Tag: Pune local

PMC Security Officer Promotion | सुरक्षा अधिकारी पदोन्नती : शारीरिक तपासणी आवश्यक | गुरुवारी होणार तपासणी

Categories
Breaking News PMC पुणे

PMC Security Officer Promotion | सुरक्षा अधिकारी पदोन्नती : शारीरिक तपासणी आवश्यक | गुरुवारी होणार तपासणी

PMC Security Officer Promotion | पुणे महानगरपालिका (Pune Municipal Corporation) प्रशासनाकडील सुरक्षा विभागाकडील सुरक्षा अधिकारी (PMC Security Department) – (वर्ग-२), सहायक सुरक्षा अधिकारी (वर्ग 3) या पदाच्या एकूण संख्येच्या ७५% जागा कार्यरत कर्मचाऱ्यांमधून सेवाज्येष्ठता व गुणवत्ता या आधारे कर्मचाऱ्यांमधून पदोन्नतीने भरण्यासाठी प्रक्रिया सुरु करण्यात आली आहे. यासाठी 23 लोकांचे अर्ज प्राप्त झाले होते. त्यातील 13 पात्र तर 10 अपात्र ठरले आहेत. त्याची यादी महापालिका वेबसाईट (PMC Website) वर प्रसिद्ध करण्यात आली आहे. त्यानुसार आता या उमेदवारांची शारीरिक तपासणी केली जाणार आहे. गुरुवारी ही तपासणी होणार आहे. असे महापालिका प्रशासनाकडून सांगण्यात आले. (Pune Municipal Corporation)
पुणे महानगरपालिका प्रशासनाकडील सुरक्षा विभागाकडील सुरक्षा अधिकारी-(वर्ग-२) व सहाय्यक सुरक्षा अधिकारी – (वर्ग-३) या पदाकरिता पुणे महानगरपालिकेमधील (PMC Pune) कार्यरत कर्मचाऱ्यांमधून सेवाज्येष्ठता व गुणवत्ता या आधारे कर्मचाऱ्यांमधून पदोन्नतीने भरण्यासाठी प्रक्रिया सुरु करण्यात आली आहे.  त्यानुसार सुरक्षा अधिकारी व सहाय्यक सुरक्षा अधिकारी या पदाकरिता सेवकांकडून अर्ज मागविण्यात आले आहेत. तरतुदीनुसार सुरक्षा अधिकारी व सहाय्यक सुरक्षा अधिकारी या पदाकरिता शारीरिक तपासणी करणे आवश्यक आहे. त्यानुसार सुरक्षा अधिकारी व सहाय्यक सुरक्षा अधिकारी या पदाकरिता अर्ज केलेल्या सेवकांसाठी शारीरिक तपासणी, गुरुवार, दि. 25 जानेवारी रोजी सकाळी ११.०० वाजता जुना जी.बी. हॉल, ३ रा मजला, मुख्य मनपा भवन (Pune PMC Bhavan) येथे आयोजित केले आहे. (Pune Municipal Corporation News)

तसेच यासाठी “ चांगली दृष्टी असणे आवश्यक” या बाबत पुणे मनपाच्या कमला नेहरू रुग्णालय येथून अर्जदार उमेदवारांनी दृष्टीबाबत प्रमाणपत्र घेऊन त्याची प्रत आस्थापना विभागात सादर करावे. असे आदेशात म्हटले आहे.  तरी, सर्व खातेप्रमुख यांनी या कार्यालय परिपत्रकाची नोंद घेऊन त्याबाबत त्यांचे नियंत्रणाखालील अधिकारी / कर्मचारी यांना माहिती द्यावी. असे आदेश देण्यात आले आहेत.  जे संबंधित कर्मचारी विहित केलेल्या वेळेवर शारीरिक तपासणी करिता उपस्थित राहणार नाही त्यांचे नावे सुरक्षा अधिकारी व सहाय्यक सुरक्षा अधिकारी या पदाकरिता राबविण्यात येणाऱ्या पदोन्नतीच्या प्रक्रियेत विचारात घेण्यात येणार नाही. असा इशारा देखील देण्यात आला आहे.
—–

Shivajinagar Bus Station Pune | अडीच वर्षात शिवाजीनगर येथील बसस्थानाकाचे काम पूर्ण होणार!

Categories
Breaking News Political social पुणे

Shivajinagar Bus Station Pune | अडीच वर्षात शिवाजीनगर येथील बसस्थानाकाचे काम पूर्ण होणार!

| उपमुख्यमंत्री अजित पवार यांच्याकडून शिवाजीनगर बसस्थानकाच्या कामांचा आढावा

 

Shivajinagar Bus Station Pune | पुणे | उपमुख्यमंत्री तथा जिल्ह्याचे पालकमंत्री अजित पवार (Ajit pawar) यांनी शासकीय विश्रामगृह येथे झालेल्या बैठकीत शिवाजीनगर बसस्थानक (Shivajinagar Bus Station) आणि सावित्रीबाई फुले पुणे विद्यापीठ येथील उड्डाणपूल कामांचा आढावा घेतला. (Shivajinagar Bus Station Pune)

बैठकीला आमदार सिद्धार्थ शिरोळे, सुनील टिंगरे, विभागीय आयुक्त सौरभ राव, पुणे महानगरपालिकेचे आयुक्त विक्रम कुमार, महामेट्रोचे व्यवस्थापकीय संचालक श्रावण हर्डीकर, पुणे पोलीस आयुक्त रितेश कुमार, जिल्हाधिकारी डॉ.राजेश देशमुख,पीएमआरडीएचे आयुक्त राहुल महिवाल, मुख्य अभियंता अतुल चव्हाण, अधीक्षक अभियंता बप्पा बहिर आदी उपस्थित होते.

महामेट्रोने त्यांच्या खर्चातून करावयाची कामे त्वरित सुरू करावी. उर्वरित इमारतीच्या कामासाठी राज्य शासनातर्फे निधी देण्यात येईल. राज्य परिवहन महामंडळाने इमारतीतील त्यांना आवश्यक जागेची माहिती द्यावी, इतर जागेत शासकीय कार्यालयासाठी जागा देण्याबाबत प्रशासनाने माहिती घ्यावी, असे श्री.पवार यांनी सांगितले.

