Tag: pmpml pune

PMPML Contractor Strike | PMPML म्हणते संपाचा बससेवेवर परिणाम नाही

Categories
Breaking News social पुणे

PMPML Contractor Strike | PMPML म्हणते  संपाचा  बससेवेवर परिणाम नाही

PMPML Contractor Strike |२५ व २६ ऑगस्ट २०२३ रोजी ट्रॅव्हलटाईम या खासगी बस ठेकेदाराकडीलकोथरूड, पुणे स्टेशन व वाघोली डेपोतील इलेक्ट्रिक व सीएनजी बसेस वरील चालकांनीप्रशासनाला कोणतीही पूर्वकल्पना न देता आडमुठे धोरण स्वीकारून संप पुकारला आहे. तथापि ट्रॅव्हलटाईम या खासगी बस ठेकेदाराकडील चालकांनी पुकारलेल्या संपाचा Pmp च्या बससेवेवर कोणताही परिणाम होवू नये यासाठी प्रशासनानेमहामंडळाकडील चालक खासगी बसेसवरती नेमून प्रवाशांची गैरसोय होणार नाही याची खबरदारी  घेतली आहे. अशी माहिती पीएमपी प्रशासनाच्या वतीने देण्यात आली. (PMPML Contractor Strike) 

ट्रॅव्हलटाईम या खासगी बस ठेकेदाराकडील चालकांनी अचानक पुकारलेल्या संपामुळेनिर्माण झालेली परिस्थिती हाताळण्यासाठी पुणे महानगर परिवहन महामंडळाकडील सर्व अधिकारी, कार्यालयीन कर्मचारी, वाहक व चालक यांच्या असलेल्या साप्ताहिक सुट्ट्या रद्द करून पुणेकरांची गैरसोय होऊ नये म्हणून महामंडळाकडून नियमित मार्गस्थ होणारेजवळपास सर्व शेड्युल मार्गस्थ करण्यासाठी प्रयत्न करण्यात आले

खासगी बस ठेकेदाराकडील चालकांच्या संपामुळे पीएमपीएमएल च्या बससेवेवर फार परिणाम झाला नसल्याचे खालील तपशीलावरून दिसून येते.

अ.क्र.

दिनांक

मार्गावरील बसेसची संख्या

प्रवाशी संख्या

उत्पन्न

१

२४/०८/२०२३

१७०५

१३,४५,०९१

१,८८,९७,९२२

२

२५/०८/२०२३

१६०२

१३,००,७४९

१,७८,२४,२२०

परिवहन महामंडळाचे अध्यक्ष व व्यवस्थापकीय संचालक मा. श्री. सचिन्द्र प्रताप सिंहयांनी संपकाळात निर्माण झालेली परिस्थिती हाताळण्यासाठी परिश्रम घेणाऱ्या सर्वकर्मचाऱ्यांचे अभिनंदन केले. तसेच साप्ताहिक सुट्टी असताना देखील जे चालक, वाहक व वर्कशॉप कर्मचारी कामावर रुजू झाले त्या सर्व कर्मचाऱ्यांचे विशेष अभिनंदन केले.पीएमपीएमएल ची बससेवा ही अत्यावश्यक सेवा आहे व या बससेवेवर सर्व सामान्य नागरिक मोठ्या प्रमाणात अवलंबून आहेत. त्यामुळे ट्रॅव्हलटाईम या खासगी बसठेकेदाराकडील चालकांनी पुकारलेल्या संपामुळे निर्माण झालेली परिस्थिती हाताळून प्रवाशी सेवा सुरळीतपणे सुरु ठेवण्यासाठी पीएमपीएमएल कडून सर्वतोपरी प्रयत्न करण्यातयेत आहेत.

दरम्यान कोथरूड डेपोकडील ट्रॅव्हलटाईम च्या चालकांचा संप मिटला आहे. मात्रट्रॅव्हलटाईम या ठेकेदाराकडील पुणे स्टेशन व वाघोली डेपोतील चालकांनी संप मागे न घेतल्याने महाराष्ट्र अत्यावश्यक सेवा परिरक्षण अधिनियम २०२३ चे कलम २ चा खंड (क)चा उपखंड (एक) व (पाच) यासह कलम ४ चे पोट-कलम (१) मधील तरतुदीच्या अधीनराहून या कंत्राटी चालक कर्मचाऱ्यांच्या संपास दिनांक २६ ऑगस्ट २०२३ पासून मनाईकरण्यात आली आहे. त्याबाबतची अधिसूचना महाराष्ट्र शासनाकडून प्रसिध्द करण्यात आली आहे. असे पीएमपी कडून सांगण्यात आले.

