे उपक्रम पार पडले.
—————————————————–

PMC Ward 2 CCTV | सुरक्षेबाबत नागरिकच सजग असणे कौतुकास्पद : पोलिस निरीक्षक संतोष पाटील

Categories
Political social पुणे

PMC Ward 2 CCTV | सुरक्षेबाबत नागरिकच सजग असणे कौतुकास्पद : पोलिस निरीक्षक संतोष पाटील

– प्रभाग क्रमांक २ मध्ये कालवश उद्धवराव शिवाजी वावरे पदपथ नामफलक आणि सीसीटीव्हीचे उद्घाटन

– माजी उपमहापौर डॉ. सिद्धार्थ धेंडे यांचा पुढाकार

 

PMC Ward 2 CCTV | प्रभागात सुरक्षा रहावी यासाठी पोलिस यंत्रणा काम करतच आहे. प्रभागातील विविध ठिकाणी सीसीटीव्ही लावले जात आहेत. मात्र नागरिकांनी देखील स्वतः पुढाकार घेऊन सीसीटीव्ही बसविण्याचा घेतलेला उपक्रम स्तुत्य आहे. नागरिकांनी सुरक्षेसाठी सजग राहणे गरजेचे असल्याचे प्रतिपादन येरवडा पोलिस ठाण्याचे पोलिस निरीक्षक संतोष पाटील यांनी केले.

पुणे महापालिका प्रभाग क्रमांक दोन नागपूर चाळ येथील पदपथाचे कालवश उद्धवराव शिवाजी वावरे नामकरण तसेच सीसीटीव्हीचे उद्घाटन डॉ. बी. एस. पठाण यांच्या हस्ते करण्यात आले. माजी उपमहापौर डॉ. सिद्धार्थ धेंडे यांच्या पुढाकाराने या कार्यक्रमाचे आयोजन करण्यात आले. या वेळी प्रमुख पाहुणे म्हणून पोलिस निरिक्षक पाटील बोलत होते.

या वेळी कालवश उध्दव वावरे यांचे चिरंजीव प्रशांत वावरे, अशोक कांबळे, नामदेव घाटगे, मंगेश गोळे, ऍड. भगवान जाधव, सर्व तरुण मंडळाचे कार्यकर्ते, जागृती तरुण मंडळ, मौलाना आझाद रिक्षा स्टँड, व्यापारी, पथारी व्यावसायिक, सुजाता महिला मंडळ, तक्षशिला बुद्धविहार, धम्मज्योती बुद्धविहार, त्रिरत्न बुद्धविहार, हिंदू जागृती मंचचे पदाधिकारी, प्रभागातील नागरिक, कार्यकर्ते व पदाधिकारी या वेळी उपस्थित होते.

the karbhari - dr siddharth dhende

डॉ. सिद्धार्थ धेंडे म्हणाले की, रस्त्याचे नामकरण होण्यासाठी महापालिकेत मी ठराव मांडला होता. तो मंजूर करण्यासाठी प्रयत्न केले होते. यासाठी प्रभागातील इतर तीन नगरसेवकांकडून या प्रस्तावासाठी पाठिंबा मिळविला. या प्रस्तावाला महापालिका स्तरावर मंजुरी मिळाली. त्याचे नामकरण झाल्यानंतर आज त्याच्या नामफलकाचे उद्घाटन करण्यात आले याचा आनंद आहे. कालवश उद्धव वावरे हे पुणे महापालिकेचे माजी विरोधी पक्षनेते व नागपूर चाळ प्रभागाचे लोकप्रतिनिधी होते. १९८७ आणि १९९३ अशा दोन वेळेस ते निवडून आले होते. आरपीआय पक्षाच्या राज्याच्या प्रमुख पदावर ते कार्यरत होते. त्यांचे प्रभागाचे योगदान पाहता त्यांचे स्मरण म्हणून हा नामफलक उद्घाटनाचा कार्यक्रम घेतला. प्रभागातील जागृती तरुण मंडळाच्या पदाधिकाऱ्यांनी त्याची संकल्पना मांडली होती.

