Tag: PMC CHS Scheme

PMC CHS Health Scheme | अंशदायी वैद्यकीय सहाय्य योजनेच्या औषध बिलांबाबत आरोग्य विभागाकडून नवीन नियमावली

Categories
Breaking News PMC आरोग्य पुणे

PMC CHS Health Scheme | अंशदायी वैद्यकीय सहाय्य योजनेच्या औषध बिलांबाबत आरोग्य विभागाकडून नवीन नियमावली

बिलांच्या कामात येणार सोयिस्करपणा

PMC CHS Health Scheme – (The Karbhari Online) : पुणे महानगरपालिका सेवक, सेवानिवृत्त सेवक,  आजी-माजी नगरसेवक यांचेसाठी अशंदायी वैद्यकीय सहाय्य योजना (PMC CHS) राबविणेत येते. मात्र योजनेत समाविष्ट सदस्यांची संख्या मोठ्या प्रमाणावर आहे. त्यामुळे काही कर्मचाऱ्यांची गैरसोय होते. ही गैरसोय टाळण्यासाठी आरोग्य विभागाकडून नवीन नियमावली सर्व खात्यासाठी लागू करण्यात आली आहे. त्यानुसार अमल करण्याचे आदेश आरोग्य अधिकारी डॉ भगवान पवार (Dr Bhagwan Pawar PMC) आणि सहायक आरोग्य अधिकारी डॉ मनीषा नाईक (Dr Manisha Naik PMC) यांनी दिले आहेत. (PMC Health Department)

आरोग्य विभागाचे अंशदायी वैद्यकीय सहाय्य योजना विभागाकडे अंशदायी वैद्यकीय सहाय्य योजनेअंतर्गत सेवकांची वैयक्तीक उपचार खर्चाची बीले संबंधीत सेवक/सेवानिवृत्त सेवक यांचेकडून सादर करणे, नवीन सभासद नोंदणी कार्ड काढणे, कार्डमध्ये कुटुंब सदस्यांची नांवे समाविष्ठ करणे, यापुर्वी दाखल केलेल्या वैद्यकीय प्रतिपुर्ती बीलांमधील अपुर्ण कागदपत्रांची पुर्तता करुन घेणे इत्यादीबाबत दैनंदिन कामकाज सुरु असते. योजना सभासदांची संख्या मोठी त्यामध्ये असून नुकत्याच समाविष्ट झालेल्या २३ ग्रामपंचायतींकडून मनपा आस्थापनेवर समाविष्ट  झालेल्या सेवकांची संख्याही मोठ्या प्रमाणावर वाढलेली आहे.

ही  कामे करुन घेणेसाठी तसेच योजनेच्या सभासदांनी विभागाकडे यापुर्वी दाखल केलेल्या बीलाच्या प्रतिपुर्तीबाबत चौकशी करणे यासाठी संबंधीत सेवक/सेवानिवृत्त सेवक, त्यांचे नातेवाईक यांची दररोज मोठया प्रमाणात अंशदायी वैद्यकीय सहाय्य योजना विभागाकडे ये-जा सुरु असते. सद्यस्थितीत अंशदायी वैद्यकीय सहाय्य योजना विभागाचे कामकाज अत्यंत तोकड्या कर्मचारी वर्गावर सुरु असून यामुळे दैनंदिन कामकाज करतांना सदर विभागात ताण-तणाव व प्रसंगी वादाचे प्रसंग उद्भवत असतात. त्यामुळे दैनंदिन कामकाज विस्कळीत होऊन मनपा सेवकांची कामे होणेस वेळ लागण्याची शक्यता नाकारता येत नाही. योजना सभासदांची सततची वर्दळ थांबविणे, कमी करणे शक्य झाल्यास उर्वरीत दिवसाचे कामात वैद्यकीय प्रतिपुर्ती बीलांची तपासणी करणे, बीलांचे अंतीम मान्यतेसंबंधीत पुढील कामकाज करणे विभागातील कर्मचा-यांस सोयिस्कर होईल व त्यामुळे सभासदांच्या बील पुर्तता व अन्य कामे लवकर होणेस मदत होणार आहे. वरील बाबींमुळे दैनंदिन कामकाजात अंशत बदल करणे आवश्यक झाला आहे.

: अशी असेल नवीन नियमावली

1. पुणे महानगरपालिकेकडील सेवक व सेवानिवृत्त सेवक यांनी त्यांची वैयक्तीक वैद्यकीय प्रतिपुर्तीची बीले प्रत्येक महिन्याच्या १ ते १५ तारखेपर्यंत अंशदायी वैद्यकीय सहाय्य योजना विभागाकडे सादर करावीत.

