Tag: Pune Local News

Pune Cantonment Assembly Constituency | पुणे कॅन्टोन्मेंट विधानसभा मतदारसंघातील ससून रुग्णालय चतुर्थ श्रेणी कर्मचाऱ्यांकरीता नूतन निवासी इमारतीचे देवेंद्र फडणवीस यांच्या हस्ते उद्घाटन 

Categories
Breaking News cultural PMC Political social पुणे

Pune Cantonment Assembly Constituency | पुणे कॅन्टोन्मेंट विधानसभा मतदारसंघातील ससून रुग्णालय चतुर्थ श्रेणी कर्मचाऱ्यांकरीता नूतन निवासी इमारतीचे देवेंद्र फडणवीस यांच्या हस्ते भूमिपूजन

| पुणे चक्राकार मार्गामुळे विकासाच्या नवीन संधी निर्माण होणार |उपमुख्यमंत्री देवेंद्र फडणवीस

 

Pune Cantonment Assembly Constituency | पुणे चक्राकार मार्गामुळे (Pune Ring Road) पुणे (PMC), पिंपरी-चिंचवड (PMC), पीएमआरडीए (PMRDA)  क्षेत्रात विकासाच्या नवीन संधी तसेच अडीच लाख कोटी रुपयांची अर्थव्यवस्था नव्याने निर्माण होणार आहे; हा मार्ग येत्या काळात पुण्याच्या विकासाचे ते इंजिन ठरेल, असा विश्वास उपमुख्यमंत्री देवेंद्र फडणवीस (Devendra Fadnvis) यांनी व्यक्त केला

पुणे कॅन्टोन्मेंट विधानसभा मतदारसंघातील ससून रुग्णालय चतुर्थ श्रेणी कर्मचाऱ्यांकरीता नूतन निवासी इमारत, महात्मा गांधी पूलगेट बसस्थानकाचे आधुनिकीकरण, डॉ. बाबासाहेब आंबेडकर पुतळा परिसराचा विकास, संगम घाटावरील संगमेश्वर गणेश विसर्जन घाटनुतनीकरण व नागरिकांसाठी निवारा केंद्र, आणि धर्मवीर छत्रपती संभाजी महाराज बॉटनिकल उद्यानाच्या भूमिपूजन प्रसंगी ते बोलत होते. यावेळी उच्च व तंत्रशिक्षण मंत्री चंद्रकांत पाटील, आमदार भीमराव तापकीर, माधुरी मिसाळ, सिद्धार्थ शिरोळे, सुनील कांबळे, माजी मंत्री दिलीप कांबळे, माजी खासदार संजय काकडे, माजी आमदार योगेश मुळीक, योगेश टिळेकर, माजी महापौर मुरलीधर मोहोळ आदी उपस्थित होते.

श्री. फडणवीस म्हणाले, पुणे रिंगरोड महत्वाचा असून त्यासाठी ८० टक्के भूसंपादनापर्यंत पूर्ण होत आहे. येत्या काळात या मार्गाचे काम सुरु करण्यात येणार आहे. आयटीपार्कच्या भागात आस्थापनांपर्यत जाण्यासाठी मेट्रोला जोडून स्कायबस सुरू करण्यात येणार असून येत्या काळात भूमीपूजन करण्यात येणार आहे. यामुळे आस्थापनांपर्यंत जाण्यासाठी वाहनाची आवश्यकता लागणार नाही आणि प्रदुषण होणार नाही.

वाहतूक नियोजनासाठी मेट्रोला कनेक्टिव्हिटी देण्याचे काम करण्यात येणार आहे. खोपोली ते खंडाळा दरम्यान ९ किमी मिसिंग लिंकचे काम करण्यात येत असून यामुळे मुंबई-ते पुणे दरम्यान अंतर कमी होऊन वाहतुकीचे प्रश्न सुटणार आहे.

पुणे शहरात २४ X ७ पाणी पुरवठा योजना, नदी सुधार कार्यक्रम यासारख्या विविध प्रकारच्या योजना राबवून विकास कामांच्या माध्यमातून शहराचे चित्र बदलण्याचे काम सुरु आहे. पीएमपीएलच्या माध्यमातून देशातील पहिली इलेक्ट्रीक बसची फ्लिट पुणे शहरात केली आहे. पुण्याचे या मॉडेलची देशात अंमलबजावणी करण्यात येत असून विविध शहराने ते स्वीकारले आहे. मेट्रोचे कामे अतिशय गतीने करण्यात येत आहे. सिव्हील कोर्ट ते स्वागेट मेट्रोचे मुठा नदीच्या गर्भातून भुयारी चाचणी घेण्यात आली असून येत्या काळात मेट्रोचे तीन्ही मार्ग मिळून एकूण ५४ कि.मीचे मेट्रोचे जाळे सुरु करण्यात येत आहे. येत्या वर्षभरात टाटाच्या मेट्रोचे काम पूर्ण करण्यात येणार आहे.

भारतरत्न डॉ. बाबासाहेब आंबेडकर पुतळा परिसर सौदर्यीकरण आणि ससून रुग्णालय चतुर्थश्रेणी कर्मचाऱ्यांकरीता अतिशय अद्ययावत प्रकारचे निवासस्थान तयार करण्यात येत आहे. भारतरत्न डॉ. बाबासाहेब आंबेडकर यांनी संविधानाच्या माध्यमातून शेवटच्या माणसाचा विचार केला असून त्याच विचारला अनुसरून चतुर्थ श्रेणी कर्मचाऱ्यांला राहण्याची व्यवस्था होत आहे. महात्मा गांधी पूलगेट बसस्थानकाचा नीट नियोजन करत सर्वांगिण गरजांचा विचार करुन आराखडा तयार करण्यात आला आहे. संगम घाट येथील निवारा केंद्र आणि गणेश विसर्जनाचे नुतनीकरण तसेच छत्रपती संभाजी महाराज बॉटनिकल गार्डन तयार करण्यात येत आहे. विविध विकास कामांच्या माध्यमातून पुणे कॅन्टोन्मेंटमट विधानसभा मतदारसंघात बदल होतांना दिसून येत आहे.

