PMC Assistant Commissioner Promotion | सहाय्यक आयुक्त पदाच्या पदोन्नतीतील बदलाबाबत प्रशासनाचा प्रस्ताव राज्य सरकारने मान्य करू नये 

Categories
Breaking News PMC social पुणे
PMC Assistant Commissioner Promotion | सहाय्यक आयुक्त पदाच्या पदोन्नतीतील बदलाबाबत प्रशासनाचा प्रस्ताव राज्य सरकारने मान्य करू नये 
Spread the love

PMC Assistant Commissioner Promotion | सहाय्यक आयुक्त पदाच्या पदोन्नतीतील बदलाबाबत प्रशासनाचा प्रस्ताव राज्य सरकारने मान्य करू नये

|  लेखनिकी संवर्गावर अन्याय होत असल्याने मागासवर्गीय कर्मचारी संघटनेची मागणी

PMC Assistant Commissioner Promotion | पुणे महापालिकेत (Pune Municipal Corporation (PMC) लेखनिकी संवर्गात काम करणाऱ्या कर्मचाऱ्यांकडून काही हक्काच्या संधी हिरावून घेतल्या जात आहेत. महापालिका प्रशासनाकडून (Pune PMC) परस्पर सेवा नियमावलीत (PMC service rules) बदल  केले जात आहेत. यामुळे या संवर्गातील कर्मचारी हवालदिल झाले आहेत. तसेच महापालिका कर्मचाऱ्यांच्या हक्काच्या पदोन्नत्या रखडवल्या जात आहेत. महापालिका नियमावली ला डावलत सेवा प्रवेश नियमावलीत बदल केले जात आहेत. तसेच सहाय्यक आयुक्त पदाच्या पदोन्नतीमध्ये बदल करण्याचा जो प्रस्ताव राज्य सरकारकडे पाठवण्यात आला आहे. याबाबत पुणे महापालिका मागासवर्गीय कर्मचारी संघटनेकडून (Pune Mahanagarpalika Magasvargiy Karmchari Sanghatana) आक्षेप घेण्यात आला आहे. हा प्रस्ताव मान्य करू नये आणि प्रशासन अधिकारी यांनाच सहाय्यक आयुक्त पदावर पदोन्नती देण्यात यावी. अशी मागणी संघटनेचे अध्यक्ष रुपेश सोनवणे (Rupesh Sonawane) यांनी केली आहे. (Pune Municipal Corporation Latest News)
: प्रशासनाकडून ठेवले गेले नियमावलीला डावलून  प्रस्ताव 
महापालिकेच्या सहायक महापालिका (PMC Assistant commissioner) आयुक्त पदाच्या अर्हता आणि नेमणुकीच्या पद्धतीत वारंवार बदल केला जात आहे. या पदाच्या 50% पदोन्नतीच्या (Promotion) पद्धतीत बदल केला गेला होता. प्रचलित पद्धतीनुसार सेवाज्येष्ठतेनुसार (Seniority) 50% पदोन्नती दिली जात होती. मात्र यात बदल करण्यात आला. त्यानुसार पदवी धारण करणारे अंतर्गत परीक्षेद्वारे वर्ग 1, 2 आणि 3 मधील कर्मचारी देखील सहायक आयुक्त होऊ शकतात. याबाबतच्या प्रस्तावाला नुकतीच महापालिकेच्या मुख्य सभेने (pmc pune General body) मान्यता दिली होती व हा प्रस्ताव सरकारकडे पाठवला होता. मात्र यात अजून एक बदल केला गेला आहे. आता फक्त पदवीच (Degree) नाही तर पदविका (Diploma) धारण करणारा कर्मचारी देखील परीक्षा देऊन सहायक आयुक्त होऊ शकणार आहे. मात्र या माध्यमातून लेखनिकी संवर्गातून (clerical cadre) सहायक आयुक्त (Assistant Municipal commissioner, होण्याची मनीषा बाळगणाऱ्या कर्मचाऱ्यांना बेदखल केले असल्याचे दिसून येत आहे. (PMC pune Assistant commissioner)
महापालिका सेवा नियमावली (PMC pune Service rules) नुसार सहायकमहापालिका आयुक्तपदासाठी अर्हता आणि नेमणुकीची पद्धत कशी करावी हे ठरवून दिले आहे. त्यानुसार त्याची साखळी देखील बनवण्यात आली होती. त्यामध्ये लेखनिकीसंवर्गासाठी अधीक्षक, प्रशासन अधिकारी, सहायक आयुक्त, उपायुक्त आणि अतिरिक्त महापालिका आयुक्त अशी आहे. तर तांत्रिक पदासाठी शाखा अभियंता, उप अभियंता, कार्यकारी अभियंता, अधीक्षक अभियंता आणि शहर अभियंता अशी आहे. (PMC pune news)
: पदोन्नती मध्ये बदल 