News Title | PMPML Contractor Strike | PMPML says strike has no impact on bus services

PMPML Bus Live Location | PMPML बसचं गुगलवर दिसणार लाइव्ह लोकेशन

Categories
Breaking News social पुणे

PMPML Bus Live Location | PMPML बसचं  गुगलवर दिसणार लाइव्ह लोकेशन

PMPML Bus Live Location | पुणे महानगर परिवहन महामंडळाने (PMPML) प्रायोगिक तत्त्वावर २० बसमध्ये गुगल लाइव्ह (Google Live) यंत्रणा सुरू करण्याचा निर्णय घेतला आहे. त्याची चाचणी पुढील आठवड्यात सुरू केली जाणार असून, सप्टेंबर अखेरपर्यंत २० बसचे लाइव्ह लोकेशन प्रवाशांसाठी सुरू केले जाण्याची शक्यता आहे. त्यानंतर टप्प्या-टप्प्याने बसचे गुगलवर लाइव्ह लोकेशन (Google Live Location) कळणार आहे. (PMPML Bus Live Location)

पीएमपीच्या बसचे गुगलवर लाइव्ह लोकेशन दिसावे, यासाठी गेल्या काही महिन्यांपासून प्रयत्न सुरू होते. मात्र, तांत्रिक अडचणीमुळे ही सेवा सुरू होत नव्हती. पीएमपीचे अध्यक्ष सचिंद्र प्रताप सिंह यांनी पदभार घेतल्यानंतर बसचे गुगलवर लाइव्ह लोकेशन कळण्यासाठी दिसणारी सेवा सुरू करण्यासाठी पदाधिकारी व गुगलसोबत बैठक घेतली. तसेच, हे काम वेगाने करण्याच्या सूचना दिल्या. (PMP Bus) 

त्यानुसार गुरुवारी पीएमपी व गुगलचे अधिकारी, ठेकेदारांचे प्रतिनिधी यांची बैठक पार पडली. आतापर्यंत चार बस गुगलवर लाइव्ह लोकेशन यंत्रणा सुरू करण्यासाठी तयार झाल्या आहेत. येत्या काही दिवसात आणखी १६ बसमध्ये ही यंत्रणा बसवून सुरू करण्याच्या सूचना देण्यात आल्या आहेत. त्यानंतर २० बसमध्ये गुगल लाइव्ह यंत्रणेची चाचणी घेतली जाईल. सप्टेंबर अखेरपर्यंत २० बस प्रवाशांसाठी गुगलवर लाइव्ह दिसतील, अशा पद्धतीने काम केले जात आहे. त्यानंतर १०० बसच्या टप्प्याने त्यादेखील गुगलवर लाइव्ह दिसण्यासाठी काम केले जाणार आहे. (PMPML Pune) 

——-
News Title | PMPML Bus Live Location | Live location of PMPML bus will be visible on Google

PMPML Employees | पीएमपीएमएल च्या रेकॉर्ड खराब असलेल्या 36 कर्मचाऱ्यांवर निलंबनाची कारवाई | गैरहजर राहिलेल्या एकूण १४२ कर्मचाऱ्यांवर आरोपपत्र 

Categories
Breaking News पुणे

PMPML Employees | पीएमपीएमएल च्या रेकॉर्ड खराब असलेल्या 36 कर्मचाऱ्यांवर निलंबनाची कारवाई | गैरहजर राहिलेल्या एकूण १४२ कर्मचाऱ्यांवर आरोपपत्र

