Tag: pmpml pune

PMP Pune Income | २० नोव्हेंबर रोजी ‘पीएमपीएमएल’ने दैनंदिन उत्पन्नात ओलांडला २ कोटींचा टप्पा

Categories
Breaking News social पुणे

PMP Pune Income | २० नोव्हेंबर रोजी ‘पीएमपीएमएल’ने दैनंदिन उत्पन्नात ओलांडला २ कोटींचा टप्पा

|  २० नोव्हेंबर  रोजी एकूण रक्कम रुपये २,०६,३१,९४५ उत्पन्न प्राप्त

| २० नोव्हेंबर  रोजी महामंडळाकडून १६९८ बसेस संचलनात

 

PMP Pune Income | वाहतूक कोंडीचा विचार करता पीएमपीएमएल (PMPML) च्या ताफ्यात असणाऱ्या पर्यावरणपूरक स्मार्ट एसी ईलेक्ट्रीक बस व सीएनजी बसेसचा वापर शहरवासियांनी व शहरात येणाऱ्या प्रवाशांनी वाढविला आहे. सोमवार  २० नोव्हेंबर रोजी मार्गावर १६९८ बसेस संचलनात होत्या व जास्त उत्पन्नाच्या मार्गावर जादा बसेस सोडण्यात आल्या होत्या त्यामुळे परिवहन महामंडळास रक्कम रूपये २,०६,३१,९४५ /- इतके उत्पन्न प्राप्त झाले असून १२,२३,०८७ इतक्या प्रवाशी नागरिकांनी बससेवेचा लाभ घेतलेला आहे. यामुळे पुणे व पिंपरी चिंचवड शहरांची लाईफलाईन म्हणून ओळख असलेली पीएमपीएमएलची बससेवा ही किफायतशीर, सुरक्षित व विश्वासार्ह असल्याचे यातून पुन्हा एकदा अधोरेखित झाले आहे. पीएमपी प्रशासनाच्या वतीने ही माहिती देण्यात आली. (PMPML Pune One Day Income)

पुणे महानगर परिवहन महामंडळामार्फत पुणे, पिंपरी चिंचवड शहर व त्यालगतच्या पुणे महानगर प्रदेश विकास प्राधिकरण कार्यक्षेत्रात प्रवाशांकरीता बससेवा पुरविण्यात येते. दिपावली सुट्टी संपत असल्याने परगांवी गेलेले प्रवासी परतत असल्याने मार्गावर प्रवाशांची मोठ्या प्रमाणावर गर्दी होत असल्याने प्रवाशांची गैरसोय होऊ नये व प्रवाशांना सुरक्षित उत्तम दर्जाची तत्पर बससेवा देणेकामी अध्यक्ष व व्यवस्थापकीय संचालक यांनी सर्व अधिकारी यांना परिवहन महामंडळाच्या बसेस पूर्ण क्षमतेने व सर्व नियोजीत शेड्युल मार्गस्थ करणे बाबतच्या सुचना देण्यात आल्या
होत्या. तसेच महत्वाच्या बसस्थानकावर बससंचलनावर नियंत्रणासाठी व प्रवाशांना मार्गदर्शन होणेकामी आगार व्यवस्थापक यांच्या नेमणूका करण्यात आल्या होत्या.

मजूर, कामगार, नोकरदार, ज्येष्ठ नागरिक, महिला प्रवाशांनी पीएमपीएमएलच्या बससेवेवर नेहमीच विश्वास दाखवला आहे. त्याचबरोबर शहरातील शाळा व कॉलेज पुन्हा पूर्ण क्षमतेने सुरू झाल्याने दररोज प्रवास करणाऱ्या विद्यार्थी संख्येत देखील लक्षणीय वाढ झाली आहे. दैनंदिन प्रवाशी संख्या व दैनंदिन उत्पन्नामध्ये झालेली वाढ ही प्रवाशांनी पीएमपीएमएल च्या बससेवेवर दाखविलेला विश्वास आहे. प्रवाशांनी पीएमपीएमएल च्या पर्यावरणपूरक स्मार्ट एसी ईलेक्ट्रीक बस व सीएनजी बसेसचा जास्तीत जास्त वापर करावा, असे आवाहन पीएमपीएमएल कडून करण्यात येत आहे.

