Tag: Diwali
BJP Celebrated Diwali With Katkari | भारतीय जनता पार्टी पुणे शहराच्या वतीने पालावरची दिवाळी
Eco Friendly Diwali | PMC Pune | दिवाळी सणाच्या निमित्ताने पुणे महापालिकेचे पुणेकरांना आवाहन!
हवा प्रदुषण:-
प्रत्येक नागरिकांनी फटाक्यांचा वापर करणे टाळावे.
ध्वनीप्रदुषण :-
मोठ्या आवाजाचे फटाके ध्वनी प्रदुषण करतात, अशा फटाक्यांचा वापर करू नये. दिवाळीत 125 डेसिबलपेक्षा जास्त आवाज करणारे फटाके उडविण्यास मनाई केली आहे. तरी. यांसारखे फटाके उडविणे टाळावे. नागरिकांनी शांतता क्षेत्र जसे की शैक्षणिक संस्था, दवाखाने न्यायालये इ.ठिकाणी फटाके उडवू नये
पर्यावरणपूरक पर्याय:-
रेडिमेड (Plaster of Paris) पासून बनवलेले किल्ले पर्यावरणास घातक ठरतात त्यांचा वापर न करता दगड मातीपासून किल्ले बनवावेत.
• रासायनिक रंग/ रांगोळी न वापरता नैसर्गिक सहित्यांसह रांगोळी आकर्षक बनवावी.
तसेच प्लास्टिकचे आकाशकंदील न वापरता पर्यावरणपूरक किंवा रिमायकल करता येणाऱ्या वस्तूंपासून बनलेले आकाशकंदील वापरुन इको फ्रेंडली सजावट करावी.
हवा प्रदूषणाचे प्रमाण जास्त झाल्याने श्वसनाचे आजार होवू शकतात यासाठी जास्त धूर उत्सर्जितकरणाऱ्या फटाक्यांचा वापर करणे टाळावे.
Pune Municipal Corporation Fort Competition | पुणे महापालिकेची किल्ले स्पर्धा आजपासून | सर्वोत्कृष्ट किल्ल्यास ७००१ चे बक्षीस
Pune Municipal Corporation Fort Competition | पुणे महानगरपालिका, उद्यान विभाग व वृक्ष प्राधिकरणाच्यावतीने (PMC Garden Department) १९९२ पासून दिपावलीच्या निमित्ताने किल्ले स्पर्धा आयोजित केल्या जातात. वाढत्या शहरीकरणामुळे, राहणीमानात झालेल्या बदलामुळे मुलांना किल्ले करण्यासाठी उपलब्ध होणारी अपुरी जागा असलेने, मुलांना जागा उपलब्ध करून आपल्याकडे असलेल्या अनमोल किल्ल्यांचा पुन्हा अभ्यास करता यावा, त्याबद्दल मुलांच्या मनात आवड निर्माण व्हावी, इतिहास भुगोलाची आवड वृध्दींगत व्हावी, शालेय विद्यार्थ्यांच्या कलागुणांना वाव देणे या उद्देशाने पुणे महानगरपालिका प्रत्येक वर्षी ही स्पर्धा आयोजित करीत आहे. यावर्षीही ९ ते १९ नोव्हेंबर या कालावधीमध्ये २९ वे किल्ले स्पर्धा व प्रदर्शन छ. ठिकाणी आयोजित करणेत आलेले असून स्पर्धेमध्ये एकूण तीन विभाग करणेत आलेले आहेत. अशी माहिती उद्यान विभागाच्या वतीने देण्यात आली. (Pune Municipal Corporation Garden Department)
उद्यान विभागाच्या माहितीनुसार किल्ले स्पर्धांसाठी मोठ्या प्रमाणात स्पर्धकांनी सहभाग घेतलेला आहे. सदरहू स्पर्धेच्या किल्ल्यांचे परिक्षण इतिहास व भूगोल तज्ज्ञ यांचे कडून करण्यात येणार आहे. किल्ले स्पर्धेतील विजेत्या स्पर्धकांना प्रत्येक विभाग व गटामध्ये प्रथम क्रमांकास ५००१/-
व द्वितीय क्रमांकास ३००१/- व तृतीय क्रमांकास २००१/- रूपयाचे पारितोषिक देणेत येणार असून, तसेच स्पर्धेतील सर्वोत्कृष्ठ किल्ल्यांस र.रु.७००१/- चे खास पारितोषिक याप्रमाणे पारितोषिक देणेत येणार आहे. स्पर्धेचे उद्घाटन दि. ०९/११/२०२३ रोजी सायंकाळी ४.०० वा. करण्यात येणार आहे.
