Tag: PMPML bus

PMPML conductor | पीएमपीएमएल च्या निगडी डेपोतील वाहकाने एका शिफ्टमध्ये आणले विक्रमी उत्पन्न

Categories
Breaking News social पुणे

पीएमपीएमएल च्या निगडी डेपोतील वाहकाने एका शिफ्टमध्ये आणले विक्रमी उत्पन्न

पीएमपीएमएल च्या निगडी डेपोचे वाहक  सुखदेव बाजीराव जाधव यांनी एका शिफ्टमध्ये तिकीट विक्रीतून विक्रमी १९,८६८/- रूपये इतके उत्पन्न आणले. वाहक श्री. सुखदेव जाधव यांनी रविवार, दि. २२ जानेवारी २०२३ रोजी निगडी ते लोणावळा या मार्गावर विक्रमी उत्पन्न आणून उल्लेखनीय कामगिरी केली आहे. पीएमपीएमएल चे अध्यक्ष व व्यवस्थापकीय संचालक ओम प्रकाश बकोरिया, सहव्यवस्थापकीय संचालिका मा. प्रज्ञा पोतदार-पवार यांनी श्री. सुखदेव जाधव यांनी तिकीट विक्रीतून आणलेल्या विक्रमी उत्पन्नाबद्दल त्यांचे विशेष अभिनंदन केले.

वाहक सुखदेव जाधव हे पीएमपीएमएल मध्ये २००९ पासून कार्यरत आहेत. रविवार, दि. २२ जानेवारी २०२३ रोजी निगडी ते लोणावळा या मार्गावर (सकाळपाळीच्या) एका शिफ्टमध्ये तिकीट विक्रीतून विक्रमी १९,८६८/- रूपये इतके उत्पन्न परिवहन महामंडळास मिळवून दिले. तसेच रविवार, दि. ०१ जानेवारी २०२३ रोजी देखील श्री. सुखदेव बाजीराव जाधव यांनी एका शिफ्टमध्ये तिकीट विक्रीतून विक्रमी १९,१७१/- रूपये इतके उत्पन्न आणले होते.

रविवार, दि. २२ जानेवारी २०२३ रोजी निगडी ते लोणावळा मार्गावर पीएमपीएमएल च्या एकूण १२ बस धावत होत्या. यामध्ये ७ बसेस नियमित शेड्युलच्या व ५ बसेस जादा सोडण्यात आल्या होत्या. या १२ बसेसपैकी एका बसवर सुखदेव जाधव वाहक म्हणून काम करीत होते. त्यांनी त्यांच्या शिफ्टमध्ये बसच्या दोन फेऱ्या केल्या. त्यात त्यांनी १९,८६८/- रुपये इतके विक्रमी उत्पन्न तिकीट विक्रीतून जमा केले. निगडी लोणावळा मार्गावर रविवारी गर्दी असल्यामुळे जास्तीत जास्त प्रवाशांना घेऊन जाण्याचा प्रयत्न श्री. जाधव यांनी केला. त्यामुळेच विक्रमी उत्पन्न आणण्यात यश आल्याचे श्री. जाधव यांनी सांगितले.
———————————————

“पीएमपीएमएलचे वाहक श्री. सुखदेव जाधव यांनी एका शिफ्टमध्ये १९ हजार ८६८ रुपये इतके उत्पन्न परिवहन महामंडळास मिळवून दिले. एका शिफ्टमध्ये एका वाहकाने मिळवून दिलेले पीएमपीएमएलच्या इतिहासातील हे सर्वाधिक उत्पन्न आहे. सुखदेव जाधव यांच्या कामाचे करावे तेवढे कौतुक थोडेच आहे. पीएमपीएमएलचे अध्यक्ष मा. श्री. ओम प्रकाश बकोरिया यांनी उत्पन्न वाढविण्यासाठी उपाययोजना सुरू केल्या आहेत. सर्व वाहकांनी असाच प्रतिसाद दिल्यास पीएमपीएमएलच्या दैनंदिन
उत्पन्नात आणखी वाढ होईल.”

