Tag: Vikas Dhakane PMC

Pune PMC News | अतिरिक्त आयुक्त विकास ढाकणे यांची बदली रद्द करा | माजी नगरसेवकांची मुख्यमंत्री एकनाथ शिंदे यांच्याकडे मागणी

Categories
Breaking News PMC Political social पुणे

Pune PMC News | अतिरिक्त आयुक्त विकास ढाकणे यांची बदली रद्द करा | माजी नगरसेवकांची मुख्यमंत्री एकनाथ शिंदे यांच्याकडे मागणी

Pune PMC News – (The Karbhari News Service) – पुणे महानगरपालिकेचे अतिरिक्त आयुक्त
विकास ढाकणे (Vikas Dhakane PMC) यांच्या बदलीचा जोरदार विरोध होताना दिसतो आहे. त्यांचा पुणे महानगरपालिकेतील कालावधी पूर्ण झालेला नाही. तसेच त्यांच्या बदलीने महापालिकेच्या कामावर परिणाम होईल. त्यामुळे त्यांची बदली करू नये. अशी मागणी माजी नगरसेवक उज्ज्वल केसकर, प्रशांत बधे आणि सुहास कुलकर्णी यांनी मुख्यमंत्री एकनाथ शिंदे यांच्याकडे केली आहे. (Pune Municipal Corporation (PMC)
माजी नगरसेवकांच्या निवेदनांनुसार  मुख्य निवडणूक आयुक्त यांच्या सूचनेच्या आणि मार्गदर्शक तत्त्वाच्या आधाराने काही बदल्या करणे प्राप्त होते. त्या प्रमाणे त्या झाल्या असतील. परंतु  ढाकणे हे त्या बदलीच्या निकषात बसतील असे आम्हाला वाटत नाही.  पुण्यामध्ये कार्यरत असताना थोड्या कालावधीमध्ये अतिशय चांगलं शहराच्या विकासात भर टाकणार काम श्री विकास ढाकणे यांनी केलं आहे. (PMC Pune)
पुणे महानगरपालिकेमध्ये आयुक्त नवीन, एक अतिरिक्त आयुक्त नवीन आणि फक्त एकच जुने अतिरिक्त आयुक्त बिनवडे कार्यरत आहे. तसेच महापालिकेतील चार उपायुक्तांच्या देखील बदल्या झालेल्या आहेत. या सगळ्या घडामोडीचा शहराच्या विकास कामांवर परिणाम होऊ शकतो.  आमची मागणी  आहे की श्री विकास ढाकणे यांची झालेली बदली रद्द करून त्यांना पुणे महानगरपालिकेमध्ये ठेवावे.  त्यांची
बदली रद्द करणे  करणे हा सरकारचा अधिकार आहे हे आम्हाला मान्य आहे. तरीदेखील आमची आपणास विनंती आहे की पुणे महानगरपालिकेच्या अतिरिक्त आयुक्तपदी श्री विकास ढाकणे यांना कार्यरत ठेवावे. असे निवेदनात म्हटले आहे.

VIkas Dhakane PMC | पुण्याच्या विकासासाठी अतिरिक्त आयुक्त विकास ढाकणे यांच्यासारखे अधिकारी पुणे महापालिकेत राहणे गरजेचे! 

Categories
Breaking News PMC social पुणे

VIkas Dhakane PMC | पुण्याच्या विकासासाठी अतिरिक्त आयुक्त विकास ढाकणे यांच्यासारखे अधिकारी पुणे महापालिकेत राहणे गरजेचे!

VIkas Dhakane PMC – (The Karbhari News Service) – पुणे शहर जसं वाढत चाललंय, तसं इथल्या समस्या देखील वाढत चालल्या आहेत. खासकरून पायाभूत सुविधा मिळण्यासाठी नागरिकांना झगडावे लागते. यात महापालिका (Pune Municipal Corporation (PMC) महत्वाची भूमिका बजावते. महापालिकेत त्यासाठी सकारात्मक आणि शहर हित जोपासणारे अधिकारी हवे आहेत. अतिरिक्त आयुक्त विकास ढाकणे (Vikas Dhakane) यांच्या रूपाने तसा अधिकारी पुणे महापालिकेला मिळाला. मात्र राज्य सरकारला कदाचित  पुण्याचा विकास नको झाला असेल तर त्यामुळे ढाकणे यांच्यासारख्या अधिकाऱ्यांची कालावधी पूर्ण होण्याआधीच बदली होतीय. दुसरीकडे 4 वर्ष म्हणजे कालावधी उलटून देखील लवकर बदली केली जात नाही. मात्र शहराच्या विकासाला हितकारक असणारे बदलले जाताहेत. राज्य सरकारच्या या धोरणाचा पुण्यातील नागरिकांकडून विरोध केला जातोय. विकास ढाकणे यांची बदली करू नये. याबाबत शहरातून मागणी होतेय. सरकार यात काही सकारात्मक विचार करणार आहे का, असा प्रश्न या निमित्ताने उपस्थित होत आहे. (Pune PMC News)

पुण्यातील वाहतुकीची समस्या मार्गी लागतेय!

