मनपा अधिकारी आणि ठेकेदार यांच्या विरुद्ध गुन्हा दाखल करण्याची कॉंग्रेसची मागणी
| पोलीस आयुक्तांना दिले निवेदन
पुणेकरांचा जीव टांगणीला लावणाऱ्या मनपा अधिकारी आणि ठेकेदार यांच्या विरुद्ध गुन्हा दाखल करण्याची कॉंग्रेसने पोलीस आयुक्त अमिताभ गुप्ता यांच्याकडे केली आहे.
याबाबत काँग्रेसचे सरचिटणीस ऋषिकेश बालगुडे यांनी दिलेल्या निवेदनानुसार शहरात पुणे महानगरपालिका वतीने पाणी पुरवठा, ड्रेनेज,रस्ते,स्मार्ट सिटी, मोबाईल कंपनी व इतर बाबत शहरात सर्वत्र रस्ते खोदाई करण्यात आली. खोदाई बुजविताना पुणे मनपाच्या ठेकेदार कडून निकृष्ट दर्जाहीन काम होते आहे, असे आम्ही पुणे मनपा आयुक्त यांना हि बाब मार्च, एप्रिल मध्ये मिडिया यांच्या द्वारे समोर आणली आहे. या कामाच्यामुळे संपूर्ण शहर खड्डेमय व चिखलमय झाले आहे. यामुळे नागिरकांना प्रचंड प्रमाणात त्रास सहन करावा लागत आहे.
खड्ड्यामुळे नागरिकांना पाठीचे व इतर आजार झाले आहे. मनपा प्रशासन यांच्यामुळे नागरिकांचे छोटे मोठे अपघात घडत आहे. यातून कुठल्याही नागरिकाचा जीवाला काही झाल्यास याला सर्वस्वी जवाबदार पुणे मनपा अधिकारी, संबंधित ठेकेदार ,आयुक्त यांची राहील. नागरिकांच्या जीवाशी खेळणाऱ्यावर तात्काळ गुन्हा दाखल करावा, याबाबतचे निवेदन पुणे शहर पोलीस आयुक्त अमिताभजी गुप्ता यांना देण्यात आले. यावेळी शहर काँग्रेसचे सरचिटणीस ऋषिकेश बालगुडे, प्रदेश सोशल मीडिया काँग्रेस सचिव विशाल गुंड, जतिन परदेशी, युवक काँग्रेसचे प्रणव नामेकर उपस्थित होते