Tag: IAS Dr Kunal Khemnar

Pu La Deshpande Udyan Pune | पु. ल. देशपांडे उद्यानात आजपासून महिला बचत गट खाद्य महोत्सव

Categories
Breaking News PMC social पुणे

Pu La Deshpande Udyan Pune | पु. ल. देशपांडे उद्यानात आजपासून महिला बचत गट खाद्य महोत्सव

 

Pu la Deshpande Udyan Pune | पुणे महानगरपालिका समाज विकास विभागामार्फत (PMC Social Devlopment Department) महिला बचत गट (Women health Group) खाद्य महोत्सव प्रदर्शन व विक्रीचे आयोजन  १९ जानेवारी ते २१ जानेवारी ४ या कालावधी मध्ये करणेत आले आहे. या प्रदर्शनाचे उद्‌घाटन आज महापालिका आयुक्त विक्रम कुमार (Vikram Kumar IAS) यांनी पु. ल. देशपांडे उद्यान, सिंहगड रोड, पुणे (Pu la Deshpane Udyan, Sinhgadh Road pune) येथे केले. (PMC Mahila Bachat gat khadya mahotsav)

उद्घाटन प्रसंगी मा. महापालिका आयुक्त तथा प्रशासक यांनी पुणे शहरात विविध वस्तू उत्पादीत करणारे ६००० महिला बचत गट असल्याचे  सांगून  पुणे महानगरपालिका समाज विकास विभागामार्फत राबविणेत येत असलेल्या विविध महिला सक्षमीकरण योजनांबद्दल माहिती दिली. पुणे महानगरपालिकेच्या अर्थसंकल्पातील ठराविक रक्कम महिलांच्या सक्षमीकरणासाठी वापरणे बंधनकारक असलेचे त्यांनी नमूद करून या योजनांचा लाभ सर्व महिला वर्गांनी घेणेबाबत तसेच पुणे महानगरपालिकेमार्फत आयोजित करणेत येत असलेल्या विविध प्रशिक्षण उपक्रमाचा लाभ घेणेबाबत आव्हान केले. पुणे महानगरपालिकेचे अतिरिक्त महापालिका आयुक्त डॉ.  कुणाल खेमनार  यांनी  महिला सक्षमीकरणअंतर्गत महिला बचत गटांकरीता येत्या काळामध्ये डिजिटल मार्केटींगचे नियोजन इ-कॉमर्स चे वेगवेगळे प्लॅटफॉर्म व मोबाईल ॲप्लिकेशन यांचे माध्यमातून करणेत येणार असल्याचे नमूद केले व यामध्ये जास्ती जास्त लोकांनी सहभागी व्हावे असे आव्हान केले. या कार्यक्रम प्रसंगी   परिमंडळ क्र. ३ चे उप आयुक्त श्रीमती आशा राऊत, उद्यान विभाग प्रमुख  अशोक घोरपडे, सिंहगड रोड क्षेत्रिय कार्यालयाचे महापालिका सहाय्यक आयुक्त संदीप खलाटे,  समाज विकास विभागाचे मुख्य समाज विकास अधिकारी  रामदास चव्हाण, तसेच  समाज विकास विभागाचे इतर अधिकारी व कर्मचारी वर्ग उपस्थित होते. (PMC Pune News)

The karbhari - PMC Social Devlopment Department

उप आयुक्त नितिन उदास,यांनी सदर कार्यक्रमाची प्रस्तावना केली. या कार्यक्रमाचे सुत्र संचालन  संदीप कोळपे सहा. समाज विकास विभाग यांनी केले तर आभार प्रदर्शन  रामदास चव्हाण, मुख्य समाज विकास अधिकारी यांनी केले.

| महोत्सवाचे लाभ घेण्याचे महापालिका समाज विकास विभागाचे आवाहन

१९ जानेवारी २०२४ ते २१ जानेवारी २०२४ पर्यन्त पु.ल. देशपांडे उद्यान, सिंहगड रोड, पुणे येथे पुणे महानगरपालिकेच्या समाज विकास विभागामार्फत बचतगटाच्या महिला सदस्यांनी बनविलेल्या खाद्यपदार्थांचा महोत्सव आयोजन करण्यात आले आहे. तरी सर्व नागरिकानी अत्यंत चविष्ट् रूचकर ताजे पदार्थचा आस्वाद घेउन बचत गटातील महिलाना प्रोत्साहन द्यावे. असे आवाहन महापालिका समाज विकास विभागाने केले आहे.

Eco Friendly Diwali | PMC Pune | दिवाळी सणाच्या निमित्ताने पुणे महापालिकेचे पुणेकरांना आवाहन!

Categories
Breaking News cultural PMC social पुणे

Eco Friendly Diwali | PMC Pune | दिवाळी सणाच्या निमित्ताने पुणे महापालिकेचे पुणेकरांना आवाहन!

