Tag: MLA sunil kamble

New Government | MLA Sunil Kamble | आमदार सुनील कांबळे यांना मंत्रिपद! | चंद्रकांत पाटील पुण्याचे पालकमंत्री 

Categories
Breaking News Political पुणे महाराष्ट्र

आमदार सुनील कांबळे यांना मंत्रिपद!

पुणे | उद्धव ठाकरे यांनी मुख्यमंत्री पदाचा राजीनामा दिल्याने भाजप एकनाथ शिंदे गटाला सोबत घेऊन सरकार बनवण्याच्या तयारीत आहे. लवकरच नवीन मंत्रिमंडळ अस्तित्वात येणार आहे. यामध्ये कॅंटोन्मेंट मतदारसंघाचे आमदार सुनील कांबळे यांना मंत्रिपद मिळू शकते, अशी शक्यता वर्तवली जात आहे. तर चंद्रकांत पाटील हे पुण्याचे पालकमंत्री होऊ शकतात, अशी चर्चा रंगली आहे.
आमदार सुनील कांबळे हे पुणे भाजपचे जुने नेते आहेत. तसेच त्यांनी नगरसेवक पदी निवडून येण्याचा देखील विक्रम केला आहे. आमदार होण्या अगोदर ते स्थायी समितीचे अध्यक्ष होते. कॅंटोन्मेंट मध्ये आपल्या कामामुळे नेहमी निवडून येतात. खास करून मागासवर्गीय समाजात त्यांना मानणारा वर्ग आहे. याचाच फायदा कांबळे यांना नवीन मंत्रिमंडळात होऊ शकतो, अशी शक्यता वर्तवली जात आहे. कारण भाजपच्या आमदारांमध्ये मागासवर्गीय आमदार कमी आहेत. कांबळे आणि उमरखेड चे नामदेव ससाणे ही ती नावे आहेत. त्यामुळे पुणे जिल्ह्याला जर पद द्यायचे असेल आणि मागासवर्गीय समाजाचा प्रतिनिधी म्हणून सुनील कांबळे यांना सामाजिक न्याय मंत्री पद दिले जाऊ शकते. असा कयास व्यक्त केला जात आहे. दिलीप कांबळे यांना देखील हे पद देण्यात आले होते. त्यावेळी गिरीश बापट हे पुण्याचे पालकमंत्री होते. त्यामुळे पुणे परिसरातून तशी मागणी देखील होत आहे.

चंद्रकांत पाटील पुण्याचे पालकमंत्री

मात्र दुसरीकडे अशीही चर्चा आहे कि चंद्रकांत पाटील हे पुण्याचे पालकमंत्री होऊ शकतात. त्यांनाही मंत्रिमंडळात स्थान दिले जाऊ शकते. त्यामुळे पुणे शहरातील या दोन आमदारापैकी कुणाला मंत्री पद मिळणार आणि कुणाला पुण्याचा पालकमंत्री करणार याकडे लक्ष लागले आहे. कारण पुण्याकडे सर्वांचे लक्ष असते. आता आगामी काळात महापालिका निवडणूका येऊ पाहताहेत. त्यामुळे पुणे आणि पिंपरी महापालिकेवर सत्ता प्रस्थापित करण्यासाठी पालकमंत्र्यांची भूमिका महत्वपूर्ण ठरणार आहे.

Chitra Wagh : महिला अत्याचारा वरून चित्रा वाघ यांचा ठाकरे सरकार वर निशाणा!

Categories
Political social पुणे महाराष्ट्र

महिला अत्याचारा वरून चित्रा वाघ यांचा ठाकरे सरकार वर निशाणा

पुणे : महाराष्ट्रातील ठाकरे सरकार अत्यंत अहंकारी, खुनशी व मुख्यतः महिलांवर अत्याचार करणाऱ्यांना पाठीशी घालणारे व वेळ प्रसंगी त्यांचे समर्थन करणारे हे विकृत सरकार आहे, अशी घणाघाती टीका भारतीय जनता पार्टी प्रदेश उपाध्यक्ष चित्रा वाघ यांनी केली.