| २ ड्रायव्हर व वर्कशॉप विभागाकडील एका कर्मचाऱ्यावर बडतर्फीची कारवाई

PMPML Employees | पीएमपीएमएलच्या (PMPML) एकूण १५ डेपोंमध्ये कार्यरत असणाऱ्या कर्मचाऱ्यांपैकी ३६ कर्मचाऱ्यांवर त्यांचे मागील रेकॉर्ड खराब असल्याने निलंबनाची (Suspension) कारवाई करण्यात आली आहे. निलंबित कर्मचाऱ्यांमध्ये ३० कंडक्टर व ६ ड्रायव्हर्सचा समावेश आहे. तसेच कोणतीही पूर्वसूचना न देता २२/०७/२०२३ रोजी गैरहजर राहिलेल्या एकूण १४२ कर्मचाऱ्यांना आरोपपत्र देण्यात आले असून यामध्ये ७८ कंडक्टर व ६४ ड्रायव्हर्सचा समावेश आहे. याबरोबरच २ ड्रायव्हर व वर्कशॉप विभागाकडील एका कर्मचाऱ्यावर बडतर्फीची कारवाई करण्यात येणार आहे. अशी माहिती पीएमपी प्रशासनाच्या (PMPML Administration) वतीने देण्यात आली. (PMPML Employees)
पीएमपीएमएलच्या प्रवाशांना प्रवासीभिमुख सेवा मिळावी, प्रवाशांची गैरसोय होऊ नये, पीएमपीएमएलच्या ताफ्यातील जास्तीत जास्त बसेस मार्गावर संचलनात उपलब्ध व्हाव्यात, कामात कसून करणाऱ्या कर्मचाऱ्यांना शिस्त लागावी व कर्मचाऱ्यांच्या गैरहजेरीचे प्रमाणास आळा बसावा या दृष्टीने कर्मचाऱ्यांवर कारवाई करण्यात आली आहे. प्रवाशांना चोख व उत्तम सेवा मिळावी या उद्देशाने पीएमपीएमएलचे अध्यक्ष व व्यवस्थापकीय संचालक सचिन्द्र प्रताप सिंह (CMD Sachindra Pratap Singh) यांच्या संकल्पनेतून अभिनव उपक्रम सुरू करण्यात आले आहेत. यामध्ये प्रत्येक महिन्याच्या दुसऱ्या व चौथ्या शुक्रवारी प्रवासी दिन डेपोनिहाय पालक अधिकारी अशा उपक्रमांचा समावेश आहे. (PMPML Pune)
प्रत्येक महिन्याच्या दुसऱ्या व चौथ्या शुक्रवारी प्रवासी दिन हा उपक्रम सुरू करण्यात आला असून या उपक्रमांतर्गत प्रवाशी त्यांच्या अडी-अडचणी, तक्रारी, सूचना नजीकच्या डेपोमध्ये, पास केंद्रावर किंवा बसस्थानकांवर जाऊन नोंदवू शकतात. तसेच सर्व डेपोंसाठी डेपोनिहाय पालक अधिकारी नेमलेले असून हे पालक अधिकारी प्रत्येक शनिवारी पहाटे ५.०० ते सकाळी ८.०० वाजेपर्यंत डेपोमध्ये समक्ष पाहणी करून प्रवाशांना चांगली सेवा मिळावी यासाठी कर्मचाऱ्यांचे प्रबोधन करतात व त्यानंतर सकाळी ८.०० ते सकाळी ११.०० वाजेपर्यंत गर्दीच्या मार्गांवर स्वतः बसमध्ये प्रवास करून प्रवाशांशी संवाद साधतात. पीएमपीएमएलच्या प्रवाशांना उत्तम सेवा मिळावी यासाठी अभिनव उपक्रम राबविले जात आहेत. त्याचबरोबर प्रवाशांची गैरसोय होवू नये व त्यांना सौजन्यपूर्ण सेवा मिळावी या हेतूने कर्मचाऱ्यांवर कारवाई करण्यात आली आहे.