पुणे शहर वाहतुकीच्या समस्येने ग्रस्त आहे. महापालिका दरवर्षी करोडो रुपये खर्च करते, असे असताना देखील म्हणावी तेवढी ही समस्या सुटत नव्हती. विकास ढाकणे यांनी पदभार हाती घेतल्यांनंतर त्यांच्याकडे महापालिकेच्या एकूण 28 खात्यांची जबाबदारी देण्यात आली होती. त्यात पथ विभाग हा प्रमुख विभाग होता. ढाकणे यांनी यात लक्ष घातल्यापासून शहरात खूप सकारात्मक बदल घडू लागले. कात्रज कोंढवा रस्त्याची समस्या, मुंढवा चौकातील समस्या, हडपसर, बाणेर, पाषाण, सातारा, नगर रोड सारखे वाहतुकीच्या समस्येने ग्रस्त झालेले रस्ते ढाकणे यांनी केलेल्या कामाने मोकळा श्वास घेऊ लागले आहेत. शहरात प्रमुख 15 रस्त्यांची कामे हातात घेण्यात आली आहेत. यामुळे शहरातील रहदारीची समस्या चांगल्या पद्धतीने सुटणार आहे. मात्र ढाकणे यांच्या बदलीने हे काम अर्धवटच राहील की काय, अशी शंका आता व्यक्त केली जात आहे.
ढाकणे यांच्या कालावधीतच पुणे महापालिकेच्या शाळांना पुरस्कार मिळाले. महापालिकेच्या शाळा आदर्श करण्याचा ध्यास त्यांनी घेतला. त्याचप्रमाणे शहरातील नाट्यगृहे आणि सांस्कृतिक ठिकाणे अद्ययावत कशी होतील, यावर त्यांनी भर दिला. शहराचा विकास म्हणजे दुसरे काय असते? यात सुधारणा घडणे गरजेचे असते. तेच काम ढाकणे चांगल्या पद्धतीने करत होते. मात्र राज्य सरकारला पुण्याचे हे सुख पाहवत नाही की काय? अशी शंका उपस्थित होत आहे.
The Karbhari - Vikas Dhakane

– कोण आहेत विकास ढाकणे?

भारतीय रेल्वे सुरक्षा सेवेतील अधिकारी विकास ढाकणे यांची मागील 2 वर्षापुर्वी महापालिकेत नियुक्ती करण्यात आली.   ते सिव्हिल सर्व्हिसेसचे 2008 बॅचचे अधिकारी आहेत.  पीएचडी व्यतिरिक्त त्यांनी एम.ए. (अर्थशास्त्र), बी.एसी.  (कृषी), आणि एल. एल. बी. पदवी प्राप्त केली आहे.
या अगोदर ते पिंपरी चिंचवड महानगरपालिकेचे अतिरिक्त आयुक्त म्हणून कार्यरत होते. त्यांनी महाराष्ट्र शासनाच्या उद्योग मंत्री यांचे विशेष कर्तव्य अधिकारी म्हणूनही काम केले आहे.
     ढाकणे यांना विविध प्रशासकीय पदांवर काम करण्याचा मोठा अनुभव आहे.  त्यांच्या सेवेत त्यांनी भारत सरकारमध्ये केंद्रीय मंत्र्याचे खाजगी सचिव म्हणून काम केले आहे आणि रेल्वेच्या मुंबई, अहमदाबाद, पुणे, सोलापूर विभागांवर सहायक आणि विभागीय सुरक्षा आयुक्त या पदांवर उत्कृष्ट काम केले आहे.
 त्यांच्या उत्कृष्ट सेवेबद्दल, त्यांना 2014, 2018 आणि 2019 मध्ये महासंचालक पदक (DG )  पुरस्कार आणि 2021 मध्ये ‘राजीव गांधी प्रशासकीय उत्कृष्टता पुरस्कार’ प्रदान करण्यात आला आहे. राजपथ, दिल्ली  येथे प्रजासत्ताक दिनानिमित्त आयोजित परेडमध्ये त्यांनी परेड कमांडरचा सन्मान पटकावला आहे. त्यांना सर्वोत्कृष्ट प्रोबॅशनरी अधिकारी पुरस्कारानेही गौरविण्यात आले आहे.
 वाचन, ट्रेकिंग आणि दिग्दर्शन ही त्यांची विशेष आवड आहे. त्यांनी आत्तापर्यंत पाच नाटकांचे दिग्दर्शन केले आहे.याशिवाय विद्यापीठ स्तरावर ऍथलेटिक्स स्पर्धेत सुवर्णपदक पटकावले आहे.

– पुणे आणि आपल्या कारकिर्दी बाबत ढाकणे यांच्या या आहेत भावना

बदली रद्द होईल नाही होईल पण सगळ्यांचे प्रेम बघून मन खूप भरून आले. रस्ते, शाळा, हॅास्पिटल, क्रीडांगणे, उद्याने,ॲाडिटोरियम यांचा खूप विचारपूर्वक योजनाबध्द कार्यक्रम हाती घेतला होता. काल ॲाफीस झाल्यावर संध्याकाळी सावरकर भवनला भेट दिली. २ नवीन कोर्ट PMC ला मिळतील असा मा न्यायाधीश, उच्च न्यायालय यांचा शब्द रविवारी घेतला होता. तिथे नियोजन केले. नंतर बालगंधर्वला गेलो. इतका सुंदर कायापालट होतोय पाहून खूप आनंदी होतो. VIP room,make up room, नवीन पडदा, लाईट्स, साऊंड खूप बरं वाटलं. VIP room मध्ये बालगंधर्वला आतापर्यंत झालेल्या महत्वाच्या अविस्मरणीय प्रसंगांचं कोलाज करायचं ठरलं.टीव्हीची साईज,मेक अप रूम मध्ये स्टेजवरचं लाईव्ह प्रक्षेपण,प्रत्येक रूममध्ये 5 star हॅाटेलसारखं पासवर्ड/कार्ड लॅाक,गोदरेज तिजोरी,AC चे मॅाडेल अगदी कोहलर/टोटो चे टॅायलेट फिटींग्स लागतायेत.
घरी आलो तर बदलीची ॲार्डर.
असो सरकारी नोकरी म्हणजे हे सगळं आलंच.
ईश्वराने  MPSC नंतर UPSC त उत्तीर्ण केलं हाच खूप मोठा आशीर्वाद. जिकडे बदली मिळेल तिकडे जाऊ. पोलीस, रेल्वे, केंद्रीय मंत्रालय, राज्य मंत्रालय, PCMC, PMC सगळीकडे खूप काही करायलामिळालं. सर्वोत्कृष्ट परिक्षाधीन अधिकारी पासून, तीन वेळेस केंद्रीय मंत्रालयाच्या पुरस्कारापासून तर महाराष्ट्र शासनाचा राजीव गांधी प्रशासकीय गतिमानता प्रथम पुरस्कार सगळे काही मिळाले. चांगले वरिष्ठ भेटले.
पुण्यात घर आहे. कुठेही गेलो तरी पुण्यासाठी काम चालूच ठेवू. जिकडे जाऊ तिकडे सिस्टीम आणि आपला देश चांगला करण्याचा प्रयत्न करू.

