Tag: MNVS

Maharashtra Navnirman Vidyarthi Sena | MNVS | बी.एम.सी.सी येथे मनविसे शाखेचे भव्य दिमाखदार उद्घाटन सोहळा संपन्न

Categories
Breaking News Political पुणे महाराष्ट्र

Maharashtra Navnirman Vidyarthi Sena | MNVS | बी.एम.सी.सी येथे मनविसे शाखेचे भव्य दिमाखदार उद्घाटन सोहळा संपन्न

 

Maharashtra Navnirman Vidyarthi Sena | MNVS | बी.एम.सी.सी (BMCC) येथे मनविसे शाखेचे (NNVS Branch) भव्य उद्घाटन दिमाखदार सोहळा संपन्न झाला. विद्यार्थ्यांच्या न्याय हक्कासाठी लढणारी अग्रगण्य संघटना म्हणून नावारूपाला येऊन हजारो विद्यार्थी मनविसे मध्ये सामील झाले.   राजसाहेब ठाकरे (Raj Thackeray) यांच्या मार्गदर्शनाखाली व अमित ठाकरे (Amit Thackeray) यांच्या समर्थ नेतृत्वाखाली मनविसे सर्वत्र युनिट उद्घाटन झाले. अशी माहिती प्रशांत कनोजिया (प्रमुख संघटक महा. राज्य) यांनी दिली.

या प्रसंगी मनसेचे शहर अध्यक्ष मा.साईनाथ बाबर यांच्या शुभहस्ते शाखा उद्घाटन झाले.या वेळी रणजित शिरोळे ( महा. सरचिटणीस ), प्रशांत कनोजिया (प्रमुख संघटक महा. राज्य), आशिष साबळे ( महा.सचिव )
नरेंद्र तांबोळी ( जनहित अध्यक्ष ),सुहास निम्हण(उपाध्यक्ष पुणे), विनायक कोतकर, सुनील कदम, योगेश खडके, सुनील लोयरे, अॕड.सचिन पवार ( उपाध्यक्ष महाराष्ट्र राज्य ), रुपेश घोलप, सारंग सराफ, अभिषेक थिटे ( राज्य कार्यकारिणी सदस्य ), अमोल शिंदे ( शहर अध्यक्ष मनविसे ) अमेय बलकवडे- महेश भोईबार (शहर संघटक) परिक्षित शिरोळे, धनंजय दळवी, सचिन ननावरे अभिजित येनपुरे, निलेश जोरी, शशांक अमराळे, आनंद बापट, मंदार ठोंबरे, प्रीतम घोगरे, पुष्कर पाडेकर, समीर नांद्रे, विनायक राऊत, यश निकम, संकेत अडसूळ, सिध्देश्वर शिंदे, यश कदम, श्रीपाद भाऊसार, सुयश डोंगरे उपस्थित होते.

कार्यक्रमाचे आयोजक केतन बाबासाहेब डोंगरे(विभाग अध्यक्ष छत्रपती शिवजी नगर), यांनी केले तर आभार प्रदर्शन संकेत जाधव यांनी केले.

Open Gym | ओपन जिममध्ये विजेचा शॉक लागून तरुणाच्या मृत्यू प्रकरणी सखोल चौकशी करा | मनविसे ची महापालिका आयुक्ताकडे मागणी