PMC Ward no 2 | Dr Siddharth Dhende |  यश फाउंडेशन आणि मनोदय व्यसनमुक्ती संस्थेतर्फे युवकांसाठी मोफत संगणक प्रशिक्षण केंद्राचे उद्घाटन | प्रभाग दोन मध्ये डॉ. सिद्धार्थ धेंडे यांचा उपक्रम

Categories
Breaking News PMC Political social पुणे

PMC Ward no 2 | Dr Siddharth Dhende |  यश फाउंडेशन आणि मनोदय व्यसनमुक्ती संस्थेतर्फे युवकांसाठी मोफत संगणक प्रशिक्षण केंद्राचे उद्घाटन

| प्रभाग दोन मध्ये डॉ. सिद्धार्थ धेंडे यांचा उपक्रम

 

PMC Ward no 2 |Dr Siddharth Dhende | संगणक साक्षरतेतून (Computer Literacy) रोजगार निर्मिती होऊन आर्थिक सक्षम पिढी निर्माण करण्यासाठी पुणे महापालिकेचे माजी उपमहापौर डॉ. सिद्धार्थ धेंडे (Dr Siddharth Dhende Pune)  यांनी पुढाकार घेतला आहे. प्रभाग दोन (PMC Ward 2) मध्ये युवकांसाठी मोफत संगणक प्रशिक्षण केंद्र (Free Computer Teaching Center) सुरू करण्यात आले आहे. यश फाउंडेशन आणि मनोदय व्यसनमुक्ती संस्थेच्या माध्यमातून हा उपक्रम आयोजित करण्यात आला आहे. त्याचा परिसरातील युवकांना फायदा होणार आहे.

प्रभाग दोन मधील नागपूर चाळ येथील यश फाउंडेशनच्या कालवश नटराज गंगावणे समाज मंदिर येथे या केंद्राचे नुकतेच उद्घाटन करण्यात आले. या कार्यक्रमाला होप फाउंडेशनचे नितीन पोळ, वेद कॉम्प्युटर ऍकॅडमीच्या सीमा बैस, एम्पॉवर चॅरिटेबल ट्रस्टचे विनय दवे, प्रेरणा ज्येष्ठ नागरिक संघ व मनोदय संस्थेचे पदाधिकारी तसेच त्या भागातील नागरिक, युवक उपस्थित होते.

तरुण पिढी व्यसनाच्या विळख्यात न अडकता स्वतःचे शारीरिक आणि मानसिक विकासाबरोबरच कौशल्य विकसित करावे असे मनोदय व्यसनमुक्ती संस्थेच्या वतीने डॉ. विष्णू श्रीमंगले यांनी भूमिका मांडली.

पुणे महापालिकेच्या समाज विकास विभागाचे उपायुक्त नितीन उदास यांनी तरुण पिढी व्यसनी होऊ नये यासाठी मार्गदर्शन केले. तरुणांना संगणक ज्ञान देवून सक्षम देखील केले जाते जे अनेक पिढीला प्रेरणादायी ठरेल, असे प्रतिपादन केले.
——————————–
: शासकीय योजना राबविण्यासाठी डॉ. धेंडे यांचा पुढाकार

माजी उपमहापौर डाॅ. धेंडे यांच्या माध्यमातून प्रभागात विविध सामाजिक उपक्रम राबविले जात आहेत. याचाच एक भाग म्हणून यश फाउंडेशन व महापालिका समाज विकास विभागाच्या माध्यमातुन मोफत संगणकीय प्रशिक्षनाला सुरुवात करण्यात आली आहे. या पूर्वी कोरोनानंतर २५० निराधार कुटुंब यांना रे (RAY) संस्थेच्या वतीने दरमहा १० किलो मोफत धान्य वाटप करण्यात येणार आहे. तरुण मुलांना जिम, कराटेची सुविधा देण्यात आली. मनपा व शासनाच्या सर्व योजना (आधार कार्ड, आयुष्यमान भारत कार्ड, रेशन कार्ड, पॅन कार्ड, शहरी गरिब कार्ड व ईतर ) सर्व आवश्यक कागदपत्र याची सुविधा देण्याचे काम देखील नागपूर चाळ येथील कालवश नटराज गंगावणे समाज मंदीर येथे चालु आहे.
———————————-

यश फाउंडेशनच्या माध्यमातून युवक आणि नागरिक यांच्यासाठी जे विविध प्रकारचे उपक्रम राबविले जातात. युवकांच्या विकासाच्या मनोदय व्यसनमुक्ती संस्थेच्या वतीने समुपदेशन, जाणीव जागृती बरोबरच प्रतिबंधात्मक उपाययोजना म्हणून काम केले जात आहे. त्यात भर घालून एचपी साऊंड सोलुशन यांच्या मार्फत संगणक डेस्कटॉप उपलब्ध करून दिला आहे. यापुढील काळात तरुण पिढीला मोफत बेसिक आणि प्रगत संगणक ज्ञान उपलब्ध करून कौशल्य विकसित करून देण्यासाठी हा उपक्रम सुरू केला जात आहे.

