Tag: Pune Mahanagarpalika Marathi Batmya

Hong Kong Lane Pune | Pune PMC | महापालिका प्रशासनाकडून मुख्य सभेच्या ठरावाचा अवमान | महापालिकेचे लाखोंचे नुकसान

Categories
Breaking News PMC social पुणे

Hong Kong Lane Pune | महापालिका प्रशासनाकडून मुख्य सभेच्या ठरावाचा अवमान | महापालिकेचे लाखोंचे नुकसान

Hong Kong Lane Pune | डेक्कन टॉकीज बोळातील (R Deccan Mall) अर्थात हॉंगकॉंग लेन (Hong King Lane Pune) मधील 25 स्टॉल चे पक्के बांधकाम करण्याबाबत 1986 साली मुख्य सभेने (Pune Municipal Corporation General Body Proposal) ठराव केला होता. त्यातून महापालिकेला चांगले उत्पन्न मिळणार होते. मात्र महापालिका प्रशासनाकडून या ठरावाची अंमलबजावणीच करण्यात आली नाही. हा एक प्रकारे मुख्य सभेचा अवमान असतो. त्यामुळे तुटपुंज्या उत्पन्ना वरच महापालिकेला समाधान मानावे लागत आहे. दुसरीकडे स्टॉलधारक मात्र महिन्याला लाखों कमावत आहेत. त्यामुळे आता तरी महापालिका लेन मध्ये पक्क्या स्वरूपाचे बांधकाम करून गाळे ज्यादा दराने देणार का? असा सवाल या निमित्ताने उपस्थित होत आहे. (Pune Municipal Corporation News)
पुणे शहरातील डेक्कन जिमखाना परिसरातील (Deccan Gymkhana Area Pune) आणि एफसी रोडवरील (FC Road Pune) डेक्कन टॉकीज आता आर डेक्कन मॉल (R Deccan Mall) बोळात महापालिकेच्या मालकीची जागा आहे. या ठिकाणी 25 गाळे आहेत. यात सर्व प्रकारच्या वस्तू ग्राहकांना मिळतात. पुण्यात इतरत्र कुठे मिळत नसेल ते इथे मिळते, अशी त्याची आख्यायिका आहे. यामध्ये मोबाईल ऍक्सेसरीज, घड्याळ, महिला आणि पुरुषासाठी आवश्यक सौंदर्य प्रसाधने अशा गोष्टी इथे मिळतात. ही मोक्याची जागा असल्याने इथल्या दुकानदारांना महिन्याला लाखों रुपये मिळतात. मात्र महापालिकेची ही जागा असून देखील महापालिकेला तुटपुंज्या भुई भाड्यावर समाधान मानावे लागते. मात्र यात महापालिका प्रशासनचीच चूक आहे. (Hong Kong lane FC Road Deccan Pune)
कारण  [हॉन्गकॉग लेन] स्टॉल पक्के बांधकाम – करणेबाबत स्टॉल धारकांनी १८/११/८५ पत्र देऊन महापालिकेकडे मागणी केली होती. त्यात म्हटले होते कि,  डेक्कन डॉकिजच्या बोळात एकूण १० x ५ फूट या मापाचे २५ स्टॉल्स महानगरपालिकेने भुईभाड्याने दिलेले आहेत. स्टॉल्स अत्यंत मोडकळीस आल्याने व पावसाने उगल्याने त्या ठिकाणी लाकडी स्टॉल्स ऐवजी त्याच मापाचे गाळे पक्क्या स्वरुपाचे बांधणे आवश्यक आहे. याबाबत भूमी प्रापण, आरोग्य, विकास योजना, पथ विभाग, भवन रचना विभाग व बांधकाम परवानगी विभाग कडील अभिप्राय मागविले असता सर्व खात्याचे अभिप्राय अनुकूल आलेले होते. त्यानुसार स्थायी समितीच्या माध्यमातून मुख्य सभेने ठराव मान्य केला होता. 

| काय होता 1 सप्टेंबर 1986 ला झालेला मुख्य सभेचा ठराव?