Eco Friendly Diwali | PMC Pune | पुणे मनपा (Pune Municipal Corporation) तर्फे शहरातील नागरिकांनी दिवाळी हा सण पर्यावरणपूरक पद्धतीने (Eco Friendly Diwali) साजरा करण्याचे आवाहन करण्यात आले आहे. दिवाळी हा सण अंधार करुन दूर करून प्रकाश निर्माण करणारा दीप मांगल्याचे प्रतीक मानला जातो. हा सण साजरा करताना नागरिकांनी हवा प्रदुषण तसेच ध्वनी प्रदुषण यांसारख्या उदभवणाऱ्या समस्यांना आळा घालण्याकरिता पर्यावरणपूरक पद्धतीने उत्सव साजरा करावा यासाठी खालील बाबी लक्षात घेणे आवश्यक आहे. असे आवाहन अतिरिक्त आयुक्त डॉ कुणाल खेमणार (IAS Dr Kunal Khemnar) यांनी केले आहे. (PMC Pune News)

हवा प्रदुषण:-

फटाके हे वायू प्रदुषणास कारणीभूत ठरतात तरी शहरातील हवेचे प्रदुषण कमी करण्यासाठी
प्रत्येक नागरिकांनी फटाक्यांचा वापर करणे टाळावे.

ध्वनीप्रदुषण :-

मोठ्या आवाजाचे फटाके ध्वनी प्रदुषण करतात, अशा फटाक्यांचा वापर करू नये. दिवाळीत 125 डेसिबलपेक्षा जास्त आवाज करणारे फटाके उडविण्यास मनाई केली आहे. तरी. यांसारखे फटाके उडविणे टाळावे. नागरिकांनी शांतता क्षेत्र जसे की शैक्षणिक संस्था, दवाखाने न्यायालये इ.ठिकाणी फटाके उडवू नये

पर्यावरणपूरक पर्याय:-

नागरिकांनी घर सजविण्यासाठी अधिक ऊर्जा कार्यक्षम प्रकाश देणारे LED दिवे किंवा अपारंपारिक ऊर्जा स्रोत जसे की सौर दिवे वापरावेत.
रेडिमेड (Plaster of Paris) पासून बनवलेले किल्ले पर्यावरणास घातक ठरतात त्यांचा वापर न करता दगड मातीपासून किल्ले बनवावेत.
• रासायनिक रंग/ रांगोळी न वापरता नैसर्गिक सहित्यांसह रांगोळी आकर्षक बनवावी.
तसेच प्लास्टिकचे आकाशकंदील न वापरता पर्यावरणपूरक किंवा रिमायकल करता येणाऱ्या वस्तूंपासून बनलेले आकाशकंदील वापरुन इको फ्रेंडली सजावट करावी.
हवा प्रदूषणाचे प्रमाण जास्त झाल्याने श्वसनाचे आजार होवू शकतात यासाठी जास्त धूर उत्सर्जितकरणाऱ्या फटाक्यांचा वापर करणे टाळावे.

