Tag: Pune Congress

Ramesh Iyer : Pune Congress : जिल्हा विद्युत नियंत्रण समितीवर रमेश अय्यर यांची नियुक्ती  

Categories
Political पुणे

जिल्हा विद्युत नियंत्रण समितीवर रमेश अय्यर यांची नियुक्ती

 

पुणे : काँग्रेस पक्षाचे  शहराचे  सरचिटणीस आणि प्रवक्ते रमेश अय्यर यांची पुणे जिल्हा विद्युत वितरण नियंत्रण समितीवर सदस्यपदी नियुक्ती करण्यात आली आहे.

     महाराष्ट्राचे उपमुख्यमंत्री व पुणे जिल्ह्याच्या पालकमंत्री  अजित पवार यांच्या संमतीने रमेश अय्यर यांच्या नियुक्तीचे पत्र जिल्हाधिकाऱ्यांनी दिले.

     रमेश अय्यर गेली ३८ वर्ष काँग्रेस पक्षाचे सक्रीय कार्यकर्ते आहेत. पक्षाचे भवानी ब्लॉकचे सरचिटणीस, शहर काँग्रेसचे ग्राहक संरक्षणचे अध्यक्ष, शहर चिटणीस, प्रचार यंत्रणा सदस्य आदी पदांवर जबाबदारी सांभाळली असून गेली दहा वर्ष पक्षाचे सरचिटणीस आणि शहर प्रवक्ते म्हणून प्रभावीपणे काम करीत आहेत. पक्षाच्या ग्राहक सेलचेही काम त्यांनी पाहिले होते. ग्राहकांच्या हितासाठी त्यांनी न्यायालयीन लढाईसुद्धा केली आहे आणि ग्राहाकांना न्याय मिळवून दिला.  सामाजिक कामाची आवड असणाऱ्या रमेश अय्यर यांचा विविध धार्मिक, शैक्षणिक संस्थांशी संबंध आहे.

     विद्युत नियंत्रण समितीवर काम करताना प्रशासन आणि ग्राहक यांच्यातील समन्वय वाढविण्याचा प्रयत्न करेन, असे रमेश अय्यर यांनी सांगितले. राज्याचे ऊर्जामंत्री नितीन राऊत, काँग्रेसचे शहराध्यक्ष रमेश बागवे, माजी आमदार आणि महाराष्ट्र प्रदेश काँग्रेसचे उपाध्यक्ष मोहन जोशी यांच्या शिफारशीने नियुक्ती झाल्याबद्दल अय्यर यांनी त्यांचे आभार मानले आहेत. कॉंग्रेस पक्षाच्या अनेक नेत्यांनी, पदाधिकाऱ्यांनी अय्यर यांचे अभिनंदन करून त्यांना शुभेच्छा दिल्या.

Pune Congress : कन्हैया कुमारच्या सभेने पुन्हा एकदा दिसून दिले; पुणे काँग्रेस मध्ये सर्व काही आलबेल नाही! 

Categories
Breaking News Political पुणे महाराष्ट्र

कन्हैया कुमारच्या सभेने पुन्हा एकदा दिसून दिले; पुणे काँग्रेस मध्ये सर्व काही आलबेल नाही!

: युवक काँग्रेस चा बहिष्कार

पुणे : पुणे शहर आणि जिल्हा काँग्रेस मधील दुफळी ही सर्वज्ञात आहेच. मात्र प्रदेश अध्यक्ष नाना पटोले आल्यापासून काँग्रेस मध्ये सकारात्मक वातावरण दिसून आले होते. त्यानुसार काँग्रेसची घडी बसताना दिसत होती. मात्र काल झालेल्या कन्हैया कुमारच्या सभेत पुन्हा ही घडी विस्कटलेली पाहायला मिळाली. कारण या सभेवर युवक काँग्रेसने बहिष्कारच टाकला होता. कारण शहरात काँग्रेस ने केलेल्या बॅनरबाजीत राज्यमंत्री विश्वजित कदम यांचा फोटो कुठेच नव्हता. चिडलेल्या युवक कार्यकर्त्यांनी रातोरात फोटो लावण्याचा प्रयत्न केला. मात्र जुन्या नेत्यांचा हा आकस पाहून  युवक काँग्रेसच्या पदाधिकारी आणि कार्यकर्त्यांनी मात्र या सभेला जाणे टाळलेच. देशातील महत्वाच्या युवक नेत्याच्या सभेला युवक कार्यकर्तेच हजर नव्हते. त्यामुळे काँग्रेस मध्ये आलबेल नाही, हेच दिसून आले.