– डॉ. सिद्धार्थ धेंडे, माजी उपमहापौर, पुणे महापालिका

MHADA | Stamp Duty Amenity Scheme | म्हाडाच्या इमारत पुनर्विकासातील अडथळे हटणार | माजी उपमहापौर डॉ. सिद्धार्थ धेंडे यांचा पुढाकार

Categories
Breaking News social पुणे महाराष्ट्र

MHADA | Stamp Duty Amenity Scheme | म्हाडाच्या इमारत पुनर्विकासातील अडथळे हटणार | माजी उपमहापौर डॉ. सिद्धार्थ धेंडे यांचा पुढाकार

– प्रभाग दोन मध्ये राबविलेल्या ‘महाराष्ट्र मुद्रांक शुल्क अभय योजनेला नागरिकांचा प्रतिसाद

 

MHADA | Stamp Duty Amenity Scheme | महाराष्ट्र शासनाने सुरु केलेल्या ‘महाराष्ट्र मुद्रांक शुल्क अभय योजना २०२३’चे (Stamp Duty Amenity Scheme) पुणे महापालिकेच्या प्रभाग दोन (PMC Ward no 2) मध्ये यशस्वी आयोजन करण्यात आले. माजी उपमहापौर डॉ. सिद्धार्थ धेंडे (Dr Siddharth Dhende) यांच्या पुढाकाराने याचे आयोजन करण्यात आले होते. या उपक्रमाच्या पहिल्याच दिवशी ४०० थकीत मुद्रांक शुल्क म्हाडा ची प्रकरणे मार्गी लावली. त्यामुळे अभिहस्तांतरणाचा मार्ग मोकळा होऊन प्रभाग दोन मधील म्हाडाच्या इमारत पुर्नविकासातील अडथळे हटणार आहेत. (MHADA | Stamp Duty Amenity Scheme)

महाराष्ट्र शासनाने ‘महाराष्ट्र मुद्रांक शुल्क अभय योजना २०२३’ राबविण्याचा निर्णय घेतलेला आहे. या अभियानाचे पुणे महापालिकेच्या प्रभाग दोन मधील हिंदू संस्कृती संवर्धन मंच येथे डॉ. धेंडे यांच्या पुढाकाराने आयोजन केले होते.

या वेळी म्हाडाचे प्रवीण वाघमारे, गोडे साहेब, ॲड. सराफ, ॲड. प्रदीप पाटील, मुद्रांक शुल्क विभागाचे प्रशासकीय अधिकारी मंगेश खामकर, संतोष हिंगणे आदींसह ३२ जणांची समिती या उपक्रमासाठी सहभागी झाले होते. या बरोबरच प्रभागातील महाराष्ट्र हाऊसिंग बोर्ड पुनर्विकास कृती समिती चे अजय बल्लाळ , संयुक्त संघ चे डि के जाधव , नामदेव वेताळ, समतानगर गाळेधारक महासंघाचे सचिव शिवाजीराव ठोंबरे , हिंदु संस्कृती चे दिलिप महस्के , प्रेरणा जेष्ठ नागरिक संघ चे सांडभोर , दिघे , मेजर रणपिसे , त्रिरत्न संघ चे रत्नदिप हिरवे , पथारी संघटने चे विजय कांबळे , गजानन जागडे व ईतर पदाधिकारी उपस्थित होते.

