Tag: DR Rajesh Deshmukh IAS

New Collector of Pune IAS Suhas Diwase  | Transfer of IAS Dr. Rajesh Deshmukh

Categories
Breaking News पुणे

New Collector of Pune IAS Suhas Diwase  | Transfer of IAS Dr. Rajesh Deshmukh

 Suhas Diwase IAS |  Dr. Rajesh Deshmukh IAS |  Pune |  Suhas Diwase IAS has been appointed as Pune Collector by the state government.  Dr. Rajesh Deshmukh (IAS) has been transferred and has been appointed as Commissioner of Sports and Youth Services in Pune.
 The state government has been transferring IAS officers for the past few days.  The Divisional Commissioner was recently transferred.  After that now Dr. Rajesh Deshmukh has been transferred.  Suhas Diwase will be the new Collector of Pune.  he was the Sports and Youth Services Commissioner.  Dr. Deshmukh will now work in his place.

Suhas Diwase IAS | Dr Rajesh Deshmukh IAS | सुहास दिवसे पुण्याचे नवीन जिल्हाधिकारी | डॉ राजेश देशमुख यांची बदली 

Categories
Breaking News social पुणे महाराष्ट्र

Suhas Diwase IAS | Dr Rajesh Deshmukh IAS | सुहास दिवसे पुण्याचे नवीन जिल्हाधिकारी | डॉ राजेश देशमुख यांची बदली

Suhas Diwase IAS | Dr Rajesh Deshmukh IAS | पुणे | पुणे जिल्ह्याच्या जिल्हाधिकारी (Pune Collector) पदी राज्य सरकारकडून सुहास दिवसे (Suhas Diwase IAS) यांची नियुक्ती करण्यात आली आहे. डॉ राजेश देशमुख (Dr Rajesh Deshmukh IAS) यांची बदली करण्यात आली असून त्यांना पुण्यातच क्रीडा व युवक सेवा आयुक्त पदी नियुक्त करण्यात आले आहे.
राज्य सरकारकडून गेल्या काही दिवसापासून आयएएस अधिकाऱ्यांच्या बदल्या केल्या जात आहेत. नुकतेच विभागीय आयुक्तांची बदली करण्यात आली होती. त्यानंतर आता डॉ राजेश देशमुख यांची बदली करण्यात आली आहे. सुहास दिवसे हे पुण्याचे नवीन जिल्हाधिकारी असतील. दिवसे हे क्रीडा व युवक सेवा आयुक्त होते. त्यांच्या जागी आता डॉ देशमुख काम पाहतील.
the karbhri - suhas diwase ias order
पुणे जिल्हाधिकारी पदाबाबत राज्य सरकारकडून जारी करण्यात आलेले आदेश

2 thousand 625 crore compensation allocation for land acquisition of Pune Western Ring Road

Categories
Breaking News social पुणे

2 thousand 625 crore compensation allocation for land acquisition of Pune Western Ring Road

| Due to the efforts of Collector Dr.Rajesh Deshmukh, the land acquisition work of circular road is in the final stage

 

Pune Ring Road | The land acquisition work of Pune Ring Road, which is very important for the development of the district and the state, has reached its final stage. Due to the consistent efforts of Collector Dr. Rajesh Deshmukh (IAS), the land acquisition for this project has been achieved very quickly and for the land acquisition of the inner ring road, a compensation of 2 thousand 625 crores has been deposited in the account of the land holders. (Pune Ring Road News)

Vehicles coming and going from areas near Pune and Pimpri-Chinchwad as well as Kolhapur, Saswad, Solapur, Ahmednagar, Nashik, Mangaon, Konkan and Mumbai have to pass through Pune and Pimpri Chinchwad. Therefore, it is putting a strain on the traffic within the city. With the increase in the number of vehicles in the city, the air and noise pollution has also increased. Since it is necessary to build a ring road outside the city to divert the vehicles coming from outside the city to the right direction without bringing them inside the city, the government decided to build a ring road around the city of Pune on 14th July 2015.

Government has appointed Maharashtra State Road Development Corporation as the implementing mechanism for this project. This project is divided into two phases namely East and West. Preliminary land acquisition notifications for the Eastern and Western Ring Roads were released in 2021 after the project design was finalised.

Local citizens were opposed to the measurements required for the project. Despite the Corona crisis, Collector Dr. Rajesh Deshmukh interacted with the local citizens and explained the importance of the project to them. The joint enumeration work was completed within a short period of time due to the success in explaining the economic benefits of land acquisition to the land holders.

Acquiring land from around 84 villages in six talukas was a major challenge for this ambitious project. For this, rates were fixed for land prone to various types of floods. Later, as per the instructions given by the Government through circular dated 24th January 2023 regarding assessment, the fixed rates were canceled and new rates were fixed. While doing so, care was also taken to ensure that the landowners are properly satisfied.

After fixing the compensation as per the new rate, in the first phase, notices were given to the land holders of a total of 32 villages of the Pune (West) Ring Road for filing consent options. A separate Land Acquisition Cell was set up in the offices of all Land Acquisition Officers to receive 25 percent additional compensation from the land holders after giving their consent. Out of about 645 hectares of land to be acquired in Maval, Mulshi, Haveli and Bhor taluks of the Western Ring Road, 307 hectares of land was taken with consent. Land acquisition decisions for the rest of the area have been announced and the land transfer process for the project has been completed.

Tariff determination of total 48 villages in Maval, Khed, Haveli, Purandar and Bhor talukas of East Ring Road has been completed. Among them, 12 villages in Khed taluka, 6 villages in Maval taluka and 5 villages in Haveli taluka have been determined and the process of distribution of remuneration has been started.

For the acquisition of Pune Ring Road, an amount of Rs 2,625 crore has been deposited in the bank account of the landowners. This is the highest compensation ever allocated for land acquisition of public projects in the district. After the new circular regarding the assessment of the government, the first phase of land acquisition was completed in just one year, which included joint enumeration as per occupancy, determination of rates and compensation, consultation of the land holders and maximum consent options, allocation of compensation according to the consent option was completed. Regular meetings and workshops of the appointed committee were held for this purpose.

