Tag: PMC primary school

PMC Teachers | पुणे महापालिकेचे ९३ रजा मुदत शिक्षक वाढीव वेतनश्रेणीसह सेवेत कायम

Categories
Breaking News Education PMC Political पुणे

PMC Teachers | पुणे महापालिकेचे ९३ रजा मुदत शिक्षक वाढीव वेतनश्रेणीसह  सेवेत कायम

| नामदार चंद्रकांतदादा पाटील यांचा यशस्वी पाठपुरावा

PMC Teachers | राज्याचे उच्च व तंत्रशिक्षण वस्त्रोद्योग आणि संसदीय कार्य मंत्री चंद्रकांतदादा पाटील (Chandrakant Patil) यांच्या सातत्यपूर्ण पाठपुराव्यामुळे पुणे महापालिकेच्या प्राथमिक शाळेतील (PMC Pune Primary School) ९३ रजा मुदत शिक्षकांना वाढीव वेतनश्रेणीसह सेवेत कायम करण्याचा निर्णय आज मुख्यमंत्री एकनाथ शिंदे (CM Eknath Shinde) यांनी घेतल्याने या शिक्षकांचा दिवाळीचा आनंद यंदा द्विगुणित झाला आहे. (Pune Municipal Corporation)
पुणे महापालिकेच्या (PMC Pune) प्राथमिक शाळेतील मानधन तत्वावरील ९३ रजा मुदत शिक्षकांना वेतनश्रेणी सह सेवेत कायम करण्याचा निर्णय उच्च न्यायालयाने फेब्रुवारी २०२३ मध्ये दिला होता. सदर निर्णयाची अंमलबजावणी न झाल्याने सर्वही ९३ रजा मुदत शिक्षकांनी आंदोलनाचा पवित्रा घेऊन महापालिकेच्या विरोधात निदर्शने केली होती. त्यावेळी राज्याचे उच्च व तंत्रशिक्षण मंत्री आणि पुणे जिल्ह्याचे तत्कालीन पालकमंत्री चंद्रकांतदादा पाटील यांनी मध्यस्थी करत, सर्व शिक्षकांना न्याय देण्याचे आश्वास्त केले होते.
यानंतर मनपा आयुक्त विक्रम कुमार यांच्याशी चर्चा करुन वेतनश्रेणी लागू करण्याच्या सूचना दिल्या होत्या. नामदार चंद्रकांतदादा पाटील यांच्या सूचनेनुसार महापालिकेने नुकतेच परिपत्रक प्रसिद्ध करुन सर्व ९३ रजा मुदत शिक्षकांना सहा हजारावरुन १६ हजार वेतनश्रेणी दिली होती. तसेच, वित्त विभागाला ही अंमलबजावणीचे आदेश दिले होते.
या सर्व ९३ रजा मुदत शिक्षकांना सेवेत कायमस्वरूपी करण्यासाठी मंत्री श्री. पाटील यांनी मंत्रालय स्तरावर पाठपुरावा केला. त्यासाठी उच्च न्यायालयाच्या निर्णयासंदर्भात राज्याचे महाधिवक्ता सराफ, नगरविकास विभागाचे सचिव यांच्याशी चर्चा करुन, उच्च न्यायालयाच्या निर्णयाची अंमलबजावणी व्हावी यासाठी आग्रही भूमिका मांडली होती.
श्री. पाटील यांच्या भूमिकेला सकारात्मक प्रतिसाद देत नगरविकास विभागानेही सर्व ९३ रजा मुदत शिक्षकांना सेवेत कायम करण्यासाठी सहमती दर्शवली होती. मुख्यमंत्री एकनाथ शिंदे यांनी शिक्षण सेवकांचे हित लक्षात घेऊन सदर निर्णयाच्या अंमलबजावणीसाठीच्या प्रस्तावावर आज स्वाक्षरी केल्याने शिक्षकांचा यंदाचा दिवाळीचा आनंद द्विगुणित झाला आहे.