PMPML Employees Diwali Bonus | पीएमपी कर्मचाऱ्यांच्या खात्यात दिवाळी बोनस जमा | The Karbhari ने उचलून धरला होता विषय

Categories
Breaking News PMC social पुणे

PMPML Employees Diwali Bonus | पीएमपी कर्मचाऱ्यांच्या खात्यात दिवाळी बोनस जमा |  The Karbhari ने उचलून धरला होता विषय

PMPML Employees Diwali Bonus  | पुणे महापालिका कर्मचाऱ्यांना महापालिकेकडून दिवाळीची भेट देत बोनस देण्यात आला आहे. दरम्यान दिवाळी तोंडावर आली तरीही पीएमपीच्या कर्मचाऱ्यांना मात्र अजूनही बोनस देण्यात आलेला नव्हता. याबाबतचा प्रस्ताव महापालिका आयुक्तांच्या टेबलवर गेल्या 15 दिवसापासून पडून होता. याबाबत The Karbhari ने या विषयाला वाचा फोडली होती. यामुळे पालकमंत्र्यांनी यात लक्ष घालत बोनस देण्याचे आदेश दिले होते. त्यानुसार आज संध्याकाळी पीएमपी कर्मचाऱ्यांच्या खात्यात बोनस जमा झाला आहे. यामुळे कर्मचाऱ्यांना आनंदात दिवाळी साजरी करता येणार आहे. (PMPML Pune News)
पुणे महानगर परिवहन महामंडळाकडील (PMPML) सर्व कायम, बदली सेवकांना सानुग्रह अनुदान ८.३३% व बक्षिस  २१०००/- दिवाळीपूर्वी देण्याची मागणी कर्मचाऱ्यानी ने पीएमपीच्या सीएमडी (PMPML CMD) कडे केली होती.   दरम्यान परवाच पुणे महापालिका सेवकांना (PMC Employees) बोनस देण्यात (Bonus) आला आहे. त्याचप्रमाणे पीएमपी सेवकांना दिलासा दिला जाणार का, असा प्रश्न पीएमपी कर्मचारी विचारत होते. (PMPML Employees Diwali Bonus)
पुणे महापालिका आणि पिंपरी महापालिका संचलन तुटीच्या माध्यमातून पीएमपी कर्मचाऱ्यांना बोनस देतात. पीएमपी कडून याचे प्रस्ताव दोन्ही महापालिकाना देण्यात आले आहेत. दरम्यान पुणे महापालिका प्रशासनाकडून याबाबतचा प्रस्ताव तयार करून मान्यतेसाठी आयुक्ताकडे पाठवण्यात आला आहे. मात्र गेल्या 15 दिवसापासून आयुक्तांच्या टेबलवर हा प्रस्ताव तसाच पडून होता. त्यामुळे कर्मचाऱ्यांना दिवाळीच्या आधी बोनस मिळणार कि नंतर असा प्रश्न उपस्थित होत आहे. याबाबत लवकर निर्णय करण्याची मागणी पीएमपी कर्मचारी करत होते. याबाबत The karbhari ने आवाज उठवल्यानंतर तात्काळ सूत्रे हालली. पालकमंत्री अजित पवार यांनी यात लक्ष घालत प्रशासनाला बोनस देण्याचे आदेश दिले. त्यानुसार कर्मचाऱ्यांना बोनस मिळाला आहे.
दरम्यान याबाबत पीएमटी कामगार इंटक संघटनेने देखील याबाबत पाठपुरावा केला होता. तसेच संघटनेच्या वतीनं याबाबत पालकमंत्री अजित पवार, राष्ट्रवादी शहर अध्यक्ष दीपक मानकर, शिवसेना शहर प्रमुख प्रमोद नाना भानगिरे आणि प्रशासनाचे आभार मानले आहेत.
—-

PMPML Location Base QR Code | पीएमपीएमएल च्या सर्व सेवक व अधिकारी यांची ‘Location Base क्युआर कोड’ द्वारे हजेरी

Categories
Breaking News पुणे

PMPML Location Base QR Code | पीएमपीएमएल च्या सर्व सेवक व अधिकारी यांची ‘Location Base क्युआर कोड’ द्वारे हजेरी

| ‘Location Base क्युआर कोड’ मोबाईल अॅप मध्ये स्कॅन करून होणार उपस्थितीची नोंद

 | प्रवाशी नागरिकांना योग्य व खात्रीशीर सेवा मिळण्यासाठी सर्व कार्यालये व डेपोमध्ये सुरुवात