डेक्कन टॉकीजच्या बोळांत एकूण १० फूट बाय ५ फूट या मापाचे एकूण २५ स्टॉल्स मनपाने भुईभाड्याने दिलेले आहेत. सदरचे स्टॉल्स अत्यंत मोडकळीस आल्याने व पावसाने कुणल्याने त्या ठिकाणी लाकडी स्टॉल्स ऐवणी त्याच मापाचे गाळे पक्क्या स्वरूपाचे बांधणे व तेथे सध्या असलेल्या स्टॉल्सधारकांना मा.महा.आयुक्त यांच्या पत्रांतील १ ते १९ अटींवर ३० वर्षे कराराने महा.आयुक्त यांच्या पत्रासोबतच्या नकाशांत दर्शविल्याप्रमाणे दुकानासाठी जागा भाड्याने देण्यास मान्यता देण्यात येत आहे.

The Karbhari - Hong kong lane Pune PMC GB Proposal

| प्रशासनाने काय करायला हवे?

महापालिका प्रशासन खासकरून महापालिका आयुक्त आणि अतिक्रमण विभागाने यावर अंमल करणे गरजेचे होते. मात्र अद्याप पर्यंत यावर कोणताही निर्णय घेतलेला नाही. सद्यस्थितीत महापालिकेला प्रति दुकानाकडून प्रति दिवशी 200 रुपयाचे भाडे मिळते. ठरावावर अंमल झाला असता तर पालिकेला प्रति दिवशी 1000 रुपये मिळाले असते. शहरात महापालिकेच्या अशा बऱ्याच जागा आहेत जिथे पक्क्या स्वरूपाचे बांधकाम करून गाळे लिलाव पद्धतीने द्यायला हवे आहेत. सारस बागेजवळील जागा ही अशीच आहे. तिथे महापालिकेने फूड मॉल करण्याचे नियोजन केलेले आहे. त्याच धर्तीवर हॉंगकॉंग लेन मध्ये देखील दोन मजली इमारतीचे बांधकाम करून गाळे लिलाव पद्धतीने द्यायला हवेत. यातून महापालिकेला देखील चांगले उत्पन्न मिळेल.

Deep Cleaning Drive | PMC Pune | पुणे महापालिकेची विशेष सूक्ष्म स्वच्छता मोहीम | 22 जानेवारी पर्यंत शहरातील सर्व प्रभागातील मंदिरे स्वच्छ करण्याचे नियोजन