— 

News Title | PMPML Employees | Suspension action against 36 employees of PMPML with bad records Charge sheet against a total of 142 employees who were absent

PMPML Bus Shelters | पीएमपीएमएल प्रवाशांच्या सोयीसाठी ३०० बसशेल्टर्स लवकरच उभारणार

Categories
Breaking News social पुणे

PMPML Bus Shelters | पीएमपीएमएल प्रवाशांच्या सोयीसाठी ३०० बसशेल्टर्स लवकरच उभारणार

 

PMPML Bus Shelters | पुणे महानगर परिवहन महामंडळ लि. (PMPML) कडून निविदा प्रक्रियेद्वारे (Tender Process) लवकरच ३०० बस शेल्टर्स (Bus Shelters) उभारण्यात येणार आहेत. अशी माहिती पीएमपी प्रशासनाच्या वतीने देण्यात आली. (PMPML Bus Shelters)

सध्या प्रवाशांच्या सोयीसाठी साधे, पुणे पॅटर्न, स्टेनलेस स्टील व बी.आर.टी. बस शेल्टर्स असे एकूण मिळून ११३० आच्छादित बसशेल्टर्स आहेत.
तसेच ज्या ठिकाणी बसशेल्टर्स नाहीत अशा ठिकाणी बी.ओ.टी. तत्वावर बसशेल्टर्स उभारण्याच्या निविदा प्रक्रियेचे काम पूर्ण झाले असून नव्याने ३०० बसशेल्टर्स उभारण्यात येणार आहेत. त्यामुळे प्रवाशांचे ऊन, वारा, पाऊस यापासून संरक्षण होणार आहे. (PMPML Pune News)

News Title |PMPML Bus Shelters | PMPML will soon set up 300 bus shelters for the convenience of passengers

PMPML Reward Scheme | पीएमपीएमएल आपल्या प्रवाशांना देणार शंभर रुपयांचे बक्षीस | योजना जाणून घ्या सविस्तर 

Categories
Breaking News social पुणे

PMPML Reward Scheme |पीएमपीएमएल आपल्या प्रवाशांना देणार शंभर रुपयांचे बक्षीस | योजना जाणून घ्या सविस्तर

|  बेशिस्त ड्रायव्हर व कंडक्टरची पुराव्यासह तक्रार करणाऱ्या प्रवाशांना मिळणार शंभर रुपये बक्षीस

|  बेशिस्त ड्रायव्हर व कंडक्टरवर होणार एक हजार रुपये दंडाची कारवाई

 

PMPML Reward Scheme |पुणे महानगर परिवहन महामंडळास (PMPML Pune) ड्रायव्हर/कंडक्टरच्या (PMP Drivers and conductors) बेशिस्त वर्तनाबाबत नागरीक, सामाजिक संस्था, लोकप्रतिनिधी यांचेकडून तक्रारी व सूचना प्राप्त होत असतात. या तक्रारीमध्ये प्रामुख्याने ड्रायव्हिंग करतेवेळी मोबाईलवर बोलणे, बसेसना रूट बोर्ड नसणे किंवा चुकीचे बोर्ड असणे, झेब्रा क्रॉसिंगवर बस थांबवणे अशा तक्रारींचा समावेश आहे. महामंडळाकडील ड्रायव्हर/कंडक्टर सेवकांच्या गैरवर्तना बाबत प्राप्त होणाऱ्या तक्रारींचे निराकरण होण्याच्या दृष्टीने महामंडळाने पुराव्यासह तक्रार करणाऱ्या प्रवाशांसाठी बक्षीस योजना (PMPML Reward Scheme) सुरु करण्याचा निर्णय घेतला आहे. अशी माहिती पीएमपी प्रशासनाच्या वतीने देण्यात आली. (PMPML Reward Scheme)

ड्रायव्हिंग करतेवेळी मोबाईलचा वापर करणे, मोबाईल कानाला लावून अगर हेडफोन द्वारे बोलणे सुरक्षिततेच्या दृष्टिने हिताचे नाही. तसेच बसला रूट बोर्ड नसणे/चुकीचा रूट बोर्ड असणे, झेब्रा क्रॉसिंगवर बस थांबवणे यामुळे प्रवाशी व नागरिकांची गैरसोय होते. सबब ड्रायव्हिंग करतेवेळी ड्रायव्हर मोबाईलचा वापर करत असल्यास व मोबाईल कानाला लावून अगर हेडफोन द्वारे बोलत असल्यास तसेच बसला रूट बोर्ड नसणे/चुकीचा रूट बोर्ड असणे, झेब्रा क्रॉसिंगवर बस थांबवले असल्याचे प्रवासी/नागरिकांना आढळून आल्यास संबंधित ड्रायव्हर/कंडक्टर सेवकास एक हजार रुपये इतका दंड आकारण्यात येणार आहे. (PMPML Pune News)