Dr. Deshmukh has speeded up this entire process in the last six months. Special efforts were made by concerned Sub Divisional Officers, Tehsildars and Revenue Officers in this process. Various departments like Agriculture Department, Land Records Department, Revenue Department, Water Supply Department, Forest Department, Public Works Department etc. also cooperated well for this project. Through the combined efforts of all these, soon the work of Pune Ring Road will be taken up as per the tender process.
0000

Pune Ring Road | पश्चिम चक्राकार मार्गाच्या भूसंपादनासाठी २ हजार ६२५ कोटींचा मोबदला वाटप | रिंग रोड चे काम अंतिम टप्प्यात

Categories
Breaking News social पुणे

Pune Ring Road | पश्चिम चक्राकार मार्गाच्या भूसंपादनासाठी २ हजार ६२५ कोटींचा मोबदला वाटप

| जिल्हाधिकारी डॉ.राजेश देशमुख यांच्या प्रयत्नांमुळे चक्राकार मार्गाच्या भूसंपादनाचे काम अंतिम टप्प्यात*

 

Pune Ring Road | जिल्ह्याच्या आणि राज्याच्या विकासासाठी अत्यंत महत्वपूर्ण असणाऱ्या पुणे चक्राकार मार्गाच्या भूसंपादनाचे काम अंतिम टप्प्यात आले आहे. जिल्हाधिकारी डॉ.राजेश देशमुख (Dr Rajesh Deshmukh IAS) यांच्या सातत्यपूर्ण प्रयत्नांमुळे या प्रकल्पासाठी अत्यंत वेगाने भूसंपादन करण्यात यश आले असून आतपार्यंत पश्चिम चक्राकार मार्गाच्या भूसंपादनासाठी २ हजार ६२५ कोटींचा मोबदला भूधारकांच्या खात्यावर जमा करण्यात आला आहे. (Pune Ring Road News)

पुणे व पिंपरी-चिंचवड शहरालगतच्या तसेच कोल्हापूर, सासवड, सोलापूर, अहमदनगर, नाशिक, माणगाव, कोकण व मुंबई या भागातून येणाऱ्या आणि बाहेर जाणाऱ्या वाहनांना पुणे आणि पिंपरी चिंचवड शहरातून जावे लागते. त्यामुळे शहरांतर्गत वाहतूकीवर त्याचा ताण पडत आहे. शहरात वाहनांची संख्या वाढल्याने हवेचे व ध्वनीचे प्रदुषणदेखील वाढले आहे. बाहेरून येणारी वाहने शहराच्या आत न आणता बाहेरून योग्य त्या दिशेला वळविण्याकरीता शहराबाहेरून चक्राकार महामार्ग काढणे आवश्यक असल्याने शासनाने १४ जुलै २०१५ रोजी पुणे शहराभोवती चक्राकार मार्ग बांधण्याचा शासनाने निर्णय घेतला.

या प्रकल्पाकरीता अंमलबजावणी यंत्रणा म्हणून शासनाने महाराष्ट्र राज्य रस्ते विकास महामंडळाला नियुक्त केले आहे. हा प्रकल्प पूर्व व पश्चिम अशा दोन टप्प्यात विभागला आहे. प्रकल्पाची आखणी अंतिम झाल्यानंतर पूर्व व पश्चिम चक्राकार महामार्गासाठी भूसंपादनाच्या प्राथमिक अधिसूचना २०२१ मध्ये प्रसिद्ध झाल्या.

प्रकल्पासाठी आवश्यक मोजणीला स्थानिक नागरिकांचा विरोध होता. कोरोना संकटाचा कालावधी असतानाही जिल्हाधिकारी डॉ.राजेश देशमुख यांनी स्थानिक नागरिकांसोबत संवाद साधून त्यांना प्रकल्पाचे महत्व समजावून सांगितले. भूसंपादनामुळे होणारा आर्थिक लाभ भूधारकांना समजावून सांगण्यात यश आल्याने संयुक्त मोजणीचे काम अल्पावधीत पूर्ण करण्यात आले.

या महत्त्वाकांक्षी प्रकल्पासाठी सहा तालुक्यातील सुमारे ८४ गावातून जमीन संपादन करणे हे मोठे आव्हान होते. त्यासाठी विविध प्रकारच्या बाधीत होणाऱ्या जमिनीसाठी दर निश्चिती करण्यात आली. नंतरच्या काळात मुल्यांकनासंदर्भात शासनाने २४ जानेवारी २०२३ रोजीच्या परिपत्रकाद्वारे दिलेल्या सुचनेनुसार निश्चित केलेले दर रद्द करून नव्याने दर निश्चिती करण्यात आली. असे करताना भूधारकांचे समाधान योग्यप्रकारे होईल याचीदेखील दक्षता घेण्यात आली.

नवीन दरानुसार मोबदला निश्चिती करून पहिल्या टप्प्यात पुणे (पश्चिम) चक्राकार मार्गाच्या एकूण ३२ गावांतील भूधारकांना संमतीचे विकल्प दाखल करण्यासाठी नोटीसा देण्यात आल्या. भूधारकांनी संमती दिल्यानंतर त्यांना २५ टक्के अतिरिक्त मोबदला प्राप्त होण्यासाठी सर्व भूसंपादन अधिकाऱ्यांच्या कार्यालयात स्वतंत्र भूसंपादन कक्ष कार्यान्वित करण्यात आले. पश्चिम चक्राकार मार्गातील मावळ, मुळशी, हवेली व भोर तालुक्यातील संपादित करावयाच्या सुमारे ६४५ हेक्टर जमिनीपैकी ३०७ हेक्टर क्षेत्र संमतीने घेण्यात आले. उर्वरीत क्षेत्राचे भूसंपादनाचे निवाडे जाहीर करण्यात येवून प्रकल्पाकरिता जमीन हस्तांतरणाची कार्यवाही पूर्ण करण्यात आली आहे.

पूर्व चक्राकार मार्गातील मावळ, खेड, हवेली, पुरंदर व भोर तालुक्यातील एकूण ४८ गावांतील दर निश्चिती पूर्ण करण्यात आली आहे. त्यापैकी खेड तालुक्यातील १२, मावळ तालुक्यातील ६ व हवेली तालुक्यातील ५ गावांतील मोबदला निश्चिती करून मोबदला वाटपाची कार्यवाही सुरू करण्यात आली आहे.

पुणे चक्राकार मार्गासाठी संपादनाकरीता २ हजार ६२५ कोटी रुपये रक्कमेचा मोबदला भूधारकांच्या बँक खात्यावर जमा करण्यात आले आहे. जिल्ह्यातील आजवर झालेल्या सार्वजनिक प्रकल्पांच्या भूसंपादनाकरीता वाटप करण्यात आलेल्या मोबदल्यापेक्षा हा सर्वाधिक मोबदला आहे. शासनाच्या मुल्यांकनासंदर्भातील नवीन परिपत्रकानंतर केवळ एक वर्षाच्या आत भूसंपादनाची प्रथम टप्यातील कार्यवाही ज्यात संयुक्त मोजणी वहिवाटीप्रमाणे करणे, दर व मोबदला निश्चिती, भूधारकांचे समुपदेशन करून जास्तीत जास्त संमतीचे विकल्प घेणे, संमती विकल्पानुसार मोबदला वाटप करण्याची कार्यवाही पूर्ण करण्यात आली. यासाठी नियुक्त समितीच्या नियमितपणे बैठका, कार्यशाळा घेण्यात आल्या.