PMPML Location Base QR Code |PMPML सेवकांनी व अधिकाऱ्यांनी आपल्या कामाच्या ठिकाणी नेमून दिलेल्या वेळेतच उपस्थित राहून महामंडळाच्या कामकाजाच्या सोईच्या दृष्ठीने, प्रवाशांना योग्य व खात्रीशीर सेवा देण्याच्या दृष्ठीकोनातून ‘Location Base क्युआर कोड’ द्वारे हजेरीची नोंद महामंडळाच्या सर्व कार्यालये व डेपोमध्ये सुरु करण्यात आली आहे. अशी माहिती पीएमपी प्रशासनाच्या वतीने देण्यात आली. (PMPML Pune)

महामंडळाने कामकाजात सुसूत्रता आणण्यासाठी तयार केलेल्या ‘RTMS कार्गो एफएल’ मोबाईल एप मध्ये महामंडळातील सर्व सेवक व अधिकारी यांनी कामावर हजर होते वेळी दैनिक हजेरी या सदराखाली कामावर येण्याचा वेळेस व कामाची सुट्टी झाल्यावर जाण्याच्या वेळेस सर्व कार्यालयाच्या व सर्व डेपोच्या प्रवेशद्वारावर बसवण्यात आलेले ‘Location
Base क्युआर कोड’ स्कॅन करून उपस्थितीची नोंद करावयाची आहे. त्या नोंदी नुसार सर्व सेवक व अधिकारी यांचे पगार अदा करण्यात येणार आहेत. त्यामुळे प्रवाशांना योग्य व खात्रीशीर सेवा मिळणार आहे.

DA Difference | PMPML Pune | PMPML च्या कर्मचाऱ्यांना ५ महिन्याचा महागाई भत्त्याचा फरक मिळणार! 

Categories
Breaking News PMC social पुणे

DA Difference | PMPML Pune | PMPML च्या कर्मचाऱ्यांना ५ महिन्याचा महागाई भत्त्याचा फरक मिळणार!

| पीएमटी कामगार संघ इंटक ची माहिती

DA Difference | PMPML Pune | पुणे | PMPML च्या कर्मचाऱ्यांना पुणे महापालिका (PMC) आणि पिंपरी महापालिका (PCMC) प्रमाणे सानुग्रह अनुदान (Bonus), बक्षीस देण्याचा निर्णय संचालक मंडळाच्या बैठकीत घेण्यात आला आहे. त्याचप्रमाणे कर्मचाऱ्यांना पाच महिन्याचा 4% प्रमाणे महागाई भत्त्याचा फरक (DA Difference) ऑक्टोबर पॅड इन नोव्हेंबरच्या मिळणाऱ्या वेतनात देण्याचे मान्य केले आहे. अशी माहिती पीएमटी कामगार संघ इंटक चे राजेंद्र खराडे (अध्यक्ष), नुरुद्दीन इनामदार (जनरल सेक्रेटरी) यांनी दिली. (PMPML Emplyoees Bonus) 
राजेंद्र खराडे (अध्यक्ष), नुरुद्दीन इनामदार (जनरल सेक्रेटरी) यांनी प्रसिद्धीस दिलेल्या निवेदनानुसार  मान्यता प्राप्त पीएमटी कामगार संघ इंटक बरोबर सानुग्रह अनुदान व बक्षीस बाबत झालेला करार, औद्योगिक न्यायालय व मे.उच्च न्यायालयात संघटनेच्या बाजूने झालेला निकाल संघटनेने केलेले कायदेशीर पत्रव्यवहार व पाठपुरावा याचा सकारात्मक विचार करून इंटक संघटने बरोबर गुरुवार  रोजी अध्यक्ष व्यवस्थापकीय संचालक यांच्याबरोबर झालेली बैठक त्यात सकारात्मक चर्चे नुसार बुधवार  रोजी तातडीने घेतलेली संचालक मंडळाच्या बैठकीत ठरल्याप्रमाणे अध्यक्ष व्यवस्थापकीय संचालक यांच्या प्रशासकीय मान्यतेनुसार परिवहन महामंडळातील कर्मचाऱ्यांना 8.33% सानुग्रह अनुदान व बक्षीस रक्कम 21000  देण्याचे मान्य करण्यात आले आहे. त्यामुळे सर्व अधिकारी व कामगार यांची  दिवाळी गोड होणार आहे.
त्याच बरोबर 1 जानेवारी 2023 ते मे 2023 पाच महिन्याचा 4% प्रमाणे महागाई भत्त्याचा फरक ऑक्टोबर पॅड इन नोव्हेंबरच्या मिळणाऱ्या वेतनात देण्याचे मान्य केले आहे. असे राजेंद्र खराडे (अध्यक्ष), नुरुद्दीन इनामदार (जनरल सेक्रेटरी) यांनी सांगितले. 
———

