Tag: Baner
औंध, बाणेर परिसरात गुरुवारी पाणीपुरवठा बंद राहणार
महापालिकेच्या चतुश्रुंगी पाणी पुरवठा विभागाअंतर्गत सिंध सोसायटी समोरील मेट्रो मार्गात अडथळा ठरणारी पाण्याची लाईन बदलण्याचे काम येत्या गुरुवारी (दि. २१) रोजी करण्यात येणार असल्याने औंध रस्ता, बोपोडी तसेच बाणेर परिसरातील पाणीपुरवठा बंद ठेवण्यात येणार आहे. दुसऱ्या दिवशी सकाळी आणि उशिरा कमी दाबाने पाणी सोडण्यात येणार असून नागरिकांनी सहकार्य करण्याचे आवाहन महापालिकेकडून करण्यात आले आहे.
पाणीपुरवठा बंद असणारा भाग पुढीलप्रमाणे :
औंध गावठाण परिसर, आय.टी.आय. रोड परिसर, स्पायसर कॉलेज परिसर औंध रोड, बोपोडी गावठाण, मुंबई – पुणे रोड, भोईटे वस्ती, सानेवाडी, आनंद पार्क, दर्शन पार्क परिसर, डी-मार्ट परिसर बाणेर फाटा ते महाबळेश्वर हॉटेल दोन्ही बाजूचा परिसर, वर्षा पार्क, माउली मंगल कार्यालय परिसर.
बाणेर मध्ये रंगला खानदेशी मेळावा
पुणे : राष्ट्रवादी काँग्रेस पार्टी, बाणेर-बालेवाडी-सुस-म्हाळुंगेच्या वतीने बाणेर येथील धनकुडे फार्म येथे खानदेशातील नागरिकांसाठी खानदेशी मेळाव्याचे आयोजन करण्यात आले होते.
ह्या कार्यक्रमाचे निमित्त एकच होते की खानदेशी नागरिकांची एकमेकांशी ओळख व्हावी आणि सुख-दुःखात एकमेकांना मदत करता यावी. या हेतुने खानदेशी नागरिकांच्या मेळाव्याचे आयोजन करण्यात आले होते .
या कार्यक्रमात खास खानदेशी पध्दतीच्या आल्पभोजणाचे तसेच लहान मुलांसाठी “फॅंसी ड्रेस” या कार्यक्रमाचे आयोजन करण्यात आले होते.
याप्रसंगी डॉ. राजेश देशपांडे ,सौ. सरला चांदेरे, प्रा. रुपाली बालवडकर ,सौ. सुषमा ताम्हाणे , दत्तात्रय कळमकर , मनोज बालवडकर ,सौ.अंजना चांदेरे, प्राजक्ता ताम्हाणे , हरिश झोपे, वंदना पाटील, प्राची वराडे, छाया चौधरी, प्राची कोतकर आणि खानदेशी बंधू – भगिनी मोठ्या प्रमाणात उपस्थित होते.
या कार्यक्रमाचे आयोजन नितीन कळमकर, सौ.पुनम विशाल विधाते, डॅा.सागर बालवडकर व समिर बाबुराव चांदेरे यांनी केले होते. तर प्रस्तावित भूमिका नेहते यांनी केले आणि खुशबू अत्तरदे यांनी आभार मानले .
बालेवाडीत 7 एकरवर उभारणार खुले मैदान
: नगरसेवक अमोल बालवडकर यांनी कामाला केली सुरुवात
: महापालिका बजेट मध्ये करून घेणार तरतूद
प्रामाणिक काम, विकासावर ठाम..!
हे मैदान 7 एकर जागेवर उभारले जाणार आहे. त्यासाठीची 90% जमीन महापालिकेच्या ताब्यात आली आहे. जमीन ताब्यात घेण्यासाठी जागा मालकासोबत वेळोवेळी पाठपुरावा करण्यात आला आहे. यासाठी आता महापालिका बजेट मध्ये योग्य ती तरतूद करून घेतली जाणार आहे.
अमोल बालवडकर, नगरसेवक, पुणे मनपा
खासदार हिना गावित यांची नगरसेवक अमोल बालवडकर यांच्या बाणेर जनसंपर्क कार्यालयास भेट
बाणेरच्या सोसायटीमध्ये रंगली क्रिकेट स्पर्धा
पुणे : बाणेर-बालेवाडी-सूस-म्हाळुंगे भागातील सोसायट्यांमधील नागरिकांसाठी बाबुराव चांदेरे सोशल फाउंडेशनच्या वतीने बी बी एस एम सोसायटी फुल्ल पीच डे- नाईट क्रिकेट स्पर्धा २०२२ चे आयोजन करण्यात आले होते.