वरील प्रकारच्या तक्रारी प्रवाशांकडून प्राप्त झालेनंतर सदर तक्रारींची शहानिशा करून तदनंतरच तक्रारदार प्रवाशी/नागरिकांना शंभर रुपये बक्षीस रोख स्वरुपात मिळणार आहे. तसेच संबंधित ड्रायव्हर/कंडक्टर यांना एक हजार रुपये दंड करण्यात येणार असून त्याच्या वेतनातून सदरची रक्कम कपात करण्यात येणार आहे. (PMPML Pune)

प्रवाशी/नागरिकांनी अशा ड्रायव्हर/कंडक्टर सेवकांच्या तक्रारी बाबतचे फोटो/व्हिडीओ तसेच बस क्रमांक, मार्ग क्रमांक, ठिकाण,
दिनांक व वेळ महामंडळाच्या complaints@pmpml.org या मेलवरती व ९८८१४९५५८९ या व्हॉटसअॅप क्रमांकावरती पाठवाव्यात किंवा महामंडळाच्या नजीकच्या डेपोमध्ये पुराव्यासह तक्रारी सादर कराव्यात, असे आवाहन महामंडळाकडून करण्यात आले आहे.

News Title | PMPML will give its passengers a reward of Rs 100 Know the plan in detail

IAS Sachindra Pratap Singh |  Sachindra Pratap Singh is the new CMD of PMPML |  Omprakash Bakoria has been transferred as Social Welfare Commissioner

Categories
Breaking News PMC

IAS Sachindra Pratap Singh |  Sachindra Pratap Singh is the new CMD of PMPML

 |  Omprakash Bakoria has been transferred as Social Welfare Commissioner

  IAS Sachindra Pratap Singh |  CMD of PMP Omprakash Bakoria (IAS Omprakash Bakoria) has been transferred.  Now Sachindra Pratap Singh (PMPML CMD Sachindra Pratap Singh) will work as CMD of PMPML.  The state government has recently issued orders in this regard.  Bakoria has been appointed as Social Welfare Commissioner in Pune.  (IAS Sachindra Pratap Singh)
 Sachindra Pratap Singh is a 2007 batch IAS.  He has given the responsibility of PMPML to him.  While Bakoria is a 2006 batch IAS.  He has been made Social Welfare Commissioner.
 Meanwhile, Omprakash Bakoria has previously worked as Additional Commissioner in Pune Municipal Corporation.  After that, his career as Commissioner of Aurangabad Municipal Corporation was well known.  He was then transferred.  He was appointed as Sports and Youth Commissioner.  He did good work from Pune.  After that, Bakoria has been made Social Welfare Commissioner.
 —

IAS Sachindra Pratap Singh | पीएमपीचे नवे सीएमडी सचिंद्र प्रताप सिंग | ओमप्रकाश बकोरिया यांची समाज कल्याण आयुक्त पदी बदली

Categories
Breaking News social पुणे महाराष्ट्र

IAS Sachindra Pratap Singh | पीएमपीचे नवे सीएमडी सचिंद्र प्रताप सिंग

|  ओमप्रकाश बकोरिया यांची समाज कल्याण आयुक्त  पदी बदली

 IAS Sachindra Pratap Singh |  पीएमपीचे सीएमडी ओमप्रकाश बकोरिया (IAS Omprakash Bakoria)  यांची बदली करण्यात आली आहे. आता पीएमपीचे सीएमडी म्हणून सचिंद्र प्रताप सिंग (PMPMLPMPMLPMPML CMD Sachindra Pratap Singh) काम पाहतील. राज्य सरकारने नुकतेच याबाबतचे आदेश जारी केले आहेत. बकोरिया यांना पुण्यातच समाज कल्याण आयुक्त (Social Welfare Commissioner) म्हणून नियुक्त करण्यात आले आहे. (IAS Sachindra Pratap Singh)
राज्य सरकार कडून नुकत्याच काही बदल्या करण्यात आल्या आहेत. सचिंद्र प्रताप सिंग हे 2007 च्या बॅच चे IAS आहेत. त्यानं त्यांच्याकडे पीएमपीएमएल ची जबाबदारी दिली आहे. तर बकोरिया हे 2006 च्या बॅच IAS आहेत. त्यांना समाज कल्याण आयुक्त करण्यात आले आहे.
दरम्यान ओमप्रकाश बकोरिया यांनी याआधी पुणे महापालिकेत अतिरिक्त आयुक्त म्हणून काम पाहिले आहे. त्यानंतर औरंगाबाद महापालिकेचे आयुक्त म्हणून त्यांची कारकीर्द चांगलीच गाजली होती. त्यानंतर त्यांची बदली करण्यात आली. त्यांना क्रीडा व युवक आयुक्त पदी नेमण्यात आले होते. पुण्यातून त्यांनी चांगले काम केले. त्यानंतर आता बकोरिया यांची समाज कल्याण आयुक्त पदी करण्यात आली आहे.
—
News Title | IAS Sachindra Pratap Singh |  Sachindra Pratap Singh is the new CMD of PMP |  Omprakash Bakoria has been transferred as Social Welfare Commissioner