PEHEL 2023 | Pune News | ई कचरा संकलनात १५ टन ई-कचरा व ८ टन प्लॅस्टिक कचरा जमा

Categories
Breaking News PMC social पुणे

PEHEL 2023 | Pune News | ई कचरा संकलनात १५ टन ई-कचरा व ८ टन प्लॅस्टिक कचरा जमा

| पुणेकरांचा PEHEL२०२३, ई-कचरा संकलन महाअभियानास उत्स्फूर्त प्रतिसाद

PEHEL 2023 | Pune News | पुणे महानगरपालिका (Pune Municipal Corporation) आणि पुणे शहरातील विविध सामाजिक संस्थांच्या संयुक्त प्रयत्नांनी ०५  नोव्हेंबर  रोजी ई-कचरा व प्लॅस्टिकविषयी जनजागृती (Plastic Awareness) व संकलनाचे महाअभियान आयोजित करण्यात आले. हे अभियान रविवारी, सकाळी ९ ते दुपारी १ वाजेपर्यंत, संपूर्ण पुणे शहरात ३०० ठिकाणी पार पडले. अभियानात पुणेकरांनी उत्सुर्त प्रतिसाद देत १५ टन ई-कचरा व ८ टन प्लॅस्टिक कचरा जमा केला. अशी माहिती घनकचरा व्यवस्थापन विभागाच्या (PMC Solid Waste Management Department) वतीने देण्यात आली.
पुणे महानगरपालिका, केपिआईटी टेक्नाँलॉजीस, कमिन्स इंडिया फाऊंडेशन, आदर पूनावाला क्लीन सिटी इनिशिएटिव्ह, जनवाणी, महालक्ष्मी इ- रिसायक्लर, के.के. नाग प्रा. लिमिटेड आणि इतर संस्थांनी या अभियाना मध्ये सक्रिय सहभाग घेतला.
या अभियानादरम्यान पुणे शहरातील सर्व भागात इ-कचरा संदर्भात जनजागृती करण्यात आली. वरील सर्व सामाजिक संस्थांनी पुण्यातील शैक्षणिक संस्थांना भेटी देऊन या महासंकलनात सामील होण्याचे अहवान केले व या अहवानाला प्रतिसाद देत, १७ शैक्षणिक संस्थांकडून  १००० हून अधिक स्वयंसेवकांनी सहभाग दिला. त्याचप्रमाणे  पुणे महानगपालीकेचे अतिरिक्त आयुक्त श्री. कुणाल खेमनार (IAS Dr Kunal Khemnar) यांनी तसेच स्वच्छसर्वेक्षण २०२३ साठी नियुक्त केलेले ब्रॅंड अॅम्ब्यासीडर संगीतकार व कवी डॉ. सलील कुलकर्णी यांनी देखील पुणेकरांना या PEHEL२०२३ च्या महासंकलन अभियानात सामील होण्यासाठी आवाहन केले. या अभियानात पुणेकरांनी उत्सुर्त प्रतिसाद देत १५ टन ई-कचरा व ८ टन प्लॅस्टिक कचरा जमा केला. अभियाना दरम्यान ई-कचरा दान करणार्या प्रत्येक नागरिकास डोनेशन सर्टिफिकेट देखील देण्यात आले. (PMC Pune)
या अभियानाचे उद्घाटन शिवरकर उद्यान, वानवडी येथे पुणे महानगरपालिकेचे उपायुक्त तसेच घन कचरा विभागाचे प्रमुख श्री. संदीप कदम (Deputy Commissioner Sandip Kadam) यांच्या हस्ते झाली, या उदघाटन सोहळ्यास कामिन्स इंडिया कंपनीच्या सी एस आर प्रमुख श्रीमती सौजन्या वेगुरू, केपीआयटी टेक्नोलोजीसचे मार्केटिंग विभागाचे संचालक श्री. धनंजय जाधव,सहाय्यक आरोग्य अधिकारी डॉ. केतकी घाटगे, कमिन्स कंपनीच्या सौ. अवंती कदम  इत्यादी मान्यवर उपस्थित होते.
PEHEL२०२३ सोहळ्याच्या उद्घाटन प्रसंगी उपायुक्त श्री. संदीप कदम यांनी सर्व पुणेकरांना आवाहन करत ओला-सुका कचरा आणि इलेक्ट्रोनिक कचरा घरातच वेगवेगळा करावा, जेणेकरून महानगरपालिकेला सर्व प्रकारच्या कचर्याचे शास्त्रशुद्ध पद्धतीने विल्हेवाट लावणे सोयीचे होईल. तसेच इलेक्ट्रोंनिक कचर्याच्या संकलनासाठी पुण्यातील पहिल्या टप्प्यात २३ गार्डनमध्ये संकलन केंद्र सुरू करण्याची घोषणा केली. सौ. सौजन्या वेगुरू यांनी देखील स्वतःच्या घरातील ई-वेस्ट दान देऊन या उद्दात्त कार्यात सर्वांचा कृतीशील सहभाग असला पाहिजे असे सांगितले.
जनवाणीचे उपसंचालक श्री. मंगेश क्षीरसागर यांनी कार्यक्रमाचे प्रास्ताविक करताना ई-वेस्ट कमी करण्यासाठी संस्थेमार्फत घेण्यात येणाऱ्या उपक्रमांचा आढावा दिला तसेच विविध सोसायटी मधून कायमस्वरूपी ई-कचरा संकलन बीन बसवणार असल्याचे देखील सांगितले. जनवानीचे श्री. सतीश आदमने यांनी कार्यक्रमाचे आभार प्रदर्शन केले.

SHS 2023 | PMC Pune | स्वच्छता पंधरवडा स्वच्छता सेवा (SHS) २०२३ अंतर्गत 1 ऑक्टोबरला पुणे महापालिकेकडून मेगा ड्राईव्हचे आयोजन

Categories
Breaking News PMC social पुणे

SHS 2023 | PMC Pune | स्वच्छता पंधरवडा स्वच्छता सेवा (SHS) २०२३ अंतर्गत 1 ऑक्टोबरला पुणे महापालिकेकडून मेगा ड्राईव्हचे आयोजन