पुणे कॅन्टोन्मेंट मतदार संघाने आयोजित केलेल्या विराट महिला महिला मेळाव्यामध्ये त्या बोलत होत्या. यावेळी कॅंटोनमेंट मतदारसंघाचे आमदार सुनीलभाऊ कांबळे, माजी. मंत्री. दिलीप कांबळे, मा.आमदार  .जगदिश मुळीक, पुणे शहर महिला मोर्चा अध्यक्ष अर्चना पाटील, प्रीती सुनिल कांबळे, पुणे शहर उपाध्यक्ष डॉ. श्रीपाद ढेकणे, शहर चिटणीस कोमलताई शेंडकर,.माधुरीताई गिरमकर, सुर्वर्णा भरेकर,  उज्वला गौड, महिला मोर्चाच्या अध्यक्षा. दिप्तिताई पाटोळे, महेशजी पुंडें अध्यक्ष कॅ.म.संघ, मा.नगरसेवक धनराजभाऊ घोगरे मा.नगरसेवक उमेशभाऊ गायकवाड
मा.नगरसेवक  दिलिप भाऊ गिरमकर  सचिनभाऊ मथुरावाला,उपाध्यक्ष पुणे कॅ.बोर्ड., कालिंदातासौ.लक्ष्मीकाकु घोडके, सुधिर जानजोत नगरसेवक सर्व आघाडीचे व पदाधिकारी मोठ्या संख्येने उपस्थित होते.

या मेळाव्यात महिला अत्याचाराची विविध उदाहरणे प्रस्तुत करत ठाकरे सरकार हे महिलांना असुरक्षित करते आहे असे प्रतिपादन चित्रा वाघ यांनी केले. शिवसेना नेत्यावर बलात्काराचा आरोप होऊनही संपूर्ण पोलिस खाते त्याच्या समर्थनार्थ काम करत आहे. तसेच वडगाव शेरी येथील शाळेत मुली वरती झालेल्या चाकू हल्ल्यात शाळेची कोणतीच जबाबदारी नाही का? असा सवालही त्यांनी यावेळी उपस्थित केला. त्याच वेळेस सरकारची आरती ओवाळणाऱ्या पोलीस खात्यात अनेक प्रामाणिक व कर्तव्यदक्ष अधिकारी आहेत त्यांच्यामागे समाजाने व भारतीय जनता पार्टी महिला मोर्चाने सक्षमपणे उभे राहावे, असे आवाहन त्यांनी यावेळी केले.

आंतरराष्ट्रीय महिला दिनाच्या निमित्ताने कॅन्टोन्मेंट मतदारसंघात महिला मेळाव्याचे आयोजन करण्यात आले होते. यावेळी स्वर्गीय सुषमा स्वराज्य यांच्या स्मृतिप्रीत्यर्थ विविध क्षेत्रात कार्यरत असलेल्या महिलांना विशेष पुरस्काराने सन्मानित करण्यात आले.

यावेळी महिलांना मार्गदर्शन करताना आमदार सुनील भाऊ कांबळे यांनी भारतीय जनता पार्टी ही सामान्य माणसाची आणि कार्यकर्त्यांची पार्टी आहे. तिची ओळख कोणी एका नेत्याच्या नावामुळे नाही तर कार्यकर्त्यांमुळे होते. त्यामुळेच कार्यकर्त्यांनी महिला सक्षमीकरणाला आपल्या घरातून सुरुवात करावी असे आव्हान केले.

या कार्यक्रमाचे संपूर्ण आयोजन महिलांनी करून तळागाळातल्या महिलांपासून उच्चशिक्षित महिलांना या मेळाव्यात त्यांनी प्रयत्नपूर्वक उपस्थित केले आहे त्याबद्दल सर्व पदाधिकाऱ्यांचे विशेष अभिनंदन आमदार सुनील भाऊंनी केले.

यावेळी दलित इंडस्ट्रियल चेंबर ऑफ कॉमर्स अँड इंडस्ट्रीज महिला आघाडीच्या प्रमुख महिला उद्योजक निर्माण होण्यासाठी कार्यरत असलेल्या सीमा कांबळे यांनीही मार्गदर्शन केले. भारतीय जनता पार्टी रा.स्व. संघाच्या विचारधारेनेच चालत असून महिलांना सन्मानपूर्वक वागणूक देण्याचे परंपरा या पक्षात आहे, असे प्रतिपादन त्यांनी केले. महिला आरक्षण नसताना भारतीय जनता पार्टीमध्ये विजयाराजे सिंधिया, सुषमा स्वराज, सुमित्रा महाजन, उमा भारती इत्यादी महिलांनी आपले कर्तृत्व दाखवले आहे, याचे स्मरण त्यांनी यावेळी केले.