या स्पर्धेमध्ये ७० पुरुष व ५ महिला सोसयटी मधील संघांनी सहभाग घेतला. एकुण ७७० पुरुष व ५५ महिला खेळाडु सहभागी झाले आहेत.
या स्पर्धेचे उदघाटन राष्ट्रवादी काँग्रेस पार्टीचे जेष्ठ नेते मा. महापौर अंकुश काकडे व शहराध्यक्ष प्रशांत जगताप यांच्या शुभहस्ते संपन्न झाला.
या क्रिकेट स्पर्धेमुळे सोसायटी वर्गातील नागरिक व खेळाडू यांच्यामध्ये आनंदाचे वातावरण पाहायला मिळाले; कारण अशी भव्य क्रिकेट स्पर्धा या पूर्वी कोणी भरवली नाही. त्यामुळे अश्या स्पर्धेचे आयोजन नगरसेवक बाबुराव चांदेरे यांनी दरवर्षी करावे. अशी मागणी सोसायटी मधील नागरिकांनी व खेळाडूंनी केली असता चांदेरे यांनी ही स्पर्धा तुमच्या साठी दरवर्षी भरवली जाईल. असे आश्वासन त्यांनी देताच खेळाडू आणि नागरिकांनी समाधान व्यक्त केले.
तसेच अखंड हिंदुस्थानचे आराध्य दैवत हिंदवी स्वराज्याचे संस्थापक छत्रपती श्री शिवाजी महाराज यांचे बाणेर येथे नव्याने स्मारक उभारण्यात आले या स्मारकाचे अनावरण सोहळा संपन्न झाला , यावेळी स्वराज्य प्रतिष्ठान यांना बाबुराव चांदेरे सोशल फाऊंडेशनच्या वतीने ५ लाख रुपयांचा धनादेश देण्यात आला.
याप्रसंगी पिंपरी-चिंचवड राष्ट्रवादी महिला काँग्रेस पार्टीच्या अध्यक्षा कविता आल्हाट, नगरसेवक प्रमोद निम्हण, नगरसेविका रोहिणी चिमटे, शिला भालेराव, डॉ. सागर बालवडकर , मनोज बालवडकर यांच्यासह स्थानिक पदाधिकारी, कार्यकर्ते, युवक वर्ग आणि क्रिकेट प्रेमी नागरीक मोठ्या संख्येने उपस्थित होते. क्रिकेट स्पर्धेचे आयोजन समीर बाबुराव चांदेरे, पुनम विशाल विधाते व कोथरूड विधानसभा मतदार संघाचे कार्याध्यक्ष नितीन कळमकर यांनी केले आहे .
बाणेर आणि वारजेत होणार १००० कोटींची महापालिकेची रुग्णालये
: मल्टिस्पेशालिटी आणि कर्करोगाच्या रुग्णालयांच्या प्रस्तावाला मान्यता
पुणे : बाणेर येथे ७०० कोटी रुपयांचे कर्करोग रुग्णालय आणि वारजे येथे ३५० कोटी रुपयांचे मल्टिस्पेशालिटी रुग्णालय उभारण्याच्या प्रस्तावाला स्थायी समितीने मान्यता दिली असल्याची माहिती अध्यक्ष हेमंत रासने यांनी आज पत्रकार परिषदेत दिली.
रासने म्हणाले, महापालिकेच्या अंदाजपत्रकात कॅन्सर रुग्णालय आणि मल्टिस्पेशालिटी रुग्णालय उभारण्याचे प्रस्तावित करण्यात आले होते. खासगी संस्थांच्या सहकार्यातून ही दोन रुग्णालये डिझाइन-बिल्ट-फायनान्स-ऑपरेट-ट्रान्सफर (डीबीएफओटी) तत्वावर उभारण्यात येणार आहेत. त्यानुसार आज स्थायी समितीत प्रस्तावाला मान्यता देण्यात आली.
रासने म्हणाले, वारजे येथे सध्याच्या प्रभाग क्रमांक ३० मध्ये मल्टिस्पेशालिटी रुग्णालयासाठी आर सेव्हन अंतर्गत जागा आरक्षित करण्यात आली आहे. या ठिकाणी १० हजार ५६४ चौरस मीटर इतकी जागा उपलब्ध आहे. डीबीएफओटी तत्वावर हे रुग्णालय संबंधित संस्थेला तीस वर्षांसाठी चालविण्यासाठी देण्यात येणार आहे. संबंधित संस्था रुग्णालय उभारणे आणि त्यासाठी आवश्यक मनुष्यबळ पुरविण्यासाठी निधी पुरविणार आहे. या ठिकाणचे काही बेड मोफत, काही बेड सीजीएचएस दराने आणि काही बेड खासगी दराने उपलब्ध करून दिले जाणार आहेत. त्यातून महापालिका उत्पन्नही मिळणार आहे. प्रकल्पासाठी निविदाधारकाला कर्ज घेता येणार आहे. या कर्जाची परतफेड करण्याची हमी महापालिका संबंधित वित्त संस्थेला देणार आहे. या रुग्णालयाच्या उभारणीसाठी तीन वर्षांचा कालावधी लागणार आहे.