सावित्रीबाई फुले पुणे विद्यापीठ येथील वाहतूक कोंडी टाळण्यासाठी पर्यायी मार्गावर वाहतूक वळविण्याबाबत विचार व्हावा. ब्रेमेन चौकातून जाणाऱ्या रस्त्याच्या दुरुस्तीचे कामे पुणे महानगरपालिकेने तातडीने करावे. कृषी महाविद्यालय ते सिंचन नगर मैदानाकडून जाणाऱ्या रस्त्यावर दुचाकी आणि कारची वाहतूक वळविण्यात यावी, अशा सूचना त्यांनी दिल्या.

बसस्थानक कामाचा आराखडा प्राप्त झाला असून पुढील अडीच वर्षात शिवाजीनगर येथील बसस्थानाकाचे काम पूर्ण करण्यात येईल, असे श्री.हर्डीकर यांनी सांगितले.

यशदाला देशातील सर्वोत्तम प्रशिक्षण संस्था करा

उपमुख्यमंत्री श्री.पवार यांनी यशदाच्या मास्टर प्लॅनचा आढावा घेतला. यशदाला भारतातील सर्वोत्तम संस्था करण्यासाठी आराखडा तयार करावा, त्यासाठी आवश्यक सर्व सहकार्य करण्यात येईल. आदर्श आराखड्यासाठी स्पर्धा घेण्यात यावी आणि त्यातून उत्तम कल्पनांचा समावेश अंतिम आराखड्यात करावा, अशा सूचना त्यांनी दिल्या.

बैठकीला यशदाचे अतिरिक्त महासंचालक सचिंद्र प्रताप सिंह आणि इतर अधिकारी उपस्थित होते.

उपमुख्यमंत्र्यांसमोर सहकार भवनचेही सादरीकरण करण्यात आले. यावेळी सहकार आयुक्त अनिल कवडे उपस्थित होते. आराखड्यात सभागृहाची क्षमता वाढविण्याबाबत विचार करावा, साखर संकुल आणि पणन विभागाची गरजही लक्षात घ्यावी,अशी सूचना श्री.पवार यांनी केली.

Pu La Deshpande Udyan Pune | पु. ल. देशपांडे उद्यानात आजपासून महिला बचत गट खाद्य महोत्सव

Categories
Breaking News PMC social पुणे

Pu La Deshpande Udyan Pune | पु. ल. देशपांडे उद्यानात आजपासून महिला बचत गट खाद्य महोत्सव

 

Pu la Deshpande Udyan Pune | पुणे महानगरपालिका समाज विकास विभागामार्फत (PMC Social Devlopment Department) महिला बचत गट (Women health Group) खाद्य महोत्सव प्रदर्शन व विक्रीचे आयोजन  १९ जानेवारी ते २१ जानेवारी ४ या कालावधी मध्ये करणेत आले आहे. या प्रदर्शनाचे उद्‌घाटन आज महापालिका आयुक्त विक्रम कुमार (Vikram Kumar IAS) यांनी पु. ल. देशपांडे उद्यान, सिंहगड रोड, पुणे (Pu la Deshpane Udyan, Sinhgadh Road pune) येथे केले. (PMC Mahila Bachat gat khadya mahotsav)

उद्घाटन प्रसंगी मा. महापालिका आयुक्त तथा प्रशासक यांनी पुणे शहरात विविध वस्तू उत्पादीत करणारे ६००० महिला बचत गट असल्याचे  सांगून  पुणे महानगरपालिका समाज विकास विभागामार्फत राबविणेत येत असलेल्या विविध महिला सक्षमीकरण योजनांबद्दल माहिती दिली. पुणे महानगरपालिकेच्या अर्थसंकल्पातील ठराविक रक्कम महिलांच्या सक्षमीकरणासाठी वापरणे बंधनकारक असलेचे त्यांनी नमूद करून या योजनांचा लाभ सर्व महिला वर्गांनी घेणेबाबत तसेच पुणे महानगरपालिकेमार्फत आयोजित करणेत येत असलेल्या विविध प्रशिक्षण उपक्रमाचा लाभ घेणेबाबत आव्हान केले. पुणे महानगरपालिकेचे अतिरिक्त महापालिका आयुक्त डॉ.  कुणाल खेमनार  यांनी  महिला सक्षमीकरणअंतर्गत महिला बचत गटांकरीता येत्या काळामध्ये डिजिटल मार्केटींगचे नियोजन इ-कॉमर्स चे वेगवेगळे प्लॅटफॉर्म व मोबाईल ॲप्लिकेशन यांचे माध्यमातून करणेत येणार असल्याचे नमूद केले व यामध्ये जास्ती जास्त लोकांनी सहभागी व्हावे असे आव्हान केले. या कार्यक्रम प्रसंगी   परिमंडळ क्र. ३ चे उप आयुक्त श्रीमती आशा राऊत, उद्यान विभाग प्रमुख  अशोक घोरपडे, सिंहगड रोड क्षेत्रिय कार्यालयाचे महापालिका सहाय्यक आयुक्त संदीप खलाटे,  समाज विकास विभागाचे मुख्य समाज विकास अधिकारी  रामदास चव्हाण, तसेच  समाज विकास विभागाचे इतर अधिकारी व कर्मचारी वर्ग उपस्थित होते. (PMC Pune News)

The karbhari - PMC Social Devlopment Department

उप आयुक्त नितिन उदास,यांनी सदर कार्यक्रमाची प्रस्तावना केली. या कार्यक्रमाचे सुत्र संचालन  संदीप कोळपे सहा. समाज विकास विभाग यांनी केले तर आभार प्रदर्शन  रामदास चव्हाण, मुख्य समाज विकास अधिकारी यांनी केले.

| महोत्सवाचे लाभ घेण्याचे महापालिका समाज विकास विभागाचे आवाहन

१९ जानेवारी २०२४ ते २१ जानेवारी २०२४ पर्यन्त पु.ल. देशपांडे उद्यान, सिंहगड रोड, पुणे येथे पुणे महानगरपालिकेच्या समाज विकास विभागामार्फत बचतगटाच्या महिला सदस्यांनी बनविलेल्या खाद्यपदार्थांचा महोत्सव आयोजन करण्यात आले आहे. तरी सर्व नागरिकानी अत्यंत चविष्ट् रूचकर ताजे पदार्थचा आस्वाद घेउन बचत गटातील महिलाना प्रोत्साहन द्यावे. असे आवाहन महापालिका समाज विकास विभागाने केले आहे.