गेल्या सहा महिन्याच्या कालावधीत या संपूर्ण कार्यवाहीला डॉ.देशमुख यांनी वेग दिला आहे. या प्रक्रियेत संबंधित उपविभागीय अधिकारी, तहसिलदार आणि महसूल कर्मचाऱ्यांनी विशेष प्रयत्न केले. कृषी विभाग, भूमी अभिलेख विभाग, महसूल विभाग, पाणी पुरवठा विभाग, वन विभाग, सार्वजनिक बांधकाम विभाग आदी विविध विभागांनीही या प्रकल्पासाठी चांगले सहकार्य केले. या सर्वांच्या एकत्रित प्रयत्नातून लवकरच पुणे चक्राकार मार्गाचे काम निविदा प्रक्रीयेनुसार हाती घेण्यात येणार आहे.
0000

National Voters Day 2024 | राष्ट्रीय मतदार दिन |पुणे जिल्हाधिकारी कार्यालयात कार्यक्रमाचे आयोजन

Categories
Breaking News social पुणे

National Voters Day 2024 | राष्ट्रीय मतदार दिन |पुणे जिल्हाधिकारी कार्यालयात कार्यक्रमाचे आयोजन

 

|शहरी मतदानातील उदासीनता दूर करण्यासाठी नवमतदारांची भूमिका महत्त्वाची | जिल्हाधिकारी डॉ.राजेश देशमुख

 

National Voters Day 2024 |  पुणे| शहरी मतदारांची मतदानातील उदासीनता दूर करुन मतदानाची टक्केवारी वाढविण्यासाठी युवा मतदारांची भूमिका महत्त्वाची आहे. त्यादृष्टीने यावर्षीच्या विशेष संक्षिप्त पुनरीक्षण कार्यक्रमादरम्यान नोंदणी झालेल्या नवमतदारांनी मतदानाचा हक्क बजवावा, असे आवाहन जिल्हाधिकारी डॉ. राजेश देशमुख यांनी केले. (National Voters Day 2024)

जिल्हाधिकारी कार्यालयात १४ व्या राष्ट्रीय मतदार दिनानिमित्त आयोजित कार्यक्रमात ते बोलत होते. कार्यक्रमाला अपर जिल्हाधिकारी अजय मोरे, निवासी उपजिल्हाधिकारी ज्योती कदम, उप जिल्हा निवडणूक अधिकारी मीनल कळसकर, उपजिल्हाधिकारी अर्चना तांबे, पुणे कॅन्टोन्मेंट मतदार संघाचे मतदार नोंदणी अधिकारी सिद्धार्थ भंडारे, जिल्हा ग्रामीण विकास यंत्रणेच्या प्रकल्प संचालक शालिनी कडू उपस्थित होते.

डॉ.देशमुख म्हणाले, मतदार हा आपला लोकशाहीचा कणा आहे. मतदारांसाठी राबविण्यात येणाऱ्या कार्यक्रमाच्यादृष्टीने मतदार दिन महत्वाचा आहे. भारतीय लोकशाही ही जगातील सर्वात मोठी लोकशाही असून आणि लोकशाहीने आपल्याला स्वातंत्र्य, मूलभूत हक्क दिले आहेत. हे अधिक दृढ करण्यासाठी प्रत्येकाचा लोकशाही प्रक्रियेत सहभाग महत्त्वाचा आहे. त्यामुळे मतदारापर्यंत पोहोचण्यासाठी मतदार दिनाचा कार्यक्रम महत्वाचा असून येणारे वर्ष हे निवडणूक वर्ष असल्यामुळे या वर्षीच्या राष्ट्रीय मतदार दिनाला अधिकच महत्त्व आहे.

लोकशाही व्यवस्थेत चांगली मतदार यादी असण्यापासून भयमुक्त, निकोप निवडणूकांपर्यंत सर्व बाबी महत्वाच्या आहेत. यात समाविष्ट सर्व प्रशासकीय घटकांसोबतच राजकीय पक्षांचेही महत्व आहे. त्यामुळे प्रत्येक निवडणुकीच्या टप्प्यावर पारदर्शितेसाठी राजकीय पक्षांना सहभागी करून घेण्यात येते. त्यामुळे आपल्या निवडणूक यंत्रणेवरील विश्वसनीयता अधिक दृढ होते, असेही डॉ. देशमुख म्हणाले.

निवडणुक प्रक्रिया राबविण्याएवढेच चांगली, शुद्ध मतदार यादी तयार करणेही महत्वाचे आहे. त्यामुळे निवडणुकीचा निकालही योग्य ठरतो. जिल्ह्यात कोविड नंतर मतदार यादी शुद्ध करण्यासाठी गेल्या तीन वर्षात खूप चांगले झाले आहेत. गेल्या तीस वर्षात निवडणूक प्रकियेत तंत्रज्ञानामुळे अनेक गोष्टी सोप्या झाल्या असून 7 ते 8 लाखापेक्षा जास्त मयत, कायम स्थलांतरीत, दुबार मतदारांची वगळणी यासाठी तंत्रज्ञानाचा उपयोग झाला आहे. आपली मतदार यादी अजून शुद्ध करण्यासाठी पात्र नवमतदारांची नोंदणी आवश्यक आहे, त्यासाठी अधिक प्रयत्न करावे लागतील असेही जिल्हाधिकारी म्हणाले.

मतदार नोंदणी व मतदार यादी शुद्धीकरणात जिल्ह्याने केलेल्या चांगल्या कामगिरीचे श्रेय मतदान केंद्रस्तरीय अधिकारी, मतदार नोंदणी अधिकारी-कर्मचारी, विविध सामाजिक आणि शैक्षणिक संस्था, राजकीय पक्ष यांना असल्याचेही डॉ.देशमुख म्हणाले.

अपर जिल्हाधिकारी श्री. मोरे म्हणाले, लोकशाहीत निवडणुकांना महत्त्व आहे. मतदार यादी शुद्ध असेल आणि लोकांचा विश्वास असेल तर लोकशाही अधिक प्रगल्भ होते. मुक्त आणि नि:पक्ष निवडणूकांसाठी शुद्ध मतदार यादी महत्त्वाची असते. मतदार यादी शुद्ध करण्यासाठी सर्व मतदान केंद्रस्तरीय अधिकाऱ्यांनी वर्षभर चांगले प्रयत्न केले आहेत अशा शब्दात त्यांनी अधिकारी-कर्मचाऱ्यांचे अभिनंदन केले.

यावेळी निवासी उपजिल्हाधिकारी श्रीमती कदम यांनी सर्वांना राष्ट्रीय मतदार दिनाच्या शुभेच्छा दिल्या.