रासने पुढे म्हणाले, मुंबईतील टाटा रुग्णालयाच्या धर्तीवर कर्करोग या आजारावर उपचार करणारे एकही स्वतंत्र रुग्णालय पुणे शहर किंवा पश्चिम महाराष्ट्रातील पाच जिल्ह्यांमध्ये नाही. कर्करोगाच्या रुग्णांची वाढती संख्या लक्षात घेता अशाप्रकारचे रुग्णालय उभारणे आवश्यक आहे. सध्या देशात एक लाख लोकसंख्येमागे ९० कर्करोगाचे रुग्ण आहेत. या आजारावरील उपचार खूपच खर्चिक आणि दीर्घकालीन असतात. सर्वसामान्य गरीब नागरिकांना हा खर्च परवडत नाही. महापालिकेतर्फे अत्याधुनिक कर्करोग रुग्णालय उभे केल्यास नागरिकांना त्याचा फायदा होणार आहे. प्लॅन, डिझाइन, बिल्ट, इक्विप, फायनान्स (पीडीबीआईएफ) या तत्वावर खासगी संस्थेमार्फत या रुग्णालयाची उभारणी करण्यात येणार आहे. संबंधित संस्था कर्ज घेऊ शकते. महापालिका या कर्जफेडीची हमी घेणार आहे. कर्करोग रुग्णालयासाठी बाणेर परिसरात जागा उपलब्ध आहे. या प्रकल्पासाठी ७०० कोटी रुपयांचा निधी आवश्यक आहे.
बाणेर येथील वाहतूक कोंडी लवकरच सुटणार
युवा नेते समीर चांदेरे यांनी व्यक्त केला विश्वास
पुणे : बाणेर – बालेवाडी या परिसराचा नियोजनबद्ध विकास झाल्यामुळे या परिसरात मोठ्या संख्येने नागरिक, उद्योजक, व्यावसायिक वास्तव्यास आहेत. अनेक नागरिक व्यवसाय निमित्त, नोकरी निमित्त ये – जा करतात त्यामुळे वाहनांच्या वाढत्या संख्येमुळे रहदारी मोठ्याप्रमाणात वाढत आहे. त्यामुळेच बाणेर भागात दिवसेंदिवस वाहतूक कोंडीत वाढ होताना दिसत आहे. यावर युवा नेते समीर चांदेरे यांनी पोलिसांना काही उपाय सुचवले आहेत. त्यामुळे बाणेर मधील वाहतूक कोंडी लवकर सुटेल, असा विश्वास चांदेरे यांनी व्यक्त केला.
बाणेर येथील पॅनकार्ड क्लब रोड आणि श्रॉफ रोड ह्या रोड वर दुहेरी वाहतूक असल्यामुळे त्याचा नागरिकांना मोठा मनस्ताप सहन करावा लागत आहे . हा प्रश्न मार्गी लावण्यासाठी या दोन्ही रस्त्यांवर एकेरी वाहतूक केली तर हा प्रश्न मार्गी लागू शकतो यासंदर्भात नगरसेवक बाबुराव चांदेरे यांनी चतृशृंगी वाहतूक विभागाचे सहाय्यक पोलीस निरीक्षक मोहन जाधव आणि सहाय्यक पोलिस उपनिरीक्षक पुरुषोत्तम देवकर यांच्यासोबत चर्चा करून यावर तातडीने मार्ग काढावेत अशी मागणी केल्यामुळे युवा नेते समीर चांदेरे , विशाल विधाते , अमोल भोरे , सिद्धराम कलशेट्टी आणि पोलीस अधिकारी यांनी प्रत्यक्ष जागेवर जाऊन पाहणी करून त्यावर सविस्तर चर्चा केली , याबाबत बारकाईने पाहणी करून सकारात्मक निर्णय घेण्याचे आश्वासन यावेळी पोलीस अधिकारी यांनी दिले .
बाणेरच्या मुख्य रस्त्यावर जाण्यासाठी श्रॉफ रोडचा तर मुख्य रस्त्याकडून येण्यासाठी पॅन कार्ड क्लब रोडचा एकेरी वापर करण्यास यावेळी पोलिस अधिकाऱ्यांना सुचवले , दोन्ही रस्त्यांवर एकेरी वाहतूक सुरु झाल्यास बाणेरची वाहतुक कोंडीतून सुटका होईल आणि नागरिकांचाही त्रास वाचेल, असा विश्वास यावेळी युवा नेते समीर चांदेरे यांनी व्यक्त केला .