पाटबंधारे विभागाचा पुणे महापालिकेबाबत अजब न्याय
: आळंदी नगरपरिषदेने पाणी पट्टी भरली नाही म्हणून पुणे महापालिकेला इशारा
: आळंदी नगर परिषदेला काय म्हणते पाटबंधारे?
आळंदी नगर परिषद, आळंदी क्षेत्रासाठी इंद्रायणी नदीवरील चिंबळी बंधाऱ्याच्या खालील बाजूस घरगुती कारणासाठी पाणी पुरवठा करण्यात येत होता. जुन्या अभिलेखांची पडताळणी केली असता इंद्रायणी नदीवरील नमूद ठिकाणापासून पाणी पुरवठा करणेसाठी कोणतीच मंजुरी घेतली नसलेबाबत आढळून आले होते. मंजुरी घेऊन पाणी वापर करणेबाबत प्रस्ताव दाखल करणेबाबत लेखी पत्रव्यवहार करण्यात आलेला आहे. तरी इंद्रायणी नदीतून होणारा उपसा पूर्णपणे बंद करण्यात आलेबाबत कळविलेले आहे. तसेच संजीवन समाधी सोहळा तसेच इतर आळंदी वारीनिमित्त आपणास पाणी लागणार आहे किंवा नाही याबाबतदेखील आळंदी परिषदे मार्फत स्पष्टता यावी. जर पाणी कोटा लागत असेल तर तो रीतसर जलसंपदा विभागाची मंजुरी घेऊन वापर करण्यात यावा अथवा आपणास गरज नसल्यास सदर पाणीकोटाबाबत भविष्यात कोणतीही गरज नाही असे ग्राह्य धरून इतर गरजू बिगर सिंचन ग्राहकास हा पाणी कोटा देणेत येईल. आपणास कोणत्याही कारणास्तव भविष्यात पाणीपुरवठा करण्यात येणार नाही, याची नोंद घ्यावी. माहे डिसेंबर २०२१ अखेर आपणाकडे २४,३७,८०३/- इतकी थकबाकी आढळून येत आहे. तरी सदरची थकबाकी भरणेबाबत आपल्या पालिकेकडून अनास्था आढळून येत आहे. थकबाकी भरणेबाबत आपणाकडून कोणतीही कार्यवाही होताना आढळून येत नाही. तरी तत्काळ सदरची थकबाकी भरून जलसंपदा विभागास सहकार्य करावे. अन्यथा वरील नमूद रकमेवर व्याजाची रक्कम वाढत राहील. तरी १५ दिवसांच्या आत सर्व थकबाकी भरून सहकार्य करावे. अन्यथा आपल्या आळंदी नगर परिषदेस जलसंपदा विभागा मार्फत होणारा सर्व पाणी पुरवठा खंडित करण्यात येईल.
: पुणे मनपाला काय आहे इशारा?
थकबाकीची रक्कम आपणाकडून वसूल करणेत येईल, याची नोंद घेणेत यावी. तसेच शाखाधिकारी, भामा आसखेड धरण शाखा, करंजविहीरे यांना देखील इशारा दिला आहे. आळंदी नगर परिषद यांची वरील नमूद थकबाकी असल्या कारणाने, जलसंपदा विभागाची पूर्ण पाणीपट्टीची रक्कम भरलेशिवाय पुणे महानगर पालिकेच्या योजनेतून त्यांना पाणी उचलण्यास परवानगी देणेत येऊ नये. अन्यथा त्यांची थकबाकीची रक्कम महानगरपालिकेकडून वसूल करणेबाबत विनंती आहे.