State Level Sena Kesari Wrestling Pune | पुण्यात रंगणार राज्यस्तरीय सेना केसरी कुस्त्यांचा फड : 5 लाखांपर्यंतची बक्षिसे!

Categories
Breaking News Political social Sport पुणे

State Level Sena Kesari Wrestling Pune  | पुण्यात रंगणार राज्यस्तरीय सेना केसरी कुस्त्यांचा फड : 5 लाखांपर्यंतची बक्षिसे!

| पुणे शिवसेना शहर प्रमुख प्रमोद नाना भानगिरे यांची संकल्पना

 

State Level Sena Kesari Wrestling Pune महाराष्ट्र राज्याचे मुख्यमंत्री एकनाथ शिंदे (Maharashtra CM Eknath Shinde)!यांच्या वाढदिवसानिमित्त येत्या १५ फेब्रुवारी ते १८ फेब्रुवारी २०२४ या कालावधीत पुण्यात भव्य सेना केसरी राज्यस्तरीय कुस्तीचे (State Level Sena Kesari Wrestling Pune) सामने आयोजित करण्यात आले आहेत. यासाठी 1 लाखांपासून ते 5 लाखापर्यंत बक्षिस असणार आहेत. चार दिवसीय असलेल्या या सामन्यात, राज्यभरातून अनेक मल्ल सहभागी होणार असून, मल्लांचा यथोचित सन्मान करण्यासाठी व रांगड्या मातीतील खेळाला चालना देण्यासाठी हे सामने आयोजित करण्यात आले आहेत. राज्यभरातून कुस्तीप्रेमी व अनेक मातब्बर मल्ल या स्पर्धेला उपस्थित राहणार आहेत. अशी माहिती पुणे शिवसेना शहर प्रमुख प्रमोद नाना भानगिरे (Pramod Nana Bhangire Shivsena Pune) यांनी दिली. (State Level Sena Kesari Wrestling 2024 Pune)

शिवसेना शहरप्रमुख प्रमोद नाना भानगिरे यांच्या संकल्पनेतून, आयोजित करण्यात आलेल्या चार दिवसीय भव्य सेना केसरी राज्यस्तरीय कुस्ती स्पर्धा २०२४ ही हिंदुहृदयसम्राट स्व. बाळासाहेब ठाकरे फुटबॉल मैदान, जे. एस. पी. एम. कॉलेज शेजारी, हांडेवाडी येथे पार पडणार आहे.

भानगिरे यांनी सांगितले कि, विशेष म्हणजे विजयी मल्लांसाठी रोख रकमेसह ठेवण्यात आलेली बक्षीसे हे आकर्षणाचा विषय ठरत आहेत. यामध्ये प्रथम क्रमांक आलेल्या मल्लास रोख रक्कम ५ लक्ष रुपये व चांदीची गदा मिळणार आहे. तर द्वितीय क्रमांकास ३ लक्ष व सन्मान चिन्ह, तृतीय क्रमांकास २ लक्ष व सन्मान चिन्ह व चतुर्थ क्रमांकास १ लक्ष व सन्मान चिन्ह अशा स्वरूपाची भव्य बक्षिसे प्रधान केली जाणार आहेत. याचसोबत विविध वजनी गटातील मल्लांसाठी नानाविध बक्षिसांची लयलूट केली जाणार आहे.

दरम्यान, भव्य सेना केसरी राज्यस्तरीय कुस्ती स्पर्धा २०२४ ही स्पर्धा महाराष्ट्र राज्य कुस्तीगीर परिषद यांच्या मान्यतेने व परिषदेच्या नियमानुसार होणार असून, या स्पर्धेस महाराष्ट्र राज्य कुस्तीगीर परिषदेचे मोठे मार्गदर्शन लाभणार आहे. राज्यभरातील कुस्ती प्रेमींसाठी ही स्पर्धा म्हणजे मोठी पर्वणी असणार आहे. असे ही भानगिरे म्हणाले.

PMC Wheelbarrow | संकलित केलेल्या कचऱ्याची वाहतूक करण्यासाठी 2 बकेट असलेल्या 1425 व्हीलबॅरो खरेदी करणार महापालिका 

Categories
Breaking News PMC social पुणे

PMC Wheelbarrow | संकलित केलेल्या कचऱ्याची वाहतूक करण्यासाठी 2 बकेट असलेल्या 1425 व्हीलबॅरो खरेदी करणार महापालिका

| 95 लाखांचा येणार खर्च

PMC Wheelbarrow | पुणे महापालिकेच्या )Pune Municipal Corporation) विविध क्षेत्रीय कार्यालयाच्या वतीने कचरा गोळा केला जातो. हा संकलित केलेला कचरा वाहतुक करण्यासाठी ढकल गाड्यांची (Pushkarts) आवश्यकता असते. त्यामुळे क्षेत्रीय कार्याकाया कडून मागणी केली जाते. त्यानुसार 2 बकेट असलेल्या 1425 व्हीलबॅरो (Wheelbarrow) महापालिका खरेदी करणार आहे. यासाठी 95 लाखांचा खर्च येणार आहे. हे काम पायल इंडस्ट्रीज ला देण्यात आले आहे. याबाबतचा प्रस्ताव स्थायी समिती (PMC Standing Committee) समोर ठेवण्यात आला आहे. (PMC Pune News)

पुणे मनपा मोटार वाहन विभागाच्या कर्मशाळा विभागाकडून मनपाच्या विविध कार्यालयातील लाकडी फर्निचर दुरुस्ती, नवीन तयार करणे तसेच कचरा संकलनासाठी उपलब्ध तरतूदीनुसार ढकलगाडे, व्हिलबॅरो खरेदी करुन पुरविणे त्यांची दुरुस्ती करणे व इतर तदनुषंगिक कामे करण्यात येतात. पुणे मनपाच्या १५ क्षेत्रिय कार्यालयांच्या हद्दीमधील विविध ठिकाणावरून ओला व सुका कचरा संकलनाचे काम मनपा सेवक व स्वच्छ संस्थेमार्फत करण्यात येते. विविध ठिकाणावरून संकलित केलेला कचरा उचलणे व तो अनलोडिंगच्या ठिकाणापर्यंत वाहतुक करणेसाठी सेवकांमार्फत ढकलगाडे, व्हिलबॅरो, गाळगाडे यांचा वापर केला जातो. (PMC Solid Waste Management Department)