पुणे महापालिकेच्या प्रभाग दोन मधील म्हाडाच्या इमारत पुनर्विकासासाठी सातत्याने प्रयत्न सुरु आहेत. त्याला आणखीन गती मिळण्यासाठी शासनाची महाराष्ट्र मुद्रांक शुल्क अभय योजना २०२३’ प्रभागात राबविण्यात आली. इमारतीचे अभिहस्तांतरण करणे हे म्हाडाच्या इमारत पुनर्विकासातील महत्वाचा घटक आहे. त्यासाठी प्रत्येक गाळेधारकांनी थकीत मुद्रांक शुल्क भरणे गरजेचे आहे. त्याचाच एक भाग म्हणून महाराष्ट्र शासनाने ‘महाराष्ट्र मुद्रांक शुल्क अभय योजना २०२३’ राबविण्याचा निर्णय घेतलेला आहे. १ जानेवारी १९८० ते ३१ डिसेंबर २०२० या कालावधीतील निष्पादित केलेले आणि नोंदणीस दाखल केलेले किंवा न केलेल्या दस्तावरील मुद्रांक शुल्क आणि त्यावरील दंडामध्ये या अभय योजनेत सवलत देण्यात आलेली आहे. ही योजना १ डिसेंबर २०२३ ते ३१ जानेवारी २०२४ आणि १ फेब्रुवारी २०२४ ते ३१ मार्च २०२४ या दोन टप्प्यात राबविण्यात येणार आहे. सदर योजनेसाठी संबंधित मुद्रांक जिल्हाधिकारी किंवा दुय्यम निबंधक यांच्या कार्यालयात अर्ज करता येतील. अर्जाचा नमुना या विभागाच्या संकेतस्थळावर (igrmaharashtra.gov.in) तसेच सर्व मुद्रांक जिल्हाधिकारी व दुय्यम निबंधक कार्यालयात उपलब्ध आहे. सदर योजनेची सविस्तर माहिती विभागच्या संकेतस्थळावर उपलब्ध असल्याची माहिती या वेळी माजी उपमहापौर डॉ. धेंडे यांनी दिली.

——–

शासन आपल्या दारी हा सक्षम उपक्रम राज्य सरकार राबवित आहे. याचा प्रभागातील नागरिकांनी लाभ घेतला पाहिजे, असे आवाहन मी या कार्यक्रमावेळी केले. मुद्रांक शुल्क थकीत असेल तर अभिहस्तांतरण करण्यात अडथळे येतात. त्यामुळे इमारतीचा पुनर्विकास होणार नाही. त्यामुळे आणखीन नागरिकांनी या मध्ये सहभाग नोंदविणे आवश्यक आहे. नागरिकांमध्ये जनजागृती करण्यासाठी या उपक्रमाचे आयोजन केले होते. त्याला चांगला प्रतिसाद मिळाला.

– डॉ. सिद्धार्थ धेंडे, माजी उपमहापौर, पुणे महापालिका

Dr Siddharth Dhende | प्रभाग क्रमांक दोन मधील लुंबिनी बाल स्नेही उद्यानाची निर्मिती | माजी उपहापौर डॉ. सिद्धार्थ धेंडे यांचा यशस्वी पुढाकार

Categories
Breaking News cultural Education PMC Political social पुणे

Dr Siddharth Dhende | प्रभाग क्रमांक दोन मधील लुंबिनी बाल स्नेही उद्यानाची निर्मिती

| माजी उपहापौर डॉ. सिद्धार्थ धेंडे यांचा यशस्वी पुढाकार

|मुलांच्या जडनघडणीतून सक्षम राष्ट्र घडेल : डॉ. सिद्धार्थ धेंडे

 

Dr Siddharth Dhende | विविध खेळ, चित्र आदींच्या माध्यमातून मुलांच्या शारीरिक आणि बौद्धिक वाढीला चालना मिळते. त्यासाठी सदैव प्रयत्नशील राहणे आवश्यक आहे. वेगवेगळे उपक्रम देखील राबविणे गरजेचे आहे. मुले घडली तेच सक्षम राष्ट्र घडेल, असे प्रतिपादन पुणे महापालिकेचे (Pune Municipal Corporation) माजी उपमहापौर डॉ. सिद्धार्थ धेंडे (Former Deputy Mayor Dr Siddharth Dhende) यांनी केले.