या कार्यक्रमात कर्तृत्ववान भारतीय महिलांना वैशिष्ट्यपूर्ण आदरांजली वाहण्यात आली. भारतातील कर्तृत्ववान महिलांच्या प्रतिमा घेऊन एकेक कार्यकर्ते व्यासपीठावरती येत होती आणि त्यांना सर्वांनी एकत्रित अभिवादन केले.

अत्यंत उत्साहाने संपन्न झालेल्या या मेळाव्यास हजारो महिला सहभागी झाल्या होत्या. यावेळी माननीय पंतप्रधान नरेंद्र मोदी यांनी महिलांसाठी निश्चित केलेल्या योजनांची माहिती व त्याचा लाभ कसा घ्यायचा याबाबतही प्रदर्शनी लावण्यात आली होती. या कार्यक्रमांमध्ये छोट्या आनंदी बोराडेने सादर केलेला जिजाऊंच्या कथेला उस्फूर्त प्रतिसाद मिळाला. गणेश वंदनेने आरंभ झालेल्या या कार्यक्रमात सर्वत्र महिलांचा अत्यंत उत्साहाने वावरत होता. या महिला मेळाव्याच्या निमित्ताने विविध मान्यवर, डॉ.उषा तपासे मॅडम,(सरदार वल्लभभाई पटेल रुग्णालय), मिनल विक्रम रुपारेल (समाजसेविका),तेजा कांबळे(महिला बचतगट संघटक)वंदना विलास दवे(लघु उद्योजिका), अंबिका मांगिलाल शर्मा (जेष्ठ समाजसेविका), वंदना पराडकर(प्राणी मित्र), डॉ इरेन जुडा (आर्मी डॉक्टर) डॉ दिप्ती भास्कर बच्छाव, मनिषा शिंदे, कोमल एकनाथ शिंदे (राष्ट्रीय खेळाडू)अन्य महिलांनी केलेल्या वैशिष्ट्यपूर्ण कार्याबद्दल त्यांना सुषमा स्वराज पुरस्काराने गौरवण्यात आले.हा कार्यक्रम यशस्वी करण्यासाठी नगरसेवक नगरसेविका व पदाधिकाऱ्यांनी विशेष परिश्रम घेतले.

MLA Sunil Kamble’s work report : Chandrakant Patil : आमदार सुनील कांबळे यांच्या नेतृत्वाखाली पुणे कॅन्टोनमेंट मतदारसंघ हा मजबूत बालेकिल्ला

Categories
Breaking News Political पुणे

आमदार सुनील कांबळे यांच्या नेतृत्वाखाली पुणे कॅन्टोनमेंट मतदारसंघ हा मजबूत बालेकिल्ला

: पुणे कॅन्टोन्मेंटमध्ये या महानगरपालिका निवडणुकीत चमत्कार घडेल – चंद्रकांत  पाटील

पुणे : “भारतीय जनता पार्टी पुणे कॅन्टोनमेंट मतदारसंघ (Pune cantonment constituency) हा मजबूत बालेकिल्ला आमदार सुनील कांबळे (MLA Sunil Kamble) यांच्या नेतृत्वाखाली बनतो आहे,.  येत्या महानगरपालिका निवडणुकीत (PMC election) या मतदारसंघात भारतीय जनता पार्टी शंभर टक्के यश मिळवेल असा विश्वास भाजपा प्रदेशाध्यक्ष आमदार चंद्रकांतदादा पाटील (Chandrakant Patil) यांनी आज व्यक्त केला.

आमदार सुनील कांबळे यांच्या कार्य अहवालाचे उद्घाटन व भारतीय जनता पार्टीचे कॅन्टोन्मेंट मतदार संघातील बुथ केंद्र प्रमुख व शक्ती केंद्र प्रमुखांचा निवडणूक पूर्वतयारीचा मेळावा आयोजित करण्यात आला होता. या मेळाव्यात  पाटील बोलत होते. यावेळी व्यासपीठावर आमदार सुनील कांबळे, शहर उपाध्यक्ष डॉक्टर श्रीपाद ढेकणे, मंडल अध्यक्ष महेश मुंडे, कुलदीप साळवेकर नगरसेवक पदाधिकारी व कार्यकर्ते मोठ्या संख्येने उपस्थित होते.