यशस्वी स्पर्धकांचा पारितोषिक वितरण समारंभ ०९/११/२०२३ रोजी सायंकाळी ४.३० वा. संपन्न होणार आहे. या कार्यक्रमाचे उद्घाटन व बक्षिस समारंभ महापालिका आयुक्त तथा प्रशासक यांचे हस्ते होणार आहे.
तसेच मा. अति. महापालिका आयुक्त (ज), मा. अति. महापालिका आयुक्त (वि)व मा. अति. महापालिका आयुक्त (ई) पुणे महानगरपालिका उपस्थित
राहणार आहेत. तसेच या कार्यक्रमामध्ये राजीव गांधी प्राणीसंग्रहालय व वन्यजीव संशोधन केंद्राच्या संकेतस्थळाचे व ऑनलाईन तिकीट बुकींग संगणक प्रणालीचे उद्घाटन होणार आहे.
या स्पर्धेमध्ये सुवर्णदुर्ग, बिजयदुर्ग, राजगड, सिंहगड, शनिवारवाडा, प्रतापगड, शिवनेरी, लोहगड, तोरणा, अंतुरगड, सज्जनगड, सिंधुदुर्ग, कोरीगड, पारांडा, मल्हारगड, जंजीरा, पुरंदर काल्पनिक किल्ले
इ. किल्ल्यांची हुबेहुब प्रतिकृती तयार करण्यात आलेल्या आहेत. प्रदर्शनामध्ये वरील ठिकाणी महाराष्ट्रातील विविध किल्ले किल्ल्यांबाबतच्या अधिक माहितीसाठी किल्ल्यांचे नकाशे, किल्ल्यांवर व पर्यावरणावर
आधारित घोषवाक्य इत्यादी माहिती सदरचे किल्ले पहाताना नागरिकांना पहावयास मिळणार आहे.
प्रदर्शन हे ०९ नोव्हेंबर सायंकाळी ४.०० वा. नंतर ते दिनांक
१९ नोव्हेंबर या कालावधीमध्ये नागरिकांना पाहण्यासाठी विनामुल्य खुले राहणार आहे.
PMPML Employees Diwali Bonus | पीएमपी कर्मचाऱ्यांच्या दिवाळी बोनसचा प्रस्ताव पुणे महापालिका आयुक्तांच्या टेबलवर पडून!
| दिवाळी तोंडावर तरीही अजून बोनस नाही
Marathwada Janvikas Sangh | Diwali | मराठवाडा जनविकास संघातर्फे महिला, कष्टकरी, निराधार मुलांना पोशाख व मिठाई वाटप करून दिवाळी साजरी
Marathwada Janvikas Sangh | Diwali | मराठवाडा जनविकास संघाच्यावतीने समाजातील श्रमिक, कष्टकरी, कर्मचारी अशा कामगारांचा आनंद द्विगुणित करण्यासाठी ‘अगोदर कष्टकरी कामगार वर्गाची दिवाळी, नंतर पाहू आपली’ या भूमिकेतून आत्महत्याग्रस्त शेतकऱ्यांची निराधार मुले मुली, सफाई कर्मचारी, पोस्ट ऑफिसमधील कर्मचाऱ्यांना पोशाख व मिठाई, घरकाम करणाऱ्या महिलांना साडी आणि मिठाई वाटप वाटप करण्यात आली.
पिंपळे गुरव पोस्ट ऑफिसमधील कर्मचारी, महापालिकेचे सफाई कामगार, भोसरी धावडे वस्ती येथील घरकाम करणाऱ्या महिला, विकास अनाथ आश्रम मोरे वस्ती चिखली येथील अनाथ मुले, घंटागाडीवर काम करणाऱ्या पुरुष व महिला, मे बेसिक्स मुनिसिपल वेस्ट व्हेचर्स कंपनीचे कर्मचारी आदी सर्वांना साडी, कपडे व मिठाई वाटप करण्यात आली.
