Tag: Pune Municipal Corporation Additional Commissioner

Pune PMC News | अतिरिक्त आयुक्त विकास ढाकणे यांची बदली रद्द करा | माजी नगरसेवकांची मुख्यमंत्री एकनाथ शिंदे यांच्याकडे मागणी

Categories
Breaking News PMC Political social पुणे

Pune PMC News | अतिरिक्त आयुक्त विकास ढाकणे यांची बदली रद्द करा | माजी नगरसेवकांची मुख्यमंत्री एकनाथ शिंदे यांच्याकडे मागणी

Pune PMC News – (The Karbhari News Service) – पुणे महानगरपालिकेचे अतिरिक्त आयुक्त
विकास ढाकणे (Vikas Dhakane PMC) यांच्या बदलीचा जोरदार विरोध होताना दिसतो आहे. त्यांचा पुणे महानगरपालिकेतील कालावधी पूर्ण झालेला नाही. तसेच त्यांच्या बदलीने महापालिकेच्या कामावर परिणाम होईल. त्यामुळे त्यांची बदली करू नये. अशी मागणी माजी नगरसेवक उज्ज्वल केसकर, प्रशांत बधे आणि सुहास कुलकर्णी यांनी मुख्यमंत्री एकनाथ शिंदे यांच्याकडे केली आहे. (Pune Municipal Corporation (PMC)
माजी नगरसेवकांच्या निवेदनांनुसार  मुख्य निवडणूक आयुक्त यांच्या सूचनेच्या आणि मार्गदर्शक तत्त्वाच्या आधाराने काही बदल्या करणे प्राप्त होते. त्या प्रमाणे त्या झाल्या असतील. परंतु  ढाकणे हे त्या बदलीच्या निकषात बसतील असे आम्हाला वाटत नाही.  पुण्यामध्ये कार्यरत असताना थोड्या कालावधीमध्ये अतिशय चांगलं शहराच्या विकासात भर टाकणार काम श्री विकास ढाकणे यांनी केलं आहे. (PMC Pune)
पुणे महानगरपालिकेमध्ये आयुक्त नवीन, एक अतिरिक्त आयुक्त नवीन आणि फक्त एकच जुने अतिरिक्त आयुक्त बिनवडे कार्यरत आहे. तसेच महापालिकेतील चार उपायुक्तांच्या देखील बदल्या झालेल्या आहेत. या सगळ्या घडामोडीचा शहराच्या विकास कामांवर परिणाम होऊ शकतो.  आमची मागणी  आहे की श्री विकास ढाकणे यांची झालेली बदली रद्द करून त्यांना पुणे महानगरपालिकेमध्ये ठेवावे.  त्यांची
बदली रद्द करणे  करणे हा सरकारचा अधिकार आहे हे आम्हाला मान्य आहे. तरीदेखील आमची आपणास विनंती आहे की पुणे महानगरपालिकेच्या अतिरिक्त आयुक्तपदी श्री विकास ढाकणे यांना कार्यरत ठेवावे. असे निवेदनात म्हटले आहे.

VIkas Dhakane PMC | पुण्याच्या विकासासाठी अतिरिक्त आयुक्त विकास ढाकणे यांच्यासारखे अधिकारी पुणे महापालिकेत राहणे गरजेचे! 

Categories
Breaking News PMC social पुणे

VIkas Dhakane PMC | पुण्याच्या विकासासाठी अतिरिक्त आयुक्त विकास ढाकणे यांच्यासारखे अधिकारी पुणे महापालिकेत राहणे गरजेचे!