: युवक काँग्रेस चे पदाधिकारी नाराज

शहर काँग्रेस कडून दरवर्षी सोनिया गांधी यांच्या वाढदिवसानिमित्त सेवा त्याग सप्ताह साजरा करण्यात येतो. शहरातील पदाधिकारी एकत्र येत याचे नियोजन करतात. त्यानुसार यावर्षी देखील जोरदार तयारी करण्यात आली होती. महत्वाचे म्हणजे युवक नेता आणि ज्यांच्या भाषणाची नेहमीच चर्चा होते, अशा कन्हैया कुमार यांची सभा ठेवण्यात आली. त्यानुसार जय्यत तयारी देखील केली गेली. शहरात आणि काँग्रेस भवन मध्ये मोठी बॅनरबाजी करण्यात आली. यावर राज्यातील सगळ्या महत्वाच्या नेत्यांचे फोटो होते; मात्र राज्यमंत्री आणि पुणे शहरातून लोकसभा निवडणूक लढवलेले विश्वजित कदम यांचाच फोटो त्यात नव्हता. ही गोष्ट युवक काँग्रेसच्या काही पदाधिकाऱ्यांच्या लक्षात आली. युवकचे सगळेच कार्यकर्ते कदम यांना खूप मानतात. त्यामुळे सभेच्या आदल्या रात्री युवक पदाधिकाऱ्यांनी थोडा गोंधळ घालत कदम यांचा फोटो बॅनर वर लावला. मात्र यामुळे कार्यकर्त्यांचे समाधान झाले नाही. आपल्या नेत्यांबाबत एवढा आकस असावा, ही बाब कार्यकर्त्यांना पटली नाही. त्यामुळे जेंव्हा सभेला जाण्याची युवक काँग्रेस च्या कार्यकर्त्यांची तयारी चालली होती, त्यावेळी शहरातील एका महत्वाच्या नेत्यानेच सभेला जाऊ नका; असे आदेश दिले. त्यामुळे सगळे युवकचे कार्यकर्ते शांत बसले. त्यामुळे प्रत्यक्ष सभेत युवकचा कुणी पदाधिकारी अथवा कार्यकर्ता दिसून आला नाही. जुन्या नेत्यांची तेवढीच कार्यकर्ते सभेला होते. यामुळे मात्र काँग्रेस मधील वाद पुन्हा बाहेर येताना दिसून आला आहे.

: पुणे शहर आणि विश्वजित कदम

शहरातील काँग्रेसच्या नेत्यांकडून राज्यमंत्री विश्वजित कदम यांना नेहमीच दूर ठेवले जाते. कदम यांनी ज्यावेळी पुणे शहरातून लोकसभा निवडणूक लढवली होती, त्यावेळी देखील इथल्याच काँग्रेसच्या नेत्यांनी त्यांना ‘बाहेरचा नेता’ म्हणून शिक्का मारला होता. त्यामुळेच त्यांना हरावे लागले, असे मानण्यात येते. सद्यस्थितीत कदम राज्यमंत्री आहेत शिवाय पुण्यात नेहमीच ते बैठक घेत असतात. असे असतानाही त्यांना डावलले जावे, ही गोष्ट युवकच्या पदाधिकाऱ्यांना फारसी रुचली नाही.