केंद्र शासनाकडील १५ व्या वित्त आयोग अंतर्गत पुणे महानगरपालिकेला सन २०२०-२१ ते २०२५-२६ एस डब्ल्यू वॉटरसाठी सुमारे ४५८ कोटी टप्याटप्याने वितरीत करण्यात येत आहे. यामधील पुणे महानगरपालिकेच्या क्षेत्रीय कार्यालयाच्या मागणीनुसार २ बकेट असलेली १५०० नग व्हिलवॅरो (पुशकार्टस) व ४ बकेट असलेली १५०० नग ढकलगाड्या (पुशकार्टस) खरेदी करणे कामी  महापालिका आयुक्त यांची मान्यता मिळाली आहे.
तथापि, मोटार वाहन विभागाकडे याकामासाठी तांत्रिक सेवकवर्ग अत्यंत अपुऱ्या प्रमाणात उपलब्ध असल्याने घनकचरा विभागाचे मागणीनुसार विविध क्षेत्रीय कार्यालयासाठी २ बकेटसह असलेले व्हिलबॅरो (पुशकार्टस) पद्धतीने जाहीर निविदा मागवुन खरेदी करणे प्रस्तावित होते.  त्यानुसार याची टेंडर प्रक्रिया करण्यात आली होती. हे काम पायल इंडस्ट्रीज ला देण्यात आले आहे. यासाठी 95 लाख इतका खर्च येणार आहे.

Mahayuti Melava Pune | माझ्या नावातच राम;  इतके वर्ष वनवासात होतो; आता मोदींमुळे व्यवस्थित बाहेर आलो | रामराजे नाईक निंबाळकर

Categories
Breaking News Political पुणे

Mahayuti Melava Pune | माझ्या नावातच राम;  इतके वर्ष वनवासात होतो; आता मोदींमुळे व्यवस्थित बाहेर आलो | रामराजे नाईक निंबाळकर

 

Mahayuti Melava Pune | आगामी लोकसभा निवडणुकीच्या (Upcoming Loksabha Election) पार्श्वभूमीवर घटक भारतीय जनता पक्ष, शिवसेना, राष्ट्रवादी काँग्रेस, रिपाइं (आठवले गट) आणि मित्र पक्षांच्या पुणे जिल्ह्याचा संयुक्त मेळावा आज डीपी रस्त्यावरील शुभारंभ लॉन येथे आयोजित करण्यात आला होता.

यात बोलताना रामराजे नाईक निंबाळकर (Ram Raje Naik Nimbalkar)  म्हणाले किअजित पवार येणार होते. पण व्यग्र कार्यक्रमामुळे मला सांगण्यात आले. माझे कार्यस्थळ सातारा असले तरी जन्मस्थळ व शिक्षण स्थळ पुणे आहे. मोदीच्या कार्यशैलीमुळे आपण एकत्र आलो आहोत. 72 साली दुष्काळात मिलो खाणारा देश आता पाच ट्रीलियन डॉलरची अर्थव्यवस्था होत आहे, हे दुसऱ्या पक्षातून आलेल्याना हे आकर्षण आहे. राजकीय विचारधारा काही असली तरी मोदींची विकासाची विचारधारा हाच भारताचा धर्म होईल. राजकीय इच्छाशक्ती आणि अपार कष्ट करायची ताकद इतर पक्षातील नेत्यांना भावत आहे.  महायुतीत येण्याचे भाग्य राष्ट्रवादीला मिळाले. उगाच काही न करणारे नेतृत्व आता नाही. एकमेकांविषयीची कटुता दूर करण्याचे संधी या मेळाव्यात आली आहे. पूर्वीच्या नेतृत्वाबद्दल काही बोलणार नाही, परंतु मोदिशिवाय पर्याय नाही. माझ्या नावातच राम आहे, परंतु इतके वर्ष वनवासात होतो. आता मोदींमुळे व्यवस्थित बाहेर आलो आहे. महायुती हाच आपला पक्ष झाला आहे ही भावना असली पाहिजे. सर्व पक्षाच्या कार्यकर्त्यांनी एकत्र येऊन काम केल्यास आपला विजय नक्की आहे

विधान परिषदेचे माजी सभापती रामराजे नाईक निंबाळकर, खासदार प्रकाश जावडेकर, खासदार श्रीरंग बारणे, माजी खासदार शिवाजीराव आढळराव पाटील, माजी राज्यमंत्री विजय शिवतारे, राज्य महिला आयोगाच्या अध्यक्षा रूपाली चाकणकर, आमदार भीमराव तापकीर, सुनील टिंगरे, सुनील कांबळे, महेश लांडगे, राहुल कुल, उमा खापरे सिद्धार्थ शिरोळे, माजी राज्यमंत्री दत्तात्रेय भरणे, चेतन तुपे, भाजपचे शहराध्यक्ष धीरज घाटे, शंकर जगताप, राष्ट्रवादीच्या अजित पवार गटाचे शहराध्यक्ष दीपक मानकर, वासुदेव काळे, प्रदीप गारटकर, शिवसेनेचे शहरप्रमुख अजय भोसले व प्रमोद भानगिरे, रिपाइंचे शहराध्यक्ष परशुराम वाडेकर,शिवसेना जिल्हा निरीक्षक किशोर भोसले, उपनेते इरफान सय्यद, जिल्हा प्रमुख उल्हास तुपे, रमेश कोंडे यांची प्रमुख उपस्थिती होती. भाजपचे प्रदेश प्रवक्ते संदीप खर्डेकर आणि आर पी आय चे ऍड.मंदार जोशी यांनी सूत्रसंचालन केले.तर आभार प्रदर्शन शिवसेना शहरप्रमुख प्रमोद नाना भानगिरे यांनी केले.

The karbhari - Ramraje naik nimbalkar Mahayuti Melava Pune News
भारतीय जनता पक्ष, शिवसेना, राष्ट्रवादी काँग्रेस, रिपाइं (आठवले गट) आणि मित्र पक्षांच्या पुणे जिल्ह्याचा संयुक्त मेळावा आज डीपी रस्त्यावरील शुभारंभ लॉन येथे आयोजित करण्यात आला होता.