VIkas Dhakane PMC – (The Karbhari News Service) – पुणे शहर जसं वाढत चाललंय, तसं इथल्या समस्या देखील वाढत चालल्या आहेत. खासकरून पायाभूत सुविधा मिळण्यासाठी नागरिकांना झगडावे लागते. यात महापालिका (Pune Municipal Corporation (PMC) महत्वाची भूमिका बजावते. महापालिकेत त्यासाठी सकारात्मक आणि शहर हित जोपासणारे अधिकारी हवे आहेत. अतिरिक्त आयुक्त विकास ढाकणे (Vikas Dhakane) यांच्या रूपाने तसा अधिकारी पुणे महापालिकेला मिळाला. मात्र राज्य सरकारला कदाचित  पुण्याचा विकास नको झाला असेल तर त्यामुळे ढाकणे यांच्यासारख्या अधिकाऱ्यांची कालावधी पूर्ण होण्याआधीच बदली होतीय. दुसरीकडे 4 वर्ष म्हणजे कालावधी उलटून देखील लवकर बदली केली जात नाही. मात्र शहराच्या विकासाला हितकारक असणारे बदलले जाताहेत. राज्य सरकारच्या या धोरणाचा पुण्यातील नागरिकांकडून विरोध केला जातोय. विकास ढाकणे यांची बदली करू नये. याबाबत शहरातून मागणी होतेय. सरकार यात काही सकारात्मक विचार करणार आहे का, असा प्रश्न या निमित्ताने उपस्थित होत आहे. (Pune PMC News)

पुण्यातील वाहतुकीची समस्या मार्गी लागतेय!

पुणे शहर वाहतुकीच्या समस्येने ग्रस्त आहे. महापालिका दरवर्षी करोडो रुपये खर्च करते, असे असताना देखील म्हणावी तेवढी ही समस्या सुटत नव्हती. विकास ढाकणे यांनी पदभार हाती घेतल्यांनंतर त्यांच्याकडे महापालिकेच्या एकूण 28 खात्यांची जबाबदारी देण्यात आली होती. त्यात पथ विभाग हा प्रमुख विभाग होता. ढाकणे यांनी यात लक्ष घातल्यापासून शहरात खूप सकारात्मक बदल घडू लागले. कात्रज कोंढवा रस्त्याची समस्या, मुंढवा चौकातील समस्या, हडपसर, बाणेर, पाषाण, सातारा, नगर रोड सारखे वाहतुकीच्या समस्येने ग्रस्त झालेले रस्ते ढाकणे यांनी केलेल्या कामाने मोकळा श्वास घेऊ लागले आहेत. शहरात प्रमुख 15 रस्त्यांची कामे हातात घेण्यात आली आहेत. यामुळे शहरातील रहदारीची समस्या चांगल्या पद्धतीने सुटणार आहे. मात्र ढाकणे यांच्या बदलीने हे काम अर्धवटच राहील की काय, अशी शंका आता व्यक्त केली जात आहे.
ढाकणे यांच्या कालावधीतच पुणे महापालिकेच्या शाळांना पुरस्कार मिळाले. महापालिकेच्या शाळा आदर्श करण्याचा ध्यास त्यांनी घेतला. त्याचप्रमाणे शहरातील नाट्यगृहे आणि सांस्कृतिक ठिकाणे अद्ययावत कशी होतील, यावर त्यांनी भर दिला. शहराचा विकास म्हणजे दुसरे काय असते? यात सुधारणा घडणे गरजेचे असते. तेच काम ढाकणे चांगल्या पद्धतीने करत होते. मात्र राज्य सरकारला पुण्याचे हे सुख पाहवत नाही की काय? अशी शंका उपस्थित होत आहे.
The Karbhari - Vikas Dhakane

– कोण आहेत विकास ढाकणे?