PMC : कॉंग्रेस चे नगरसेवक पिशव्या, बकेट, बाकडी खरेदी नाही करणार 

Categories
Breaking News PMC Political पुणे

कॉंग्रेस चे नगरसेवक पिशव्या, बकेट, बाकडी खरेदी नाही करणार 

: नगरसेवकांना सूचना करणार : रमेश बागवे

पुणे : महापालिकेच्या खर्चातून कचऱ्यासाठीच्या पिशव्या, बकेट, बाकडी, ढकलगाड्या खरेदी करण्याचा निर्णय झाला असून, हा निर्णय म्हणजे नगरसेवकांच्या निवडणूक प्रचारासाठी नागरिकांच्या पैशांची उधळपट्टी असल्याने या वस्तूंची खरेदी आयुक्तांनी थांबवावी अन्यथा आंदोलन केले जाईल, असा इशारा पुणे शहर जिल्हा काँग्रेस कमिटीचे अध्यक्ष रमेश बागवे व महाराष्ट्र प्रदेश काँग्रेस कमिटीचे सरचिटणीस, स्थायी समितीचे माजी अध्यक्ष वीरेंद्र किराड व संजय बालगुडे यांनी दिला आहे. तसेच आमच्या नगरसेवकांना देखील ही खरेदी न करण्याची सूचना केली जाईल. असे अध्यक्ष बागवे यांनी सांगितले.

     महापालिका आयुक्त विक्रम कुमार यांना निवेदन देऊन त्यात बकेट, पिशव्या आणि ढकलगाडी यांचा वापर नगरसेवक प्रचारासाठी करतील असे नमुद करण्यात आले आहे. याकरिता, या वस्तूंची खरेदी तूर्त थांबवावी. निवडणुकीनंतर महापालिकेच्या अंदाजपत्रकात रितसर तरतूद करुन या वस्तूंची खरेदी केली जावी आणि मार्च महिन्यात त्यांचे वाटप करण्यात यावे असे निवेदनात म्हटले आहे.

     वस्तू खरेदी करुन त्यावर नगरसेवक आपापली नावे लिहून त्या वस्तूंचे वाटप करतात हा प्रचाराचाच एक भाग होईल. अवघ्या चार महिन्यांत निवडणुका होणार असल्याने नागरिकांकडून कररुपाने मिळालेल्या पैशातून सुमारे १६ कोटी रुपयांची उधळपट्टी होईल हे गैर आहे. आर्थिक बेशिस्त आणि आर्थिक अनागोंदी आळा घालावा. शिवाय, बदललेल्या प्रभाग रचना लक्षात घेऊन वस्तुंचे वाटप होण्याची शक्यता आहे. तसेच त्यातूनही गोंधळ उडेल, नगरसेवकांसाठी असलेल्या निधीतून ढकलगाडी खरेदी करण्यास सक्त विरोध राहील. ढकला गाड्यांवरही नगरसेवकांची नावे लिहून प्रचार साधला जाईल, असे या निवेदनात म्हटले आहे.

     आयुक्तांनी विशेष अधिकार वापरुन ही खरेदी थांबवावी अन्यथा तीव्र आंदोलन केले जाईल, असा इशारा काँग्रेस पक्षाच्या वतीने आयुक्तांना पाठविलेल्या निवेदनात देण्यात आला आहे.

पिशव्या, बकेट, बाकडी, ढकलगाड्या खरेदी करण्याचा निर्णय झाला असून, हा निर्णय म्हणजे नगरसेवकांच्या निवडणूक प्रचारासाठी नागरिकांच्या पैशांची उधळपट्टी असल्याने या वस्तूंची खरेदी आयुक्तांनी थांबवावी. आम्ही आमच्या नगरसेवकांना देखील ही खरेदी न करण्याच्या सूचना करणार आहोत.

        रमेश बागवे, अध्यक्ष, शहर कॉंग्रेस

Pune Congress :  प्रभात फेरी व कोपरा सभा घेत महागाईच्या  विरोधात कॉंग्रेस जनजागरण करणार : शहर अध्यक्ष रमेश बागवे

