Tag: Pune River revival

Rights of Rivers Campaign | मुळा, मुठा सहित पुणे जिल्ह्यातील 7 नद्यांसाठी राईट्स ऑफ रिव्हर्स मोहीम

Categories
Breaking News social पुणे महाराष्ट्र

Rights of Rivers Campaign | मुळा, मुठा सहित पुणे जिल्ह्यातील 7 नद्यांसाठी राईट्स ऑफ रिव्हर्स मोहीम

Rights of Rivers Campaign | नद्यांचे हक्क, माझी जबाबदारी याची जाणीव ठेवत पुणे जिल्ह्यातील भीमा खोऱ्यातील 7 नद्यांसाठी राईट्स ऑफ रिव्हर्स मोहीम (Rights of Rivers Campaign) राबवण्यात येणार आहे. यामध्ये  भारताचे वॉटरमॅन राजेंद्र सिंग (Waterman Rajendra Singh), आंतरराष्ट्रीय नदी तज्ज्ञ परिणीता दांडेकर (Parinita Dandekar) सहभागी होणार आहेत. अशी माहिती पुणे नदी पुनरुज्जीवन (Pune River Revival) संस्थेच्या वतीने देण्यात आली. (Rights of Rivers campaign)

याबाबत संस्थेच्या वतीने सांगण्यात आले कि, 26 जानेवारी हा भारताचा प्रजासत्ताक दिन आहे. भारतीय राज्यघटना साजरी करण्याचा दिवस. आपण जगातील अशा मोजक्या देशांपैकी एक आहोत जिथे संविधानाने हे मान्य केले आहे की स्वच्छ आणि सुरक्षित नैसर्गिक वातावरण हे नागरिकांच्या जीवनाच्या अधिकाराचा एक भाग आहे आणि ते राखणे हे देखील नागरिकांचे कर्तव्य आहे. हे लक्षात घेऊन, पुण्यातील नद्यांच्या पर्यावरणीय पुनरुज्जीवनासाठी एकत्र आलेल्या 60 हून अधिक संस्था आणि व्यक्तींची संघटना पुणे नदी पुनरुज्जीवन (पीआरआर) भीमा खोऱ्यातील मुळा, मुठा, रामनदी, पवना, इंद्रायणी, भामा आणि भीमा या 7 नद्यांसाठी ‘राईट्स ऑफ रिव्हर्स मोहीम सुरू करणार आहे. ही मोहीम 26 जानेवारी ते 28 जानेवारी 2024 पर्यंत 3 दिवसांसाठी आहे.
जीवितनदी, एन. ए. पी. एम., जलबिरादरी, जलदिंडी प्रतिष्ठान, नमामी इंद्रायणी प्रतिष्ठान, श्री आळंदी धाम सेवा समिती, मनहर्ष फाऊंडेशन, रंजाई, रोटरी क्लब ऑफ वाल्हेकरवाडी, निसर्गसेवक, सजग नागरिक मंच आणि इतर अनेक संस्थांद्वारे ही मोहीम एकत्रितपणे राबवली जाणार आहे. आंतरराष्ट्रीय नदी तज्ज्ञ . परिणीता दांडेकर 26 जानेवारी रोजी या मोहिमेचे उद्घाटन करणार आहेत. 28 जानेवारी रोजी होणाऱ्या समारोप सोहळ्याचे प्रमुख पाहुणे म्हणून वॉटरमॅन ऑफ इंडिया राजेंद्र सिंग उपस्थित राहणार आहेत. आर. जे. संग्राम हे सन्माननीय अतिथी असतील आणि तीनही दिवशी तरुणांशी संवाद साधतील.
सांडपाणी आणि प्रदूषणमुक्त अशा नैसर्गिक मुक्तपणे वाहणाऱ्या स्वच्छ नद्या निर्माण करण्यासाठी लोकांमध्ये तसेच सरकारी संस्थांमध्ये जागरूकता निर्माण करणे हे या मोहिमेचे अंतिम उद्दिष्ट आहे. ज्या 7 नद्यांवर ही मोहीम राबवली जाणार आहे, त्या सर्व ठिकाणी पाण्याचे नमुने गोळा केले जातील. आगामी दशकांमध्ये हवामान बदल आणि पर्यावरणीय -हासाच्या पार्श्वभूमीवर स्वच्छ आणि जिवंत जलसाठे ही अन्न सुरक्षेची तसेच शहरी शाश्वततेची गुरुकिल्ली असल्याने, युवकांना त्यांच्या स्वतःच्या भविष्याचे रक्षण करण्याच्या मोहिमेत सहभागी होण्यासाठी प्रोत्साहित करण्यासाठी विविध शाळा आणि महाविद्यालयांशी संपर्क साधला जात आहे. असे संस्थेच्या वतीने सांगण्यात आले.

PMC Pune RFD project | चला पुणे महापालिकेचा नदीकाठ सुधारणा प्रकल्प समजून घेऊया!