2. नवीन सभासद कार्ड काढणे, कार्डमध्ये नवीन नाव समाविष्ठ करणे व तदनुषंगीक कामे करुन घेणेसाठी सकाळी १० ते २ वाजेपर्यंत सभासदांनी अंशदायी वैद्यकीय सहाय्य योजना कार्यालयाशी संपर्क साधावा.

PMC CHS Card | CHS योजनेतील नवीन बदल जाणून घ्या! | काय आहे नवीन परिपत्रकात?

Categories
Breaking News PMC social आरोग्य पुणे

PMC CHS Card | CHS योजनेतील नवीन बदल जाणून घ्या! | काय आहे नवीन परिपत्रकात?

PMC CHS Card | पुणे महानगरपालिकेच्या आरोग्य विभागामार्फत (PMC Health Department) अंशदायी वैद्यकीय साहाय्य योजना (CHS) कार्यान्वित आहे. या  अंशदायी वैद्यकीय सहाय्य योजनेअंतर्गत पुणे महानगरपालिका सेवक/सेविका, सेवा निवृत्त सेवक/सेविका शिक्षण मंडळ व पीएमपीएमएल विभागाकडील सेवक/सेविका, सेवा निवृत्त सेवक/सेविका, मा. आजी सभासद, व मा. माजी सभासद यांचे वैयक्तिक स्वखार्चाची वैद्यकीय परतावा बिले सादर केल्यानंतर वैद्यकीय बिलांची प्रतिपूर्ती करण्यात येत आहे. दरम्यान आता एका CHS कार्डवर (CHS Card) आई-वडील किंवा सासू-सासरे यांनाच लाभ घेता येणार आहे. एकाचवेळी चौघांना लाभ न देण्याचा निर्णय CHS कमिटीच्या बैठकीत घेण्यात आला आहे. दरम्यान याबाबत प्रशासनाकडून दोन परिपत्रके काढण्यात आली आहेत. नवीन परिपत्रकात महिला कर्मचारी तसेच महिला आजी माजी सभासद, महिला सेविका यांच्याबाबत नियम करण्यात आला आहे.  (PMC Pune Health Department)

पूर्वीच्या परिपत्रकात काय होते?

 पुणे मनपा सेवक, सेवा निवृत्त सेवक/सेविका, शिक्षण मंडळ व पीएमपीएमएल  सेवक/सेविका विभागाकडील सेवक/सेविका, सेवा निवृत्त सेवक/सेविका, मा. आजी सभासद, व मा. माजी सभासद यांना
त्यांच्या फक्त आई-वडिलांची नांवे अथवा फुक्त सासू-सासरे यांची नावे नियमानुसार समाविष्ठ करता येतील.
ज्या वर्षी आई-वडील किंवा सासू सासरे यांचे नांव समाविष्ठ असेल त्या आर्थिक वर्षासाठी आई-वडील किंवा सासू सासरे यांचीच नांवे समाविष्ठ राहतील. आई-वडील अथवा सासू सासरे यापैकी जी नांवे कार्डवर समाविष्ठ करावयाची असतील, ती नांवे तसे स्वयंघोषणापत्र भरुन दिल्यानंतर त्या पुढील आर्थिक वर्षातच समाविष्ठ करता येतील. परंतू एकदा निश्चीत केलेली नावे अंशदायी वैद्यकीय सहाय्य योजना कार्डमध्ये नियमानुसार समाविष्ठ केल्यास त्यामध्ये चालू आर्थिक वर्षात बदल करता येणार नाही. (Pune Municipal Corporation)

नवीन परिपत्रकात काय आहे?

पुणे महानगरपालिकेच्या सेविका, सेवा निवृत्त सेविका शिक्षण मंडळ व पीएमपीएमएल विभागाकडील सेविका, सेवा निवृत्त सेविका, मा. आजी नगरसेविका व मा. माजी नगरसेविका यांना मुलभूतरीत्या फक्त त्यांच्या आई-वडिलांची नांवे नियमानुसार अंशदायी वैद्यकीय सहाय्य योजनेच्या कार्डमध्ये समाविष्ठ करता येतील. तसेच सासू-सासरे यांची नावे जर समाविष्ट करावयची असतील तर त्याआर्थिक वर्षात आई-वडिलांची नावे योजनेच्या कार्डमध्ये टाकणार नाही या आशयाचे स्वयंघोषणापत्र सादर करणे आवश्यक आहे. एका आर्थिक वर्षात आई-वडील किंवा सासू-सासरे अश्या एकाच जोडीचे नाव योजना कार्डमध्ये टाकता येईल. (PMC Pune News)
—-