प्रास्ताविकात श्रीमती कळसकर यांनी भारत निवडणूक आयोगाच्या स्थापनेनंतर पहिल्या मतदार नोंदणीबाबत माहिती दिली. महिलांचे संपूर्ण नाव मतदार यादीत असले पाहिजे हा आग्रह पहिल्यांदा आयोगाने धरल्यामुळे महिलांना खरी ओळख मिळाल्याचे त्या म्हणाल्या.

कार्यक्रमादरम्यान विशेष संक्षिप्त पुनरीक्षण कार्यक्रमात उत्कृष्ट कार्य केल्याबद्दल दौंडचे उपविभागीय अधिकारी मिनाज मुल्ला, जिल्हा ग्रामीण विकास यंत्रणेच्या प्रकल्प संचालक श्रीमती शालिनी कडू, शिरुरचे तहसीलदार बाळासाहेब म्हस्के, सहायक आयुक्त समाजकल्याण विशाल लोंढे, भोसरी येथील नायब तहसीलदार अपर्णा देशपांडे तसेच जिल्हा माहिती कार्यालयाचा जिल्हाधिकाऱ्यांच्या हस्ते सन्मान करण्यात आला.

यावेळी देशाचे मुख्य निवडणूक आयुक्त राजीव कुमार यांनी राष्ट्रीय मतदार दिनानिमित्त दिलेला संदेश दाखविण्यात आला. राष्ट्रीय मतदार दिनानिमित्त आबेदा इनामदार कनिष्ठ महाविद्यालयाच्या विद्यार्थिनींनी उपस्थितांना लोकशाहीवर निष्ठा राखण्याची शपथ दिली. प्रारंभी जिल्हाधिकारी कार्यालयातील तळमजल्यावर पथनाट्याचे सादरीकरण करून मतदार दिन कार्यक्रमाचे उद्घाटन करण्यात आले.

महाविद्यालयातील शंभर टक्के नवयुवा मतदारांची नोंदणी केल्याबद्दल पिंपरी चिंचवड कॉलेज ऑफ इंजिनिअरींग, सिंहगड इन्स्टिट्यूट ऑफ टेक्नॉलॉजी, मामासाहेब मोहोळ महाविद्यालयाचा सत्कार यावेळी करण्यात आला.

कार्यक्रमात मतदारांना प्रातिनिधिक स्वरूपात मतदार ओळखपत्राचे वाटप करण्यात आले. मतदार विशेष संक्षिप्त पुनरीक्षण व स्वीप कार्यक्रमात चांगली कामगिरी करणाऱ्या उत्कृष्ट निवडणूक नायब तहसीलदार, सहायक मतदार नोंदणी अधिकारी, मतदार नोंदणी अधिकारी, उत्कृष्ट मतदान केंद्रस्तरीय अधिकारी, उत्कृष्ट पर्यवेक्षक आणि उत्कृष्ट महसूल सहायक यांना यावेळी पुरस्कार प्रदान करण्यात आले.

कार्यक्रमाला जिल्हाधिकारी कार्यालयातील अधिकारी, मतदार नोंदणी अधिकारी व कर्मचारी आदी उपस्थित होते.

Pune Election Final Voter List 2024|पुणे जिल्ह्याची अंतिम मतदार यादी जाहीर | तरुण मतदारांच्या संख्येत ६५ हजारांची वाढ

Categories
Breaking News social पुणे

Pune Election Final Voter List 2024|पुणे जिल्ह्याची अंतिम मतदार यादी जाहीर | तरुण मतदारांच्या संख्येत ६५ हजारांची वाढ

 

|प्रशासनाच्या प्रयत्नांमुळे महिला आणि तरुण मतदारांची संख्या वाढली

 

Pune Election Final Voter List 2024 | पुणे | भारत निवडणूक आयोगाच्या (Election Commission of India)  निर्देशानुसार १ जानेवारी २०२४ या अर्हता दिनांकावर आधारित छायाचित्रासह मतदार यादीचा विशेष संक्षिप्त पुनरिक्षण कार्यक्रमात जिल्ह्याने चांगली कामगिरी केली असून अंतिम मतदार यादी जिल्हाधिकारी डॉ.राजेश देशमुख (Dr Rajesh Deshmukh IAS Pune Collector) यांनी जाहीर केली. जिल्हा निवडणूक प्रशासनाने (Pune District Administration)  राबविलेल्या विविध उपक्रमांमुळे मतदार यादीत १ लाख ७५ हजार ५९९ मतदारांची वाढ झाली आहे. विशेष म्हणजे वाढ झालेल्या मतदारांमध्ये महिला मतदारांची संख्या ९७ हजार ३५० पेक्षा अधिक आहे. १८-१९ वयोगटातील ४५ हजार आणि २०-२९ गटातील ६५ हजार ९८४ नवमतदारांची वाढ झाली आहे. (Pune Election Final Voter List 2024)

गेल्या वर्षी १ जानेवारी रोजी जिल्ह्याची मतदारसंख्या ७९ लाख ५१ हजार ४२० होती, तर विशेष संक्षिप्त पुनरीक्षण कार्यक्रमाआधी २७ ऑक्टोबर २०२३ रोजी ८० लाख ७३ हजार १८३ होती. प्रशासनाने महिला मतदार नोंदणीसाठी विशेष शिबीर, समाजातील दुर्लक्षित घटकांसाठी सुट्टीच्या दिवशी शिबिराचे आयोजन, महाविद्यालय आणि सामाजिक संस्थांचा सहभाग, गृहनिर्माण संस्थांमध्ये मतदार नोंदणीची सुविधा, उद्योगसंस्थांचा सहभाग असे विविध नाविन्यपूर्ण उपक्रम राबविल्याने अंतिम मतदार यादीत मतदारांची संख्या ८१ लाख २७ हजार १९ एवढी झाली आहे. (Pune Voter List 2024)

मागील वर्षाच्या तुलनेत पुरुष मतदारांच्या संख्येत ७८ हजार ४९, तृतीयपंथी मतदार २००, परदेशातील मतदार ५७, सैन्य दलातील मतदारांच्या संख्येत ७ ने वाढ झाली आहे. तर दिव्यांग मतदार संख्या ९ हजार २६७ आणि ८० वर्षावरील मतदार संख्येत ३४ हजार १४१ एवढी घट झाली आहे.

विशेष संक्षिप्त पुनरीक्षण कार्यक्रमापूर्वी २७ ऑक्टोबर रोजी प्रसिद्ध करण्यात आलेल्या प्रारुप यादीच्या तुलनेत १८-४९ या वयोगटातील १ लाख ४१ हजार २९९ मतदार वाढले, तर ५० वर्षावरील मतदारांच्या संख्येत ८७ हजार ४६३ एवढी घट झाली आहे. विशेष म्हणजे या कालावधीत तृतीयपंथी मतदारांची संख्या ६९५ ने वाढली आहे. लिंग गुणोत्तर प्रमाण वाढविणे, प्रक्षेपित लोकसंख्यनुसार विशिष्ट वयोगटातील लोकसंख्येनुसार मतदार नोंदणी करुन घेणे आणि वगळण्याबाबत नियोजन, समाजातील भटक्या व विमुक्त जाती, महिला, तृतीयपंथी व्यक्ती व महाविद्यालयीन व शालेय विद्यार्थ्यांच्या नोंदणीवर भर, मतदार यादी शुध्दीकरणाच्या अनुषंगाने मयत, दुबार स्थलांतरील मतदारांची पडताळणी योग्यरित्या करण्यासाठी मोहिम स्तरावर काम केल्याने अपेक्षित कामगिरी करणे शक्य झाले आहे.