त्यानुसार प्रशासकीय सेवाश्रेणी – १ मधील  सहाय्यकआयुक्त (क्रिडा, अतिक्रमण, घनकचरा व्यवस्थापन, स्थानिक संस्थाकर अधिक्षक, मालमत्ता व व्यवस्थापन, कर आकारणी व कर संकलन) या पदाची नेमणुकीची प्रचलित  पद्धत ही 25% नामनिर्देशन, पदोन्नती-५०% आणि प्रतिनियुक्ती 25% अशी होती. 50% पदोन्नतीही महापालिका कर्मचाऱ्यांमधून सेवाज्येष्ठेतेनुसार केली जात होती. मात्र आता यासाठी परीक्षा घेण्यात येणार आहे. विशेष म्हणजे फक्त पदवीच नाही तर पदविका धारण करणारा कुठल्याही संवर्गातील कर्मचारी परीक्षा देऊन सहायक आयुक्त होऊ शकणार आहे. प्रशासनाने सेवा नियमावलीत हा बदल केला आहे. त्यामुळे लेखनिकी संवर्गात गेली 20-25 वर्ष काम करणारे, प्रशासकीय कामाचा चांगला अनुभव असणारे कर्मचारी मात्र या नियमामुळे बेदखल होत आहेत. प्रत्येक संवर्गाची एक साखळी ठरलेली आहे. मात्र बदल करताना लेखनिकी संवर्गातील साखळीतच बदल करण्यात आला आहे. (Pune Municipal Corporation)

बदल करताना फक्त लेखनिकी संवर्ग : प्रशासकीय सेवा याच्या 50% पदोन्नतीत बदल केला जात आहे. या संवर्गात कुठल्याही साखळीतील कर्मचारी येऊन सहायक आयुक्त होऊ शकतो. मात्र लेखनिकी संवर्गातील कर्मचारी दुसरीकडे जाऊ शकत नाही. (Pmc Pune Marathi News)

– प्रशासनाकडून विषयपत्र विसंगत 
प्रशासनाने पदोन्नतीत बदल करण्याचे विषयपत्र ठेवले होते.  मात्र त्यात विसंगती दिसून आली.  विषयपत्रात म्हटले आहे कि तांत्रिक पदांना अतांत्रिक संवर्गात पदोन्नती देता येणार नाही. एकीकडे असे म्हणायचे आणि दुसरीकडे कुठल्याही संवर्गातील कर्मचारी हा परीक्षा देऊन सहायक आयुक्त होऊ शकतो, असे म्हणायचे. यात विसंगती दिसून येते. हा लेखनिकी संवर्गावर अन्याय असल्याचे सांगितले जात आहे.
कारण बऱ्याच कर्मचाऱ्यांची सेवा 15- 20 वर्षाहून अधिक काळ झाली आहे. त्यांनी कर संकलन, सामान्य प्रशासन पासून बऱ्याच खात्यात काम केले आहे. सेवा ज्येष्ठेतेनुसार त्यांना सहायक आयुक्त पद मिळायला हवे आहे. मात्र अशा कर्मचाऱ्यांचे क्लास वन होण्याचे मार्ग बंद झाले आहेत. एवढे काम करून पुन्हा त्याला परीक्षा देण्यासाठी मजबूर करणे, हे नियमबाह्य असल्याचे बोलले जात आहे. मुळात सहायक आयुक्तहोणार अधिकारी हा खूप अनुभवी असणे, आवश्यक आहे. फक्त 5 वर्ष सेवा झालेला माणूस त्या पदाला न्याय देऊ शकणार नाही. त्यामुळे पदोन्नतीपूर्वीसारखीच ठेवण्याची मागणी केली आहे.
मागासवर्गीय कर्मचारी संघटनेने या केल्या आहेत मागण्या 
1. पुणे महापालिका आस्थापानेवरील सहाय्यक आयुक्त श्रेणी 1 या पदाच्या सेवा नियम प्रवेश नियमामध्ये सुधारणा करून 50% पदोन्नतीची पदे प्रशासकीय सेवा, लेखा सेवा, अभियांत्रिकी सेवा, वैद्यकीय सेवा, निमवैद्यकीय सेवा, अग्निशमन सेवा, शिक्षण सेवा अशा सर्व संवर्गातून निवड करण्याचा/ नामनिर्देशन करण्याचा महापालिका आयुक्तांचा प्रस्ताव सरकारने मान्य करू नये.
2. सहाय्यक आयुक्त पद सध्या रिक्त आहे. त्यामुळे आमची मागणी आहे कि, सध्या कार्यरत असलेले सहाय्यक आयुक्त श्रेणी 1 पदाच्या सेवा प्रवेश नियमामध्ये देण्यात आलेली नामनिर्देशन 25% नेमणुकीची पद्धत रद्द करून प्रशासन अधिकारी पदावरून पदोन्नती 75% व 25% प्रतिनियुक्ती असे प्रमाण मंजूर करून मिळावे.
3. प्रशासन अधिकारी पदावरील सेवकांना 3 वर्ष सेवा ही अट शिथिल करून पदोन्नती देण्यात यावी.

Categories