PMPML Deficit | PMC General Body | संचलन तुटी पोटी पीएमपीला 217 कोटी देण्यास मुख्य सभेची मान्यता

Categories
Breaking News PMC social पुणे

PMPML Deficit | PMC General Body | संचलन तुटी पोटी पीएमपीला 217 कोटी देण्यास मुख्य सभेची मान्यता

| 8 समान हफ्त्यात दिली जाणार रक्कम

PMPML Deficit | PMC General Body | पीएमपीएमएल (PMPML) ला 2022-23 या आर्थिक वर्षात 696 कोटींची संचलन तूट (Operating Déficit) आली आहे. यात पुणे महापालिकेचा (PMC Pune) हिस्सा 417 कोटीचा आहे. त्यापैकी 200 कोटी पुणे महापालिकेने (Pune Municipal Corporation) पीएमपीला (PMP Pune? उचल स्वरूपात दिले आहेत. उर्वरित 217 कोटी रुपये 8 समान हफ्त्यात दिले जाणार आहेत. मात्र 8 वा हफ्ता हा लेखापरीक्षण (Audit) करून दिला जाणार आहे. याबाबतच्या प्रस्तावाला नुकतीच महापालिका मुख्य सभेने (PMC General Body) मान्यता दिली आहे. (PMPML Deficit | PMC General Body)

शासन निर्णयानुसार सन २०१३-१४ या वर्षापासून PMPML संस्थेस येणारी तुट संबंधित महानगरपालिकेने आपल्या स्वामित्व हिश्श्यानुसार PMPML संस्थेस आदा करणेबाबत आदेशित करण्यात आले आहे. त्यानुसार PMPML संस्थेला प्रतिवर्षी संचलन तुटीपोटी पुणे महानगरपालिकेस देय होणारी रक्कम कळविण्यात येते व त्यानुसार पुणे महानगरपालिकेकडून सदरची रक्कम प्रतिमहा PMPML संस्थेस आदा करण्यात येते. (Pune Municipal Corporation News)

पुणे महानगर परिवहन महामंडळास सन २०२२-२०२३ या आर्थिक वर्षातील संचलन तुट  अंदाजित एकूण ६९६.५० कोटी ग्राह्य धरली असता पुणे महानगरपालिकेचा (६०%) स्वामित्व हिश्श्यानुसार ४१७.९० कोटी  असल्याचे PMPML संस्थेकडून पत्राने कळविण्यात आलेले आहे. (PMPML Pune News) 
त्यापैकी मुख्य सभेची मान्यतेने सन २०२२-२०२३ मध्ये रक्कम ३६ कोटी PMPML संस्थेस उचल स्वरुपात आदा करण्यात आलेले आहेत. महापालिका आयुक्त यांचे मान्यतेने अनुक्रमे रक्कम रु.५४ कोटी व रक्कम रु ११० कोटी PMPML संस्थेस सन २०२२ २३ मध्ये अपवादात्मक बाब म्हणून उचल स्वरुपात आदा करण्यात आलेले आहेत. अशा प्रकारे पुणे महानगरपालिकेकडून PMPML संस्थेस सन २०२३-२४ मध्ये संचलन तुटीपोटी आदा करण्यात येणाऱ्या रक्कमेपैकी  एकूण रक्कम २०० कोटी  २०२२-२३ मध्येच PMPML संस्थेस उचल स्वरुपात आदा करण्यात आलेले आहेत. (Pune Municipal Corporation Marathi News)
उर्वरित 217 कोटी रुपये 8 समान हफ्त्यात दिले जाणार आहेत. मात्र 8 वा हफ्ता हा लेखापरीक्षण करून दिला जाणार आहे. याबाबतच्या प्रस्तावाला नुकतीच महापालिका मुख्य सभेने मान्यता दिली आहे. (PMC Pune News)
——
News Title | 217 Crores to PMP against operating deficit approved by the main body|  Amount to be paid in 8 equal installments