– सतिश गव्हाणे, चिफ ट्रान्सपोर्ट मॅनेजर (ऑपरेशन)

PMPML | गुन्हे दाखल करूनही पीएमपीच्या बस थांब्यावरील जाहिराती थांबेनात | पीएमपी घेणार आक्रमक पवित्रा

Categories
Breaking News पुणे

गुन्हे दाखल करूनही पीएमपीच्या बस थांब्यावरील जाहिराती थांबेनात

| पीएमपी घेणार आक्रमक पवित्रा

पुणे महानगर परिवहन महामंडळाकडून (PMPML) शहरात प्रवाशांच्या सोईसाठी उभारण्यात आलेले अनेक बस थांबे (Bus Stop) बेकायदा जाहिरातींनी (Illegal Advertisement) गजबजून गेले आहेत. त्यामुळे बस थांब्यांवर प्रवाशांना वेळापत्रक व मार्गाची माहिती मिळत नाही. तसेच, थांब्यांचे विद्रुपीकरण देखील होत आहे. याआधी अशा जाहिराती करणाऱ्यावर गुन्हे देखील दाखल करण्यात आले आहेत. तरी देखील जाहिराती थांबेनात. त्यामुळे पीएमपीने आता थांब्यांवर बेकायदा जाहिराती करणाऱ्यांवर कायदेशीर कारवाईचा इशारा दिला आहे. (PMPML Pune)

पुणे, पिंपरी-चिंचवड आणि ग्रामीण भागात पीएमपीकडून 1600 ते 1700 बसच्या माध्यमातून सेवा दिली जाते. बस थांब्यावरील शेडच्या ठिकाणी मार्गाची माहिती, वेळापत्रक लावले आहे. पण, अनेक जण वाढदिवसाच्या जाहिराती थांब्यांवर लावतात. तर, काही स्थानिक राजकीय व्यक्तींच्या जाहिराती बेकायदा थांब्यांवर लागल्या जातात. त्याबरोबर काही कंपन्या, संस्था पत्रके थांब्यांवर लावतात. यामुळे प्रवाशांच्या सोईसाठी थांब्यांवर लावलेली माहिती झाकाळली जाते. तसेच, बस थांब्यांचे विद्रुपीकरण होते. त्यामुळे अशा जाहिराती करणाऱ्यांवर पीएमपीबरोबरच पुणे व पिंपरी-चिंचवड महापालिकेकडून कारवाई केली जाते.

पीएमपीच्या थांब्यांवर अशा जाहिराती वाढू लागल्यामुळे आता पीएमपीने त्या लावणाऱ्यांवर कायदेशीर कारवाई करण्याचा इशारा दिला आहे. त्यामुळे नागरिकांनी पीएमपीच्या थांब्यांवर बेकायदा जाहिराती लावू नयेत, अशा जाहिराती लावणाऱ्यांवर महाराष्ट्र मालमत्ता विद्रुपीकरण प्रतिबंध अधिनियमनुसार कारवाई करण्याचा इशारा पीएमपीने दिला आहे.

PMPML in rural areas | ग्रामीण भागातील पीएमपीएमएलची बससेवा पुन्हा होणार पूर्ववत | सुप्रिया सुळे यांनी देखील केली होती मागणी

Categories
Breaking News Political social पुणे महाराष्ट्र

ग्रामीण भागातील पीएमपीएमएलची बससेवा पुन्हा होणार पूर्ववत

| पालकमंत्री चंद्रकांतदादा पाटील यांच्या पीएमपीएमएलचे अध्यक्ष ओमप्रकाश बकोरिया यांना सूचना

ग्रामीण भागातील विविध मार्गांवरील पीएमपीएमएलची बससेवा (PMPML Bus Sevice) पुन्हा पूर्ववत करण्याच्या सूचना पालकमंत्री चंद्रकांतदादा पाटील (Guardian Minister Chandrakant patil) यांनी पीएमपीएमएलचे अध्यक्ष ओमप्रकाश बकोरिया (PMPML CMD Omprakash Bakoriya) यांना दिल्या असून, त्यामुळे ग्रामीण भागातील (Rural Area) नागरिकांना यामुळे मोठा दिलासा मिळणार आहे.