पुणे कॅन्टोन्मेंट विधानसभा मतदारसंघात संरक्षण विभागाचा भाग असल्याने निर्बंध असून महानगरपालिका आणि शासनाला विकास करतांना समस्या निर्माण होत आहे. महानगरपालिकेप्रमाणे दिल्या जाणाऱ्या वस्तु व सेवाकर स्वरुपात परतावा दिला जातो त्याप्रमाणे कॅन्टोन्मेंट मंडळाला निधी मिळण्याबाबत पाठपुरावा करण्यात येईल. महानगरपालिका क्षेत्रातील योजना कॅन्टोन्मेंट मंडळाला लागू करण्याबाबत येत्या काळात पुणे महानगरपालिका, नगर विकास विभाग आणि सर्व संबंधित विभागासोबत बैठक घेण्यात येईल, अशा कॅन्टोन्मेंट मंडळातील प्रलंबित विकास कामे मार्गी लावण्यात येतील, अशी ग्वाही त्यांनी दिली.

रेल्वेच्या जमिनीवर एसआरएअंतर्गत झोपडपट्टीधारकांना घरे बांधण्यासाठी त्यांचे पुनर्वसन करण्याकरीता जागा उपलब्ध करुन देण्याबाबत विनंती केली आहे. त्याबदल्यात रेल्वे विभागाला इतरत्र राज्य शासनाची जमीन देण्यात येईल किंवा मोबादला देण्यात येणार आहे. यामुळे झोपडपट्टीधारकांचा घरांचा उपलब्ध होईल तसेच अतिक्रमणाचा प्रश्न मार्गी लागेल. याबाबत भारत सरकार सकारात्मक असून येत्या काळात निर्णय होण्याची अपेक्षा आहे. रहिवाशांच्या प्रश्नाबाबत केंद्र सरकार सोबत चर्चा करुन मार्गच काढण्यात येईल, असे आश्वासन श्री. फडणवीस यांनी दिले.

श्री. पाटील म्हणाले, गेल्या दीड वर्षात राज्यातील विकासाला गती मिळाली असून राज्यासह पुण्यातील अनेक पायाभूत सुविधांचा विकास शासनाने केला आहे. लहुजी वस्तादांच्या स्मारकाचे काम लवकरच पूर्ण करण्यात येईल असे सांगून ससून रुग्णालयातील कर्मचाऱ्यांसाठी बांधलेल्या निवासाच्या इमारती व पुणे स्टेशन परिसरातील डॉ बाबासाहेब आंबेडकर यांच्या पुतळा परिसरातील सुशोभीकरण ही कामे महत्त्वपूर्ण असल्याचे श्री पाटील यांनी सांगितले.

आमदार श्री. कांबळे म्हणाले, पुणे कॅन्टोन्मेंट मतदार संघाच्या विकासासाठी शासनाने गेल्या दीड वर्षात ९० कोटी रुपये निधी उपलब्ध करुन दिला आहे. केंद्र सरकारने कॅन्टोन्मेंटचे महानगरपालिकेकडे विलीनीकरण करण्याची प्रक्रिया सुरू केली आहे. त्याप्रमाणे कॅन्टोन्मेंट भागातील नागरिकांना न्याय मिळेल, असे श्री कांबळे म्हणाले.

माजी मंत्री श्री.कांबळे यांनी यावेळी विचार व्यक्त केले.

Pune Municipal Corporation (PMC) | पुणे महापालिकेचे ३६ कर्मचारी आणि अधिकारी सेवानिवृत्त 

Categories
Breaking News PMC पुणे

Pune Municipal Corporation (PMC) | पुणे महापालिकेचे ३६ कर्मचारी आणि अधिकारी सेवानिवृत्त

 

PMC Retired Employees | जानेवारी 2024 महिन्यात पुणे महापालिकेच (Pune Municipal Corporation (PMC) 36 कर्मचारी आणि अधिकारी सेवानिवृत्त झाले. या कर्मचाऱ्यांसाठी महानगपालिका कामगार कल्याण विभाग (PMC Labour Welfare Department) च्या वतीने सेवापूर्ती समारंभ आयोजित करण्यात आला होता. (Pune PMC News)

या समारंभास प्रमुख पाहुणे म्हणून ज्येष्ठ लेखक, व्याखाते व देशभक्तकोशकार  चंद्रकांत शहासने (Chandrakant Shahasane) उपस्थित होते.  नितीन केंजळे, मुख्य कामगार अधिकारी (Nitin Kenjale PMC) यांनी कार्यक्रमाच्या प्रस्तावनेवर बोलताना सेवकांच्या भविष्यात मिळणाऱ्या रकमा, वेळेचे नियोजन याची सविस्तर माहिती दिली. तदनंतर रविंद्र मुळे, उप अभियंता, राजेंद्र ढुमने, क्रीडा अधिकारी,  शरद हरके, अधीक्षक या सेवानिवृत्त होणाऱ्या अधिकाऱ्यांनी आपले मनोगत व्यक्त केले.

The karbhari - PMC Employees list
सर्व सेवानिवृत्त अधिकारी / कर्मचारी यांना शॉल व स्मृतिचिन्ह देवून गौरविण्यात आले.

या कार्यक्रमास प्रमुख पाहुणे म्हणून लाभलेले चंद्रकांत शहासने यांनी निवृत्त सेवकांना मार्गदशनपर बोलताना आरोग्य हीच संपत्ती आहे. प्रत्येकाने आपले आरोग्य जपले पाहिजे. कुटुंबातील सर्व सदस्यांना वेळ द्या, रोज व्यायाम करावा, योग- योगासने करावीत, घरातील व शेजारील व्यक्तींशी वादावादी करू नका. आपण केलेली सेवा ही फार मोठी गोष्ट आहे असे नमूद करून सर्वाना भविष्यातील वाटचालीसाठी शुभेच्छा दिल्या.