Pune Municipal Corporation (PMC) will start ‘Aapla Dawakhana’ scheme at 58 locations

Categories
Breaking News PMC social आरोग्य पुणे

Pune Municipal Corporation (PMC) will start ‘Aapla Dawakhana’ scheme at 58 locations

 |  The service will be provided at 45 locations in the first phase

 Aapla Dawakhana Yojana PMC Pune |  Eknath Shinde Government has started the scheme ‘Balasaheb Thackeray Aapla Dawakhana’ across the state including Mumbai.  Under this scheme, 700 clinics will be started in Maharashtra.  On the same lines, clinics are going to be started at 58 places in Pune city.  In the first phase, 45 places have been fixed by the Health Department (PMC Health Department).  This information was given by Assistant Health Officer Dr Vaishali Jadhav (Dr Vaishali Jadhav PMC).
 Prime Minister Narendra Modi inaugurated 20 such hospitals in Mumbai on January 19.  Earlier, in October 2022, health services under ‘Aapla Dawakhana’ have been started at a total of 52 places in Mumbai.  (Pune PMC News)
 What is the ‘Aapla Dawkhana’ scheme?
 ‘BalaSaheb Thackeray Aapla Dawakhana’ is a new health scheme of Mumbai Municipal Corporation and Shinde Government.  At present, health facilities are being provided under Aapla Dawakhana in Thane and Mumbai cities.
 The Shinde government has promised that 700 such clinics will be started across the state in the coming period.
 Municipal and government hospitals across the state, including Mumbai, see huge rush of patients.  Even for diseases like fever and cold, patients have to go to the hospital away from home for treatment and medical tests.
 As a solution to this, the target is to have ‘Aapla Dawkhana’ for every 25 to 30 thousand settlements.
 – 45 places fixed by Pune Municipal Corporation (PMC) 
 58 clinics are going to be set up in the old and new boundaries of Pune city.  The government has asked to take the space on rent basis.  It also includes private spaces.  A clinical surgeon will be provided by the government in this hospital.  Other employees will have to be appointed by the Pune Municipal Corporation.  Accordingly, the health department has found 45 places and submitted the proposal to the PMC property management department.  The property management department will decide its rent.  However, due to some technical difficulties arising from renting private space, the proposal could not go ahead.
 —
 As per the guidelines of the state government we have fixed 45 places in the first phase.  We have put a proposal in this regard before the PMC property management department.
 – Dr. Vaishali Jadhav, Assistant Health Officer, PMC 
 —
 Aapla Dawakhana scheme will be well implemented in the city.  A meeting will be held between the Health Department and the Property Management Department to resolve the technical issues.  This plan will be implemented soon.
 – Vikas Dhakane, Additional Municipal Commissioner, PMC 

Aapla Dawakhana Yojana PMC Pune | पुणे महापालिका 58 ठिकाणी सुरु करणार ‘आपला दवाखाना’ योजना

Categories
Breaking News PMC social आरोग्य पुणे

Aapla Dawakhana Yojana PMC Pune | पुणे महापालिका 58 ठिकाणी सुरु करणार ‘आपला दवाखाना’ योजना 

| पहिल्या टप्प्यात 45 ठिकाणी दिली जाणार सेवा 

 

Aapla Dawakhana Yojana PMC Pune | एकनाथ शिंदे सरकारने (Eknath Shinde Government) मुंबईसह राज्यभरात ‘बाळासाहेब ठाकरे आपला दवाखाना’ (Balasaheb Thackeray Aapla Dawakhana) ही योजना सुरू केली आहे. या योजनेअंतर्गत महाराष्ट्रात 700 दवाखाने सुरू केले जाणार आहेत. त्याच धर्तीवर पुणे शहरात 58 ठिकाणी दवाखाने सुरु केली जाणार आहेत. त्यापैकी पहिल्या टप्प्यात 45 ठिकाणे आरोग्य विभागाकडून (PMC Health Department) निश्चित करण्यात आली आहेत. अशी माहिती सहायक आरोग्य अधिकारी डॉ वैशाली जाधव (Dr Vaishali Jadhav PMC) यांनी दिली. (Pune Municipal Corporation (PMC) 

 

पंतप्रधान नरेंद्र मोदी यांच्या हस्ते 19 जानेवारीला मुंबईत अशा 20 दवाखान्यांचं लोकार्पण करण्यात आलं. यापूर्वी ऑक्टोबर 2022 मध्ये मुंबईत एकूण 52 ठिकाणी ‘आपला दवाखाना’ अंतर्गत आरोग्य सेवा सुरू करण्यात आली आहे. (Pune PMC News)

काय आहे ‘आपला दवाखाना’ योजना?

 

‘बाळासाहेब ठाकरे आपला दवाखाना’ ही मुंबई महानगरपालिका आणि शिंदे सरकारची नवीन आरोग्य योजना आहे. सध्यातरी ठाणे आणि मुंबई शहरात आपला दवाखाना अंतर्गत आरोग्य सुविधा दिल्या जात आहेत.