भारतीय रेल्वे सुरक्षा सेवेतील अधिकारी विकास ढाकणे यांची मागील 2 वर्षापुर्वी महापालिकेत नियुक्ती करण्यात आली.   ते सिव्हिल सर्व्हिसेसचे 2008 बॅचचे अधिकारी आहेत.  पीएचडी व्यतिरिक्त त्यांनी एम.ए. (अर्थशास्त्र), बी.एसी.  (कृषी), आणि एल. एल. बी. पदवी प्राप्त केली आहे.
या अगोदर ते पिंपरी चिंचवड महानगरपालिकेचे अतिरिक्त आयुक्त म्हणून कार्यरत होते. त्यांनी महाराष्ट्र शासनाच्या उद्योग मंत्री यांचे विशेष कर्तव्य अधिकारी म्हणूनही काम केले आहे.
     ढाकणे यांना विविध प्रशासकीय पदांवर काम करण्याचा मोठा अनुभव आहे.  त्यांच्या सेवेत त्यांनी भारत सरकारमध्ये केंद्रीय मंत्र्याचे खाजगी सचिव म्हणून काम केले आहे आणि रेल्वेच्या मुंबई, अहमदाबाद, पुणे, सोलापूर विभागांवर सहायक आणि विभागीय सुरक्षा आयुक्त या पदांवर उत्कृष्ट काम केले आहे.
 त्यांच्या उत्कृष्ट सेवेबद्दल, त्यांना 2014, 2018 आणि 2019 मध्ये महासंचालक पदक (DG )  पुरस्कार आणि 2021 मध्ये ‘राजीव गांधी प्रशासकीय उत्कृष्टता पुरस्कार’ प्रदान करण्यात आला आहे. राजपथ, दिल्ली  येथे प्रजासत्ताक दिनानिमित्त आयोजित परेडमध्ये त्यांनी परेड कमांडरचा सन्मान पटकावला आहे. त्यांना सर्वोत्कृष्ट प्रोबॅशनरी अधिकारी पुरस्कारानेही गौरविण्यात आले आहे.
 वाचन, ट्रेकिंग आणि दिग्दर्शन ही त्यांची विशेष आवड आहे. त्यांनी आत्तापर्यंत पाच नाटकांचे दिग्दर्शन केले आहे.याशिवाय विद्यापीठ स्तरावर ऍथलेटिक्स स्पर्धेत सुवर्णपदक पटकावले आहे.

– पुणे आणि आपल्या कारकिर्दी बाबत ढाकणे यांच्या या आहेत भावना

बदली रद्द होईल नाही होईल पण सगळ्यांचे प्रेम बघून मन खूप भरून आले. रस्ते, शाळा, हॅास्पिटल, क्रीडांगणे, उद्याने,ॲाडिटोरियम यांचा खूप विचारपूर्वक योजनाबध्द कार्यक्रम हाती घेतला होता. काल ॲाफीस झाल्यावर संध्याकाळी सावरकर भवनला भेट दिली. २ नवीन कोर्ट PMC ला मिळतील असा मा न्यायाधीश, उच्च न्यायालय यांचा शब्द रविवारी घेतला होता. तिथे नियोजन केले. नंतर बालगंधर्वला गेलो. इतका सुंदर कायापालट होतोय पाहून खूप आनंदी होतो. VIP room,make up room, नवीन पडदा, लाईट्स, साऊंड खूप बरं वाटलं. VIP room मध्ये बालगंधर्वला आतापर्यंत झालेल्या महत्वाच्या अविस्मरणीय प्रसंगांचं कोलाज करायचं ठरलं.टीव्हीची साईज,मेक अप रूम मध्ये स्टेजवरचं लाईव्ह प्रक्षेपण,प्रत्येक रूममध्ये 5 star हॅाटेलसारखं पासवर्ड/कार्ड लॅाक,गोदरेज तिजोरी,AC चे मॅाडेल अगदी कोहलर/टोटो चे टॅायलेट फिटींग्स लागतायेत.
घरी आलो तर बदलीची ॲार्डर.
असो सरकारी नोकरी म्हणजे हे सगळं आलंच.
ईश्वराने  MPSC नंतर UPSC त उत्तीर्ण केलं हाच खूप मोठा आशीर्वाद. जिकडे बदली मिळेल तिकडे जाऊ. पोलीस, रेल्वे, केंद्रीय मंत्रालय, राज्य मंत्रालय, PCMC, PMC सगळीकडे खूप काही करायलामिळालं. सर्वोत्कृष्ट परिक्षाधीन अधिकारी पासून, तीन वेळेस केंद्रीय मंत्रालयाच्या पुरस्कारापासून तर महाराष्ट्र शासनाचा राजीव गांधी प्रशासकीय गतिमानता प्रथम पुरस्कार सगळे काही मिळाले. चांगले वरिष्ठ भेटले.
पुण्यात घर आहे. कुठेही गेलो तरी पुण्यासाठी काम चालूच ठेवू. जिकडे जाऊ तिकडे सिस्टीम आणि आपला देश चांगला करण्याचा प्रयत्न करू.