सेवानिवृत्त अधिकारी / कर्मचारी यांना शाल व स्मृतिचिन्ह देऊन गौरविण्यात आले. कार्यक्रमाचे सूत्रसंचालन सुरेश परदेशी यांनी केले.

Rahalkar Ram Temple Pune Sadashiv Peth | रहाळकर राममंदिरात काँग्रेसने केली महाआरती, भजन, प्रसादाचे वाटप

Categories
Breaking News cultural Political social पुणे

Rahalkar Ram Temple Pune Sadashiv Peth | रहाळकर राममंदिरात काँग्रेसने केली महाआरती, भजन, प्रसादाचे वाटप

 

Rahalkar Ram Temple Pune Sadashiv Peth | पुणे  | जय सियारामच्या जयघोषात आणि मंगलमयी उत्साही वातावरणात सदाशिव पेठेतील रहाळकर श्रीराम मंदिरात (Rahalkar Ram Temple Pune Sadashiv Peth) काँग्रेस कार्यकर्त्यांनी (Pune Congress Karykartas) आज सोमवारी महाआरती, भजन केले आणि नंतर प्रसादाचे वाटप केले. (Pune Important Places)

अयोध्येतील श्रीराम मंदिर लोकार्पण (Shri Ram Lalla Pran Pratishta) सोहळ्यानिमित्त माजी आमदार आणि प्रदेश काँग्रेसचे उपाध्यक्ष मोहन जोशी (Mohan Joshi Pune Congress)  यांच्या पुढाकाराने महाआरतीचे आयोजन करण्यात आले होते, त्याला भाविक वर्गाचा उदंड प्रतिसाद मिळाला. यावेळी श्रीरामाचे भजन करण्यात आले, प्रसाद वाटण्यात आला. याप्रसंगी आमदार रविंद्र धंगेकर (MLA Ravindra Dhangekar), दत्ता बहिरट (Datta Bahirat Pune congress), संजय बालगुडे (Sanjay Balgude Pune Congress), रोहित टिळक (Rohit Tilak Pune Congress), शेखर कपोते, रमेश अय्यर, पूजा आनंद, रजनी त्रिभुवन, लता राजगुरु, बुवा नलावडे, जयसिंग भोसले, प्रविण करपे, स्वाती शिंदे, शानी नौशाद, नरेंद्र व्यवहारे, गौरव बोराडे, प्रथमेश आबनावे, चैतन्य पुरंदरे, रोहन सुरवसे, किशोर मारणे, अनिल आहेर आदी काँग्रेसचे पदाधिकारी सहभागी झाले होते.

श्रीरामाविषयी सर्व भारतीयांच्या मनात श्रद्धा आहे. श्रीराम हे दैवत प्रत्येक भारतीयाचे आहे, कोणा विशिष्ट व्यक्ती अथवा समूहाचे नाही व कोणा पक्षाचे अथवा संघटनेचेही नाही, या दैवताला पक्षीय, राजकीय स्वरूप देण्याचा प्रयत्न कोणी केला, तरी ते भारतीयांना मान्य होणार नाही. प्रभू रामचंद्रांविषयी सर्वांच्या मनात आस्था आहे. आपल्या सहज बोलण्यातही श्रीरामाचे नाव घेतले जाते हे त्याचेच ऊदाहरण आहे.

अयोध्येतील श्रीराम मंदिर लोकार्पण सोहळा साजरा होत असताना याच श्रद्धायुक्त भावनेने आम्ही प्रभू श्रीरामाची महाआरती केली,असे याप्रसंगी बोलताना मोहन जोशी यांनी सांगितले.

श्रीरामाचा पक्षीय, राजकीय वापर करणाऱ्याना रामरायानेच सदबुद्धी द्यावी अशी प्रार्थना सुद्धा या प्रसंगी रामरायाच्या चरणी करण्यात आली, असे मोहन जोशी म्हणाले.

कॉंग्रेसचे नेते, पंतप्रधान राजीव गांधी यांच्या हस्ते अयोध्येतील श्रीराम मंदिराचा शिलान्यास झालेला आहे, पण त्याचा कधीही राजकीय वापर करण्यात आला नाही याचेही स्मरण मोहन जोशी यांनी करून दिले.

रहाळकर राम मंदिराच्या विश्वस्तांच्या वतीने मोहन जोशी, आ.रविंद्र धंगेकर, रोहित टिळक यांचा सत्कार करण्यात आला. महाआरतीचे नियोजन सुरेश कांबळे आणि गोरख पळसकर यांनी केले.

Rights of Rivers Campaign | मुळा, मुठा सहित पुणे जिल्ह्यातील 7 नद्यांसाठी राईट्स ऑफ रिव्हर्स मोहीम

Categories
Breaking News social पुणे महाराष्ट्र

Rights of Rivers Campaign | मुळा, मुठा सहित पुणे जिल्ह्यातील 7 नद्यांसाठी राईट्स ऑफ रिव्हर्स मोहीम

Rights of Rivers Campaign | नद्यांचे हक्क, माझी जबाबदारी याची जाणीव ठेवत पुणे जिल्ह्यातील भीमा खोऱ्यातील 7 नद्यांसाठी राईट्स ऑफ रिव्हर्स मोहीम (Rights of Rivers Campaign) राबवण्यात येणार आहे. यामध्ये  भारताचे वॉटरमॅन राजेंद्र सिंग (Waterman Rajendra Singh), आंतरराष्ट्रीय नदी तज्ज्ञ परिणीता दांडेकर (Parinita Dandekar) सहभागी होणार आहेत. अशी माहिती पुणे नदी पुनरुज्जीवन (Pune River Revival) संस्थेच्या वतीने देण्यात आली. (Rights of Rivers campaign)