| महापालिका घनकचरा विभागाचा उपक्रम

SHS 2023 | PMC Pune |  राष्ट्रपिता महात्मा गांधी यांच्या जयंतीनिमित्त (Mahatma Gandhi Jayanti) त्यांना आदरांजली वाहण्याकरीता पंतप्रधान मोदी (PM Narendra Modi) यांनी ०१ ऑक्टोबर २०२३ रोजी स्वच्छतेकरीता (Sanitation) सर्व नागरिकांनी १ तास श्रमदान करावे असे आवाहन केले आहे.  त्या अनुषंगाने दिनांक ०१ ऑक्टोबर रोजी पुणे महापालिकेकडून (Pune Municipal Corporation) भिडे पूल (Bhide Bridge) या ठिकाणी मेगा ड्राइव्हचे (Mega Drive) आयोजन करण्यात आले आहे. घनकचरा विभागाकडून (PMC Solid Waste Management Department) हा उपक्रम राबवण्यात येणार आहे. अशी माहिती महापालिका आयुक्त विक्रम कुमार (IAS Vikram Kumar), अतिरिक्त आयुक्त डॉ कुणाल खेमनार (IAS Dr Kunal Khemnar) यांनी दिली. यावेळी उपायुक्त संदीप कदम (Deputy commissioner Sandeep Kadam) उपस्थित होते.
स्वच्छता पंधरवडा स्वच्छता ही सेवा (SHS) २०२३ अंतर्गत देशभरात स्वच्छता मेगा ड्राईव्हचे आयोजन करण्यात येत आहे. यामध्ये शहरातील विविध शैक्षणिक संस्था, युवा क्लब, NCC, NSS, NYKS, RWAs, कॉर्पोरेट कंपन्या, नागरिक इत्यादिना सहभागी करून घेऊन ०१ ऑक्टोबर २०२३ रोजी शहरातील
विविध ठिकाणी स्वच्छता मोहीम आणि नागरिकांमध्ये जनजागृती निर्माण करण्यासाठी श्रमदान, प्लॉगेथॉन ड्राइव्ह इ. उपक्रम राबविण्यात येणार आहेत. त्यानुसार ०१/१०/२०२३ रोजी स्वच्छता पंधरवडा स्वच्छता ही सेवा (SHS) २०२३ अंतर्गत मुख्य कार्यक्रमाचे आयोजन भिडे पूल या ठिकाणी करण्यात येणार आहे. असे आयुक्तांनी सांगितले.  या  अभियानामध्ये क्षेत्रिय कार्यालयाकडील अधिकारी / कर्मचारी, लोकप्रतिनिधी, खासदार, आमदार, मा. सभासद व पदाधिकारी, विविध शाळा/ महाविद्यालये, खाजगी संस्था, विविध स्वयं सेवी संस्था, महिला बचत गट, गणेश मंडळे, मोहल्ला कमिटी सदस्य, कार्यक्षेत्रातील विविध मान्यवर व प्रतिष्ठित व्यक्ती, क्षेत्रिय कार्यालयांकडील ब्रॅन्ड अॅम्बॅसिडर इ. सहभागी असणार आहेत. (Pune Municipal Corporation)
क्षेत्रिय कार्यालय निहाय उपक्रम घेण्यात येणारी विविध ठिकाणे पुणे महानगरपालिकेच्या संकेतस्थळावर व https://swachhatahiseva.com/. यावर उपलब्ध करून देण्यात आलेली आहेत. याव्यतिरिक्त नागरिकांना आपल्या सोयीनुसार ज्या ठिकाणी स्वच्छता मोहीम राबवायची असल्यास त्या ठिकाणी नागरिक स्वच्छता मोहीम राबवू शकतात व त्याबाबत https://swachhatahiseva.com/. या संकेतस्थळावर माहिती अपलोड करू शकतात. ०१/१०/२०२३ रोजी आपल्या नजीकच्या क्षेत्रिय कार्यालयांतर्गत होणा-या श्रमदान अभियानामध्ये जास्तीत जास्त नागरिकांनी सहभागी व्हावे असे आवाहन पुणे महानगरपालिकेमार्फत करण्यात आले आहे. (PMC Pune)
——-
News Title | SHS 2023 | PMC Pune | Organized Mega Drive by Pune Municipal Corporation on 1st October under Swachhta Dharwad Swachhta Seva (SHS) 2023

PMC Pune Tender | RTO टेंडर बाबतची तक्रार निराधार | महापालिका अतिरिक्त आयुक्त डॉ कुणाल खेमणार यांचा खुलासा

Categories
Breaking News PMC Political पुणे

PMC Pune Tender | RTO टेंडर बाबतची तक्रार निराधार | महापालिका अतिरिक्त आयुक्त डॉ कुणाल खेमणार यांचा खुलासा

PMC Pune Tender | पुणे महानगरपालिकेच्या (Pune Municipal Corporation) वाहनांचे पासिंग करण्यासाठी आरटीओ (RTO) साठी एजन्सी नेमणे बाबत महापालिकेकडून टेंडर काढण्यात आल्याचा आरोप करत हे टेंडर तत्काळ रद्द करावे अशी मागणी माजी नगरसेवक उज्ज्वल केसकर (Ujjwal Keskar), प्रशांत बधे (Prashant Badhe), सुहास कुलकर्णी (Suhas Kulkarni) यांनी महापालिका आयुक्त (PMC Commissioner) यांच्याकडे केली. मात्र ही तक्रार निराधार (Baseless complaint) असल्याचा खुलासा अतिरिक्त आयुक्त डॉ कुणाल खेमणार (IAS Dr Kunal Khemnar) यांनी केला आहे. हे टेंडर एजेन्सी नियुक्त करण्याचे नाही. असे अतिरिक्त आयुक्तांनी म्हटले आहे. (Pune Municipal Corporation)