दीपक मानकर यांनी प्रास्ताविक केले. हा मेळावा लोकसभा, विधानसभा आणि महापालिकेच्या विजयाची नांदी आहे. एका विचाराने सर्व नेते एकत्र आले आहे. त्यातून राज्याच्या विकासाला गती मिळत आहे. या मेळाव्याच्या निमित्ताने एकमेकांमध्ये समन्वयाचा प्रयत्न करण्यात आला. राम नामाच्या ताकदीमुळे काँग्रेसचे नेते घाबरले आहेत. काँग्रेसची अवस्था वाईट आहे. त्यांना उमेदवार मिळतो की नाही अशी शंका आहे. महायुतीचा उमेदवार दहा लाख मते घेतल्याशिवाय आणि विरोधी उमेदवाराचे डिपॉझिट जप्त केल्याशिवाय राहणार नाही. लोकसभेच्या ४८ जागा जिंकल्याशिवाय राहणार नाही. उद्धव ठाकरे यांनी जो उद्योग केला, त्यामुळे त्यांना सोसावा लागला. आमच्या निर्णयाची आम्ही वाट बघतो आहोत. तो निर्णयही अजित पवारांच्या बाजूने लागल्याशिवाय राहणार नाही. पुण्याचा लोकसभेचा महायुतीचा उमेदवार राज्यात सर्वाधिक मताने निवडून आणायचा संकल्प करूयात.

प्रदेश सरचिटणीस मुरलीधर मोहोळ यांनी मेळाव्याची भूमिका मांडली.

तुमच्या खांद्याला खांदा लावून काम करू, असे परशुराम वाडेकर म्हणाले.

त्यावर काही करून पदे द्या असे म्हणू नका, सबका साथ सबका विकास हे आपण ठरवले आहे, असे खासदार जावडेकर यांनी सांगितले. जावडेकर म्हणाले, तिसरी बार मोदी सरकार आणि इस बार चार सो पार हा संकल्प साकार करण्यासाठी राज्यात ४८ च्या ४८ जागा निवडून आणणार. बारामती २०१४ लाच पडत होते. थोडक्यात घोटाळा झाला. या वेळी लक्षात येईल. दोन वर्षे बसे मुख्यमंत्री पाहिले आहेत. तेलंगणात असेच मुख्यमंत्री होते. लोकांनी त्यांना घरी बसविले. काम करणारी सेना हवी आहे. राम प्रतिष्ठापनेच्या कार्यक्रमावर काँग्रेस बहिष्कार टाकत आहे. चांगल्या गोष्टीला काँग्रेसला या देशाचे सत्व कळले नाही. या देशातील जनता तुमच्यावर बहिष्कार टाकणार आहे. लोकसभा निवडणुकीला शंभर दिवस राहिले असून, सर्व पक्षांनी एकजीवाने काम केले पाहिजे. प्रत्येक घरी जाऊन आपले मत पोहोचवा. कामाचे वाटप नीट करून वेळापत्रक तयार करा. त्यासाठी पुण्यात पन्नास टक्के मतदान झाले होते. पुण्यात ७५ टक्के मतदान झाल्याशिवाय राहणार नाही. त्यातून दहा लाखाच्या फरकाने जिंकल्याशिवाय राहणार नाही.

……

 

My Bharat | National Youth Day | राष्ट्रीय युवा दिन सप्ताहात पुणे महानगरपालिका व स्वयंसेवी संस्थाचे एकूण  ३८ उपक्रमांचे आयोजन

Categories
Breaking News cultural PMC social पुणे

My Bharat | National Youth Day | राष्ट्रीय युवा दिन सप्ताहात पुणे महानगरपालिका व स्वयंसेवी संस्थाचे एकूण  ३८ उपक्रमांचे आयोजन

 

My Bharat | National Youth Day | राष्ट्रीय युवा दिन १२ जानेवारी ते १९ जानेवारी २०२४ या सप्ताहात (Rashtriya Yuva Din Saptah)  पुणे महानगरपालिका (Pune Municipal Corporation) आणि विविध स्वयंसेवी संस्थाचे एकूण विविध ठिकाणी ३८ उपक्रमांचे आयोजन करण्यात आले आहे. अशी माहिती महापालिका प्रशासनाच्या वतीने देण्यात आली. (My Bharat | National Youth Day)

भारत सरकारच्या युवा व्यवहार आणि क्रीडा मंत्रालयाने मेरा युवा भारत (MY Bharat) ही भारतातील युवा विकासासाठी मेरा युवा भारत (MY Bharat) हे स्वातंत्र्याच्या अमृत महोत्सव समारोपाच्या कार्यक्रमात राष्ट्रीय एकता दिनाच्या औचित्यावर कर्तव्य पथ, नवी दिल्ली येथे डिजिटल प्लॅटफॉर्म “MY Bharat” https://www.mybharat.gov.in/ मा. पंतप्रधान यांनी लॉन्च केले आहे.

तदअनुषंगाने पुणे महानगरपालिकेमार्फत ०९ जानेवारी पासून वास्तविक जीवनात पूर्णपणे ऐच्छिक आधारावर काम करून, तरुण लोकांशी कसे जोडले जावे, तसेच स्थानिक लोकसमुदायामध्ये युवकांचे योगदान कसे असावे हे समजण्यासाठी व्यावहारिक शिक्षण, समुदाय प्रतिबद्धता, वैविध्यपूर्ण कनेक्शन, सहयोगी प्रकल्प, युवा-केंद्रित शासन या विविध घटकांवर आधारित कार्यक्रम आयोजित करण्यात येत आहेत.

डिजिटल प्लॅटफॉर्म चा प्रमुख उद्देश तरुणांच्या आवडीशी जुळणाऱ्या कामासाठी स्वयंसेवा कार्यक्रम करणे आणि प्रोफाईल पेजेस, इव्हेंटमध्ये सहभाग आणि अनुभवात्मक शिक्षण कार्यक्रम वापरून मार्गदर्शक आणि समविचारी समवयस्कांशी जोडणे, तसेच समाजाचा एक भाग असण्याची भावना वाढवण्यासाठी आणि सामाजिक कारणांमध्ये व्यस्त राहण्यासाठी तसेच विविध क्षेत्रातील कार्यक्रममध्ये सहभागी होण्यासाठी आणि आयोजित करण्यासाठी, विकासात्मक कार्ये आणि नेतृत्व कौशल्य विकसित करणे ज्यामुळे तरुणांना समाजाशी जोडून घेता येईल हा आहे.