Dr Kunal Khemnar IAS | Prithviraj B P IAS | अतिरिक्त आयुक्त डॉ कुणाल खेमनार यांची बदली! | पृथ्वीराज बी पी पुणे महापालिकेचे नवीन अतिरिक्त आयुक्त

Categories
Breaking News PMC पुणे

Dr Kunal Khemnar IAS | Prithviraj B P IAS | अतिरिक्त आयुक्त डॉ कुणाल खेमनार यांची बदली! | पृथ्वीराज बी पी पुणे महापालिकेचे नवीन अतिरिक्त आयुक्त

Prithviraj B P IAS | Dr Kunal Khemnar – (The Karbhari News Service) – पुणे महापालिकेत अतिरिक्त आयुक्त म्हणून काम पाहणारे डॉ कुणाल खेमनार (Dr Kunal Khemnar IAS) यांची बदली करण्यात आली आहे. त्यांच्या जागी राज्य सरकारने महापालिका अतिरिक्त आयुक्त पदी पृथ्वीराज बी पी (Prithviraj B P IAS) यांची नियुक्ती केली आहे.
डॉ खेमनार यांचा कालावधी पूर्ण होऊन बराच कालावधी झाला होता. अखेर सरकारने त्यांची बदली केली आहे. डॉ खेमनार यांची सरकारने साखर आयुक्त, पुणे या ठिकाणी बदली केली आहे. त्यामुळे डॉ खेमनार हे पुण्यातच राहणार आहेत. खेमनार यांनी त्यांच्या कालावधीत घनकचरा विभाग आणि प्रॉपर्टी टॅक्स विभागात बऱ्याच नवीन कल्पना राबवून महापालिकेला अग्रेसर बनवण्याचे काम केले आहे. (Pune Municipal Corporation (PMC)

दरम्यान डॉ खेमनार यांची जागा रिक्त झाल्यानंतर राज्य सरकारने पुणे महापालिकेला तात्काळ नवीन अतिरिक्त आयुक्त दिले आहेत. सरकारने पृथ्वीराज बी पी यांची पुणे महापालिका अतिरिक्त आयुक्त पदी नियुक्ती केली आहे. पृथ्वीराज हे नागपूर स्मार्ट सिटी चे मुख्य कार्यकारी अधिकारी म्हणून काम पाहत होते.

दरम्यान सरकारने नुकतीच महापालिका आयुक्त पदी डॉ राजेंद्र भोसले यांची नियुक्ती केली आहे. विक्रम कुमार यांच्या जागी डॉ भोसले यांना नियुक्त करण्यात आले आहे.

PMC Additional Commissioner | पुणे महापालिका अतिरिक्त आयुक्त पदासाठी नाव डावलल्याबाबत रमेश शेलार यांची राज्याच्या प्रधान सचिवांकडे तक्रार

Categories
PMC पुणे महाराष्ट्र

PMC Additional Commissioner | पुणे महापालिका अतिरिक्त आयुक्त पदासाठी नाव डावलल्याबाबत रमेश शेलार यांची राज्याच्या प्रधान सचिवांकडे तक्रार

