पथ विभागाच्या टेंडर वरून राष्ट्रवादीचे आंदोलन
पुणे महानगरपालिकेच्या (PMC Pune) रस्त्यांच्या टेंडर प्रक्रियेत (Road repairing Tender) सुरू असलेल्या भाजपच्या (BJP) हस्तक्षेपाविरोधात राष्ट्रवादी कॉंग्रेस पार्टीच्या (NCP) वतीने पुणे महानगर पालिका प्रवेशद्वारावर तीव्र निदर्शने करत आंदोलन करण्यात आले.
याबाबत राष्ट्रवादीचे शहर अध्यक्ष प्रशांत जगताप म्हणाले, पुणे शहरातील विविघ भागातील रस्त्याच्या कामाच्या निविदेत ठराविक ठेकेदाराला डोळ्यासमोर ठेवून रस्त्याच्या कामाची निविदा तयार करण्यासाठी व त्यात दबाव आणून स्वत:चा स्वार्थ साधण्यासाठी सत्ताधारी पक्षाचे आमदार ,माजी आमदार, माजी पक्षनेते व पदाधिकारी अन्य ठेकेदारांना धमकावत आहेत याची सर्व वर्तमानपत्रांनी दखल घेत याबाबतचे वृत्त प्रसारित होऊनही हा प्रकार थांबलेला नाही. गेल्या ५ वर्षात सत्ताधारी भाजप नगरसेवकांचे सुरू असलेले “टेंडरराज” राज्यात शिंदे फडणवीस सरकार आल्यानंतर पुन्हा सुरू झाले असून यात सर्वसामान्य पुणेकरांच्या कररुपी पैश्यांची उधळपट्टी करत पुणे महानगरपालिकेच्या तिजोरीवर राजरोसपणे दरोडा घालण्याचा प्रकार सुरू आहे. (PMC Pune)
या निविदेतील अटी -शर्ती दुरूस्त करुन पुन्हा निविदा काढावी व संबंधीत अधिका-यांची चौकशी करावी या मागणी करीता राष्ट्रवादी कॉंग्रेस पार्टीच्यावतीने तिव्र आंदोलन करण्यात आले.
व मनपा आयुक्त विक्रम कुमार यांची भेट धेवून यासंदर्भात त्वरीत योग्य तो निर्णय ध्यावा, ही मागणी करण्यात आली.
सदर आंदोलनास शहराध्यक्ष प्रशांत जगताप , आमदार चेतन तुपे ,सौ. राजलक्ष्मी भोसले योगेश ससाणे, फारूक ईनामदार , सुनिल बनकर ,गफूर पठान , प्रदीप गायकवाड , महेन्द्र पठारे , चंन्द्रकांत कवडे , शंतनू जगदाळे , अमर तुपे , संदीप बधे , पुनम पाटील यांसह मोठ्या संख्येने कार्यकर्ते उपस्थीत होते. (NCP Pune)