आगामी काळात राज्यभरात असे 700 दवाखाने सुरू करण्यात येतील असं आश्वासन शिंदे सरकारने दिलं आहे.

मुंबईसह राज्यभरातील महापालिका आणि सरकारी हॉस्पिटलमध्ये रुग्णांची प्रचंड गर्दी दिसून येते. अगदी ताप,सर्दी अशा आजारांसाठीही रुग्णांना उपचार आणि वैद्यकीय टेस्ट करण्यासाठी घरापासून दूर हॉस्पिटल गाठावे लागते.

यावर उपाय म्हणून दर 25 ते 30 हजार वस्तीनजीक ‘आपला दवाखाना’ असावा असं लक्ष्य आहे.

– पुणे महापालिकेकडून 45 जागा निश्चित

पुणे शहर जुनी आणि नवी हद्द मिळून 58 दवाखाने उभारले जाणार आहेत. सरकारने यासाठी जागा भाडे तत्वावर घेण्यास सांगितले आहे. यात खाजगी जागांचा देखील समावेश आहे. या दवाखान्यात सरकारकडून एक क्लिनिकल सर्जन दिला जाणार आहे. इतर कर्मचारी हे महापालिकेला नेमावे लागतील. त्यानुसार आरोग्य विभागाने 45 जागा शोधून त्याबाबतचा प्रस्ताव मालमत्ता विभागाकडे ठेवला आहे. मालमत्ता विभाग त्याचे भाडे ठरवून देणार आहे. मात्र खाजगी जागा भाड्याने घेण्यावरून काही तांत्रिक अडचणी निर्माण होत आहेत त्यामुळे हा प्रस्ताव पुढे जाऊ शकला नाही.

—

राज्य सरकारच्या मार्गदर्शनानुसार आम्ही पहिल्या टप्प्यात जागा 45 निश्चित केल्या आहेत. याबाबतचा प्रस्ताव आम्ही मालमत्ता व्यवस्थापन विभागासमोर ठेवला आहे.

– डॉ वैशाली जाधव, सहायक आरोग्य अधिकारी 

—

आपला दवाखाना योजना शहरात चांगल्या पद्धतीने राबवली जाईल. यातील तांत्रिक अडचणी सोडवण्यासाठी आरोग्य विभाग आणि मालमत्ता व्यवस्थापन विभागाची बैठक घेतली जाणार आहे. लवकरच ही योजना कार्यान्वित होईल.

– विकास ढाकणे, अतिरिक्त महापालिका आयुक्त 

Katraj-Kondhwa Road Pune |  कात्रज-कोंढवा रस्त्याच्या कामांसाठी अजित पवार २०० कोटी मिळवून देणार का? | अजित पवारांनी पाहणीच्या वेळी दिले आश्वासन 

Categories
Breaking News PMC Political social पुणे

Katraj-Kondhwa Road Pune |  कात्रज-कोंढवा रस्त्याच्या कामांसाठी अजित पवार २०० कोटी मिळवून देणार का? | अजित पवारांनी पाहणीच्या वेळी दिले आश्वासन

 

Katraj-Kondhwa Road Pune | पुणे | उपमुख्यमंत्री अजित पवार (Ajit Pawar) यांनी अचानकपणे कात्रज-कोंढवा रस्त्याच्या (Katraj – Kondhwa Road) कामांची पाहणी केली. त्यांनी रस्त्याच्या कामाबद्दल समाधान व्यक्त केले. या कामासाठी राज्य शासनातर्फे २०० कोटींचा निधी उपलब्ध करून देण्याबाबत लवकरच मंत्रिमंडळ बैठकीत (Maharashtra Cabinet Meeting) विषय मांडण्यात येईल, असे त्यांनी सांगितले. दरम्यान गेले वर्षभर २०० कोटी देण्याबाबत राज्य सरकार महापालिकेला नुसते आश्वासन देत आहे. किमान अजित पवार तरी याबाबत मनावर घेणार का, असा प्रश्न उपस्थित केला जात आहे. (Katraj-Kondhwa Road Pune | PMC)

पुणे शहराच्या दृष्टीने वाहतूक कोंडी कमी करण्यासाठी कात्रज-कोंढवा रस्त्याचे रुंदीकरण (Katraj- Kondhwa Road Widening) होणे महत्वाचे आहे. मात्र भूसंपादन (Land Acquisition) अभावी हे काम रखडले होते. भूसंपादन करण्यासाठी 200 कोटींचा निधी देण्याबाबत उपमुख्यमंत्री देवेंद्र फडणवीस (DCM Devendra Fadnavis) यांनी पुणे महापालिकेला (Pune Municipal Corporation) आश्वस्त केले होते. मात्र प्रत्यक्षात निधी मिळालेला नाही. त्यामुळे अतिरिक्त आयुक्त विकास ढाकणे (Additional Commissioner Vikas Dhakane) यांनी नगर विकास विभागाला एका महिन्यात दोनदा पत्रव्यवहार करत 200 कोटी देण्याची मागणी केली होती.  पहिले पत्र 6 जुलै ला पाठवण्यात आले होते. तर  19 जुलै ला अजून एक पत्र पाठवण्यात आले होते. तरीहि निधी अजून मिळालेला नाही. (Katraj-Kondhwa Road)

The karbhari - Katraj kondhwa Road Fund

दरम्यान या पाहणीच्या वेळी अजित पवार म्हणाले, कात्रज चौक उड्डाणपूल ६५०-७०० मीटर पुढे वाढवावा. खडी मशीन चौकापासून पुढे सार्वजनिक बांधकाम विभागाचा रस्ता रुंदीकरण करण्यात यावे. खडी मशीन चौकापासून कान्हा हॅाटेलकडे येणारा एकतर्फी मार्ग तात्काळ चालू करायचे निर्देश त्यांनी दिले. रस्त्यासाठी जमीन ताबा देणाऱ्यांना त्यांनी व्यक्तीश: धन्यवाद दिले.