Categories
Breaking News PMC social पुणे

Deep Cleaning Drive | PMC Pune | पुणे महापालिकेची विशेष सूक्ष्म स्वच्छता मोहीम

| 22 जानेवारी पर्यंत शहरातील सर्व प्रभागातील मंदिरे स्वच्छ करण्याचे नियोजन

Deep Cleaning Drive | PMC Pune | स्वच्छ भारत अभियान (Swachh Bharat Abhiyan), स्वच्छ सर्वेक्षण २०२४ (Swachh Survey 2024) अंतर्गत पुणे महानगरपालिकेमार्फत (Pune Municipal Corporation) संपूर्ण शहरात विशेष सूक्ष्म/खोलवर स्वच्छता मोहीमेचे (deep cleaning drive) आयोजन करण्यात येत आहे. हे स्वच्छता अभियान १५ क्षेत्रिय कार्यालयाकडील एकूण ४२ प्रभागांमध्ये दिनांक १७  ते २२ जानेवारी या कालावधीत आयोजित करण्यात आले आहे. त्यानुसार शहरात स्वच्छता करण्यात येत आहे. अशी माहिती महापालिका घनकचरा विभागाच्या (PMC Solid Waste Management Department) वतीने देण्यात आली. (Deep Cleaning Drive | PMC Pune)
२२ जानेवारी रोजी अयोध्येत प्रभू श्रीरामांची प्राणप्रतिष्ठा होत असून थोडेच दिवस बाकी आहेत. येत्या २२ जानेवारी रोजी संपूर्ण हिंदुस्थानात सर्वात मोठी दीपावली साजरी होत आहे. या अनुषंगाने देशाचे पंतप्रधान नरेंद्र मोदी यांनी केलेल्या आवाहनानुसार देशभर मंदिर व सर्व पुजास्थळांची स्वच्छता करण्यात येत आहे. काल डहाणूकर कॉलनी प्रभू श्रीराम मंदिर स्वच्छ करणे आले यावेळी स्वच्छतेचे ब्रॅन्ड अँबेसिडर व जेष्ठ गायक, संगीतकार, दिग्दर्शक व कवी डॉ. सलील कुलकर्णी (Dr Saleel Kulkarni) आणि सहाय्यक आरोग्य अधिकारी डॉ.केतकी घाटगे यांच्या उपस्थितीत पुणे महानगरपालिकेचे महापालिका आयुक्त श्री विक्रम कुमार ,अतिरिक्त महापालिका आयुक्त डॉ. कुणाल खेमनार व उप आयुक्त घनकचरा व्यवस्थापन श्री.संदीप कदम यांच्या मार्गदर्शनानुसार वरिष्ठ आरोग्य निरीक्षक, आरोग्य निरीक्षक व अधिकारी / कर्मचारी (आरोग्य विभाग) नवचैतन्य हास्य क्लब, कमिन्स इंडिया लिमिटेड, जनवानी, स्वच्छ संस्था, हर्षदीप फाउंडेशन,
सेवासयोग,नागरिक यांच्या सोबत मंदिर स्वच्छता अभियान राबवण्यात आले. माजी आमदार मेधा कुलकर्णी, मा. स्थायी समिती अध्यक्ष श्री. शाम देशपांडे यांच्या हस्ते मंदिरातील आतील परिसराची जेटींग मशिनच्या सहाय्याने पाण्याच्या फवाऱ्याने साफ करण्यात आले. शिवाय पुजा पार्क व प्रभागातील गणपती, म्हसोबा, मारुती, भवानी माता, दुर्गामाता, महादेव, विठ्ठल या विविध देवतांचे मंदीर, तसेच मंदीराच्या बाहेरील परिसर सर्व क्षेत्रातील सन्माननीय लोकप्रतिनिधी व नागरिकांनी स्वच्छता अभियानात उत्स्फूर्तपणे सहभागी होऊन स्वच्छता केली.

Shetkari Athvade Bajar | शेतकरी आठवडे बाजारासाठी पुणे महापालिकेकडून नियमावली!

Categories
Breaking News PMC social पुणे

Shetkari Athvade Bajar | शेतकरी आठवडे बाजारासाठी पुणे महापालिकेकडून नियमावली!

Shetkari Athvade Bajar | महानगरपालिकेच्या कार्यक्षेत्रात (Pune Municipal Corporation) संत शिरोमणी सावता माळी रयत शेतकरी आठवडे बाजार (Sant Shiromani Savta Mali Rayat Shetkari Athvade Bajar) आयोजित करणारे शेतकरी उत्पादक कंपनी, शेतकरी बचत गट व आयोजक यांची बैठक उप आयुक्त अतिक्रमण महानगरपालिका यांच्या अध्यक्षते खाली आयोजित करणेत आली होती. बैठकी मध्ये शेतकरी आठवडे बाजार भरविताना महापालिकेच्या नियमांचे पालन करणे आवश्यक आहे. या बाबत माधव जगताप उप आयुक्त अतिक्रमण/अनधिकृत बांधकाम निर्मुलन विभाग (PMC Deputy commissioner Madhav Jagtap) यांनी शेतकरी आठवडे बाजार आयोजक यांना मार्गदर्शन केले. यामध्ये प्रामुख्याने शेतकरी आठवडे बाजार नियोजन करिता काही  निर्णय घेण्यात आले. (PMC Pune)