Categories
PMC Political पुणे महाराष्ट्र

 प्रभात फेरी व कोपरा सभा घेत महागाईच्या  विरोधात कॉंग्रेस जनजागरण करणार

शहर अध्यक्ष रमेश बागवे यांची महिती

पुणे : केंद्रातील भाजप सरकारने केलेल्या महागाईच्या विरोधात अखिल भारतीय कॉंग्रेस कमिटीच्या वतीने दि. १४ ते दि. २९ नोव्हेंबर २०२१ पर्यंत देशात ”जनजागरण अभियान” आयोजित केले आहे. नेहरू स्टेडियम येथील पं. जवाहरलाल नेहरू यांच्या पुतळ्यास पुष्पहार अर्पण करून पुणे शहर जिल्हा  कॉंग्रेस कमिटीच्या वतीने लोकमान्य टिळक पुतळा, मंडई पर्यंत प्रभात फेरी काढण्यात आली. पेट्रोल, डिझेल, स्वयंपाक गॅस भाववाढीमुळे त्रस्त झालेल्या जनतेचे छायाचित्रांचे फलक घेवून, मोदी सरकारच्या विरोधात घोषणा देत कॉंग्रेसचे कार्यकर्ते मोठ्या संख्येने या प्रभात फेरीमध्ये सहभागी झाले. यावेळी शहर अध्यक्ष रमेश बागवे यांनी सांगितले कि पुढच्या १५ दिवसात पुणे शहराच्या विविध वॉर्डात प्रभात फेरी व कोपरा सभा घेवून या महागाईच्या विरोधात जनतेमध्ये जनजागरण करणार आहोत.

१४ ते  २९ नोव्हेंबर २०२१ पर्यंत जनजागरण अभियान राबविण्याचे आदेश

यावेळी बोलताना शहराध्यक्ष रमेश बागवे म्हणाले की, ”आज भारताचे पहिले पंतप्रधान पं. जवाहरलाल नेहरू यांची १३२ वी जयंती आहे. देश सुजलाम सुफलाम करण्यासाठी त्यांनी अनेक धाडसी निर्णय घेतले. भाक्रा नांगल धरण प्रकल्प, हिंदुस्थान एरोनॉटिक्स, आय.आय.टी., आय.आय.एम., एम्स, हिंदुस्थान अँटी बॉटिक्स, भाभा अटोमिक संशोधन केंद्र, एन.डी.ए. सारख्या संस्थेची स्थापना केली.

     देशाच्या स्वातंत्र्यात त्यांचा सिंहाचा वाटा होता. त्यांनी देशाची प्रगती केली त्यामुळे त्यांना आधुनिक भारताचे शिल्पकार म्हणतात. आज भारतीय जनता पक्षाच्या राजवटीत सामान्य जनतेचे जगणे कठिण झाले आहे. जीवनावश्यक वस्तूंचे भाव दिवसेंदिवस वाढत चाललेले आहे. कॉंग्रेसच्या राजवटीत स्थापन केलेले सरकारी संस्थांचे भाजप सरकार खाजगीकरण करीत आहे, या खाजगी करणाच्या नावाखाली अनेकांची नोकरी संपुष्टात आली आहे. देशात बेरोजगारी वाढत आहे. कॉंग्रेस पक्षाने आंदोलनामार्फत या भाववाढीकडे आणि इतर ज्वलंत प्रश्नांकडे सरकारचे लक्ष वेधण्याचे प्रयत्न केले, परंतु सरकार कानाडोळा करीत आहे. या पार्श्वभूमीवर अखिल भारतीय काँग्रेस कमिटीच्या अध्यक्षा श्रीमती. सोनियाजी गांधी यांनी महागार्इच्या विरोधात जनजागरण करण्यासाठी दि. १४ ते दि. २९ नोव्हेंबर २०२१ पर्यंत जनजागरण अभियान राबविण्याचे आदेश दिले आहेत. या आदेशानुसार आज पुणे शहर जिल्हा कॉंग्रेस कमिटीच्या वतीने पं. जवाहरलाल नेहरू यांच्या जयंती निमित्त त्यांना अभिवादन करून प्रभात फेरी काढली. पुढच्या १५ दिवसात पुणे शहराच्या विविध वॉर्डात प्रभात फेरी व कोपरा सभा घेवून या महागार्इच्या विरोधात जनतेमध्ये जनजागरण करणार आहोत.

जनतेच्या हिताकरीता आज कॉंग्रेस पक्ष रस्त्यावर उतरून जनजागरण करीत आहे. केंद्रातील भारतीय जनता पक्षाने त्वरीत जीवनावश्यक वस्तूंचे भाव कमी करावे अन्यथा आम्हाला तीव्र आंदोलनाचा मार्ग स्विकारावा लागेल.”

यानंतर महाराष्ट्र प्रदेश कॉंग्रेस कमिटीचे उपाध्यक्ष व माजी आमदार मोहन जोशी, माजी महापौर कमल व्यवहारे यांचीही भाषणे झाली.

