Tag: Pune Municipal secretary department

PMC Pune Municipal Secretary | गेल्या 3 वर्षांपासून पुणे महापालिकेला पूर्ण वेळ नगरसचिव आणि उपनगरसचिव मिळेना!

Categories
Breaking News PMC पुणे

PMC Pune Municipal Secretary | गेल्या 3 वर्षांपासून पुणे महापालिकेला पूर्ण वेळ नगरसचिव आणि उपनगरसचिव मिळेना!

|  कधी भरली जाणार पदे?

PMC Pune Municipal Secretary | पुणे महापालिकेचे (Pune Municipal Corporation) पूर्ण वेळ नगरसचिव (Full Time Municipal secretary) असणारे सुनील पारखी 30 ऑगस्ट 2020 ला निवृत्त झाले. तसेच उप नगरसचिव 30 सप्टेंबर 2020 निवृत्त झाले आहेत. त्यांच्या जागी नवीन नगरसचिव नेमण्यासाठी महापालिकेकडून भरती प्रक्रिया (PMC Pune Recruitment) राबवण्यात आली होती. त्यानुसार या पदभरतीबाबत जाहिरात देण्यात आली होती.  परंतु एकही उमेदवार सक्षम आढळला नाही.  नगरसचिवांच्या कामकाजाची माहिती कोणालाच नव्हती.  या कारणास्तव ही प्रक्रिया रद्द करण्यात आली होती. त्यानंतर अद्याप कोणतीही प्रक्रिया केली गेली नाही. 3 वर्ष झाली तरी देखील महापालिकेला (PMC Pune) हे पद भरता आले नाही. नगरसचिव नसल्याने उपनगरसचिव पद देखील भरण्यात आले नाही. महापालिका प्रभारी पदभार देऊन काम चालवत आहे. मात्र पुन्हा पद भरती बाबत जाहिरात दिली नाही. किंवा पदोन्नती च्या माध्यमातून उपनगरसचिव पद देखील भरण्यात आले नाही. महापालिकेचे एवढे महत्वाचे पद असताना देखील याबाबत महापालिका प्रशासनाची उदासीनता लक्षात येत आहे. (PMC Pune Municipal Secretary) 

 – भरती प्रक्रिया रद्द करण्यात आली होती

सुनील पारखी निवृत्त झाल्यानंतर महापालिकेने  नगरसचिवांच्या नियुक्ती प्रक्रियेबाबत प्रशासनाने राज्य सरकारकडे प्रस्ताव पाठवण्यात आला होता. त्यानुसार पद भरती प्रक्रिया जलद करण्यात आली होती.  त्याची जाहिरात काढण्यात आली.  महापालिकेकडे एकूण 42 अर्ज आले होते.  यातील बहुतांश अर्ज महापालिका अधिकारी आणि कर्मचाऱ्यांचे होते.   अर्ज तपासल्यानंतर 29 लोक त्यात पात्र ठरले.  पात्र उमेदवारांच्या मुलाखती घेण्यात आल्या.  परंतु नंतर ही प्रक्रिया अनेक दिवस पुढे जाऊ शकली नाही.  त्यानंत ही भरती प्रक्रिया रद्द करण्यात आली होती. कारण 29 पैकी एकाही उमेदवाराला नगरसचिवांच्या कामकाजाची माहिती नव्हती. यामुळे, आता एक नवीन प्रक्रिया राबवली जाईल, असे प्रशासनाच्या वतीने सांगण्यात आले होते. त्यानंतर अद्याप कोणतीही प्रक्रिया केली गेली नाही. 3 वर्ष होत आली तरी देखील महापालिकेला हे पद भरता आले नाही. याबाबत महापालिकेची उदासीनता लक्षात येत आहे. सध्या प्रभारी नगरसचिव म्हणून योगिता भोसले काम पाहत आहेत. याआधी प्रभारी म्हणून काम पाहणारे शिवाजी दौंडकर मे महिन्याच्या शेवटी सेवानिवृत्त झाले आहेत. हे माहित असताना महापालिकेकडून तीन महिने अगोदरच याची भरती प्रक्रिया करणे अपेक्षित होते. मात्र प्रशासनाने तसा कुठलाही निर्णय घेतला नाही. प्रशासनाच्या या भूमिकेबद्दल मात्र प्रश्नचिन्ह उभे राहत आहे. (PMC Pune news)