याबाबत संस्थेच्या वतीने सांगण्यात आले कि, 26 जानेवारी हा भारताचा प्रजासत्ताक दिन आहे. भारतीय राज्यघटना साजरी करण्याचा दिवस. आपण जगातील अशा मोजक्या देशांपैकी एक आहोत जिथे संविधानाने हे मान्य केले आहे की स्वच्छ आणि सुरक्षित नैसर्गिक वातावरण हे नागरिकांच्या जीवनाच्या अधिकाराचा एक भाग आहे आणि ते राखणे हे देखील नागरिकांचे कर्तव्य आहे. हे लक्षात घेऊन, पुण्यातील नद्यांच्या पर्यावरणीय पुनरुज्जीवनासाठी एकत्र आलेल्या 60 हून अधिक संस्था आणि व्यक्तींची संघटना पुणे नदी पुनरुज्जीवन (पीआरआर) भीमा खोऱ्यातील मुळा, मुठा, रामनदी, पवना, इंद्रायणी, भामा आणि भीमा या 7 नद्यांसाठी ‘राईट्स ऑफ रिव्हर्स मोहीम सुरू करणार आहे. ही मोहीम 26 जानेवारी ते 28 जानेवारी 2024 पर्यंत 3 दिवसांसाठी आहे.
जीवितनदी, एन. ए. पी. एम., जलबिरादरी, जलदिंडी प्रतिष्ठान, नमामी इंद्रायणी प्रतिष्ठान, श्री आळंदी धाम सेवा समिती, मनहर्ष फाऊंडेशन, रंजाई, रोटरी क्लब ऑफ वाल्हेकरवाडी, निसर्गसेवक, सजग नागरिक मंच आणि इतर अनेक संस्थांद्वारे ही मोहीम एकत्रितपणे राबवली जाणार आहे. आंतरराष्ट्रीय नदी तज्ज्ञ . परिणीता दांडेकर 26 जानेवारी रोजी या मोहिमेचे उद्घाटन करणार आहेत. 28 जानेवारी रोजी होणाऱ्या समारोप सोहळ्याचे प्रमुख पाहुणे म्हणून वॉटरमॅन ऑफ इंडिया राजेंद्र सिंग उपस्थित राहणार आहेत. आर. जे. संग्राम हे सन्माननीय अतिथी असतील आणि तीनही दिवशी तरुणांशी संवाद साधतील.
सांडपाणी आणि प्रदूषणमुक्त अशा नैसर्गिक मुक्तपणे वाहणाऱ्या स्वच्छ नद्या निर्माण करण्यासाठी लोकांमध्ये तसेच सरकारी संस्थांमध्ये जागरूकता निर्माण करणे हे या मोहिमेचे अंतिम उद्दिष्ट आहे. ज्या 7 नद्यांवर ही मोहीम राबवली जाणार आहे, त्या सर्व ठिकाणी पाण्याचे नमुने गोळा केले जातील. आगामी दशकांमध्ये हवामान बदल आणि पर्यावरणीय -हासाच्या पार्श्वभूमीवर स्वच्छ आणि जिवंत जलसाठे ही अन्न सुरक्षेची तसेच शहरी शाश्वततेची गुरुकिल्ली असल्याने, युवकांना त्यांच्या स्वतःच्या भविष्याचे रक्षण करण्याच्या मोहिमेत सहभागी होण्यासाठी प्रोत्साहित करण्यासाठी विविध शाळा आणि महाविद्यालयांशी संपर्क साधला जात आहे. असे संस्थेच्या वतीने सांगण्यात आले.

Rahalkar Ram Mandir Pune | Pune Congress Mahaaarti |सदाशिव पेठेतील रहाळकर राममंदिरात पुणे काँग्रेस कार्यकर्ते करणार महाआरती

Categories
Breaking News cultural Political social पुणे

Rahalkar Ram Mandir Pune | Pune Congress Mahaaarti |सदाशिव पेठेतील रहाळकर राममंदिरात पुणे काँग्रेस कार्यकर्ते करणार महाआरती

|  माजी आमदार मोहन जोशी

 

Rahalkar Ram Mandir Pune | Pune Congress Mahaaarti |पुणे : अयोध्येतील श्रीराम मंदिर लोकार्पण सोहळ्यानिमित्त (Shri Ram Lalla Pran Pratistha) २२ जानेवारीला दुपारी १२ वाजता सदाशिव पेठेतील रहाळकर श्रीराम मंदिरात (Rahalkar Ram Mandir Sadashiv Peth Pune) कॉंग्रेस कार्यकर्ते महाआरती करणार आहेत, अशी माहिती माजी आमदार आणि प्रदेश काँग्रेसचे उपाध्यक्ष मोहन जोशी (Mohan Joshi Pune Congress) यांनी पत्रकाद्वारे दिली आहे. (Rahalkar Ram Mandir Pune | Pune Congress Mahaaarti)

या महाआरती सोहळ्यात पक्षाचे पदाधिकारी, कार्यकर्ते सहभागी होणार आहेत. सदाशिव पेठेत नागनाथ पाराजवळील (Nagnath Paar Sadashiv Peth) रहाळकर श्रीराम मंदिर (Rahalkar Shriram Mandir) सुमारे २०० वर्ष जुने असून तिथे पट्टाभिशक्त श्रीरामाची मूर्ती आहे. अशी ऐतिहासिक पार्श्वभूमी असलेल्या श्रीराम मंदिरात महाआरती आयोजित केल्याचे मोहन जोशी यांनी पत्रकात म्हटले आहे.

श्रीरामाविषयी सर्व भारतीयांच्या मनात श्रद्धा आहे. श्रीराम हे दैवत प्रत्येक भारतीयाचे आहे, कोणा विशिष्ट व्यक्ती अथवा समूहाचे नाही व कोणा पक्षाचे अथवा संघटनेचेही नाही, या दैवताला पक्षीय, राजकीय स्वरूप देण्याचा प्रयत्न कोणी केला, तरी ते भारतीयांना मान्य होणार नाही.