 यावेळी महाराष्ट्र प्रदेश काँग्रेस कमिटीचे सरचिटणीस अड. अभय छाजेड, माजी आमदार दिप्ती चवधरी, दत्ता बहिरट, वीरेंद्र किराड, अमीर शेख, लता राजगुरू, मनीष आनंद, पुजा आनंद, नीता रजपूत, सोनाली मारणे, प्रकाश पवार, विशाल मलके, भूषण रानभरे, संगिता तिवारी, राजेंद्र शिरसाट, द. स. पोळेकर, सचिन आडेकर, प्रवीण करपे, राजेंद्र भुतडा, सतिश पवार, रमेश सोनकांबळे, रमेश सकट, शिलार रतनगिरी, अमित बागुल, बाळासाहेब अमराळे, प्रशांत सुरसे, किशोर वाघेला, नितीन परतानी, जावेद निलगर, सादिक लुकडे, अनुसया गायकवाड, तार्इ कसबे, मिरा शिंदे, अॅड. राजश्री अडसूळ, ज्योती परदेशी, कल्पना उनवणे, राधिका मखामले, रजिया बल्लारी, संगिता क्षिरसागर, अविनाश अडसूळ, क्लेमेंट लाजरस, राकेश नामेकर, सुरेश कांबळे, भरत सुराणा, बबलू कोळी, गणेश शेडगे, दिलीप लोळगे, अक्षय माने आदींसह असंख्य कार्यकर्ते सहभागी झाले होते.

भारताचे पहिले पंतप्रधान पं. जवाहरलाल नेहरू आणि आद्यक्रांतीगुरू लहुजी वस्ताद साळवे यांच्या जयंती निमित्त पुणे शहर जिल्या कॉंग्रेस कमिटीचे अध्यक्ष रमेश बागवे व माजी आमदार दिप्ती चवधरी यांनी कॉंग्रेस भवन येथे त्यांच्या प्रतिमेस पुष्पहार अपर्ण करून अभिवादन केले. यावेळी पक्षाचे पदाधिकारी व कार्यकर्ते उपस्थित होते.

Byelection : pune Congress : महाविकास आघाडीचे उमेदवार जितेश अंतापूरकर देगलुर – बिलोली पोटनिवडणुकीत विजयी : काँग्रेस भवन येथे जल्लोष.

Categories
Breaking News Political पुणे महाराष्ट्र

महाविकास आघाडीचे उमेदवार जितेश अंतापूरकर देगलुर – बिलोली पोटनिवडणुकीत विजयी

: काँग्रेस भवन येथे जल्लोष

                                     

पुणे : नांदेड येथील देगलुर – बिलोली विधानसभा मतदार संघाच्या पोटनिवडणुकीमध्ये महाविकास आघाडीचे अधिकृत उमेदवार जितेश अंतापूरकर प्रचंड बहुमताने विजयी झाले. या विजयाचा जल्लोष करण्यासाठी महाविकास आघाडीच्या वतीने आज काँग्रेस भवन येथे ढोलीबाजा वाजवून व फटाके फोडून जल्लोष करण्यात आला.

मोदी सरकारच्या विरूध्दचा संताप व्यक्त : बागवे

यावेळी पुणे शहर जिल्हा काँग्रेस कमिटीचे अध्यक्ष रमेश बागवे, राष्ट्रवादी काँग्रेसचे अध्यक्ष प्रशांत जगताप, महाराष्ट्र प्रदेश काँग्रेस कमिटीचे उपाध्यक्ष मोहन जोशी, सरचिटणीस ॲड. अभय छाजेड, संजय बालगुडे, कमल व्यवहारे, दिप्ती चवधरी, सोनाली मारणे उपस्थित होते. यावेळी बोलताना पुणे शहर जिल्हा काँग्रेस कमिटीचे अध्यक्ष रमेश बागवे म्हणाले की, ‘‘महाराष्ट्राचे सार्वजनिक बांधकाम मंत्री अशोक चव्हाण यांच्या खंबीर नेतृत्वाखाली देगलुर – बिलोली विधानसभा मतदार संघाची निवडणुक झाली. प्रचाराच्या दरम्यान केंद्रातील मोदी सरकारच्या चूकीच्या आर्थिक धोरणाबद्दल लोकांमध्ये तीव्र नाराजगी आहे. महागाई बेरोजगारीमुळे जनता त्रस्त झालेली आहे. लोकांनी महाविकास आघाडीच्या उमेवाराला भरघोस मंतानी निवडूण देऊन मोदी सरकारच्या विरूध्दचा संताप व्यक्त केला आहे. महाराष्ट्रात महाविकास आघाडी सत्तेत आल्यावर समाजातील सर्व घटकांना एकत्र घेऊन काम करीत आहे. देगलुर- बिलोली मतदार संघाच्या पोटनिवडणुकीमध्ये महाविकास आघाडीच्या बाजून मतदान करून महाराष्ट्राच्या जनतेने सरकारवर आपला विश्वास दाखविलेला आहे.’’