| उपनगरसचिव पद देखील रिक्तच

नगरसचिव पारखी निवृत्त झाल्यानंतर दुसऱ्याच महिन्यात म्हणजे सप्टेंबर 2020 मध्ये उपनगरसचिवराजेंद्र शेवाळे सेवानिवृत्त झाले होते. तेव्हापासून हे पद देखील रिक्तच आहे. याचाही प्रभारी पदभार देण्यात आला आहे. महापालिकेचे राजशिष्टाचार अधिकारी योगिता भोसले प्रभारी म्हणून काम पाहत आहेत. दरम्यान राजशिष्टाचार अधिकारी आणि उपनगरसचिव हे पद आता समकक्ष करण्यात आले आहे. महापालिकेच्या नियमानुसार नगरसचिव हे उपनगरसचिव यांची नियुक्ती करत असतात. मात्र जिथे नगरसचिव नाहीत तिथे उपनगरसचिव यांची कोण नेमणूक करणार? आता हे पद पदोन्नती ने भरले जाणार कि अजून दुसऱ्या कुठल्या प्रक्रियेने, याबाबत कर्मचाऱ्यांमध्ये उत्सुकता होती. मात्र पदोन्नती प्रक्रिया न करता याचाही पदभार देण्यात आला आहे. (PMC Pune Deputy Municipal secretary)

– महापालिकेत नगरसचिव  पद महत्वाचे

 महानगरपालिकेच्या कामकाजात नगरसचिव हे पद अत्यंत महत्वाचे आहे. (Pune Municipal Corporation Municipal secretary) महापालिका आयुक्तांनंतर नगरसचिव हे पद महत्त्वाचे आहे.  प्रशासनाच्या तसेच महापौरांसह राजकीय लोकांच्या समन्वयाची जबाबदारी नगरसचिवावर असते. मुख्य सभा, महानगरपालिकेच्या स्थायी समितीच्या नियोजनापासून ते त्याचे कार्यपत्रक प्रकाशित करण्यापर्यंत, सभेचे संघटन, त्याच्याशी संबंधित निवडणूक प्रक्रिया, विशेष विषय समित्यांची प्रक्रिया आणि त्याच्या निवडणुकीची प्रक्रिया देखील नगरसचिव करतात. महापौर कार्यालयाचे सर्व काम देखील नगरसचिव करतात.  यामुळे महानगरपालिकेच्या कामकाजात नगरसचिवाची भूमिका महत्त्वाची मानली जाते.
—-
News Title | PMC Pune Municipal Secretary For the last 3 years, Pune Municipal Corporation has not got a full-time Municipal Secretary and Suburban Secretary!

Pune Municipal Secretary Department | पुणे महापालिका नगरसचिव विभागातील उपनगरसचिव सह 8 पदे ‘प्रमोशन’ च्या प्रतिक्षेत! | नगरसचिव पद देखील 3 वर्षांपासून रिक्तच!

Categories
Breaking News PMC पुणे

Pune Municipal Secretary Department | पुणे महापालिका नगरसचिव विभागातील उपनगरसचिव सह 8 पदे ‘प्रमोशन’ च्या प्रतिक्षेत! | नगरसचिव पद देखील 3 वर्षांपासून रिक्तच!