यावेळी बोलताना चंद्रकांत पाटील यांनी राष्ट्रवादी काँग्रेसने गेल्या पन्नास वर्षात पुण्याच्या विकासासाठी केलेल्या कामांची चर्चा व भारतीय जनता पार्टीने गेल्या पाच वर्षात केलेल्या कामांची चर्चा खुलेपणाने करण्याचे आव्हान राष्ट्रवादी काँग्रेसला दिले. पुणे शहराचा चेहरामोहरा बदलण्यात भारतीय जनता पार्टी अग्रेसर राहिली. त्याच प्रमाणे कॅन्टोन्मेंट मतदार संघ आणि भारतीय जनता पार्टीचा बालेकिल्ला बनला आहे. हा बालेकिल्ला बनवण्यात आपल्या सर्व कार्यकर्त्यांचा सहभाग आहे, असा विश्वास त्यांनी दिला.

आज झालेल्या कोरेगाव पार्क येथील मेळाव्यात  पाटील उपस्थित होते.  पंतप्रधान नरेंद्रजी मोदी यांच्या मन की बात कार्यक्रमाचे सुरुवातीला आयोजन करण्यात आले होते. या मन की बात कार्यक्रमाचा कार्यकर्त्यांच्या समवेत दादांनीही लाभ घेतला. यावेळी पंतप्रधान नरेंद्र मोदी यांच्या विविध योजना याची माहिती देणारे प्रदर्शनी कार्यकर्त्यांसाठी लावण्यात आली होती.

यावेळी बोलताना पुणे शहर उपाध्यक्ष व प्रवक्ते डॉक्टर श्रीपाद ढेकणे यांनी बुथ प्रमुख आणि शक्ती केंद्रप्रमुख हीच पार्टीची खरी संपत्ती आहे आणि यात संपत्तीच्या आधारावर भारतीय जनता पार्टी पुण्याचा चेहरामोहरा बदलेल असा विश्वास व्यक्त केला.

येत्या निवडणुकीत कमळ कॅन्टोन्मेंट मध्ये फुलवू  : आमदार सुनील कांबळे

माझा कार्य अहवाल हा भारतीय जनता पार्टीच्या परंपरेला साजेसा व सामान्य माणसाला केंद्रित ठेवून केलेल्या कामाचा लेखाजोखा आहे, असे मनोगत यावेळी आमदार सुनील कांबळे यांनी केले. भारतीय जनता पार्टी ही जगातली एकमेव व्यक्तीच्या नाहीतर कार्यकर्त्यांच्या आधारे ओळखली जाणारी पार्टी आहे आणि तिला बळकट करण्याची जबाबदारी ही आपणास सर्व कार्यकर्त्यांची आहे. येत्या निवडणुकीत सामान्य माणसाच्या हितासाठी भारतीय जनता पार्टीचे कमळ कॅन्टोन्मेंट मध्ये फुलवू या, असे आवाहन त्यांनी केले.

यावेळी ज्येष्ठ नागरिक संघाची कन्टोनमेंट मतदार संघाची कार्यकारिणी घोषित करण्यात आली आगामी काळात कॅन्टोन्मेंट मतदारसंघांमध्ये होणाऱ्या महिला मेळावा, युवक मेळावा व विविध कार्यक्रमांची माहिती या वेळी देण्यात आली.

मंडल अध्यक्ष महेश पुंडे यांनी पंतप्रधान मोदींच्या कार्यक्रमास मोठ्या संख्येने पदाधिकाऱ्यांनी उपस्थित राहण्याचे आवाहन केले.

यावेळी नगरसेवक उमेश गायकवाड, लताताई धायरकर, मंगलाताई मंत्री, अर्चना पाटील, मनीषा लडकत, कालिंदाताई पुंडे, धनराज घोगरे, दिलीप गिरमकर जेष्ठ पदाधिकारी पोपटराव गायकवाड, पिल्ले आण्णा यावेळी उपस्थित होते