यावेळी मराठवाडा जनविकास संघाचे संस्थापक अध्यक्ष अरुण पवार, मानवी हक्क संरक्षण व जागृती संस्थेचे शहराध्यक्ष आण्णा जोगदंड, विकास अनाथ आश्रम संस्थेचे अध्यक्ष माऊली हरकळ, कामगार नेते बाळासाहेब साळुंके, घंटागाडी मुकादम विनोद कांबळे, बळीराम माळी, वामन भरगंडे, दत्तात्रय धोंडगे, समाजसेविका विजया नागटिळक, सूर्यकांत कुरुलकर, नितीन चिलवंत, किरण परमार, सागर मगर आदी उपस्थित होते.
याबाबत अरुण पवार यांनी सांगितले, की आपल्या माणसांसाठी वर्षातील सर्वात मोठा आनंद वाटता येणारा सण दिवाळी आहे. मराठवाडा जनविकास संघ विविध घटकांना सोबत घेऊन नेहमीच दिशादर्शक आणि सामाजिक उपक्रम मोठ्या प्रमाणात राबवत आहे. प्रथम कष्टकऱ्यांची दिवाळी साजरी झाली पाहिजे, या भावनेतून या उपक्रमाचे दरवर्षी आयोजन करण्यात येते.
TMV Pune | लोकमान्य टिळक प्रतिष्ठान आणि ‘टिमवि’तर्फे ‘स्वस्त दिवाळी, मस्त दिवाळी’
TMV Pune | पुणे : सर्वसामान्यांची दिवाळी गोड व्हावी यासाठी लोकमान्य टिळक प्रतिष्ठान (Lokmanya Tilak pratishtan) आणि टिळक महाराष्ट्र विद्यापीठ (Tilak Maharashtra Vidyapeeth) यांच्या संयुक्त विद्यमाने ‘स्वस्त दिवाळी, मस्त दिवाळी’ या उपक्रमाचे आयोजन करण्यात आले आहे. गुरुवार दि. २ नोव्हेंबर ते रविवार दि. ५ नोव्हेंबर या कालावधीत बाजीराव रस्त्यावरील नातू बाग मैदानावर हा उपक्रम होत आहे.
लोकमान्य टिळक प्रतिष्ठानचे अध्यक्ष आणि टिळक महाराष्ट्र विद्यापीठ ट्रस्टचे उपाध्यक्ष डॉ. रोहित टिळक (Dr Rohit Tilak) यांनी आज पत्रकार परिषदेत ही माहिती दिली.
जिल्हाधिकारी श्री. राजेश देशमुखपोलिस आयुक्त श्री. रितेश कुमारटिळक महाराष्ट्र विद्यापीठाचे कुलपती डॉ. दीपक टिळक यांच्या उपस्थितीत उद्घाटन सोहळा होणार आहे.
सर्वसामान्य नागरिकांना दिवाळीच्या फराळापासूनदिवाळी साजरी करण्यासाठी आवश्यक असलेल्या सर्व वस्तू, साहित्य एकाच छताखाली आणि ते देखील स्वस्त किंमतीत उपलब्ध व्हावे, हा ‘स्वस्त दिवाळी, मस्त दिवाळी’ उपक्रमाचा उद्देश आहे, असे सांगून डॉ. टिळक म्हणाले, कोरोनाच्या संकटामुळे सामान्य नागरिकांना मोठा फटका बसला. त्यातून हळूहळू प्रत्येक जण सावरला. मात्र, वाढत्या महागाईमुळे नागरिक मेटाकुटीला आले आहेत. अशावेळी त्यांचा सण गोड व्हावा, दर्जेदार फराळ आणि दिवाळीसाठी गरजेच्या वस्तू कमी किमतीत त्यांना मिळाव्यात याकरता लोकमान्य टिळक प्रतिष्ठान आणि टिळक महाराष्ट्र विद्यापीठ यांनी पुढाकार घेतला आहे.