अर्बन 95 पुणे (Urban 95 Pune) व पुणे महानगरपालिका (PMC Pune) यांच्या संयुक्त विद्यमाने पुणे महापालिकेच्या प्रभाग दोन (PMC Pune Ward no 2) मध्ये लुंबिनी बाल स्नेही उद्यान ” तसेच छत्रपती शिवराय दवाखाना येथील ” बाल संस्कार आरोग्य केंद्राचे उद्घाटन पार पडले. शून्य ते 10 वर्ष वयोगटातील मुलांचा बौद्धिक, शारीरिक विकास व्हावा, या उद्देशाने या उद्यानाची डॉ. सिद्धार्थ धेंडे यांच्या पाठपुराव्यामुळे निर्मिती करण्यात आली. या वेळी आयोजित कार्यक्रमात डॉ. धेंडे बोलत होते.

पुणे महापालिका विभागीय आयुक्त कु. किशोरी शिंदे, मुख्य उद्यान अधीक्षक श्री. अशोक घोरपडे, उपअभियंता श्री अमोल रुद्रके, या वेळी अर्बन 95 च्या कार्यक्रम अधिकारी कु. रुश्दा मजीद, भारत प्रतिनिधी कु. इपशिता सिन्हा, कार्यक्रम अधिकारी श्री. निमिष आगे, प्रशासक श्री. सोहेल सय्यद, इजीस इंडियाचे महाव्यवस्थापक श्री अरविंद पसुला, अर्बन ९५ पुणेचे टीम लीडर श्री मन्सूर अली आदींसह परिसरातील नागरिक, मुले या वेळी उपस्थित होते.

 हा आहे उपक्रम

बाल स्नेही उद्यानात मुलांच्या बौद्धिक आणि शारीरिक विकासाला चालना मिळेल असे खेळ ठेवण्यात आले आहेत. या मध्ये सौरमंडल, प्राण्यांची माहिती, बाराखडी, चित्रकलेच्या माध्यमातून खेळाची ओळख निर्माण करणे आदींचा या मध्ये समावेश असणार आहे.

———-

बाल स्नेही उद्यानाच्या निर्मितीसाठी सातत्याने पाठपुरावा करत होतो. आज माझ्या प्रभागातील लुंबिनी उद्यानात ते साकारत आहे. याचा प्रभागातील शून्य ते १० वर्ष वयोगटातील मुलांना फायदा होणार आहे.

– डॉ. सिद्धार्थ धेंडे, माजी उपमहापौर, पुणे महापालिका.

PMC Ward No 2 | अतिरिक्त आयुक्त विकास ढाकणे ‘अँक्शन मोडवर’ | प्रभाग दोन मध्ये पाहणी दौरा ; विकासकामांचा घेतला आढावा

Categories
Breaking News PMC Political social पुणे

PMC Ward no 2 | अतिरिक्त आयुक्त विकास ढाकणे ‘अँक्शन मोडवर’ | प्रभाग दोन मध्ये पाहणी दौरा ; विकासकामांचा घेतला आढावा

| माजी उपमहापौर डॉ. सिद्धार्थ धेंडे यांचा पुढाकार

 

Vikas Dhakane | Dr Siddharth Dhende | चुकीच्या पद्धतीने होणारे फुटपाथवरील अतिक्रमण हटविणे, दुरुस्ती करणे, अनधिकृत फ्लेक्स काढणे, एअरपोर्ट रस्त्यावर सिग्नल व्यवस्था सुरळीत करणे आदीवर त्वरीत कार्यवाही करून विकासकामांना निधी देण्यासाठी महापालिका स्तरावर कार्यवाही करू, असे आश्वासन पुणे महापालिकेचे अतिरिक्त आयुक्त विकास ढाकणे यांनी दिले. (Pune Municipal Corporation)

पुणे महापालिकेच्या प्रभाग दोन मधील नागपूर चाळ, महाराष्ट्र हाउसिंग बोर्ड मध्ये विविध विकासकामांचा, समस्यांचा अतिरिक्त आयुक्त विकास ढाकणे यांनी आढावा घेतला. माजी उपमहापौर डॉ. सिद्धार्थ धेंडे यांच्या पुढाकाराने या पाहणी दौऱ्याचे आयोजन करण्यात आले होते. या वेळी ढाकणे यांनी हे आश्वासन दिले. या वेळी ढाकणे यांनी रखडलेली विकासकामे मार्गी लावण्याच्या सूचना अधिकाऱ्यांना दिल्या.