| बढती प्रक्रिया सुरु करण्याची मनपा मागासवर्गीय कर्मचारी संघटनेची मागणी

Pune Municipal Secretary Department  | पुणे महानगरपालिकेच्या नगरसचिव विभागाकडील  (Pune Municipal Secretary Department) उपनगरसचिव (Deputy Municipal Secretary) या बढतीच्या पदासह इतर 8 पदे अनेक वर्षांपासून रिक्त आहेत. या पदांची बढती प्रक्रियाच (Promotion) होऊ न शकल्याने ही पदे 3 ते 9 वर्षांपासून रिक्तच आहेत. या पदांना सेवाप्रवेश नियमावली २०१४ मध्ये मान्यता मिळाली असून अद्यापही भरती झालेली नाही. त्यामुळे अन्याय होत असल्याची भावना कर्मचारी व्यक्त करत आहेत. दरम्यान रिक्त पदांची बढती प्रक्रिया तात्काळ सुरु करण्याची मागणी पुणे महापालिका मागासवर्गीय कर्मचारी संघटनेकडून (Pune Mahanagarpalika Magasvargiy Karmchari Sanghatana) महापालिका आयुक्त विक्रम कुमार (PMC Commissioner Vikram Kumar) यांच्याकडे करण्यात आली आहे. (Pune Municipal Secretary Department)

 

याबाबत संघटनेचे अध्यक्ष रुपेश सोनवणे (President Rupesh Sonawane) यांनी महापालिका आयुक्तांना पत्र दिले आहे. त्यानुसार  राजशिष्टाचार अधिकारी (प्रोटोकॉल ऑफिसर) हे एकाकी पद वगळता कार्यालयात सचिव, अध्यक्ष, स्थायी समिती हुद्याव्यतिरिक्त फक्त सर्व लखेनिकी संवर्गाची पदे कार्यरत आहेत. रिक्त पदांबाबत काहीना तीन- तीन रिक्त पदांचा पदभार आहे. तर काही पदावर मनपा आस्थापनेवरील अन्य खात्यातील सेवक वर्षानुवर्षे काम करीत आहेत. (Pune Municipal Corporation)
उपनगरसचिव हे पद बढतीचे पद आहे. या कार्यायातील ज्येष्ठ सेवकामधून बढती देणे आवश्यक आहे. तरी उपनगरसचिव पदाची खोतनिहाय बढती समिती ( D.P.C.) मध्ये सेवाज्येष्ठ सेवकांची माहिती दिली होती. उपनगरसचिव पदाची खोतनिहाय बढती समिती ( D.P.C.) सन २०२० या वर्षी घेण्यची आली होती. परंतु तांत्रिक अडचण दाखवून या पदावर सेवाज्येष्ठ सेवकाची निवड करण्यात आलेली नाही. त्यामुळे बढती साखळीतील सर्वच पदे रिक्त आहेत. (PMC Pune Employees promotion)

सोनवणे यांनी पुढे म्हटले आहे कि महापालिका आयुक्त यांनी सेवाज्येष्ठ सेवकास उपनगरसचिव पदाचा प्रभारी पदभार देण्यास व नियमानुसार बढती प्रक्रिया सुरू करणेस महापालिका आयुक्त यांनी मान्यता दिलेली आहे. परंतु ४ महिने झाले तरी अद्यापही पदभार किंवा बढती प्रक्रिया सुरू न केल्याने सेवाज्येष्ठ सेवकांवर अन्याय होत आहे. तसेच खात्याचीही प्रशासकीय अडचण होत आहे. त्यामुळे  उपनगरसचिव पदाची बढती प्रक्रिया सुरू केल्यास साखळीतील सर्व रिक्त पद भरणे सोयीचे होईल व सर्व सेवाज्येष्ठ सेवकांना योग्य तो न्याय मिळेल. अशी मागणी सोनवणे यांनी पत्राद्वारे केली आहे. (PMC Pune News)
–

अशी आहेत रिक्त पदे

हुद्दा                              रिक्त कालावधी 
नगरसचिव.      -.           3 वर्ष
उपनगरसचिव.    -.          3 वर्ष
महापौर यांचे सचिव. -.      6 वर्ष
उपमहापौर यांचे सचिव -.    5 वर्ष
समारंभ प्रमुख.             -.     9 वर्ष
अति. कार्यालय अधिक्षक. -.  1 महिना
सभागृह नेते – सचिव.         –    6 वर्ष
विरोधी पक्षनेते – सचिव.      -.   6 वर्ष
ज्येष्ठ समिती लेखनिक – २ पदे – 3 वर्ष
—-
News Title | Pune Municipal Secretary Department | 8 posts with Sub-Secretary in Pune Municipal Municipal Corporation are waiting for ‘promotion’! | The post of Municipal Secretary has also been vacant for 3 years!