नवमतदार नोंदणीसाठी सामाजिक संस्था, महाविद्यालयांचे सहकार्य

१८-१९ वयोगटातील मतदार नोंदणीस मोठ्या प्रमाणात वाव असल्याने १०५ महाविद्यालयात निवडणुक साक्षरता मंडळाची स्थापना करण्यात आली. विद्यार्थ्यांकडून महाविद्यालय परिसरातच ऑनलाईन मतदार नोंदणी करून घेण्यात आली. वर्शीप अर्थ फाऊंडेशनच्या मदतीने कार्यशाळेच्या माध्यमातून विद्यार्थ्यांपर्यंत मतदार नोंदणीचे महत्व आणि प्रक्रीया पोहोचविण्यात आली. निवडणूक साक्षरता मंडळाच्या अंतर्गत १०६ महाविद्यालयात मतदार नोंदणी शिबिराचे एकाच दिवशी आयोजन करण्यात येऊन शिबीरामधून सुमारे १८ हजार नवमतदारांची नोंदणी करण्यात आली. जिल्हा निवडणूक कार्यालय व वुई फाऊंडेशनच्या संयुक्त विद्यमाने एकूण ८७ महाविद्यालयांमधून १४ सप्टेंबर रोजी एकाच दिवशी १४ हजार ८१६ अर्ज भरून घेण्यात आले.

तरुण मतदारांच्या संख्येत ६५ हजारांची वाढ

२०-२९ वयोगटातील नवमतदार नोंदणीसाठी समाजमाध्यमांचा उपयोग करण्यात आला. रेडीओ जॉकी संग्राम खोपडे यांची मतदार जागृती दूत म्हणून नियुक्ती करण्यात आली. सिनेअभिनेते प्रवीण तरडे यांनीदेखील व्हिडीओ संदेशाद्वारे मतदारांना नोंदणीसाठी आवाहन केले. पदव्युत्तर महाविद्यालयातही नोंदणी शिबिरांचे आयोजन करण्यात आल्याने प्रारुप मतदार यादीच्या तुलनेत या वयेागटातील मतदारांच्या संख्येत ६५ हजार ९८४ एवढी वाढ झाली.

मतदारांचे लिंग गुणोत्तर वाढले

महिला मतदार नोंदणीसाठी गावोगावी असलेल्या बचत गटांमार्फत महिलामध्ये मतदार नोंदणीबाबत जनजागृती करण्यासोबत विशेष शिबिरांचे आयोजन करण्यात आले. ५ जानेवारी २०२३ रोजी प्रसिद्ध झालेल्या अंतिम मतदार यादीत महिला मतदारांचे असलेले ९०८ चे लिंग गुणोत्तर, २७ ऑक्टोबर २०२३ अखेर ९१० झालेले होते व अंतिम मतदार यादीत हे लिंग गुणोत्तर ९१५ आहे.

The karbhari - Pune voter list 2024

वयोवृद्ध मतदारांच्या पडताळणीसाठी प्रत्यक्ष भेटीवर भर

घरोघरी पडताळणी मोहिमेत नोंदणी न केलेले पात्र मतदार, संभाव्य मतदार, एकापेक्षा अधिक नोंदी, मयत मतदार, कायमस्वरुपी मयत मतदार यांची माहिती अद्ययावत करण्यावर भर देण्यात आला. ८० वर्षापेक्षा अधिक वय असलेल्या मतदारांच्या बाबतीत वारंवार आढावा घेऊन प्रत्यक्ष पडताळणी करणेत आली. ज्या मयत मतदारांचे मयताबाबतचे पुरावे प्राप्त होऊ शकत नव्हते त्यांच्या बाबतीत जन्म मृत्यु नोंदणी विभागाकडून मागील ५ वर्षातील माहिती उपलब्ध करुन घेऊन मयत मतदार वगळणीचे काम करण्यात आले. जागेवर न आढळणाऱ्या आणि स्थलांतरीत मतदारांची केंद्रस्तरीय अधिकाऱ्यांमार्फत पडताळणी करुन वगळणी करण्यात आली. या मोहिमेत ९१ हजार ६७० इतके मयत ३७ हजार ४२० इतके स्थलांतरीत मतदार आढळून आले.

मतदार यादी शुद्धीकरण मोहिमेत ८०+ वयोगटातील मतदारांची पडताळणी करुन हयात नसलेल्या मतदारांची मतदार नोंदणी अधिनियम १९६० मधील तरतुदी व मुख्य निवडणूक आयोगाने वेळोवळी दिलेल्या निर्देशानुसार वगळणी करणेत आली. विशेष संक्षिप्त पुनरीक्षण कार्यक्रमातंर्गत एकुण १ लाख ७१ हजार ८१७ इतक्या मतदारांची वगळणी करण्यात आली.

दुर्लक्षित घटकांसाठी मतदार नोंदणी शिबीर

तृतीयपंथी मतदारांची नाव नोंदणी करण्यासाठी सहायक आयुक्त समाज कल्याण यांना समन्वय अधिकारी नेमून त्यांचे मार्फत स्वयंसेवी संस्थेच्या बैठका घेण्यात आल्या. नोंदणीकृत असलेल्या तृतीयपंथी व्यक्तींची यादी प्राप्त करुन घेऊन त्यांच्या मतदार नोंदणीसाठी सहायक आयुक्त, समाज कल्याण, पुणे कार्यालय व सेंटर फॉर युथ डेव्हलपमेंट अँड अॅक्टीव्हीज पुणे यांचे संयुक्त विद्यमाने शिबिरांचे आयोजन करण्यात आले, सिग्नलवर तृतीयपंथी व्यक्तींचा शोध घेऊन त्यांची नाव नोंदणी करण्यात आली. पुणेरी प्राईड संस्था आणि रोटरी क्ल्ब ऑफ पुणेच्या सहकार्याने ढमढेरे बोळ, बुधवार पेठ येथे तृतीयपंथी मतदारांची नोंदणी करणेसाठी शिबिरांचे आयोजन करण्यात आले. या शिबिरांच्या माध्यमातून २०० तृतीयपंथी व्यक्तींची मतदार नोंदणी करण्यात आली. ५ जानेवारी २०२३ रोजी ४९५ इतकी नोंद असलेल्या तृतीयपंथी मतदारांची संख्या ६९५ इतकी झाली आहे. भटक्या व विमुक्त जमातीतील मतदार नोदंणीसाठी सामाजिक संस्थांच्या सहाय्याने २१ एवढी शिबीरे घेण्यात आली व त्याअंतर्गत ४३५ मतदारांची नोंदणी करण्यात आली.