Categories
Breaking News PMC Political social पुणे

ओपन जिममध्ये विजेचा शॉक लागून तरुणाच्या मृत्यू प्रकरणी सखोल चौकशी करा

| मनविसे ची महापालिका आयुक्ताकडे मागणी

पुणे | २० मार्च ला संयुक्त भुसारी कॉलनी येथील खुले मैदानमधील ओपन जीम येथे व्यायाम करत असताना वीजेचा शाॅक लागून एका तरुणाचा मृत्यू झाला. याची सखोल चौकशी करून दोषी लोकांवर गुन्हे दाखल करण्याची मागणी मनविसे प्रमुख संघटक प्रशांत कनोजिया यांनी महापालिका आयुक्त यांच्याकडे केली आहे.
कनोजिया यांच्या निवेदनानुसार शॉक लागल्यानंतर प्रथम उपचारासाठी नजिकच्या सह्याद्री हॉस्पिटलमध्ये त्याला दाखल करण्यात आले. पण उपचार दरम्यान डॉक्टरांनी  मृत घोषित केले. अमोल शंकर नाकते वय २३ असे मृत तरुणांचे नाव असून परिसरातील हळहळ व्यक्त होत आहे. सदर मैदानात रोज सकाळी आणि संध्याकाळी शेकडो नागरिक लहान मुले या ठिकाणी  व्यायाम करतात. सदर भागात जमिनीखालून एम.एस.ई.बी.च्या केबल असल्याचे निदर्शनास आले आहे. घटना घडली,तेव्हा पोलीस, अग्निशमन दल यांना त्वरित कळवण्यातही आले होते. सदर ओपन जीम चा ठेकेदार व अभियंता पुणे मनपा संकल्पना व निधी उपलब्ध करुन देणारे माजी नगरसेवक यांनी नागरीक सुरक्षिततेची कोणतीही काळजी  न घेता  हलगर्जीपणा केला आहे.
एम ई एस बी केबल जमिनी खाली असताना त्यांची एन.ओ.सी घेणे गरजेचे होते. चालु केबल वरच  ओपन जीम साहित्य त्यावर लावुन  नागरिकांच्या जीवाशी खेळ केला गेला आहे. सुरक्षेची काळजी न घेता कानाडोळा करण्यात आला हे स्पष्टपणे दिसून येते. या गंभीर विषयावर स्वतः लक्ष घालून वरिष्ठ अधिकारी यांची समिती स्थापन करुन जबाबदार माजी नगरसेवक ,ठेकेदार, विभागातील अधिकारी, कर्मचारी यांची चौकशी करून दोषींवर सदोष मनुष्य वधाचा गुन्हा दाखल करुन कार्यवाही लवकरात लवकर व्हावी. अन्यथा आम्ही आंदोलन करू. असा इशारा कनोजिया यांनी दिला आहे.

Degree examination results | पदवी परीक्षांचा निकालांच्या छापील गुणपत्रिका विद्यार्थ्यांना देण्यात दिरंगाई | मनविसे चा आंदोलनाचा इशारा

Categories
Breaking News Education पुणे महाराष्ट्र

पदवी परीक्षांचा निकालांच्या छापील गुणपत्रिका विद्यार्थ्यांना देण्यात दिरंगाई

| मनविसे चा आंदोलनाचा इशारा

प्रथम ते तृतीय वर्षांच्या पदवी अभ्यासक्रमाचे निकाल काही दिवसांपूर्वीच जाहीर करण्यात आले. ऑनलाईन निकाल जाहीर केल्यानंतर तातडीने छापील गुणपत्रिका सुद्धा वितरित करण्यात येतात; परंतु पुणे विद्यापीठाकडून आजपर्यंत ह्या छापील स्वरूपातील गुणपत्रिका विद्यार्थ्यांना देण्यात आलेल्या नाहीत. याबाबत पुणे विद्यापीठाच्या परीक्षा विभागाने ४८ तासांत खुलासा करावा अन्यथा महाराष्ट्र नवनिर्माण विद्यार्थी सेना या मागणीसाठी तीव्र आंदोलन करेन. असा इशारा देण्यात आला आहे.