PMPML Employees Diwali Bonus | पीएमपीच्या कर्मचाऱ्यांना दिवाळी बोनस देण्याची इंटक ची मागणी | सानुग्रह अनुदान ८.३३% व बक्षीस २१०००/- दिवाळीपूर्वी देण्याबाबत सीएमडीना दिले पत्र

Categories
Breaking News PMC social पुणे

PMPML Employees Diwali Bonus | पीएमपीच्या कर्मचाऱ्यांना दिवाळी बोनस देण्याची इंटक ची मागणी

| सानुग्रह अनुदान ८.३३% व बक्षीस  २१०००/- दिवाळीपूर्वी देण्याबाबत सीएमडीना दिले पत्र

PMPML Employees Diwali Bonus  | पुणे महानगर परिवहन महामंडळाकडील (PMPML) सर्व कायम, बदली सेवकांना सानुग्रह अनुदान ८.३३% व बक्षिस  २१०००/- दिवाळीपूर्वी देण्याची मागणी पीएमटी कामगार संघ अर्थात इंटक ने पीएमपीच्या सीएमडी (PMPML CMD) कडे केली आहे. याबाबत संघटनेकडून सीएमडीना पत्र देण्यात आले आहे. दरम्यान आजच पुणे महापालिका सेवकांना (PMC Employees) बोनस देण्याबाबत परिपत्रक (Bonus Circular) जारी झाले आहे. त्याचप्रमाणे पीएमपी सेवकांना दिलासा दिला जाणार का, असा प्रश्न पीएमपी कर्मचारी विचारत आहेत. )PMPML Employees Diwali Bonus)

इंटक च्या पत्रानुसार आजतागायत सानुग्रह अनुदान व बक्षिस थकित फरकाच्या रक्कमा परिवहन महामंडळातील कामगारांना वेळोवेळी देण्यात आलेल्या आहेत. दोन्ही महानगर पालिका त्यांचे सेवकांना सानुग्रह अनुदान व बक्षिस रक्कम देते. त्याचप्रमाणे महामंडळाच्या सर्व कायम व बदली सेवकांना सदरच्या रक्कमा द्यावयाची प्रथा पूर्व परिवहन उपक्रमापासून अस्तित्वात होती. कंपनी कायद्याखाली महामंडळाची स्थापना झाल्यानंतर मागील १६ वर्षांमध्ये सर्व कर्मचाऱ्यांना १/८ सानुग्रह अनुदान व बक्षिसाची रक्कम दोन्ही महानगर पालिकांकडून उपलब्ध झालेल्या निधितून देण्यात आलेली होती व आहे. (PMPML Pune)

सन १९९७ च्या करारातील मागणी क. ६ मधील मान्य तडजोडीप्रमाणे सानुग्रह अनुदान व बधिस देणे पीएमपीवर  पुणे म.न.पा. च्या सेवकांप्रमाणे बंधनकारक आहे. तसेच इंडस्ट्रियल डिस्प्युट अॅक्ट चॅप्टर-४ प्रमाणे कस्टमरी प्रथा कायद्याखाली येत आहे. औदयोगिक न्यायालय व  उच्च न्यायालय यांनीही बंधनकारक केलेले आहे. पुणे महानगर परिवहन महामंडळाकडील कर्मचारी जगातील सर्वाधिक गर्दिच्या शहरात ऊन, वारा पाऊस याचा विचार करता रस्त्यावर उतरून आपले कर्तव्य निष्ठेने बजावित आहेत. (PMPML News)

पत्रात पुढे म्हटले आहे कि, उत्पन्नात वाढ होवून दरमहा १५ ते २० कोटी रू. उत्पन्न वाढलेले असून संचलन तुट कमी झालेली आहे. सदरचे उत्पन्न कर्मचारी व अधिकारी यांनी परिवहन महामंडळात आपले आवाहनाला प्रतिसाद देवून आपले रक्ताचे पाणी करून रात्रंदिवस कष्ट करून वाढविलेले आहे. हि बाब आपणास ज्ञात आहे. तरी परिवहन महामंडळाकडील सर्व कायम व बदली सेवकांची व त्यांच्या कुटूंबाची दिवाळी गोड करण्याकामी त्वरीत सकारात्मक निर्णय घेवून मनपा सेवकांप्रमाणे सर्व कायम बदली सेवकांना सानुग्रह अनुदान ८.३३% व बक्षिस र.रु. २९०००/- (र. रू. एकविस हजार) दिवाळीपूर्वी आपले स्तरावर पाठपुरावा करून देण्यात यावे अशी संघटनेच्या वतीने  मागणी करण्यात आली आहे.
———

PMPML Recruitment | पद भरती बाबत पीएमपी प्रशासनाकडून करण्यात आले हे आवाहन!