कोरोना काळानंतर जनजीवन पूर्वपदावर येत असताना पीएमपीएमएल प्रशासनाने ग्रामीण भागातील नागरिकांसाठी ‌अनेक मार्गांवर आपली बससेवा सुरू केली होती. मात्र जनजीवन पूर्वपदावर आल्यानंतर महाराष्ट्र राज्य मार्ग परिवहन महामंडळाची बससेवादेखील सुरू झाली. त्यामुळे महामंडळाने पीएमपीएमएल प्रशासनाकडे पत्र लिहून सदर मार्गांवरील बससेवा बंद करण्याची विनंती केली होती.

महाराष्ट्र राज्य मार्ग परिवहन महामंडळाच्या पत्रानंतर ग्रामीण भागातील विविध मार्गांवरील बससेवा टप्प्याटप्प्याने बंद करण्याचा निर्णय पीएमपीएमएल प्रशासनाने घेतला होता. पत्राच्या अनुषंगाने नोव्हेंबर महिन्याच्या अखेरीस ११ मार्गांवरील बससेवा बंद करण्याचा निर्णय घेतला. तर डिसेंबर महिन्याच्या सुरुवातीला अजून १२ मार्गांवरील बससेवा बंद करण्याचा निर्णय घेतला.‌ पीएमपीएमएल प्रशासनाच्या या निर्णयाची टप्प्याटप्प्याने अंमलबजावणी करण्यात येत होती‌. मात्र, ग्रामीण भागातील पीएमपीएमएलची बससेवा सुरू ठेवण्याची मागणी नागरिकांकडून करण्यात येत होती.

पालकमंत्री चंद्रकांतदादा पाटील यांनी नागरिकांच्या समस्येची दखल घेऊन पीएमपीएमएलचे संचालक ओमप्रकाश बकोरिया यांना आज सदर भागातील बससेवा पूर्ववत करण्याच्या सूचना दिल्या आहेत. यामुळे ग्रामीण भागातील नागरिकांसाठी सुविधा होणार आहे.

| सुप्रिया सुळे यांनी देखील केली होती मागणी

पीएमपीएमएलने पुणे शहराच्या लगत असणाऱ्या व दौंड, मुळशी,पुरंदर, वेल्हा खडकवासल्याच्य ग्रामीण भागातील बससेवा बंद केली आहे. ती पुन्हा सुरु करणे गरजेचे आहे. याबाबत मी ट्विट देखील केले आहे. प्रत्येक गोष्टीत राजकारण आणू नये आणि शिक्षणातर अजिबातच राजकारण होता कामा नये. त्यामुळे माझी राज्य शासनाला विनंती आहे की, पीएमटीमधून लाखो मुले शिक्षणासाठी पुण्याला येतात. त्यामुळे ग्रामीण भागातील मुलांनाही तो अधिकार आहे कारण ते देखील राज्याचे देशाचे नागरिक आहेत. अगोदर ही बससेवा सुरु होती अजितदादा पालकमंत्री असताना आपण बससेवेत वाढ केली होती. त्यामुळे विद्यार्थी, नोकरदार, जेष्ठ नागरिक यांना त्याचा फायदा होत होता.पण आता पीएमटीने नवीन नियमावली केली आहे. त्याअंतर्गत ही सेवा बंद केली आहे.आपण पायाभूत सुविधा, रस्ते, मेट्रो यासाठी ज्याप्रमाणे निधी दिला जातो मग विद्यार्थ्यांच्या भवितव्यासाठी निधी का दिला जावू शकत नाही. शिवाय या पीएमटीचा खर्च खुप कमी आहे. त्यामुळे माझी ईडी सरकारला विनंती आहे की ग्रामीण भागातील बंद केलेली सेवा पुन्हा एकदा मुलांसाठी सुरू करावी कारण ती फार संघर्ष करुन शिकत असतात.त्यांचे नुकसान टाळण्यासाठी ही सेवा पुन्हा एकदा सुरु करावी. (MP Supriya Sule)

