पुणे |. पुणे शहरातील हॉटेल, रेस्टॉरंट, मॉल इ. मिळकतीमधील साईड मार्जीनमध्ये अनेक व्यावसायिक अनाधिकृतपणे व्यवसाय चालू ठेवतात तसेच काही बिगरनिवासी मिळकतीवरील ओपन टेरेसवर देखील बिगरनिवासी व्यवसाय चालू ठेवतात. अशा अनाधिकृत वापरातून मिळकतधारक उत्पन्न मिळवत आहे. महापालिकामार्फत अतिक्रमण काढण्याची कारवाई केली जाते. कारवाई होऊनही सदर मिळकतधारकाकडून पुन्हा पुन्हा अतिक्रमणे केली जातात. यावर आळा घालण्यासाठी आता साईड मार्जिनमध्ये अतिक्रमण करणाऱ्या मिळकतींना बिगरनिवासी दराने तीनपटीने कर आकारणी करण्यात येणार आहे. महापालिका आयुक्तांनी नुकतेच याबाबतचे आदेश जारी केले आहेत.