Tag: Mandai

Rents of Mandi | मंडईतील गाळ्यांच्या भाडेवाढी विरोधात सर्व राजकीय पक्ष एकवटले | भाडेवाढ कायद्याच्या कसोटीवर अमान्य असल्याचा दावा 

Categories
Breaking News PMC Political पुणे

मंडईतील गाळ्यांच्या भाडेवाढी विरोधात सर्व राजकीय पक्ष एकवटले

| भाडेवाढ कायद्याच्या कसोटीवर अमान्य असल्याचा दावा

 पुणे महापालिकेच्या महात्मा फुले मंडईसह शहरातील ३२ मंडईतील गाळ्यांची भाडेवाढ केली जाणार आहे. याबाबतच्या प्रस्तावाला नुकतीच स्थायी समितीने मान्यता दिली आहे. त्यानुसार प्रति महिना ३२ रुपये भाडे होते, आता प्रति महिना ८४५ रुपये भाडे गाळेधारकांना द्यावे लागणार आहे. मात्र महापालिकेच्या या निर्णया विरोधात शहरातील सर्व राजकीय पक्ष एकवटले आहेत. भाडेवाढ कायद्याच्या कसोटीवर अमान्य असल्याचा दावा करत मुख्य सभेत हा विषय मान्य करण्याआधी चर्चेसाठी वेळ देण्याची मागणी सर्व पक्षांनी महापालिका आयुक्त विक्रम कुमार यांच्याकडे केली आहे.

महात्मा फुले मंडईमध्ये १ हजार ६०० गाळे आहेत. तर इतर ३१ मंडईमध्ये १ हजार ४०० गाळे आहेत. महापालिकेने २००४ मध्ये शेवटची भाडेवाढ करून तेथे प्रतिमहा ३२ रुपये भाडे निश्‍चीत केले. त्यानंतर भाडेवाढ केली नसल्याने महापालिकेचा देखभाल दुरुस्तीचा खर्चही निघत नव्हता. त्यामुळे मालमत्ता व्यवस्थापन विभागाने सर्व मंडईचे मूल्यांकन करून घेऊन त्यांचे भाडे निश्चित केले आहे. त्यानुसार हा प्रस्ताव तयार करून स्थायी समितीपुढे मान्यतेसाठी ठेवला होता. त्यास सोमवारी मान्यता देण्यात आली.मंडईच्या गाळाच्या मासिक भाड्याच्या वाढीसाठी नवीन मूल्यांकनानुसार टप्पे ठरवले असून, २०२१ ते २०२५ पर्यंत पाचपट, सहापट, सातपट आणि आठपट असे भाडे आकारले जाणार आहे, तर २०२५-२६ पासून दरवर्षी १२ टक्के भाडेवाढ केली जाणार आहे. तसेच २०२१-२२ पासून ३० वर्षांसाठी गाळा देण्याचा करार करण्याची परवानगी देण्यात आली आहे. मात्र महापालिकेच्या या निर्णया विरोधात शहरातील सर्व राजकीय पक्ष एकवटले आहेत. विषयपत्र चुकीच्या पद्धतीने ठेवले आहे. असा आरोप सर्व पक्षांनी केला आहे. भाडेवाढ कायद्याच्या कसोटीवर अमान्य असल्याचा दावा करत मुख्य सभेत हा विषय मान्य करण्याआधी चर्चेसाठी वेळ देण्याची मागणी सर्व पक्षांनी महापालिका आयुक्त विक्रम कुमार यांच्याकडे केली आहे.

यावेळी माजी आमदार उल्हास पवार, माजी नगरसेवक पृथ्वीराज सुतार, उज्वल केसकर, प्रशांत बढे, दीपक मानकर, बाबा मिसाळ, प्रसन्न जगताप, आदि मान्यवर उपस्थित होते.

Standing committee | PMC | महापालिकेच्या मंडईतील गाळ्यांची भाडेवाढ | कोरोना काळातील भाडे माफ होणार

Categories
Breaking News PMC social पुणे

महापालिकेच्या मंडईतील गाळ्यांची भाडेवाढ

| कोरोना काळातील भाडे माफ होणार

पुणे – स्थायी समितीने सोमवारी महत्वपूर्ण निर्णय घेतला आहे. पुणे महापालिकेच्या महात्मा फुले मंडईसह शहरातील ३२ मंडईतील गाळ्यांची भाडेवाढ केली जाणार आहे. पूर्वी प्रति महिना ३२ रुपये भाडे होते, आता प्रति महिना ८४५ रुपये भाडे गाळेधारकांना द्यावे लागणार आहे. तसेच मंडईत ग्राहकांची गर्दी वाढावी यासाठी भाजी विक्रीसह इतर वस्तू विक्री करण्यासही परवानगी दिली आहे. तर कोरोना काळातील भाडे माफ करण्यात आले आहे.