PMC  Additional Commissioner | पुणे | महापालिकेच्या अतिरिक्त आयुक्त (Pune Municipal Corporation Additional Commissioner) पदावर  महापालिकेचा अधिकारी पदोन्नतीच्या माध्यमातून येणार आहे. यासाठी पात्र अधिकाऱ्यांची यादी महापालिका सामान्य प्रशासन विभागाने (PMC Général Administration Department) राज्य सरकारकडे पाठवली आहे. यामध्ये नगर अभियंता प्रशांत वाघमारे, मुख्य लेखा व वित्त अधिकारी उल्का कळसकर, मुख्य अभियंता (प्रकल्प) श्रीनिवास बोनाला आणि विद्युत विभागाचे मुख्य अभियंता श्रीनिवास कंदूल यांचा समावेश होता. आता यातून वाघमारे आणि बोनाला यांनी माघार घेतली आहे. दरम्यान या यादीवर रमेश शेलार (Ramesh Shelar) यांनी याआधीच आक्षेप घेतला होता. शेलार यांनी अतिरिक्त आयुक्त पदावर दावा केला असून आपले नाव या पदासाठी डावलल्याबाबत राज्याच्या प्रधान सचिवांकडे तक्रार केली आहे. प्रधान सचिवांनी याची दखल घेतली आहे. अशी माहिती रमेश शेलार यांनी दिली. (Pune Municipal Corporation Additional Commissioner)
राज्य सरकारने महापालिकेत एक अतिरिक्त आयुक्तपद हे महापालिका अधिकाऱ्यांसाठी राखीव ठेवले आहे. त्याबाबतचा निर्णय देखील घेण्यात आला होता. त्यानुसार पहिले अतिरिक्त आयुक्त होण्याचा मान सुरेश जगताप यांना मिळाला होता. त्यानंतर ज्ञानेश्वर मोळक, विलास कानडे यांना संधी मिळाली होती. महापालिका अधिनियम, सेवानियमावली आणि सेवा ज्येष्ठतेनुसार हे पदनियुक्त केले जाणार आहे. (PMC Pune)
दरम्यान सामान्य प्रशासन विभागाने तयार केलेल्या यादीवर उपायुक्त रमेश शेलार यांनी आक्षेप घेतला आहे. सेवा नियमावली आणि सेवा ज्येष्ठतेनुसार आपणच या पदासाठी पात्र ठरत आहोत, असा दावा शेलार यांनी केला आहे. त्यामुळे प्रशासनाने अतिरिक्त आयुक्त पदाच्या यादीत आपले नाव समाविष्ट करणे आवश्यक होते. असे शेलार यांनी म्हटले आहे. शेलार यांनी तक्रारीत म्हटले आहे कि, वास्तविक १: ५ या तत्त्वानुसार ५ अधिकारी यांचे नावांची शिफारस झालेली दिसून येत नाही. कारण यापूर्वी पाठविलेल्या यादीतील अधिकारी वयोपरत्वे सेवानिवृत्त झालेले आहेत. तसेच सुयोग्य अधिकारी निवड यादीमध्ये मुख्य उद्यान अधिकारी, मुख्य विधी अधिकारी, आपत्ती व्यवस्थापन अधिकारी, समाज विकास अधिकारी व समकक्ष पदावरील अधिकारी यांचा समावेश होवू शकेल. यादी मधील असलेल्या नावांमध्ये नवीन ‘सुयोग्य अधिकारी यांची नावे समाविष्ठ होवून सेवाजेष्ठतेनुसार यादी महापालिकेकडून घेण्यांत येवून  माझे नाव निवड यादीमध्ये नावे समाविष्ठ करण्यात यावी. अशी मागणी शेलार यांनी प्रधान सचिवांकडे केली आहे.

Only two officers left in the race for the post of PMC Additional Municipal Commissioner!

Categories
PMC पुणे

Only two officers left in the race for the post of PMC Additional Municipal Commissioner!

 Pune Municipal Corporation Additional Commissioner |  Pune |  Now only two officials are left in the race for the post of Municipal Additional Commissioner.
 According to seniority, City Engineers were to have priority for the post.  But Prashant Waghmare (City Engineer Prashant Waghmare) and Chief Engineer (Shrinivas Bonala PMC) Shrinivas Bonala have given a written letter and informed that they are not interested.  So now Chief Account and Finance Officer Ulka Kalaskar (Chief Account and Finance Officer Ulka Kalaskar) and Chief Engineer Shrinivas Kandul (Shrinivas Kandul PMC) will now have a fight.  Meanwhile, a meeting of the promotion committee was organized by the government yesterday for this purpose.  But this meeting was cancelled.  Now the next meeting will decide about the post.  This was said by the administration.  (Pune Municipal Corporation (PMC)