Alandi Yatra | आळंदी यात्रेनिमित्त पीएमपीएमएल कडून जादा बसेसचे नियोजन

Categories
Breaking News cultural पुणे महाराष्ट्र

आळंदी यात्रेनिमित्त पीएमपीएमएल कडून जादा बसेसचे नियोजन

कार्तिकी एकादशी व श्री. संत ज्ञानेश्वर महाराज यांच्या संजीवन समाधी सोहळ्या निमित्त श्री. क्षेत्र आळंदी,
यात्रेसाठी १७ ते २३ नोव्हेंबर या कालावधी करिता मार्गावरील ९७ व जादा २०३ सर्व मिळून ३०० बसेस देण्यात येत असून दिनांक १९ ते दिनांक २२/११/२०२२ या चार दिवसा करिता रात्रौ बससेवा गरजेनुसार देण्यात येणार आहे. यात्रेनिमित्ताने आळंदी गावातील सध्याचे बसस्थानक स्थलांतरीत करून ते काटेवस्ती येथून संचलन करण्यात येत आहे. अशी माहिती पीएमपी प्रशासनाच्या वतीने देण्यात आली.

यात्रेसाठी देण्यात येणाऱ्या रात्रौ १० वा. नंतर जादा बससेवेसाठी (नेहमीची बससेवा संपल्यानंतर) सध्याच्या तिकिट दरा पेक्षा रूपये ५/- जादा तिकिट दर आकारणी करण्यात येईल. तसेच, पुणे महानगर परिवहन महामंडळाकडून देण्यात येणाऱ्या एकदिवसीय, साप्ताहिक, मासिक, जेष्ठ नागरिक व इतर पासधारकास यात्राकालावधीत रात्रौ १० वा. नंतर जादा बससेवेसाठी पासचा वापर करून प्रवास करता येणार नाही.
उपरोक्त आळंदी यात्रेसाठी येणाऱ्या भाविकांच्या वाहतुकीच्या सोईसाठी जादा बससेवा देणे गरजेचे आहे. सदरची गरज ही महामंडळाकडील सध्याच्याच बसेसमधुन पूर्ण करणे भाग पडत आहे. यासाठी शहरातील बसमार्गावरील संचलनात असलेल्या बसेसमधूनच काही बसेस कमी करून गरज भागविण्यात येईल. त्याचप्रमाणे आळंदी मार्गावरील मार्ग क्रमांक २६४ भोसरी ते पाबळ व मार्ग क्रमांक २५७ आळंदी ते मरकळ हे मार्ग यात्रेच्या काळात संपूर्णत: बंद राहतील. तरी संबंधित मार्गावरील प्रवाशी नागरिकांनी पी.एम.पी.एम.एल. ला सहकार्य करावे असे आवाहन करण्यात येत आहे.

Sinhagadh Fort | PMP | पीएमपीच्या सिंहगडावरील बससेवेला तात्पुरती स्थगिती : पीएमपी प्रशासनाचा निर्णय

Categories
Breaking News social पुणे

पीएमपीच्या सिंहगडावरील बससेवेला तात्पुरती स्थगिती

: पीएमपी प्रशासनाचा निर्णय

सिंहगडावरील अरुंद रस्ता, त्यामुळे बसच्या अपघातांचा होणारा संभाव्य धोका लक्षात घेत, पीएमपी प्रशासनाने सिंहगडावरील ई-बससेवा तात्पुरती स्थगित केली आहे.

सिंहगडावरील पर्यावरण संवर्धन आणि वाहतूक कोंडी कमी करण्यासाठी वनविभाग आणि पीएमपी प्रशासन यांच्याकडून सिंहगडावर ई-बस सेवा सुरू करण्यात आली होती. मात्र, या सेवेला स्थानिकांचा प्रचंड विरोध होता. तसेच, दोन दिवसांपूर्वीच सिंहगडाच्या तीव्र उतारावरून वळण घेताना एक मोठा अपघात होता होता वाचला. त्यामुळे पीएमपी प्रशासनाने येथील ई बस सेवा काही कालावधीसाठी बंद करण्याचा निर्णय घेतला आहे.