माजी नगरसेवकांनी आरोप केला होता कि, पुणे  महानगरपालिकेने (PMC Pune) आरटीओ च्या कामासाठी एका एजन्सीची नेमणूक करण्याचे टेंडर काढले आहे. मात्र आरटीओ मध्ये एजंट आणि एजन्सी यांना परवानगी नाही.  दीड कोटी रुपयाचे हे टेंडर कशासाठी काढले’ याचा खुलासा खातेप्रमुखांना विचारला पाहिजे. पुणे मनपा ही एक अर्ध शासकीय संस्था तर आरटीओ ही पूर्ण शासकीय संस्था आहे. यामध्ये समन्वयासाठी एजन्सीची गरज नाही. त्यामुळे हे टेंडर तातडीने रद्द करावे. अशी मागणी या लोकांनी केली होती. यावर महापालिका अतिरिक्त आयुक्तांनी आपला खुलासा सादर केला आहे. The karbhari शी बोलताना डॉ कुणाल खेमणार यांनी सांगितले कि, ही एक निराधार तक्रार आहे.  काढण्यात आलेले टेंडर हे  आरटीओ मध्ये गाड्या पासिंगसाठी  एजंट नियुक्त करण्यासाठी नसून आरटीओच्या शिफारसीनुसार किरकोळ दुरुस्तीची कामे करण्यासाठी आहे.  गरज वाटल्यास याबाबत अधिक चौकशी करू. मात्र यात शंका असलेल्या कुणीही माझ्याशी किंवा आयुक्तांशी संपर्क साधला नाही. असे डॉ खेमणार यांनी सांगितले. (PMC Pune News)

———

News Title | PMC Pune Tender | Complaint regarding RTO tender is baseless Disclosure of Municipal Additional Commissioner Dr. Kunal Khemnar

Puneri Happy Youth Fest | पुणे महानगरपालिका आयोजित ‘पुणेरी हॅपी यूथ फेस्ट’ उत्साहात

Categories
Breaking News cultural PMC पुणे

Puneri Happy Youth Fest | पुणे महानगरपालिका आयोजित ‘पुणेरी हॅपी यूथ फेस्ट’ उत्साहात

| मुळा मुठा नदी किनारी शेकडो विद्यार्थ्यांनी लुटला विविध गेमचा आनंद

 

Puneri Happy Youth Fest |मुळा मुठा नदीच्या (Mula Mutha River) किनारी शुक्रवारी (८ सप्टेंबर) रोजी पुणे महानगरपालिकेने (Pune Municipal Corporation) आयोजित केलेला ‘पुणेरी हॅपी यूथ फेस्ट’ (Puneri Happy Youth Fest) उत्साहात पार पडला. नदी किनारी महाविद्यालयीन विद्यार्थ्यांसाठी आयोजित करण्यात आलेले विविध गेम व अचानक आलेला रिमझिम पाऊस, यामुळे महाविद्यालयीन तरुणाईचा उत्साह द्विगुणीत झाला. यावेळी ‘माझ पुणे, आम्ही पुणेरी’ अशा घोषणांनी परिसर दुमदूमला होता. रिल्स स्टार अथर्व सुदामे (Reel Star Atharv Sudame) हा या कार्यक्रमाचे विशेष आकर्षण ठरला. (Puneri Happy Youth Fest)

महानगरपालिका आयुक्त तथा प्रशासक विक्रम कुमार (IAS Vikram Kumar), अतिरिक्त आयुक्त डॉ.कुणाल खेमनार (IAS Dr Kunal Khemnar), अतिरिक्त आयुक्त विकास ढाकणे (PMC Additional Commissoner Vikas Dhakane), मुख्य अभियंता (प्रकल्प) श्रीनिवास बोनाला, अधिक्षक अभियंता युवराज देशमुख, कार्यकारी अभियंता बाळासाहेब मचाले यांच्यासह महानगरपालिकेचे विविध विभागाचे अधिकारी, कर्मचारी यावेळी उपस्थित होते.