५० हजारावर दुबार मतदारांची नावे वगळली

मतदार यादी शुद्धीकरणाच्या अनुषंगाने समान छायाचित्रे असलेली व दुबार नावे असलेली ५० हजारावर नावे वगळण्यात आली आहेत. त्यासाठी कर्मचाऱ्यांना प्रशिक्षण देण्यात आले होते. मतदार नोंदणी अधिकारी यांनी दैनदिन आढाव्यात त्रुटी व अडचणींचे निराकारण करुन आणि केंद्रस्तरीय अधिकाऱ्यांमार्फत पडताळणी करून समान छायाचित्रे असलेली ४० हजार ३९० आणि १० हजार २०४ दुबार नावे वगळली आहेत.

मतदार नोंदणी वाढविण्याचे प्रयत्न

जिल्ह्याची वाढती लोकसंख्या लक्षात घेता येथील नवनर्मित सहकारी गृहनिर्माण संस्थाचा मतदार नोंदणीत सहभाग वाढविण्यासाठी शहर भागातील १९ हजार ६८५ व ग्रामीण भागातील ३ हजार ४०४ संस्थांची माहिती संकलीत करण्यात आली आहे. जिल्हाधिकाऱ्यांनी संस्थांच्या पदाधिकाऱ्यांशी प्रत्यक्ष व पत्राद्वारे संवाद साधला आहे. राज्याचे मुख्य निवडणूक अधिकारी डॉ.श्रीकांत देशपांडे यांच्या उपस्थितीत हिंजवडी येथे या मोहिमेला सुरुवात करण्यात आली. मोहिमेअंतर्गत ३५ हजार ३३६ अर्ज रहिवाश्यांकडून भरून घेण्यात आले.

मतदार नोंदणी सुरूच राहणार

मतदार नोंदणी प्रक्रीया २३ जानेवारीनंतरही सुरू राहणार आहे. पात्र मतदारांनी यादीत आपले नाव नसल्यास नमुना क्र.६ चा अर्ज ऑनलाईन किंवा जवळच्या मतदान केंद्रावर भरावा. मतदार यादीतील नावे तपासण्यासाठी वोटर हेल्पलाईन ॲप किंवा भारत निवडणूक आयोगाच्या https://voters.eci.gov.in/ या संकेतस्थळाचा उपयोग करावा. महाविद्यालयांनी विद्यार्थ्यांना आणि राजकीय पक्षांनी आपल्या मतदान केंद्रस्तरीय प्रतिनिधींद्वारे मतदारांना नोंदणीसाठी प्रोत्साहित करावे, असे आवाहन जिल्हाधिकारी डॉ.राजेश देशमुख यांनी केले आहे.

State Election Commission | दुबार नाव नोंदणी व समान छायाचित्राबाबत दुरूस्ती करुन घेण्याचे आवाहन

Categories
Breaking News Political social पुणे

State Election Commission | दुबार नाव नोंदणी व समान छायाचित्राबाबत दुरूस्ती करुन घेण्याचे आवाहन

 

State Election Commission | निवडणूक आयोगाने विविध माध्यमातून मतदार यादी (Voter List) शुद्धीकरणासाठी कार्यवाही सुरु केलेली आहे. पुणे जिल्ह्यात दुबार नाव नोंदणीचे २८ हजार तर समान छायाचित्राचे १ लाख ४२ हजार ३४९ मतदार असून संबंधितांनी त्यांना मिळालेल्या नोटीशीवरील पर्याय निवडून १ जानेवारी २०२४ पर्यंत दुरूस्ती करून घेण्याचे आवाहन जिल्हाधिकारी तथा जिल्हा निवडणूक अधिकारी डॉ. राजेश देशमुख (Dr Rajesh Deshmukh IAS) यांनी केले आहे. (State Election Commission)

भारतीय लोकप्रतिनिधीत्व अधिनियम १९५० च्या कलम १७ व १८ नुसार एका मतदाराची मतदार यादीमध्ये एकच नोंद असणे आणि निवडणूक प्रक्रिया ही पारदर्शकपणे पार पाडण्यासाठी मतदार यादी त्रुटीरहीत असणे आवश्यक आहे. मात्र काही मतदारांचे नाव एकापेक्षा जास्त ठिकाणी नोंद असलेचे आढळुन आले आहे. त्यानुषंगाने निवडणूक आयोगाने एकापेक्षा अधिक ठिकाणी समान छायाचित्र व एका पेक्षा जास्त ठिकाणी मतदारांच्या इतर माहितीमध्ये साधर्म्य आढळलेल्या किंवा दुबार नाव नोंदणी आढळलेल्या मतदारांना नमुना अ मध्ये नोटीस पाठविल्या आहेत.

या नोटीशीद्वारे कोणत्या एका ठिकाणी नाव अपेक्षित आहे हे ठरविण्याचा अधिकार मतदाराला दिला आहे. संबधित मतदाराने ज्या ठिकाणी त्याचे नाव असणे त्यांना स्वतःला अभिप्रेत आहे त्याठिकाणी बरोबरची खूण करावी आणि दिलेल्या ईमेल पत्त्यावर आधारकार्डच्या झेरोक्स प्रतिसह अपलोड करावे किवा संबधित मतदार केंद्रस्तरीय अधिकारी यांची भेट घेवून त्यांच्यामार्फत पुष्टीकरण पत्रावर कार्यवाही करावी.

या मोहिमेनंतर दोन ठिकाणी मतदाराचे नाव आढळल्यास निवडणूक आयोगाच्या सुचनाप्रमाणे त्यांच्यावर कायदेशीर कार्यवाही केली जाईल, असेही श्री. देशमुख यांनी कळविले आहे.

 

मतदार याद्यांच्या विशेष संक्षिप्त पुनरीक्षण-२०२४ चा सुधारित कार्यक्रम घोषित

मतदार याद्यांच्या विशेष संक्षिप्त पुनरीक्षण कार्यक्रमाअंतर्गत मतदार यादी अंतिम प्रसिद्धी ५ जानेवारी ऐवजी २२ जानेवारी २०२४ रोजी होणार असून त्यासाठीचा सुधारित कार्यक्रम भारत निवडणूक आयोगाने घोषित केला आहे.

विशेष संक्षिप्त पुनरीक्षण कार्यक्रमाअंतर्गत मोठ्या प्रमाणात छायाचित्र समान नोंदी, भौगोलिकदृष्ट्या समान नोंदी घेणे आणि अर्ज प्रलंबित असल्याने भारत निवडणूक आयोगाने कार्यक्रमात सुधारणा करण्यात आली आहे.