PMPML Student Bus Pass | पीएमपीएमएल कडून पिंपरी-चिंचवड मनपा हद्दीतील विद्यार्थ्यांकरिता अनुदानित पासेसचे वितरण सुरु

Categories
Breaking News Education social पुणे

PMPML Student Bus Pass | पीएमपीएमएल कडून पिंपरी-चिंचवड मनपा हद्दीतील विद्यार्थ्यांकरिता अनुदानित पासेसचे वितरण सुरु

PMPML Student Bus Pass | पिंपरी-चिंचवड महानगरपालिकेच्या (Pimpari Chinchwad Municiapal Corporation) शाळेतील इ. ५ वी ते १० वी चे विद्यार्थ्यांना सन २०२३ – २०२४ या शैक्षणिक वर्षाकरिता १०० % अनुदानित मोफत बस प्रवास पास व पिंपरी-चिंचवड मनपा हद्दीतील खाजगी शाळेतील इयत्ता ५ वी ते १० वी चे विद्यार्थ्यांना ७५% सवलतीचे अनुदानित बस प्रवास पासेस वितरणाची योजना सुरु करण्यात आली असून  पासेससाठी दि. १५ जून २०२३ पासून सर्व आगारामध्ये व सर्व पासकेंद्रावर अर्ज वितरीत केले जात आहेत. अशी माहिती पीएमपी प्रशासनाकडून देण्यात आली. (PMPML Student Bus Pass)

पीएमपी प्रशासनाकडून सांगण्यात आले कि,  भरून दिलेले अर्ज महामंडळाच्या सर्व आगारांमध्ये स्वीकारण्यात येतील. संबंधित शाळा अथवा त्यांचे प्रतिनिधी हे त्यांचे शाळेतील विद्यार्थ्यांकरिताचे अर्ज महामंडळाच्या कोणत्याही आगारांमधून एकत्रित रित्या घेवून जाऊ शकतात. तसेच सदरचे अर्ज भरून एकत्रित रित्या आगारामध्ये जमा केल्यास त्या शैक्षणिक संस्थेस एकत्रित पास दिले जातील. ते पास शाळा प्रमुखांनी त्यांचे शाळेत वितरित करावेत. यामुळे सर्व विद्यार्थ्यांना आगारामध्ये येण्याची गरज भासणार नाही.

खाजगी शाळेतील विद्यार्थ्यांना महामंडळाचे आगारामधून त्यांचा अर्ज व कागदपत्रांची तपासणी झाल्यावर त्यांचे प्रवासाचे अंतरानुसार होणारे एकूण पासचे रकमेचे २५% रक्कमेनुसारचे चलन तयार करून देणेत येईल ते चलन विद्यार्थ्यांनी पिंपरी-चिंचवड मनपा हद्दीतील बँक ऑफ बडोदा चे कोणत्याही शाखेमध्ये भरणा केले नंतर अर्जासोबत चलन व आवश्यक
कागदपत्रे जोडून जवळच्या आगारामध्ये सादर केल्यावर पास मिळू शकेल. तसेच सदरचे पासेस करीता अर्ज वितरण दि. १५/०६/२०२३ पासून महामंडळाच्या सर्व आगारामधून करण्यात येत आहे.

योजनेसंबधी सविस्तर माहिती महामंडळाच्या सर्व आगारामध्ये उपलब्ध आहे. तरी पिंपरी चिंचवड मनपाचे शाळेतील व पिंपरी-चिंचवड मनपा हद्दीतील खाजगी शाळेतील विद्यार्थ्यांनी या सवलतीच्या पासचा जास्तीत जास्त लाभ घ्यावा असे आवाहन महामंडळाकडून करण्यात आले आहे.