नातू बाग मैदानावर ‘स्वस्त दिवाळी, मस्त दिवाळी’ मध्ये चाळीस स्टॉल्स असतील. स्टॉलधारकांकडून कोणतेही शुल्क आकारले जाणार नाही, सर्व स्टॉल्स मोफत उपलब्ध करून देण्यात येत असून हा सर्व खर्च लोकमान्य टिळक प्रतिष्ठान आणि टिळक महाराष्ट्र विद्यापीठ उचलणार आहे. दर्जा, गुणवत्ता यामध्ये कोणतीही तडजोड होऊ न देता सर्व स्टॉलधारकांनी नागरिकांना बाजारभावापेक्षा किफायतशीर दरात दिवाळीच्या साहित्याची विक्री करावी, एवढी एक अट आहे. अनेक नामांकित ब्रँडससह व्यावसायिक, व्यापारी ‘स्वस्त दिवाळी, मस्त दिवाळी’ उपक्रमात सहभागी होत आहेत. बाजारभावापेक्षा अतिशय कमी किंमतीत त्यांच्याकडून दर्जेदार साहित्याची विक्री केली जाईल. लोकमान्य टिळक प्रतिष्ठानदेखील स्वतंत्र स्टॉल उभारणार असून स्टॉलवर अवघ्या १०० रुपयांमध्ये तीन किलो साखर दिली जाईल. सुमारे २५ हजार नागरिकांना सुविधेचा लाभ होईल. त्याचबरोबर या स्टॉलवर तेल, डाळी आणि मोती साबण स्वस्त दरात नागरिकांना मिळेल.
पहिल्या दिवशी, दि. २ नोव्हेंबर रोजी ‘स्वस्त दिवाळी, मस्त दिवाळी’ उपक्रमाची वेळ सायंकाळी पाच ते रात्री दहा आणि दुसऱ्या दिवसापासून सकाळी आठ ते रात्री दहा, अशी राहणार आहे, अशी माहिती देऊन डॉ. टिळक यांनी सांगितले की, या कालावधीत नातू बाग मैदानावर विविध सांस्कृतिक कार्यक्रमांची रेलचेल राहिल. यामध्ये पहिल्या दिवशी सायंकाळी ६ वाजता ‘महाराष्ट्राची लोकधारा’ हा लोकप्रिय कार्यक्रम सादर होईल. शनिवार दि. ४ नोव्हेंबर रोजी संदीप पाटील ‘खेळ पैठणीचा’ हा खास कार्यक्रम महिलांसाठी सादर करणार आहे. या शिवाय मनोरंजनाचे कार्यक्रम, तसेच पाककला, मेहंदी, टॅटू, ज्यूट बॅग पेंटिंग, फ्लॅश मॉब, ड्रम सर्कल असे भरगच कार्यक्रम होणार आहेत. दररोज ६ लकी ड्रॉ काढले जाणार असून विजेत्यांना रोख रकमेची पारितोषिके दिली जातील. याचबरोबर, नातू बाग मैदानावर रायगड किल्ल्याची भव्य प्रतिकृती साकारण्यात येत असून ती बालगोपाळांसाठी आकर्षण ठरेल. ‘स्वस्त दिवाळी, मस्त दिवाळी’ उपक्रमाचा सुमारे दोन लाख नागरिकांना फायदा होईल, अशी अपेक्षा आहे.
नागरिकांना प्रत्येक सण आनंदात साजरा करता यावा यासाठी अनेक घटक सणांच्या दिवशीही कार्यरत असतात. त्यामध्ये अग्नीशामक दलाचे जवान, पोलिस कर्मचारी, वाहतूक पोलिस, विद्युत मंडळाचे कर्मचारी, परिचारिका, लष्करी जवान यांसह अनेकांचा समावेश असतो. त्यांच्याप्रती कृतज्ञता व्यक्त करण्यासाठी ‘स्वस्त दिवाळी, मस्त दिवाळी’ उपक्रमाच्या उद्घाटन सोहळ्यात काही प्रातिनिधिक सत्कार केले जाणार आहेत, असे डॉ. टिळक यांनी नमूद केले.