 The post of Additional Commissioner PMC of Pune Municipal Corporation was discussed for almost an hour in the last promotion committee (DPC) meeting.  However, the decision as to who should be the additional commissioner has been reserved.  This decision will be taken after clarifying the provisions regarding the post.  Accordingly, the next meeting of the committee was to be decided by the state government itself.  Accordingly, a meeting was held on Tuesday.  But that meeting could not take place.
 The discussion regarding the post of Pune Municipal Corporation Additional Commissioner has started once again.  This post had escaped from the hands of the Municipal Corporation Officers (PMC Officers) when they were entitled to it in the past.  This post is going to be vacant for some time.  Municipal officer will come to this post through promotion.  Officers are getting qualified for this.  The Municipal General Administration Department has sent the list of these officers to the State Government.  These included City Engineer Prashant Waghmare, Chief Accounts and Finance Officer Ulka Kalaskar, Chief Engineer (Projects) Srinivas Bonala and Chief Engineer of Electricity Department Srinivas Kandul.
 The state government has reserved one post of additional commissioner in the municipal corporation for municipal officers.  A decision was also taken in that regard.  Accordingly, Suresh Jagtap got the honor of being the first Additional Commissioner.  After that, Dnyaneshwar Molak, Vilas Kanade got a chance.  Kanade retired.  So it was clear.  Accordingly, this appointment will be made as per Municipal Act, Service Rules and Seniority.  Many were eligible for this.  But the state government has not given this post to municipal officers but has given the post of government officer in the form of Vikas Dhakne.  Therefore, this post had escaped from the hands of municipal authorities.  (PMC Pune)
 |  Written letter from Prashant Waghmare and Bonala
 Meanwhile, two of the four qualified officers have withdrawn.   City Engineer Prashant Waghmare and Chief Engineer Srinivas Bonala have given such a written letter.  Waghmare has said that he is not interested in non-technical work.  So I am not interested in this post.  Bonala has also given a written letter that he is not interested in the post.  So now someone from both Kalaskar and Kandul is going to be an additional commissioner.  It is almost certain.
 |  Srinivas Kandul has already complained to the government
 It is seen that intense lobbying is going on in Pune Municipal Corporation regarding the post of Additional Commissioner of Pune Municipal Corporation.  Because Chief Engineer Shrinivas Kandul of Electricity Department has written a letter to the Chief Secretary of the state.  In it he has claimed that my seniority is superior to that of the Chief Accountant.  So this post should be given to me.  Kandul has made such a demand.