पुनरीक्षण उपक्रमाअंतर्गत दावे व हरकती निकाली काढण्याच्या सध्याची तारीख २६ डिसेंबर २०२३ ऐवजी १२ जानेवारी २०२४, मतदार यादीचे मानांकन तपासणे, अंतिम प्रसिद्धीसाठी आयोगाची परवानगी घेणे, अभिलेख अद्ययावत करणे व पुरवणी याद्यांची छपाई करण्याची तारीख १ जानेवारी २०२४ ऐवजी १७ जानेवारी २०२४ आणि मतदार यादी अंतिम प्रसिद्धी ५ जानेवारी ऐवजी २२ जानेवारी २०२४ रोजी होईल, अशी माहिती उप जिल्हाधिकारी तथा उप जिल्हा निवडणूक अधिकारी मिनल कळसकर यांनी दिली आहे.

राजकीय पक्ष प्रतिनिधींची बैठक
विशेष संक्षिप्त पुनरीक्षण कार्यक्रमाच्या सुधारीत वेळापत्रकाबाबत माहिती देण्यासाठी श्रीमती कळसकर यांच्या उपस्थितीत जिल्ह्यातील राजकीय पक्षांच्या प्रतिनिधींची बैठक जिल्हाधिकारी कार्यालयात घेण्यात आली. यावेळी तहसिलदार शितल मुळे, विविध राजकीय पक्षांचे प्रतिनिधी उपस्थित होते.

——

खोट्या कागदपत्राच्या आधारे मतदार नोंदणी करण्याचा प्रयत्न करणाऱ्यांवर गुन्हा दाखल

मुळशी तहसील कार्यालयाअंतर्गत खोट्या कागदपत्राच्याआधारे मतदार नोंदणी करण्याचा प्रयत्न करणाऱ्या व्यक्तींवर पौड पोलीस ठाण्यात गुन्हा दाखल करण्यात आला आहे.

मतदार याद्यांच्या विशेष संक्षिप्त पुनरीक्षण कार्यक्रमांतर्गत २०३ भोर मतदार संघ ता. मुळशी येथील पिरंगुट व यादी भाग क्र. २०४ मुकाईवाडी येथे मतदार नोंदणीसाठी ऑनलाईन पद्धतीने मोठ्या प्रमाणात अर्ज क्र.६ दाखल करण्यात आले. या अर्जासोबत रहिवासी पुरावा म्हणून विद्युत देयक जोडण्यात आले होते. याबाबत शंका आल्याने महावितरणच्या संकेतस्थळावर पडताळणी केली असता विद्युत देयकांवरील नाव व पत्त्यात तफावत असल्याचे आढळून आले. याप्रकरणी खोटे विद्युत देयक रहिवासी पुरावा म्हणून सादर केल्याबद्दल विजय मारणे, अमित शिंदे, भाऊसाहेब मोकर, शकील अहमद व महंमद आलम यांच्याविरुद्ध गुन्हा दाखल करण्यात आला आहे.

अशा प्रकारच्या घटना आपल्या परिसरात घडत असल्याचे निदर्शनास आल्यास नजीकच्या तहसील किंवा तलाठी कार्यालय, पोलीस ठाण्याशी संपर्क साधावा, असे आवाहन मतदार नोंदणी अधिकारी, २०३ भोर विधानसभा मतदारसंघ तथा उपविभागीय अधिकारी भोर तसेच तहसीलदार तथा सहायक मतदार नोंदणी अधिकारी रणजीत भोसले यांनी केले आहे.

Perne Phata | Vijaysthambh | विजयस्तंभ अभिवादन सोहळ्यासाठी प्रशासन सज्ज |जिल्हाधिकारी डॉ.राजेश देशमुख

Categories
Breaking News cultural social पुणे महाराष्ट्र

Perne Phata | Vijaysthambh | विजयस्तंभ अभिवादन सोहळ्यासाठी प्रशासन सज्ज |जिल्हाधिकारी डॉ.राजेश देशमुख

 

Perne Phata | Vijaystambh | पेरणे फाटा (Perne Phata) येथे १ जानेवारी रोजी आयोजित करण्यात आलेला विजयस्तंभ अभिवादन सोहळा (Vijaysthambh salutation) शांतता आणि उत्साहात साजरा व्हावा यासाठी आवश्यक सर्व सुविधा प्रशासनातर्फे उपलब्ध करून देण्याची पूर्वतयारी करण्यात आली असून सोहळ्याच्या नियोजनासाठी प्रशासन सज्ज आहे, असे प्रतिपादन जिल्हाधिकारी डॉ.राजेश देशमुख (Dr Rajesh Deshmukh IAS) यांनी केले. (Koregaon Bheema Vijaystambh)

जिल्हाधिकारी कार्यालयात आयोजित बैठकीत ते बोलत होते. यावेळी पोलीस सहआयुक्त रामनाथ पोकळे, अपर पोलीस आयुक्त रंजन कुमार शर्मा, पोलीस अधीक्षक अंकित गोयल, मुख्य कार्यकारी अधिकारी रमेश चव्हाण, डॉ. बाबासाहेब आंबेडकर संशोधन व प्रशिक्षण संस्थेचे (बार्टी) महासंचालक सुनिल वारे, पीएमपीएलचे महाव्यवस्थापक संजय कोलते, अपर जिल्हाधिकारी अजय मोरे, निवासी उपजिल्हाधिकारी ज्योती कदम, उपविभागीय अधिकारी संजय आसवले, विविध यंत्रणांचे अधिकारी, विविध संघटनांचे पदाधिकारी उपस्थित होते.

डॉ. देशमुख म्हणाले, दरवर्षी साजरा होणारा विजयस्तंभ अभिवादन सोहळा हा महत्वाचा आणि भावनीक कार्यक्रम आहे. यावर्षी अधिक अनुयायी येण्याचे गृहीत धरून सूक्ष्म नियोजन करण्यात आले असून शासनातर्फे समिती गठीत केली आहे. २१० एकरात ३३ ठिकाणी वाहनतळाची व्यवस्था, पीएमपीएल बसेससाठी ४ ठिकाणी थांब्याची सोय, राखीव वाहनतळ, वीज, आकर्षक रोषणाई, बुक स्टॉल, शुद्ध पाण्याची व्यवस्थेसाठी १५० टँकर्स, फिरते शौचालय, आरोग्य सेवेसाठी १५ पथके, २५९ वैद्यकीय अधिकारी, कर्मचारी, ५० रुग्णवाहिका, २७ जनरेटर सेट, राष्ट्रीय आपत्ती प्रतिसाद दलाच्या पथकासोबत स्वयंसेवक बोटी इत्यादी आवश्यक सुविधा पुरविण्यात येणार आहेत.