प्रभू रामचंद्रांविषयी सर्वांच्या मनात आस्था आहे. आपल्या सहज बोलण्यातही श्रीरामाचे नाव घेतले जाते हे त्याचेच ऊदाहरण आहे.

अयोध्येतील श्रीराम मंदिर लोकार्पण सोहळा साजरा होत असताना याच श्रद्धायुक्त भावनेने आम्ही प्रभू श्रीरामाची महाआरती करीत आहोत. श्रीरामाचा पक्षीय, राजकीय वापर करणार्यांना रामरायानेच सदबुद्धी द्यावी अशी आमची प्रार्थना असेल. कॉंग्रेसचे नेते, पंतप्रधान राजीव गांधी यांच्या हस्ते अयोध्येतील श्रीराम मंदिराचा शिलान्यास झालेला आहे, पण त्याचा कधीही राजकीय वापर करण्यात आला नाही याचेही स्मरण यानिमित्ताने होईल असे मोहन जोशी यांनी पत्रकात म्हटले आहे.

Pune Sex Ratio | सावित्रीबाईंच्या पुण्यात 1 हजार मुलांमागे फक्त 890 मुली! 

Categories
Breaking News cultural PMC social आरोग्य पुणे

Pune Sex Ratio | सावित्रीबाईंच्या पुण्यात 1 हजार मुलांमागे फक्त 890 मुली! 

 
 

Pune Sex Ratio | स्त्री शिक्षणाची मुहूर्तमेढ रोवण्याचं काम सावित्रीबाई फुलेंनी पुण्यातून सुरु केलं. मुली शिकल्या. सवरल्या. स्वतंत्र झाल्या. पुण्यामुळे देशात मुली सुरक्षित झाल्या. मात्र तेच पुणे शहर (Pune City) मुलींच्या जन्माचे स्वागत करण्यात मागेच असल्याची धक्कादायक माहिती पुढे आली आहे. पुढारलेल्या पुण्यात ही स्थिती व्हावी, याबाबत आश्चर्य व्यक्त केले जात आहे. महापालिका आरोग्य विभागाच्या (PMC Health Department) माहितीनुसार पुणे शहरात मुलींचे जन्माचे प्रमाण 2023 साली घटून 890 वर आले आहे. 2020 साली हे प्रमाण 946 होते. मागील काही वर्षात महापालिकेने चांगले काम करत हे प्रमाण 879 वरून 946 पर्यंत आणले होते. मात्र आता पुणे शहरातील मुलींच्या जन्माच्या प्रमाणात चांगलीच घसरण होत चालली आहे. सावित्रीबाईंचे स्मारक जिथे होणार आहे अशा पुण्यात ही स्थिती का यावी?  पुणे शहर फिरून १० वर्ष का मागे जावे? याबाबत पुणे महापालिका आरोग्य विभाग आणि राज्य सरकार काही आत्मपरीक्षण करणार आहे का, असा सवाल या निमित्ताने उपस्थित होत आहे.  (Pune Sex Ratio)

 

: अधिकारी बदलामुळे होतोय परिणाम 

 
एक हजार मुलांच्या जन्मामागेच मुलींच्या जन्माचे प्रमाण काढण्यात येते. पुणे महापालिकेकडून (PMC Pune) अथवा कोणत्याही शहर, जिल्ह्यातून मुलींच्या जन्माची आकडेवारी उपलब्ध झाल्यास त्यावरून लिंग गुणोत्तर निश्चित केले जाते. जन्म विभागाकडे दैनंदिन मुला मुलींच्या जन्माची नोंदणी केली जाते. त्यातून संकलित माहितीच्या आधारे हे प्रमाण काढले जाते. लिंग गुणोत्तराच्या बाबतीत पुणे शहर आणि महापालिका राज्यात वरच्या स्थानावर होती. याबाबत महापालिकेचे राज्य सरकार कडून कौतुक देखील केले जायचे. महापालिकेकडून वेगवेगळ्या उपाय योजना राबवून आणि जनजागृती करून हे प्रमाण वाढवले गेले होते. मात्र 2021पासून हे प्रमाण चांगलेच घसरले आहे. मुलींचे स्वागत करण्यात पुढारलेले पुणे उणे का असा प्रश्न आता विचारला जाऊ लागला आहे. दरम्यान महापालिका जनजागृती करण्यात आणि लिंग तपासणाऱ्या रुग्णालयावर कारवाई करण्यात कमी पडली असल्याचे सांगण्यात येत आहे. कारण आरोग्य खात्याकडून अधिकाऱ्याच्या बदल्या केल्या गेल्या. चांगले काम करणाऱ्या अधिकाऱ्या कडून याबाबतचे काम काढून घेण्यात आले. नवीन आलेल्या अधिकाऱ्यांना कामाचे स्वरूप समजून घेण्यातच वेळ गेला. त्यामुळे कारवाई होऊ शकली नाही.  (Pune Municipal Corporation Health Department)
 

: 2020 ला सेक्स रेशो 946 

दरम्यान, ‘ 2010 साली पुणे शहरातील मुलींच्या जन्माचे प्रमाण 879 होते. 2011 मध्ये मुलींच्या जन्माचे प्रमाण 884 एवढे होते. 2012 व 2013 मध्ये अनुक्रमे 934 व 933 एवढे प्रमाण होते. 2014 मध्ये त्यात थोडीशी वाढ होऊन ते 937 पर्यंत गेले, तर 2015 मध्ये  हे प्रमाण घसरून 925 पर्यंत खाली आले होते. त्यानंतर 2019 ला 922 तर 2020 ला हे प्रमाण 946 पर्यंत आले होते. मात्र 2021 मध्ये यात खूपच घसरण झाली. 1000 मुलांच्या मागे मुलींचे प्रमाण फक्त 900 असे होते. तर 2022 साली यात थोडीशी सुधारणा होऊन हे प्रमाण 910 इतके झाले. त्यानंतर आता 2023 सालात देखील संख्या कमीच असल्याचे दिसून येत आहे.  910 वरून हे प्रमाण 890 इतके असल्याचे दिसून आले आहे. म्हणजे फिरून आपण २०१० सालासारखे मागे गेलो आहोत.