     यानंतर राष्ट्रवादी काँग्रेसचे अध्यक्ष प्रशांत जगताप म्हणाले की, ‘‘महाविकास आघाडी सरकारने गेल्या २ वर्षात महाराष्ट्रात अनेक विकासाची कामे केली आहे. केंद्रातील मोदी सरकार महाराष्ट्र सरकारला सातत्याने कुठल्या न कुठल्या पध्दतीने त्रास देण्याचे काम करीत आहे. या सर्व गोष्टींवर मात करून आज मुख्यमंत्री मा. ना. उध्दवजी ठाकरे आणि उपमुख्यमंत्री मा. ना. अजित पवार व महसूल मंत्री मा. ना. बाळासाहेब थोरात यांनी महाराष्ट्राला एक मजबूत सरकार दिले आहे. यांच्या कामाची पावती आज देगलुर – बिलोली विधानसभा मतदार संघाच्या पोटनिवडणुकीमध्ये तेथील जनतेन दिलेली आहे.’’

     माजी आमदार मोहन जोशी म्हणाले, ‘‘भारतीय जनता पक्षाने ही पोटनिवडणुक अतिशय प्रतिष्ठेची केली होती. त्यांच्या नेत्यांनी अपप्रचार करून लोकांची दिशाभुल करण्याचा प्रयत्न केला परंतु सुज्ञ मतदारांनी भारतीय जनता पक्षाला त्यांची जागा दाखविली आहे. महाविकास आघाडीचे उमेदवार मा. जितेश अंतापूरकर यांना देगलुर – बिलोली मतदार संघातून भरघोस मतांनी विजयी झाल्याबद्दल मी शुभेच्छा देतो.’’

     यावेळी नीता रजपूत, शेखर कपोते, राजेंद्र शिरसाट, रजनी त्रिभुवन, अकबर शेख, विशाल मलके, द. स. पोळेकर, प्रविण करपे, सतिश पवार, रमेश सोनकांबळे, राजेंद्र भुतडा, विजय खळदकर, रमेश सकट, सुनिल घाडगे, राहुल वंजारी, सेल्वराज ॲन्थोनी, विजय वारभुवन, विश्वास दिघे, राहुल तायडे, दत्ता पोळ, नारायण पाटोळे, विव्हियन केदारी, शारदा वीर, माया डुरे, रजिया बल्लारी, परवेज तांबोळी, राजू नाणेकर, राजाभाऊ कदम, सादीक कुरेशी आदींसह पदाधिकारी व कार्यकर्ते उपस्थित होते.

Pune Congress : महापालिका निवडणुकीसाठी कॉंग्रेस ने सुरु केली ही तयारी

Categories
Political पुणे

महापालिका निवडणुकीसाठी कॉंग्रेस ने सुरु केली ही तयारी

: पक्षातर्फे पक्ष सभासद नोंदणी अभियानाचा शुभारंभ

                                     

पुणे –  प्रदेश अध्यक्ष नाना पटोले यांच्या मार्गदर्शना नुसार शहर कॉंग्रेस महापालिका निवडणुकीच्या तयारीला लागली आहे. अखिल भारतीय काँग्रेस कमिटी आणि महाराष्ट्र प्रदेश काँग्रेस कमिटीच्या आदेशानुसार सोमवारी पुणे शहर जिल्हा काँग्रेस कमिटीच्या वतीने ना. गोपाळकृष्ण गोखले पुतळा, गुडलक चौकाजवळ, फर्ग्युसन कॉलेज रोड येथे पक्ष सभासद नोंदणी अभियानाचा शुभारंभ झाला. काँग्रेस पक्षाच्या ध्येय धोरणांना अनुसरून समाजातील विविध घटक काँग्रेस पक्षाचे सभासद होतात.  पुणेकरांतर्फे श्री. सचिन भोसले रा. येरवडा यांनी काँग्रेस पक्षाची सर्वात प्रथम सभासद नोंदणी अर्ज भरून प्राथमिक सभासद झाले.