त्याअनुषंगाने उपरोक्त कार्यक्रमाची सुरवात ०९ जानेवारी २०२४ पासून पुणे महानगरपालिका आणि लाईट हाऊस कम्युनिटीज फाउंडेशन या सामाजिक संस्था यांच्या संयुक्त विद्यमाने “युवक कल्याणाशी संबंधित शासकीय योजनांबाबत जनजागृती पर सत्र” आयोजित करण्यात आले होते. त्यामध्ये युवकांना पुणे मनपाच्या विविध विभागांशी कसे जोडता येईल व फिल्ड – अनुभव कसा घेता येईल याबाबत मार्गदर्शन केले.तसेच पुणे मनपाच्या व केंद्र सरकार मार्फत सुरु असणाऱ्या  विविध योजना बाबत माहिती देण्यात आली पोर्टलचा वापर कसा करावा याबाबत प्रात्यक्षिक दाखविण्यात आली.

दि.१० जानेवारी २०२४ रोजी रोटरी क्लब – केएएम फाउंडेशन व पुणे मनपा यांच्या संयुक्त विद्यमाने पुणे महानगरपालिकेच्या सफाई कर्मचाऱ्यांसाठी “प्रशिक्षण आणि कौशल्य” कार्यक्रम आयोजित करण्यात आला.

११ जानेवारी २०२४ रोजी Wash Summit – पुणे मनपा यांच्या संयुक्त विद्यमाने “पाणी, आरोग्यरक्षणार्थ घ्यावयची खबरदारी आणि स्वच्छता विषयक जनजागृती सत्र” कार्यक्रम आयोजित करण्यात आले. त्यामध्ये वॉश क्षेत्रातील विविध तंत्रज्ञान, नव-नविन कल्पना आणि टिकाऊपणा याबाबतचे युवकांना महत्व पटवून देण्यात आले.

उपरोक्त ०९ ते ११ जानेवारी २०२४ या तीन दिवसात झालेल्या कार्यक्रमामध्ये एकूण ३५० युवकांचा सहभाग नोंदवीला आहे.

राष्ट्रीय युवा दिनापासून म्हणजेच १२ जानेवारी ते १९ जानेवारी २०२४ या सप्ताहात पुणे महानगरपालिकेच्या आरोग्य विभागामार्फत आणि विविध सामाजिक संस्था आर.के. स्मृती बहुउद्देशीय संस्था, सौदामिनी सामाजिक संस्था, जे.एस.आय. यांच्या संयुक्त विद्यमाने पुणे महापालिकेच्या कमला नेहरू रुग्णालय येथे युवा वर्गाच्या सहभागाने आरोग्य विषयक विविध कार्यक्रमांचे आयोजन करण्यात आले आहे. आरोग्य मित्र, आभा कार्ड नोंदणी, सि.पी.आर. प्रशिक्षण, व्यसन मुक्ती जन जागृती तसेच AIDS, टी.बी. व कुष्ठरोग इ. आजारांबाबत शास्त्रशुद्ध माहिती होणेसाठी पथनाट्ये आयोजित करण्यात आली आहेत.

पुणे मनपा – नेहरू युवा केंद्र, पोलीस विभाग, राष्ट्रीय सेवा योजना (NSS) तसेच वेगवेगळी महाविद्यालये यांच्या संयुक्त विद्यमाने वेगवेगळ्या ठिकाणी रस्ता सुरक्षा अभियान,पर्यावरण विषयक जनजागृती, सांस्कृतिक उपक्रम’ कार्यक्रम राबविण्यात येणार आहे.

याचबरोबर पुणे मनपा व  कमिन्स जनवाणी यांच्या संयुक्त विद्यमाने “करिअर मार्गदर्शन आणि जागरूकता” या आधारावर कार्यक्रम आयोजित करण्यात आला आहे.

पुणे महानगरपालिका व सामाजिक सेवाभावी संस्था यांच्या संयुक्त विद्यामाने युवकांसाठी कौशल्य विकासासाठी कार्यक्रमाचे आयोजन करण्यात आले आहे.

पुणे महानगरपालिका आणि Urban- 95 यांच्या संयुक्त विद्यामाने पुणे शहराला बालस्नेही करण्याच्या दिशेने मनपाच्या अर्बन95 उपक्रमांतर्गत विविध प्रकल्प व सेवासुविधा विकसित करण्यात आल्या आहेत. या बद्दल युवकांमध्ये जागृती निर्माण करण्यासाठी विविध कार्यशाळांसह निबंध, कल्पना, रेखाचित्र, घोषवाक्य आणि सेल्फी स्पर्धांसह खेळण्यातून शिकवणे यासारखे उपक्रम आयोजित करण्यात आले आहे.

तसेच पुणे महानगरपालिका आणि स्वच्छ संस्था यांच्या संयुक्त विद्यामाने १५ क्षेत्रीय कार्यालयामध्ये स्वच्छ कचरा वेचक आणि घनकचरा व्यवस्थापन यांच्या नेतृत्वाखाली ओला कचरा व्यवस्थापनाबाबत जनजागृती कार्यक्रमाचे आयोजन करण्यात आले आहे.

राष्ट्रीय युवा दिनापासून म्हणजेच दि.१२ जानेवारी ते दि.१९ जानेवारी २०२४ या सप्ताहात विविध ठिकाणी विविध कार्यक्रम आयोजित करण्यात येणार आहे त्यामध्ये बहुसंख्येने इच्छुक युवकांनी सहभाग नोंदवण्यासाठी खालील संकेतस्थळावर जाऊन रजिस्ट्रेशन करावे ही विनंती :

https://mybharat.gov.in/Gov/Urban-Local-Body/pune-municipal-corporation या लिकावरनोंदवावा असे आवाहन पुणे महानगरपालिके मार्फत करण्यात आले आहे.