: लिंग गुणोत्तर (sex Ratio) प्रमाण 

 
वर्ष             रेशो 
 
2010     879
2011     884
2012     934
2013     933
2014      937
2019       922
2020.      946
2021.       900
2022.       910
2023.       890
—

Deep Cleaning Drive | PMC Pune | पुणे महापालिकेची विशेष सूक्ष्म स्वच्छता मोहीम | 22 जानेवारी पर्यंत शहरातील सर्व प्रभागातील मंदिरे स्वच्छ करण्याचे नियोजन

Categories
Breaking News PMC social पुणे

Deep Cleaning Drive | PMC Pune | पुणे महापालिकेची विशेष सूक्ष्म स्वच्छता मोहीम

| 22 जानेवारी पर्यंत शहरातील सर्व प्रभागातील मंदिरे स्वच्छ करण्याचे नियोजन

Deep Cleaning Drive | PMC Pune | स्वच्छ भारत अभियान (Swachh Bharat Abhiyan), स्वच्छ सर्वेक्षण २०२४ (Swachh Survey 2024) अंतर्गत पुणे महानगरपालिकेमार्फत (Pune Municipal Corporation) संपूर्ण शहरात विशेष सूक्ष्म/खोलवर स्वच्छता मोहीमेचे (deep cleaning drive) आयोजन करण्यात येत आहे. हे स्वच्छता अभियान १५ क्षेत्रिय कार्यालयाकडील एकूण ४२ प्रभागांमध्ये दिनांक १७  ते २२ जानेवारी या कालावधीत आयोजित करण्यात आले आहे. त्यानुसार शहरात स्वच्छता करण्यात येत आहे. अशी माहिती महापालिका घनकचरा विभागाच्या (PMC Solid Waste Management Department) वतीने देण्यात आली. (Deep Cleaning Drive | PMC Pune)
२२ जानेवारी रोजी अयोध्येत प्रभू श्रीरामांची प्राणप्रतिष्ठा होत असून थोडेच दिवस बाकी आहेत. येत्या २२ जानेवारी रोजी संपूर्ण हिंदुस्थानात सर्वात मोठी दीपावली साजरी होत आहे. या अनुषंगाने देशाचे पंतप्रधान नरेंद्र मोदी यांनी केलेल्या आवाहनानुसार देशभर मंदिर व सर्व पुजास्थळांची स्वच्छता करण्यात येत आहे. काल डहाणूकर कॉलनी प्रभू श्रीराम मंदिर स्वच्छ करणे आले यावेळी स्वच्छतेचे ब्रॅन्ड अँबेसिडर व जेष्ठ गायक, संगीतकार, दिग्दर्शक व कवी डॉ. सलील कुलकर्णी (Dr Saleel Kulkarni) आणि सहाय्यक आरोग्य अधिकारी डॉ.केतकी घाटगे यांच्या उपस्थितीत पुणे महानगरपालिकेचे महापालिका आयुक्त श्री विक्रम कुमार ,अतिरिक्त महापालिका आयुक्त डॉ. कुणाल खेमनार व उप आयुक्त घनकचरा व्यवस्थापन श्री.संदीप कदम यांच्या मार्गदर्शनानुसार वरिष्ठ आरोग्य निरीक्षक, आरोग्य निरीक्षक व अधिकारी / कर्मचारी (आरोग्य विभाग) नवचैतन्य हास्य क्लब, कमिन्स इंडिया लिमिटेड, जनवानी, स्वच्छ संस्था, हर्षदीप फाउंडेशन,
सेवासयोग,नागरिक यांच्या सोबत मंदिर स्वच्छता अभियान राबवण्यात आले. माजी आमदार मेधा कुलकर्णी, मा. स्थायी समिती अध्यक्ष श्री. शाम देशपांडे यांच्या हस्ते मंदिरातील आतील परिसराची जेटींग मशिनच्या सहाय्याने पाण्याच्या फवाऱ्याने साफ करण्यात आले. शिवाय पुजा पार्क व प्रभागातील गणपती, म्हसोबा, मारुती, भवानी माता, दुर्गामाता, महादेव, विठ्ठल या विविध देवतांचे मंदीर, तसेच मंदीराच्या बाहेरील परिसर सर्व क्षेत्रातील सन्माननीय लोकप्रतिनिधी व नागरिकांनी स्वच्छता अभियानात उत्स्फूर्तपणे सहभागी होऊन स्वच्छता केली.

Pune Metro Security Guard  | मेट्रोच्या सुरक्षा रक्षकाने प्रसंगावधान राखत दोन जीव वाचवले

Categories
Breaking News social पुणे

Pune Metro Security Guard  | मेट्रोच्या सुरक्षा रक्षकाने प्रसंगावधान राखत दोन जीव वाचवले

 

Pune Metro Security Guard  |पुणे मेट्रो (Pune Metro) सुरक्षा रक्षक विकास बांगर (Security Guard Vikas Bangar) याने प्रसंगावधान राखत ३ वर्षांच्या मुलाचे व त्याच्या आईचे प्राण वाचवले. आज  १९ जानेवारी  रोजी दुपारी २:२२ मिनिटांनी सिव्हिल कोर्ट उन्नत मेट्रो स्थानक (Civil Court Metro Station) येथे फलाट क्रमांक २ वरून एक 3 वर्षाचा मुलगा खेळतांना रुळावर पडला. त्यावेळी कामावर असणाऱ्या सुरक्षारक्षकाने मुलाला ट्रॅक वर पडताना पहिले. पडणाऱ्या मुलाला वाचविण्याच्या प्रयत्नात मुलाची आई देखील रुळांवर पडली. त्यावेळी प्रसंगावधान राखत सुरक्षारक्षक विकास बांगर याने फलाटावरील आपत्कालीन मेट्रो थांबविण्याचे प्लंजर (ई.एस.पी) बटन वेळीच दाबले. (Pune Metro Security Guard)