पुणे महानगरपालिकेचे आयुक्त विक्रम कुमार यांनी रस्त्याच्या कामाविषयी माहिती दिली. उपमुख्यमंत्री महोदयांच्या सूचनेनुसार केंद्र सरकारच्या रस्ते वाहतूक आणि महामार्ग मंत्रालयाला या कामाबाबतचा सविस्तर प्रकल्प अहवाल सादर करण्यात आल्याचे त्यांनी सांगितले.

यावेळी आमदार चेतन तुपे, अतिरिक्त आयुक्त विकास ढाकणे, सार्वजनिक बांधकाम विभागाचे अधीक्षक अभियंता बप्पा बहिर, कार्यकारी अभियंता अमोल पवार, राष्ट्रीय महामार्ग प्राधिकरणाचे महेश पाटील आदी उपस्थित होते.

परिसरातील नागरिकांच्यावतीने उपमुख्यमंत्री श्री.पवार यांचा यावेळी सत्कार करण्यात आला. उपमुख्यमंत्र्यांच्या निर्देशानुसार रस्त्याच्या एक बाजूची वाहतूक सुरू करण्यात आली आहे.

Khadki Aundh Road | PMC Road Department | एका रात्रीत बनवला खडकी – औंध रस्ता | अतिरिक्त आयुक्त आणि महापालिकेच्या पथ विभागाने करून दाखवले

Categories
Breaking News PMC social पुणे

Khadki Aundh Road | PMC Road Department | एका रात्रीत बनवला खडकी – औंध रस्ता | अतिरिक्त आयुक्त आणि महापालिकेच्या पथ विभागाने करून दाखवले

Khadki Aundh Road | PMC Road Department |  पुणे महापालिका (Pune Municipal Corporation) प्रशासनाने एखादी गोष्ट मनावर घेतली तर अशक्य ते शक्य कसे होऊ शकते, याचे उदाहरण काल रात्री पाहायला मिळाले. अतिरिक्त आयुक्त विकास ढाकणे (Vikas Dhakane PMC) आणि पथ विभागाचे अधिकारी अनिरुद्ध पावसकर (Anirudh Pawaskar PMC), साहेबराव दांडगे (Sahebrao Dandge PMC) आणि दिनकर गोजारे (Dinkar Gojare PMC) यांनी प्रयत्नांची शिकस्त करत अवघ्या रात्रभरात खडकी औंध (Khadki Aundh Road) असा चारपदरी रस्ता तयार केला आहे. त्यासाठी हे अधिकारी रात्रभर जागेवर तळ ठोकून होते. अतिरिक्त आयुक्तांनी या अधिकाऱ्यांचे मनापासून अभिनंदन केले आहे.

औंध परिसरातील (Sai Chowk, Aundh Pune) साई चौक, जयकर पथ येथे काल अतिक्रमण कारवाई करण्यात आली. खडकी कॅन्टोन्मेंट बोर्ड (Khadki Cantonment Board) व पुणे मनपाच्या (Pune Municipal Corporation) वतीने ही संयुक्त कारवाई करण्यात आली. यामध्ये जवळपास ४४ अनधिकृत स्टॉल हटवण्यात आले. दरम्यान रस्ता मोकळा झाल्याने काल रात्रीच रस्त्याचे रुंदीकरण करण्यात येणार असून हा रस्ता चौपदरी केला जाणार, असे आश्वासन अतिरिक्त आयुक्त विकास ढाकणे यांनी दिले होते.

PMC Road Department Officers
खडकी औंध रस्त्याचे तीन शिल्पकार

त्यानुसार रात्रभर पथ विभागाचे मुख्य अभियंता अनिरुद्ध पावसकर,  अधीक्षक अभियंता साहेबराव दांडगे आणि दिनकर गोजारे हे  अधिकारी खडकी साई चौक ते स्पायसर, औंध रस्ता करायला तळ ठोकून होते. एका रात्रीतून राडारोडा काढणे,फीडर बॅाक्स आणि लाईटपोल काढणे,झाडे ट्रांन्सप्लांट करणे आणि रोड बनवणे खूप अशक्य गोष्ट!  मात्र PMC ने करून दाखवले. याबद्दल अतिरिक्त आयुक्तांनी पथ विभागाच्या कामाबाबत अभिमान असल्याची भावना व्यक्त केली आहे.

दरम्यान कालच महापालिकेने या भागातील अतिक्रमण काढून टाकले होते. हा भाग खडकी कॅन्टोन्मेंट व पुणे म.न.पा हद्दीवर येत असून, कॅन्टोन्मेंट हद्दीत येतो. खडकी रेल्वे स्टेशन पिछाडीस हा चौक येतो. औंध, बोपोडी हद्दीतील नागरिक याचा मोठ्या प्रमाणात वापर करतात. या चौकामध्ये सुमारे 44 स्टॉल धारकांनी अनेक वर्षापासून अतिक्रमण केले होते. त्यामुळे मोठ्या प्रमाणात वाहतूक कोंडी होत आहे. त्याबाबत पुणे जिल्हाधिकारी यांचेकडे तक्रारी आल्या होत्या. त्याबाबत खडकी कॅन्टोन्मेंट बोर्ड व पुणे म.न.पा ला संयुक्त कारवाई करनेच्या सूचना दिल्या होत्या. खडकी कॅन्टोन्मेंट मुख्याधिकारी यांनी पुणे म.न.पा कडे अतिक्रमण कारवाई व रस्ता दुरूस्ती साठी मदत मागितली. महापालिका आयुक्त यांनी आवश्यक सहकार्य करणेचे मान्य केले. त्यानुसार काल संयुक्त कारवाई करणेत आली. त्यामध्ये सर्व 44 स्टॉल काढून टाकण्यात आले.  त्यामुळे साई चौक मोकळा झाला. रात्री त्याचे डांबरीकरण करून, ज्यादा उपलब्ध रस्त्याचे तातडीने रूंदीकरण करणेत आले.  सध्या उपलब्ध 12 मी रुंदीचा रस्ता सुमारे 24मी पर्यंत रुंदीचा उपलब्ध होणार आहे. त्यामुळे वाहतूक कोंडीचा प्रश्न सुटनेस मदत होणार आहे.

