Tag: PMC equal water supply project

Integrated Double-Decker Flyover | विद्यापीठ चौकातील दुमजली उड्डाणपुलास महापालिकेचा समान पाणीपुरवठा प्रकल्प ठरतोय अडथळा

Categories
Breaking News PMC social पुणे

Integrated Double-Decker Flyover | विद्यापीठ चौकातील दुमजली उड्डाणपुलास महापालिकेचा समान पाणीपुरवठा प्रकल्प ठरतोय अडथळा

| PMRDA कडून तक्रार करत काम लवकर करण्याची मागणी

Integrated Double-Decker Flyover | पुणे मनपा मार्फत (Pune Municipal Corporation) समान पाणीपुरवठा योजने (Equal Water Project) अंतर्गत गणेशखिंड (Ganeshkhind Road Pune) रस्त्यावर अपूर्ण  १२०० मिमी व्यासाची पाण्याची पाईप लाईन टाकणेचे काम सुरु आहे. मात्र यामुळे मेट्रो सह एकात्मिक दुमजली उड्डाणपुलाच्या (Integrated Double Decker Flyover) पाषाण बाजूकडील उड्डाणपूल खांबाच्या व रॅम्पच्या बांधकामामध्ये अस्तित्वातील चालू १२०० मिमी व्यासाची पाण्याची पाईप लाईन अडथळा ठरत आहे. त्यामुळे हे काम लवकर पूर्ण करावे. अशी मागणी PMRDA प्रशासनाकडून करण्यात आली आहे.

पुणे महानगर प्रदेश विकास प्राधिकरणा (PMRDA) मार्फत प्रगतीत असलेल्या हिंजवडी ते शिवाजीनगर मेट्रो प्रकल्पांतर्गत सावित्रीबाई फुले पुणे विद्यापीठ चौक येथे मेट्रो सह एकात्मिक दुमजली उड्डाणपुलाचे (Double Decker Flyover in University Chowk) बांधकाम प्रगतीत आहे. एकात्मिक दुमजली उड्डाणपुलाचे बांधकाम १५ ऑगस्ट २०२४ पूर्वी पूर्ण करण्याच्या सूचना प्राधिकरणास प्राप्त आहेत. त्यानुसार एकात्मिक दुमजली उड्डाणपुलाचे बांधकाम लवकरात लवकर पूर्ण करण्याच्या अनुषंगाने करावयाच्या उपाय योजनांबाबत उपमुख्यमंत्री यांनी PMRDA ला सूचना दिलेल्या आहेत.

मेट्रो सह एकात्मिक दुमजली उड्डाणपुलाच्या पाषाण बाजूकडील उड्डाणपूल खांबाच्या व रॅम्पच्या बांधकामामध्ये अस्तित्वातील चालू १२०० मिमी व्यासाची पाण्याची पाईप लाईन अडथळा ठरत आहे. यापूर्वी गणेशखिंड रस्त्याचे, विद्यापीठ चौक ते सेनापती बापट चौक या २४० मी लांबीमध्ये पुणे मनपा विकास आराखड्यानुसार रुंदीकरण करणे या कामा अंतर्गत पाणीपुरवठा  विभागामार्फत विद्यापीठ चौक येथे मॉडर्न कॉलेज परिसरातील रस्ता रुंदीकरणासाठी उपलब्ध झालेल्या जागेतून १२०० मिमी व्यासाची पाण्याची पाईप लाईन टाकणेचे काम महापालिकेच्या पाणीपुरवठा  विभागामार्फत करण्यात आलेले आहे. तथापि, सदर पाण्याची लाईन गणेश गल्ली, गणेशखिंड रस्ता येथे जोडण्याचे काम अद्याप पूर्ण झालेले नाही.
तरी, गणेशखिंड रस्त्यावरील गणेश गल्ली येथील १२०० मिमी व्यासाची पाण्याची पाईप लाईन टाकणेचे उर्वरित काम लवकर सुरु करावे.  जेणेकरून सदर काम पूर्ण झालेनंतर मेट्रोसह एकात्मिक दुमजली उड्डाणपुलाचे पाषाण बाजूकडील उड्डाणपूल खांबाचे व रॅम्पचे काम सुरु करणे शक्य होईल. असे PMRDA प्रशासनाकडून पुणे महापालिकेला आदेश देण्यात आले आहेत.
——
News Title | Integrated Double-Decker Flyover | Municipal Corporation’s common water supply project is becoming an obstacle to the double-storeyed flyover at Vidyapeeth Chowk