Categories
Breaking News social पुणे

PMPML Recruitment | कर्मचारी पद भरती बाबतच्या अफवावर कोणीही विश्वास ठेऊ नये | PMPML Administration 

PMPML Recruitment | पुणे महानगर परिवहन महामंडळाकडून (PMPML) कोणतेही कर्मचारी पद भरती प्रक्रिया (PMPML Recruitment) राबविली नसून अशा अफवावर विश्वास ठेऊ नये. फसवणूक टाळावी असे आवाहन पुणे महानगर परिवहन महामंडळाकडून (PMPML Pune) करण्यात आले आहे.

​पुणे महानगर परिवहन महामंडळाच्या निगडी आगारामध्ये ०७/१०/२०२३ रोजी दुपारी ०३:०० वाजता एक तरुण नेमणूक आदेश घेऊन रुजू होणेबाबत आला. त्यानंतरनिगडी कार्यालयातील संबंधित कर्मचारी यांनी चौकशी केली असता महामंडळाकडून कोणतीही भरती झाली नसल्याचे व संबंधित नेमणूक आदेश बनावट असल्याचे व त्यातरुणाची फसवणूक झाल्याचे निदर्शनास आले. (PMP Pune) 

​त्यांनंतर निगडी आगाराचे आगार व्यवस्थापक  यांनी  ०७/१०/२०२३ रोजी निगडी पोलीस स्टेशन येथे बनावट आदेश देणाऱ्या विरुद्ध पुढील कायदेशीर कार्यवाहीसाठीतक्रार दाखल केली आहे.

​तरी पुणे महानगर परिवहन महामंडळाकडून कोणतेही कर्मचारी पद भरती प्रक्रिया राबविली नसून अशा अफवावर विश्वास ठेऊ नये व फसवणूक टाळावी असे आवाहन पुणे महानगर परिवहन महामंडळाकडून करण्यात आले आहे.

—–

PMPML Cashless Payment | पीएमपीएमएलने मेट्रो सोबत यंत्रणा कनेक्ट करावी | पालकमंत्री चंद्रकांत पाटील 

Categories
Breaking News Political social पुणे

PMPML Cashless Payment | पीएमपीएमएलने मेट्रो सोबत यंत्रणा कनेक्ट करावी | पालकमंत्री चंद्रकांत पाटील

| पीएमपीएमएलच्या कॅशलेस सुविधेचा पालकमंत्री चंद्रकांत पाटील यांच्या हस्ते शुभारंभ

 

PMPML Cashless Payment |पुणे शहरातील सार्वजनिक वाहतूक (Pune Public Transport) बळकट करण्याचे प्रयत्न सुरु असून त्यामुळे नागरिकांना आपली वाहने घेऊन बाहेर पडावे लागणार नाही. तसेच एकाच तिकीट यंत्रणेमध्ये पुणेकर प्रवाशांना पीएमपीएमएल (PMPML) व मेट्रोमध्येही (Pune Metro)  सोयीस्करपणे प्रवास करता यावा यासाठी पीएमपीएमएलनेही मेट्रो सोबत यंत्रणा कनेक्ट करावी. असे आवाहन पालकमंत्री चंद्रकांत पाटील (Chandrakant Patil) यांनी केले.

 

पुणे महानगर परिवहन महामंडळाकडून कॅशलेस पेमेंट सुविधेचा (PMPML Cashless Payment Facility) शुभारंभ  १ ऑक्टोबर रोजी महामंडळाच्या कोथरूड आगार येथे उच्च व तंत्रशिक्षण मंत्री, महाराष्ट्र राज्य तथा पुणे जिल्ह्याचे पालकमंत्री  चंद्रकांतदादा पाटील यांच्या शुभहस्ते करण्यात आला. यावेळी पुणे महानगर परिवहन महामंडळाचे अध्यक्ष व व्यवस्थापकीय संचालक सचिन्द्र प्रताप सिंह, सहव्यवस्थापकीय संचालक  नितीन नार्वेकर, मुख्य कार्यकारी अधिकारी प्रज्ञा पोतदार – पवार, माजी नगरसेवक गणेशभाऊ वरपे, . नवनाथभाऊ जाधव, . अजयभाऊ मारणे, किरण दगडे-पाटील, अल्पनाताई वरपे, मा. श्री. दिलीप वेढे-पाटील, डॉ. संदीपजी बुटाला बाळासाहेब डेमकर, मा. श्री. नितीनजी शिंदे, वैभव मुरकुटे,  मंदार जोशी यांची प्रमुख उपस्थिती होती.