—/

Pune Entrepreneurs | PPP | आंतरराष्ट्रीय दर्जाच्या पायाभूत सुविधांसाठी पुण्यातील उद्योजकांची पुणे महापालिका आयुक्तांशी चर्चा!

Categories
Breaking News Commerce PMC social पुणे

Pune Businessman | PPP | आंतरराष्ट्रीय दर्जाच्या पायाभूत सुविधांसाठी पुण्यातील उद्योजकांची पुणे महापालिका आयुक्तांशी चर्चा!

| वासवानी उड्डाणपूल पाडण्याबाबत बैठकीत चर्चा

Pune Businessman | PPP | पुणे | वेगाने विस्तारलेल्या पुण्याला (Pune City) आंतरराष्ट्रीय दर्जाच्या पायाभूत सुविधांची (International level Infrastructure) आवश्यकता असून पब्लिक-प्रायव्हेट पार्टनरशिप (Public Private Partnership) सारख्या संकल्पनेतून हे उद्दिष्ट कसे गाठता येईल. याबाबत पुण्यातील कॉर्पोरेट तसेच विविध क्षेत्रातील मान्यवरांची (Pune Businessman) पुणे महानगरपालिकेचे आयुक्त विक्रम कुमार (Vikram Kumar PMC IAS) यांच्यासमवेत सोमवारी अनौपचारिक बैठक पार पडली. पुणे शहरातील विविध प्रश्नांबाबत या बैठकीत चर्चा झाली.
 प्रसिद्ध उद्योगपती योहान पूनावाला (Businessman Yohan Poonawala) यांच्या निवासस्थानी झालेल्या बैठकीस मिशेल पूनावाला, उद्योगपती फिरोज पद्मजी, विशाल चोरडिया, डॉ. परवेझ  के. ग्रांट, जहांगीर जहांगीर ,भाजप प्रवक्ते अली दारूवाला,एड. श्रेयस आद्यन्तया  यांच्यासह विक्रम कुमार आणि अतिरिक्त महापालिका आयुक्त विकास ढाकणे (Vikas Dhakane PMC) आदी उपस्थित होते.
पुण्यातील वाहतूक, विमानतळाची क्षमता वाढवणे, पाणीपुरवठा, स्वच्छता, नदीकाठ सुधारणा अशा विविध विषयांवर चर्चा झाली. शहरासाठी मोठे विमानतळ नसल्याने अनेक अडचणी येत आहेत. त्यावर सामूहिक प्रयत्न करण्याचा निर्णय या वेळी घेण्यात आला.कोरेगाव पार्क ते कॅम्प (नवीन सर्किट हाऊस) यांना जोडणारा साधू वासवानी उड्डाण पूल पाडल्यानंतरही या परिसरातील वाहतूक विस्कळित होऊ दिली जाणार नाही. त्यासाठी तात्पुरता एकेरी लोखंडी उड्डाण पूल उभारण्याबाबत विचार होईल, अशी माहिती महापालिका आयुक्त विक्रम कुमार यांनी दिली.
उड्डाण पूल पाडल्यानंतर वाहतुकीवर काय परिणाम होणार यावरून कोरेगाव पार्क परिसरातील नागरिकांमध्ये चिंतेचे वातावरण आहे. याबाबत बैठकीत चर्चा झाली.विक्रम कुमार यांनी सांगितले, की हा पूल धोकादायक झाल्याने तो पाडणे आवश्यक आहे, पण त्यामुळे वाहतूक विस्कळित न होता विविध पर्यायी मार्गांवर विचार सुरू आहे. पुलाचे काम कमीत कमी वेळेत पूर्ण करण्यावरही आमचा भर राहणार आहे. याशिवाय तात्पुरता लोखंडी उड्डाण पूल उभारण्याची सूचनाही पुढे आली असून त्यावरही आम्ही विचार करू.

| शहर विकासासाठी उद्योजकांचा फोरम | योहान पूनावाला

पुणे शहराचा नियोजनबद्ध विकास व्हावा. पायाभूत सुविधांच्या कामांचा वेग वाढावा, तसेच शहराच्या सौंदर्यीकरणात भर पडावी यासाठी शहरातील उद्योजक प्रशासनाला मदत करतील. ही मदत आर्थिक, सल्लागार अशा विविध स्वरूपात असेल. त्यासाठी उद्योजकांचा फोरम काम करेल. पुण्यातील महत्त्वाचे प्रश्न सोडविणे हा यामागील हेतू असल्याचे उद्योगपती योहान पूनावाला यांनी सांगितले.वाढत असलेल्या पुणे शहराचे योग्य नियोजन व्हायला हवे, अशी अपेक्षाही या बैठकीत व्यक्त करण्यात आली. शहराच्या वेगवेगळ्या प्रश्नांवर उद्योजकांच्या मदतीने मार्ग काढण्यासाठी या फोरमच्या माध्यमातून प्रयत्न केले जाणार असल्याचे अली दारूवाला यांनी सांगितले.
—————

Hadapsar Traffic Congestion | लवकरच होणार हडपसर परिसराचा कायापालट.! | शिवसेना शहर प्रमुख प्रमोद नाना भानगिरे यांचा पुढाकार 