त्यामुळे स्थानकाच्या दोन्ही दिशांनी वेगाने येणाऱ्या मेट्रो ट्रेन त्वरित थांबल्या यावेळी स्थानक आणि मेट्रो यामधील अंतर केवळ ३० मीटर इतके होते. मेट्रो ट्रेन थांबल्यानंतर मुलगा व त्याच्या आईला सुखरूप रित्या रुळांवरून बाहेर काढण्यात आले व परिवाराशी त्याची भेट करून देण्यात आली.

सुरक्षारक्षक  विकास बांगर यांच्या समयसूचकतेबद्दल आणि धाडसी कार्याबद्दल पुणे मेट्रोचे कार्यकारी संचालक डॉ. हेमंत सोनवणे (प्रशासन व जनसंपर्क), महाव्यवस्थापक सोमेश शर्मा (वित्त) यांच्या हस्ते सत्कार करण्यात आला यावेळी स्थानक नियंत्रक व पुणे मेट्रोचे कर्मचारी उपस्थित होते.

Katraj-Kondhwa Road Pune |  कात्रज-कोंढवा रस्त्याच्या कामांसाठी अजित पवार २०० कोटी मिळवून देणार का? | अजित पवारांनी पाहणीच्या वेळी दिले आश्वासन 

Categories
Breaking News PMC Political social पुणे

Katraj-Kondhwa Road Pune |  कात्रज-कोंढवा रस्त्याच्या कामांसाठी अजित पवार २०० कोटी मिळवून देणार का? | अजित पवारांनी पाहणीच्या वेळी दिले आश्वासन

 

Katraj-Kondhwa Road Pune | पुणे | उपमुख्यमंत्री अजित पवार (Ajit Pawar) यांनी अचानकपणे कात्रज-कोंढवा रस्त्याच्या (Katraj – Kondhwa Road) कामांची पाहणी केली. त्यांनी रस्त्याच्या कामाबद्दल समाधान व्यक्त केले. या कामासाठी राज्य शासनातर्फे २०० कोटींचा निधी उपलब्ध करून देण्याबाबत लवकरच मंत्रिमंडळ बैठकीत (Maharashtra Cabinet Meeting) विषय मांडण्यात येईल, असे त्यांनी सांगितले. दरम्यान गेले वर्षभर २०० कोटी देण्याबाबत राज्य सरकार महापालिकेला नुसते आश्वासन देत आहे. किमान अजित पवार तरी याबाबत मनावर घेणार का, असा प्रश्न उपस्थित केला जात आहे. (Katraj-Kondhwa Road Pune | PMC)

पुणे शहराच्या दृष्टीने वाहतूक कोंडी कमी करण्यासाठी कात्रज-कोंढवा रस्त्याचे रुंदीकरण (Katraj- Kondhwa Road Widening) होणे महत्वाचे आहे. मात्र भूसंपादन (Land Acquisition) अभावी हे काम रखडले होते. भूसंपादन करण्यासाठी 200 कोटींचा निधी देण्याबाबत उपमुख्यमंत्री देवेंद्र फडणवीस (DCM Devendra Fadnavis) यांनी पुणे महापालिकेला (Pune Municipal Corporation) आश्वस्त केले होते. मात्र प्रत्यक्षात निधी मिळालेला नाही. त्यामुळे अतिरिक्त आयुक्त विकास ढाकणे (Additional Commissioner Vikas Dhakane) यांनी नगर विकास विभागाला एका महिन्यात दोनदा पत्रव्यवहार करत 200 कोटी देण्याची मागणी केली होती.  पहिले पत्र 6 जुलै ला पाठवण्यात आले होते. तर  19 जुलै ला अजून एक पत्र पाठवण्यात आले होते. तरीहि निधी अजून मिळालेला नाही. (Katraj-Kondhwa Road)

The karbhari - Katraj kondhwa Road Fund

दरम्यान या पाहणीच्या वेळी अजित पवार म्हणाले, कात्रज चौक उड्डाणपूल ६५०-७०० मीटर पुढे वाढवावा. खडी मशीन चौकापासून पुढे सार्वजनिक बांधकाम विभागाचा रस्ता रुंदीकरण करण्यात यावे. खडी मशीन चौकापासून कान्हा हॅाटेलकडे येणारा एकतर्फी मार्ग तात्काळ चालू करायचे निर्देश त्यांनी दिले. रस्त्यासाठी जमीन ताबा देणाऱ्यांना त्यांनी व्यक्तीश: धन्यवाद दिले.

पुणे महानगरपालिकेचे आयुक्त विक्रम कुमार यांनी रस्त्याच्या कामाविषयी माहिती दिली. उपमुख्यमंत्री महोदयांच्या सूचनेनुसार केंद्र सरकारच्या रस्ते वाहतूक आणि महामार्ग मंत्रालयाला या कामाबाबतचा सविस्तर प्रकल्प अहवाल सादर करण्यात आल्याचे त्यांनी सांगितले.

यावेळी आमदार चेतन तुपे, अतिरिक्त आयुक्त विकास ढाकणे, सार्वजनिक बांधकाम विभागाचे अधीक्षक अभियंता बप्पा बहिर, कार्यकारी अभियंता अमोल पवार, राष्ट्रीय महामार्ग प्राधिकरणाचे महेश पाटील आदी उपस्थित होते.