PMC Solid Waste Management Department | सार्वजनिक ठिकाणी अस्वच्छता करणे पुणेकरांना अजून पडणार महागात! | पुणे महापालिका अडीच ते तीन पटीने दंड वाढवणार

Categories
Breaking News PMC social पुणे

PMC Solid Waste Management Department | सार्वजनिक ठिकाणी अस्वच्छता करणे पुणेकरांना अजून पडणार महागात!

| पुणे महापालिका अडीच ते तीन पटीने दंड वाढवणार

PMC Solid Waste Management Department | सार्वजनिक ठिकाणी तसेच रस्ता किंवा मार्गावर अस्वच्छता करणे (Unhygienic in Public places), कचरा टाकणे यासाठी पुणे महापालिकेच्या घनकचरा विभागाकडून (PMC Pune Solid Waste Management Department) दंड आकारला जातो. मागील चार महिन्यात महापालिकेने 1 कोटींचा दंड वसूल केला आहे. दरम्यान आगामी काळात सार्वजनिक ठिकाणी अस्वच्छता करणे, अजून महागात पडणार आहे. कारण यासाठी आकारण्यात येत असलेला 180 रुपयाचा दंड वाढवून तो 500 रुपये करण्यात येणार आहे. यासाठी राज्य सरकारच्या मंजुरीची आवश्यकता असते. महापालिका सरकार मान्यता देईल या भरवश्यावर नवीन दंडाची अंमलबजावणी करणार आहे. याबाबतचा प्रस्ताव प्रशासनाकडून स्थायी समिती (PMC Standing Committee) समोर ठेवण्यात आला आहे. (Pune Municipal Corporation)
प्रशासनाच्या प्रस्तावा नुसार घनकचरा व्यवस्थापन नियम २०१६ चे तरतुदींचे अनुपालन न करणाऱ्या व्यक्ती, संस्था यांना दंड करण्याचे अधिकार नगरपरिषद / नगर पंचायत यांना शासन निर्णय नुसार देण्यात आले आहेत.  त्यानुसार  पुणे महानगरपालिका, घनकचरा व्यवस्थापन कार्यालयांतर्गत सार्वजनिक ठिकाणी / रस्ता / मार्गावर अस्वच्छता करणे याकरिता १८०/- दंडाची तरतूद करण्यात आलेली आहे. पुणे शहराचा विस्तार वाढत चाललेला असून वाढती लोकसंख्या त्यातून निर्माण होणाऱ्या विविध प्रकारच्या दैनंदिन कचऱ्याचे व्यवस्थापन करणे, त्याची अंमलबजावणी करणे तसेच घनकचरा हाताळणी आणि व्यवस्थापन नियमावली २०१६ नुसार प्रभावी करणेसाठी शहरातील नागरिकांचा सक्रीय सहभाग आवश्यक आहे. शहरातील जुन्या हद्दीत व नवीन समाविष्ट गावे येथील नागरिक कचरा उघड्यावर टाकत असतात. त्यामुळे क्रोनिक स्पॉट व अनारोग्यकारक परिस्थिती निर्माण होते व सदर ठिकाणी पडलेला कचरा उचलून घेण्यासाठी अतिरिक्त मनुष्य बळ वाहतूक खर्च व मिश्र कचऱ्यावर प्रक्रिया याकरिता महानगरपालिकेला आर्थिक तोशिष सहन करावी लागत आहे. (PMC Pune News)
प्रस्तावात पुढे म्हटले आहे कि, सार्वजनिक ठिकाणी तसेच रस्त्यावर  अस्वच्छता करणे याकरिता सध्या असणारी दंडाची तरतूद अत्यल्प असल्याने नागरिकांकडून घनकचरा व्यवस्थापन नियमांचे पालन करण्यामध्ये अनास्था दिसून येत आहे. त्यामुळे सदर दंडात्मक रक्कमेमध्ये वाढ करून १८०/- ऐवजी रक्कम ५००/- इतकी दंड आकारणी केल्यास प्रतिबंध सिद्धांतानुसार (theory of Deterrence) नुसार नागरिकांमध्ये अपेक्षित बदल घडून उघड्यावर कचरा टाकण्याचे प्रमाण कमी होणार आहे. यामुळे अपेक्षित घनकचरा व्यवस्थापन नियमांची अंमलबजावणी होऊन शहर स्वच्छ व सुंदर राखण्यास मदत होणार आहे. यामध्ये नागरिकांकडून निधी वसूल करणे असे उद्दिष्ट नसून घनकचरा व्यवस्थापनामध्ये नागरिकांचा सहभाग वाढवणे व शहर विद्रुपीकरणास प्रतिबंध करणे असे ध्येय आहे. दंड रक्कम FI31A101 स्वच्छता संकल्प निधी या अर्थाशिर्षाकावर जमा होत असून या रक्कमेचा विनियोग सार्वजनिक स्वच्छतेच्या कामाकरिता केला जातो.
त्यानुसार हा प्रस्ताव स्थायी समिती आणि मुख्य सभेसमोर ठेवला जाणार आहे. त्यानंतर राज्य सरकारकडे पाठवला जाणार आहे. मात्र सरकार मान्यता देईल या भरवश्यावर नवीन दंडाची अंमलबजावणी करण्याचा मानस महापालिका प्रशासनाचा आहे.

Katraj Dairy Pune | Play Ground Reservation | कात्रज येथील मैदानाचे आरक्षण उठवू नये या मागणीसाठी महाविकास आघाडीचे वतीने पुणे महानगरपालिकेसमोर आंदोलन

Categories
Breaking News PMC Political social पुणे

Katraj Dairy Pune | Play Ground Reservation | कात्रज येथील मैदानाचे आरक्षण उठवू नये या मागणीसाठी महाविकास आघाडीचे वतीने पुणे महानगरपालिकेसमोर आंदोलन

Katraj Dairy Pune |  Play Ground Reservation | पुणे महानगरपालिकेच्या (Pune Municipal Corporation)  विकास आराखड्यात मैदानासाठी दर्शविण्यात ३.५९१ हेक्टरचा भूखंड पुणे जिल्हा सहकारी दूध उत्पादक संघाला (Katraj Dairy) देण्याचा निर्णय झाला आहे. ही जागा मुलांना खेळासाठी राहू द्यावी अशी मागणी करत महाविकास आघाडीच्या (Mahavikas Aghadi Pune) वतीने पुणे महानगरपालिकेच्या (PMC Pune) समोर आंदोलन करण्यात आले. कात्रज येथील क्रीडांगणाचे आरक्षण उठवून दूध डेअरी व प्रक्रियेसाठी आरक्षण टाकणार असल्याच्या निषेधार्थ पुण्याचे पालकमंत्री व पुणे महानगरपालिका आयुक्त यांच्या निषेधार्थ महाविकास आघाडीच्या वतीने पुणे महानगरपालिका समोर आंदोलन घेण्यात आले. (Katraj Dairy Pune | Play Ground Reservation)