Categories
Breaking News PMC Political social पुणे

Hadapsar Traffic Congestion | लवकरच होणार हडपसर परिसराचा कायापालट.! | शिवसेना शहर प्रमुख प्रमोद नाना भानगिरे यांचा पुढाकार

 

Hadapsar Traffic Congestion | हडपसर, मुंढवा, केशवनगर व मांजरी या भागात प्रचंड मोठ्या प्रमाणात वाहतूक कोंडी होत आहे. येथील नागरिकांना दैनंदिन जीवनात प्रवास करत असताना, वाहतूक कोंडी सारख्या समस्येला दररोज सामोरे जावे लागत आहे. मात्र आता हडपसर परिसराचा कायापालट लवकरच होणार आहे. हडपसरला वाहतूक कोंडी मुक्त करण्यासाठी महापालिका प्रशासनाकडून उपाययोजना केल्या जाणार आहेत. शिवसेना शहर प्रमुख प्रमोद नाना भानगिरे (Pramod Nana Bhangire) यांनी यामध्ये पुढाकार घेतला आहे.  (Hadapsar Pune)

हडपसर च्या समस्याबाबत प्रशासनाला वारंवार सूचना देऊनही प्रशासन कोणताही ठोस असा निर्णय घेत नसल्यामुळे, काही दिवसांपूर्वी मुंढव्यातील महात्मा फुले चौकात रस्ता रोको आंदोलन करण्यात आले होते. त्यावेळी आंदोलन मागे घेण्यासाठी, पुणे महानगरपालिकेचे अतिरिक्त आयुक्त विकास ढाकणे यांनी मध्यस्थी करत हडपसरला वाहतूक कोंडी मुक्त करण्यासाठी लवकरच सविस्तर बैठक घेऊ असा शब्द दिला होता.

याच पार्श्वभूमीवर आज पुणे महानगरपालिका येथे अतिरिक्त आयुक्त विकास ढाकणे यांच्या सोबत बैठक आयोजित करण्यात आली होती. यावेळी त्यांना हडपसर, मुंढवा, केशवनगर व मांजरी भागात वारंवार होत असलेल्या वाहतूक कोंडी बाबत निवेदन दिले. तसेच, निवेदनाच्या माध्यमातून घोरपडी व कोरेगाव पार्क मार्गे मुंढव्यापर्यंत भुयारी मार्ग करण्यात यावा. केशवनगर, मांजरी रस्त्यावरील अतिक्रमण हटवून रस्ता अरुंद करावा. रस्त्यात येत असलेल्या झाडांच्या फांद्या व महावितरण चे पोल व डी. पी बॉक्स यांचे व्यवस्थापन करावे. अशा प्रकारची मागणी केली. व इतर विविध विषयांवर चर्चा केली.

यावेळी बैठकीला पुणे महानगरपालिकेचे अतिरिक्त आयुक्त विकास ढाकणे , पथ विभागाचे प्रमुख अनिरुद्ध पावसकर, प्रसाद काटकर व ढवळे  तसेच, इतर विविध विभागातील सर्व प्रमुख अधिकारी उपस्थित होते.

| हे होते प्रमुख मुद्दे

१) महात्मा फुले चौक मुंडवा या ठिकाणी मोठ्या प्रमाणात वाहतूक कोंडी होत असून ती कायमस्वरूपी सोडवण्यासाठी घोरपडी व कोरेगाव पार्क मार्गे मुंडव्यातून केशवनगर ला जाताना भुयारी मार्ग करण्यात यावा.
२) तसेच महात्मा फुले चौकातून केशवनगर ला जाताना मध्ये वस्तीपर्यंत मुख्य डीपी रस्ता झाला आहे. परंतु बधे वस्ती पासून ते केशवनगर वड्याच्या पुलापर्यंत डाव्या बाजूने रस्ता रुंदीकरण झालेले नाही सदर रस्त्यात येत असलेले झाडे स्थलांतर करून माननीय विकास आराखड्यानुसार पूर्ण रस्ता वड्याच्या पुलापर्यंत करण्यात यावा.
३) छत्रपती शिवाजी महाराज चौक केशवनगर मांजरी रोड जात असताना मोठ्या प्रमाणात अरुंद रस्ता सुरुवातीला आहे सदरच्या परिसरातील अतिक्रमणे मोबदला देऊन त्वरित स्थलांतर करावेत त्या ठिकाणी रस्ता रुंदीकरण माननीय विकास आराखड्यानुसार त्वरित करण्यात यावे.
४) केशवनगर मांजरी रोड के आर बी वर्कशॉप आनंद नगर पासून ते लोणकर नगर चौक मार्गे झेड कॉर्नर पर्यंत सध्याच्या परिस्थितीला ४० फुटी रस्ता मोकळा आहे परंतु वीस फुटावरनच डांबरीकरण असल्यामुळे वाहतूक कोंडी होत आहे रोडच्या दोन्ही बाजूने दहा दहा फुटाचे साईट पट्ट्याचे काम त्वरित सुरू करून वाहतूक कोंडी सुरळीत करण्यासाठी वरील काम
त्वरित मार्गी लावावे. केशवनगर मांजरी रोड लोणकर नगर चौकात मोठ्या प्रमाणात सकाळी व संध्याकाळी गर्दीच्या वेळात मोठ्या प्रमाणात वाहतूक कोंडी होत आहे लोणकर नगर चौकातून साडे सतरा नळीला उजव्या बाजूला वळताना अतिशय अरुंद रस्ते असल्यामुळे वाहतूक कोंडी सातत्याने होत आहे लोणकर नगर चौकात त्वरित रस्ता रुंदीकरण करून वाहतूक नियंत्रण करण्यासाठी सिग्नल बसवण्यात यावेत व होणाऱ्या वाहतूक कोंडीतून नागरिकांना मुक्त करावे.
५) केशवनगर छत्रपती शिवाजी महाराज चौक मांजरी रोड सदर वाहतूक कोंडीला अडथळा ठरणारे व नियोजित विकास आराखड्यानुसार रस्त्याच्या मध्ये अडथळा ठरणारे झाडे महावितरण चे पोल महावितरण चे बॉक्स प्रत्यक्ष पाहणी करून त्वरित स्थलांतर करावेत. त्यामुळे मोठ्या प्रमाणात वाहतूक कोंडी सुटण्यास मदत होईल.
६) केशवनगर छत्रपती शिवाजी महाराज चौक ते रेणुका माता मंदिर रोड ह्या रोडचे रुंदीकरण करणे अतिशय आवश्यक आहे विकास आराखड्यानुसार अतिक्रमणात असणारे पाणी करून स्थलांतर करावेत त्यांनाही मोबदला देण्यात यावा.