   : दिल्लीत झेंडा फडकवण्याचा संकल्प

  यावेळी बोलताना शहराध्यक्ष रमेश बागवे म्हणाले की, ‘‘अखिल भारतीय काँग्रेस कमिटीच्या कार्यकारिणीने १६ ऑक्टोबरच्या बैठकीत सप्टेंबर २०२२ ला पक्षाच्या संघटनात्मक निवडणुका घेण्याचा निर्णय घेतला. त्यानुसार आज दि. १ नोव्हेंबर २०२१ रोजी काँग्रेस पक्षातर्फे पक्ष सभासद नोंदणीला सुरूवात झाली आहे. ना. गोपाळकृष्ण गोखले १९०५ साली भारतीय राष्ट्रीय काँग्रेसचे अध्यक्ष होते. आज त्यांना अभिवादन करून पुणे शहर जिल्हा काँग्रेस कमिटीच्या वतीने पुण्यात सभासद नोंदणी अभियानाची सुरूवात केली आहे. काँग्रेस पक्ष हे सर्वधर्म समभावाचे प्रतीक आहे. समाजातील सर्व जाती जमातीचे लोक या पक्षाचे सदस्य होऊ शकतात. काँग्रेस पक्षाला इतिहास आहे. सन १८८५ ला काँग्रेस पक्षाची स्थापना झाली. वोमेशचंद्र बॅनर्जी, सुरेंद्रनाथ बॅनर्जी, सर फिरोज शहा मेहता, एनी. बेसंट, सरोजिनी नायडू, मोतीलाल नेहरू, जवाहरलाल नेहरू, महात्मा गांधी, मौलाना अबुल कलाम आझाद, सरदार वल्लभभाई पटेल, सुभाषचंद्र बोस व इतर ज्येष्ठ काँग्रेस नेते काँग्रेस पक्षाचे अध्यक्ष होते. स्वातंत्र्य चळवळीत काँग्रेस पक्षाने पुढाकार घेतला. अनेकांनी आपल्या प्राणाची आहुती दिली व तुरूंगवास भोगला. स्वातंत्र्य मिळाल्यावर  पं. जवाहरलाल नेहरू, लालबहादूर शास्त्री, इंदिरा गांधी, राजीव गांधी व इतरांनी भारत देशाला जगात लौकिक मिळवून दिला. समाजातील सर्व घटकांच्या सहकार्यामुळे आज भारत देश सुजलाम सुफलाम झाला आहे. परंतु आज देशाचे चित्र फार वेगळे आहे. महागाई, बेरोजगारी आणि चूकीच्या आर्थिक धोरणामुळे सामान्य जनता त्रस्त झाली आहे. याला मोदी सरकार जबाबदार आहे. आपण सर्वांनी जनतेपर्यंत काँग्रेस पक्षाने केलेले काम आणि पक्षाचे ध्येय धोरण जनतेमध्ये पोहचवून जास्तीत जास्त सभासद नोंदवून पक्ष बळकट करावा लागेल. सन २०२४ ला काँग्रेस पक्षाचा तिरंगा झेंडा दिल्लीत फडकला पाहिजे असा संकल्प करूयात.’’

     यावेळी पुणे मनपाचे काँग्रेस पक्षाचे गटनेते आबा बागुल, माजी महापौर कमल व्यवहारे, दत्ता बहिरट, नगरसेविका लता राजगुरू, नगरसेवक अविनाश बागवे, अजित दरेकर, राजेंद्र शिरसाट, मुख्तार शेख, नीता रजपूत, महिला अध्यक्षा सोनाली मारणे, अजित जाधव, रजनी त्रिभुवन, राजेंद्र भुतडा, रमेश सकट, प्रविण करपे, सुरेश कांबळे, भारत पवार, बाबा सैय्यद, संदीप मोरे, गौरव बोराडे, नारायण पाटोळे, राहुल वंजारी, राजश्री अडसुळ, शारदा वीर, विठ्ठल गायकवाड आदींसह पदाधिकारी व कार्यकर्ते उपस्थित होते.