यावेळी ई – तिकीट मशीन मध्ये कॅशलेस पेमेंट द्वारे तिकीट काढून सुविधेचा शुभारंभ करण्यात आला. या प्रसंगी पुढे बोलताना  पाटील म्हणाले की, “डिजिटल व्यवहार वाढणे बाबत लोकांची खूप मोठी मागणी होतीतसेच पंतप्रधान नरेंद्रजी मोदीजी यांचा आग्रह आहे, त्यानुसार तिकिटासाठी पीएमपीएमएलने ही आज कॅशलेस पेमेंट सुविधा सुरु केली आहे. पुणे शहरातील सार्वजनिक वाहतूक बळकट करण्याचे प्रयत्न सुरु असून त्यामुळे नागरिकांना आपली वाहने घेऊन बाहेर पडावे लागणार नाही. तसेच एकाच तिकीट यंत्रणेमध्ये पुणेकर प्रवाशांना पीएमपीएमएल व मेट्रोमध्येही
सोयीस्करपणे प्रवास करता यावा यासाठी पीएमपीएमएलनेही मेट्रो सोबत यंत्रणा कनेक्ट करावी असे ते म्हणाले.

पुणे महानगर परिवहन महामंडळाचे अध्यक्ष व व्यवस्थापकीय संचालक मा.  सचिन्द्र प्रताप सिंह म्हणाले की,“ गेल्या तीन महिन्यापासून पीएमपीएमएल नागारीकांना चांगली सुविधा देण्यासाठी बरेच प्रयत्न करीत आहे, याबाबत
पालकमंत्री  चंद्रकांतदादा पाटील यांनीही दोन वेळा येऊन आढावा घेतला, पीएमपीएमएलमध्ये प्रवासी संख्या वाढवण्यासाठी काय उपाययोजना करता येथील यासाठी आम्ही बसेस मधून प्रवास करून नागरिकांच्या अडीअडचणी समजून घेतल्या व प्रवासीभिमुख सेवा देण्यासाठी प्रयत्न सुरु केले आहेत. अनेक प्रवासी नागरिकांनी कॅशलेस पेमेंट द्वारे तिकीट मिळण्याची मागणी केली त्यानंतर बाणेर डेपो येथे यशस्वी चाचणी घेतल्यानंतर आजपासून पुणे महानगर परिवहन महामंडळाच्या सर्व बसेसमध्ये आजपासून कॅशलेस (युपिआय) पेमेंट द्वारे तिकीट सेवा सुरु केली आहे. पुढील तीन महिन्याचा
आतमध्ये नऊशे ते बाराशे बस मध्ये प्रवाशी नागरिकांना बसेसचे लाईव्ह लोकेशन देऊ शकणार आहे असे ते म्हणाले.

या कार्यक्रमाचे पीएमपीएमएल च्या मुख्य कार्यकारी अधिकारी मा. प्रज्ञा पोतदार – पवार यांनी प्रास्ताविक केले.

युपीआय पेमेंटमुळे प्रवाशांना व महामंडळास खालीलप्रमाणे फायदे होणार आहेत.

1. तिकीट घेण्यासाठी सुट्या पैशांची समस्या संपुष्ठात येणार आहे.
2. वाहकाकडील कॅश व्यवहार कमी होऊन कामाची गतिशीलता वाढणार आहे.
3. महामंडळाकडील कॅश व्यवहार कमी होऊन बँकेत पैसे तत्काळ जमा होणार आहेत.
4. लवकरच महामंडळाचे मोबाईल अॅपद्वारे बस ट्रॅकिंग, प्रवासाचे नियोजन व मोबाईल टिकिटिंग सुविधा महामंडळाकडून सुरु करण्यात येणार आहे.
5. डिजिटल इंडिया या संकल्पनेला हातभार.

या पद्धतीने होणार कॅशलेस पेमेंट

1. वाहकाकडे ऑनलाईन क्युआर कोडची मागणी करणे.
2. क्युआर कोड स्कॅन करून ऑनलाईन पेमेंट करणे.
3. वाहकाकडून निर्माण होणारे आपले तिकीट प्राप्त करणे.