Pune Bhidewada Smarak | मुलींना शिक्षणाची प्रेरणा मिळेल असे स्मारक भिडेवाडा येथे उभारणार : अजित पवार यांनी केली स्मारकाच्या जागेची पाहणी

Categories
Breaking News PMC Political social पुणे

Pune Bhidewada Smarak | मुलींना शिक्षणाची प्रेरणा मिळेल असे स्मारक भिडेवाडा येथे उभारणार : अजित पवार यांनी केली स्मारकाच्या जागेची पाहणी

 

Pune Bhidewada Smarak | क्रांतिज्योती सावित्रीबाई फुले (Savitribai Phule) यांनी भिडेवाडा (Bhidewada) येथे मुलींसाठी पहिली शाळा सुरू केली. या स्थळाचे महत्व लक्षात घेता मुलींना सावित्रीबाई फुले यांच्या जीवनकार्यातून शिक्षणाची प्रेरणा मिळेल असे स्मारक भिडेवाडा येथे उभारण्यात येईल, असे प्रतिपादन राज्याचे उपमुख्यमंत्री अजित पवार (Ajit Pawar) यांनी केले. (Pune Bhidewada Smarak)

उपमुख्यमंत्री श्री.पवार यांनी सकाळी राष्ट्रीय स्मारक भिडेवाडा, महात्मा फुले वाडा आणि क्रांतिज्योती सावित्रीबाई फुले स्मारकाच्या जागेस भेट दिली. यावेळी ते बोलत होते. त्यांच्यासमवेत राज्य महिला आयोगाच्या अध्यक्षा रुपाली चाकणकर, पुणे महानगरपालिका आयुक्त विक्रम कुमार, जिल्हाधिकारी डॉ.राजेश देशमुख, महानगरपालिकेचे अतिरिक्त आयुक्त विकास ढाकणे, दीपक मानकर आदी उपस्थित होते.

श्री.पवार म्हणाले, भिडेवाडा येथे जागेची मर्यादा लक्षात घेता तज्ज्ञांशी चर्चा करून स्मारकाचा आराखडा तयार करण्यात येईल. पुढच्या पिढीला क्रांतिज्योती सावित्रीबाई फुले यांचे कार्य लक्षात रहावे आणि याठिकाणी मुलींची पहिली शाळा सुरू झाली हे कळावे या पद्धतीने सर्व स्मारकाची रचना करण्याचा प्रयत्न आहे. बाहेरून पुरातन वास्तू दिसावी आणि आतल्या बाजूस विद्यार्थीनी आणि शिक्षक-शिक्षकेतर कर्मचाऱ्यांना सर्व सुविधा असाव्यात असा प्रयत्न राहील. वाहनतळासाठीदेखील व्यवस्था करण्याबाबत परिसरातील जागेचा उपयोग करता येतो का याबाबतही विचार सुरू असल्याचे त्यांनी सांगितले.

क्रांतिज्योती सावित्रीबाई फुले यांचे जागतिक दर्जाचे स्मारक उभारणार

महात्मा फुले वाडा आणि क्रांतिज्योती सावित्रीबाई फुले यांच्या स्मारकासंदर्भात श्री.पवार म्हणाले, अडीच एकर क्षेत्रावर क्रांतिज्योती सावित्रीबाई फुले स्मारक उभारण्यात आले आहे. याठिकाणी महिलांना प्रशिक्षण देण्याचे काम सुरू आहे. महात्मा फुले वाडा १९९३ मध्ये उभारण्यात आला आहे. दोन्ही भाग एकत्र करून विस्तृत स्वरुपाचे जागतिक दर्जाचे स्मारक उभारण्याचा शासनाचा मनोदय आहे. त्यासाठी काही कुटुंबांना स्थलांतरीत करावे लागेल. यापूर्वीदेखील काही कुटुंबांना स्थलांतरीत करण्यात आले आहे. स्थानिक रहिवाशांचा यासाठी विरोध नाही. मात्र त्यांचे चांगले पुनर्वसन व्हावे, त्यांना त्रास होणार नाही याची दक्षता घेण्यात येईल. रहिवाशांना आवश्यक सुविधा आणि पर्यायी जागा देण्याचा महानगरपालिकेचा प्रयत्न आहे. राज्य शासन आणि महानगरपालिका मिळून पुण्याच्या मध्यवर्ती भागात एकूण पाऊणेचार एकर क्षेत्रात जागतिक दर्जाचे स्मारक उभारेल, अशी ग्वाही त्यांनी दिली.

तत्पूर्वी श्री.पवार यांनी दोन्ही स्मारकाच्या जागेस भेट देऊन तेथील कामांबाबत अधिकाऱ्यांना सुचना केल्या. त्यांनी स्थानिक रहिवाशांशी चर्चादेखील केली.