यावेळी वेगवेगळे खेळ रस्त्यावर खेळण्यात आले. कात्रज येथील डीपीमधील मैदानाचे आरक्षण उठवू नये याबाबत पुणे महानगरपालिका आयुक्त  विक्रमकुमार यांना निवेदन देण्यात आले. यावेळी पुणे शहर जिल्हा काँग्रेस कमिटीचे अध्यक्ष अरविंद शिंदे म्हणाले की, दूध डेअरी व प्रक्रिया उद्योग ग्रामीण भागाशी संबंधित आहे. महापालिकेच्या डीपीमधे याबाबत आरक्षण नाही . शहरांमध्ये खेळासाठी मैदानिची कमतरता भासत असताना ही जागा कात्रज डेअरीच्या व्यावसायिक वापरासाठी काढून घेणे योग्य नाही. पुणे शहरांमध्ये मुलांना खेळांसाठी पुरेसे क्रीडांगण नाही असे असताना जी जागा क्रीडांगणासाठी आरक्षित आहे आणि जर त्या जागेवरच आरक्षण काढून कात्रज डेअरीला ती जागा पुणे महानगरपालिका देणार असेल तर ते पुणेकरांच्या हिताचे नाही.  तसेच कात्रज, धनकवडी या भागात दाट लोकवस्ती आहे येथे मुलांना खेळांसाठी हक्काचे मैदान आवश्यक आहे. त्यामुळे महाविकास आघाडी पुणेकरांच्या हितासाठी आज रस्त्यावर उतरून आपला विरोध दर्शवित आहे. (Pune Sahkari Dudh Utpadak Sangh Pune)

यावेळी पुणे शहर काँग्रेस अध्यक्ष अरविंद शिंदे, शिवसेना गटाचे (उद्धव ठाकरे गट) गजानन थरकुडे संजयजी मोरे, माजी आमदार दिप्ती चवधरी, ऍड.अभय छाजेड, संगिता तिवारी, लता राजगुरू, गोपाळ तिवारी,शिवा मंत्री, अजित दरेकर रजनी त्रिभुवन, ब्लॉक अध्यक्ष सुजित यादव, अक्षय माने,राजू याने संतोष पाटोळे, कृष्णा सोनकांबळे,एंन.एस.यू.आय.अध्क्ष अभिजित गोरे, प्रियांका रणपिसे,द.स.पोळेकर, सचिन आडेकर, सतिश पवार यशराज पारखी, बाळासाहेब मारणे लतेंद्र भिंगारे , मुन्नाभाई शेख , यासिन‌ शेख, अभिजित महामुनी, आशुतोष शिंदे आकाश माने,ओम भंवर उषा राजगुरू,रेखा गेहलोत, नलीनी दोरगे,छाया जाधव, सुंदर ओव्हाळ ,मोती उडते, सीमा महाडिक , शारदा वीर, अश्विनी गवारे, ज्योती परदेशी, दिलीप लोळगे,सेल्वराज अंथोनी,सागर खडके,नागेश कवडे दत्ता जधव आदींसह महाविकास आघाडीचे कार्यकर्ते उपस्थित होते.

MLA Ravindra Dhangekar Vs Dheeraj Ghate | आमदार रवींद्र धंगेकर हवेने भरलेला फुगा | धीरज घाटे यांची टीका 

Categories
Breaking News Political पुणे

MLA Ravindra Dhangekar Vs Dheeraj Ghate | आमदार रवींद्र धंगेकर हवेने भरलेला फुगा | धीरज घाटे यांची टीका

MLA Ravindra Dhangekar Vs Dheeraj Ghate | पुणे | काँग्रेसचे आमदार रवींद्र धंगेकर (Congress MLA Ravindra Dhangekar) आणि भाजप शहर अध्यक्ष धीरज घाटे (Dheeraj Ghate) यांच्यात चांगलीच जुंपली आहे. आमदार धंगेकर यांनी भाजप नेत्यावर टीका केल्यानंतर घाटे यांनी देखील धंगेकर यांच्यावर टीका केली आहे. घाटे  म्हणाले, कायम ठेकेदारांच्या गराड्यात फिरणारे रवींद्र धंगेकर यांनी भारतीय जनता पार्टी वर टीका केली. आमचे नेते चंद्रकांतदादा पाटील यांच्या वर टीका केली. मुळामध्ये जे स्वतः अधिकाऱ्यांना मारहाण करतात त्यांना आमच्या नेत्यावर बोलायचा नैतिक अधिकार नाही’ अशी प्रतिक्रिया भा ज पा चे शहराध्यक्ष धीरज घाटे यांनी दिली. (MLA Ravindra Dhangekar Vs Dheeraj Ghate)

भारतीय जनता पार्टीच्या वतीने आयोजित पत्रकार परिषदेत घाटे बोलताना पुढे म्हणाले की ‘धंगेकर यांच्या कुठल्याही आरोपात तथ्य नाही. गुन्हेगारी मुक्त भयमुक्त वातावरण या साठी महायुतीचे सरकार वचनबद्ध आहे. राज्याचे उपमुख्यमंत्री देवेंद्र फडणवीस यांनी पोलिसांना गुन्हेगारी मुक्त करण्याचे कठोर आदेश दिले आहेत. गृह खाते मोहोळ यांच्याविषयात योग्य ती कारवाई नक्कीच करेल. परंतु धंगेकर हे सवंग लोकप्रियतेसाठी अशी विधाने सातत्याने करत असतात. ते हवे ने भरलेला फुगा आहेत आणि हा फुगा लवकरच फुटेल त्यांना मुंगेरीलाल के हसीन सपने पडत आहेत. ज्यांनी आमच्या दिवंगत आमदार मुक्ताताई टिळक यांचा १० कोटींच्या कामाचा विरोध केला दुर्दैवाने तो निधी इतर ठिकाणी वळविला गेला. ज्यांना स्वतःच्या मातदारसंघातल्या जनतेची काळजी नाही. त्यांनी कोथरूड ची काळजी करावी हे खरोखर हास्यास्पद आहे. स्वतःची उमेदवारी जाहीर करून मोकळे झाले असे असले तरी आम्हाला खात्री आहे की येणाऱ्या निवडणुकीत त्यांचा फाजील आत्मविश्वास हा नडणार आहे. चंद्रकांत दादा हे गेल्या साडेचार वर्षात मोहोळ यांना भेटले देखील नाहीत असे असताना धंगेकर यांनी केलेल्या आरोपात काहीच तथ्य नाही’

यावेळी सरचिटणीस रवींद्र साळेगावकर, पुनीत जोशी, वर्षा तापकीर, संजय मयेकर, पुष्कर तुळजापूरकर, हेमंत लेले आदी उपस्थित होते