पुणे महानगरपालिकेने मुळा मुठा नदी पुनरुज्जीवन प्रकल्प (Mula Mutha River Rejunevation Project) हाती घेतला आहे. या प्रकल्पांतर्गत येरवडा ब्रिज ते संगमवाडी ब्रिज दरम्यान गणपती विसर्जन घाटाजवळ ३०० मीटरचा सॅम्पल स्ट्रेच तयार करण्यात आला आहे. हा सॅम्पल स्ट्रेच नागरिकांना पाहण्यासाठी खुला करण्यात आला असून सर्वात प्रथम तो महाविद्यालयीन तरुणांना पाहता यावा, या अनुषंगाने पुणे महानगरपालिकेच्या वतीने ‘पुणेरी हॅपी यूथ फेस्ट’चे आयोजन शुक्रवारी सकाळी ७ ते सकाळी १० यावेळेत सॅम्पल स्ट्रेचवर करण्यात आले होते. या फेस्टला महाविद्यालयीन तरुणांचा चांगलाच प्रतिसाद मिळाला. (Pune Municipal Corporation News)

‘पुणेरी हॅपी यूथ फेस्ट’मध्ये सुरुवातीला महानगरपालिकेच्या प्रकल्प विभागाच्या वतीने मुळा मुठा नदी पुनरुज्जीवन प्रकल्पाबाबत माहिती देण्यात आली. यामध्ये प्रकल्पाचे उद्देश, प्रकल्पाचे नागरिकांना होणारे फायदे आदींबाबत सविस्तर माहिती दिली. नदी पुनरुज्जीवन प्रकल्पाविषयी माहिती घेण्यासोबतच विद्यार्थ्यांनी याठिकाणी विविध खेळांचा आनंद घेतला. याप्रसंगी विविध गाण्यांवर महाविद्यालयीन तरुणाई येथे थिरकताना दिसली. महाविद्यालयीन विद्यार्थ्यांसोबत महानगरपालिकेचे अधिकारी, कर्मचारी यांनीही विविध खेळांमध्ये सहभागी होत तरुणाईचा उत्साह वाढवला. यावेळी सॅम्पल स्ट्रेचवर सेल्फी काढण्यासाठी महाविद्यालयीन विद्यार्थ्यांची गर्दी झाली होती. मुळा मुठा नदी किनारी करण्यात आलेला सॅम्पल स्ट्रेच पाहून अनेकांनी अशा प्रकारे नदीचा किनारा हा सर्वत्र व्हावा, अशा भावनाही व्यक्त केल्या. तसेच अनेकांना या सॅम्पल स्ट्रेचचे फोटो काढून ते सोशल मीडियावर टाकण्याचा मोह आवरता आला नाही.


अथर्व सुदामे सोबत तरुणाईचे एन्जॉय

 

पुणे महानगरपालिकेने आयोजित केलेल्या ‘पुणेरी हॅपी यूथ फेस्ट’मध्ये रिल्स स्टार अर्थव सुदामे हा देखील सहभागी झाला होता. त्याच्यासोबत महाविद्यालयीन तरुणाईने विविध गेममध्ये सहभागी होत चांगलाच आनंद लुटला. याप्रसंगी अथर्व सुदामे म्हणाला की, ‘प्रथमच मी इतका सुंदर व छान असा मुळा मुठा नदीचा काठ पाहत आहे. येथे येऊन मला खूप आनंद झाला आहे. पुणे महानगरपालिकेने केलेले हे काम खूपच छान आहे.’ (Reel Star Atharv Sudame)

म्हणून आयोजित केला होता विशेष कार्यक्रम

मुळा मुठा नदी किनारी महाविद्यालयीन विद्यार्थ्यांसाठी विशेष कार्यक्रम आयोजित करण्यामागील संकल्पना देखील यावेळी महानगरपालिकेच्या वतीने स्पष्ट करण्यात आली. मुळा मुठा नदीचा किनारा किती सुंदर दिसू शकतो, महानगरपालिका यासाठी कसे प्रयत्न करीत आहेत, हे विद्यार्थ्यांना समजावे, यासाठी हा विशेष कार्यक्रम आयोजित करण्यात आला होता, असे यावेळी सांगण्यात आले. यानिमित्ताने विद्यार्थी व नदी यांच्यातील नाते अधिकच दृढ होईल, असा विश्वासही व्यक्त करण्यात आला. महानगरपालिका आयुक्त विक्रम कुमार, अतिरिक्त आयुक्त डॉ.कुणाल खेमनार यांनी याप्रसंगी कार्यक्रमासाठी मोठ्या संख्येने उपस्थित राहिल्याबद्दल महाविद्यालयीन विद्यार्थ्यांचे अभिनंदन केले. तसेच आगामी काळात नागरिकांसाठी अशाच पद्धतीने नदी किनारी विविध कार्यक्रम घेण्यात येणार आहेत, अशीही माहिती दिली.

शाळकरी विद्यार्थ्यांनी जिंकली मने

मुळा मुठा नदी पुनरुज्जीवन प्रकल्पाच्या अनुषंगाने सेंट फ्रान्सिस डीसेल्स स्कूल, विमाननगर या विद्यालयातील विद्यार्थी व शिक्षक यांनी एकत्र येत ‘माझी मुळा मुठा’ हे गाणे तयार केले आहे. हे गाणेही यावेळी लाँच करण्यात आले. या गाण्याचे अनेकांनी कौतुक केले. तसेच ज्या विद्यार्थ्यांनी हे गाणे तयार केले आहे, त्यासर्वांनी ते व्यासपिठावर जाऊन गायल्याने या मुलांनी उपस्थितांची मने जिंकली.