PMPML Bus Pass | पीएमपीने 40 रुपयात पुणे मनपा हद्दीत दिवसभर फिरा

Categories
Breaking News social पुणे

PMPML Bus Pass | पीएमपीने 40 रुपयात पुणे मनपा हद्दीत दिवसभर फिरा 

| पीएमपीएमएल च्या संपूर्ण संचलन क्षेत्रासाठी दैनिक व मासिक पास सुविधा सुरू

PMPML Bus Pass | पुणे महानगर परिवहन महामंडळामार्फत (PMPML) पुणे व पिंपरी–चिंचवड शहरांसह (Pune and Pimpari Chinchwad) पी एम.आर.डी.ए. हद्दीत (PMRDA Limit) बससेवा पुरविण्यात येते. सध्या एका मनपा हद्दीसाठी दैनिकी पास  रूपये ४० व मासिक पास रूपये ९०० तर दोन्ही मनपा हद्दीसाठी दैनिक पास रूपये५० व मासिक पास रूपये १२०० असे पास वितरीत करण्यात येत असून सदरची सुविधा सुरूच राहणार आहे. या व्यतिरिक्त पीएमपीएमएलच्या संपूर्ण संचलन क्षेत्राकरीता दैनिक पास रू. १२० व मासिक पास रू. २७०० अशी पास सुविधा नव्याने सुरू करण्यात आली आहे. (PMPML Bus Pass) 

पी.एम.आर.डी.ए. संचलन क्षेत्रातील नोकरदार, महिला व लोकप्रतिनिधी यांनीपी.एम.आर.डी.ए. हद्दीतील प्रवाशांकरीता पूर्वीच्या संपूर्ण संचलन क्षेत्रासाठी असलेल्यापासच्या दरात काही प्रमाणात दरवाढ करून पूर्वीप्रमाणेच दैनिक पास व मासिक पाससुरू करणेबाबत वारंवार पत्रव्यवहार करून मागणी केलेली आहे.

त्यास अनुसरून पीएमपीएमएलच्या संपूर्ण संचलन क्षेत्राकरीता दैनिक पास रू. १२० व मासिक पास रू. २७०० सुरू करणेस मा. संचालक मंडळाचे बैठकीत निर्णय झालेला आहे. (PMPML Pune) 

समासिक पाससाठी प्रवाशांनी परिवहन महामंडळाचे नजीकचे पास केंद्रावर जाऊन  आधार कार्डची झेरॉक्स प्रत व फोटो देऊन प्रवाशी ओळखपत्र तयार करून घेणे आवश्यक आहे. तसेच दैनिक पाससाठी आधार कार्ड, पॅन कार्ड, ड्रायव्हिंग लायसन्स, पासपोर्ट इत्यादी पैकी कोणतेही एक ओळखपत्र बसमधील वाहकाला दाखवून वाहकांकडून  दैनिक पास घेता येईल. सदरील पास सुविधा दि. ०४/०९/२०२३ पासून सुरू करण्यात आली आहे.

तरी जास्तीत जास्त प्रवाशी नागरिकांनी या संपूर्ण संचलन क्षेत्राकरीता सुरूकरण्यात येत असलेल्या दैनिक व मासिक पास सुविधेचा लाभ घ्यावा, असे आवाहन पुणेमहानगर परिवहन महामंडळाकडून करण्यात आले आहे.

PMP Bus | RakshaBandhan | रक्षाबंधन सणानिमित्त पीएमपीला ४ कोटीहून अधिक उत्पन्न 

Categories
Breaking News cultural social पुणे

PMP Bus | RakshaBandhan | रक्षाबंधन सणानिमित्त पीएमपीला ४ कोटीहून अधिक उत्पन्न

 

PMP Bus | RakshaBandhan | पुणे महानगर परिवहन महामंडळाकडून (PMPML) पुणे, पिंपरी-चिंचवड शहरांसह पी.एम.आर.डी.ए. (PMRDA) हद्दीत बससेवा पुरविण्यात येते. रक्षाबंधन सणानिमित्त प्रवाशांची वाढती गर्दी लक्षात घेता दरवर्षी प्रमाणे प्रवाशांच्या सोयीसाठी पीएमपीएमएल कडून दि. ३० व ३१ ऑगस्ट २०२३ रोजी नियोजित १८३७ शेड्युल व्यतिरिक्त ९६ जादा बसेसचे नियोजन करून सदर बसेस गर्दीच्या मार्गांवर उपलब्ध करून देण्यात आल्या होत्या. पीएमपीएमएल च्या बससेवेला  ३० व ३१ ऑगस्ट २०२३ रोजी प्रवाशांचा चांगला प्रतिसाद मिळाला. (PMP Bus | RakshaBandhan)