महात्मा फुले मंडईमध्ये १ हजार ६०० गाळे आहेत. तर इतर ३१ मंडईमध्ये १ हजार ४०० गाळे आहेत. महापालिकेने २००४ मध्ये शेवटची भाडेवाढ करून तेथे प्रतिमहा ३२ रुपये भाडे निश्‍चीत केले. त्यानंतर भाडेवाढ केली नसल्याने महापालिकेचा देखभाल दुरुस्तीचा खर्चही निघत नव्हता. त्यामुळे मालमत्ता व्यवस्थापन विभागाने सर्व मंडईचे मूल्यांकन करून घेऊन त्यांचे भाडे निश्चित केले आहे. त्यानुसार हा प्रस्ताव तयार करून स्थायी समितीपुढे मान्यतेसाठी ठेवला होता. त्यास सोमवारी मान्यता देण्यात आली.मंडईच्या गाळाच्या मासिक भाड्याच्या वाढीसाठी नवीन मूल्यांकनानुसार टप्पे ठरवले असून, २०२१ ते २०२५ पर्यंत पाचपट, सहापट, सातपट आणि आठपट असे भाडे आकारले जाणार आहे, तर २०२५-२६ पासून दरवर्षी १२ टक्के भाडेवाढ केली जाणार आहे. तसेच २०२१-२२ पासून ३० वर्षांसाठी गाळा देण्याचा करार करण्याची परवानगी देण्यात आली आहे.

Street vendors will be charged : मंडई व्यतिरिक्त रस्त्यावर व्यवसाय करणाऱ्याकडून प्रतिदिन 50 रु शुल्क आकारले जाणार  : महापालिकेचे जाहीर प्रकटन 

Categories
Breaking News PMC social पुणे

मंडई व्यतिरिक्त रस्त्यावर व्यवसाय करणाऱ्याकडून प्रतिदिन 50 रु शुल्क आकारले जाणार

: महापालिकेचे जाहीर प्रकटन

पुणे : शहरातील अधिकृत मंडई व्यतिरिक्त भाजी मंडईच्या परिसरात सार्वजनिक रस्त्यावर बसून व्यवसाय करणा-या भाजी विक्रेते व शहरातील इतर ठिकाणच्या व्यावसायिकांकडून कचरा निर्मुलन आकार अथवा प्रशासकीय शुल्कापोटी प्रतिदिन ५०/- रू याप्रमाणे वसुली करण्यात येणार आहे. याबाबत महापालिकेने जाहीर प्रकटन दिले आहे.

: काय आहे जाहीर प्रकटन?

तमाम नागरिकांना या जाहीर प्रकटनाद्वारे कळविण्यात येते की, पुणे शहरातील अधिकृत मंडई व्यतिरिक्त भाजी मंडईच्या परिसरात सार्वजनिक रस्त्यावर बसून व्यवसाय करणा-या भाजी विक्रेते व शहरातील इतर ठिकाणच्या व्यावसायिकांकडून कचरा निर्मुलन आकार अथवा प्रशासकीय शुल्कापोटी प्रतिदिन र.रु.५०/- याप्रमाणे वसुली करणेस मा.स्थायी समिती ठ.क्र. १६६७,दि. १७/१२/२०१२ मान्यता देण्यात आलेली आहे. त्यानुसार पुणे शहरातील अधिकृत मंडई व्यतिरिक्त मंडईच्या परिसरात सार्वजनिक रस्त्यावर बसून व्यवसाय/विक्री करणा-या व्यावसायिकांकडून कचरा निर्मुलन आकार अथवा प्रशासकीय शुल्कापोटी प्रतिदिन र.रु.५०/- याप्रमाणे वसूल करण्यात येत आहे. याची नोंद घ्यावी.

Encroachment action started : अतिक्रमण कारवाई सुरु : पहिली कारवाई रास्ता पेठेतील भाजी मंडई वर 

Categories
Breaking News PMC पुणे

अतिक्रमण कारवाई सुरु : पहिली कारवाई रास्ता पेठेतील भाजी मंडई वर

पुणे : महापालिका आयुक्तांनी अतिक्रमण कारवाई करण्याचे आदेश महापालिका प्रशासनाला दिले आहेत. त्यानुसार अतिक्रमण विभागाने देखील कारवाईचे नियोजन केले आहे. कालच्या आदेशानुसार तात्काळ आज अतिक्रमण विभागाने कारवाईस सुरुवात केली आहे. सुरुवातीलाच रास्ता पेठेतील भाजी मंडई वर कारवाई करण्यात आली आहे. यात 20 हजार चौरस फुटाचे बांधकाम काढण्यात आले आहे. अशी माहिती उपायुक्त माधव जगताप यांनी दिली.