PMC Éducation Department | महापालिकेच्या ९३ रजा मुदत शिक्षकांची दिवाळी होणार गोड! | शिक्षण सेवकांचे मानधन वाढीचे परिपत्रक महापालिकेकडून जारी

Categories
Breaking News Education PMC Political पुणे

PMC Éducation Department | महापालिकेच्या ९३ रजा मुदत शिक्षकांची दिवाळी होणार गोड!

| शिक्षण सेवकांचे मानधन वाढीचे परिपत्रक महापालिकेकडून जारी

| शिक्षण सेवकांडून मंत्री चंद्रकांतदादा पाटील यांचे आभार

PMC Education Department | पुणे महापालिकेच्या प्राथमिक शाळेतील (PMC Primary School) ९३ शिक्षण सेवकांची यंदाची दिवाळी गोड होणार असून, राज्याचे उच्च व तंत्र शिक्षण मंत्री तथा पुणे जिल्ह्याचे तत्कालीन पालकमंत्री चंद्रकांतदादा पाटील (Chandrakant Patil) यांच्या आदेशानुसार सर्व ९३ रजा मुदत शिक्षकांचे मानधन सहा हजारावरुन १६ हजार करण्यात आला आहे. यासंदर्भातील परिपत्रक महापालिकेने (PMC Circular) काढले आहे. ऐन दिवाळीच्या मोक्यावर मानधनवाढीचे परिपत्रक काढण्यात आल्याने शिक्षण सेवकांनी आनंद व्यक्त केला असून मंत्री श्री. पाटील यांचे आभार मानले आहेत. (Pune Municipal Corporation)

पुणे महापालिकेच्या प्राथमिक शाळेत गेली १४ वर्षे मानधनावर काम करणाऱ्या ९३ शिक्षणसेवकांना उच्च न्यायालयाने शिक्षण सेवेत कायम करुन वेतनश्रेणी लागू करण्याचे आदेश फेब्रुवारी २०२३ मध्ये दिले होते. यासाठी न्यायालयाने सहा आठवड्यांची मुदत दिली होती. मात्र, महापालिकेच्या शिक्षण विभागाने या आदेशावर कार्यवाही केलेली नव्हती.त्यामुळे सर्व शिक्षण सेवकांनी जून २०२३ मध्ये आंदोलनाचा पवित्रा घेत महापालिकेच्या विरोधात निदर्शने केली होती. (PMC Pune News)

यावेळी जिल्ह्याचे तत्कालिन पालकमंत्री आणि राज्याचे उच्च व तंत्रशिक्षण मंत्री चंद्रकांतदादा पाटील यांनी मध्यस्थी करुन शिक्षण सेवकांना न्याय देण्याचे आश्वस्त केले होते. त्यांनी आयुक्त विक्रम कुमार यांच्याशी चर्चा करुन तत्काळ सर्व ९३ शिक्षण सेवकांना कायम करुन वेतन श्रेणी लागू करण्याच्या सूचना दिल्या होत्या.

त्यानुसार, महापालिकेने फेब्रुवारी २०२३ च्या शासन आदेशानुसार सर्व ९३ शिक्षण सेवकांना सहा हजारावरुन १६ हजार मानधन करण्याचा निर्णय घेतला असून त्याबाबतचे परिपत्रक आज जारी करण्यात आले. परिपत्रकाद्वारे वित्त विभागाला तातडीने वेतन आदा करण्याच्या सूचना देण्यात आल्या आहेत. त्यामुळे सर्व शिक्षणसेवकांनी आनंद व्यक्त केला असून, मंत्री श्री. पाटील यांना धन्यवाद दिले आहेत.

STEM Lab | PMC Pune | महापालिका शाळेचे विद्यार्थी विज्ञान, गणितात होणार ‘परफेक्ट’ 

Categories
Breaking News Education PMC पुणे

महापालिका शाळेचे विद्यार्थी विज्ञान, गणितात होणार ‘परफेक्ट’