PMC Pune General Body | पुणे महापालिकेच्या मुख्य सभेचे कामकाज जबाबदारीने सांभाळणारे सोमनाथ कारभळ सेवानिवृत्त!

Categories
Breaking News PMC पुणे

PMC Pune General Body | पुणे महापालिकेच्या मुख्य सभेचे कामकाज जबाबदारीने सांभाळणारे सोमनाथ कारभळ सेवानिवृत्त!

PMC Pune General Body | पुणे महापालिकेच्या (Pune Municipal Corporation) मुख्य सभेचे (General Body) गेल्या 10 वर्षांपासून जबाबदारीने काम सांभाळणारे ज्येष्ठ समिती लेखनिक सोमनाथ कारभळ (Somnath Karbhal) आज (31 मे) सेवानिवृत्त (Retire) झाले. सुमारे 31 वर्ष त्यांनी महापालिकेच्या नगरसचिव विभागात (PMC Municipal secretary Department) काम केले. विभागातल्या वेगवेगळ्या जबाबदाऱ्या सांभाळत असताना मुख्य सभेच्या कामकाजाची जबाबदारी कारभळ यांनी अतिशय निष्ठेने पार पाडली. (PMC Pune General Body)
सोमनाथ कारभळ हे 1992 साली महापालिकेच्या नगरसचिव विभागात रूजू झाले.  सुरुवातीला त्यांनी ज्युनियर ग्रेड लेखनिक या पदावर काम केले. त्यानंतर आपल्या कामाने पदोन्नती घेत ते समिती लेखनिक झाले.  आज ते ज्येष्ठ समिती लेखनिक म्हणून निवृत्त झाले. नगरसचिव विभागात त्यांनी 31 वर्ष काम केले. सुरुवातीला त्यांनी टायपिंगचे काम केले. कारभळ हे मुख्य सभेचे काम गेल्या 10 वर्षांपासून पाहत होते. (Pune Municipal Corporation Employees)
मुख्य सभेचे काम हे क्लिष्ट असते. सभेत सगळे धोरणात्मक निर्णय घेतले जातात. महापालिका प्रशासन आणि नगरसेवक या दोघांना एकत्र घेत हे कामकाज करणे आवश्यक असते. यामध्ये मुख्य सभा बोलावणे, सभेची कार्यपत्रिका तयार करणे, सभासदांना घरी पाठवणे, महापालिकेच्या वेगवगेळ्या खात्याना अवगत करणे, कार्यपत्रिका सभागृहात फाईलला लावणे, प्रश्न उत्तरे आयुक्त कार्यालयात पाठवणे आणि त्याचे उत्तरे आले कि सभासदाच्या फाईलला लावणे. वृत्तांत छापणे अशी कामे असतात. general body विभागाला ला कमी कर्मचारी असताना देखील कारभळ यांनी आपले काम चोख केले. तसेच सभासदांची/नगरसेवकांची हजेरी घेण्याचे काम देखील याच कार्यालयाला करावे लागते. तसेच सभासद आणि पत्रकारांना docket उपलब्ध करून दिले जातात. अशी जिकिरीची आणि तांत्रिक कामे कारभळ यांनी आपल्या सेवेत केली. (PMC Pune News)
—
मुख्य सभेचे कामकाज ही प्रक्रिया क्लिष्ट आहे. यामध्ये एखादी चूक देखील महागात पडते. जबाबदारीने काम करावे लागते. मी हे काम वेळेच्या वेळी आणि जबाबदारीने केले. नागरिकांना व्यवस्थित वागणूक दिली. याचा निवृत्त होताना आनंद वाटतो आहे. आता निवृत्त झाल्यानंतर  समाजकार्य करणार. गावी राहणार. तसेच मुख्य सभेच्या कामकाजाबाबत कार्यालयातील नवीन कर्मचाऱ्यांना सहकार्य करण्याची तयारी आहे.
– सोमनाथ सखाराम कारभळ, सेवानिवृत्त सेवक, पुणे महापालिका.

—-
News Title | Somnath Karbhal, responsible for the General body meeting of Pune Municipal Corporation, retired!