सिंहगडावरील अरुंद रस्त्यामुळे अपघात होण्याची शक्यता आहे. त्यामुळे येथील रस्ता रुंदीकरण झाल्यानंतर येथे पुन्हा ई बससेवा सुरू करण्यात येईल. सिंहगड घाट रस्ता रुंदीकरण संदर्भात पीडब्ल्यूडी सोबत लवकरच आम्ही बैठक घेणार आहोत.

                     – लक्ष्मीनारायण मिश्रा, अध्यक्ष व व्यवस्थापकीय संचालक, पीएमपीएमएल

PMP Bus : कात्रज ते विंझर बसमार्गाचा विस्तार वेल्हे-किल्ले तोरणापर्यंत 

Categories
Breaking News Political social पुणे

कात्रज ते विंझर बसमार्गाचा विस्तार वेल्हे-किल्ले तोरणापर्यंत

: कात्रज ते सासवड (मार्गे गराडे) नवीन बसमार्ग सुरू !

पुणे : पीएमपीएमएलकडून आजपासून मार्ग क्रमांक २९६ कात्रज ते विंझर या बसमार्गाचा विस्तार वेल्हे-किल्ले तोरणापर्यंत करण्यात आला. तसेच मार्ग क्रमांक २०९ ब कात्रज ते सासवड (मार्गे गराडे) हा नवीन बसमार्ग सुरू करण्यात आला. या दोन्ही मार्गांच्या बसला महापौर मुरलीधर मोहोळ यांच्या हस्ते हिरवा झेंडा दाखवून सेवेचा शुभारंभ करण्यात आला.
कात्रज सर्पोद्यान स्थानक येथे या दोन्ही बससेवांचा शुभारंभ करण्यात आला. खडकवासला विधानसभा आमदार  भीमराव तापकीर, नगरसेविका राणीताई भोसले, नगरसेविका वर्षाताई तापकीर, नगरसेवक राजेंद्र शिळीमकर, माजी महापौर नगरसेवक दत्तात्रय धनकवडे, नगरसेवक प्रकाशशेठ कदम, नगरसेविका अमृताताई बाबर, नगरसेविका स्मिताताई कोंढरे, नगरसेवक   प्रसन्न जगताप, पीएमपीएमएलचे मुख्य वाहतूक व्यवस्थापक दत्तात्रय झेंडे यांच्यासह दोन्ही मार्गावरील ग्रामस्थांची उपस्थिती होती.
मार्ग क्रमांक २९६ – कात्रज ते वेल्हे-किल्ले तोरणा या बससेवेचा मार्ग कात्रज, खेड शिवापूर, नसरापूर, आंबवणे, विंझर, वेल्हे-किल्ले तोरणा असा असणार आहे. सध्या या मार्गावर ५ बसेसद्वारे साधारणपणे दर एका तासाने दिवसभरात एकूण ३२ फेऱ्या होणार आहेत.
मार्ग क्रमांक २०९ ब – कात्रज ते सासवड या बससेवेचा मार्ग कात्रज, येवलेवाडी, बोपदेव घाट, भिवरी, गराडे, कोडीत, सासवड असा असणार आहे. सध्या या मार्गावर १ बसद्वारे साधारणपणे अडीच तासाने दिवसभरात एकूण १२ फेऱ्या होणार आहेत.
गेल्या एक ते सव्वा वर्षात पुणे शहराला लागून असलेल्या तालुक्यांमधील विद्यार्थी, शेतकरी, नोकरदार यांच्या सोयीसाठी पीएमपीएमएलच्या माध्यमातून ३५ नवीन बसमार्ग सुरू करण्यात आले. यामुळे नवीन बसमार्गांवरील ३५० ते ४०० गावे पुणे शहराला जोडली गेली आहेत. ग्रामीण भागातील नागरिकांनी पीएमपीएमएलच्या बससेवेचा जास्तीत जास्त वापर करावा. मार्च महिन्यात पीएमपीएमएलच्या ताफ्यात नवीन १०० ई-बसेस दाखल होणार आहेत. पंतप्रधान मोदी यांच्या हस्ते ई-बसेसचे लोकार्पण होणार आहे.