Pune Municipal Corporation Additional Commissioner | अतिरिक्त महापालिका आयुक्त पदाच्या शर्यतीत आता उरले दोनच अधिकारी! | दोघांनी घेतली माघार!

Categories
Breaking News PMC पुणे

Pune Municipal Corporation Additional Commissioner |  अतिरिक्त महापालिका आयुक्त पदाच्या शर्यतीत आता उरले दोनच अधिकारी! | दोघांनी घेतली माघार!

Pune Municipal Corporation Additional Commissioner | पुणे | महापालिका अतिरिक्त आयुक्त पदाच्या शर्यतीत आता दोनच अधिकारी उरले आहेत. सेवाज्येष्ठतेनुसार नगर अभियंता यांना पदासाठी प्राथमिकता असणार होती. मात्र प्रशांत वाघमारे (City Engineer Prashant Waghmare) आणि मुख्य अभियंता (Shrinivas Bonala PMC) श्रीनिवास बोनाला यांनी लेखी पत्र देऊन आपण इच्छुक नसल्याचे कळवले आहे. त्यामुळे आता मुख्य लेखा व वित्त अधिकारी उल्का कळसकर (Chief Account and Finance Officer Ulka Kalaskar) आणि मुख्य अभियंता श्रीनिवास कंदूल (Shrinivas Kandul PMC) या दोघांत आता चुरस होणार आहे. दरम्यान यासाठी काल पदोन्नती समितीची बैठक सरकारकडून आयोजित करण्यात आली होती. मात्र ही बैठक रद्द करण्यात आली. आता पुढील बैठकीत पदाबाबत निर्णय होईल. असे प्रशासनाकडून सांगण्यात आले.  (Pune Municipal Corporation(PMC)
महापालिका (Pune Municipal Corporation) अतिरिक्त आयुक्त पदाबाबत (Additional Commissioner PMC) मागील वेळी जी पदोन्नती समितीची (DPC) बैठक आयोजित करण्यात आली होती त्यात जवळपास तासभर चर्चा झाली होती. मात्र अतिरिक्त आयुक्त कुणाला करायचे, याचा निर्णय राखीव ठेवण्यात आला आहे. पदाबाबतच्या ज्या तरतुदी आहेत त्यात अजून स्पष्टता आणल्यानंतर हा निर्णय घेतला जाणार आहे. त्यानुसार पुढील समितीची बैठक राज्य सरकारकडूनच ठरवली जाणार होती. त्यानुसार मंगळवारी बैठक आयोजित करण्यात आली होती. मात्र ती ही बैठक होऊ शकली नाही.
महापालिकेच्या अतिरिक्त आयुक्त (Pune Municipal Corporation Additional Commissioner) पदाबाबत पुन्हा एकदा चर्चा सुरु झाली आहे. मागील वेळेस हक्काचे असताना महापालिका अधिकाऱ्यांच्या (PMC Officers) हातून हे पद निसटले होते. काही काळाने हे पद रिक्त होणार आहे. या पदावर महापालिकेचा अधिकारी पदोन्नतीच्या माध्यमातून येणार आहे. यासाठी अधिकारी पात्र होत आहेत. या अधिकाऱ्यांची यादी महापालिका सामान्य प्रशासन विभागाने राज्य सरकारकडे पाठवली आहे. यामध्ये नगर अभियंता प्रशांत वाघमारे, मुख्य लेखा व वित्त अधिकारी उल्का कळसकर, मुख्य अभियंता (प्रकल्प) श्रीनिवास बोनाला आणि विद्युत विभागाचे मुख्य अभियंता श्रीनिवास कंदूल यांचा समावेश होता.
राज्य सरकारने महापालिकेत एक अतिरिक्त आयुक्तपद हे महापालिका अधिकाऱ्यांसाठी राखीव ठेवले आहे. त्याबाबतचा निर्णय देखील घेण्यात आला होता. त्यानुसार पहिले अतिरिक्त आयुक्त होण्याचा मान सुरेश जगताप यांना मिळाला होता. त्यानंतर ज्ञानेश्वर मोळक, विलास कानडे यांना संधी मिळाली होती. कानडे सेवानिवृत्त झाले. त्यामुळे हे पदरिक्त झाले होते. त्यानुसार महापालिका अधिनियम, सेवानियमावली आणि सेवा ज्येष्ठतेनुसार हे पदनियुक्त केले जाणार आहे. यासाठी बरेच जण पात्र ठरत होते. मात्र राज्य सरकारने महापालिका अधिकाऱ्यांना हे पद न देता विकास ढाकणे यांच्या रूपाने सरकारचा अधिकारी या पदावर दिला आहे. त्यामुळे मनपा अधिकाऱ्यांच्या हातून हे पद निसटले होते. (PMC Pune)

| प्रशांत वाघमारे आणि बोनाला यांचे लेखी पत्र

दरम्यान चार पात्र अधिकाऱ्यांमधून दोघांनी माघार घेतली आहे. नगर अभियंता प्रशांत वाघमारे आणि मुख्य अभियंता श्रीनिवास बोनाला यांनी तसे लेखी पत्र दिले आहे. वाघमारे यांनी म्हटले आहे कि अतांत्रिक कामात मला रस नाही. त्यामुळे या पदाबाबत मी इच्छुक नाही. तर बोनाला यांनी देखील आपण या पदाबाबत इच्छुक नसल्याचे लेखी पत्र दिले आहे. त्यामुळे आता कळसकर आणि कंदूल या दोघापैकीच कुणीतरी एक अतिरिक्त आयुक्त होणार आहे. हे जवळपास निश्चित झाले आहे.

|  श्रीनिवास कंदूल यांनी याआधीच केलीय सरकारकडे तक्रार

पुणे महापालिका अतिरिक्त आयुक्त (PMC Additional Commissioner) पद यावरून  महापालिकेत (Pune Municipal Corporation) जोरदार लॉबिंग सुरु असल्याचे पाहायला मिळत आहे. कारण  विद्युत विभागाचे मुख्य अभियंता श्रीनिवास कंदूल (Chief Engineer Shrinivas Kandul) यांनी राज्याच्या प्रधान सचिवांना (Chief Secretary) पत्र लिहिले आहे. त्यात त्यांनी दावा केला आहे कि मुख्य लेखापाल यांच्या पेक्षा माझी सेवाज्येष्ठता वरिष्ठ आहे. त्यामुळे हे पद मलाच देण्यात यावे. अशी मागणी कंदूल यांनी केली आहे.

Ravindra Binwade PMC | पुण्यात मुलींच्या जन्माच्या प्रमाणात होत असलेल्या घरसरणीबाबत अतिरिक्त आयुक्तांची असंवेदनशीलता! 