नदी पुनरुज्जीवन प्रकल्पाविषयीचा माहितीपट प्रसिद्ध

मुळा मुठा नदी पुनरुज्जीवन प्रकल्पाविषयी परिपूर्ण माहिती असणारा माहितीपट देखील आज, शुक्रवारी महानगरपालिका आयुक्त तथा प्रशासक विक्रम कुमार यांच्या हस्ते प्रसिद्ध करण्यात आला आहे. या माहितीपटाच्या माध्यमातून नदी पुनरुज्जीवन प्रकल्प नेमका काय आहे, त्याची व्याप्ती काय आहे, तो कशा पद्धतीने राबवला जाणार आहे, आदींबाबत माहिती देण्यात आली आहे. हा माहितीपट ‘पुणेरी’ या युट्युब चॅनेलवर नागरिकांना पाहण्यासाठी उपलब्ध करून देण्यात आला आहे.

Meri Mati Mera Desh | PMC Pune | ‘माझी माती माझा देश’ उपक्रम अंतर्गत 11 हजार वृक्षांची लागवड | महापालिका आयुक्त विक्रम कुमार

Categories
Breaking News PMC Political social पुणे

Meri Mati Mera Desh | PMC Pune | ‘माझी माती माझा देश’ उपक्रम अंतर्गत 11 हजार वृक्षांची लागवड | महापालिका आयुक्त विक्रम कुमार

| पालकमंत्री चंद्रकांतदादा पाटील यांच्या उपस्थितीत  ‘माझी माती माझा देश’ उपक्रमाची सांगता
Meri Mati Mera Desh | PMC Pune |  शहरातील ३३ हजार नागरिकांनी पंचप्रण शपथ घेतली आणि विविध प्रभागात ११ हजार वृक्षांची लागवड (Tree Plantation) करण्यात आली. अशी माहिती महापालिका आयुक्त विक्रम कुमार (IAS Vikram Kumar) यांनी दिली. तसेच त्यांनी महानगरपालिकेने (Pune Municipal Corporation) ‘माझी माती माझा देश’ उपक्रमांतर्गत आयोजित कार्यक्रमांची माहिती दिली. (Meri Mati Mera Desh | PMC Pune)
 पुणे महापालिकेच्यावतीने (PMC Pune) आयोजित ‘माझी माती माझा देश’ अभियानाची सांगता  राज्याचे उच्च व तंत्रशिक्षण मंत्री तथा पुणे जिल्ह्याचे पालकमंत्री चंद्रकांतदादा पाटील (Chandrakant Patil) यांच्या उपस्थितीत करण्यात आली. (Pune News)
पालकमंत्री श्री.पाटील यांच्या हस्ते हुतात्मा बालवीर शिरीषकुमार विद्यालय येथे शिलाफलकाचे अनावरण व स्वातंत्र्यसैनिक आणि शहीद जवानांच्या कुटुंबियांचा सन्मान करण्यात आला. कार्यक्रमाला महानगरपालिका आयुक्त विक्रम कुमार (PMC Commissioner Vikram Kumar), अतिरिक्त आयुक्त डॉ. कुणाल खेमनार (IAS Dr Kunal Khemnar), विकास ढाकणे (PMC Additional commissioner Vikas Dhakane), विशेष कार्य अधिकारी राजेंद्र मुठे (CEO Rajendra Muthe) आदी उपस्थित होते. (Pune Municipal Corporation News)
यावेळी पालकमंत्री म्हणाले, नागरिकांच्या मनात देशाविषयी गौरवाची भावना असणे आणि भारताच्या वैभवशाली इतिहासाची चांगली मांडणी करून जगासमोर आणणे गरजेचे आहे. देशाचे वैभव, इतिहास, संस्कृती आणि परंपरा नव्याने समोर आणणे आणि नागरिकांना माहीत असणे देशाच्या ऐक्यासाठी महत्वाचे आहे. त्यासाठी देशपातळीवर ‘माझी माती माझा देश’  उपक्रम राबविण्यात येत आहे. (PMC Pune News)
या उपक्रमाच्या निमित्ताने स्वातंत्र्यासाठी योगदान देणाऱ्यांचे स्मरण, स्वातंत्र्य सैनिकांच्या कुटुंबीयांचा सन्मान आणि नव्या पिढीपर्यंत स्वातंत्र्यलढ्याचा इतिहास पोहोचविणे आवश्यक आहे. ज्या ठिकाणी देशासाठी सर्वस्व अर्पण करणारी रत्ने जन्माला आली त्या मातीला वंदन करण्यासाठी आयोजित  ‘माझी माती माझा देश’ उपक्रमांतर्गत पुणे महानगरपालिकेने चांगले काम केले आहे, यासाठीचा लोकसहभागाही स्तुत्य आहे, असे त्यांनी सांगितले.
पुणे येथील एमआयटी संस्थेत शिक्षण घेणाऱ्या कारगिल युद्धात शहीद जवानांच्या मुलाला उच्च शिक्षणासाठी सहकार्य करण्यात येईल, असेही पालकमंत्री म्हणाले.
पालकमंत्र्यांच्या हस्ते शहरात ‘माझी माती माझा देश’ उपक्रमांतर्गत आयोजित कार्यक्रमांवर आधारित चित्रफितीचे अनावरण करण्यात आले. यावेळी पंचप्रण शपथ घेण्यात आली. श्री.पाटील यांच्या हस्ते स्वातंत्र्यसैनिक, वीर जवान आणि त्यांच्या कुटुंबीयांचा सत्कार करण्यात आला.
यानंतर सन २०२३-२४ मध्ये मुदतीत मिळकतकर भरणाऱ्या मिळकतधारकांना प्रोत्साहन देण्याकरिता पुणे महानगरपालिकेतर्फे आयोजित लॉटरी योजनेची सोडत पालकमंत्री चंद्रकांतदादा पाटील यांच्या हस्ते ऑनलाईन पद्धतीने काढण्यात आली.
तत्पूर्वी  छत्रपती संभाजी उद्यान येथे पालकमंत्री श्री.पाटील यांच्या हस्ते अमृत वाटिकेचे उदघाटन करण्यात आले आणि अमृत कलश पूजन करण्यात आले. हा अमृत कलश आयुक्त विक्रमकुमार यांनी पालकमंत्र्यांकडे सुपूर्द केला. अमृत वाटिकेत बकुळ, सोनचाफा, कांचन, ताम्हण, बहावा आदी ७५ रोपांची लागवड करण्यात आली. अमृत वाटिकेत पर्यावरण पूरक रोपे लावण्याचा उपक्रम स्तुत्य असल्याचे पालकमंत्री पाटील यावेळी म्हणाले.
———-
News Title | Meri Mati Mera Desh | PMC Pune | Plantation of 11 thousand trees under ‘Majhi Mati Maja Desh’ initiative Municipal Commissioner Vikram Kumar