मनविसेच्या पत्रानुसार भविष्यातील प्रवेश, शिष्यवृत्ती, परदेशी शिक्षण प्रवेश, शैक्षणिक कर्ज अश्या अनेक कारणांसाठी गुणपत्रिकेच्या प्रती अत्यावश्यक असतात. असे असूनही आपल्या विभागाच्या ढिसाळ कारभारामुळे विद्यार्थ्यांना अनेक अडचणींचा सामना करावा लागत आहे . याहीपेक्षा गंभीर म्हणजे विद्यापीठाच्या परीक्षा विभागातर्फे या गुणपत्रिका अजुन छापलेल्या च नसलेबाबत माहिती मिळाली आहे. सदर बाब अत्यंत गंभीर आहे. याप्रकरणी आपण त्वरित लक्ष घालून छापील गुणपत्रिका वितरणाबाबत , सद्यस्थिती आणि निश्चित तारीखे बाबत ४८ तासांत खुलासा करावा अन्यथा महाराष्ट्र नवनिर्माण विद्यार्थी सेना या मागणीसाठी तीव्र आंदोलन करेन. असे ही पत्रात म्हटले आहे.

Bouncer In Schools : शाळांमधील बाऊंसर संस्कृती  वर बंदी घाला  : मनविसेची शिक्षण मंत्र्यांकडे मागणी 

Categories
Breaking News Education Political पुणे महाराष्ट्र

शाळांमधील बाऊंसर संस्कृती  वर बंदी घाला

: मनविसेची शिक्षण मंत्र्यांकडे मागणी

पुणे : पुणे हे विद्येचे माहेरघर आहे, पण याच पुण्यनगरीत अनेक शाळा शैक्षणिक आवारात बाऊंसर ठेवुन शाळे मधे दहशतीचे वातावरण निर्माण करत आहेत. शाळा परीसरातुन ही संस्कृती हद्दपार करणे अत्यंत गरजेचे आहे. अशी मागणी मनविसेचे जिल्हा अध्यक्ष प्रशांत कनोजिया यांनी  शिक्षण मंत्र्यांकडे केली आहे.  बाऊंसर बंदी आदेश लवकरात लवकर काढुन विद्यार्थी पालकांना न्याय मिळाला नाहीतर मनविसे विद्यार्थी व पालकांना सोबत घेऊन या विरोधात तीव्र आंदोलन छेडण्यात येईल. याची सर्वश्री जबाबदारी आपली राहील, असा इशारा देखील कनोजिया यांनी दिला आहे.

कनोजिया यांनी पत्रात म्हटले आहे कि शाळा ही विद्यार्थ्यांना शिक्षण देण्यासाठी असते. अश्या ठिकाणी बाऊंसर ची नेमणुका करुन दहशत पसरवणे गैर आहे. पुण्यात वारंवार पालक व विद्यार्थी यांना मारहाण करणे
शुल्क भरले नाही म्हणून शाळेच्या आवारात प्रवेश नाकारणे अश्या घटना घडत आहेत, हे दहशतमय वातावरण शाळेतुन हद्दपार करणे फार गरजेचे आहे. काल बिबवेवाडी येथील क्नाईल मेमोरियल स्कुल मधील बाऊंसर कढुन झालेली मुख्याध्यापकांना निवेदन देण्यासाठी आलेल्या पालकांना मारहाण व शिवीगाळ पुण्यातील संस्कृती ला काळीमा फासणारी आहे मनविसे झालेल्या दुर्दैवी घटनेचा निषेध करत आहे या शाळा प्रशासनावर कायदेशीर कारवाई झालीच पाहीजे. पुणे जिल्ह्यातील सर्व शाळे मधे बाऊंसर नेमणुकीसाठी बंदी घालण्यात यावी.  हि शाळा आहे. पब किंवा बार नव्हे. अश्या दहशतीचे  वातावरण शाळा परीसरातुन हद्दपार करणे अत्यंत गरजेचे आहे. सदर बाऊंसर बंदी आदेश लवकरात लवकर काढुन विद्यार्थी पालकांना न्याय मिळाला नाहीतर मनविसे विद्यार्थी व पालकांना सोबत घेऊन या विरोधात तीव्र आंदोलन छेडण्यात येईल याची सर्वश्री जबाबदारी आपली राहील. असे कनोजिया यांनी म्हटले आहे.