शेतकरी आठवडी बाजार आयोजकांसाठी पुणे महानगरपालिके मार्फत करण्यात आलेली नियमावली पुढील प्रमाणे
१) शेतकरी आठवडी बाजार आयोजन करण्यासाठी शेतकरी उत्पादक कंपनी किवा शेतकऱ्यांची सहकारी संस्था असणे बंधनकारक असावे. संस्थेचे किमान २५० शेतकरी सभासद असावेत.
२) आयोजक संस्थेचे स्थापने पासून आज अखेरीस नियमित लेखा परीक्षण व विविध कर भरणा केलेला असावा.
३) बाजार आयोजन करत असतांना आवश्यक कर, भाडे अथवा फी ची भरणा नियमित करून त्या संबंधित अहवाल कार्यलयाकडे सादर करावा.
४) शेतकरी बाजार चालू करण्यापूर्वी साधारणपणे शेतकरी गट अथवा शेतकरी कंपन्यांची नोंदणी महानगरपालिका कार्यालयात करून अधिकृत मान्यता घ्यावी व त्यानंतरच शेतकरी बाजार सुरु करावा.
५) शेतकरी बाजारांमध्ये शेतमाल विक्री करणारे शेतकरी, शेतकरी गट, शेतकरी कंपन्या संस्था यांना आयोजक संस्थेचे कायम स्वरूपी सभासद करून घेणे बंधनकारक आहे.
६) सभासद फी व्यतिरिक्त कोणत्याही प्रकारची अनामत रक्कम अथवा इतर कोणत्याही स्वरुपात अवाजवी रक्कम स्वीकारता येणार नाही. अशाप्रकारची कोणतीही बाब निदर्शनास आल्यास तात्काळ आयोजकांची परवानगी रद्द करण्यात येईल.
७) शेतकरी आठवडी बाजार अनाधिकृतपणे रस्त्यावर अथवा फूटपाथवर अतिक्रमण करून सुरू करता येणार नाही.
८) महापालिकेच्या मालकीच्या अमेनिटी स्पेस अथवा राखीव जागेवर विना परवानगी शेतकरी आठवडे बाजार सुरू करता येणार नाही.
९) सहभागी गटांनी ओळखपत्र, गणवेश, गटांचे प्रोफाईल, नोंदणी प्रमाण पत्र, कृषी अधिकाऱ्यांचे शिफारस पत्र, इत्यादी कागदपत्रे स्वतः जवळ कायमस्वरूपी ठेवणे व त्याची एक प्रत आयोजक संस्थेकडे ठेवणे गरजेचे आहे.
१०) सहभागी होणाऱ्या गटांचे उत्पादित होणारे व भविष्यात नियोजित असलेले शेतमाल यांची यादी आयोजक संस्थेने देणे व त्याप्रमाणे मालाचे नियोजन करणे आवश्यक आहे.
११) शेतकरी बाजारांमध्ये कोणत्याही प्रकारचे व्यसन करणार नाही तसेच अस्वच्छता व ग्राहकांना त्रास होईल अश्या प्रकारचे कोणतेही वर्तन केले जाणार नाही व तसे आढळल्यास कार्यवाहीस सहकार्य करण्याबाबतचे हमीपत्र सहभागी गट, शेतकरी यांनी आयोजक संस्थेकडे देणे कंधनकारक राहील.
१२) शेतकरी बाजारांमध्ये ताजा, स्वच्छ, निवडक व गुणवतापूर्ण शेतमाल विक्री करण्याबाबत तसेच स्वच्छ्ता, शांतता नीटनेटकेपणा ठेवण्याच्या सूचना सहभागी गटांना देऊन त्याप्रमाणे अंमलबजावणी
करण्याबाबतची जबाबदारी आयोजकांची असावी.
१३) शेतकरी बाजार हि संकल्पना शेतकरी यांना उत्पन्न व ग्रामिण युवकांना रोजगार या उद्देशाने अस्तित्वात आली असल्यामुळे सदैव याच घटाकांचे हित जपण्याचे तसेच शेतकरी व ग्रामिण तरुणाना प्रोत्साहित करण्याचे आयोजकाचे धोरण असल्याबाबतचे हमीपत्र बंधनकारक असावे.
१४) शेतमाल विक्रीस शेतकरी, शेतकरी गट, महिला बचत गट यांनी जागेची मागणी केल्यास अशा संस्थाना अथवा व्यक्तीना शेतकरी आठवडे बाजार आयोजकांनी योग्य कारणाशिवाय जागा नाकारल्यास सदर आयोजकांची परवानगी रद्द करणेत येईल.
१५) पुणे शहरामध्ये शेतकरी आठवडी बाजार भरविताना प्रथम प्रकल्प संचालक आत्मा पुणे कृषि विभाग व पुणे महानगरपालिकेची परवानगी घेतल्या शिवाय पुढील शेतकरी आठवडे बाजार भरविता येणार नाहीत. आत्मा संस्थेकडे अर्ज दाखल केल्याची प्रत व हमीपत्र सादर केल्यानंतर महापालिकेची परवानगी देण्याची कार्यवाही करणेत येणार आहे