PMC CHS Scheme | 2005 नंतर नेमणूक झालेल्या कर्मचाऱ्यांना  सेवानिवृत्तीनंतर अंशदायी वैदयकीय योजनेचा (CHS) लाभ द्या | पीएमसी एप्लॉईज युनियन ची आयुक्तांकडे मागणी

Categories
Breaking News PMC आरोग्य पुणे

PMC CHS Scheme | 2005 नंतर नेमणूक झालेल्या कर्मचाऱ्यांना  सेवानिवृत्तीनंतर अंशदायी वैदयकीय योजनेचा (CHS) लाभ द्या | पीएमसी एप्लॉईज युनियन ची आयुक्तांकडे मागणी

PMC CHS Scheme | पुणे महानगरपालिकेमध्ये (Pune Municipal Corporation) २००५ नंतर नेमणूक झालेल्या कार्यरत तसेच सेवकांना सेवानिवृत्तीनंतर CHS अंशदायी वैदयकीय सहाय्य योजनेचा लाभ दिला जात नाही. CHS अंशदायी वैदयकीय सहाय्य योजनेचा लाभ देणेबाबत अंशदायी वैदयकीय सहाय्य योजना समितीने ठेवलेला प्रस्ताव  मुख्य सभेची (PMC General Body)!मान्यता नसल्याचे कारणाने स्थगित ठेवण्यात आलेला आहे. तरी, महापालिका आयुक्तांनी (PMC Commissioner) सहानभुतीपुर्वक विचार करुन  मुख्य सभेची मान्यता देऊन २००५ नंतर नेमणूक झालेल्या सेवकांना सेवानिवृत्तीनंतर CHS अंशदायी वैदयकीय सहाय्य योजनेचा लाभ तात्काळ देऊन यापुढेही चालू ठेवावा. अशी मागणी पीएमसी एम्प्लॉईज युनियन (PMC Employees Union) च्या वतीने महापालिका आयुक्त विक्रम कुमार यांच्याकडे केली आहे. (PMC Pune CHS Scheme)
संघटनेच्या निवेदनानुसार सन २००५ नंतर नेमणूक झालेले सेवक पुणे महानगरपालिकेमध्ये संपुर्ण आयुष्य मनपाची व नागरिकांची सेवा करण्यामध्ये घालवतात. देशामध्ये आलेल्या अनेक महामारीमध्ये कोविड, स्वाईन फ्लू, प्लेग अन्य साथीच्या रोगांमध्ये पुणे महानगरपालिकेतील सेवकांना जीवाची पर्वा न करता, नागरिकांना चांगल्या सेवा सुविधा पुरविल्या आहेत. सेवकांच्या चांगल्या कामगिरीमुळे पुणे शहर देशामध्ये प्रथम १० नंबरच्या शहरांच्या यादीत गणले जाते. असे असताना पुणे महानगरपालिकेमध्ये २००५ नंतर नेमणूक झालेल्या कार्यरत तसेच सेवकांना सेवानिवृत्तीनंतर CHS अंशदायी वैदयकीय सहाय्य योजनेचा लाभ दिला जात नाही. एकीकडे नागरिकांना शहरी गरीब योजनेखाली वैदयकीय सेवा दिली जातात. (Pune Municipal Corporation)
सन २००५ नंतर नेमणूक झालेल्या सेवकांची जुनी पेन्शन योजना बंद केल्यामुळे कर्मचारी वर्गाचा आर्थिक कणा मोडलेला आहे. सेवानिवृत्तीनंतर अनेक आजारांना सामोरे जावे लागते. त्यासाठी CHS अंशदायी वैदयकीय सहाय्य योजना ही सेवानिवृत्तीनंतर सेवकांना संजीवनी आहे. परंतु, वय झाल्यानंतर अंशदायी वैदयकीय सहाय्य योजनेची अत्यंत गरज असताना आपले कालखंडात ती सेवा बंद करण्यात आल्याचे समजते. सन २००५ नंतर नियुक्त सेवकांना CHS अंशदायी वैदयकीय सहाय्य योजनेचा लाभ देणेबाबत अंशदायी वैदयकीय सहाय्य योजना समितीने ठेवलेला प्रस्ताव मुख्य सभेची मान्यता नसल्याचे कारणाने स्थगित ठेवण्यात आलेला आहे. तरी,  सर्व गोष्टींचा मा. आयुक्त यांनी सहानभुतीपुर्वक विचार करुन मुख्य सभेची मान्यता देऊन २००५ नंतर नेमणूक झालेल्या सेवकांना सेवानिवृत्तीनंतर CHS अंशदायी वैदयकीय सहाय्य योजनेचा लाभ तात्काळ देऊन यापुढेही चालू ठेवावा. अशी मागणी संघटनेच्या वतीने करण्यात आली आहे. (PMC Pune Employees)
——-