PMC Security Guard | सुरक्षा रक्षकांच्या वेतनाबाबत महापालिका अतिरिक्त आयुक्तांनी ठरवून दिली नियमावली

Categories
Breaking News PMC पुणे

PMC Security Guard | सुरक्षा रक्षकांच्या वेतनाबाबत महापालिका अतिरिक्त आयुक्तांनी ठरवून दिली नियमावली

PMC Security Guard | पुणे महापालिकेच्या सुरक्षा विभागामार्फत (PMC Security Department) पुरविण्यात येणाऱ्या बहुउद्देशीय कामगारांचे वेतन (Salary) विहित वेळेत होत नसल्याच्या तक्रारी प्राप्त होत आहेत.  बहुउद्देशीय कामगारांची हजेरी संबंधित खात्यांकडून विहित वेळेत प्राप्त होत नसल्याने कामगारांना महिनेमहा १० तारखेच्या आंत वेतन आदा करणे अडचणी होत असल्याची बाब निदर्शनास आली आहे. त्यामुळे अतिरिक्त आयुक्त डॉ कुणाल खेमणार (IAS Dr Kunal Khemnar) यांनी नियमावली ठरवून दिली आहे. (PMC Security Guard)

अशी आहे नियमावली

१. सर्व संबंधित खात्यांकडून महिनेमहाची हजेरी २५ तारीख गृहित धरून संभाव्य हजेरी संबंधित खात्याचे पर्यवेक्षकीय अधिकारी/ विभागप्रमुख यांच्या स्वाक्षरीने देण्यात यावी. सदर हजेरी महिनेमहा महिन्याच्या ३० तारखेपर्यंत ठेकेदारास देण्याची तजवीज करावी.
२. ठेकेदाराने त्यांच्याकडील कंत्राटी कामगारांचे वेतन पुढील महिन्याच्या ५ तारखेपर्यंत आदा करण्याची
दक्षता घ्यावी.
३. संभाव्य हजेरीमध्ये कामगार गैरहजर राहिल्यास सदर गैरहजेरीचे वेतन त्याचे पुढील वेतनातून वसूल करण्याची कारवाई करण्यात करावी.
संबंधित खात्यांकडून विहित वेळेत हजेरी न मिळाल्यामुळे बहुउद्देशीय कामगारांचे वेतन करण्यामध्ये विलंब झाल्यास त्याची सर्वस्वी जबाबदारी संबंधित खातेप्रमुखांची राहील. असे अतिरिक्त आयुक्तांनी आपल्या आदेशात म्हटले आहे. (Pune Municipal Corporation News)
——
News Title | PMC Security Guard | Municipal Additional Commissioner has decided the rules regarding the salary of security guards