Tag: Eknath Shinde Foundation
Sanitary Napkins in PM Schools | पुणे शहर शिवसेना व एकनाथ शिंदे फाउंडेशन कडून पुणे महापालिका शाळेत विद्यार्थिनींना सॅनिटरी नॅपकिन वाटप
| प्रथम कर्तव्य समजून पुण्यातील महापालिकेच्या शाळेतील सर्व विद्यार्थिनींना सॅनिटरी नॅपकिन वाटणार- प्रमोद नाना भानगिरे
Sanitary Napkins in PMC Schools | पुणे शहरातील महापालिकेच्या शाळेतील (PMC Pune Schools) विद्यार्थिनींना सॅनेटरी नॅपकिन चा पुरवठा वेळेवर होत नसल्यामुळे विद्यार्थिनींची होणारी गैरसोय, आरोग्याची अडचण टाळण्याकरित पुणे शहर शिवसेना (Pune Shivsena) व एकनाथ शिंदे फाउंडेशनच्या (Eknath Shinde Foundation) वतीने सॅनिटरी नॅपकिन चे वाटप करण्यात आले. अशी माहिती शहर शिवसेना प्रमुख प्रमोद नाना भानगिरे (Pramod Nana Bhangire Pune Shivsena) यांनी दिली.
प्रमोद नाना भानगिरे पुढे म्हणाले की पुणे महानगरपालिकेत गेल्या तीन वर्षापासून सॅनिटरी नॅपकिन चे वाटप झालेले नाही. शाळेत शिकणाऱ्या विद्यार्थिनींची गैरसोय होऊ नये व आर्थिक अडचण लक्षात घेता आम्ही हे अभियान संपूर्ण पुण्यात राबविणार आहोत. शहरातील महापालिकेच्या शाळेतील किशोरवयीन 25 हजार 695 विद्यार्थिनींना या अभियानाच्या माध्यमातून सॅनिटरी नॅपकिन पुरवले जाणार आहेत. पालिकेच्या यंत्रणेला वेळ लागतोय आणि यामुळे मुलींची गैरसोय होता कामा नये हा या मागचा उद्देश असल्याचेही त्यांनी स्पष्ट केले.
पुणे महानगरपालिकेच्या सर्व शाळांमधील सर्व विद्यार्थ्यांना सॅनिटरी नॅपकिन चा पुरवठा शिवसेनेतर्फे करण्यात येणार असल्याचे भानगिरे यांनी जाहीर केले. पुणे महानगरपालिकेने गेल्या चार वर्षापासून मुलींच्या आरोग्यासाठी आवश्यक असलेले सॅनिटरी नॅपकिन दिलेले नाहीत. मागील दोन वर्षात ठेकेदाराच्या वादात निविदा रद्द करण्यात आल्या. तसेच दरवर्षी 26000 नॅपकिन पालिकेकडून पुरवल्या जातात. मात्र दोन वर्षापासून हा पुरवठा झालेला नसल्या कारणाने विद्यार्थिनींना मोठ्या अडचणींना सामोरे जावे लागले होते.
यावेळी शिवसेना शहर प्रमुख प्रमोद नाना भानगिरे, महिला शहर प्रमुख पूजा रावेतकर, शहर प्रवक्ते अभिजित बोराटे, माजी नगरसेविका सोनालीताई लांडगे, शहर समन्वयक शंकर संगम, महिला उपशहर प्रमुख श्रद्धा शिंदे,श्रुती नाझिरकर, विधानसभा प्रमुख संतोष लांडगे, सुनीता उकिरडे,नेहा शिंदे,आकाश शिंदे, आकाश रेणुसे व असंख्य शिवसैनिक पदाधिकारी उपस्थित होते.
Tamhini Ghat Bus Accident | ताम्हिणी घाटातील अपघातग्रस्तांसाठी देवदूतांसारखे धावून आले एकनाथ शिंदे फाऊंडेशनचे स्वयंसेवक !