अधिक महितीसाठी संपर्क क्र. ०२०-२४५४५४५४

News Title | PMPML Student Bus Pass | Distribution of subsidized passes from PMPML to students in Pimpri-Chinchwad municipal limits has started

PMPML Bus | पुणे महानगर परिवहन महामंडळाच्या ताफ्यात येणार ९०० बसेस 

Categories
Breaking News PMC Political social पुणे

PMPML Bus | पुणे महानगर परिवहन महामंडळाच्या ताफ्यात येणार ९०० बसेस

| पालकमंत्री चंद्रकांत पाटील यांनी माहिती

PMPML Bus | पुणे महानगर परिवहन महामंडळाच्या (PMPML) ताफ्यात येत्या काही महिन्यांमध्ये ९०० ई-बस (E Bus)दाखल होणार आहेत. त्यामध्ये सात मीटर लांबीच्या ३०० ई-बसेस जी. सी. सी. तत्वावर तसेच संचालक मंडळाने मान्यता दिलेल्या ३०० बसेस व केंद्र सरकारकडून ३०० बसेस अशा एकूण९०० बसेस पुणे महानगर परिवहन महामंडळाच्या ताफ्यात लवकरच दाखल होतील. अशी माहिती पुण्याचे पालकमंत्री  चंद्रकांतदादा पाटील (Pune Guardian Minister Chandrakant Patil) यांनी गुरूवारी पुणे महानगर परिवहन महामंडळाच्या स्वारगेट येथील कार्यालयात आयोजित पत्रकार परिषदे मध्ये दिली. (PMPML Bus)

पुण्याचे पालकमंत्री  चंद्रकांतदादा पाटील यांनी पुणे महानगर परिवहन महामंडळा कडील कर्मचारी संघटना, खासगी बस पुरवठादार व सी. एन. जी. पुरवठादार एम.एन.जी.एल. यांच्याप्रलंबित प्रश्नांवर गुरूवारी पुणे
महानगर परिवहन महामंडळाच्या स्वारगेट येथील मुख्य कार्यालयात बैठक घेतली. या बैठकीसाठी पुणे मनपाचे आयुक्त विक्रम कुमार (PMC Commissioner Vikram Kumar), पिंपरी चिंचवड मनपाचे आयुक्त  शेखर सिंग (PCMC Commissioner Shekhar Shing), पुणे महानगर परिवहन महामंडळाचे अध्यक्ष व व्यवस्थापकीय संचालक ओम प्रकाश बकोरिया (PMPML CMD Om Prakash Bakoria), पुणे महानगर प्रदेश विकास प्राधिकरणाचे आयुक्त राहुल महिवाल (PMRDA Commissioner Rahul Mahiwal) व पीएमपीएमएलच्या सहव्यवस्थापकीय संचालक मा. प्रज्ञा पोतदार-पवार उपस्थित होते. (PMPML Pune News)

बैठकी नंतर पत्रकारांशी बोलताना चंद्रकांतदादा पाटील म्हणाले, की पुणे महानगर परिवहन महामंडळाला चांगली सेवा देण्यासाठी बसची आवश्यकता आहे. मेट्रो सेवा सुरू होईपर्यंत सात मीटरच्या ३०० ई-बस
पीएमपीच्या ताफ्यात येतील. तसेच, केंद्र सरकारच्या योजनेतून पीएमपीला ३०० ई-बसमिळणार आहेत. तसेच, पुणे व पिंपरी चिंचवड महानगरपालिकांच्या माध्यमातून ३०० बसेस महामंडळास मिळणार आहेत. यामध्ये जी. सी. सी. तत्वावर १०० ई-बसेस व२०० सीएनजी बसेस असणार आहेत. तसेच सदर बैठकीमध्ये पुणे महानगर परिवहन महामंडळाचे
कर्मचारी, खासगी बस पुरवठादार व सी. एन. जी. पुरवठादार एम.एन.जी.एल.यांच्या प्रलंबित प्रश्नावर समाधानकारक तोडगा निघाल्याचे  पाटील यांनी सांगितले.

News Title | PMPML Bus | 900 buses will come in the fleet of Pune Mahanagar Transport Corporation | Guardian Minister Chandrakant Patil informed