Categories
Breaking News PMC social आरोग्य पुणे

Ravindra Binwade PMC | पुण्यात मुलींच्या जन्माच्या प्रमाणात होत असलेल्या घरसरणीबाबत अतिरिक्त आयुक्तांची असंवेदनशीलता!

Ravindra Binwade PMC | Pune Sex Ratio | पुणे शहर (Pune City) मुलींच्या जन्माचे स्वागत करण्यात मागेच असल्याची धक्कादायक माहिती पुढे आली आहे. महापालिका आरोग्य विभागाच्या (PMC Health Department) माहितीनुसार पुणे शहरात मुलींचे जन्माचे प्रमाण 2023 साली घटून 890 वर आले आहे. 2020 साली हे प्रमाण 946 होते. मागील काही वर्षात महापालिकेने (Pune Municipal Corporation PMC) चांगले काम करत हे प्रमाण 879 वरून 946 पर्यंत आणले होते. मात्र आता पुणे शहरातील मुलींच्या जन्माच्या प्रमाणात चांगलीच घसरण होत चालली आहे. मात्र हा विभाग ज्यांच्या अधिपत्याखाली येतो ते अतिरिक्त आयुक्त रविंद्र बिनवडे (Pune Municipal Corporation Additional Commissioner Ravindra Binwade) यांनी याबाबत फारच असंवेदनशीलता दाखवून दिली आहे. आपल्याला इतर कामे, बैठका असतात. याबाबत आपल्याला काही माहिती नाही, अशी प्रतिक्रिया अतिरिक्त आयुक्त बिनवडे यांनी दिली आहे. पुणे शहराला असे असंवेदनशील आणि बेजबाबदार अधिकारी हवे आहेत का, असा विचार शहरातील सामाजिक संघटना, राजकीय पक्ष आणि नागरिक यांना यानिमित्ताने यांनी करण्याची वेळ आली आहे. (Pune Sex Ratio)

ही देखील बातमी वाचा : Pune Sex Ratio | सावित्रीबाईंच्या पुण्यात 1 हजार मुलांमागे फक्त 890 मुली! 

2010 साली पुणे शहरातील मुलींच्या जन्माचे प्रमाण 879 होते. 2011 मध्ये मुलींच्या जन्माचे प्रमाण 884 एवढे होते. 2012 व 2013 मध्ये अनुक्रमे 934 व 933 एवढे प्रमाण होते. 2014 मध्ये त्यात थोडीशी वाढ होऊन ते 937 पर्यंत गेले, तर 2015 मध्ये  हे प्रमाण घसरून 925 पर्यंत खाली आले होते. त्यानंतर 2019 ला 922 तर 2020 ला हे प्रमाण 946 पर्यंत आले होते. मात्र 2021 मध्ये यात खूपच घसरण झाली. 1000 मुलांच्या मागे मुलींचे प्रमाण फक्त 900 असे होते. तर 2022 साली यात थोडीशी सुधारणा होऊन हे प्रमाण 910 इतके झाले. त्यानंतर आता 2023 सालात देखील संख्या कमीच असल्याचे दिसून येत आहे.  910 वरून हे प्रमाण 890 इतके असल्याचे दिसून आले आहे. (Pune Municipal Corporation Health Department)

हे पूर्णपणे पुणे महापालिका आरोग्य विभागाचे अपयश आहे, असे मानले जात आहे. महापालिका जनजागृती करण्यात आणि लिंग तपासणाऱ्या रुग्णालयावर कारवाई करण्यात कमी पडली असल्याचे दिसून येत आहे. याबाबत महापालिका काही नियोजन करणार आहे का, याबाबत अतिरिक्त आयुक्त रविंद्र बिनवडे यांना विचारले असता त्यांनी खूप आश्चर्यकारक उत्तर दिले. बिनवडे म्हणाले कि मला इतर कामे, बैठका असतात. मला याबाबत काही माहिती नाही. अशा पद्धतीच्या अससंवेदनशील आणि बेजबाबदारपणा बाबत शहरातील सामाजिक संघटना, राजकीय पक्ष जाब विचारणार का, शिवाय महापालिका आयुक्त विक्रम कुमार (Vikram Kumar IAS) याबाबत काही कारवाई करणार का? असे प्रश्न उपस्थित केले जात आहेत.