३० व ३१ ऑगस्ट २०२३ रोजीची  प्राप्त उत्पन्न खालीलप्रमाणे

तारीख               बस संख्या         उत्पन्न
३० ऑगस्ट           १९३०           १,९५,२७,३८४
३१ ऑगस्ट           १९०१            २,१६,४४,८५३

रक्षाबंधन सणानिमित्त विशेषतः महिला प्रवाशांनी पीएमपीएमएल च्या बससेवेचा जास्तीत जास्त लाभ घेतला. ३० ऑगस्ट ला १३ लाख ७३ हजार ८१९ प्रवाशांची नोंद झाली. तर ३१ ऑगस्ट ला १४ लाख ९६ हजार २८२ प्रवाशांची नोंद झाली. पीएमपीएमएल च्या बससेवेला असाच प्रतिसाद द्यावा असे आवाहन परिवहन महामंडळाकडून करण्यात आले आहे.

News Title | PMP Bus | Raksha Bandhan | More than 4 crore income to PMP on the occasion of Rakshabandhan festival

Raksha Bandhan | PMPML | रक्षाबंधन निमित्त पीएमपीकडून ज्यादा बसेस चे नियोजन

Categories
Breaking News cultural social पुणे

Raksha Bandhan | PMPML | रक्षाबंधन निमित्त पीएमपीकडून ज्यादा बसेस चे नियोजन

Raksha Bandhan | PMPML | ​पुणे व पिंपरी–चिंचवड शहरातील नागरिकांसाठी बुधवार, ३० ऑगस्ट ला “रक्षाबंधन” (Raksha Bandhan) सणानिमित्त परिवहन महामंडळामार्फत (PMPML Pune) मार्गावर धावणाऱ्या दैनंदिन बससंख्येपेक्षा जादा बसेस उपलब्ध करून देण्याचे नियोजन करण्यात आलेले आहे. अशी माहिती पीएमपी प्रशासनाच्या वतीने देण्यात आली.  (Raksha Bandhan | PMPML) 

​दरवर्षी “रक्षाबंधन”चे दिवशी मोठ्या संख्येने प्रवासीवर्ग प्रवास करीत असतो. यास्तवदरवर्षी प्रमाणे परिवहन महामंडळाने “रक्षाबंधन”चे दिवशी प्रवाशांची जास्तीत जास्त सोय होण्यासाठी दैनंदिन संचलनात असलेल्या नियोजित १८३७ बसेस व्यतिरिक्त जादा ९६ बसेसअशा एकूण १९३३ बसेसचा ताफा महामंडळाकडून मार्गावर उपलब्ध करून देण्याचे नियोजन केले आहे. सदरील जादा बसेस ह्या गर्दीच्या मुख्य बस स्थानकांवरून कात्रज, चिंचवड, निगडी, सासवड, हडपसर, वाघोली, जेजुरी, आळंदी, भोसरी, तळेगांव, राजगुरूनगर व देहूगांव इत्यादी ठिकाणी सोडण्यात येणार आहेत. (PMPML Pune) 

याकरिता वाहक, चालक, पर्यवेक्षकीय सेवक यांच्या साप्ताहिक सुट्टया रद्द करण्यात आलेल्या आहेत. तसेच महत्वाच्या स्थानकांवर बस संचलन नियंत्रणासाठी अधिकाऱ्यांच्या नेमणुका करण्यात आलेल्या आहेत. “रक्षाबंधन” बुधवार, ३० ऑगस्ट २०२३ रोजीअसल्यामुळे यावर्षी ३० व ३१ ऑगस्ट २०२३ या दिवशी जादा बसेसचे नियोजन केले आहे. तसेच महामंडळाकडील अधिकारी, लिपीक व इतर कर्मचारी यांची महत्वाच्या स्थानकांवर व थांब्यांवर प्रवाशांना मार्गदर्शन करणेकामी व वाहतूक नियंत्रण करणेकामी नेमणूक करण्यात आली आहे. (PMPML Bus) 

तरी पीएमपीएमएल कडून बुधवार, दिनांक ३० ऑगस्ट २०२३ रोजी “रक्षाबंधन” यासणाचे दिवशी उपलब्ध करण्यात आलेल्या जादा बसेसची नोंद घेवून जास्तीत जास्त प्रवासी नागरिकांनी सार्वजनिक प्रवासी वाहतूक बससेवेचा लाभ घ्यावा, असे आवाहन पीएमपीच्या वतीने करण्यात आले आहे. 

——

News Title | Raksha Bandhan | PMPML | More buses planned by PMP on the occasion of Rakshabandhan