कायदा व सुव्यवस्था राखण्यासाठी ४ हजार पोलीस अधिकारी, कर्मचारी तैनात करण्यात येणार आहेत. ३१ डिसेंबर रोजी ४७५ पीएमपीएल बसेस तर १ जानेवारी २०२४ रोजी ५७५ पीएमपीएल बसेसचे नियोजन केले आहे. प्रत्येक बसवर दोन कर्मचारी, राखीव चालक, यांची नेमणूक करण्यात आली आहे. पुणे पोलीस विभागाकडून पुणे-नगर महामार्गावरील वाहतूक वळविण्याचे आदेश जारी केले आहेत. वाहतूकीतील बदलांविषयी नागरिकांना पूर्वसूचना देण्यात येईल.

सर्व अनुयायांना कोणत्याही प्रकारचा त्रास होऊ नये, म्हणून प्रशासन योग्य ती दक्षता घेत आहे. नियोजन करताना विविध संघटना आणि नागरिकांच्या सूचना लक्षात घेण्यात येतील. आयोजनादरम्यान कोणालाही त्रास होणार नाही याची दक्षता घ्यावी आणि आनंदाच्या वातावरणात सोहळा साजरा करावा, असे आवाहन त्यांनी केले.

सोहळा अधिक चांगल्या पद्धतीने करण्यासाठी विविध संघटनांच्या प्रतिनिधींनी दिलेल्या सूचनांचा सकारात्मक विचार करण्यात येईल. सोहळा शांतता, संयम आणि त्याच उंचीने साजरा करण्यासाठी सर्वांनी सहकार्य करावे, असे आवाहनही श्री. देशमुख यांनी केले.

विविध संघटनांच्या पदाधिकाऱ्यांनी सोहळ्याच्या आयोजनाबाबत सूचना केल्या आणि सोहळा यशस्वी करण्यासाठी प्रशासनाला सहकार्य करणार असल्याचे प्रतिनिधींनी सांगितले.

Vijaysthambh Abhiwadan Koregaon Bheema | विजयस्तंभ अभिवादन कार्यक्रमस्थळाची जिल्हाधिकारी डॉ. राजेश देशमुख यांच्याकडून पाहणी |अभिवादन सोहळ्याची पूर्वतयारी वेळेत पूर्ण करण्याचे निर्देश

Categories
Breaking News cultural social पुणे महाराष्ट्र

Vijaysthambh Abhiwadan Koregaon Bheema | विजयस्तंभ अभिवादन कार्यक्रमस्थळाची जिल्हाधिकारी डॉ. राजेश देशमुख यांच्याकडून पाहणी

|अभिवादन सोहळ्याची पूर्वतयारी वेळेत पूर्ण करण्याचे निर्देश

 

Vijaysthambh Abhiwadan Koregaon Bheema |पुणे| जिल्हाधिकारी डॉ. राजेश देशमुख (Dr Rajesh Deshmukh IAS) यांनी कोरेगाव भीमा (पेरणे फाटा) येथील विजयस्तंभ अभिवादन (Vijaysthambh Abhiwadan Perne Fata) कार्यक्रमस्थळाची पाहणी केली; यावेळी त्यांनी अभिवादन सोहळ्यासाठी सुरू असलेली कामे गतीने पूर्ण करण्याचे निर्देश संबंधित अधिकाऱ्यांना दिले. (Koregaon Bheema Perne Fata)

जिल्हाधिकारी डॉ.देशमुख यांनी पुणे शहरचे पोलीस आयुक्त रितेश कुमार यांच्यासह वाहनतळाची जागा आणि विजयस्तंभ परिसराची पाहणी केली. यावेळी समाज कल्याण आयुक्त ओमप्रकाश बकोरिया, विशेष पोलीस महानिरीक्षक सुनील फुलारी, जिल्हा परिषदेचे मुख्य कार्यकारी अधिकारी रमेश चव्हाण, पोलीस सहआयुक्त रामनाथ पोकळे, पिंपरी चिंचवडचे पोलीस सहआयुक्त डॉ. संजय शिंदे, अपर पोलीस आयुक्त रंजन कुमार शर्मा, पोलीस अधीक्षक अंकित गोयल, उपविभागीय अधिकारी संजय आसवले, स्नेहा किसवे-देवकाते, सार्वजनिक बांधकाम विभागाचे कार्यकारी अभियंता अनिल ढेपे आदी उपस्थित होते. (Vijaysthambh Abhiwadan)

डॉ. देशमुख यांनी कोरेगाव भीमा (पेरणे फाटा) विजयस्तंभ परिसरात आयोजित आढावा बैठकीत करण्यात येत असलेल्या कामांबाबत आढावा घेतला. १ जानेवारी रोजी  विजयस्तंभास अभिवादन करण्यास येणाऱ्या अनुयायांना सर्व सोयीसुविधा मिळतील यादृष्टीने पिण्याचे पाणी, स्वच्छता गृह, विद्युत प्रकाश व्यवस्था, वाहनतळ, सुरक्षा व्यवस्था, आरोग्य सुविधा, गर्दीचे व वाहतुकीचे नियोजन, आपत्तकालीन प्रसंगी अग्नीशमन वाहनांची व्यवस्था, हिरकणी कक्ष, आपत्ती व्यवस्थापन याबाबत केलेल्या पूर्वतायरीची माहिती त्यांनी घेतली.

दरवर्षी अभिवादानासाठी येणाऱ्या अनुयायांची वाढती संख्या लक्षात घेऊन पिण्याचे पाणी व स्वच्छतागृहाची सोय करावी. नागरिकांची कोणतीही गैरसोय होणार नाही याची दक्षता घ्यावी. गर्दीच्या नियोजनाबाबत सूक्ष्म नियोजन करावे. वाहतुकीचे नियोजन करून त्याची नागरिकांना माहिती द्यावी , अशा सूचना डॉ. देशमुख यांनी दिल्या.

पोलीस आयुक्त रितेश कुमार यांनीदेखील सुरक्षा व्यवस्थेचा आढावा घेतला व नियोजनसंबंधी सूचना दिल्या

यावेळी संबधीत अधिकाऱ्यांनी करण्यात येणाऱ्या कामांबाबत माहिती दिली.

| पुणे महापालिकेकडे पाणी पुरवठ्याची जबाबदारी 

दरम्यान सोहळ्यासाठी राज्यभरातून लोक येणार आहेत. त्यांना पिण्याच्या पाण्याची सोय होणे महत्वाचे आहे. याची मागणी पुणे जिल्हा परिषदने पुणे  महापालिकेकडे केली आहे. पुणे महापालिकेला ७० ते ७५ पाण्याचे tanker ३१ डिसेंबर लाच उपलब्ध करून देण्यासा सांगण्यात आले आहे.