Pune Water cut | नागरिकांनी पाण्याचे योग्य नियोजन करावे | पालकमंत्री चंद्रकांतदादा पाटील यांचे आवाहन

Categories
Breaking News PMC Political social पुणे

Pune Water cut | नागरिकांनी पाण्याचे योग्य नियोजन करावे

| पालकमंत्री चंद्रकांतदादा पाटील यांचे आवाहन

Pune Water cut | शनिवारपासून जिल्ह्यातील काही भागात पावसाचे आगमन (Pune Rain) झाले आहे. त्यामुळे नागरिकांना दिलासा मिळाला असला तरीही पावसाची अनिश्चितता लक्षात घेता नागरिकांनी पाण्याचे योग्य नियोजन करावे, असे आवाहन पालकमंत्री चंद्रकांतदादा पाटील (Guardian Minister Chandrakant Patil) यांनी आज केले. (Pune Water Cut)
बाणेर- बालेवाडी- पाषाणमधील (Baner Balewadi Pashan) नागरिकांची पाण्याची टंचाई सोडविण्यासाठी पालकमंत्री श्री. पाटील यांनी लोकसहभागातून तीन महिने टॅंकरद्वारे पाणीपुरवठा केला होता. या उपक्रमाचा बाणेर- बालेवाडी- पाषाणमधील अनेक सोसायटीतील नागरिकांनी लाभ झाला. त्याबद्दल पाषाण-सूस रोडवरील माऊंट युनिक गृहनिर्माण संस्थेच्यावतीने त्यांचा नागरी सत्कार करण्यात आला. यावेळी  ते बोलत होते. (Pune News)
कार्यक्रमाला माजी नगरसेवक अमोल बालवडकर, नगरसेविका ज्योती कळमकर, स्वप्नाली सायकर, भाजपा कोथरूड मंडल अध्यक्ष पुनीत जोशी, भाजपा नेते गणेश कळमकर, प्रल्हाद सायकर, राहुल कोकाटे, रोहन कोकाटे, विवेक मेथा यांच्यासह सोसायटीचे सर्व पदाधिकारी आणि रहिवासी उपस्थित होते.
श्री.पाटील म्हणाले, शहरातील  नागरिकांची पाण्याची समस्या सोडविण्यासाठी महापालिकेच्या माध्यमातून समान पाणीपुरवठा योजना राबविण्यात येत आहे. त्यातील पहिल्या टप्प्यात बाणेर- बालेवाडी- पाषाणमधील नागरिकांसाठीची योजना कार्यान्वित करण्यात आली. ही योजना कार्यान्वित होण्यासाठी महापालिकेने कठोर परिश्रम घेतले आहेत. (PMC Equal Water Supply Project)
ते पुढे म्हणाले , समान पाणीपुरवठा योजनेचे टप्पे पूर्ण होत असताना काही अडथळे ही पार करावे लागत आहेत. यंदा उन्हाळ्याच्या तीव्रतेमुळे पाणीटंचाई जाणवू लागल्यानंतर कोथरूड बाणेर- बालेवाडी- पाषाणमधील नागरिकांसाठी लोकसहभागातून टॅंकरद्वारे पाणीपुरवठा सुरू केला होता. शनिवारपासून पावसाला सुरुवात झाली आहे. त्यामुळे नागरिकांना दिलासा मिळाला आहे. आगामी काळात पाऊस समाधानकारक झाला, तर भविष्यातील पाणीटंचाईची समस्या संपेल. (PMC Water Supply Department)
वाढते शहरीकरण आणि बदलत्या निसर्गचक्रामुळे पाण्याचे स्त्रोत अपूरे पडत आहेत. त्यामुळे नागरिकांनीही पाण्याचे योग्य नियोजन करावे. अनेक ठिकाणी पिण्याचे पाणी गाड्या धुणे किंवा बांधकामांसाठी वापरले जाते. त्यामुळे पाण्याचा हा अपव्यय टाळला पाहिजे. तसेच, सोसायटींनीही पावसाचे पाणी संकलित करून, रेन वॉटर हार्वेस्टिंगचे प्रकल्प सोसायटी भागात कार्यान्वित करावेत, तसेच कचऱ्याची निर्गत, सौर ऊर्जा प्रकल्प आदींद्वारे स्वावलंबी बनावे असे आवाहन त्यांनी केले.
—-
News Title | Pune Water cut | Citizens should plan water properly| Appeal of Guardian Minister Chandrakantada Patil