या पाहणी दौऱ्यात महापालिका उपायुक्त किशोरी शिंदे, येरवडा कळस धानोरी क्षेत्रीय कार्यालयाचे अधिकारी विजय नायकल, आरोग्य निरीक्षक कुटळ आदीसह अधिकारी प्रभागातील नागरिक मोठ्या संख्येने उपस्थित होते.

डॉ. धेंडे यांनी नागपूर चाळ, महाराष्ट्र हाउसिंग बोर्ड मधील नागरिकांना भेडसावणाऱ्या समस्यांचे गाऱ्हाणे मांडले. रखडलेले प्रकल्प मार्गी लावण्याची विनंती केली. या मध्ये प्रभागात पाण्याच्या पाइपलाइन आणि ड्रेनेज लाईन जवळून जात असल्याने नागरिकांना दूषित पाणी पुरवठा होत असल्याचे निदर्शनास आणले. त्याबाबत योग्य खबरदारी घेण्याचे सुचविले. नागपूर चाळ येथील मंडईचे काम चुकीच्या पद्धतीने झाल्याने त्याचा वापर व्यापाऱ्यांना होताना दिसत नसल्याचे निदर्शनास आणले. परिणामी या गाळ्यांचा गैरवापर होत आहे असे सांगितले. तसेच याच्या शेजारी असलेल्या धोकादायक ट्रानसफॉर्मर स्थलांतरित करण्याची मागणी केली.

हाउसिंग बोर्ड मधील घरांचा पुनर्विकास होणार आहे. सद्या या भागात पिण्याच्या पाण्याचे मीटर मीटर बसविण्याचे काम थांबवा अशी विनंती केली. अर्बन 95 अंतर्गत सुरू असलेल्या कामाची माहिती दिली. प्रभागातील फुटपाथाची दुरवस्था दाखवली. बायोगॅस कचरा संकलित केल्यानंतर बायोगॅस प्रकल्पामध्ये विल्हेवाट लावली जाते. त्या प्रकल्पाचे कामकाज दाखवले. एअरपोर्ट रस्त्यावरील वाहतुकीच्या नियोजनासाठी बदामी चौकात सिग्नल यंत्रणा कार्यान्वित करण्याची मागणी केली. हा सिग्नल येरवडा चौका सिग्नलशी सुसंगत केल्यास संभाव्य वाहतूक कोंडीचा प्रश्न सुटेल असे सुचविले. तसेच गोल्फ क्लब उड्डाणपुलावरून खाली आल्यानंतर डाव्या बाजूला वाहने वळविण्यासाठी दुभाजक बसविण्याची मागणी केली. त्यामुळे जीएसटी कार्यालय, आयकर भवन, आयटी पार्कसाठी जाणाऱ्यांची गैरसोय दूर होईल. या बरोबरच कॉमरझोन ते अग्रेसन हायस्कूलच्या रस्त्याचे काम दाखविण्यात आले. काॅमरझोन ते मेंटल चौक पावसाळी लाईन टाकणे , सम्राट अशोक चौक ते मेंटल चौक रस्ता करणे, चंद्रमानगर येथील बीएसयु पीची घरे लवकर करणे. या कामासह प्रभागात सीसीटीव्ही देखभाल दुरुस्ती करणे विविध ठिकाणी पाहणी केली. रखडलेल्या कामासाठी महापालिकेने निधी द्यावा, अशी मागणी डॉ. धेंडे यांनी केली.

या वेळी अतिरिक्त आयुक्त ढाकणे यांनी सर्व परिस्थिती पाहून समस्या दूर करण्याचे आश्वासन दिले. तसेच प्रभागातील विकासकामांसाठी योग्य निधीबाबत तरतूद करण्याची ग्वाही दिली.

————

पुणे महापालिकेत प्रशासक कार्यरत आहेत. नगरसेवकांचा कार्यकाळ संपल्याने निधी उपलब्ध होत नाही. त्यामुळे विविध समस्यांचा प्रभागातील नागरिकांना सामना करावा लागत आहे. या वर उपाय काढण्यासाठी या पाहणी दौऱ्याचे आयोजन केले होते. या मध्ये प्रभागातील समस्या दाखविल्या. निधी देण्याची मागणी केली. अतिरिक्त आयुक्तांनी देखील या बाबत सकारात्मक भूमिका घेत कार्यवाही करू असे सांगितले.

– डॉ. सिद्धार्थ धेंडे, माजी उपमहापौर, पुणे महापालिका.