| शाळांमध्ये तयार केली जाणार STEM इनोव्हेशन लॅब

पुणे | पुणे महापालिकेच्या (PMC Pune) प्राथमिक शाळेतील (Primary School) विद्यार्थ्यांना विज्ञान, तंत्रज्ञान, अभियांत्रिकी आणि गणित या विषयात प्राविण्य मिळवण्यासाठी महापालिकेकडून प्रयत्न केले जाणार आहेत. त्यासाठी महापालिका शाळांमध्ये STEM इनोव्हेशन लॅब तयार करणार आहे. यासाठी 11 लाख 80 हजारांचा खर्च येणार आहे. मध्यवर्ती भांडार विभागाच्या वतीने ही खरेदी केली जाणार आहे. याबाबतचा प्रस्ताव प्रशासनकडून स्थायी समिती समोर ठेवण्यात आला आहे. (PMC pune)
थिंकर प्लेस प्रा.लि यांनी प्रस्ताव सादर केलेला आहे. हा प्रस्ताव पोर्टेबल इंटिग्रेटेड STEM (विज्ञान, तंत्रज्ञान, अभियांत्रिकी आणि गणित) लॅबसाठीचा आहे. STEM इनोव्हेशन लॅब NEP (नविन शैक्षणिक धोरण २०२०) अटल टिंकरिंग लॅब, मेक इन इंडिया, NIEPP आणि इतर अनेक सरकारी धोरणावर आधारित आहे. स्टेम इन्होवेशन लॅबचा समावेश शालेय विदयार्थ्यांना त्यांच्या प्रचलित अभ्यासक्रमातील मुलभूत संकल्पना समजून घेण्यासाठी फायदेशीर आहे. यामध्ये २४ शिक्षक संच, २४० विदयार्थी किट, १७ प्रकारची विदयार्थी, शिक्षक उपयोगी साधने, १ प्रोजेक्टर आणि १ स्क्रीन, विदयार्थ्यांना त्यांच्या स्वतःच्या वैयक्तिक डॅशबोर्डवर १ वर्षाच्या वैधतेसह प्रवेश, विदयार्थी ऑनलाईन लर्निंग मॅनेजमेंट सिस्टीमव्दारे ई लर्निंग प्रणालीचा वापर करू शकतील.  ज्यामध्ये व्हिडीओसह निर्देशात्मक आणि कोडींग मॅन्युअल समाविष्ट आहेत, अंतर्निहित प्रश्न आणि उत्तर सत्राव्दारे पोस्ट – साप्ताहिक मूल्यांकन, साप्ताहिक क्रियाकलाप ट्रॅकिंग आणि प्रगती अहवाल, विदयार्थी प्रति किट, प्रति विदयार्थी २० तास एलएमएस प्रवेश व्हिडीओसह निर्देशात्मक आणि कोडींग मॅन्युअलचा अभ्यास करू शकतील. जे त्यांच्या स्टेम किटशी निगडीत असेल, मुलभूत विज्ञान किट
(भौतिकशास्त्र, रसायनशास्त्र, जीवशास्त्र), इलेक्ट्रॉनिक्स किटस (सोल्डरिंग, ब्रेडबोर्ड) ऑटोमेशन लॅब, खगोलशास्त्र प्रयोगशाळा, रोबोटिक्स, भविष्यातील ट्रान्सपोर्ट इयत्यादी साहित्याचा समावेश यामध्ये आहे. (pune Municipal corporation)

 एका शाळेसाठीच्या लॅबकरिताचा असून त्यासाठी रक्कम रूपये ११,८०,०००/- इतका खर्च आवश्यक आहे. मध्यवर्ती भांडार विभागाकडून टेंडर च्या माध्यमातून ही खरेदी केली जाईल. (stem lab)

थिंकर प्लेसची स्टेम इन्होवेशन लॅब ही लॅब शालेय अभ्यासक्रमाचा विचार करून शास्त्र, तंत्रज्ञान, अभियांत्रिकी, गणित स्टेम आधारित शिक्षणासाठी विदयार्थ्यांना प्रवृत्त करते. तसेच आधुनिक तंत्रज्ञानाची अंमलबजावणी जसे की आयटी, रोबोटिक्स, शास्त्र शाखेतील विदया शाखा (रॉकेटस, ड्रोन्स,
सॅटेलाईटस) आणि औद्योगिक इंडस्ट्री ४.० यांचाही समावेश या प्रशिक्षणात अंतर्भूत केला आहे. त्यामुळे विदयार्थी वास्तविक जीवनातील समस्या पर्यावरणाला हानी न पोहोचवता सोडवू शकतील. स्टेम इन्होवेशन
लॅबचा समावेश शालेय विदयार्थ्यांना त्यांच्या प्रचलित अभ्यासक्रमातील मुलभूत संकल्पना समजून घेण्यासाठी फायदेशीर ठरेल.

(Science, Technology, Engineering, Maths)