: 20 हजार चौरस फुटाचे बांधकाम काढण्यात आले

महात्मा फुले मंडई अंतर्गत रास्ता पेठ भाजी मंडई येथे असलेले बांधकाम काढण्याची कारवाई मंडई विभागामार्फत करण्यात आली. यामध्ये वीस हजार चौरस फुटाचे बांधकाम काढण्यात आलेले आहे. यासाठी  अब्बास अली मंदृपकर. अश्विनी भागवत,  त्र्यंबक भागवत इत्यादी अधिकारी उपस्थित होते. सदरची कारवाई बऱ्याच वर्षापासून प्रलंबित होती. या जागी मंडई विभागामार्फत बीओटी तत्त्वावर मंडईचे बांधकाम करण्यात येणार आहे. ही कारवाई  माधव जगताप, उपायुक्त, अतिक्रमण अनधिकृत बांधकाम निर्मूलन यांचे नियंत्रणाखाली करण्यात आली.
: प्रशासनाने कारवाईचे केले नियोजन
पुणे महानगरपालिकेच्या सर्व क्षेत्रिय कार्यालयांचे हद्दीमधील जास्त रहदारी व वाहनांची वर्दळ असणारे रस्ते व चौक, तसेच संवेदनशील भागातील तक्रारी येणारी ठिकाणे इ. भागात आढळून येणारी सर्व प्रकारची अनधिकृत कञ्ची,पक्की बांधकामे / फेरीवाले स्टॉल / हातगाडी, अनधिकृत बोर्ड / बॅनर, तसेच रस्त्यांलगतच्या खाजगी मिळकतीचे फ्रंट मार्जिन मधील अनधिकृत व्यवसायिकांची अतिक्रमणे/कञ्ची,पक्की बांधकामे यांचेवर संबंधित विभागांचेसह सलगपणे माहे १६ मार्च २०२२ पासून सयुंक्तपणे खालील तक्त्यात नमूद केलेनुसार दररोज पूर्व नियोजनाद्वारे प्रभावीपणे कारवाया करावयाच्या आहेत. अशा कारवाया परवाना आकाशचिन्ह विभाग, बांधकाम विकास विभाग, पथ विभाग, इ. विभागांनी सयुंक्त पद्धतीने करावयाच्या असून आवश्यकतेनुसार स्थानिक पोलीस विभागाची मदत घेवून कराव्यात. सर्व सयुंक्त कारवाया ह्या संबंधित क्षेत्रिय कार्यालयाचे परिमंडळ मा. उप आयुक्त यांचे नियंत्रणाखाली व संबंधित महापालिका सहाय्यक आयुक्त, कार्यकारी अभियंता (परिमंडळ) यांचे उपस्थितीमध्ये करावयाच्या आहेत. संयुक्त कारवाईचेवेळी संबंधित क्षेत्रिय कार्यालयांकडील बांधकाम विकास विभागाकडील कार्यकारी अभियंता, उप अभियंता, कनिष्ठ अभियंता, क्षेत्रिय अतिक्रमण निरीक्षक, अतिक्रमण निरीक्षक, आकाशचिन्ह परवाना निरीक्षक व आरोग्य निरीक्षक इत्यादीनी उपस्थित राहून त्यांचे विभागाशी संबंधित सर्व प्रकारची अतिक्रमणे काढून रस्ते, चौक अतिक्रमणमुक्त करावयाचे आहेत. वरीलप्रमाणे होणाऱ्या कारवायांचे चित्रीकरण करणे, जप्त माल योग्य पद्धतीने जवळच्या अतिक्रमण गोडाऊनमध्ये रितसर जमा करून अशा जप्त मालाच्या दैनंदिन नोंदी घोले रोड जे प्लॉट येथील अतिक्रमण गोडाऊनमधील नोंद रजिस्टरमध्ये रोजचे रोज करणे बंधनकारक राहील. अशा कारवायांचे सर्व तपशिलासह फोटो व्हॉटसअॅप वरील encroachment removal dept ग्रुपवर वेळचेवेळी अपलोड करावेत. वरीलप्रमाणे केलेल्या कारवायांचा लेखी साप्ताहिकअहवाल संबंधित मा. उप आयुक्त यांचे स्वाक्षरीने मा. महापालिका आयुक्त यांचे निदर्शनास आणणेकरिता या कार्यालयाकडे आठवड्याच्या प्रत्येक सोमवारी दुपारी १२ वाजेपर्यंत पाठविण्यात यावा.