Categories
Breaking News cultural PMC social पुणे

PMC Pune RFD project | चला पुणे महापालिकेचा नदीकाठ सुधारणा प्रकल्प समजून घेऊया!

| पुणे नदी पुनरुज्जीवन च्या वतीने विविध कार्यक्रमाचे आयोजन

PMC Pune RFD project | यंदाच्या पर्यावरण दिनानिमित्त (World Environment Day) पुणे नदी पुनरुज्जीवन (Pune river revival ) तर्फे दिनांक ३ ते ५ जून तीन दिवसांचा कार्यक्रम आयोजित करण्यात आला होता. यामध्ये नागरिकांनी पुणे महापालिकेचा नदी काठ सुधारणा प्रकल्प (PMC Pune River front Devlopment Project) समजून घ्यावा, हा उद्देश होता. अशी माहिती संस्थेच्या वतीने देण्यात आली. (PMC Pune RFD Project)
संस्थेने दिलेल्या माहितीनुसार ३ जून शनिवार रोजी सकाळी ७.३० वा मुठेच्या काठावरील (Mutha River) घोरपडे घाट भांबुर्डा येथे घाट स्वच्छता  तसेच घाटाचा इतिहास व वारसामूल्य (History and legacy) समजून घेणे या हेतूने कार्यक्रमाचे आयोजन करण्यात आले होते.  मराठा साम्राज्याचे (Maratha Empire) सरसेनापती संताजी घोरपडे (Sarsenapati Santaji Ghorpade) यांच्या वंशजांनी  इ. स. १८३१ फेब्रुवारी महिन्यात या देखण्या घाटाचे बांधकाम केले. पानशेतच्या पुरामधे १९६१ साली याचा मंदिराचा भाग उन्मळून पडला ज्याचे भग्नावशेष आजही दिसत आहेत..समस्त हजर नागरिकांस पुणे मनपाच्या नदी सुशोभीकरण प्रकल्पानुसार भविष्यात  घाटाच्या जागी नागरिकांसाठी व्यायाम आणि मनोरंजनाच्या जागांची निर्मिती करण्याचे योजिले आहे हे छायाचित्रांवरून दाखवण्यात आले. त्यानुसार घाटाचे वारसा महत्व निघून जाणार हे लक्षात आले. (Pune Municipal Corporation)
दिनांक ४ जून रविवार रोजी संध्याकाळी ५.०० वा मुळा- मुठेच्या बंडगार्डन किनार्‍यावर फेरफटका हा कार्यक्रम आयोजिला होता. पुणे मनपानी हाती घेतलेल्या नदी सुशोभिकरण प्रकल्पातून नदीचे स्वरूप मुक्त वाहती सुंदर नदी असे न होता नदीकाठाचा होणारा विध्वंस प्रत्यक्ष अनुभवणे हा या कार्यक्रमाचा हेतू होता. तसेच राष्ट्रीय हरित प्राधिकरणाच्या वृक्षतोड स्थगिती आदेशाचे साजरीकरणही करण्यात येणार होते. यावेळी नागरिकांना नदीपात्रातील दगडी बंधारे नदीच्या पाणीपातळीपासून नदीकाठाची दगडमाती टाकून वाढवण्यात आलेली उंची तसेच वृक्षांना देण्यात आलेले क्रमांक इ दिसून आले. यामागील सुशोभीकरणाच्या प्रकल्पाच्या हेतुंबद्दल  प्रश्न व उत्तरे या रूपात चर्चा करण्यात आली. (PMC Pune News) 
दिनांक ५ जून सोमवार संध्याकाळी ४.३० वा राजीव गांधी उद्यान होळकर पूल येथे ‘पेंट द रिव्हर’ या कार्यक्रमाचे आयोजन करण्यात आले होते. यामध्ये जगप्रसिद्ध चित्रकार मिलिंद मुळीक व अन्य ज्येष्ठ तसेच काही छोट्या चित्रकारांनी होळकर पूलापासच्या या उद्यानात मुळेच्या नदीकाठाचे सौंदर्य चित्रित करून आपला सहभाग दिला. (PMC Pune Marathi News)
या कार्यक्रमाचे विशेष म्हणजे चित्रकार मुळीक यांच्यासह सर्वही चित्रकारांनी आपली चित्रे संस्थेच्या प्रयत्नांना आर्थिक बळ देण्यासाठी देणगी स्वरूपात दिली. सदर चित्रांची जागेवरच विक्री घोषित केली असता उपस्थितांनी त्यास उत्स्फूर्तपणे मनापासून दाद दिली.
तीन्ही दिवशी उपस्थितानी शपथ घेतली-
मी झाडे तोडणार नाही, इतराना तोडू देणार नाही, झाडे वाचवू, नद्या जगवू, आपण जगू, पर्यावरणाचे रक्षण करू. (Pune News)
—
News Title | PMC Pune RFD project |  Let’s understand the river bank improvement project of Pune Municipal Corporation!