Tamhini Ghat Bus Accident | पुण्यात मराठवाडा व उत्तर महाराष्ट्रातून आलेल्या, २०-२५ वर्षीय वयोगटातील ए. सी. एच. प्रायव्हेट लिमिटेड (ACH private limited Company) कंपनीतील कर्मचाऱ्यांचा पर्यटनासाठी हरिहरेश्वरला (Harihareshwar) जातांना ताम्हिणी घाटात (Tamhini Ghat) भीषण अपघात झाला, बेदरकार पद्धतीने बस चालविल्याने अपघात घडल्याचे पोलीस निरीक्षक राजेंद्र पाटील यांनी सांगितले. हा अपघात एवढा भीषण होता दोन युवती घटनास्थळीच ठार झाल्या असून प्रवास करीत असलेल्या सर्वच 55 कर्मचाऱ्यांना दुखापत झाली आहे. (Eknath Shinde Foundation)
दरम्यान, बस अपघाताची घटना कळताच माणगाव पोलीस स्टेशनचे पोलीस निरीक्षक राजेंद्र पाटील यांनी घटनास्थळी धाव घेऊन, लोकल रेस्क्यू टीम तयार करून, अपघातातील सर्व जखमी रुग्णांना जवळच असलेल्या माणगाव उपजिल्हा रुग्णालयात दाखल केले व त्यांच्यावर अत्यावश्यक औषध उपचार सुरू करण्यात आले.
मात्र पुढील प्रश्न अतिशय कठीण होता कारण या कंपनीत काम करणाऱ्या कोणत्याही कर्मचाऱ्यांनी आपण नेटवर्क मार्केटिंग सारख्या कंपनीत काम करत आहोत व पर्यटनासाठी बाहेर गावी जाणार असल्याचे आपल्या कुटुंबियांना सांगितले नव्हते. त्यामुळे मदतकार्य राबविणे हे तितकेच अवघड होते.
ही बातमी ज्या पद्धतीने सर्वत्र वाऱ्यासारखी पसरली त्याक्षणीच देवदूता सारखे एकनाथ शिंदे फाऊंडेशनचे स्वयंसेवक घटनास्थळी अपघातग्रस्तांसाठी धावून आले. अपघातग्रस्तांच्या अंगावरील जखमा, भीतीने अस्वस्थ असलेले चेहऱ्यावरील भाव आणि लटलट कापणारे ते अंग हे सर्व दृश्य मन खिन्न करून टाकणारे होते. कुटुंबियांना कुठलीच माहिती नसतांना एवढा भीषण प्रसंग या कर्मचाऱ्यांवर ओढवला होता, यावेळी त्यांना धीर देवून या धक्क्यातून सावरण्याचे लीलया काम एकनाथ शिंदे फाऊंडेशनच्या स्वयंसेवकांनी पार पाडले.
दरम्यान, यावेळी एकनाथ शिंदे फॉउंडेशनच्या स्वयंसेवकांनी पोलीस निरीक्षक राजेंद्र पाटील यांची भेट घेत,अपघातग्रस्तांना हव्या असणाऱ्या योग्य त्या मदतीबाबत माहिती घेण्यात आली, यावेळी अपघाताच्या धक्क्याने घाबरलेल्या तरुणी सकाळपासून जेवल्या नव्हत्या त्यांना जेवण पोहचवण्याची व्यवस्था करून किरकोळ मार लागलेल्या कर्मचाऱ्यांना सुखरूप घरी सोडण्यासाठी एकनाथ शिंदे फाऊंडेशनच्या वतीने खाजगी गाडीची व्यवस्था करून देण्यात आली, अनेक कर्मचारी गंभीर जखमी झाले होते,घटनेची भीषणता लक्षात घेता, माणगाव उपजिल्हा रुग्णालयात तेवढ्या क्षमतेचा वैद्यकीय साठा व साधनसामग्री उपलब्ध नसल्याने, गंभीर जखमी असलेल्या रुग्णांना पुढील उपचारासाठी दुसऱ्या रुग्णालयात हलवावे लागणार होते, तात्काळ एकनाथ शिंदे फाऊंडेशनच्या वतीने रुग्णवाहिकांची व्यवस्था करून सर्व रुग्णांना मुंबई-पुणे येथील रुग्णालयात हलवण्यात आले. सध्या गंभीर स्वरूपाचे काही रुग्ण मुंबईजवळील पनवेलमध्ये एम.जी.एम रुग्णालयात व पुण्यातील ससून रुग्णालायत उपचार घेत आहेत.
दरम्यान, एकनाथ शिंदे फाऊंडेशनचे संस्थापक प्रमोद नाना भानगिरे यांच्या वतीने ही सर्व मदत करण्यात आली. यावेळी एकनाथ शिंदे फाऊंडेशनचे निवास गायकवाड, शुभम पांचाळ, तुषार केंगाळे, प्रसाद जाधव, आयुष सोनवणे, कृष्णा सुर्वे व इतर स्वयंसेवक घटनास्थळी मदतीसाठी उपस्थित होते.