परिसरातील नागरिकांच्यावतीने उपमुख्यमंत्री श्री.पवार यांचा यावेळी सत्कार करण्यात आला. उपमुख्यमंत्र्यांच्या निर्देशानुसार रस्त्याच्या एक बाजूची वाहतूक सुरू करण्यात आली आहे.

PMC Fireman Bharti  Results | फायरमन पदाचा अंतिम निकाल फेब्रुवारीच्या पहिल्या आठवड्यात! 

Categories
Breaking News PMC पुणे

PMC Fireman Bharti  Results | फायरमन पदाचा अंतिम निकाल फेब्रुवारीच्या पहिल्या आठवड्यात!

| अग्निशमन साहित्याची ओळख याबाबत पुनर्तपासणी केलेल्या सुधारित गुणांची यादी प्रसिद्ध

Pune Mahanagarpalika Fireman Bharti 2023 | पुणे महापालिकेच्या (Pune Municipal Corporation) वतीने फायरमन (Fireman) पदासाठी पात्र झालेल्या 575 उमेदवारांची शारीरिक चाचणी परीक्षा 26 ते 29 ऑक्टोबर या कालावधीत  घेण्यात आली. दरम्यान अग्निशमन साहित्य ओळख बाबत घेतलेल्या लेखी परीक्षेची उमेदवाराची उत्तरपत्रिका आणि योग्य विवरणी महापालिका वेबसाईट वर प्रसिद्ध करण्यात आली आहे. उमेदवारांच्या काही हरकती असल्या तर त्या देण्यास सांगण्यात आले होते. त्यानुसार काही हरकती आल्या होत्या. याचे निरसन करून प्रशासनाकडून सुधारित गुणांची यादी मनपा संकेतस्थळावर प्रसिद्ध  केली आहे. दरम्यान आता निवड समितीच्या बैठकीत या सगळ्या प्रक्रिये बाबत चर्चा करून अंतिम निकाल प्रसिद्ध केला जाणार आहे.  फेब्रुवारी महिन्याच्या पहिल्या आठवड्यात निकाल प्रसिद्ध केला जाऊ शकतो.  अशी माहिती सामान्य प्रशासन विभागाचे उपायुक्त सचिन इथापे (Deputy Commissioner Sachin Ithape) यांनी दिली. (Pune Mahanagarpalika Fireman Bharti 2023)
पुणे महापालिकेच्या वतीने 320 पदांची भरती प्रक्रिया राबवण्यात आली. यातील 200 जागा या फायरमन पदाच्या होत्या. त्यानुसार महापालिकेकडे 3500 हून अधिक अर्ज आले होते. या उमेदवारांची परीक्षा घेण्यात आली. 120 मार्कांची परीक्षा होती. यात किमान 54 गुण मिळणे आवश्यक होते. यात 666 लोक उत्तीर्ण झाले. उत्तीर्ण झालेल्या उमेदवारांच्या कागदपत्रांची पडताळणी करण्यात आली. त्यानुसार शारीरिक चाचणी परीक्षेसाठी 575 उमेदवार पात्र ठरले होते. त्यानुसार शारीरिक चाचणी परीक्षा  ही 26 ते 29 ऑक्टोबरला आणि 22 नोव्हेंबर ला घेण्यात आली होती.  त्यानुसार या चाचणीचे गुण महापालिकेच्या अधिकृत संकेतस्थळावर प्रसिद्ध करण्यात आले होते. त्यानंतर अग्निशमन साहित्य ओळख बाबत लेखी परीक्षा घेण्यात आली होती. यासाठी 5 गुण होते. परीक्षेची उमेदवाराची उत्तरपत्रिका आणि योग्य विवरणी महापालिका वेबसाईट वर प्रसिद्ध करण्यात आली होती. याबाबत काही हरकती असतील तर त्या देण्यास सांगण्यात आले होते. (Pune Mahanagarpalika Bharti)
त्यानुसार काही उमेदवारांनी हरकती घेतल्या आहेत. यामध्ये गुण कमी मिळणे, उत्तर बरोबर असून कमी गुण मिळणे, प्रतिस्पर्धी उमेदवाराला जास्त गुण देणे, अशा हरकतींचा समावेश होता. यामुळे प्रशासनाने सर्वच उत्तरपत्रिका पुन्हा एकदा तपासण्याचे आदेश दिले होते. ‘अग्निशमन साहित्याची ओळख’ यामधील उत्तरांबाबत आणि गुणांबाबत उमेदवारांकडून प्राप्त झालेल्या हरकती विचारात घेऊन उमेदवारांनी सोडवलेल्या उत्तरपत्रिकांची पुनर्तपासणी करण्यात आलेली आहे. पुनर्तपासणीमध्ये बदल झालेल्या उमेदवारांच्या सुधारित गुणांचा तक्ता व संबंधित उत्तरपत्रिका मनपा संकेतस्थळावर प्रसिद्ध करणेत आली आहे. तसेच यापुढे याबाबत कोणतीही हरकत विचारात घेतली जाणार नाही, असे आवाहन महापालिका प्रशासनाच्या वतीने करण्यात आले आहे.

: निवड समितीच्या बैठकीनंतर प्रसिद्ध होणार अंतिम यादी

दरम्यान अंतिम निकालासाठी उमेदवारांना फेब्रुवारी महिन्याच्या पहिल्या आठवड्याची वाट पाहावी लागणार आहे. कारण आता या सगळ्या भरती प्रक्रिये बाबत निवड समितीची बैठक लावली जाणार आहे. या समितीत 8 ते 10 सदस्य असतात. आरक्षण आणि गुण प्रक्रियेवर समितीत चर्चा केली जाईल. त्यानंतर समितीच्या मान्यतेने अंतिम निकाल प्रसिद्ध केला जाणार आहे. समितीची बैठक आगामी आठवड्यात होईल, अशी शक्यता प्रशासनाकडून वर्तवण्यात आली.